ពេជ្រ វត្តីសារ៉ាវឌ្ឍី ត្រៀមទៅព្រះវិហារផ្តលកម្លាំងចិត្តដល់កងទ័ព

កញ្ញា ពេជ្រ វត្តីសារ៉ាវឌ្ឍី ដែលជាបវរកញ្ញាល្បីឈ្មោះទទួលបានការគាំទ្រច្រើនពីមហាជនខ្មែរគ្រប់វ័យបានបង្ហើបពីគម្រោងត្រៀមទៅតំបទ់ប្រាសាទព្រះវិហារ ដែលកំពុងមានបញ្ហាជម្លោះជាមួយថៃ ដើម្បីចែកជូនសម្ភារ:និងលើកទឹកចិត្តដល់ទាហារខ្មែរការពារទឹកដីនៅទីនោះ។

អតីតបវរកញ្ញាកម្ពុជាដែលជាម្ចាស់មកុដ Miss Grand Cambodia ២០២២ ពេជ្រ វត្តីសារ៉ាវឌ្ឍី ទោះបីជាអាជីពសិល្ប:បច្ចុប្បន្នមានភាពមមាញឹមច្រើនយ៉ាងណាក្តី តែក្នុងនាមខ្មែរស្រលាញ់ខ្មែរ នាងបានបង្ហាញឆន្ទ :ដើម្បីធ្វើដំណើរទៅដោយផ្ទាល់ក្នុងការលើកទឹកចិត្តជូនទាហារខ្មែររបស់យើងដែលកំពុងឈរជើងការពារទឹកដីនៅទីនោះ។

វត្តី សារ៉ាវឌ្ឍី សង្ឃឹមថា ខ្លួននិងក្រុមការងារនឹងបានទៅជួប ក៏ដូចជាជួយដល់កងទាហានឆាប់ៗនេះ ដើម្បីជូននូវទឹកចិត្តបន្តិចបន្តួចក្នុងនាមជាប្រជាជនខ្មែរ។ បវរកញ្ញារូបនេះថា “ទោះមិនបានទៅសមរភូមិជាមួយបងៗក្តីក៏សូមឱ្យបងៗដែលជាទាហានខ្មែរទាំងអស់ដែលនៅព្រំដែនមានសុខសុវត្ថិភាពទាំងអស់គ្នា”។

កញ្ញា ពេជ្រ វត្តីសារ៉ាវឌ្ឍី បាននិយាយទៀតថា “នាងខ្ញុំក៏សូមចូលរួមរំលែកទុក្ខដ៏សែនក្រៀមក្រំ ចំពោះគ្រួសារសពដែលបានពាលី និងសូមកោតសរសើរចំពោះវីរៈភាពដ៏អង់អាចក្លាហានរបស់បងៗកងទ័ពកម្ពុជា ដែលបានពលីជីវិតការពាបូរណភាពទឹកដី”។

ជាការកត់សម្គាល់ ខណ:ដែលបញ្ហា​ព្រំដែន​រវាង​ប្រទេស​ទាំង​ពីរ​កម្ពុជា-ថៃ កំពុង​តែ​ឡើង​កម្តៅ​នោះ នៅ​លើ​បណ្តាញ​សង្គមគេ​សង្កេត​ឃើញ​មាន​អ្នកសិល្ប:មួយចំនួនបាន​ចេញ​មុខ​ជួយ​ជ្រោមជ្រែង និង​ផ្តល់​កម្លាំងចិត្តព្រមទាំងចូលរួមបរិច្ចាគថវិកាស្បៀងអាហារជាដើម ដើម្បី​ជា​ការ​លើកទឹកចិត្ត​ទៅ​ដល់​កងទ័ព​កម្ពុជា​ដែល​កំពុង​ឈរ​នៅ​ព្រំដែន​ដែល​កំពុងប្រឈមមុខដាក់គ្នាជាមួយទាហានថៃ៕ អត្ថបទ៖ ចាន់រ៉ា