កីឡា
Ronaldo ត្រៀមពិភាក្សាជាមួយ Man Utd ជុំវិញអនាគត
Cristiano Ronaldo គ្រោងនឹងជួបពិភាក្សាជាមួយក្លិប Manchester United នៅសប្តាហ៍នេះ ខណៈដែលរូបគេស្វះស្វែងក្នុងការបំភ្លឺអំពីអនាគតរបស់ខ្លួន ចំពេលមានការសង្ស័យថាតើនឹងបន្តនៅ ឬចាកចេញពី Old Trafford នៅរដូវកាលនេះ។
កីឡាករវ័យ ៣៧ ឆ្នាំរូបនេះ បានធ្វើដំណើរត្រឡប់ទៅកាន់ចក្រភពអង់គ្លេសវិញ កាលពីល្ងាចថ្ងៃចន្ទ បន្ទាប់ពីខកខានការធ្វើដំណើរប្រកួតមុនបើករដូវកាលជាមួយ Man United ទៅប្រទេសថៃ និងអូស្ត្រាលី ដោយសារបញ្ហាគ្រួសារ ហើយអ្នកចាត់ការទូទៅថ្មី លោក Erik ten Hag រំពឹងថានឹងជួបជាមួយគេនៅថ្ងៃខាងមុខ។
លោក Ten Hag មានបំណងចង់បញ្ចូល Ronaldo ទៅក្នុងផែនការរបស់ខ្លួន ឱ្យបានឆាប់តាមដែលអាចធ្វើទៅបាន ទោះបីជាវាត្រូវបានគេយល់ថាភ្នាក់ងាររបស់ Ronaldo បានព្យាយាមស្វែងរកក្លិបថ្មី បន្ទាប់ពីគេបានបញ្ជាក់យ៉ាងច្បាស់ថា ចង់លេងនៅក្របខ័ណ្ឌ UEFA Champions League នៅរដូវកាលនេះក៏ដោយ។
អ្នកចាត់ការសញ្ជាតិហូឡង់ Erik ten Hag នៅតែប្រកាន់ខ្ជាប់ជានិច្ចនៅពេលប្រឈមមុខនឹងសំណួរអំពីអនាគតរបស់វីរបុរសក្លិប ហើយបានលើកឡើងថា Ronaldo នឹងនៅតែជាកីឡាកររបស់ United យ៉ាងហោចណាស់មួយរដូវកាលទៀត។
កីឡាករឈ្នះ Ballon d’Or ៥ សម័យរូបនេះ នៅសល់រយៈពេល ១២ ខែទៀត លើកិច្ចព្រមព្រៀងដែលបានចុះហត្ថលេខាកាលពីរដូវកាលមុន បន្ទាប់ពីការមកដល់របស់គេពី Juventus ប៉ុន្តែមានជម្រើសសម្រាប់បន្តមួយឆ្នាំទៀត។
ស្នាក់នៅបន្ត ឬចាកចេញវានៅតែមិនទាន់ច្បាស់ ប៉ុន្តែលីគកំពូលអង់គ្លេស ជិតចាប់ផ្ដើមហើយ ដោយនៅសល់ប្រហែល ២ សប្ដាហ៍ទៀតប៉ុណ្ណោះ។ លោក Ten Hag បាននិយាយចុងក្រោយថា លោកមិនមានការព្រួយបារម្ភអំពី Ronaldo ក្នុងការត្រៀមខ្លួនសម្រាប់ការប្រកួតជាមួយនឹងពេលវេលាតិចជាងពីរសប្តាហ៍ មុនពេល Brighton មកលេងនៅទឹកដីរបស់ខ្លួន Old Trafford នៅថ្ងៃប្រកួតបើកឆាក Premier League ថ្ងៃទី ០៧ ខែសីហា ខាងមុខនោះទេ៕
អត្ថបទ៖ មន្នីរ័ត្ន
-
ព័ត៌មានអន្ដរជាតិ៦ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៥ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានជាតិ៦ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
KPT+៥ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ចរាចរណ៍១ សប្តាហ៍ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ៤ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ៤ ថ្ងៃ ago
តំបន់មួយរបស់កាណាដា ប្រកាសអាសន្ន មុនបាតុភូតសូរ្យគ្រាស មហាកម្រ
-
ព័ត៌មានជាតិ២១ ម៉ោង ago
សម្ពាធទាបគ្របដណ្ដប់មកលើ ឈូងសមុទ្រកម្ពុជា នឹងធ្វើឱ្យមានភ្លៀងធ្លាក់ និងផ្គរ រន្ទះ