បើតាមសំណេររបស់អភិបាលខេត្តឧត្តរមានជ័យ បានឱ្យដឹងថា ក្រុមការងារបច្ចេកទេសនៃមន្ទីរកសិកម្ម រុក្ខាប្រមាញ់ និងនេសាទ បានប្រមូលកសិផលដែលបានដាំដុះក្នុងមូលដ្ឋាន ដើម្បីយកទៅចែកជូនដល់ប្រជាពលរដ្ឋ និងសិស្សានុសិស្សក្នុងជំរំសុវត្ថិភាព និងកងទ័ពវរៈ២៥២ កងពលតូចអន្តរាគមន៍លេខ៥ កងពលធំលេខ២ ដែកកំពុងបំពេញភារកិច្ចការពារបូរណភាពទឹកដី នៅទិសប្រាសាទតាក្របី ចំនួន ១,០៥០គីឡូក្រាម និងស៊ុតទាចំនួន ១,៦២០គ្រាប់។

លោក មាន ចាន់យ៉ាដា បញ្ជាក់ថា ការប្រមូលផលបន្លែក្នុងមូលដ្ឋាន និងការចែកស្បៀងជូនកងទ័ព និងពលរដ្ឋនៅជំរំសុវត្ថិភាពធ្វើឡើងចំនួន ២២លើករួចមកហើយ ពោល សរុបបានចំនួន ២២,២១០គីឡូក្រាម។ លោកសង្កត់ធ្ងន់ថា ទាំងនេះគឺជាកិច្ចខិតខំរបស់រដ្ឋបាលខេត្ត និងមន្ទីរជំនាញ ដើម្បីជំរុញវិស័យកសិកម្មក្នុងស្រុកឱ្យក្លាយជាបង្អែកស្បៀងដ៏សំខាន់ក្នុងការជួយដល់កងទ័ពជួរមុខ រួមទាំងពលរដ្ឋនៅជំរំសុវត្ថិភាព៕

The post កសិផលក្នុងមូលដ្ឋាននៅខេត្តឧត្តរមានជ័យ បន្តផ្គត់ផ្គង់យ៉ាងសកម្មជូនកងទ័ព និងពលរដ្ឋភៀសសឹក appeared first on Kampuchea Thmey Daily.

​កាលពីពេលថ្មីៗនេះ ​ក្រុមការងារមន្ទីរពាណិជ្ជកម្ម ​បានចុះសម្របសម្រួលការទិញ-លក់ ​និង​ស្វែងរកទីផ្សារ​ ដោយ​សហ​ការជាមួយវិស័យឯកជនប្រមូលទិញបន្លែគ្រប់ប្រភេទរួមទាំងបន្លែត្រប់ស្រួយ និងត្រប់វែងជាដើម ដែលមានការកកស្ទះទីផ្សារ នៅខេត្តបាត់ដំបង ក្នុងតម្លៃសមរម្យ និងបានបន្តសម្រប​សម្រួល​ដោះស្រាយបញ្ហាទីផ្សារជាបន្តបន្ទាប់ទៀត នៅតាមទីតាំង​ផលិតកម្ម និងតាមបណ្តារាជធានី-ខេត្តនានា​ដែលជួបបញ្ហា។ ​​

ក្រសួងពាណិជ្ជកម្ម កំពុងបន្តតាមដានយ៉ាងសកម្ម​លើ​ស្ថានការកកស្ទះកសិផលឱ្យបានទាន់ពេលវេលា៕

The post ក្រសួង​ពាណិជ្ជកម្ម​ បន្ត​ដោះស្រាយ​ការ​កកស្ទះ​កសិផល​ ដើម្បីធានា​ស្ថិរភាព​តម្លៃ​ទីផ្សារ appeared first on Kampuchea Thmey Daily.

​លោក វឌ្ឍនា ​បុគ្គលិក​ចម្ការម្រេច La Plantion បានឱ្យដឹងថា ​ដោយសារតែ​ផលប៉ះពាល់​ពី​អា​កាស​ធាតុ ​មាន​ការ​ធ្លាក់ភ្លៀងច្រើននៅរដូវវស្សា ​ហើយភាពរាំងស្ងួត ​ការកែច្នៃក្នុង​ចម្ការរបស់​លោកបាន​ធ្លាក់ចុះពី ៧០ តោន ​មក​នៅ​ត្រឹម​ ២០ តោន ក្នុងឆ្នាំ ២០២៥។​

​លោក ម៉ាក់ នី ប្រធានសមាគមសហព័ន្ធម្រេច និងគ្រឿងទេសកម្ពុជា (CPSF) ​មានប្រសាសន៍ថា​ ​តម្លៃម្រេច​ធម្មតា​នៅ​កម្ពុជា​​បានកើន​ដល់​ចន្លោះពី ២៥ ០០០-២៦ ៥០០ រៀល ក្នុងមួយ​គីឡូ​ក្រាម ដែល​មាន​ភាពល្អប្រសើរ​ជាងឆ្នាំមុនដោយ សារមាន​ការ​បញ្ជាទិញ ខណៈ​ស្ដុក​ម្រេច​​នៅ​លើ​ពិភព​លោក​ប្រឈ​មនឹងការធ្លាក់ចុះ។ ​

​ក្នុងមួយឆ្នាំ កម្ពុជាប្រមូលផលម្រេច​បានក្នុងរង្វង់ ១,៧​ ម៉ឺនតោន ទៅ ២ ម៉ឺនតោន​លើផ្ទៃ​ដី​ជាង ៦ ពាន់​ហិកតា​ ខណៈទីផ្សារម្រេចកម្ពុជាត្រូវបាននាំទៅកាន់ប្រទេសវៀតណាមប្រមាណ ៨០ ភាគរយ និងប្រទេស​បន្ទាប់​បន្សំ​ដូចជា ចិន តៃវ៉ាន់ ថៃ ជប៉ុន កូរ៉េ និងសហគមនអឺរ៉ុប។

​យោងតាមក្រសួងពាណិជ្ជកម្ម ​ម្រេចកម្ពុជា ​មានភាពល្បីល្បាញ ​ដោយសារការដាំដុះធម្មជាតិ ​និង​ដី​មានជីជាតិ​ ម្រេច​របស់កម្ពុជា​ ៨១% ​ត្រូវបានដាំដុះក្នុងខេត្តចំនួន ៣ ​តាមបណ្ដោយព្រំដែនកម្ពុជា-វៀតណាម​ គឺខេត្ត​រត​ន​គិរី ១៥% ​ខេត្តមណ្ឌលគិរី ២១% ​និងខេត្តត្បូងឃ្មុំ ៤៥%។​

​ការនាំចេញម្រេចកម្ពុជា ​ទៅកាន់ពិភពលោក​បានកើនឡើង​ ៣៧,៤៧% ​CAGR (២០២០-២០២៤) ជាមួយនឹង RCA ៥,០៦% ក្នុងឆ្នាំ ២០២៤ ដែលបង្ហាញពីភាពខ្លាំងឧត្តមភាព​ប្រៀបធៀប​សម្រាប់ការនាំចេញ៕

​អត្ថបទ៖ ឡេង ដេត

The post ​កម្ពុជា​ រកចំណូល​បាន ​៣១ លានដុល្លារ ​ពីការ​នាំចេញ​ម្រេច​ ធ្លាក់ចុះ ១២% ក្នុងឆ្នាំ ២០២៥ appeared first on Kampuchea Thmey Daily.

​នេះគឺជាសមិទ្ធផលថ្មីមួយ​ក្នុងការបង្កើនការតភ្ជាប់ក្នុងតំបន់ ដែលកើតចេញពីកិច្ចសហប្រតិបត្តិការ​យ៉ាង​ជិតស្និទ្ធរវាងក្រសួងកសិកម្មនៃប្រទេសទាំងពីរ។​

​លោក ឌិត ទីណា ​រដ្ឋមន្ត្រីក្រសួងកសិកម្ម មានប្រ​សាសន៍​ថា​៖ «យន្ត​ការ​ថ្មីនេះ ​នឹងជួយបង្កើនសមត្ថភាព​ប្រកួតប្រជែងនៃការនាំចេញ​កសិផល​កម្ពុជាទៅកាន់​ទី​ផ្សារ​ប្រទេស​ចិន​ តាមរយៈការកាត់បន្ថយ ​ឧបសគ្គនៃការដឹកជញ្ជូនតាមផ្លូវគោក សន្សំពេលវេលា ​បន្ថយ​ចំណាយ ​ជាពិសេសពង្រីកឱកាសសម្រាប់កសិពាណិជ្ជកម្ម​នៃកសិផលមួយ ចំនួន ​ដូចជាអង្ករ ដំឡូងមី ​ផ្លែឈើ ​បន្លែ ​និងកសិផលកែច្នៃដ៏ទៃទៀត»។

​យោងតាមក្រសួងកសិកម្ម ​នៅក្នុងឆ្នាំ ២០២៥ ​កម្ពុជា​រកចំណូល​បាន​ប្រមាណ​ ៥​ ពាន់លានដុល្លារ ​ពីការនាំចេញ​ផលិតផលកសិផលជិត ១៥ លានតោន ​កើនឡើង ២៧,៨៣% ធៀបនឹងឆ្នាំ ២០២៤៕​

អត្ថបទ៖ ឡេង ដេត

The post ​ឡាវ​បើកផ្លូវ​ឱ្យ​កម្ពុជា​ ដឹក​ជញ្ជូន​កសិផល​ឆ្លងកាត់​ទៅ​ទីផ្សារចិន​ appeared first on Kampuchea Thmey Daily.

ការនាំចេញស្រូវទៅកាន់ប្រទេសជិតខាង សម្រេចបានបរិមាណចំនួន ៦ ៨៥៩ ៩៣០ តោន គិតជាទឹកប្រាក់ជាង ១,៥៧ ពាន់លានដុល្លារ ចំណែកឯការនាំចេញអង្ករចំនួន ៩៤ ម៉ឺនតោន ទៅកាន់គោលដៅ ៧៥ ប្រទេស គិតជាទំហំទឹកប្រាក់ ៦០២ លានដុល្លារ។

​លោក លន់ យ៉េង អគ្គលេខាធិការ​សហព័ន្ធ​ស្រូវអង្ករ​កម្ពុជា ​មានប្រសាសន៍ថា ​ប្រភេទអង្ករ​បាននាំ​ចេញអង្ករក្រអូបចំនួន ៦៤.០២% ប្រភេទអង្ករសគ្រាប់វែង ១៣.៧១% អង្ករចំហ៊ុយ ២% អង្ករសរីរាង្គ​ចំនួន ១.៣២% អង្ករបាក់គ្រប់ប្រភេទ ១៨.៥៦% និងអង្ករផ្សេងៗចំនួន ០.៣៩%។

​យោងតាមក្រសួងកសិកម្ម រុក្ខាប្រមាញ់ និងនេសាទ តម្លៃស្រូវសើម​ នៅទីវាលដូចជា ​ស្រូវសែនក្រអូប ​មានតម្លៃ ​៩១០-៩៣០ ​រៀល ​ក្នុង​មួយ​គីឡូ​ក្រាម, ស្រូវ OM5451 មានតម្លៃចន្លោះពី ៦៥០-៧៥០ រៀល ក្នុងមួយគីឡូក្រាម និងស្រូវស្រងែ មាន​តម្លៃចន្លោះពី ៦៨០-៧២០ រៀល ​ក្នុង​មួយគីឡូក្រាម​។​

លោក ​ឌិត ទីណា ​រដ្ឋមន្ត្រីក្រសួងកសិកម្ម បានលើកឡើងនៅក្នុងរបាយការណ៍ថា តុល្យភាពស្បៀង​នៃ​បរិមាណ​ផល​ស្រូវនារដូវវស្សា ដែលនៅសល់ពីការនាំចេញ និងការប្រើប្រាស់ក្នុងស្រុកចំនួន ៥ ០៨៥ ៧៨៧ តោន (គិតជាអង្ករ ៣ ២៥៤ ៩០៤) ដែលនៅតែអាចផ្គត់ផ្គង់ កាប្រើប្រាស់ក្នុងស្រុក​ និងសម្រាប់​ការនាំចេញ។ ​

​លោករដ្ឋមន្ត្រីបានបន្ថែមថា ផលិតកម្មស្រូវ ​អង្ករ ដំណាំរួមផ្សំ ឈើហូបផ្លែ បន្លែ ត្រី សាច់សត្វ មានលទ្ធភាពគ្រប់គ្រាន់សម្រាប់ផ្គត់ផ្គង់តម្រូវការ​ក្នុងស្រុក និងអាចធានបាននូវសន្តិសុខ​ស្បៀង​សម្រាប់​ប្រជាពល​រដ្ឋ ​ខណៈការនាំចេញផលិត​ផល​កសិកម្មនៅតែ​បន្តជាធម្មតា។​

​យោងតាមក្រសួងកសិកម្ម ​នៅក្នុងឆ្នាំ ២០២៥ ​កម្ពុជានាំចេញផលិតផលកសិផលជិត ១៥ លានតោន កើនឡើង ២៧,៨៣% គិតជាទំហំទឹកប្រាក់ប្រមាណ ៥ ពាន់លានដុល្លារ ធៀបនឹងឆ្នាំ ២០២៤៕

អត្ថបទ៖ ឡេង ដេត

The post កម្ពុជាទទួលបានចំណូល​​ជាង ​២ ​ពាន់​លានដុល្លារ ​ពី​ការ​នាំចេញ​ស្រូវ-អង្ករ​ នៅឆ្នាំ ២០២៥​ appeared first on Kampuchea Thmey Daily.

របាយការណ៍​របស់ក្រសួងកសិកម្ម រុក្ខាប្រមាញ់ និងនេសាទ បង្ហាញថា ​នៅក្នុងឆ្នាំ ២០២៥ ការនាំ​ចេញ​ផលិតផលដំណាំសរុបចំនួន ១៤ ៩១០ ៤៨០ តោន កើនឡើង ២៧,៨៣% ធៀបនឹងឆ្នាំ ២០២៤ ក្នុងនោះការនាំចេញស្រូវសម្រេចបាន ៦ ៨៥៩ ៩៣០ តោន កើនឡើង ៤៨,៨៥%, អង្ករ ចំនួន ៩៤០ ៣២១ តោន កើន ៤៥,៥៩% និងផលិតផលដំណាំក្រៅពីស្រូវ-អង្ករចំនួន ​៧ ១១០ ២២៩ ​តោន។​

​ក្នុងឆ្នាំ ២០២៥ តុល្យភាពស្បៀងនៃបរិមាណផលស្រូវរដូវវស្សា ដែលនៅសល់ពីការនាំចេញ និងការប្រើប្រាស់ក្នុងស្រុកចំនួន ៥ ០៨៥ ៧៨៧ តោន (គិតជាអង្ករ ៣ ២៥៤ ៩០៤) ដែលនៅតែអាចផ្គត់ផ្គង់ កាប្រើប្រាស់ក្នុងស្រុក និងសម្រាប់ការនាំចេញ។

​លោក ឌិត ​ទីណា ​រដ្ឋមន្ត្រីក្រសួងកសិកម្ម ​រុក្ខាប្រមាញ់ ​និងនេសាទ ​បានលើកឡើង ​នៅក្នុងរបាយការណ៍ថា ​នៅក្នុងឆ្នាំ ២០២៥ ​ការនាំចេញផលិតផលដំណាំ មានលក្ខណៈល្អប្រសើរ កើនឡើង ២៧,៨៣% ធៀបនឹងឆ្នាំ ២០២៤។

លោករដ្ឋមន្ត្រីក្រសួងកសិកម្ម បានបន្ថែមថា ផលិតកម្មស្រូវ អង្ករ ដំណាំរួមផ្សំ ឈើហូបផ្លែ បន្លែ ត្រី សាច់សត្វ មានលទ្ធភាពគ្រប់គ្រាន់សម្រាប់ផ្គត់ផ្គង់តម្រូវការ​ក្នុងស្រុក និងអាចធានបាននូវសន្តិសុខ​ស្បៀង​សម្រាប់​ប្រជាពល​រដ្ឋទោះបីស្ថិតក្នុងស្ថាន​ភាពឈ្លានពានពីភាគីថៃ ​មកលើកម្ពុជាក៏ដោយ ការនាំចេញផលិតផល​កសិកម្មនៅតែ​បន្តជាធម្មតា៕

អត្ថបទ៖ ឡេង ដេត

The post ​កម្ពុជាទាញ​ចំណូល​បានជាង ​៥ ​ពាន់លានដុល្លារ ​ពីការនាំចេញ​ផលិតផលកសិផល​ នៅឆ្នាំ ២០២៥​ appeared first on Kampuchea Thmey Daily.

ក្នុងដំណើរបេសកកម្មនេះ ក្រុមការងារបានធ្វើការត្រួតពិនិត្យវឌ្ឍន​ភាពរបស់គម្រោង​នៅទូទាំង ខេត្តគោលដៅទាំង១៨ និងបានកំណត់ឱកាសថ្មីៗ ក្នុងការពង្រឹងលទ្ធភាពចូលទីផ្សារ ប្រព័ន្ធផលិតកម្ម និងភាពជាដៃគូក្នុងខ្សែច្រវាក់តម្លៃ សម្រាប់កសិករខ្នាតតូចនៅកម្ពុជា។

អេមស៍ គឺជាគម្រោងអនុវត្តដោយក្រសួងពាណិជ្ជកម្ម ដែលជាគំនិតផ្តួចផ្តើមរួមគ្នារបស់រាជរដ្ឋាភិបាលកម្ពុជា និងIFAD ក្នុងគោលបំណង ជំរុញកំណើន ទីផ្សារប្រកបដោយបរិយាបន្ន សម្រាប់ផលិតផលកសិកម្មដែលមានតម្លៃខ្ពស់ និងការអភិវឌ្ឍចង្កោមអាជីវកម្មតាមជនបទ ដែលអ្នកផលិតជាក្រុមកសិករខ្នាតតូច ក្នុងនោះកសិករក្រីក្រ ក៏អាចទទួលបានផលប្រយោជន៍រួមគ្នា។

មកដល់ពេលនេះ គម្រោងបាន និងកំពុងជួយគាំទ្រដល់កសិករខ្នាតតូចចំនួន ៩៤,៤៩៩ គ្រួសារ លើសពីគោលដៅដែលបានកំណត់ ត្រឹមចំនួន ៨៨,២០០ គ្រួសារ តែប៉ុណ្ណោះ សម្រាប់ ការអនុវត្តគម្រោងរហូតដល់ឆ្នាំ២០២៧។ ហើយគម្រោង នៅតែបន្តគាំទ្រកសិករខ្នាតតូច ក្នុងការអនុវត្តបច្ចេកទេសផលិតកម្មដែលមានភាពប្រសើរ ជួយសម្របសម្រួល ទីផ្សារឱ្យកាន់តែរឹងមាំ និងពង្រីកភាពជាដៃគូពាណិជ្ជកម្មឱ្យបានកាន់តែទូលំទូលាយផងដែរ។

លោក អេង សុធីវ័ន្ត អគ្គនាយក នៃអគ្គនាយកដ្ឋានពាណិជ្ជកម្មក្នុងប្រទេស និងជានាយកគម្រោង អេមស៍ បានមានប្រសាសន៍ថា៖ «គម្រោង អេមស៍ កំពុងមានវឌ្ឍនភាពល្អមកដល់ពេលនេះគឺ​ដោយសារមានកិច្ចសហការយ៉ាងរឹងមាំពី​ក្រុមការងារនៅទូទាំងខេត្តគោលដៅ និងដៃគូវិស័យ​ឯកជន​របស់យើង។ ជាមួយនឹងការទទួលបានហិរញ្ញប្បទានបន្ថែម យើងនឹងបន្តធ្វើការពង្រឹង​ចង្កោម​អាជីវកម្ម និងការតភ្ជាប់ទីផ្សារ ដើម្បីផ្តល់អត្ថប្រយោជន៍ឱ្យ​បានកាន់តែច្រើន​ដល់កសិករ​ខ្នាតតូចរបស់យើង។»

ការកៀរគរកសិករខ្នាតតូចរបស់គម្រោង ដើម្បីបង្កើតជាចង្កោមអាជីវកម្ម នៅតែបន្តរីកចម្រើន​ទៅ​មុខ ដោយមានចង្កោមអាជីវកម្មចំនួន ៣៤៧ ត្រូវបានបង្កើតឡើង និងអត្រានៃការទទួល​យក​បច្ចេកវិទ្យាផលិតកម្មមានចំនួន ៨៤% នៃចំនួនកសិករដែលចូលរួមក្នុងគម្រោង។

គិតត្រឹមខែតុលា ឆ្នាំ២០២៥ អេមស៍ បានសម្របសម្រួលការចុះកិច្ចសន្យាទិញ​លក់បាន​សរុប​ចំនួន ៩០៥ កិច្ចសន្យា សម្រាប់ខ្សែច្រវាក់តម្លៃ ផលិតផលស្រូវប្រណីត បន្លែសុវត្ថិភាព គ្រឿង​ទេស មាន់ខ្មែរ និងដំឡូងមី ដែលមានតម្លៃសរុបប្រមាណ ២២៤ លានដុល្លារអាមេរិក។

ក្នុងអំឡុងពេលទស្សនកិច្ចនៅក្នុងខេត្តចំនួនប្រាំមួយ ក្រុមការងារបេសកកម្មរបស់ IFAD និងក្រុមកងារគម្រោង អេមស៍ បានជួបជាមួយក្រុមកសិករផលិត ចង្កោមអាជីវកម្ម អ្នកទិញ និងមន្ទីរពាណិជ្ជកម្មខេត្ត ដើម្បីវាយតម្លៃលើការតភ្ជាប់ទីផ្សារ ការប្រើប្រាស់ហេដ្ឋារចនាសម្ព័ន្ធ បញ្ហាប្រឈមក្នុងផលិតកម្ម និងការទទួលបានសេវាកម្មបច្ចេកទេស និងហិរញ្ញប្បទានជាដើម។

ឱកាសដែលបានកំណត់សម្រាប់គម្រោង​ជាបន្តរួមមាន ការពង្រឹងផែនការអាជីវកម្ម និងការកំណត់ពេលវេលាផលិតកម្មសម្រាប់ចង្កោមអាជីវកម្មឱ្យស្របទៅតាមទីផ្សារ ជំរុញការប្រើប្រាស់ហេដ្ឋារចនាសម្ព័ន្ធទាក់ទងនឹងទីផ្សារក្រោមមូលនិធិសម្រាប់ការអភិវឌ្ឍតាមវិស័យឱ្យកាន់តែមានប្រសិទ្ធិភាព ពង្រីកការវិនិយោគវិស័យឯកជនតាម​រយៈមូលនិធិនវានុវត្តន៍​ខ្សែច្រវាក់តម្លៃ និងការដោះស្រាយបញ្ហាប្រឈមផ្នែកបច្ចេកទេស ដូចជា ការគ្រប់គ្រងជំងឺ​លើ​ដំណាំម្ទេស ការចាក់វ៉ាក់សាំងមាន់ និងការពង្រឹងគុណភាពគ្រាប់ពូជជាដើម។

លោក Frew Behabtu នាយក និងជាតំណាង IFAD ប្រចាំប្រទេសកម្ពុជា បានគូសបញ្ជាក់យ៉ាងដូច្នេះថា៖ «គម្រោង អេមស៍ បានធ្វើដំណើរឈ្ពោះទៅមុខប្រកបដោយស្ថិរភាព ក្នុងការពង្រឹងផលិតកម្មដែលបំពេញទៅតាមតម្រូវការរបស់ទីផ្សារ រួមជាមួយនឹងចង្កោមអាជីវកម្មដែលបានតភ្ជាប់កសិករខ្នាតតូចទៅកាន់អ្នកទិញនៅក្នុងខ្សែច្រវាក់តម្លៃសំខាន់ៗ បានកាន់តែច្រើនឡើងៗ»។

បេសកកម្មត្រួតពិនិត្យ និងវាយតម្លៃការអនុវត្តគម្រោងនេះ បានបញ្ជាក់ឱ្យឃើញពីលទ្ធផលជាក់ស្តែង និងឱកាសច្បាស់លាស់ក្នុងការពង្រឹង បន្ថែមទៀតនូវ ការធ្វើផែនការអាជីវកម្ម ការប្រើប្រាស់ហេដ្ឋារចនាសម្ព័ន្ធ និងការចូលរួមរបស់វិស័យឯកជន។

ការអភិវឌ្ឍបន្ថែមដោយផ្អែកលើមេរៀនបទពិសោធទាំងនេះ គឺពិតជាមានសារៈសំខាន់ ក្នុងការធ្វើ ឱ្យទំនាក់ទំនងផ្នែកពាណិជ្ជកម្មកាន់តែមានភាពស៊ីជម្រៅ និងអាចដោះស្រាយគម្លាតផលិតកម្ម និងសេវាកម្មដែលនៅសេសសល់បាន។

អេមស៍ ក៏បានបន្តការប្តេជ្ញាចិត្តយ៉ាងមុតមាំ ក្នុងការរួមបញ្ចូលយេនឌ័រនៅរាល់សកម្មភាពរបស់គម្រោងផងដែរ ក្នុងនោះស្ត្រីមានចំនួនដល់ទៅ ៦២% នៃអ្នកទទួលផលគម្រោងទាំងអស់។ ហើយបេសកកម្មនេះ ក៏បានលើកទឹកចិត្តដល់ការវិនិយោគបន្ថែមទៀតលើតួនាទីស្ត្រីជាអ្នកដឹកនាំ នៅក្នុងចង្កោមអាជីវកម្ម និងក្រុមអ្នកផលិត។

ក្រសួងពាណិជ្ជកម្ម និង IFAD នឹងបន្តធ្វើការយ៉ាងជិតស្និទ្ធ ដើម្បីជំរុញការអនុវត្តគម្រោង អេមស៍ ឱ្យកាន់តែមានប្រសិទ្ធិភាព ហើយក្រុមការងារបេសកកម្ម គ្រោងនឹងចុះគាំទ្រការអនុវត្តគម្រោងជាបន្តទៀត នៅក្នុងខែមេសា ឆ្នាំ២០២៦ ខាងមុខ។ បេសកកម្មត្រួតពិនិត្យ និងវាយតម្លៃគម្រោងប្រចាំឆ្នាំម្តងទៀត ក៏នឹងគ្រោងធ្វើឡើងក្នុងចន្លោះខែវិច្ឆិកា និងខែធ្នូ ឆ្នាំ២០២៦ ផងដែរ៕

The post គម្រោងជំរុញទីផ្សារសម្រាប់កសិកម្មខ្នាតតូច បង្ហាញពីឱកាស​ថ្មីៗ សម្រាប់កសិករ appeared first on Kampuchea Thmey Daily.

លោក ប្រាក់ ដាវីដ បានលើកឡើងនៅក្នុងវេទិកាពិព័រណ៍កសិកម្មកម្ពុជាឆ្នាំ ២០២៥ នៅថ្ងៃទី ១៣ ខែវិច្ឆិកា ឆ្នាំ ២០២៥។

លោករដ្ឋលេខាធិការក្រសួងកសិកម្ម បានបញ្ជាក់ប្រាប់ឱ្យដឹងថា សុវត្ថិភាពស្បៀង ជាទូទៅយើងផ្ដោត​លើផលិតផលមួយចំនួនដូចជា ស្រូវ អង្ករ បន្លែ ត្រី សាច់។ បញ្ហាយើងនៅត្រង់ថា យើងផលិតបានច្រើន យើងឃើញថា ស្រូវ អង្ករ អាចនៅសល់ ប្រមាណ ៦-៧ លានតោន បន្ទាប់ពីការនាំចេញ។

លោក ប្រាក់ ដាវីដ បន្ថែមថា៖ «យើងក៏ដឹងដែរថា ការនាំចេញ ស្រូវ អង្ករ មួយផ្នែកធំ គឺការនាំចេញស្រូវ មិនទាន់បានកែច្នៃ ហើយបើយើងមើលទៅលើសាច់យើងឃើញថា ឆ្នាំនេះ ក៏មានការវិវត្តជាវិជ្ជមាន ដូចជាការនេសាទមានកំណើនខ្ពស់ ដោយសារតែការសហការរវាងក្រសួង និងអាជ្ញាធរ ​ក្នុងការទប់ស្កាត់ ការនេសាទខុសច្បាប់ នៅបឹងទន្លេសាប»។

បើតាមលោក ប្រាក់ ដាវីដ បើយើងមើលទៅលើផលិតកម្មផ្សេងទៀត ជាពិសេសពាក់ព័ន្ធនឹងសាច់ដូចជា ជ្រូក និង គោ ជាដើមក៏យើងផលិតបានគ្រប់គ្រាន់ផងដែរ ហើយយើងឃើញថា ការផលិតសម្រាប់ផ្គត់ផ្គង់ទីផ្សារក្នុងស្រុក ដើម្បីធានាបាននូវសន្តិសុខស្បៀងនេះ ក៏មានបន្លែ ហើយបន្លែនេះ គឺយើងផលិតបានមួយចំនួនធំហើយ តែបញ្ហាប្រឈមគឺ ការផ្គត់ផ្គង់ឱ្យមានស្ថិរភាព ហើយយើងដឹងថា បន្លែយើងអាចធ្វើបានល្អតែខែប្រាំង ដល់ខែវស្សា មានភ្លៀងធ្លាក់ច្រើន បន្លែវារលួយ ដូច្នេះហើយបានជាយើង ដោះស្រាយបញ្ហានេះ តាមរយៈការរៀបចំជាផ្ទះសំណាញ់ ដែលយើងអាចផ្គត់ផ្គង់បន្លែបានពេញមួយឆ្នាំ ប៉ុន្តែវាត្រូវការទុន។

ដូច្នេះហើយ! បានជាយើងខំប្រឹងបង្កើតតាមរយៈសហគមន៍កសិកម្មទំនើប យើងរុញការផលិតបន្លែមួយដែលអាចផលិតផ្គត់ផ្គង់បានពេញមួយឆ្នាំផង ហើយក៏អាចធានាបាននូវសុវត្ថិភាព។

មន្ត្រីដដែលរូបនេះ បញ្ជាក់ថា៖ «ការផលិត ប្រហែលត្រូវពិនិត្យមើល បើយើងផលិតបន្ថែម ប្រហែលជាមិនអាចធ្វើសម្រាប់កសិផលទាំងអស់នោះទេ។ មានមួយចំនួនយើងអាចផលិតបន្ថែម តែមួយចំនួនទៀត យើងក៏ត្រូវធ្វើការពិនិត្យមើល ជាពិសេសកសិផលមួយចំនួន ដែលយើងកំពុងតែជួបប្រទះបញ្ហាទីផ្សារ»។

លោក ប្រាក់ ដាវីដ បន្ថែមថា អ្វីដែលយើងកំពុងជំរុញបន្ថែម គឺការខិតខំប្រឹងប្រែងជំរុញការកែច្នៃ ឧទាហរណ៍ការផលិតស្រូវ ដែលស្របនឹងស្ដង់ដា អឺរ៉ុប ដើម្បីយើងអាចនាំចញទៅអឺរ៉ុបាន។ នេះជាការខិតខំប្រឹងប្រែងរបស់យើង ដើម្បីឱ្យកសិករ​ផលិតស្របទៅតាមស្ដង់ដា ដែលទីផ្សារអន្តរជាតិអាចទទួលយកបាន។

យោងតាមក្រសួងកសិកម្ម នៅ​ក្នុង​រយៈពេល ៩ ​ខែ ឆ្នាំ ២០២៥ ​កម្ពុជា​បាននាំចេញផលិតផល​កសិកម្មជាង ១១ ​លានតោន កើន​ឡើង​ប្រមាណ ៣០% ​ធៀបនឹងរយៈពេលដូចគ្នានៅឆ្នាំ ២០២៤៕

អត្ថបទ៖ ឡេង ដេត

The post ក្រសួងកសិកម្ម ជំរុញការកែច្នៃកសិផលឱ្យមានស្ដង់ដា​ ដើម្បីផ្គត់ផ្គង់ទីផ្សារក្នុងស្រុក និងនាំចេញ appeared first on Kampuchea Thmey Daily.