ព័ត៌មានជាតិ
វត្ត «ដំបូកខ្ពស់» ត្រូវបានបិទខ្ទប់១៤ថ្ងៃ បន្ទាប់ពីរកឃើញ មានព្រះសង្ឃ និងតាអាចារ្យឆ្លងកូវីដ
វត្ត «ដំបូកខ្ពស់» ដែលមានទីតាំង ស្ថិតក្នុងសង្កាត់បឹងទំពន់២ ខណ្ឌមានជ័យ រាជធានីភ្នំពេញ ត្រូវបានអាជ្ញាធរសម្រេចបិទខ្ទប់ បន្ទាប់ពីរកឃើញព្រះសង្ឃ និងតាអាចារ្យមានវីជ្ជមានកូវីដ-១៩។
តាមប្រភពពីលោក លុក ជ័យ ចៅសង្កាត់បឹងទំពន់២ បានឲ្យដឹងថា វត្តដំបូកខ្ពស់ ត្រូវបានបិទខ្ទប់ បន្ទាប់ពីរកឃើញព្រះសង្ឃ៣អង្គ និងតាអាចារ្យម្នាក់មានវីជ្ជមានកូវីដ-១៩។ លោកថា ការរកឃើញនេះ គឺបន្ទាប់ពីគ្រូពេទ្យស្ម័គ្រចិត្តសម្តេចតេជោ បានចុះមកយកសំណាក នៅក្នុងបរិវេណវត្ត កាលពីរសៀលថ្ងៃទី២៤ ខែកក្កដា ក្នុងចំណោមព្រះសង្ឃជាង៥០អង្គ និងតាអាចារ្យ យាយជីចំនួន៣៩នាក់។
តាមប្រភពផ្សេងទៀត បានឲ្យដឹងដែរថា ការឆ្លងរាលដាលជំងឺកូវីដ-១៩ មកលើព្រះសង្ឃខាងលើនេះ គឺបន្ទាប់ពីពេលថ្មីៗនេះ មានជនអនាថាម្នាក់ ភេទប្រុសបានស្លាប់នៅក្នុងវត្ត ហើយក៏ព្រះសង្ឃក៏បានទៅរៀបចំ សូត្រមន្តឲ្យសព។ ខណៈនោះដែរ ក្រុមគ្រូពេទ្យ ក៏បានមកយកសំណាករបស់សព ស្រាប់តែឃើញមានវិជ្ជមានកូវីដ-១៩ ទើបបន្តយកសំណាក ដល់ព្រះសង្ឃ និងតាអាចារ្យ ព្រមទាំងយាយជីក្នុងវត្ត។
ជាលទ្ធផល ទើបរកឃើញព្រះសង្ឃ៣អង្គ បានឆ្លងកូវីដ និងតាអាចារ្យម្នាក់ផងដែរ។ ប្រភពពីអាជ្ញាធរ បានបញ្ជាក់ទៀតថា វត្តដំបូកខ្ពស់ ត្រូវបានបិទខ្ទប់ចំនួន១៤ថ្ងៃ គិតចាប់ពីថ្ងៃទី២៥ ខែកក្កដា ឆ្នាំ២០២១នេះតទៅ៕ (ដោយ)៖ នរា
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)