ថ្លែងក្នុងឱកាសចុះដល់ទីតាំងនីមួយៗ លោក ខូយ រីដា បានឱ្យដឹងថា ការចុះមកពិនិត្យដោយផ្ទាល់នៅថ្ងៃនេះ គឺដើម្បីឆ្លើយតបទៅនឹងក្តីកង្វល់ ដែលបប្រជាពលរដ្ឋបានលើកឡើងតាមរយៈរដ្ឋបាលឃុំ និងស្រុកជាច្រើនឆ្នាំមកហើយ។ ដាច់ខាតត្រូវតែស្តារបឹងនេះឡើងវិញ ដើម្បីជាប្រយោជន៍រួម។ ទោះជាយ៉ាងណា លោកបានណែនាំឱ្យរដ្ឋបាលស្រុក និងឃុំ ត្រូវសម្របសម្រួលដោះស្រាយជាមួយ ៣គ្រួសារដែលប៉ះពាល់នោះ ឱ្យបានច្បាស់លាស់ជាមុនសិន ដើម្បីឱ្យគម្រោងនេះដើរទៅមុខដោយរលូន និងមានតម្លាភាព។

លោក អភិបាលខេត្ត បានលើកឡើងថា ការស្តារបឹងអំពួច និងអូរដំណាក់កន្សែងឡើងវិញនៅពេលនេះ គឺជាដង្ហើមសេដ្ឋកិច្ចរបស់ប្រជាពលរដ្ឋក្នុងឃុំផ្ទះរុងទាំងមូល។ កាលណាប្រភពទឹកយើងជ្រៅ វានឹងក្លាយជាអាងស្តុកទឹកយុទ្ធសាស្ត្រ សម្រាប់ជួយឱ្យពលរដ្ឋមានទឹកប្រើប្រាស់គ្រប់គ្រាន់ ជាពិសេសនៅរដូវប្រាំង ដែលទឹកតែងតែខ្សត់ខ្សោយ, ជាជង្រុកត្រីធម្មជាតិ ដើម្បីរក្សាជម្រកត្រីមេពូជ, ជួយរំដោះទឹក និងកាត់បន្ថយការលិចលង់នៅរដូវវស្សាផងដែរ។ លោក ខូយ រីដា អភិបាលខេត្ត បានកោតសរសើរចំពោះស្មារតីសាមគ្គីភាព របស់ប្រជាពលរដ្ឋ ដែលចូលរួមបដិភាគថវិកា និងចេះសហការជាមួយអាជ្ញាធរ។

លោកក៏បានសូមសំណូមពរដល់ប្រជាពលរដ្ឋទាំងអស់ សូមមេត្តារក្សាអនាម័យបរិស្ថានឱ្យបានខ្ជាប់ខ្ជួន ចាប់ផ្តើមពីក្នុងផ្ទះ រហូតដល់តាមដងផ្លូវសាធារណៈ។ សូមកុំបោះចោលសម្រាមពាសវាលពាសកាល ដើម្បីសុខភាពយើងទាំងអស់គ្នា និងដើម្បីឱ្យខេត្តពោធិ៍សាត់របស់យើងកាន់តែមានភាពស្រស់បំព្រង។

តំណាងប្រជាពលរដ្ឋ បានសម្តែងនូវក្តីរំភើបរីករាយយ៉ាងខ្លាំង ក្រោយពីទទួលបានការសម្រេចដ៏ខ្ពង់ខ្ពស់ពីលោកអភិបាលខេត្ត ក្នុងការផ្តល់គ្រឿងចក្រចុះស្តារបឹង និងអូរ ដែលជាក្តីសង្ឃឹមយ៉ាងធំធេង របស់ប្រជាពលរដ្ឋនៅក្នុងឃុំផ្ទះរុងយើងខ្ញុំ។ នេះសបញ្ចាក់ឱ្យឃើញថា លោកអភោបាលខេត្តគឺជាមេបាក្នុងខេត្ត ដែលយល់ពីសុខទុក្ខ និងការលំបាករបស់រាស្ត្រពិតប្រាកដ។

គួរជម្រាបជូនថា សកម្មភាពចុះជួបពលរដ្ឋដោយផ្ទាល់នេះ បានបង្ហាញពីការយកចិត្តទុកដាក់របស់រដ្ឋបាលខេត្តពោធិ៍សាត់ ក្នុងការដោះស្រាយបញ្ហាជូនប្រជាពលរដ្ឋ «ធ្វើឱ្យបាន ធ្វើឱ្យលឿន និងធ្វើឱ្យមានប្រសិទ្ធភាព»៕

The post អភិបាលខេត្តពោធិ៍សាត់ អញ្ជើញដោះស្រាយកង្វល់ប្រជាពលរដ្ឋដល់មូលដ្ឋាន នៅឃុំផ្ទះរុង ស្រុកតាលោសែនជ័យ appeared first on Kampuchea Thmey Daily.

​របាយការណ៍​​នោះ បញ្ជាក់​ថា ការ​ប្រើ​ប្រាស់​លើស​កម្រិត​ជា​យូរ​ឆ្នាំ ការ​បំពុល​ ការ​បំផ្លាញ​បរិស្ថាន និង​សម្ពាធ​អាកាស​ធាតុ បាន​បណ្ដាល​ឱ្យ​ប្រព័ន្ធ​ទឹក​ជា​ច្រើន​ ​ឆ្លង​កាត់​កម្រិត​ដែល​មិន​អាច​ស្ដារ​ឡើង​វិញ​បាន​ទៀត។

ទោះបី​​យ៉ាងណា កង្វះ​ទឹក និងវិបត្តិរបស់​វា​ មិន​អាច​ទ្រទ្រង់​​គ្រប់​គ្រាន់​​សម្រាប់​​ស្ថានភាព​ទឹក​ថ្មីៗ​របស់​ពិភពលោក​ទៀត​ឡើយ។ តាម​របាយការណ៍​ថ្មី​មួយ​របស់​សាកលវិទ្យាល័យ​អង្គការ​សហប្រជាជាតិ ស្ថាប័ន​ស្រាវជ្រាវ​ទឹក បរិស្ថាន និងសុខភាព (UNU-INWEH)។

ក្នុង​របាយការណ៍បន្ត​ទៀត​ថា៖ «ការ​ក្ស័យ​ធនទឹក គឺ​ជា​ស្ថានភាព​នៃ​ការ​ប្រើ​ប្រាស់​ទឹក​រយៈពេល​វែង​លើស​ពី​ការ​ផ្គត់ផ្គង់​ឡើង​វិញ ហើយ​បង្ក​ការ​ខូច​ខាត​ដល់​ធម្មជាតិ​យ៉ាងធ្ងន់ធ្ងរ ដល់ថ្នាក់មិនអាចស្ដារឡើងវិញ​ទៅកម្រិតដើមបានទៀតឡើយ»។

របាយការណ៍ បាន​បញ្ជាក់​ថា ដោយ​សារ​តែ​ការ​លុប​បឹង​ធំៗ​ជាច្រើន នៅលើ​ពិភពលោក និង​ការកើន​ឡើង​នៃការ​បាក់​ច្រាំង​​ទន្លេ​ធំៗ ​ដែល​ទឹក​មិន​​អាច​​ឆ្លង​កាត់​ទៅវិញ​ទៅមក​បាន​​ក្នុង​​រយៈ​ពេល​មួយ​ឆ្នាំៗ​។

មិន​តែ​ប៉ុណ្ណោះ ពិភព​លោក​បាន​បាត់​បង់​តំបន់​ជ្រោយ​ទឹក​យ៉ាង​ច្រើន​ប្រមាណ ៤១០ លានហិកតា ប្រហែល​ស្មើ​នឹង​ទំហំ​សហភាព​អឺរ៉ុប​ ដែល​បាន​បាត់​បង់​ក្នុង​រយៈ​ពេល​ប៉ុន្មាន​​ឆ្នាំ​ចុង​ក្រោយ​នេះ។

ចំណែក ការ​ថយ​ចុះ​នៃ​ទឹក​ក្រោម​ដី​គឺ​ជា​សញ្ញា​មួយ​ផ្សេង​ទៀត​នៃ​ការ​ក្ស័យ​ធន​នេះ។

យ៉ាងណា ប្រហែល ៧០ភាគរយ​នៃ​អាង​ទឹក​ក្រោម​ដី​ធំៗ ដែល​ប្រើ​សម្រាប់​ផឹក​និង​ស្រោច​ស្រព កំពុង​បង្ហាញ​ពីការ​ថយ​ចុះ​រយៈពេល​វែងជា​មួយ​នឹង​វិបត្តិ «ថ្ងៃសូន្យ» កើនឡើង  ពេល​ដែល​តម្រូវ​ការ​លើស​ពីការ​ផ្គត់​ផ្គង់ ​ដែល​ជា​មុខ​មាត់​ទីក្រុង​នៃ​ស្ថាន​ភាព​ថ្មី​នេះ​។

ការ​ប្រែប្រួល​អាកាសធាតុ​កំពុង​ធ្វើ​ឱ្យ​បញ្ហា​នេះ​កាន់​តែ​ធ្ងន់​ធ្ងរ ដោយ​បណ្ដាល​ឱ្យ​បាត់​បង់​ជាង ៣០ភាគរយ​នៃទឹកកក​ភ្នំ​ទូទាំង​ពិភពលោក​ចាប់​តាំងពី​ឆ្នាំ ១៩៧០ និង​ទឹក​រលាយ​តាម​រដូវ ដែល​មាន​ប្រជាជន​រាប់​រយ​លាន​នាក់​ពឹង​ផ្អែកលើ៕

ប្រែសម្រួល៖ ណឺ មិនា

The post UN៖ ពិភពលោក​នឹងខ្សត់ទឹក​​ធ្ងន់ធ្ងរ​ ព្រោះ​តែ​សកម្មភាព​មនុស្ស​ appeared first on Kampuchea Thmey Daily.

តាមសេចក្តីរាយការណ៍របស់លោក ប៊ិន សំអុល អភិបាលរងស្រុក និងមន្ត្រីពាក់ព័ន្ធ ដែលបានចុះពិនិត្យផ្ទាល់ បានឱ្យដឹងថា នៅពេលនេះអាជ្ញាធរកំពុងប្រើប្រាស់ម៉ាស៊ីនបូមទឹកដែល លោកបណ្ឌិតប្រធានក្រុមការងារចុះមូលដ្ឋានស្រុកបាភ្នំបានផ្ដល់ជូនតាំងពីដើមខែធ្នូ ឆ្នាំ២០២៤នោះ កំពុងបូមទឹក ជូនពលរដ្ឋស្ថិតភូមិស្វាយខ្នី ភូមិពងពស់ និងភូមិជើងទឹក ចំនួន៤៨៧គ្រួសារ ដែលមានផ្ទៃដីចំនួន៤០០ហិចតាស្ថិតនៅក្នុងឃុំរោងដំរី និងឃុំបឹងព្រះ។ ទោះយ៉ាងណា ប្រឡាយរងមួយចំនួនបានរីងស្ងួត ហើយអាជ្ញាធរកំពុងរកដំណោះស្រាយនាំយកប្រភពទឹកពីបឹងទន្លេស្នេហ៍។

គួរឱ្យដឹងថា នៅថ្ងៃទី២៣ ខែមករា ឆ្នាំ២០២៥ លោកបណ្ឌិត ងិន បាណាល់ បានចាត់តាំងក្រុមការងារចុះទៅរៀបចំម៉ាស៊ីនបូមទឹក២ទីតាំងបន្ថែមភ្លាមៗដើម្បីជួយសង្គ្រោះស្រូវកំពុងចេញផ្កា ដាក់ផ្លែនៅឃុំរោងដំរី ឃុំរក្សជ័យ និងឃុំបឹងព្រះ ដែលកំពុងខ្វះទឹកខ្លាំង។ទីតាំងទីមួយ គឺនៅប្រឡាយមេខ្សេ ដាក់ម៉ាស៊ីនបូមពីរគ្រឿង ត្រង់ចំណុចភូមិជ្រួលថ្មី ឃុំរក្សជ័យ និងទីតាំងទីពីរ នៅប្រឡាយពោធិ៍លោក ពីចំណុចទ្វារអូរម្ល ឆ្លងកាត់ឃុំធាយ ឃុំបឹងព្រះ និងឃុំស្ពឺ(ក)។

ជាមួយគ្នានេះដែរលោក ងិន បាណាល់ បានត្រៀមប្រេងឥន្ធៈចំនួន២៥០០លីត្រ និងសម្ភារៈចាំបាច់មួយចំនួនដូចជាទុយយោទឹកដើម្បីបម្រើឱ្យតំណើរការបូមទឹកជូនប្រជាពលរដ្ឋទាន់ពេលវេលា។

ប្រធានក្រុមការងារចុះមូលដ្ឋានស្រុកបាភ្នំ បានចាត់ទុកការជួយសង្គ្រោះស្រូវពលរដ្ឋជាការងារអាទិភាពរបស់ក្រុមការងារ។ លោកបន្ថែមថា ស្រូវជាអាយុជីវិត ដូចសុភាសិតខ្មែរពោលថា«ធ្វើស្រែនឹងទឹក ធ្វើសឹកនឹងបាយ»៕

The post បណ្ឌិត ងិន បាណាល់ ផ្តល់ម៉ាស៊ីនបូមទឹក៤គ្រឿង ជួយសង្រ្គោះស្រូវ នៅស្រុកបាភ្នំ ដែលខ្វះទឹកស្រោចស្រព appeared first on Kampuchea Thmey Daily.

តាមរយៈនៃការចុះពិនិត្យជាក់ស្ដែង និងមានការវាយតម្លៃពីមន្ទីរជំនាញទាំងពីរ បានបញ្ជាក់ថា ស្រុកមង្គលបូរី មានការប៉ះពាល់នៅភូមិសាស្រ្ត ឃុំសឿ មានចំនួន២ទីតាំង ៖ ទីតាំងទី១ ស្រូវមានចំនួន១២០ហិកតា ដែលបានទុំបណ្ដើរៗ ថ្វីដ្បិតតែខ្វះទឹកប៉ុន្តែស្រូវទុំ ខូចខាតតិចតួច ជាលទ្ធផលតាមការវាយតម្លៃមិនទាន់មានការប៉ះពាល់ធ្ងន់ធ្ងរទេ។,ចំណែកឯទីតាំងទី២ ស្រូវមានប្រមាណជាង២០០ហិកតា ដែលជាការដាំដុះលើកទីបីប្រចាំឆ្នាំ ដែលកំពុងប្រឈមទៅនឹងការខ្វះខាតទឹកស្រោចស្រព ដោយសារទឹកតាមប្រឡាយ បឹងបួរបានពុំមានទឹកសម្រាប់ស្រោចស្រព។  បញ្ហាទាំងអស់នេះរដ្ឋបាលខេត្ត រដ្ឋបាលស្រុក រួម និងមន្ទីរជំនាញកំពុងរកមធ្យោបាយសង្រ្គោះ ដោយនឹងរៀបចំបុកអណ្តូង ជាជំរេីសចុងក្រោយ ដើម្បីសង្រ្គោះស្រូវ និងដំណាក់កាលបន្ទាប់ នឹងធ្វើការស្តារបឹងមួយកន្លែងនៅចំណុចកណ្តាលស្រែសម្រាប់ធានាទឹកស្រោចស្រពនាឆ្នាំខាងមុខ។

 ចំណែកស្រុកស្វាយចេក ស្រូវប្រាំងកំពុងដាំដុះលើកទី២ នៅគ្រប់ឃុំទាំង៨ មានចំនួន២៤៦៩ហិកតា ក្នុងនោះមានការខូចខាត៥ហិកតា នៅឃុំតាផូ ដោយសារនៅតំបន់ឆ្ងាយពីប្រភពទឹក។

 ដោយឡែកស្រុកព្រះនេត្រព្រះ ស្រូវប្រាំងកំពុងដាំដុះលើកទី២ នៅគ្រប់ឃុំទាំង៩ មានចំនួន២២៧៣៩ហិកតា មានទឹកស្រោចស្រពគ្រប់គ្រាន់ពុំមានបញ្ហានោះទេ។

ជុំវិញបញ្ហានេះ លោកអភិបាលខេត្តបន្ទាយមានជ័យ បានជំរុញដល់អាជ្ញាធរស្រុក-ក្រុង ធ្វេីការណែនាំដល់ ប្រជាពលរដ្ឋ ចូលរួមថែរក្សាទឹកទុកសម្រាប់ប្រើប្រាស់ ក្នុងរដូវប្រាំងនាពេលខាងមុខ ដោយសង្កេតឃេីញថា ស្រុកមួយចំនួនអាចប្រឈម និងការប្រេីប្រាស់ទឹកនារដូវប្រាំង។ ជាវិធានការលោកអភិបាល ខេត្ត ក៏បានណែនាំបន្ថែមដល់អាជ្ញាធរគ្រប់ស្រុក -ក្រុង ដែលមានអាង បឹង បួរ ប្រលាយ ធ្វេីការតាមស្តារទៅលទ្ធភាពដែលអាចធ្វេីទៅបាន ដេីម្បីទុកទឹកសម្រាប់ប្រេីប្រាស់នាឆ្នាំបន្ទាប់៕

អត្ថបទ៖ អ ពៅ

The post ស្រូវប្រាំងមួយចំនួនក្នុងខេត្តបន្ទាយមានជ័យ ប្រឈមការខូចខាត ព្រោះខ្វះទឹកស្រោចស្រព appeared first on Kampuchea Thmey Daily.

យោងតាមអាជ្ញាធរគុយបានៅដើមខែនេះមានមនុស្សជាង៦០ម៉ឺន​នាក់ ដែលច្រើនជាង១នាក់ក្នុងចំណោមមនុស្ស២០ នាក់​នៃ​ប្រទេស​ស្ថិត​នៅលើកោះ Caribbean ដែលមានប្រជាពលរដ្ឋចំនួន១០លាននាក់ កំពុងរងគ្រោះពីបញ្ហាផ្គត់ផ្គង់ទឹក។ ទីក្រុង Havana គឺជាតំបន់ដែលរងផលប៉ះពាល់ខ្លាំងបំផុត ទោះបីជាទីក្រុងធំៗ ភាគច្រើនរបស់ប្រទេសរាយការណ៍ថា មានមនុស្សជាង ៣០០០០នាក់គ្មានទឹកក៏ដោយ។

ក្រុមមន្ត្រីបានស្តីបន្ទោសបញ្ហាដែលកំពុងកើនឡើងទៅលើហេដ្ឋារចនាសម្ព័ន្ធដែលដួលរលំ និងកង្វះខាតប្រេងឥន្ធនៈដែលវាគសញ្ញានៃវិបត្តិសេដ្ឋកិច្ច ហើយបានកំពុងធ្វើឱ្យប្រទេសដែលគ្រប់គ្រងដោយរដ្ឋាភិបាល​កុម្មុយនិស្តនេះជិតក្ស័យធន។ ក្នុងនោះម៉ាស៊ីនបូមទឹក គ្រឿងបន្លាស់ ប្រេងឥន្ធនៈ កំពុងខ្វះខាត និងសូម្បីតែ​ការផ្គត់ផ្គង់​ទឹក​សង្គ្រោះបន្ទាន់​តាម​រថយន្ត​ដឹក​ទឹក​ក៏​មាន​កម្រិត​ដែរ​។ លើសពីនេះប្រទេសនេះក៏មានការដាច់ភ្លើងញឹកញាប់ធ្វើឱ្យបញ្ហាកាន់តែធ្ងន់ធ្ងរ ដែលបណ្ដាលឲ្យផ្ទុះការតវ៉ានៅក្នុងតំបន់មួយចំនួន ដោយសារពួកគេបាត់បង់ការអត់ធ្មត់ក្នុងអាកាសធាតុដ៏ក្តៅខ្លាំង។

សេដ្ឋកិច្ចរបស់ប្រទេសគុយបាត្រូវបានបំផ្លាញដោយកត្តារួមផ្សំ​ជាច្រើន​ រួមទាំងជំងឺរាតត្បាត​កូវីដ១៩ ការរឹតបន្តឹងទណ្ឌកម្មរបស់សហរដ្ឋអាមេរិក និងបញ្ហាអាជីវកម្មដែលគ្រប់គ្រងដោយរដ្ឋដែលញាំញីដោយការគ្រប់គ្រងមិនត្រឹមត្រូវ និងអំពើពុករលួយ។ វិបត្តិសង្គមនិងសេដ្ឋកិច្ច ត្រូវបានគេមើលឃើញយ៉ាងទូលំទូលាយថា ជាបញ្ហា​អាក្រក់​ក្នុងចំណោមវិបត្តិដ៏អាក្រក់បំផុតចាប់តាំងពីបដិវត្តន៍ឆ្នាំ១៩៥៩ដែលនាំឲ្យមានការចាកចេញរបស់ប្រជាជនគុយបាធ្វើចំណាកស្រុក បំបែកកំណត់ត្រាក្នុងរយៈពេល២ឆ្នាំចុងក្រោយនេះ៕

អត្ថបទ៖ ប៊ុន សុភាព

The post គុយបាមាន​​បញ្ហា​ខ្វះខាតទឹក​ ខណៈសេដ្ឋកិច្ច​ប្រទេស​នេះ​រងវិបត្តិ​ធ្ងន់ធ្ងរ​​​ appeared first on Kampuchea Thmey Daily.

បឹងសិប្បនិម្មិត Mornos ដែលមានទីតាំងនៅប្រហែល១៥០គីឡូម៉ែត្រភាគឦសាននៃទីក្រុង អាថែន គឺ​ជាអាងស្តុកទឹកដ៏សំខាន់សម្រាប់ការផ្គត់ផ្គង់ទឹករបស់រដ្ឋធានីក្រិកអស់ជាច្រើនទសវត្សរ៍មកហើយ។ កាលពីនៅពេលដែលទំនប់មួយត្រូវបានសាងសង់នៅលើទន្លេ Mornos ក្នុងឆ្នាំ១៩៧៩ ដើម្បីបង្កើតបឹងសិប្បនិម្មិតនេះ ភូមិ Kallio ត្រូវជម្លៀសចេញ និងលិចនៅក្រោមទឹក ប៉ុន្តែនៅរដូវក្តៅនេះភូមិ Kallio មិនបានលិចនោះទេ ខណៈដែលកម្រិតទឹកបានធ្លាក់ចុះជាខ្លាំង។

កាលពីខែកក្កដា ឆ្នាំ២០២៣ ផ្ទៃបឹងមានប្រហែល១៦,៦គីឡូម៉ែត្រការ៉េ។ នេះបើយោងតាមទិន្នន័យដែលចេញផ្សាយដោយ National Observatory of Athens ប៉ុន្តែនៅក្នុងខែកក្កដាឆ្នាំនេះវាមានទំហំត្រឹមតែ១២,៨ គីឡូម៉ែត្រការ៉េប៉ុណ្ណោះ។

បញ្ហានេះត្រូវបានរាយការណ៍ថាបញ្ហាកង្វះធនធានទឹកនៅទូទាំងប្រទេសក្រិក ដោយតំបន់ជាច្រើនកំពុងប្រឈមនឹងការខ្វះខាតទឹករួចហើយ។ ទោះជាយ៉ាងណាក៏ដោយ បញ្ហាក៏កំពុងកើតមាននៅក្នុងតំបន់ផ្សេងទៀត ដោយសារគ្រោះរាំងស្ងួតរយៈពេលយូរ និងការថយចុះទឹកភ្លៀង និងការ​ធ្លាក់ព្រិល។

ក្រសួងបរិស្ថាន និងថាមពលបានប្រកាសកាលពីថ្ងៃអង្គារថា ក្នុងរយៈពេលពីរឆ្នាំចុងក្រោយនេះ ទឹកបម្រុងនៅបឹង Mornos និងអាងស្តុកទឹកសំខាន់ៗចំនួនបីផ្សេងទៀតសម្រាប់តំបន់ Greater Athens បានធ្លាក់ចុះប្រហែល ៣០ ភាគរយ មកនៅប្រហែល៧០៣លានម៉ែត្រគូប។ ជាមួយនឹងពាក់កណ្តាលនៃចំនួនប្រជាជនរបស់ប្រទេសដែលរស់នៅក្នុងតំបន់ធំជាងនៅទីក្រុង អាថែន តួលេខនេះគួរឱ្យព្រួយបារម្ភ។

ពាក់ព័ន្ធបញ្ហានេះលោក Dimitrios Emmanouloudis សាស្ត្រាចារ្យផ្នែកគ្រប់គ្រងទឹកភ្នំនៅសាកលវិទ្យាល័យ Democritus of Thrace នៅភាគខាងជើងប្រទេសក្រិកបានឲ្យដឹងថា៖«ប្រទេសក្រិកមានភ្លៀងធ្លាក់តិច ហើយជាពិសេសព្រិលធ្លាក់តិចក្នុងអំឡុងរដូវរងាឆ្នាំ ២០២២-២០២៣ និង ២០២៣-២០២៤»។

លោក​បាន​បន្ត​ថា បញ្ហា​នេះ​កាន់​តែ​ធ្ងន់ធ្ងរ​ឡើង​ដោយ​ការ​កើន​ឡើង​យ៉ាង​ឆាប់​រហ័ស​នៃ​ការ​មក​ដល់​ទេសចរណ៍​ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ ខណៈប្រទេសនេះមានប្រជាជនប្រមាណ ១០លាននាក់ទទួលបានភ្ញៀវទេសចរជាង៣០ លាននាក់ក្នុងមួយឆ្នាំៗ។ នេះបើយោងតាមស្ថិតិផ្លូវការ។

លោក Emmanouloudis គូសបញ្ជាក់​ថា សម្ពាធ​លើ​ធនធានទឹក​ក្នុង​គោលដៅ​ទេសចរណ៍​ដ៏ពេញនិយម​លែងមាន​និរន្តរភាព​ទៀតហើយ។ ជាមួយគ្នានេះនៅក្នុងរដ្ឋធានីក្រិកដែលទទួលភ្ញៀវកាន់តែច្រើន ក្រុមហ៊ុនផ្គត់ផ្គង់ទឹក ដែលគ្រប់គ្រងដោយរដ្ឋអាថែន (EYDAP S.A.) បានធ្វើឱ្យសកម្ម​រក​ប្រភពទឹកបន្ថែមដើម្បីគាំទ្របណ្តាញទាំងនេះ រួមមានបឹង Yliki នៅភាគឦសាននៃទីក្រុងអាថែនផងដែរ។

ចំណែកអ្នកជំនាញបានបន្ថែមថា ប្រទេសក្រិកក៏បានពើ​បប្រទះ​សីតុណ្ហភាពខ្ពស់មិនធម្មតាចាប់តាំងពីខែមីនាឆ្នាំនេះ ដែលតម្រូវការប្រើប្រាស់ទឹកកើនឡើង។ ក្រុមមន្ត្រីបាននិយាយថា នឹងមានញ្ហាកង្វះដ៏អាក្រក់បំផុត ប្រសិនបើកង្វះទឹកភ្លៀង និងព្រិលធ្លាក់នៅតែបន្តកើតមានក្នុងប៉ុន្មានឆ្នាំខាងមុខ ដោយសារការប្រែប្រួលអាកាសធាតុ ទឹកបម្រុងសម្រាប់ទីក្រុងអាថែន នឹងឈានដល់តំបន់ក្រហមក្នុងរយៈពេល៤ឆ្នាំ។

យ៉ាងណាមិញ ដើម្បីដោះស្រាយបញ្ហាប្រឈម​ដូច​បាន​រៀបរាប់​ រដ្ឋាភិបាលបានវិនិយោគលើហេដ្ឋារចនាសម្ព័ន្ធបន្ថែមទៀតដើម្បីដោះស្រាយការលេចធ្លាយ និងការសន្សំសំចៃទឹក ការសាងសង់រោងចក្រចម្រោះទឹកបន្ថែមទៀត និងការគ្រប់គ្រងទឹកកែច្នៃបានល្អប្រសើរសម្រាប់ប្រព័ន្ធធារាសាស្រ្តកសិកម្ម។ ពេលនេះ មន្ត្រីជំនាញកំពុងណែនាំប្រជាពលរដ្ឋឲ្យសន្សំសំចៃទឹក។

ទោះជាយ៉ាងណាក៏ដោយ វិធានការរឹតត្បិតលើការប្រើប្រាស់មិនត្រូវបានដាក់ចេញដូចនៅដើមទសវត្សរ៍ទី៩០ទេ បើទោះបីប្រទេសក្រិកប្រឈមនឹងគ្រោះរាំងស្ងួតរយៈយូរក៏ដោយ។

ប្រទេសក្រិក​ធ្លាប់​ជួបវិបត្តិខ្វះទឹកដ៏អាក្រក់បំផុតគឺនៅឆ្នាំ១៩៩៣ ខណៈបច្ចុប្បន្ន​កម្ពស់​ទឹក​បាន​ស្រក​ប្រមាណ​៤០​ម៉ែត្រ ដែលធ្វើឲ្យមនុស្សជាច្រើនមានការព្រួបារម្ភអំពី​អនាគត ដោយសារ​ឥទ្ធិពល​នៃ​ការ​ប្រែប្រួល​អាកាសធាតុកាន់តែអាក្រក់ទៅៗ៕

អត្ថបទ៖ ប៊ុន សុភាព

The post ខណៈស្ទើរពេញ​​ពិភពលោក​ប្រឈម​ទឹកជំនន់ ប្រទេសក្រិកបែរជា​​ជួបបញ្ហា​ខ្សត់​ទឹក appeared first on Kampuchea Thmey Daily.

សម្ដេចធិបតីថ្លែងបែបនេះ ក្នុងឱកាសអញ្ជើញជាអធិបតីពិធីបិទសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅអនុវត្តការងារឆ្នាំ២០២៤ របស់ក្រសួងធនធានទឹក និងឧតុនិយម នារសៀលថ្ងៃទី១០ ខែមេសា ឆ្នាំ២០២៤នេះ។

សម្ដេចធិបតី ហ៊ុន ម៉ាណែត បានថ្លែងដូច្នេះថា «ទឹក ជាធនធានដ៏មានសារសំខាន់សម្រាប់ទ្រទ្រង់ភាវៈមានជីវិតទាំងអស់ និងការអភិវឌ្ឍសង្គម-សេដ្ឋកិច្ច។ ក៏ប៉ុន្តែ ធនធានទាំងនេះកាន់តែខ្សត់ទៅៗពីមួយថ្ងៃទៅមួយថ្ងៃ ដោយសារសកម្មភាពអវិជ្ជមានរបស់មនុស្ស ការប្រែប្រួលអាកាសធាតុ កំណើនប្រជាជន និងការីកចម្រើនសេដ្ឋកិច្ចយ៉ាងឆាប់រហ័ស ដែលធ្វើ ឱ្យប៉ះពាល់ដល់ប្រភពទឹក គុណភាពទឹក និងបន្តដាក់សម្ពាធយ៉ាងខ្លាំងដល់ប្រព័ន្ធអេកូឡូស៊ី»។

សម្ដេចធិបតី បន្តថា ទន្ទឹមនេះ កម្ពុជា ក៏ដូចជាបណ្ដាប្រទេសមួយចំនួននៅក្នុងតំបន់ និងសកលលោក បាននិងកំពុងរង ផលប៉ះពាល់ពីការប្រែប្រួលអាកាសធាតុ និងអាចជួបប្រទះនូវភាពមិនប្រាកដប្រជានៃប្រភពធនធានទឹក នាពេលអនាគត ប្រសិនបើមិនមានកិច្ចសហការទាន់ពេលវេលា​ និងគ្រប់ជ្រុងជ្រោយពីគ្រប់ភាគីពាក់ព័ន្ធ។

ក្នុងន័យនេះ សម្ដេច ហ៊ុន ម៉ាណែត បានលើកឡើងឱ្យមានការប្រើប្រាស់ធនធានទឹកប្រកបដោយប្រសិទ្ធភាព ដែលជាចាំបាច់សម្រាប់ការអភិវឌ្ឍសង្គម-សេដ្ឋកិច្ច ប្រកបដោយចីរភាព។ បើតាមការសម្ដេចធិបតី រាជរដ្ឋាភិបាលកម្ពុជា តែងតែផ្ដល់អាទិភាពខ្ពស់ដល់វិស័យធនធានទឹក តាមរយៈការគ្រប់គ្រងធនធានទឹកឱ្យកាន់តែប្រសើរ ដើម្បីធានាបាននូវសន្តិសុខទឹក នៅក្របខណ្ឌទូទាំងប្រទេស ជាពិសេសបន្តកិច្ចសហការជាមួយភាគីពាក់ព័ន្ធក្រោមយន្តការតំបន់ និងពិភពលោក សំដៅពង្រឹងលើកកម្ពស់អភិបាលកិច្ចលើការគ្រប់គ្រងធនធានទឹកឱ្យកាន់មានប្រសិទ្ធភាព៕

The post សម្តេចធិបតី៖ កង្វះធនធានទឹក បណ្ដាលពីសកម្មភាពអវិជ្ជមានរបស់មនុស្ស និងបម្រែបម្រួលអាកាសធាតុ appeared first on Kampuchea Thmey Daily.

លោក ម៉ែន នួន មេឃុំស្វាយជ្រុំបាននិយាយឲ្យដឹងនៅព្រឹកថ្ងៃទី០៥ ខែកុម្ភៈថា​ ស្រែប្រាំង​នៅ​តំបន់នេះមានចំនួន២៣០  ហិកតាស្ថិតនៅក្នុងភូមិថ្មកែវ និងភូមិកំពង់រាំង ឃុំស្វាយជ្រុំ កំពុងខ្វះខាតទឹកស្រោចស្រព។

​ក្នុងនោះស្រែចំនួន ៨០ ហិកតា បើមានទឹកគ្រប់គ្រាន់ប្រហែល១០ថ្ងៃទៀតនឹងប្រមូលផល លោកថាប្រសិនបើមានប្រេងគ្រប់គ្រាន់ចាក់ម៉ាស៊ីនបូមទឹកឲ្យបានជាង២០ថ្ងៃទៀតនោះនឹងសង្គ្រោះស្រូវប្រាំង ២៣០ ហិកតា។

​លោក ដោក ប៊ុនថុន ប្រធានមន្ទីរធនធានទឹកខេត្ត និងលោក ងិន ហ៊ុន ប្រធានមន្ទីរកសិកម្មខេត្តក្នុងពេលចុះត្រួតពិនិត្យការធ្វើស្រែប្រាំងនៅតំបន់ខាងលើនេះបានឲ្យដឹងថា ស្រូវស្រែប្រាំងក្នុងតំបន់នេះមិនទាន់មានការខូចខាតនៅឡើយទេដោយយើងអាចបូមទឹកពីទំនប់ ២០ ខែឧសភាដាក់មកប្រឡាយមេជួយសង្គ្រោះបាន។ ដូច្នេះការបូមទឹកដាក់ចូលក្នុងប្រឡាយមេខាង លើនេះជាង១០ ថ្ងៃទៀត អាចនឹងសង្គ្រោះស្រែប្រាំងនៅចំណុចនេះបានទាំងអស់។

លោកប្រធានមន្ទីរធនធានទឹកខេត្តបានឱ្យដឹងទៀតថា នៅក្នុងរដូវប្រាំងឆ្នាំ២០២៣ និង២០២៤នេះ ស្រែប្រាំងដែលខ្វះខាត​ទឹកនៅក្នុងស្រុករលាប្អៀរ និងស្រុកបរិបូរណ៌មានជាង ១.០០០ ហិកតា។

មកដល់ពេលនេះអាជ្ញាធរខេត្ត ស្រុក និងមន្ទីរពាក់ព័ន្ធបានជួយសង្គ្រោះជាបន្តបន្ទាប់បានសរុបចំនួនជាង ១ ០០០ ហិកតាហើយ។

ដោយឡែកថ្ងៃនេះ មន្ទីរធនធានទឹកខេត្តបានជួយឧបត្ថម្ភប្រេងម៉ាស៊ូតដល់អាជ្ញាធរឃុំស្វាយជ្រុំ ចំនួន ៣០០លីត្រ និងមន្ទីរកសិកម្មខេត្តឧបត្ថម្ភប្រេង១០០លីត្រ។ ចំណែកអភិបាលខេត្តកំពង់ឆ្នាំងថា នឹងជួយឧបត្ថម្ភប្រេងចំនួន៤០០លីត្រផងដែរ ដើម្បីបូមទឹកពីទំនប់ ២០​ ឧសភាសង្គ្រោះស្រែប្រាំង ២៣០ ហិកតា។

លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំងក៏បានសំណូមពរផងដែរដល់អាជ្ញាធរឃុំ មន្ទីរធនធានទឹក និងមន្ទីរកសិ កម្មខេត្ត ត្រូវយកចិត្តទុកដាក់ចុះពិនិត្យស្រែប្រាំងប្រជាពលរដ្ឋគ្រប់មូលដ្ឋានដើម្បីជួយសង្គ្រោះស្រែប្រាំងដែលខ្វះខាតទឹកឲ្យ បានទាន់ពេលវេលា ទៅតាមភូមិសាស្រ្តជាក់ស្ដែងដែលមានប្រភពទឹកអាចជួយសង្គ្រោះបាន។

រដ្ឋបាលឃុំស្វាយជ្រុំ និងប្រជាកសិករក្នុងឃុំសូមថ្លែងអំណរគុណយ៉ាងជាជ្រៅដល់លោក អ៊ុក រ៉ាប៊ុន លោកអភិបាលខេត្ត អាជ្ញាធរស្រុករលាប្អៀ និងប្រធានមន្ទីរពាក់ព័ន្ធដែលបានឧបត្ថម្ភប្រេង ដើម្បីជួយចាក់ម៉ាស៊ីនបូមទឹកសង្គ្រោះស្រូវប្រាំងរបស់ពួកគាត់ដែលកំពុងខ្វះខាតទឹក៕

អត្ថបទ៖ ​ឈៀងថារិទ្ធ

The post អាជ្ញាធរកំពុងជួយសង្គ្រោះ​ស្រែប្រាំង ពលរដ្ឋ​ជាង ២០០ ហិកតា ​នៅឃុំស្វាយជ្រុំ ស្រុករលាប្អៀរ appeared first on Kampuchea Thmey Daily.