កីឡា
សហព័ន្ធកីឡាវ៉ូវីណាម ផលិតធនធានមនុស្សគ្រប់គ្រាន់នឹងក្លាយជាចៅក្រម អាជ្ញាកណ្តាលបន្តវេន
ភ្នំពេញ ៖ ថ្នាក់ដឹកនាំអគ្គនាយកដ្ឋានកីឡា បានកោតសរសើរនិងវាយតម្លៃខ្ពស់ ចំពោះសហព័ន្ធរ៉ូវីណាមកម្ពុជា ដែលបានផលិតនូវធនធានមនុស្សប្រកបដោយគុណវុឌ្ឍ គ្រប់គ្រាន់នឹងក្លាយនាពេលអនាគត ទៅជាចៅក្រមនិងអាជ្ញាកណ្តាលបន្តវេនដ៏ឆ្នើម ក្នុងវិស័យកីឡាវ៉ូវីណាមរបស់ប្រទេសកម្ពុជា។
លោក ម៉ិល កាដូ អគ្គនាយករងតំណាងលោក អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡានៃក្រសួងអប់រំ យុវជន និងកីឡា បានលើកឡើងបែបនេះ ក្នុងពេលអញ្ជើញចូលរួមពិធីបិទវគ្គបណ្តុះបណ្តាលចៅក្រម អាជ្ញាកណ្តាលកម្រិត “ ក ” កីឡាវ៉ូវីណាមប្រចាំឆ្នាំ ២០២០នៅទីលានហ្វឹកហាត់សហព័ន្ធក្នុងមជ្ឈមណ្ឌលជាតិហ្វឹកហ្វឺនកីឡា ក្រោមការគាំទ្រថវិការបស់ក្រសួងអប់រំ យុវជន និង កីឡា។
លោកអគ្គនាយករង បានមានប្រសាសន៍កោតសរសើរនិងវាយតម្លៃខ្ពស់ ចំពោះសហព័ន្ធរ៉ូវីណាមកម្ពុជា ដែលបានផលិតនូវធនធានមនុស្សប្រកបដោយគុណវុឌ្ឍ គ្រប់គ្រាន់នឹងក្លាយនាពេលអនាគតទៅជាចៅក្រមនិងអាជ្ញាកណ្តាលបន្តវេនដ៏ឆ្នើម ក្នុងវិស័យកីឡាវ៉ូវីណាមរបស់ប្រទេសកម្ពុជា ដើម្បីចូលរួមចំណែកអភិវឌ្ឍន៍វិស័យកីឡាវ៉ូវីណាមកម្ពុជា ឲ្យកាន់តែរីកចម្រើនប្រកបដោយសក្តានុពលថែមទៀត។
លោក ស៊ូម សារឿន ប្រធានសហព័ន្ធកីឡាវ៉ូវីណាមកម្ពុជា បានបញ្ជាក់ថា ការបណ្តុះបណ្តាលចៅក្រម និងអាជ្ញាកណ្តាលកីឡាវ៉ូវីណាមនៅក្នុងឆ្នាំនេះ ផ្តោតជាសំខាន់ទៅលើច្បាប់ និងបែបបទនៃការប្រកួត ការដាក់ពិន័យនិងការព្រមាន បច្ចេកទេសនៃការដាក់ពិន្ទុឲ្យកីឡាករ-កីឡាការិនី ការអនុវត្តជាក់ស្តែងលើទីលាន និង បទបញ្ញត្តិទូទៅនៃកីឡា។
តែយ៉ាងណា សិក្ខាកាមរបស់យើងនៅមានសមត្ថភាពខ្វះខាតច្រើន ចាំបាច់ណាស់ត្រូវតែពង្រឹងបន្ថែមទៀត ក្នុងន័យដើម្បីធ្វើឲ្យសិក្ខាកាមរបស់យើងក្លាយទៅជាចៅក្រម និងអាជ្ញាកណ្តាលប្រកបដោយគុណវុឌ្ឈ និងថាមពលទាំងក្នុងក្របខណ្ឌការប្រកួតថ្នាក់ជាតិ តំបន់ និងអន្តរជាតិនាពេលអនាគត ។ លោកបន្តទៀតថា ហេតុដូចនេះសហព័ន្ធវវីណាមកម្ពុជា នៅមានកិច្ចការជាច្រើនទៀត ត្រូវបំពេញនៅក្នុងឆ្នាំ២០២១នេះ គឺបន្តបើកវគ្គបណ្តុះបណ្តាល ចៅក្រម និងអាជ្ញាកណ្តាល ឲ្យបានច្រើនបន្ថែមទៀត ដើម្បីពង្រឹងនិងជំរុញអភិវឌ្ឍន៍សមត្ថភាពធនធានរបស់ពួកគេ ឲ្យមានការរីកចម្រើន។
លោក អ៊ូ រតនា អគ្គលេខាធិការសហព័ន្ធ បានប្រាប់ឲ្យដឹងថា ក្រោមការផ្តល់ថវិកាគាំទ្ររបស់ក្រសួងអប់រំយុវជន និងកីឡា សហព័ន្ធបានរៀបចំវគ្គបណ្តុះបណ្តាលចៅក្រម អាជ្ញាកណ្តាល កម្រិត “ ក ” កីឡាវ៉ូវីណាមប្រចាំឆ្នាំ២០២០ ចាប់ពីថ្ងៃទី២១ ដល់ថ្ងៃទី២៦ ខែមករា ឆ្នាំ២០២១ មានសិក្ខាកាមចូលរួមចំនួន២៨ រូប ស្ត្រី០៥រូប អញ្ជើញមកពីខេត្ត ស្វាយរៀង កណ្តាល កំពង់ចាម ប៉ៃលិន ព្រៃវែង កំពង់ធំ កំពត ត្បូងឃ្មុំ ខេត្តសៀមរាប ក្លិប៦នៅក្នុងរាធានីភ្នំពេញ និង ក្រសួង២ ។ ឆ្លងតាមរយៈការសិក្សា៦ថ្ងៃមកនោះ សិក្ខាកាមមានការសិក្សាដោយយកចិត្តទុកដាក់រៀនសូត្រទទួលបានលទ្ធផលនិទ្ទេសល្អ ៥០% និទ្ទេសមធ្យម ៣០% និងនិទ្ទេសខ្សោយ ២០%៕
ដោយ ៖ វិសិទ្ធ
ឯកឧត្ដម ហ៊ុន ម៉ានី៖ ហួសចិត្តដែលលោក មាស រិទ្ធី ស្រង់សម្ដីទៅផ្សាយព័ត៌មានខុសពីការពិត
អ្នកឧកញ៉ា គួច ម៉េងលី លែងជាសមាជិកក្រុមប្រឹក្សាភិបាលនៃCIC Plc តាំងពីខែវិច្ឆិកា ឆ្នាំ២០១៨ មកម៉្លេះ
ត្រឹម ២ពាន់រៀល! ទេសចរជាតិ អាចចូលទស្សនាស្វែងយល់ នៅសារមន្ទីរធម្មជាតិសកល ទឹកដីខេត្តព្រះវិហារ
កម្ពុជា-ឡាវ ប្តេជ្ញារួមគ្នាបន្តពង្រឹង និងពង្រីកទំនាក់ទំនង និងកិច្ចសហប្រតិបតិ្តការឱ្យកាន់តែរឹងមាំ និងស៊ីជម្រៅថែមទៀត
ក្រសួងអភិវឌ្ឍន៍ជនបទ ចេញសេចក្តីជូនដំណឹង ស្តីពីការអញ្ជើញចូលរួមពិគ្រោះថ្លៃ និងដេញថ្លៃដោយប្រកួតប្រជែងជាសាធារណៈសម្រាប់ឆ្នាំ២០២៤ ជូនមន្ទីរអភិវឌ្ឍន៍ជនបទខេត្តព្រះសីហនុ
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ២ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៦ ម៉ោង agoបឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ