ការលរសៀលថ្ងៃទី៦ ខែឧសភា ឆ្នាំ២០២៣ ក្នុងឱកាសនៃការប្រកួតកីឡាស៉ីហ្គេមលើកទៅ៣២ នៅប្រទេសកម្ពុជា ក្នុងនោះកីឡាទ្រីយ៉ាត្លុង លើវិញ្ញាសាប្រកួតអាគ័រត្លុងបណ្តាក់ (Aquathlon Mixed Relay) ឆ្នេរកែប ផ្លូវផ្សារក្តាម ស្ថិតក្នុងភូមិកែប សង្កាត់កែប ក្រុងកែប ខេត្តកែប។

ក្នុងការប្រកួតនេះ កីឡាករហ្វីលីពីនយកបានមេដាយមាសបាន៤គ្រឿង និងមេដាយប្រាក់បានទៅលើឥណ្ឌូណេស៊ី និងមេដាយសំរឹទ្ធ បានទៅលើវៀតណាម។

លោក ងិន សុខបញ្ញា អគ្គលេខាធិការសហព័ន្ធកីឡាទ្រីយ៉ាងត្លុងកម្ពុជា បានបញ្ជាក់ប្រាប់ឱ្យដឹងថា នៅរសៀលថ្ងៃទី៦ ម្សិលមិញនេះថា ក្នុងព្រឹត្តិការណ៍ប្រកួតទ្រីយ៉ាត្លុងខាងលើ គឺហ្វីលីពីនបានជាប់ចំណាត់ថ្នាក់លេខ១ និងឥណ្ឌូនេស៊ី បានជាប់ចំណាត់ថ្នាក់លេខ២ និងវៀតណាម បានជាប់ចំណាត់ថ្នាក់លេខ៣។

លោក ងិន សុខបញ្ញា បានបញ្ជាក់ថា វិញ្ញាសាប្រកួតនេះ គឺមានផលវិបាកសម្រាប់អត្តពលិកកម្ពុជាយើង ពីព្រោះកម្រិតសមត្ថភាពនៅមានកម្រិត។ ប៉ុន្តែទោះជាយ៉ាងណាក៏ដោយ ក៏អត្តពលិកកម្ពុជាយើង នឹងខិតខំប្រឹងប្រែងឲ្យអស់ពីសមត្ថភាពរបស់ខ្លួន ពាក់ព័ន្ធវិញ្ញាសានៅថ្ងៃខាងមុខបន្តទៀត ដើម្បីយកស្នាដៃជូនជាតិមាតុភូមិ៕

អត្ថបទ៖ សឹង រ៉ាត់