កីឡា
គ្រូជម្រើសជាតិហ្វូតសាលកម្ពុជាថា ជារឿងល្អដែលពានបាល់ទាត់ក្នុងសាល មានការប្រកួតច្រើនដំណាក់កាល
ពានរង្វាន់បាល់ទាត់ក្នុងសាលកម្ពុជា ឆ្នាំ ២០២១ បានបញ្ចប់ការប្រកួតដំណាក់កាលទី ១ ជាផ្លូវការហើយ កាលពីចុងសប្ដាហ៍កន្លងទៅ ខណៈការប្រកួតដំណាក់កាលទី ២ ក៏ជិតចាប់ផ្ដើមដូចគ្នា។
ការប្រកួតក្នុងដំណាក់កាលទី ១ ដែលបានចាប់ផ្ដើមពីថ្ងៃទី ១២ ខែមីនា មានក្រុមចំនួន ២៥ ចូលរួម ហើយត្រូវបានបែងចែកចេញជា ៥ ពូល ក្នុងនោះពូលនីមួយៗមានក្រុមចំនួន ៤ ដែលត្រូវប្រកួតប្រជែងគ្នា ហើយជាលទ្ធផលរកឃើញក្រុម ៦ ឡើងទៅប្រកួតដំណាក់កាលទី ២។
ក្រុមទាំង ៦ ដែលបានឡើងទៅដំណាក់កាលទី ២ មានលេខ ១ មកពីពូលទាំង ៥ រួមមាន ឪម៉ាល់អែហ្វស៊ី (Ov Mal FC), ប៊ីអែហ្វ៊សី (Bees FC), យាំងហ្គានអែហ្វធី (Young Gun FT), ឌឺប្លូរវើរីស (The Blue Warriors FC), ខ្មែរនគរ (Khmer Nokor FC) ខណៈមានក្រុមលេខ ២ មួយក្រុមគឺ ធៃជីអែហ្វធី (Tai Chi FT)។ ក្រុមទាំង ៦ នេះត្រូវប្រកួតវិលជុំសន្សំពិន្ទុ តែមួយជុំ ដើម្បីយកក្រុមលេខ ១ ដល់លេខ ៤ ប្រកួតខ្វែងទៀតដែលជាដំណាក់កាលទី ៣ ឬហៅថាដំណាក់កាលចុងក្រោយ។
ជាមួយនឹងការប្រកួតច្រើនបែបនេះ លោក ចេត ច័ន្ទរចនា គ្រូបង្វឹកនៃក្រុមជម្រើសជាតិហ្វូតសាលកម្ពុជា បានលើកឡើងថាជាការល្អ ដើម្បីឱ្យកីឡាករមានការប្រកួតច្រើន ជាពិសេសបង្កើនសមត្ថភាព។ «ជាធម្មតាការប្រកួតកាន់តែច្រើន ធ្វើឲ្យកីឡាករគាត់អាចនឹងមានអាទិភាព ឬមួយក៏គាត់អាចនឹងអភិវឌ្ឍន៍ខ្លួនឯងកាន់តែច្រើន ការប្រកួតកាន់តែច្រើនហើយជាមួយនឹងកម្រិតកាន់តែខ្លាំងៗជាមួយគ្នា ធ្វើឱ្យគាត់កាន់តែរីកចម្រើន ចឹងផលល្អគឺទាក់ទងទៅនឹងបច្ចេកទេសលើសាមីខ្លួនទាំងអស់គ្នា។» សម្ដីរបស់ លោក ចេត ច័ន្ទរចនា។
សូមបញ្ជាក់ថា ក្រុមជើងឯក ពានរង្វាន់បាល់ទាត់ក្នុងសាលកម្ពុជា ឆ្នាំ ២០២១ (ដែលលើកមកលេងក្នុងឆ្នាំ២០២២) នេះ នឹងតំណាងកម្ពុជា ចូលរួមប្រកួតពានរង្វាន់ក្លិបបាល់ទាត់ហ្វូតសាលអាស៊ីអាគ្នេយ៍ (AFF Futsal Club Championship 2022) ដែកគ្រោងធ្វើនៅប្រទេសថៃ ពីថ្ងៃទី ២២-២៨ ខែសីហា ឆ្នាំ ២០២២ ខាងមុខផងដែរ។
រំឮកថា ក្រុមជម្រើសជាតិបាល់ទាត់ក្នុងសាលកម្ពុជា ទើបតែបញ្ចប់ការប្រកួតជើងឯកបាល់ទាត់អាស៊ីអាគ្នេយ៍ (AFF Futsal Championship 2022) នៅប្រទេសថៃ កាលពីពេលថ្មីៗនេះដូចគ្នាផងដែរ ដោយទទួលបានលទ្ធផលពុំសូវល្អ ក្រោយប្រកួត ៣ ដង ស្មើ ១ និងចាញ់ ២ ដង ឈរនៅលេខ ៣ ក្នុងតារាងពូល A ជាមួយថៃ, ឥណ្ឌូនេស៊ី និងប្រុយណេ៕
អត្ថបទ៖ មន្នីរ័ត្ន
-
ព័ត៌មានជាតិ៤ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៤ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានអន្ដរជាតិ៥ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
ព័ត៌មានជាតិ៤ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ១ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច១ សប្តាហ៍ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម៣ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៦ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស