Connect with us

កីឡា

ធឿន ធារ៉ា ស័ក្តិសមជា«ស្តេចប្រដាល់» ក្រោយមានឈ្មោះក្នុង​ Forbes?

បានផុស

នៅ

ការ​មាន​ឈ្មោះ​នៅ​ក្នុង​​បញ្ជី​ទស្សនាវដ្តី«Forbes»​គឺ​ជា​ផល​ចំណេញ​ច្រើន​បំផុត​សម្រាប់​កីឡា​ប្រដាល់​គុន​ខ្មែរ ខណៈ​​កីឡាករ​ ធឿន ធារ៉ា បាន​ក្លាយ​ជា​អត្តពលិក​ខ្មែរ​ដំបូង​គេ​បង្អស់​​ត្រូវ​បាន​ជាប់​ឈ្មោះ​ក្នុង​ស្ថាប័ន​ផ្សព្វផ្សាយ​ដ៏​ល្បី​ទូទាំង​ពិភព​លោក​មួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទស្សនាវដ្តី​សហរដ្ឋ​អាមេរិក​ដ៏​ល្បី Forbes បាន​ចាត់ ធឿន ធារ៉ា ចូល​ក្នុង​បញ្ជី «30 Under 30 Asia Class of 2024»​​ ប្រចាំ​តំបន់​អាស៊ី​ដែល​ផ្តោត​លើ​​សហគ្រិនជោគជ័យ បុគ្គលមានឥទ្ធិពល និង​បុគ្គល​មាន​វឌ្ឍភាព​ក្នុង​អាជីព​ឈាន​ដល់​កម្រិត​កំពូល​​ចំនួន​៣០​រូប​ដែល​មាន​អាយុ​ក្រោម​៣០​ឆ្នាំ។

ប្រព័ន្ធ​ផ្សព្វផ្សាយដ៏​ល្បី​នេះ​បាន​សរសេរ​ខ្លី​ពី​ថា ៖«ទោះ​បី​ជា​គុន​ខ្មែរមិន​សូវ​មាន​កេរ្តិ៍​ឈ្មោះ​ល្បី​ល្បាញ​ដូច​កីឡា​មួយ​ថៃ ប៉ុន្តែ ធឿន ធារ៉ា កំពុង​ធ្វើ​ឲ្យ​ពិភព​លោក​ទទួល​ស្គាល់ ​និង​បាន​ឈ្នះ​ខ្សែ​ក្រវាត់​លំដាប់​កំពូល​ៗ​នៅ​​ប្រទេសទាំង​ពីរ។ ចាប់​តាំង​ពី​រូប​គេ​អាយុ​១០​ឆ្នាំ ធារ៉ា បាន​​ធ្វើ​ការ​រក​​លុយ​ជួយ​ផ្គត់​ផ្គង់​គ្រួសារ​ទាំង​នៅ​កម្ពុជា និង​ជា​ពល​ករ​​អន្តោប្រវេសន៍​នៅ​ថៃ រហូត​ដល់​ពេល​រូប​គេ​​បាន​ចូល​ហ្វឹក​ហាត់​ក្នុង​ក្លិប​ប្រដាល់​គុន​ខ្មែរ​មួយ​នៅ​ទី​ក្រុង​ភ្នំពេញ​នៅ​ពេល​អាយុ​១៥​ឆ្នាំ។ ​ឆ្នាំ​២០១៨ គាត់​បាន​ប្រកួត​ក្នុង​ក្រុម​ជម្រើស​ជាតិ​គុន​ខ្មែរ និង​ខែ​មករា ឆ្នាំ​២០២៣ ធឿន ធារ៉ា ​បាន​ផ្តួល​កីឡាករ​ថៃ​កំពូល​២​រូប​តាម​រយៈ​កណ្តាប់​ដៃ​​ពិឃាត​ដើម្បី​ក្លាយ​ជា​អត្តពលិកកំពូល​នៅ​ក្នុង​ពិភព​​ប្រដាល់»។

តាម​រយៈ​សមត្ថភាព កេរ្តិ៍ឈ្មោះ និង​សមិទ្ធផល​​នា​ប៉ុន្មាន​ឆ្នាំ​ចុង​ក្រោយ​ ធឿន ធារ៉ា ពិត​ជា​រួម​ចំណែក​ច្រើន​ណាស់​ក្នុង​ជំរុញ អភិវឌ្ឍ និង​ផ្សព្វផ្សាយ​គុន​ខ្មែរ​ឲ្យ​ពិភព​លោក​ទទួល​ស្គាល់។ អាច​និយាយ​បាន​ថា រូប​គេ​ជា​កំពូល​កីឡាករ​ឈាន​មុខ​គេ​នៅ​ក្នុង​ប្រទេស​កម្ពុជា​ដែល​ស័ក្តិម​នឹង​ទទួល​រហស្សនាម ឬ​ងារ​ពិសេស​ណា​មួយ​ដើម្បី​ជា​ការ​ជំរុញ​ទឹក​ចិត្ត​ទ្វេរ​ឡើង។

នៅ​ក្នុង​អាជីព​ប្រដាល់​ប៉ុន្មាន​ឆ្នាំ​ចុង​ក្រោយ​នេះ ធឿន ធារ៉ា ​បាន​បង្កើត​ភាព​អស្ចារ្យ​​ជា​ច្រើន​សម្រាប់​កេរ្តិ៍​ឈ្មោះ​គុន​ខ្មែរ។ រូប​គេបានក្លាយជាជើងឯកគុនខ្មែរពិភពលោកក្នុងព្រឹត្តិការណ៍ប្រកួតបេក្ខភាព៨រូបមកពី៨ប្រទេសផ្សេងគ្នា (8 Men Tournament) បន្ទាប់ពីផ្តួលដៃគូ៣រូបក្នុង១រាត្រីនៅថ្ងៃទី២៣ ខែវិច្ឆិកា ឆ្នាំ២០២៣។

ជ័យជម្នះ៣លើកជាប់គ្នាក្នុងរាត្រីតែមួយ ធឿន ធារ៉ា បានក្លាយជាម្ចាស់ខ្សែក្រវាត់គុនខ្មែរពិភពលោក និងទទួលបានរង្វាន់រថយន្តថ្មីសន្លាង១គ្រឿងដែលមានតម្លៃប្រមាណ៤ម៉ឺនដុល្លារអាមេរិក។

នៅ​សង្វៀន Thai Fight ការប្រកួតជម្រុះជុំដំបូង​ ធឿន ធារ៉ា បានផ្តួលកីឡាកររុស្ស៊ី-អាមេនី Yurik Davtyan ឲ្យសន្លប់ក្នុងទឹកទី១ និងការប្រកួតវគ្គផ្តាច់ព្រ័ត្រ ខែធ្នូ ឆ្នាំ២០២២ បានផ្តួលកីឡាករថៃ សៃយុគ ក្នុងទឹកទី១។ លទ្ធផលនេះបានធ្វើឲ្យលេងគុនខ្មែររូបនេះក្លាយជាកីឡាករកម្ពុជាទី១បានផ្តួលដៃគូឲ្យសន្លប់នៅសង្វៀន Thai Fight និងជាកីឡាករខ្មែរទី១បានផ្តួលដៃគូឲ្យសន្លប់២លើកជាប់គ្នា ហើយក៏ជាកីឡាករកម្ពុជាទី១ឈ្នះខ្សែក្រវាត់អន្តរជាតិ Thai Fight។

អ្នក​គាំទ្រ​ខ្មែរ​មួយ​ចំនួន​បាន​នាំ​គ្នា​ហៅ​កីឡាករ Buakaw ជា​ស្តេច​ប្រដាល់​ស្រុក​ថៃ និង​ហៅ​កីឡាករ​កាណាដា-មីយ៉ាន់ម៉ា Dave Leduc ជា​ស្តេច​ប្រដាល់​មីយ៉ាន់ម៉ា ប៉ុន្តែ​នៅ​កម្ពុជា​មិន​ទាន់​មាន​កីឡាករ​ណា​ម្នាក់​ត្រូវ​បាន​ដាក់​រហស្សនាម​ថា «ស្តេច​ប្រដាល់​គុន​ខ្មែរ»។ តើ ធឿន ធារ៉ា ស័ក្តិសម​ទទួល​បាន​រហស្សនាម«ស្តេច​ប្រដាល់​គុន​ខ្មែរ»ទេ? ពិធីករបរទេស​ដែល​បាន​មក​អត្ថាធិប្បាយ​នៅ​កម្ពុជា​គឺ​លោក Whitelaw បាន​បង្ហោះ​លើ​គណនី IG ពី​កីឡាករ​ ធឿន ធារ៉ា ពាក់​ម្កុដ ដែល​ជា​សញ្ញា​ថា ស្តេច​ប្រដល់​គុន​ខ្មែរ។

ប្រសិន​បើ ធឿន ធារ៉ា ត្រូវ​បាន​មហា​ជន​ហៅ​​«​ស្តេចប្រដាល់» រឹត​តែ​ល្អ​ ពី​ព្រោះ​គ្មាន​អ្វី​ខាត​បង់​ទេ។ ផ្ទុយ​ទៅ​វិញ​ជាការ​លើក​ទឹក​ចិត្ត ជំរុញ​ផ្សព្វផ្សាយ ហើយ​យូរៗជន​បរទេស​រួម​ទាំង​អ្នក​សារព័ត៌មាន​​​អន្តរជាតិ​នាំ​គ្នា​ហៅ​​ ឬ​សរសេរ King of Kun Khmer ដូច្នេះ​«គុន​ខ្មែរ»​កាន់​តែ​ល្បី​លើ​ឆាក​អន្តរជាតិ៕

សមិទ្ធផល​ខ្លះ​ៗ​ដែល ធឿន ធារ៉ា ទទួល​បាន

  • ខ្សែក្រវាត់អន្តរជាតិ Thai Fight
  • ខ្សែក្រវាត់គុនខ្មែរអន្តរជាតិ IPCC Kun Khmer
  • ខ្សែក្រវាត់គុនខ្មែរអន្តរជាតិ
  • ខ្សែក្រវាត់គុនខ្មែរអន្តរទ្វីប Kun Khmer Intercontinental
  • ខ្សែក្រវាត់ តេជោសន្តិភាព គុនខ្មែរពិភពលោក
  • ខ្សែក្រវាត់គុនខ្មែរពិភពលោក 8 Men Tournament
  • ខ្សែ​ក្រវាត់ និង​ពាន​រង្វាន់​ជា​ច្រើន​ទៀត

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ២ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ៣ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៣ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៤ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ១៥ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង១ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ជីវិតកម្សាន្ដ១៧ ម៉ោង មុន

ទេព បូព្រឹក្ស ប្រកាសដាក់បទ«ទេវរាជ» ប្រកួតពានរង្វាន់អន្តរជាតិ និងស្នើឱ្យទស្សនាបទនេះតាម YouTube វិញ

ព័ត៌មានជាតិ៦ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៦ ម៉ោង មុន

បង្ហើប​តម្លៃ​ស្នាក់នៅ​បន្ទប់​សណ្ឋាគារ​ប្រណិត​ឋានសួគ៌​បូកគោ​ នៅ​លើ​កំពូល​ភ្នំ​បូកគោ

Sokha Hotels

ព័ត៌មានពេញនិយម