កីឡា

អ្នកប្រដាល់វ័យក្មេងរបស់កម្ពុជា គោរមៈ ច័ន្ទរាជ្យ មានឱកាសជាថ្មីប្រកួតដណ្ដើមខ្សែក្រវាត់នៅវៀតណាម

បានផុស

២ ថ្ងៃ មុន

នៅ

ថ្ងៃពុធ ១២ វិច្ឆិកា ២០២៥

ដោយ

តារាឆ្នើមទាំងគុនខ្មែរ និងគុនចម្រុះ គោរមៈ ច័ន្ទរាជ្យ មានឱកាសជាថ្មីទៀតហើយក្នុងប្រកួតដណ្ដើមខ្សែក្រវាត់ក្នុងកម្មវិធី GMA របស់ប្រទេសវៀតណាម នៅថ្ងៃទី២៧ ខែធ្នូ ឆ្នាំ២០២៥ ដោយប៉ះកីឡាករម្ចាស់ផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្មវិធីប្រកួតថ្ងៃទី២៧ ធ្នូ ២០២៥

នេះបើតាមការបង្ហោះផ្សព្វផ្សាយនៅលើហ្វេសបុកផេកផ្លូវការរបស់សង្វៀន GMA (God Of Martial Arts) ដែលជាកម្មវិធីប្រដាល់គុនចម្រុះធំមួយរបស់ប្រទេសវៀតណាមបានបញ្ជាក់ពីការប្រកួតដណ្ដើមខ្សែក្រវាត់របស់ គោរមៈ ច័ន្ទរាជ្យ ដែលនឹងត្រូវប៉ះកីឡាករម្ចាស់ផ្ទះ។

តារាឆ្នើមរបស់កម្ពុជាខាងលើនឹងត្រូវប៉ះកីឡាករវៀតណាមឈ្មោះ SCHOOL BOOI លើប្រភេទទម្ងន់ ៥៧គីឡូក្រាមនៅថ្ងៃទី២៧ ខែធ្នូ ឆ្នាំ២០២៥។ នេះជាការប្រកួតដណ្ដើមខ្សែក្រវាត់ដ៏ធំចុងក្រោយប្រចាំឆ្នាំ២០២៥ នេះ។

គោរមៈ ច័ន្ទរាជ្យ

លោក ហ៊ុន ច័ន្ទរាជ្យ ធ្លាប់លើកឡើងថាការប្រកួតនៅខែធ្នូចុងឆ្នាំនេះគឺជាព្រឹត្តិការណ៍ប្រកួតដ៏ធំមួយព្រោះសុទ្ធតែជាជើងខ្លាំង និងជាកីឡាករដែលភាគច្រើនឈ្នះខ្សែក្រវាត់ GMA រួចមកហើយ។ រង់ចាំមើលថាកីឡាករកម្ពុជា គោរមៈ ច័ន្ទរាជ្យ នៅតែបន្តធ្វើបានល្អ ឬអាចដណ្ដើមខ្សែក្រវាត់ GMA មួយខ្សែទៀតជូនប្រជានជនកម្ពុជាបានទៀតទេ។

គោរមៈ ច័ន្ទរាជ្យ កាលឈ្នះខ្សែក្រវាត់ GMA

បញ្ជាក់ដែរថា កីឡាករ គោរមៈ ច័ន្ទរាជ្យ កាលពីថ្ងៃទី២ ខែសីហា ឆ្នាំ២០២៥ រូបគេយកឈ្នះលើកីឡាករម៉ាឡេស៊ី ឈ្មោះ Tan bo Meng ក្នុងទឹកទី២ ទទួលបានខ្សែក្រវាត់១គ្រឿង។ អ្នកលេងគុនខ្មែររូបនេះមានភាពល្បីល្បាញមានអ្នកស្គាល់ និងគាំទ្រច្រើននៅលើសង្វៀន GMA ឯប្រទេសវៀតណាម។ ក្រៅតែពី គោរមៈ ច័ន្ទរាជ្យ មានកីឡាករ រិន សារ័ត្ន ប្រកួតដណ្ដើមខ្សែក្រវាត់ម្នាក់ទៀតដែរចំណែកកីឡាករ អធិជ័យ ច័ន្ទរាជ្យ ក៏ធ្វើការប្រកួតមិត្តភាពជាបរទេសក្នុងកម្មវិធីជាមួយគ្នានោះដែរ៕