ជំនួបរវាងមេបញ្ជាការទាំងពីរ ដែលធ្វើឡើងតាមប្រព័ន្ធវីដេអូ នៅថ្ងៃទី១ ខែកក្កដា ឆ្នាំ២០២៦ គឺដើម្បីពិនិត្យវឌ្ឍនភាព និងពិភាក្សាអំពីទិសដៅនៃកិច្ចសហប្រតិបត្តិការរវាងកងទ័ពជើងគោកទាំងពីរ។

ភាគីទាំងពីរ បានវាយតម្លៃខ្ពស់ចំពោះលទ្ធផលនៃកិច្ចសហប្រតិបត្តិការរវាងកងទ័ពជើងគោកទាំងពីរ ដែលសម្រេចបានក្នុងរយៈពេលកន្លងមក ជាពិសេសលទ្ធផលកិច្ចប្រជុំក្រុមការងារកងទ័ពជើងគោក ដែលបានកំណត់ទិសដៅច្បាស់លាស់សម្រាប់ការពង្រឹងកិច្ចសហប្រតិបត្តិការនេះ។

ភាគីទាំងពីរ បានផ្លាស់ប្តូរទស្សនៈគ្នាអំពីទិសដៅនៃកិច្ចសហប្រតិបត្តិការនាពេលខាងមុខ និងបង្ហាញការប្តេជ្ញាចិត្តបន្តពង្រីកកិច្ចសហប្រតិបត្តិការលើការងារហ្វឹកហ្វឺន ការកសាងសមត្ថភាព និងការផ្លាស់ប្តូរអ្នកជំនាញលើវិស័យជាអាទិភាពរួម សំដៅលើកកម្ពស់នូវមិត្តភាព ទំនុកចិត្ត និងភាពជាដៃគូរវាងកងទ័ព និងប្រទេសទាំងពីរ កម្ពុជា-សហរដ្ឋអាម៉េរិក។

យោងតាមខ្លឹមសារចុះផ្សាយនៅលើបណ្ដាញសង្គមផ្លូវការរបស់កងទ័ពជើងគោកកម្ពុជា ក្នុងជំនួបនោះ មេបញ្ជាការទាំងពីរ ក៏បានជជែកពីវឌ្ឍនភាពនៃផែនការរៀបចំឡើងវិញសមយុទ្ធឆ្មាំអង្គររវាងកងទ័ពទាំងពីរ ដែលគ្រោងធ្វើក្នុងឆ្នាំ២០២៧ខាងមុខ។ ភាគីទាំងពីរ ចាត់ទុកសមយុទ្ធនេះ ថា នឹងរួមចំណែកលើកកម្ពស់សមត្ថភាពប្រតិបត្តិការរួម ការផ្លាស់ប្តូរបទពិសោធ និងការកសាងទំនុកចិត្តរវាងគ្នា។

គួរកត់សម្គាល់ថា សហរដ្ឋអាម៉េរិកបានចាប់ដៃកម្ពុជា រួមគ្នាធ្វើជាសមយុទ្ធឆ្នាំអង្គរជាលើកដំបូង ក្នុងប្រវត្តិសាស្ត្រនៃវិស័យការពារជាតិនៃប្រទេសទាំងពីរ នៅឆ្នាំ២០១០ ហើយសមយុទ្ធរួមគ្នានេះ ត្រូវបានធ្វើជារៀងរាល់ឆ្នាំ រយៈពេល៧លើកជាប់ៗគ្នា។ ប៉ុន្តែនៅឆ្នាំ២០១៧ សមយុទ្ធឆ្មាំអង្គរនេះត្រូវបានផ្អាក រហូតមកដល់ពេលនេះ ដែលប្រមាណជិត១០ឆ្នាំមកហើយ៕

The post កម្ពុជា និងអាម៉េរិក បញ្ជាក់ជាថ្មីពីការប្ដេជ្ញាចិត្តពង្រឹងកិច្ចសហប្រតិបត្តិការយោធាជាមួយគ្នា appeared first on Kampuchea Thmey Daily.

សមយុទ្ធ CINBAX II បានប្រព្រឹត្តទៅរយៈពេល ០២ សប្តាហ៍ ដោយផ្តោតលើការហ្វឹកហ្វឺនរួម ការពង្រឹងអន្តរប្រតិបត្តិការ ការផ្លាស់ប្តូរបទពិសោធន៍វិជ្ជាជីវៈ និងការកសាងទំនុកចិត្តរវាងកងទ័ពនៃប្រទេសទាំងពីរ ស្របតាមក្របខណ្ឌប្រតិបត្តិការក្រោមអាណត្តិអង្គការសហប្រជាជាតិ។ សកម្មភាពហ្វឹកហ្វឺនរួមមាន ការហ្វឹកហ្វឺនក្នុងទីបញ្ជាការ ការអនុវត្តលំហាត់យុទ្ធវិធី ការហ្វឹកហ្វឺនបាញ់គ្រាប់ពិត ការហ្វឹកហ្វឺនប្រតិបត្តិការឡោមព័ទ្ធ និងឆែកឆេរ (CASO) ប្រតិបត្តិការចូលគ្រប់គ្រងអគារ (House Intervention) ព្រមទាំងការផ្លាស់ប្តូរបទពិសោធន៍លើបច្ចេកវិទ្យាទំនើប ដូចជា ការប្រើប្រាស់ដ្រូន និងបច្ចេកវិទ្យាប្រឆាំងដ្រូន។

ក្នុងឱកាសនោះ នាយឧត្តមសេនីយ៍ ម៉ៅ សុផាន់ បានវាយតម្លៃខ្ពស់ចំពោះជោគជ័យនៃសមយុទ្ធនេះ និងបានបញ្ជាក់ថា CINBAX មិនត្រឹមតែជាសកម្មភាពហ្វឹកហ្វឺនយោធាប៉ុណ្ណោះទេ ប៉ុន្តែជានិមិត្តរូបនៃសាមគ្គីភាព មិត្តភាព និងភាពជាដៃគូដ៏រឹងមាំរវាងកម្ពុជា និងឥណ្ឌា។ ឯកឧត្តមក៏បានគូសបញ្ជាក់ថា កម្ពុជា និងឥណ្ឌា មានទំនាក់ទំនងប្រវត្តិសាស្ត្រ វប្បធម៌ និងអរិយធម៌ជាមួយគ្នាតាំងពីរាប់ពាន់ឆ្នាំមុន ហើយក្នុងប្រវត្តិសាស្ត្រសម័យទំនើប ឥណ្ឌាក៏ជាប្រទេសមួយដែលបានឈរជាមួយកម្ពុជា ក្នុងអំឡុងពេលស្តារប្រទេសឡើងវិញក្រោយឆ្នាំ១៩៧៩។

ជាមួយគ្នានេះ ឯកឧត្តម Vanlalvawna Bawitlung ឯកអគ្គរដ្ឋទូតឥណ្ឌាប្រចាំកម្ពុជា បានសម្តែងការពេញចិត្តចំពោះលទ្ធផលនៃសមយុទ្ធ និងបានលើកឡើងថា សមយុទ្ធ CINBAX II បានឆ្លុះបញ្ចាំងអំពីទំនុកចិត្ត ការយល់ដឹងគ្នាទៅវិញទៅមក និងកិច្ចសហប្រតិបត្តិការដែលកំពុងរីកចម្រើនរវាងកងទ័ពនៃប្រទេសទាំងពីរ។ ឯកអគ្គរដ្ឋទូតឥណ្ឌា ក៏បានបញ្ជាក់ផងដែរថា កិច្ចសហប្រតិបត្តិការលើវិស័យការពារជាតិរវាងកម្ពុជា និងឥណ្ឌា បានបន្តពង្រីកតាមរយៈការបណ្តុះបណ្តាល ការកសាងសមត្ថភាព និងការផ្លាស់ប្តូរវិជ្ជាជីវៈជាបន្តបន្ទាប់។

ក្នុងឱកាសនោះ ថ្នាក់ដឹកនាំជាន់ខ្ពស់ទាំងពីរ បានសម្តែងនូវការកោតសរសើរចំពោះកងកម្លាំងចូលរួម ដែលបានអនុវត្តសមយុទ្ធនេះប្រកបដោយវិជ្ជាជីវៈ ស្មារតីសាមគ្គីភាព និងការគោរពគ្នាទៅវិញទៅមក រហូតបានបិទបញ្ចប់ប្រកបដោយជោគជ័យ និងបានបន្តពង្រឹងមិត្តភាព ភាពជាបងប្អូន និងកិច្ចសហប្រតិបត្តិការរវាងកងទ័ព និងប្រទេសទាំងពីរ ឱ្យកាន់តែរឹងមាំថែមទៀត៕

The post សមយុទ្ធទ្វេភាគីកម្ពុជា–ឥណ្ឌា លើយុទ្ធសាស្រ្តបាញ់គ្រាប់ពិត ប្រើប្រាស់ដ្រូន ការឡោមព័ទ្ធ បិទបញ្ចប់ដោយជោគជ័យ appeared first on Kampuchea Thmey Daily.

យោងតាមខ្លឹមសារចេញផ្សាយដោយបញ្ជាការដ្ឋានកងទ័ពជើងគោកកម្ពុជា ចុះផ្សាយនៅថ្ងៃព្រហស្បតិ៍នេះ បានឱ្យដឹងថា លោកនាយឧត្តមសេនីយ៍ ម៉ៅ សុផាន់ មេបញ្ជាការកងទ័ពជើងគោកកម្ពុជា និងនាយឧត្តមសេនីយ៍ TAN SRI DATO’ SERI MUHAMMAD HAFIZUDDEAIN BIN JANTAN មេបញ្ជាការកងទ័ពជើងគោកម៉ាឡេស៊ី បានសម្រេចចុះហត្ថលេខារួមគ្នាលើឯកសារលក្ខខណ្ឌស្តីពីកិច្ចសហប្រតិបត្តិការរវាងកងទ័ពជើងគោក នៃកងយោធពលខេមរភូមិន្ទ និងកងទ័ពជើងគោក នៃប្រទេសម៉ាឡេស៊ី។

គួរឱ្យដឹងថា កិច្ចសហប្រតិបត្តិការដែលបានចុះហត្ថលេខាពេលនេះ គឺបានធ្វើឡើងក្នុងអំឡុងពេលទស្សនកិច្ចផ្លូវការរបស់លោកនាយឧត្តមសេនីយ៍ ម៉ៅ សុផាន់ មេបញ្ជាការកងទ័ពជើងគោក នៅប្រទេសម៉ាឡេស៊ី ដោយបានជួបពិភាក្សាការងារជាទ្វេភាគីជាមួយសមភាគីរបស់លោក គឺលោកនាយឧត្តមសេនីយ៍ TAN SRI DATO’ SERI MUHAMMAD HAFIZUDDEAIN BIN JANTAN មេបញ្ជាការកងទ័ពជើងគោកម៉ាឡេស៊ី។

គោលបំណងនៃកិច្ចសហប្រតិបត្តិការយោធានេះ ត្រូវបានកងទ័ពជើងគោកកម្ពុជា បញ្ជាក់ថា គឺដើម្បីពង្រឹងពង្រីកចំណងមិត្តភាពឱ្យកាន់តែជិតស្និទ្ធ យូរអង្វែង និងប្រកបដោយទំនុកចិត្ត សំដៅចូលរួមចំណែកថែរក្សានូវសន្តិភាពនៅក្នុងតំបន់ ដោយផ្តោតលើការផ្លាស់ប្តូរទៅវិញទៅមកនូវការហ្វឹកហ្វឺន បណ្តុះបណ្តាល ការធ្វើលំហាត់រួមគ្នា និងវិស័យផ្សេងៗទៀតដែលផ្តល់ប្រយោជន៍ឱ្យកងទ័ពជើងគោកទាំងពីរ។

ចំពោះកម្រិតឈានឡើងនៃទំនាក់ទំនងប្រកបដោយសក្តានុពលដូចពេលនេះ សមភាគីទាំងពីរបានចាត់ទុកវឌ្ឍនភាពនេះ ថា ជាការបើកទំព័រប្រវត្តិសាស្ត្រថ្មីមួយនៃកិច្ចទំនាក់ទំនងទ្វេភាគីក្នុងកម្រិតកងទ័ពជើងគោក ដោយឯកសារលក្ខខណ្ឌស្តីពីកិច្ចសហប្រតិបត្តិការនេះ នឹងក្លាយជាមូលដ្ឋានមួយដ៏សំខាន់ក្នុងការត្រួសត្រាយផ្លូវ សំដៅឈានទៅពង្រឹងពង្រីកសកម្មភាពកិច្ចសហប្រតិបត្តិការជាក់ស្តែងនានាតទៅអនាគត។

គួរជម្រាបថា ដោយមានការអនុញ្ញាតពីថ្នាក់ដឹកនាំក្រសួងការពារជាតិ និងអគ្គបញ្ជាការដ្ឋាន លោកនាយឧត្តមសេនីយ៍ ម៉ៅ សុផាន់ អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក បានអញ្ជើញដឹកនាំប្រតិភូទៅបំពេញទស្សនកិច្ចផ្លូវការនៅប្រទេសម៉ាឡេស៊ី រយៈពេល៣ថ្ងៃ ចាប់ពីថ្ងៃទី១៣ ដល់ថ្ងៃទី១៦ ខែតុលា ឆ្នាំ២០២៥។

ក្នុងដំណើរទស្សនកិច្ចនោះ ក្រៅពីជួបទ្វេភាគីជាមួយមេបញ្ជាការកងទ័ពជើងគោកម៉ាឡេស៊ី លោកនាយឧត្តមសេនីយ៍ ម៉ៅ សុផាន់ ក៏បានចូលជួបសម្តែងការគួរសមជាមួយលោក DATO’ SERI MOHAMED KHALED NORDIN រដ្ឋមន្រ្តីក្រសួងការពារជាតិម៉ាឡេស៊ី និងបានអញ្ជើញទស្សនកិច្ចអង្គភាពកងពលតូចទ័ពពិសេសឆ័ត្រយោងលេខ១០ នៃកងទ័ពជើងគោកម៉ាឡេស៊ី ផងដែរ៕  

The post កម្ពុជាបន្តពង្រឹងកិច្ចសហប្រតិបត្តិការយោធាជាមួយកម៉ាឡេស៊ីកាន់តែខ្លាំងក្លាថែមទៀត appeared first on Kampuchea Thmey Daily.

សេចក្ដីប្រកាសព័ត៌មានផ្សាយលើទំព័រហ្វេសប៊ុកកងទ័ពជើងគោកកម្ពុជា នាថ្ងៃទី២៥ ខែមិថុនា សរសេរអំពីលទ្ធផលជំនួបដូច្នេះ៖«មេបញ្ជាការទាំងពីរ ក៏បានឯកភាពពិនិត្យលទ្ធភាពលើសកម្មភាពកិច្ចសហ ប្រតិបត្តិការមួយចំនួនរួមមាន៖ (១) ការរៀបចំសមយុទ្ធទ្វេភាគី ក្រោមប្រធានបទ ជំនួយមនុស្សធម៌ និង សង្គ្រោះគ្រោះមហន្តរាយ (HADR) (២) ការលោតឆត្រយោងមិត្តភាព (៣) ការផ្លាស់ប្តូរនាយទាហានវ័យក្មេង។»។

ជាការកត់សម្គាល់ ការឯកភាពរៀបចំសមយុទ្ធយោធាទ្វេភាគីនេះ កើតឡើងរយៈពេលមិនដល់១ខែផង ក្រោយដំណើរទស្សនកិច្ចផ្លូវ​ការរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាទៅកាន់ប្រទេសជប៉ុន។ ម្យ៉ាងទៀត ការឯកភាពរៀបចំសមយុទ្ធយោធានេះ កើតឡើងស្របពេលដែលជម្លោះព្រំដែនកម្ពុជា ថៃ បង្កឡើងដោយភាគីកងទ័ពថៃ មិនទាន់ថមថយកម្ដៅនៅឡើយ។

បើនិយាយពីក្របខណ្ឌសមយុទ្ធយោធា កម្ពុជា ធ្លាប់បានធ្វើសមយុទ្ធយោធាត្រីភាគី ជាមួយភាគីឡាវ-វៀតណាម, សមយុទ្ធគោព្រៃជាមួយអូស្ត្រាលី, សមយុទ្ធឆ្មាំអង្គរជាមួយសហរដ្ឋអាមេរិក និងសមយុទ្ធនាគមាសជាមួយភាគីចិន។ គូសបញ្ជាក់ សមយុទ្ធឆ្មាំអង្គររវាងកម្ពុជា-សហរដ្ឋអាមេរិក បានផ្អាកតាំងតែពីឆ្នាំ២០១៧ ចំណែកសមយុទ្ធគោព្រៃក៏បានផ្អាកដូចគ្នា ប៉ុន្តែកាលពីពេលថ្មីៗនេះ​ កម្ពុជា និងសហរដ្ឋអាមេរិក ឯកភាពធ្វើសមយុទ្ធរួមគ្នាឡើងវិញ រីឯភាគីអូស្រ្តាលី ក៏បានចុះពិនិត្យទីតាំងមួយចំនួននៅក្នុងប្រទេសកម្ពុជា​ ដើម្បីរៀបចំសមយុទ្ធរួមគ្នាឡើងវិញឱ្យបានឆាប់។ បច្ចុប្បន្ន សម្រាប់សមយុទ្ធដែលមានសកម្មភាពនៅកម្ពុជា គឺមានតែសមយុទ្ធត្រីភាគី កម្ពុជា-ឡាវ-វៀតណាម និងសមយុទ្ធនាគមាសកម្ពុជា-ចិនប៉ុណ្ណោះ។

នៅលើសំណុំរឿងសមយុទ្ធនេះដែរ នាយឧត្ដមសេនីយ៍ ឥត សារ៉ាត់ អគ្គមេបញ្ជាការរង និងជានាយសេនាធិការចម្រុះ នៃកងយោធពលខេមរភូមិន្ទ  ធ្លាប់អះអាងថា កម្ពុជា រៀបចំធ្វើសមយុទ្ធ តែលើប្រធានបទប្រឆាំងភេវរកម្ម និងសង្គ្រោះមនុស្សធម៌ប៉ុណ្ណោះ ព្រោះតែកម្ពុជា មើលឃើញថា បញ្ហាភេវរកម្ម ជាបញ្ហាប្រឈមនាពេលសព្វថ្ងៃនេះ ដែលវាងាយកើតឡើងនៅលើដែនគោក និងដែនសមុទ្រ។ ចំណែកការធ្វើសមយុទ្ធលើប្រធានបទសង្គ្រោះមនុស្សធម៌ គឺព្រោះតែបច្ចុប្បន្ននេះ បញ្ហាគ្រោះមហន្តរាយបង្កឡើងដោយធម្មជាតិ ងាយនឹងកើតមានឡើង ដូច្នេះត្រូវកំណត់ប្រធានបទនេះ ដើម្បីពង្រឹងសមត្ថភាពលើការងារសង្គ្រោះគ្រោះមហន្តរាយ។ លោក ក៏ធ្លាប់ប្រាប់ទៅប្រទេសក្នុងតំបន់ និងជិតខាងថា ការណ៍ដែលកម្ពុជា ធ្វើសមយុទ្ធ គឺដើម្បីគ្រាន់តែពង្រឹងសមត្ថភាពកងទ័ពលើការសង្គ្រោះមនុស្សធម៌ប៉ុណ្ណោះ គ្មានចេតណាណាមួយគំរាមកំហែងសន្តិសុខ ឬដើម្បីឈ្លានពានប្រទេសណាមួយឡើយ។

ត្រឡប់មកទំនាក់ទំនងការទូតកម្ពុជា-ជប៉ុន វិញ គឺភាគីទាំងពីរបានបង្កើតទំនាក់ទំនងការទូតជាផ្លូវការជាមួយគ្នានៅឆ្នាំ ១៩៥៣។ ទំនាក់ទំនងរវាងប្រទេសទាំងពីររីកលូតលាស់ឥតឈប់ឈរ និងគ្មានភាគីណាមួយបំបែកបានឡើយទាំងទំនាក់ទំនងការទូត យោធា និងពាណិជ្ជកម្ម។ តាមរយៈចំណងមិត្តភាពជិតស្និទ្ធ ជប៉ុនបានដើរតួនាទីយ៉ាងសំខាន់សម្រាប់ការអភិវឌ្ឍនៅកម្ពុជា​ ពោលគឺជប៉ុនបានផ្ដល់ជំនួយ សាងសង់ហេដ្ឋរចនាសម្ព័ន្ធ ស្ពាន ថ្នល់ កំពង់ផែស្វយ័តក្រុងព្រះសីហនុ ជំនួយលើកាបណ្ដុះបណ្ដាលធនធានមនុស្ស និងជំនួបជាច្រើនផ្សេងទៀត។

ក្នុងជំនួបនៅទីបញ្ជាការកងទ័ពជើងគោក នាយឧត្តមសេនីយ៍ ម៉ៅ សុផាន់ បានថ្លែងអំណរគុណដល់ជប៉ុន ដែលបានចូលរួម ស្វែងរកសន្តិភាព និងរក្សាសន្តិភាពនៅកម្ពុជា និងបានថ្លែងអំណរគុណដល់ រដ្ឋាភិបាល ក្រសួងការពារជាតិ កងស្វ័យការពារជប៉ុន ដែលតែងតែបានផ្តល់ជំនួយជាសម្ភារ និងវគ្គហ្វឹកហ្វឺនដល់ កងយោធពលខេមរភូមិន្ទ និយាយជារួម និងកងទ័ពជើគោក និយាយដោយឡែក។

មេបញ្ជាការកងស្វ័យការពារជើងគោកជប៉ុន  បានបញ្ជាក់អំពី គោលបំណងដំណើរទស្សនកិច្ចមកកាន់កម្ពុជានាឱកាសនេះ គឺដើម្បីបន្តជំរុញនូវការពង្រឹង និងពង្រីកកិច្ច សហប្រតិបត្តិការលើការបណ្តុះបណ្តាលធនធានមនុស្សដល់កងទ័ពជើងគោកកម្ពុជា។

នាយឧត្តមសេនីយ៍ ម៉ៅ សុផាន់ និង នាយឧត្តមសេនីយ៍ ម៉ូរីស៊ីតា យ៉ាស៊ូណូវិ ក៏បានពិភាក្សាអំពីកាងាររកសាង សាលាបញ្ជូនសារ និង សាលាគីមីសាស្ត្រ ចំណុះឲ្យកងទ័ពជើងគោក ដោយកងស្វ័យការពារជើងគោកជប៉ុន បានឯកភាពជាគោលការណ៍ក្នុងការជួយ បណ្តុះបណ្តាលយោធាចារ្យ កម្មវិធី និងខ្លឹមសារហ្វឹកហ្វឺន ព្រមទាំងសម្ភារបច្ចេកទេស៕

ដោយ៖ង៉ិល ណារ៉ាត់​

The post កងទ័ពកម្ពុជា-ជប៉ុន នឹងធ្វើសមយុទ្ធរួមគ្នាឆាប់ៗនេះ appeared first on Kampuchea Thmey Daily.

ឧត្តមសេនីយ៍ទោ អ៊ុយ ហៀង បានណែនាំដល់សិក្ខាកាមពេលហ្វឹកហ្វឺន ត្រូវប្រឹងប្រែងយកចិត្តទុកដាក់រៀនសូត្រឱ្យបានល្អប្រសើរ ហើយចំពោះគ្រូធាចារ្យ ត្រូវរិះរកវីធីសាស្ត្រល្អៗធ្វើយ៉ាងណាឱ្យសិក្ខាកាមងាយយល់ និងចាប់បាន។ សម្រាប់ការងារហ្វឹកហ្វឺន លោក ថា ត្រូវបង្កសមត្ថភាពដល់ពលទាហានថ្មី ដើម្បីរួមចំណែកពង្រឹងខឿនការពារជាតិបានរឹងមាំ។

ឧត្តមសេនីយ៍ទោ អ៊ុយ ហៀង បានផ្តាំដល់សិក្ខាកាមពលទាហានថ្មីទាំងអស់ត្រូវក្តាប់ឱ្យជាប់រាល់មេរៀនដែលគ្រូបង្រៀន និងត្រូវប្រកានភ្ជាប់តួនាទីរបស់ខ្លួន ហើយត្រូវខិតខំរៀនសូត្រដើម្បីបង្កើនសមត្ថភាព ចំណេះដឹង ចំណេះធ្វើពិតប្រាកដ រួមចំណែកពង្រឹងខឿនការពារជាតិបានរឹងមាំ។

លោក សង្ឃឹមថា ពេលបញ្ចប់វគ្គហ្វឹកហ្វឺន គឺនឹងទទួលបានលទ្ធផលល្អប្រសើរ ហើយត្រូវស្មោះត្រង់ដាច់ខាតចំពោះជាតិ សាសនា ព្រះមហាក្សត្រ ការពាររដ្ឋធម្មនុញ្ញ ជាច្បាប់កំពូលរបស់ជាតិ ការពាររាជរដ្ឋាភិបាលស្របច្បាប់ ដែលប្រសូតចេញពីការបោះឆ្នោត៕

The post យោធភូមិភាគទី៣ បើកវគ្គហ្វឹកហ្វឺនពលទាហានថ្មីបំពេញឱ្យក្របខណ្ឌកងទ័ពជើងគោក appeared first on Kampuchea Thmey Daily.

ក្នុងសេចក្ដី​ថ្លែង​ការណ៍​បញ្ជាក់​ថា​ក្រោយ​ជំនួបរវាង​មេបញ្ជាការ​ទ័ព​ជើងគោក​កម្ពុជា នាយឧត្តមសេនីយ៍ ម៉ៅ សុផាន់ និង​មេបញ្ជាការ​កង​ទ័ព​ជើងគោក​ថៃនាយឧត្តម​សេនីយ៍ Pana Klaewblaudtuk នៅ​រសៀលថ្ងៃទី​២៩​ ខែ​ឧសភានេះ ភាគី​ទាំង​ពី​រ​សម្រេច​បាន​លទ្ធផល​៤​ចំនុច ដោយ​បន្ត​ដោះស្រាយ​ស្ថានការ​ណ៍​ព្រំដែនតាម​គ្រប់​យន្ត​ការដែលមាន​ស្រាប់ បន្ត​គ្រប់គ្រង​ស្ថានការណ៍​តាម​ស្ថានភាព​ដើម រក្សាភាពអត់ធ្មត់ គោរពបូរណភាព​ទឹកដី​ទៅ​វិញ​ទៅមក ហើយ​កម្ពុជា​នឹង​មិនដក​ថយ ឬ​ឈរជើង​ដោយ​គ្មាន​អាវុធ​នៅ​ចំណុច​ដែល​ប៉ះ​ទង្គិច​គ្នា​នោះ​ទេ។

ក្នុងសេចក្ដីថ្លែង​ការណ៍​ត្រង់ចំណុចទី៤​បញ្ជាក់ថា​​៖ «ភាគី​កម្ពុជា នឹង​មិនដក​ថយ ឬ​ឈរ​ជើងដោយ​គ្មានអាវុធនៅ​ចំណុច​ដេល​បាន​ប៉ះទង្គិចគ្នា​នោះទេ ព្រោះ​ទី​តាំងនោះ​ភាគី​កម្ពុជាឈរជើងតាំង​ពីមុនពេល​ចុះហត្ថលេខាលើ​អនុស្សារណៈនៃ​ការ​យោគយល់​គ្នាឆ្នាំ​២០០០ ស្ដីពី​ការ​វាស់វែងនិងខណ្ឌសីមាព្រំដែនគោក​រវាង​កម្ពុជា-ថៃ»។

គួរឱ្យ​ដឹង​ដែរថា ហេតុការណ៍​ប៉ះទង្គិច​រវាង​កងទ័ព​កម្ពុជា និង​ថៃ​កាលពីព្រឹកថ្ងៃទី​២៨ ខែឧសភា ឆ្នាំ​២០២៥ នៅ​ចំណុចព្រំដែនមុំ៣ ស្រុកជាំក្សាន្ត ខេត្តព្រះវិហារ បណ្ដាល​មក​ពី​ការ​ឆ្មក់​ចូល​មក​វាយប្រហារ​ពី​កង​ទ័ព​ថៃ​មុន​លើ​កងទ័ពកម្ពុជា។ សកម្មភាព​នេះ​​ធ្វើ​ឱ្យ​ទាហានខ្មែរ​ម្នាក់​ស្លាប់​បាត់បង់ជីវិត និង​បាន​បង្កឱ្យ​ស្ថានភាព​ព្រំដែន​កម្ពុជា​-ថៃ​ឡើង​កម្ដៅជា​ខ្លាំងដោយ​កង​ទ័ព​កម្ពុជា​បាន​ចល័ត​ទៅ​ត្រៀម​នៅ​ខ្សែ​មុខ​នៅព្រំដែន​ផងដែរ៕

អត្ថបទដោយ ហ៊ុន សិរីវឌ្ឍន៍

​

The post កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ appeared first on Kampuchea Thmey Daily.

កិច្ចប្រជុំទ្វេភាគីនេះ បានធ្វើឡើងក្នុងឱកាសនៃដំណើរទស្សនកិច្ចផ្លូវការរបស់លោកនាយឧត្តមសេនីយ៍ តាន់ស្រី ដាតុ វីរ៉ា ម៉ូហាម៉ាដ ហាហ្វីស៊ូដេឌីន ប៊ីនចាន់តាន់ (Tan Sri Dato’ Wira Muhammad Hafizuddeain Bin Jantan) មេបញ្ជាការកងទ័ពជើងគោកម៉ាឡេស៊ី នៅកម្ពុជា។ ដំណើរទស្សនកិច្ចនេះ គឺតបតាមការអញ្ជើញរបស់លោកនាយឧត្តមសេនីយ៍ ម៉ៅ សុផាន់ អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក។

ជំនួបដែលរៀបចំឡើងនៅទីបញ្ជាការដ្ឋានកងទ័ពជើងគោក រាជធានីភ្នំពេញ មេបញ្ជាការកងទ័ពជើងគោកទាំងពីរ បានផ្ដោតការពិភាក្សាស៊ីជម្រៅពាក់ព័ន្ធទៅនឹងការពង្រឹង និងពង្រីកកិច្ចសហប្រតិបត្តិការយោធារវាងប្រទេសទាំងពីរ កម្ពុជា-ម៉ាឡេស៊ី។

ក្រៅពីជំនួបទ្វេភាគីនេះ នាយឧត្តមសេនីយ៍ មេបញ្ជាការកងទ័ពជើងគោកម៉ាឡេស៊ី ក៏គ្រោងនឹងចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ក៏ដូចជាជំនួបជាមួយនាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ៕

The post មេទ័ពជើងគោកកម្ពុជា-ម៉ាឡេស៊ី ជួបជជែកពីការពង្រឹងពង្រីកកិច្ចសហប្រតិបត្តិការយោធា appeared first on Kampuchea Thmey Daily.

យោងតាមសេចក្តីប្រកាសព័ត៌មានរបស់ស្ថានទូតអាមេរិកប្រចាំភ្នំពេញ លោកឧត្តមសេនីយ៍ទោ Winter ជួបពិភាក្សាការងារជាមួយលោកឧត្តមសេនីយ៍ឯក សួន សំណាង ប្រធានក្រុមសម្របសម្រួលកិច្ចសហប្រតិបត្តិការយោធា (MCCG)​ នៅថ្ងៃទី ២៥ ខែកុម្ភៈ ឆ្នាំ ២០២៥ ដើម្បីពិភាក្សាអំពីកិច្ចសហប្រតិបត្តិការជាយុទ្ធសាស្ត្រ និងជំនួយផ្នែកសន្តិសុខ។

សេចក្តីប្រកាសបញ្ជាក់ថា៖«ឧត្តមសេនីយ៍ទោ Winter ក៏បានទៅទស្សនាមជ្ឈមណ្ឌលប្រតិបត្តិការរក្សាសន្តិភាព នៅខេត្តកំពង់ស្ពឺ ដើម្បីពិនិត្យមើលសាលាហ្វឹកហ្វឺនកងកម្លាំងរក្សាសន្តិភាពពហុសាសន៍ និងពិភាក្សាអំពីលទ្ធភាពធ្វើសហប្រតិបត្តិការជាមួយរួមគ្នា»។ ក្នុងដំណើរទស្សនកិច្ចរបស់ ឧត្តមសេនីយ៍ទោ Winter ក៏បានជួបជាមួយអតីតនិសិ្សតកម្ពុជាដែលបានទទួលការអប់រំផ្នែកវិជ្ជាជីវៈយោធា ពីក្រសួងការពារជាតិសហរដ្ឋអាមេរិកដើម្បីអបអរសាទរពួកគេក្នុងការនាំយកនូវជំនាញទាំងនេះពីសហរដ្ឋអាមេរិក មកបម្រើមាតុប្រទេសវិញ។

ដំណើរទស្សនកិច្ច​របស់ឧត្តមសេនីយ៍ទោ Winter បានធ្វើឡើងបន្ទាប់ពីទស្សនកិច្ចរបស់នាយឧត្តមសេនីយ៍ លោក រ៉ូណាល់ ខ្លាក (Ronald P. Clark) មេបញ្ជាការនៃកងទ័ពជើងគោកសហរដ្ឋអាមេរិកប្រចាំតំបន់ប៉ាស៊ីហ្វិក កាលពីថ្ងៃទី ២៤ ខែកុម្ភៈ ឆ្នាំ ២០២៥។

នៅចំពោះមុខសម្ដេច ហ៊ុន ម៉ាណែត នាយករដ្ឋមន្ត្រីកម្ពុជា, លោក រ៉ូណាល់ ខ្លាក បានសង្កត់ធ្ងន់ពីសារៈសំខាន់ នៃទំនាក់ទំនងរវាងប្រជាជន និងប្រជាជន ក៏ដូចជាកិច្ចសហប្រតិបត្តិការល្អរវាងកងទ័ពនិងកងទ័ព នៃប្រទេសទាំងពីរ។ លោកបានគូសបញ្ជាក់ទៀតថា សហរដ្ឋអាមេរិកចង់ឃើញការរីកចម្រើននៅក្នុងទំនាក់ទំនងនេះ ជាពិសេសទំនាក់ទំនងរវាងកងទ័ពនៃប្រទេសទាំងពីរ។

ជាការឆ្លើយតប, សម្ដេចបវរធិបតីបានសង្កត់ធ្ងន់ថា ការផ្លាស់ប្ដូរដំណើរទស្សនកិច្ចជាញឹកញាប់ រវាងកងទ័ពនិងកងទ័ព ក៏ដូចជាការបន្ដកិច្ចសហប្រតិបត្តិការឡើងវិញលើសកម្មភាពមួយចំនួនដូចជា ការបណ្ដុះបណ្ដាល ជាដើម បានឆ្លុះបញ្ចាំងពីភាពរីកចម្រើននៃទំនាក់ទំនងប្រទេសទាំងពីរ៕

The post កងទ័ពជើងគោកកម្ពុជា-អាមេរិក ពិភាក្សាកិច្ចសហប្រតិបត្តិការយុទ្ធសាស្រ្ត និងផ្នែកសន្តិសុខ appeared first on Kampuchea Thmey Daily.