ការបំផុសនេះ គឺបន្ទាប់ពីមើលឃើញសកម្មភាពនៃការបញ្ចេញកំហឹងរបស់សាធារណជនខ្មែរមួយចំនួនលើអ្នកផ្ទះលេខ២ ដោយក្តីឈឺចាប់ ប៉ុន្តែហាក់ភ្លេចគិតដល់រូបភាពអវិជ្ជមានដែលបង្ហាញទៅអន្តរជាតិ។ ដោយបែបនេះ បវរកញ្ញារូបស្រស់ទាំងពីរដួង បានចេញមុខបំផុសនូវ​៥ចំណុចខាងក្រោម៖

១. សូមកុំបង្ហោះ ឬចែករំលែកនូវរូបភាពឌឺដង ឡកលើយទៅកាន់ចោរសៀម កុំឱ្យពិភពលោកមើលមកកម្ពុជាក្នុងផ្លូវអវិជ្ជមាន។ អ្វីដេលគួរធ្វើ គឺគ្រាន់តែបង្ហាញនូវការពិតឱ្យបានច្រើនពីកម្ពុជា និងឆន្ទៈយ៉ាងពិតប្រាកដដែលថា កម្ពុជាគឺពិតជាចង់បានសន្តិភាព។

២. កុំចែករំលែករូបភាពចល័តទ័ព ទីតាំងសម្ងាត់ទ័ព ឬសកម្មភាពប្រយុទ្ធរបស់កងទ័ពលើបណ្តាញសង្គម។ នេះជាការស្នើសុំពីស្ថានីយ៍ទូរទស្សន៍ជាតិខេត្តបន្ទាយមានជ័យ។

៣. សូមបន្តជឿជាក់និងទុកចិត្តកងទ័ពកម្ពុជា និងថ្នាក់ដឹកនាំ។

៤. សូមបន្តបំផុសស្មារតីរួបរួមរបស់ខ្មែរ តាមរយៈការរកនិងផ្តល់ជំនួយដល់ជនភៀសសឹក ក៏ដូចជាវីរជនរបស់កម្ពុជា។

៥. សូមជឿជាក់ព័ត៌មានដែលពិត និងផ្តល់ព័ត៌មានដែលពិត ហើយបញ្ឈប់នូវការចែករំលែកព័ត៌មានមិនជាក់លាក់ ក្រៅពីប្រភពច្បាស់ការរបស់រាជរដ្ឋាភិបាល។

The post ៥ចំណុច បវរកញ្ញារូបស្រស់ ២ដួង បំផុសឱ្យសាធារណជនរួមធ្វើ និងរួមបញ្ឈប់ appeared first on Kampuchea Thmey Daily.

អតីតបវរកញ្ញាកម្ពុជាដែលជាម្ចាស់មកុដ Miss Grand Cambodia ២០២២ ពេជ្រ វត្តីសារ៉ាវឌ្ឍី ទោះបីជាអាជីពសិល្ប:បច្ចុប្បន្នមានភាពមមាញឹមច្រើនយ៉ាងណាក្តី តែក្នុងនាមខ្មែរស្រលាញ់ខ្មែរ នាងបានបង្ហាញឆន្ទ :ដើម្បីធ្វើដំណើរទៅដោយផ្ទាល់ក្នុងការលើកទឹកចិត្តជូនទាហារខ្មែររបស់យើងដែលកំពុងឈរជើងការពារទឹកដីនៅទីនោះ។

វត្តី សារ៉ាវឌ្ឍី សង្ឃឹមថា ខ្លួននិងក្រុមការងារនឹងបានទៅជួប ក៏ដូចជាជួយដល់កងទាហានឆាប់ៗនេះ ដើម្បីជូននូវទឹកចិត្តបន្តិចបន្តួចក្នុងនាមជាប្រជាជនខ្មែរ។ បវរកញ្ញារូបនេះថា “ទោះមិនបានទៅសមរភូមិជាមួយបងៗក្តីក៏សូមឱ្យបងៗដែលជាទាហានខ្មែរទាំងអស់ដែលនៅព្រំដែនមានសុខសុវត្ថិភាពទាំងអស់គ្នា”។

កញ្ញា ពេជ្រ វត្តីសារ៉ាវឌ្ឍី បាននិយាយទៀតថា “នាងខ្ញុំក៏សូមចូលរួមរំលែកទុក្ខដ៏សែនក្រៀមក្រំ ចំពោះគ្រួសារសពដែលបានពាលី និងសូមកោតសរសើរចំពោះវីរៈភាពដ៏អង់អាចក្លាហានរបស់បងៗកងទ័ពកម្ពុជា ដែលបានពលីជីវិតការពាបូរណភាពទឹកដី”។

ជាការកត់សម្គាល់ ខណ:ដែលបញ្ហា​ព្រំដែន​រវាង​ប្រទេស​ទាំង​ពីរ​កម្ពុជា-ថៃ កំពុង​តែ​ឡើង​កម្តៅ​នោះ នៅ​លើ​បណ្តាញ​សង្គមគេ​សង្កេត​ឃើញ​មាន​អ្នកសិល្ប:មួយចំនួនបាន​ចេញ​មុខ​ជួយ​ជ្រោមជ្រែង និង​ផ្តល់​កម្លាំងចិត្តព្រមទាំងចូលរួមបរិច្ចាគថវិកាស្បៀងអាហារជាដើម ដើម្បី​ជា​ការ​លើកទឹកចិត្ត​ទៅ​ដល់​កងទ័ព​កម្ពុជា​ដែល​កំពុង​ឈរ​នៅ​ព្រំដែន​ដែល​កំពុងប្រឈមមុខដាក់គ្នាជាមួយទាហានថៃ៕ អត្ថបទ៖ ចាន់រ៉ា

The post ពេជ្រ វត្តីសារ៉ាវឌ្ឍី ត្រៀមទៅព្រះវិហារផ្តលកម្លាំងចិត្តដល់កងទ័ព appeared first on Kampuchea Thmey Daily.

ជាមួយគ្នាដែលទីផ្សាគាំទ្រ និងសិល្ប:កំពុងដំណើរការបោះជំហ៊ានទៅមុខយ៉ាងផ្លែផ្កានេះដែរ ក៏ស្រាប់តែ ពេជ្រ វត្តីសារ៉ាវឌ្ឍី បានស្នើបញ្ឈប់រាល់ការប្រៀបធៀបរវាងមនុស្សស្រី ព្រោះមានចំណុចល្អផ្សេងគ្នា។ ក្នុងន័យនេះ វត្តីសារ៉ាវឌ្ឍី បានលើកឡើងថា មនុស្សយើងម្នាក់ៗ មិនបានកើតមកជាមួយភាពឥតខ្ចោះឡើយ គឺយើងគ្រប់គ្នាសុទ្ធតែបានដឹងហើយ​។

ស្រីស្អាត ពេជ្រ វត្តីសារ៉ាវឌ្ឍី បាននិយាយបន្តថា ប៉ុន្តែស្តង់ដាសម្រស់ក្នុងសង្គមដែលយើងរស់នៅសព្វថ្ងៃ គឺតែងតែទាមទារឱ្យយើងចង់បាននេះចង់បាននោះដូចអ្នកដទៃទៅវិញរហូតភ្លេចសម្លឹងមើលចំណុចល្អរបស់ខ្លួនឯងទៅវិញហេតុអ្វី?។

ពេជ្រ វត្តីសារ៉ាវឌ្ឍី បញ្ជាក់ទៀតថា“ចូរបញ្ឈប់រាល់ការ ប្រៀបធៀបព្រោះមនុស្សស្រីទាំងអស់ គឺសុទ្ធតែមានចំណុចល្អរៀងៗខ្លួន ហើយយើងត្រូវតែស្គាល់ពីតម្លៃខ្លួនឯង ស្រឡាញ់ខ្លួនឯង ហើយអ្នកនឹងដឹងថា អ្នកជាមនុស្សស្រីដែលអស្ចារ្យបំផុតតាមបែបផែនដែលអ្នកមាន “។ នាងបន្ថែមថា កុំភ្លេចស្រឡាញ់ខ្លួនឯងអោយច្រើនៗ កុំបាក់ទឹកចិត្តក្នុងដំណើរជីវិតណាស៊ូស៊ូសុំផ្តល់កម្លាំងចិត្ត និងក្តីស្រឡាញ់ដល់អ្នកទាំងអស់គ្នា។

គួររម្លឹកថា កន្លងមកកញ្ញា ពេជ្រ វត្តីសារ៉ាវឌ្ឍី គឺជាបវរកញ្ញតំណាងកម្ពុជាក្នុងការចេញទៅប្រកួចលើឆាកអ ន្តរជាតិនាអំឡុងខែតុលាចុងឆ្នាំ២០២២។យ៉ាងណាមិ ញទោះបីនាងមិនអាចឆ្លងចូលទៅក្នុងTop5 ក្នុងការ ប្រកួតវគ្គផ្តាច់ព្រ័ត្រ MGI 2022 នៅឯប្រទេសឥណ្ឌូនេស៊ី ពិតមែនតែបរវកញ្ញារូបនេះរក្សាបានការគាំទ្រនិ ងលើកទឹកចិត្តខ្លាំងពីសំណាក់ប្រជាជនកម្ពុជាគ្រប់រូប៕

អត្ថបទ៖ ចាន់រ៉ា

The post ពេជ្រ វត្តីសារ៉ាវឌ្ឍី ស្នើបញ្ឈប់រាល់ការប្រៀបធៀបរវាងមនុស្សស្រី appeared first on Kampuchea Thmey Daily.

ប្រាកដ​ណាស់​បវរកញ្ញា ពេជ្រ វត្តីសារ៉ាវឌ្ឍី មកទល់​បច្ចុប្បន្ន​នាង​នៅតែ​ឆក់​បាន​ការ​គាំទ្រ និង​រក្សា​បាន​នូវ​ប្រជាប្រិយភាព​ពី​សំណាក់​មហាជន​ទូទៅ។ ចំពោះ​ការ​រក្សា​បាន​ប្រជាប្រិយភាព​នេះ ដោយសារ​ភាព​រួសរាយ និង​អត្តចរិត ខណៈ​កន្លង​មក​នាង​ក៏​ជា​បុគ្គល​ដ៏​សំខាន់​ម្នាក់​ដែល​បាន​តំណាង​ប្រទេស​ក្នុង​ការ​ប្រកួត​លើ​ឆាក​អន្តរជាតិ​ផង​ដែរ។

ជាក់ស្ដែង​តាមរយៈ​ការ​បង្ហាញ​ខ្លួន​នៅ​ក្នុង​កម្មវិធី Miss Grand Cambodia 2023 កញ្ញា វត្តីសារ៉ាវឌ្ឍី ដែល​ជា​ម្ចាស់​មកុដ​កាលពី​ឆ្នាំ ២០២២ បាន​សម្ញែង​ដើរ​កាច់រាង​ក្នុង​ឈុត​ហែល​ទឹក​ពណ៌​ក្រហម​ឆ្អិនឆ្អៅ​រំលេច​ដោយ​រំយោល​ភ្លឺផ្លេក​ដើរ​យ៉ាង​ជឿជាក់ និង​ស្វាហាប់ ឆក់​យក​បេះដូង​អ្នកគាំទ្រ​ដោយ​លាន់ឮ​សម្រែក នៃ​ការ​ស្រែក​ហោរ​ស្ទើរ​រង្គើ​ឆាក​ក្នុង​វគ្គ Swimsuit។

ត្រង់​ចំណុច​នេះ​បាន​ធ្វើ​ឲ្យ​អ្នក​និយម​តាមដាន​ស្នេហា​វិស័យ​បវរកញ្ញា​នៅ​កម្ពុជា​មើល​ឃើញ​ថា ស្រី​ស្អាត ពេជ្រ វត្តីសារ៉ាវឌ្ឍី នៅតែ​មាន​សមត្ថភាព​ខ្លាំង និង​អាច​រក្សា​បាន​លំនឹង​ប្រជាប្រិយភាព​មិន​ឲ្យ​ធ្លាក់​ចុះ ឬ ថមថយ​បាន​ឡើយ។ វត្តីសារ៉ាវឌ្ឍី ក៏​ទទួល​បាន​ការ​សរសើរ​ពី​មហាជន​ចំពោះ​រូប​សម្រស់ យ៉ាង​ស្រឡូន​គួរ​ឲ្យ​ស្រលាញ់​ទៀត​ផង។

គួរ​រម្លឹក​ថា កន្លងមក​កញ្ញា ពេជ្រ វត្តីសារ៉ាវឌ្ឍី គឺជា​បវរកញ្ញា​តំណាង​កម្ពុជា​ក្នុង​ការ​ចេញទៅ​ប្រកួត​លើ​ឆាក​អន្តរជាតិ​នា​អំឡុង​ខែ​តុលា ចុង​ឆ្នាំ ២០២២។ យ៉ាងណាមិញ​ទោះបី​នាង​មិន​អាច​ឆ្លង​ចូល​ទៅ Top5 ក្នុង​ការ​ប្រកួត​វគ្គ​ផ្ដាច់ព្រ័ត្រ MGI 2022 នៅ​ឯ​ប្រទេស​ឥណ្ឌូណេស៊ី ពិត​មែន តែ​បវរកញ្ញា​រូប​នេះ រក្សា​បាន​ការ​គាំទ្រ និង​លើកទឹកចិត្ត​ខ្លាំង​ពី​សំណាក់​ប្រជាជន​កម្ពុជា​គ្រប់រូប៕

អត្ថបទ ៖ ចាន់រ៉ា

The post ពេជ្រ វត្តីសារ៉ាវឌ្ឍី ឆក់យកបេះដូងអ្នកគាំទ្រជាថ្មី ក្នុងឈុតហែលទឹកពណ៌ក្រហមឆ្អិនឆ្អៅ appeared first on Kampuchea Thmey Daily.

រឿងដែលធ្វើឲ្យមហាជនពិសេសគឺអ្នកគាំទ្ររបស់ វត្តីសារ៉ាវឌ្ឍី មានការចាប់អារម្មណ៍ និងភ្ញាក់ផ្អើលជាខ្លាំងនោះ ព្រោះស្រីស្អាតរូបនេះផ្ញើលេខកុងធនាគារច្រឡំទៅឲ្យខាងភាគីក្រុមហ៊ុនថៃមួយដែលត្រូវផ្ទេរទឹកប្រាក់មកឲ្យនាង។ ចំនួនទឹកប្រាក់ដែលផ្ទេរច្រឡំចូលទៅគណនីផ្សេងនោះគឺមានរហូតប្រមាណជិត៦០០០ដុ ល្លារអាមេរិកឯណ្ណោះ។ ប្រការនេះទើបធ្វើឲ្យ វត្តី ភ័យស្លន់ស្លោរប្រកាសនៅលើបណ្តាញសង្គមហ្វេសប៊ុកផ្ទាល់ខ្លួនដើម្បីស្វែងរកមកវិញ។

ដោយសារឃើញបែបនេះ ទើបអ្នកគាំទ្របវរកញ្ញារូបនេះបានផ្ញើសាសួរនាំដោយក្នុងនោះ ក៏មានអ្នកខ្លះអះអាងរ៉ៃ​អង្គាសលុយ ដើម្បីលើកទឹកចិត្តនាងវិញផងដែរ ប្រសិនជាលុយដែលផ្ទេរច្រឡំនោះមិនត្រូវបានគេបាញ់ឲ្យនាងវិញ។ សំណេរអ្នកគាំទ្ររបស់វត្តីនៅក្នុងគ្រុបបានបញ្ជាក់ថា ផ្ញើសារលើកទឹកចិត្តតីផង បើមិនបានលុយមកវិញទេចាំហ្វេន donationsឲ្យវិញម្នាក់៦ ដុល្លារស្មើរ១០០០នាក់ គ្រប់ហើយ។

បន្ទាប់ពីឃើញការលើកទឹកចិត្តដូច្នេះកញ្ញា ពេជ្រ វត្តីសារ៉ាវឌ្ឍី បានឆ្លើយតបដោយអារម្មណ៍រំភើបថា​មើលឃើញសារនេះហើយចង់យំ អរគុណអ្នកទាំងអស់គ្នាសម្រាប់ការស្រលាញ់ដល់ខ្ញុំ អរគុណហ្វេនគ្រប់​គ្នាគ្រប់គ្រុបដែលចាំ Support ស្រីតី រហូតមកអរគុណដែលចូលមកធ្វើឱ្យជីវិតខ្ញុំស្គាល់ពាក្យថា កក់ក្តៅក្តីស្រ លាញ់និងគ្រួសារនៅពេលនេះ។

បើតាមការបញ្ជាក់បន្ថែមពីបវរកញ្ញា វត្តីសារ៉ាវឌ្ឍីបានឲ្យដឹងថា ចំនួនទឹកលុយដែលផ្ទេរច្រឡំនោះ គឺនាងទទួលបានមកវិញហើយ បន្ទាប់ពីការប្រកាស៕ ចាន់រ៉ា

The post បវរកញ្ញា ពេជ្រ វត្តីសារ៉ាវឌ្ឍី ផ្ទេរលុយច្រឡំជិត ៦ពាន់ដុល្លារ appeared first on Kampuchea Thmey Daily.

ជាការពិតណាស់ សម្រាប់កម្មវធីបើព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ បានប្រព្រឹត្តិទៅយ៉ាងរលូន និងអស្ចារ្យបំផុតជាមួយការបង្ហាញផ្ទាំងទស្សនីយភាព ព្រមទាំងការសម្តែងដ៏​កក្រើកបំផុតពីសំណាក់តារាចម្រៀងល្បីៗប្រចាំប្រទេស ដើម្បីអបអរព្រឹត្តិការណ៍ដ៏អស្ចារ្យនេះ ដែលរៀប​ចំឡើងនៅព្រះរាជាណាចក្រកម្ពុជា។

ជាការកត់សម្គាល់ អ្វីដែលមហាជនចាប់អារម្មណ៍ថែមទៀតនោះគឺការដង្ហែរក្បូនគណ:ប្រតិភូកីឡាទាំង១១​ប្រទេសចូលទីលានប្រកួត ដោយមានការកាន់ស្លាកតំណាងឲ្យប្រទេសនីមួយៗពីសំណាក់សិល្បការិនី​ស្រស់ស្អាតជាច្រើនរូប។ ក្នុងនោះសម្រាប់ការដង្ហែកាន់ស្លាកតំណាងឲ្យប្រទេសកម្ពុជា បានឱកាសបានមកលើ Mis s Gra nd Cambodia២០២២ កញ្ញា ពេជ្រ វត្តីសារ៉ាវឌ្ឍី ។

បើតាមចំណាប់អារម្មណ៍ដ៏រំភើបរបស់បវរកញ្ញា ពេជ្រ វត្តីសារ៉ាវឌ្ឍី បានរៀបរាប់ថា ជាកិត្តិយសណាស់ក្នុងការ​តំណាងឱ្យកម្ពុជា ក្នុងពិធីដង្ហែក្បួនបើកព្រឹត្តិការណ៍កីឡាស៊ីហ្គេមលើកទី៣២ និង អាស៊ានប៉ារ៉ាហ្គេមលើកទី១២ ដែលជាមហាព្រឹត្តិការណ៍មួយដ៏អស្ចារ្យសម្រាប់ប្រទេសកម្ពុជាដែលបានទន្ទឹងរងចាំរយៈពេ ល៦៤ឆ្នាំមក​ហើយក្នុងការក្លាយជាម្ចាស់ផ្ទះ។

កញ្ញា ពេជ្រ វត្តីសារ៉ាវឌ្ឍី បញ្ជាក់ថា«នាងខ្ញុំ ពេជ្រ វត្តីសារ៉ាវឌ្ឍី MissGrand Cambodia ២០២២ពិតជាមាន​ក្តីសោមនស្សរីករាយខ្លាំងណាស់ក្នុងការក្លាយជាចំណែកមួយផ្សព្វផ្សាយវប្បធម៌ អរិយធម៌កម្ពុជា ទៅកាន់ឆាក​អន្តរជាតិក្រោមពាក្យស្លោកកីឡានៃម្លប់សន្តិភាព» ៕

អត្ថបទ៖ ចាន់រ៉ា

The post វត្តីសារ៉ាវឌ្ឍី មោទកភាពក្លាយជាចំណែកផ្សព្វផ្សាយ​វប្បធម៌ អរិយធម៌កម្ពុជាទៅកាន់​ឆាកអន្តរជាតិ appeared first on Kampuchea Thmey Daily.