លោក លី សាមិ ប្រធានមន្ទីរអប់រំ យុវជន និងកីឡា ខេត្តមណ្ឌលគិរី បានប្រាប់«កម្ពុជាថ្មី» ឱ្យដឹងថា ការប្រកួតកីឡាសិស្សមធ្យមរយៈពេល ៤ថ្ងៃ ចាប់ពីថ្ងៃទី១៩ ដល់ ២២ខែមីនា ដើម្បីជ្រើសរើសជើងឯកថ្នាក់ខេត្តមកពីបណ្តាក្រុងស្រុកទាំង៥ ត្រូវបានបញ្ចប់ យ៉ងរលូននិងជោគជ័យ។ 

លោកបន្តថា ការប្រកួតកីឡាដណ្តើមពានរង្វាន់មន្ទីរអប់រំ យុវជន និងកីឡា ជ្រើសរើសជើងឯកថ្នាក់ខេត្តនេះ បែងចែកជា២វគ្គ គឺវគ្គទី១ សម្រាប់សិស្សបឋម ចាប់ពីថ្ងៃទី១២ ដល់ ១៧ខែមីនា ហើយវគ្គទី២ ចាប់ពីថ្ងៃទី១៩ ដល់ ២២ ខែមីនា ឆ្នាំ២០២៥។ ក្នុងការប្រកួតចំនួន ២វគ្គនោះ មានវិញ្ញាសាដូចជា បាល់ទាត់បុរសនារីបាល់ទះបុរសនារី អត្តពលកម្ម បុរសនារី និងកីឡា បោះប៊ូលនិងប៉េតង់។ ការប្រកួតកីឡាជ្រើសរើសជើងឯកប្រចាំខេត្តនេះមកពីតាមបណ្ដាក្រុងស្រុកទាំង៥ រួមមាន ស្រុកកោះញែក ស្រុកពេជ្រាដា ស្រុកកែវសីមា ស្រុកអូររាំង និងក្រុងសែនមនោរម្យ។ ក្រុមដែលទទួលជយលាភីលេខ១ ជើងឯកថ្នាក់ខេត្តនឹងទទួលបានពាន១ និងប្រាក់រង្វាន់ពីមន្ទីរអប់រំ យុវជន និងកីឡាខេត្តមណ្ឌលគិរី។

លោកបន្ថែមថា ការប្រកួតកីឡាប្រចាំឆ្នាំនេះ មានគោលបំណង់ ដើម្បីពង្រឹងចំណងមិត្តភាព រវាងស្រុក និងស្រុក និងថ្នាក់ក្រុង តាមពាក្យស្លោក «កីឡារស់នៅក្នុងសន្តិភាព» និងដើម្បីអបអរសាទរឳកាសឆ្នាំសិក្សាថ្មី២០២៤-២០២៥ ជ្រើសរើសជើងឯកថ្នាក់ខេត្ត។ បន្ទាប់មកធ្វើការវាស់ស្ទង់បច្ចេកទេសជ្រើសរើសយកកីឡាករ កីឡាការិនីឆ្នើម និងមានទេពកោសល្យល្អប្រមូលផ្ដុំគ្នាហ្វឹកហាត់ដើម្បីបន្តពង្រឹងសមត្ថភាពបន្ថែមទៀតសម្រាប់ ដើម្បីត្រៀមខ្លួនចូលរួមប្រកួត រើសសិស្សមធ្យមសិក្សាជ្រើសរើសជើងឯកថ្នាក់ជាតិដែលប្រព្រឹត្តទៅចាប់ពីថ្ងៃទី៦ ដប់ថ្ងៃទី១០ ខែមិថុនា ឆ្នាំ២០២៥ ខាងមុខ នៅឯរាជធានីភ្នំពេញ។

លោកបានបញ្ជាក់ថា ការប្រកួតកីឡាជ្រើសរើសជើងឯកថ្នាក់ខេត្តនៅក្នុងឆ្នាំនេះ គឺមានការផុសផុលយ៉ាងច្រើនសន្ធឹកសន្ធាប់ ពីសំណាក់សិស្សានុសិស្សមកចូលរួមប្រកួត នឹងមហាជនមកគាំទ្រទស្សនាយ៉ាងច្រើនកុះករ។ ព្រោះពេលកន្លងទៅ អាជ្ញាធរក្រុងស្រុកបានផ្សព្វផ្សាយជូនដំណឹងទៅដល់ប្រជាពលរដ្ឋតាមមូលដ្ឋាន ក៏ដូចជាអាជីវករលក់ដូរផ្សេងគ្រប់មជ្ឈដ្ឋានមកចូលរួមគាំទ្រលើកទឹកចិត្តដល់កីឡាករ ពេលកំពុងប្រកួតផងដែរ។

បន្ថែមលើសពីនេះ លោកប្រធានមន្ទីរអប់រំខេត្ត ក៏បានគូសរំលេចផងដែរថា ដោយសារប្រទេសកម្ពុជាមានសុខសន្ដិភាពពេញបរិបូរណ៍ «ក្រោមម្លប់សន្ដិភាព» ដឹកនាំដោយសម្ដេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី ហើយបច្ចុប្បន្នជាប្រធានព្រឹទ្ធសភា និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជានាំឱ្យប្រទេសកម្ពុជាមានសុខសន្តិភាព ទើបកីឡារបស់យើងរស់នៅក្នុងសន្តិភាព។ លោកក៏បាន អំពាវនាវឱ្យកីឡាករ កីឡាការិនីសិស្សានុសិស្សទាំងអស់ ខំប្រឹងប្រែងសិក្សារៀនសូត្រ ចៀសឱ្យផុតពីគ្រឿងញៀន «កីឡាមិត្តភាពសាមគ្គីភាពកិច្ចសហប្រតិបត្តិការ» ហើយក្នុងនាមយុវជនជំនាន់ក្រោយ ជាទំពាំងស្នងឫស្សី សសរទ្រូងនៃប្រទេសជាតិ អនុវត្តនៃចក្រស្ដុកស្ដម្ភ រៀនឱ្យមានចំណេះដឹង ឱ្យមានចំណេះធ្វើ នឹងមានបំណិនជីវិត ហើយរួមរស់ជាមួយគ្នានៅក្នុងសង្គមជារៀងដរាប៕

អត្ថបទ៖ រៀម សុខហេង

The post ព្រឹត្តិការណ៍​​ប្រកួតកីឡា​ថ្នាក់ខេត្ត​មណ្ឌល​គិរី៤ថ្ងៃ​បាន​បញ្ចប់​ដោយជោគជ័យ appeared first on Kampuchea Thmey Daily.

​ក្នុង​ពិធី​បិទ​ការប្រកួត​នោះ​ដែរ ធ្វើឡើង​នៅ​បរិវេណ​កីឡា​វិទ្យាល័យ​សម្តេច​តេ​ជោ ហ៊ុនសែន សួង ស្ថិតនៅ​ក្រុង​សួង ខេត្ត​ត្បូងឃ្មុំ។

ក្នុង​ឱកាស​នោះ លោក ចេង ប៊ុណ្ណា​រ៉ា អភិបាលរង​ខេត្ត​មានប្រសាសន៍ថា ក្នុងសម័យ​សម្ដេច​អគ្គមហាសេនាបតី​តេ​ជោ ហ៊ុន សែន , បានធ្វើអោយ​ប្រទេស​កម្ពុជា ស្មើ​មុខស្មើមាត់​ជាមួយ​ប្រទេស​នានា និង​មាន​កិត្តិយស​លើ​សាកលលោក​នេះ​។ កីឡា​នាំ​ប្រទេស​កម្ពុជា ក្លាយទៅជា​កន្លែង​ដែល​គួរ​ជាទី​ចាប់អារម្មណ៍​បំផុត​ដូចជា ធុរកិច្ច សាសនា វប្បធម៌​ទេសចរណ៍ ពិសេស​គឺ​វិស័យ​កីឡា​នេះ​តែម្ដង​។ ដំណើរ​នៃ​ពានរង្វាន់​បាល់ទាត់​លំដាប់​ពិភពលោក ហើយ​ទៅជា​ចំណែក​នៃ​ការ​ជួយ​ជំរុញ​វិស័យ​កីឡាបាល់ទាត់ និង​កីឡា​ដទៃ​ទៀត​នៅក្នុង​ប្រទេស​កម្ពុជា ឲ្យ​កាន់​តែមាន​ភាព​ផុលផុស​ផងដែរ។

លោក ចេង ប៊ុណ្ណា​រ៉ា អភិបាលរង​នៃ​គណៈ​អភិបាលខេត្ត បញ្ជាក់​ទៀត​ថា ប្រទេស​កម្ពុជា​ជា​សមាជិក​FIFA , ការ​គោចរ​របស់​ពានរង្វាន់​លំដាប់​ពិភពលោក FIFA World Cup នឹង​ក្លាយជា​ចំណែក​មួយ​ក្នុង​ការជំរុញ​វិស័យ​កីឡាបាល់ទាត់​កម្ពុជា ផ្ដល់នូវ​កម្លាំងចិត្ត​ដល់ កីឡាករ យុវជន​និង​សាធារណជន​ជាទី​ស្នេហា គាំទ្រ​វិស័យ​កីឡា​ទាំងអស់​ក្នុង​ការ​លើកកម្ពស់​វិស័យ​កីឡា ឲ្យ​កាន់តែ​រីកចម្រើន​ថែមទៀត ក្នុង​ដំណើរ​ឆ្ពោះ​ទៅ​កាន់​ការរៀបចំ​កីឡា​ស៊ី​ហ្គេម​២០២៣ នៅ​កម្ពុជា​ដែល​ជា​ម្ចាស់ផ្ទះ​។ កីឡា​បាន​ផ្ដល់​ឱកាស​ដល់​យុវជន បំពេញ​នូវ​ក្ដី​ប្រាថ្នា​របស់​ខ្លួន ចង់​បញ្ចេញ​សមត្ថភាព​ទេពកោសល្យ បានផ្ដល់​ការគាំទ្រ​ពី​ទស្សនិកជន​និង​សាធារណជន ពោរពេញ​ទៅ​ដោយ​ស្នាមញញឹម សំឡេង​ហ៊ោកញ្ជ្រៀវ​ចំណី​ចក្ខុ សាមគ្គីភាព មិត្តភាព ភាតរភាព ទំនាក់​ទំនងជា​សារ​វ័​ន្ត​ដែល​មិនអាច​ខ្វះ​បាន លេង​កីឡា​ដើម្បី​សាមគ្គីភាព​មិត្តភាព​ភាតរភាព​និង​ការអប់រំ។

ជាមួយគ្នា​នោះ លោក អភិបាលរង​ខេ​ត្ត​ត្បូងឃ្មុំ បាន​អំពាវនាវ​ដល់​បងប្អូន​ប្រជាពលរដ្ឋ​និង​សិស្សានុសិស្ស​ទាំងអស់ ត្រូវ​នាំគ្នា​លេង​កីឡា​ឲ្យ​បាន​គ្រប់ៗ​គ្នា ដើម្បី​ទទួល​បាន​នូវ​សុខ​ភាពល្អ ទំនាក់ទំនង​ល្អ មាន​មេត្រីភាព សាមគ្គីភាព មិត្តភាព និង​ជៀស​ឲ្យ​ឆ្ងាយ​ពី​គ្រឿងញៀន ព្រោះ​គ្រឿងញៀន​នាំ​ឲ្យ​មាន​គ្រោះថ្នាក់​ដល់​សុខភាព និង​អនាគត​របស់ខ្លួន ក៏ដូចជា​សង្គមជាតិ​ទាំងមូល។

បើ​តាម​របាយការណ៍​របស់​លោក អ៊ិន ពៅ​សម្បត្តិ ប្រធាន​មន្ទីរអប់រំ​យុវជន​និង​កីឡា​ខេត្ត​ត្បូងឃ្មុំ បាន​ឲ្យ​ដឹង​ថា ឆ្លងកាត់​ការប្រកួត​យ៉ាង​ស្វិតស្វាញ​រយៈពេល​៥​ថ្ងៃ ជា​លទ្ធផល កីឡាបាលទាត់​បុរស​ចំណាត់ថ្នាក់​លេខ​១ បាន​ទៅលើ​ក្រុម​កីឡាករ​ស្រុក​មេមត់ X16 ដែល​ទទួលបាន​ពានរង្វាន់​១ ទង់​អនុស្សាវរីយ៍​ចំនួន​១ ខោអាវ​១៨​ក​ប្លេ​រ បាល់ទាត់​៥​គ្រាប់ និង​ថវិកា​រង្វាន់​ចំនួន​៣,៦០០,០០០​រៀល​ កីឡាបាលទាត់​នារី​ចំណាត់ថ្នាក់​លេខ​១ បាន​ទៅលើ​ក្រុមកីឡា​មកពី​ស្រុក​មេមត់ ដែល​ទទួលបាន​ពានរង្វាន់​១ ទង់​អនុ​ស្សាវរី​យ៍​ចំនួន​១ ខោអាវ​១៨​ក​ប្លេ​រ បាល់ទាត់​៥​គ្រាប់ និង​ថវិកា​រង្វាន់​ចំនួន​៣,៦០០,០០០​រៀល កីឡាបាល់ទះ​បុរស ចំណាត់ថ្នាក់​លេខ​១  បាន​ទៅលើ​ក្រុម​កីឡាករ​មកពី​ស្នងការដ្ឋាន​នគរបាល​ខេត្ត​ត្បូងឃ្មុំ ដែល​ទទួលបាន​ពានរង្វាន់​១ ទង់​អនុ​ស្សាវរី​យ៍​ចំនួន​១ ខោអាវ​១២​ក​ប្លេ​រ បាលទះ​៥​គ្រាប់ និង​ថវិកា​រង្វាន់​ចំនួន​២.៤០០.០០០ រៀល​ កីឡាបាល់ទះ​នារី ចំណាត់ថ្នាក់​លេខ​១  បាន​ទៅលើ​ក្រុម​កីឡាករ​មកពី​ស្រុក​តំបែរ ដែល​ទទួល​បាន​ពានរង្វាន់​១ ទង់​អនុស្សាវរីយ៍​ចំនួន​១ ខោអាវ​១២​ក​ប្លេ​រ បាលទះ​៥​គ្រាប់ និង​ថវិកា​រង្វាន់​ចំនួន​២.៤០០.០០០​រៀល​ កីឡា​ប៉េតង់​បុរស ចំណាត់ថ្នាក់​លេខ​១   ដែល​ទទួលបាន​ពានរង្វាន់​១ ទង់​អនុ​ស្សាវរី​យ៍​ចំនួន​១ ខោអាវ​៤​កំ​ប្លេ​រ និង​ថវិកា​រង្វាន់​ចំនួន​៨០០.០០០​រៀល កីឡា​ប៉េតង់​នារី ចំណាត់ថ្នាក់​លេខ​១   ដែល​ទទួលបាន​ពានរង្វាន់​១ ទង់​អនុ​ស្សាវរី​យ៍​ចំនួន​១ ខោអាវ​៤​កំ​ប្លេ​រ និង​ថវិកា​រង្វាន់​ចំនួន​៨០០.០០០​រៀល ចំណែក​លេខ​២ និង​លេខ​៣ ទទួល​បាន​ទង់​អនុស្សា​វរី​យ៍ ខោអាវ បាល់ និង​ថវិកា​រង្វាន់​មួយចំនួន​ផងដែរ៕

ដោយ ៖ សាន វិ​ឡែ​ម

The post រកឃើញ​ម្ចាស់​ជើងឯក ក្នុង​ការប្រកួតកីឡាមហាជន ក្រោយប្រកួតរយៈពេល៥ថ្ងៃ appeared first on Kampuchea Thmey Daily.

​បិសាច​ក្រហម Manchester United នឹងត្រូវ​ប្រកួត​មិត្តភាព​ជាមួយ ហង្ស​ក្រហម Liverpool នៅ​ថ្ងៃទី​ ១២ ខែកក្កដា ឆ្នាំ​ ២០២២ ខាងមុខនេះ នា​កីឡដ្ឋាន Rajamangala នៃ​ទីក្រុង​បាងកក ប្រទេស​ថៃ ដែល​អ្នកគាំទ្រ​ថៃ​រាប់​ម៉ឺន​នាក់ ក៏​កំពុង​ទន្ទឹងរង់ចាំ​ចង់ឃើញ​ក្រុម​របស់ខ្លួន​ប្រកួត ជាពិសេស​ចង់ឃើញ​តារា​ឆ្នើម​លំដាប់​ពិភពលោក Cristiano Ronaldo ដោយផ្ទាល់​ភ្នែក ប៉ុន្តែ​អ្វីៗ​ហាក់​ត្រូវបាន​ខកចិត្ត​បន្តិច ដោយសារ​អវត្តមាន​របស់ Ronaldo​។​

​ប្រភព​បាន​បង្ហើប​ថា​ អវត្តមាន​របស់ Cristiano Ronaldo នេះ ក៏ដោយ​សារ​ក្លិប​ទុកពេល​ឱ្យ​រូបគេ​ដោះស្រាយ​ជាមួយ​គ្រួសារ ខណៈ​រឿងនេះ​ត្រូវបាន​គេ​ចាត់ទុកថា​ គ្រាន់តែ​ជា​លេស ដ្បិត​ខ្សែប្រយុទ្ធ​សញ្ជាតិ​ព័រ​ទុយ​ហ្គា​ល់​រូបនេះ​កំពុង​ចង់​ចាក​ចេញពី​ក្លិប ក្រោយ​ត្រលប់មក​រួមរស់​ជាមួយគ្នា​បាន​មួយឆ្នាំ​។ ការដែល​ខកចិត្ត​ គឺ​ដោយសារ​មាន​អ្នកគាំទ្រ​ហ៊ាន​ចំណាយលុយ​ដល់​រាប់រយ​ដុល្លារ​ ដើម្បី​បាន​ទស្សនា​តារា​ឆ្នើម Cristiano Ronaldo ពោលគឺ​អ្វីដែល​បានដឹង​មក​តែ​ថា ​តម្លៃ​សំបុត្រ​ចូល​ទស្សនាការ​ប្រកួត​នេះ ទាប​បំផុត​គឺ ៥,០០០​បាត (​ដែល​វា​ប្រហែល​នឹង ១៤០$)​។​

​តម្លៃ​សំបុត្រ​ជារួម​ក្នុង​ការប្រកួត​នេះ​រួមមាន ៦ ​ប្រភេទ​ផ្សេងគ្នា​៖

– CAT1 Platinium តម្លៃ 25,000​បាត (​ប្រមាណ 708$)

– CAT1 Gold តម្លៃ 22,000​បាត (​ប្រមាណ 625$)

– CAT1 Silver តម្លៃ 20,000​បាត (​ប្រមាណ 570$)

– CAT2 តម្លៃ 15,000​បាត (​ប្រមាណ 425$)

– CAT3 តម្លៃ 12,000​បាត (​ប្រមាណ 340$)

– CAT4 តម្លៃ 5,000​បាត (​ប្រមាណ 141$)

​អត្ថបទ​៖ មន្នី​រ័ត្ន​

​

The post អ្នកគាំទ្រថៃ ខកចិត្តក្រោយ Man UTD ប្រកាសថា Ronaldo មិនអាចធ្វើដំណើរមកកាន់ទីក្រុងបាងកក appeared first on Kampuchea Thmey Daily.

​ថ្លែង​ក្នុង​ពិធី​បើក​ជា​ផ្លូវការ ឯកឧត្តម ប៊ូ ជុំ​សេរី បាន​បញ្ជាក់ថា ការប្រកួត​កីឡា​សិស្ស​បឋមសិក្សា​ថ្នាក់ជាតិ​នេះ ផ្ដោតលើ​គោលបំណង ៤​ សំខាន់​រួមមាន​៖ ទី​ ១ បំផុសសកម្មភាព​អប់រំ​កាយ និង​កីឡា​នៅក្នុង​គ្រឹះស្ថានសិក្សា និង​នៅតាម​រាជធានី​-​ខេត្ត​។ ទី ​២ ជួយ​ឲ្យ​សិស្ស​មាន​សុខុមាល​ភាពល្អ កាយសម្បទា​មាំមួន ឆន្ទៈ​មោះមុត អំណត់​ព្យាយាម មាន​វិន័យ ស្មារតី​ក្រុម គំនិត​ច្នៃប្រឌិត និង​តស៊ូ​ស្វិតស្វាញ​សំដៅ​ដណ្ដើមបាន​លទ្ធផល​ល្អប្រសើរ​លើ​ការប្រកួត ទទួលបាន​លទ្ធផល​ការសិក្សា​ល្អ និង​ជីវភាព​រស់នៅ​សុខដុមរមនា​។ ទី​ ៣ លើកទឹកចិត្ត​ដល់​អ្នកលេង​កីឡា និង​អ្នក​ដែលមាន​ឧបនិស្ស័យ​ដើម្បី​ជ្រើសរើស​បានជា​កីឡាករ​-​កីឡាការិនី​ថ្នាល​ល្អៗ​ចូលក្នុង​ក្រុម​ជម្រើសជាតិ ចូលរួម​ក្នុងការ​ហ្វឹកហាត់​ត្រៀមលក្ខណៈ​ចូលរួម​ប្រកួត​នៅលើ​ឆាក​ជាតិ និង​អន្ដរជាតិ​នានា​។ ទី​ ៤ បង្កលក្ខណៈ​ឲ្យ​សិស្ស​ជួបជុំគ្នា ស្គាល់គ្នា ចងមិត្តភាព សាមគ្គីភាព ដើម្បី​ចេះ​រួមរស់​ជាមួយគ្នា​នៅក្នុង​សង្គម​។​

​អនុរដ្ឋលេខាធិការ​ក្រសួង​អប់រំ យុវជន និង​កីឡា​ដដែល​បាន​កោតសរសើរ និង​វាយតម្លៃ​ខ្ពស់​ចំពោះ​គណៈកម្មការ​រៀបចំ​ការ​ប្រកួត និង​អង្គភាព​ពាក់ព័ន្ធ​គ្រប់​រាជធានី​-​ខេត្ត​ដែល​បាន​សហការ​រៀបចំ​ព្រឹត្តិការណ៍​នេះ ឲ្យ​រលូន​តាម​ការគ្រោងទុក ពិសេស​អំឡុងពេល​រាជរដ្ឋាភិបាល​បាន​បើក​ដំណើរការ​ប្រទេស​ឡើងវិញ ក៏ដូចជា​ការអនុញ្ញាត​ឲ្យ​ទស្សនិកជន ១០០% ចូលរួម​ទស្សនា​ការប្រកួត​លី​គ និង​សកម្មភាព​កីឡា​ជាតិ​ឡើងវិញ​ជាដើម​។​

​សូមបញ្ជាក់ថា ការប្រកួត​កីឡា​សិស្ស​បឋមសិក្សា​ថ្នាក់ជាតិ ឆ្នាំ​ ២០២២ នឹង​ប្រព្រឹត្តទៅ​រយៈពេល ៩​ ថ្ងៃ ដោយបាន​ដំណើរការ​តាំងពី​ថ្ងៃទី​ ២៩ ខែមេសា ហើយ​គ្រោង​បញ្ចប់​នៅ​ថ្ងៃទី​ ០៨ ខែឧសភា ឆ្នាំ​ ២០២២ ដោយ​រៀបចំឡើង​នៅ​រាជធានី​ភ្នំពេញ​។

​ព្រឹត្តិការណ៍​នេះ ​បានកំណត់​យក​ប្រភេទ​កីឡា​សក្តានុពល​ចំនួន​ ៨ រួមមាន​៖ កីឡាបាល់ទាត់​, បាល់ទះ​, បាល់បោះ​, អត្តពលកម្ម​, វាយ​សី​, វាយ​កូនឃ្លី​លើ​តុ​, តេ​ក្វាន់​ដូ WT និង​តេ​ក្ចា​ន់​ដូ IFT ស្មើនឹង ៣៤ ​វិញ្ញាសា សរុប ៤២៩​ មេដាយ ដែលមាន​ប្រតិភូ គ្រូបង្វឹក កីឡាករ កីឡាការិនី​ចូលរួម​ប្រកួត​សរុប ១,៦៧៧​ នាក់ អញ្ជើញ​មកពី ២៥ ​រាជធានី​ខេត្ត​៕

​អត្ថបទ​៖ មន្នី​រ័ត្ន​

​

The post គោលបំណង ៤ សំខាន់ៗ នៃការប្រកួតកីឡាសិស្សបឋមសិក្សាថ្នាក់ជាតិ ឆ្នាំ ២០២២ appeared first on Kampuchea Thmey Daily.

​យោងតាម​ការ​ជម្រាបជូន​ដោយ ឯក​ឧ​ត្ត​បណ្ឌិត ថោង ខុន រដ្ឋមន្ត្រី​ក្រសួងទេសចរណ៍ និង​ជា​អនុប្រធាន​អចិន្ត្រៃយ៍ CAMSOC ទៅកាន់​សម្តេច​តេ​ជោ ហ៊ុន សែន លក្ខខណ្ឌ​ថ្មី​នៃ​ការចូលរួម​ស៊ី​ហ្គេម នៅ​វៀតណាម ក្នុង​បរិបទ​កូ​វីដ​-១៩ ម្ចាស់ផ្ទះ​បានកំណត់​ឲ្យ​ប្រភេទ​កីឡា​នីមួយ​ចូលមក​កាន់​ទឹកដី​របស់ខ្លួន ២​ ថ្ងៃមុន​ការប្រកួត​មកដល់ និង​ក្នុង​រង្វង់​តែ ៥០​ នាក់​ប៉ុណ្ណោះ ដូចនេះ​ត្រូវបាន​សម្តេច​តេ​ជោ ស្នើឱ្យ​ធ្វើការ​ពិភាក្សា​ជាមួយនឹង រដ្ឋលេខាធិការដ្ឋាន​អាកាសចរ​ស៊ីវិល ជាពិសេស​ក្រុមហ៊ុន​អាកាសចរ ដើម្បី​សម្រួល​ដល់​ការដឹកជញ្ជូន​ប្រតិភូ​តាម​យន្ដហោះ​ពិសេស ជា​ចំណែក​មួយ​ជួយ​ដល់​សុវត្ថិភាព​ប្រតិភូ កីឡាករ​-​កីឡាការិនី ផងដែរ​។​

​សម្តេច​តេ​ជោ ហ៊ុន សែន នាយករដ្ឋមន្ត្រី​មានប្រសាសន៍​ណែនាំ​យ៉ាង​ដូច្នេះ​ថា ៖«​យើង​អាច​ប្រើប្រាស់​ដឹក​ជា​លក្ខណៈពិសេស​តែម្ដង ដឹក​ទៅហើយ​ដឹក​ត្រលប់​មកវិញ យើង​ប្រើប្រាស់​មធ្យោបាយ​ហ្នឹង​ដើម្បី​ធានា​កម្លាំង​។ នេះ​ក៏​ជា​វិធី​មួយ​ដើម្បី​ដោះស្រាយ​ការលំបាក ព្រោះ​ដំណាក់កាល​កូ​វីដ​ប្រហែលជា​គាត់​មិន​ចង់​ឲ្យ​មានការ​ប្រមូលផ្ដុំ​ច្រើន​នៅ​ទីនោះ ឥលូវ​រៀបចំ​ទៅ ហើយ​ពិភាក្សា​ជាមួយ ហាវ​ណ្ណា​ល់ ភ្លាម ដើម្បី​ចាត់ចែង រាជរដ្ឋាភិបាល​នឹង​ចេញ​លុយ​ថែម​ទៅលើ​ការដឹកជញ្ជូន​កីឡា​របស់​យើង បើ​បាន​ជិះ​យន្ដហោះ​ពិសេស​ទៅ​តែ​យើង​វា​កាន់តែ​ល្អ​។ យើង​អាច​ចំណាយ​ច្រើនជាង​បន្តិច ប៉ុន្តែ​សុវត្ថិភាព​កីឡាករ កីឡាការិនី​របស់​យើង អ៊ីចឹង​ខ្ញុំ​សុំ​ស្នើ​ឲ្យ​ធ្វើ​ការងារ​នេះ​បន្ទាន់ ហើយ​រាយការណ៍​ឲ្យ​ខ្ញុំ​អំពី​តម្រូវ​ការចំណាយ​»​។​

​សូមបញ្ជាក់​ជាថ្មី​ថា ការប្រកួត​ស៊ី​ហ្គេម​នៅ​វៀតណាម​ឆ្នាំនេះ មាន​ក្រុម​កីឡាករ​-​កីឡាការិនី និង​ក្រុមការងារ​គ្រូបង្វឹក​សរុប​មាន​ចំនួន ៥៦០​ នាក់​ក្នុងនោះ​មាន​ថ្នាក់ដឹកនាំ និង​មន្ត្រី​កីឡា​ចំនួន ៤៥​ នាក់ កីឡាករ​-​កីឡាការិនី​ចំនួន ៣៦៣ ​នាក់​, គ្រូបង្វឹក​-​គ្រូ​ជំនួយ​ចំនួន ៩៣ ​នាក់​, អាជ្ញាកណ្ដាល ចៅក្រម​អន្តរជាតិ មាន​ចំនួន ១៩​ នាក់​, អ្នកដឹកនាំ​ក្រុម​ចំនួន ២២ ​នាក់ និង​ក្រុមគ្រូពេទ្យ​ចំនួន ២១​ នាក់​៕

​អត្ថបទ​៖ មន្នី​រ័ត្ន​

​

The post ប្រតិភូកីឡាកម្ពុជា អាចនឹងទទួលបានការធ្វើដំណើរតាមយន្ដហោះពិសេស ទៅស៊ីហ្គេម នៅវៀតណាម appeared first on Kampuchea Thmey Daily.

​ផ្ដល់​កិច្ចសម្ភាសន៍​ជាមួយ ‘​កម្ពុ​ជាថ្មី​’ លោក Conor Nestor បាន​និយាយ​យ៉ាង​ដូច្នេះ​ថា​៖ «​កីឡាករ​បាន​ប្រឹងប្រែង​ជា​រង​រាល់​សប្តាហ៍ ហើយ​រៀបចំ​បាន​យ៉ាង​ល្អ​។ យើង​កំពុង​ទន្ទឹងរង់ចាំ​ការប្រកួត​ខាងមុខនេះ​។​»

​វិសាខា ក៏​ជា​ក្រុម​មួយ​ដែល​របូត​គ្រាប់​បាល់​តិច​ផងដែរ​នៅ​ដើមរដូវ​កាល​នេះ ពោលគឺ ៦​សប្ដាហ៍​កន្លងមកនេះ គេ​របូត​គ្រាប់​បាល់​ត្រឹមតែ ៤ ​គ្រាប់​ប៉ុណ្ណោះ ដែល​នេះ​មានន័យថា​ប្រព័ន្ធ​ការពារ ​គឺ​រឹងមាំ​ល្អ ដូចគ្នា​ទៅនឹង ព្រះខ័ន​រាជ​ស្វាយរៀង ផងដែរ ដែល​របូត​គ្រាប់​បាល់ ៤​គ្រាប់​ដូចគ្នា ខណៈ​លោក Conor Nestor ក៏បាន​បន្ថែម​ពី​ចំណុច​នេះ​។​

​ជុំវិញ​គូប្រកួត​វិសាខា គ្រូបង្វឹក​សញ្ជាតិ​អៀរ​ឡង់​ខាងជើង​រូបនេះ​បាន​បន្តទៀតថា​៖ «​ការការពារ​របស់​ពួកគេ ​គឺ​ល្អ​ខ្លាំងណាស់ ហើយ​ពិបាក​ក្នុងការ​បំបែករ​ណាំង​របស់​ពួកគេ​ណាស់​។ ពួកគេ​ក៏មាន​កីឡាករ​មានគុណ​ភាពជា​លក្ខណៈ​បុគ្គល​ច្រើន​ដែល​អាចបង្កើត​ឱកាស​បាន​គ្រប់កន្លែង​នៅលើ​ទីលាន​។​»

​សូមបញ្ជាក់ថា ជំនួប​រវាង​ក្លិប​ព្រះខ័ន​រាជ​ស្វាយរៀង ជាមួយ ក្លិប​វិសាខា នឹងធ្វើ​ឡើង​នៅ​ថ្ងៃទី ​២៣ ខែមេសា ឆ្នាំ​ ២០២២ នា​កីឡដ្ឋាន​ព្រី​នស៍ វេលា​ម៉ោង ៦:៣០​ នាទី​ល្ងាច​។ ខណៈ​ងាក​ទៅ​រដូវ​កាល​មុន ការជួបគ្នា​រវាង​ក្រុម​ទាំង​ ២ ទាំងពីរ​ជើង វិសាខា បាន​យកឈ្នះ​នៅ​ជើង​ទី​ ១ ៣-២ លើ​ព្រះខ័ន​រាជ​ស្វាយរៀង ស្របពេល​ដែល​នៅ​ជើង​ទី​ ២ បាន​ត្រឹម​ស្មើគ្នា ២-២​។​

​ព្រះខ័ន​រាជ​ស្វាយរៀង គឺជា​ក្រុម​ដែល​រក​គ្រាប់​បាល់​បាន​ច្រើនជាងគេ​ក្នុង​លី​គ ត្រឹម​សប្ដាហ៍​ទី​ ៦ ពោលគឺ​រកបាន ១៨​ គ្រាប់ ហើយ​កំពុងមាន ១៦​ ពិន្ទុ​ក្នុង​ដៃ នាំមុខ ៤ ​ពិន្ទុ​លើ​ក្រុម​លេខ​ ២ បឹងកេត ដែល​កំពុងកាន់ ១២​ ពិន្ទុ​ក្នុង​ដៃ រីឯ​ក្លិប​វិសាខា កមពុង​ឈរ​នៅ​លេខ​ ៤ មាន ១០ ​ពិន្ទុ​៕

​អត្ថបទ​៖ មន្នី​រ័ត្ន​

​

The post ព្រះខ័នរាជស្វាយរៀង ត្រៀមខ្លួនរួចជាស្រេចសម្រាប់ការប្រកួតជាមួយ វិសាខា appeared first on Kampuchea Thmey Daily.

​នៅ​ថ្ងៃ​សុក្រ ទី​២៨ ខែមករា ខាងមុខនេះ អ្នកលេង​រន្ទះ​ជើង និង​កណ្តាប់ដៃ​អា​មេ​នី Marat Grigorian ត្រូវ​ប្រឈម​នឹង​ជើង​ខ្លាំង​បេឡា​រុស្ស Chingiz Allazov នៅ​វគ្គ​ពាក់កណ្តាល​ផ្តាច់ព្រ័ត្រ​កម្មវិធី​ខ្សែក្រវាត់​ឃី​ក​បុក​សី​ង​ពិភពលោក ONE Featherweight Kickboxing World Grand Prix ហើយ​នៅ​វគ្គ​នេះ​មួយគូ​ទៀត​ជាការ​ប៉ះគ្នា​រវាង​ជើង​ខ្លាំង​ថៃ Sitthichai ជាមួយ Davit Kiria​។ ចាំមើល​ថា​ តើ​ពីរ​នាក់​ណា​ដែល​ឡើង​វគ្គ​ផ្ដាច់ព្រ័ត្រ​?

​ជាមួយនឹង​បទពិសោធ​ឡើង​សង្វៀន​ ៦៣ ​ដង​គឺ​ឈ្នះ​ ៥៧ ​ដង និង​ចាញ់​តែ​ ៥ ​ដង កីឡាករ Chingiz Allazov បាន​បង្ក​ការភ្ញាក់ផ្អើល​យ៉ាងខ្លាំង​នៅពេល​រូបគេ​បាន​ផ្តួល​ខ្លា​ចាស់ Samy Sana ឲ្យ​សន្លប់​ក្នុង​ទឹក​ទី​១​តាមរយៈ​កណ្តាប់ដៃ​ពិឃាត​នៅ​វគ្គ​៨​នាក់​ដំបូង​។​

​នៅ​វគ្គ​៨​នាក់​ដំបូង​នោះដែរ Marat Grigorian ដែលមាន​ប្រវត្តិ​ឡើង​សង្វៀន​៧៨​ដង​គឺ​ឈ្នះ​៦៥​ដង និង​ចាញ់​១១​ដង បាន​ខ្លា​កំណាច Andy Souwer ឲ្យ​សន្លប់​ក្នុង​ទឹក​ទី​១​ដូចគ្នា​។ បរាជ័យ​នោះ​ហើយ​បានធ្វើ​ឲ្យ Andy Sourwer ប្រកាស​ចូល​និវត្ត​រ៍​តែម្តង​។

​អ្នកលេង​មួយ​ថៃ​វិ​វត្ត​ខ្លួន​ក្លាយជា​អ្នក​ប្រដាល់​ឃី​ក​បុក​សី​ង​អាជីព Sitthichai ដែលមាន​ប្រវត្តិ​ប្រកួត​១៦៣​ដង​ក្នុងនោះ​ឈ្នះ​១២៦​ដង និង​ចាញ់​៣២​ដង កាលពី​វគ្គ​៨​នាក់​ដំបូង​មិនត្រូវ​បាន​គេ​រំពឹង​ឡើង​វគ្គ​ពាក់កណ្តាល​ផ្តាច់ព្រ័ត្រ​ទេ ប៉ុន្តែ​បន្ទាប់ពី​ប្រើ​រន្ទះ​ជើង និង​កណ្តាប់​តទល់​គ្នា​៣​ទឹក រូបគេ​ត្រូវបាន​ចៅ​ក្រុម​កាត់សេចក្តី​ឲ្យ​ឈ្នះ​កីឡាករ​តួ​ក​គី Tayfun Ozcan ដោយ​ពិន្ទុ​មិន​ឯកច្ឆន្ទ​។ Sitthichai ហាក់​មានសង្ឃឹម​ច្រើន​ក្នុងការ​យកឈ្នះ Davit Kiria ពីព្រោះ​រូបគេ​ធ្លាប់​ឈ្នះ​២​ដង​។

​ចំណែក Davit Kiria ដែលមាន​ប្រវត្តិ​ប្រកួត​៥៤​ដង​គឺ​ឈ្នះ​៣៦​ដង និង​ចាញ់​១៨​ដង បាន​ផ្តួល​ជើង​ខ្លាំង​អាល្លឺម៉ង់ Enriko Kehl ឲ្យ​សន្លប់​ក្នុង​ទឹក​ទី​១​នៅ​វគ្គ​៨​នាក់​ដំបូង​។ តាមពិតទៅ​រូបគេ​ធ្លាប់​ប្រកួត​ជាមួយ Sitthichai ពីរដង គឺ​មិន​ធ្លាប់​ស្គាល់​ពាក្យ​ថា ឈ្នះ​ឡើយ ដូច្នេះ​លើក​នេះ​គឺជា​ការប្តេជ្ញាចិត្ត​សំខាន់​ពីរ​យ៉ាង​។ ទី​១ Davit Kiria ប្តេជ្ញា​បញ្ចប់​កំណត់ត្រា​ចាញ់ Sitthichai និង​ទី​២​មហិច្ឆតា​ឡើង​វគ្គ​ផ្តាច់ព្រ័ត្រ​។​

​ជើង​ខ្លាំង​ទាំង​៤​រូប​ខាងលើ​នឹងមិន​ធ្វើ​ឲ្យ​អ្នកគាំទ្រ​ខកបំណង​ឡើយ ដោយសារ​ពួកគេ​រាំង​មាំ​មា​ប​បទពិសោធន៍​ច្រើន ទាត់​ធ្ងន់ និង​កណ្តាប់ដៃ​ច្បាស់​គោលដៅ​ដូចគ្នា ដូច្នេះ​មិនចាំបាច់​បង្ខំ​ពួកគេ​វ៉ៃ​ក៏ ក៏​ពួកគេ​បញ្ចេញ​អស់ពី​សមត្ថភាព​ដើម្បី​ឡើងទៅ​វគ្គ​ផ្តាច់ព្រ័ត្រ​។

​នៅ​រាត្រី​ជាមួយគ្នានេះ មាន​គូប្រកួត​ជាច្រើន​ដែលមាន​សមាសភាព​ដូចខាងក្រោម​៖

•​ ​Marat Grigorian ប្រកួត​ជាមួយ Chingiz Allazov (​ខ្សែក្រវាត់​ឃី​ក​បុក​សី​ង​វគ្គ​ពាក់កណ្តាល​ផ្តាច់ព្រ័ត្រ​)

•​ ​Sitthichai Sitsongpeenong ប្រកួត​ជាមួយ Davit Kiria (​ខ្សែក្រវាត់​ឃី​ក​បុក​សី​ង​វគ្គ​ពាក់កណ្តាល​ផ្តាច់ព្រ័ត្រ​)

•​ ​Jo Nattawut ប្រកួត​ជាមួយ Dovydas Rimkus (​គូ​បំ​រ៉ុង​ខ្សែក្រវាត់​ឃី​ក​បុក​សី​ង​)

•​ ​Kim Jae Woong ប្រកួត​ជាមួយ Tang Kai (​គុន​ចម្រុះ​)

•​ ​Ruslan Emilbek Uulu ប្រកួត​ជាមួយ Zhang Lipeng (​គុន​ចម្រុះ​)

•​ ​Rade Opacic ប្រកួត​ជាមួយ Francesko Xhaja (​ឃី​ក​បុក​សី​ង​)

•​ ​Hiroba Minowa ប្រកួត​ជាមួយ Jarred Brooks (​គុន​ចម្រុះ​)

•​ ​Tatsumitsu Wada ប្រកួត​ជាមួយ Wang Shuo (​គុន​ចម្រុះ​)

•​ ​Hiroyuki Tetsuka ប្រកួត​ជាមួយ Zebaztian Kadestam (​គុន​ចម្រុះ​)

•​ ​Anderson Silva ប្រកួត​ជាមួយ Paul Elliott (​គុន​ចម្រុះ​)

​

The post ជើងឯកឃីកបុកសីងពិភពលោក Grand Prix វិលមកចុងខែនេះ វគ្គ ៤ នាក់ចុងក្រោយ appeared first on Kampuchea Thmey Daily.

លោក​ ងិន សុ​បញ្ញា អគ្គលេខាធិការ​សហព័ន្ធ​កីឡា​ទ្រី​យ៉ា​ត្លុង​កម្ពុជា ​បាន​ប្រាប់​តាម​បណ្ដាញ​អន​ឡាញ​ពី​ខេត្ត​កែប​មក​នា​ល្ងាច​ថ្ងៃ ១២ ​ធ្នូ​នេះ​ឲ្យ​ដឹងថា ការប្រកួត​ជើងឯក​ថ្នាក់ជាតិ​ទ្រី​យ៉ាង​ត្លុង បានបញ្ចប់​ដោយ​រលូន​ទាំង ៦ វិញ្ញាសា មាន​ឌូ​អា​ត្លុង (Duathon) អា​គ័​ត្លុង​(Aquthon)​និង​ទ្រី​យ៉ា​ត្លុង​(Triyathon) ដោយមាន​ការចូល រួម​របស់​កីឡាករ​កីឡាការិនី​ចំនួន ៥៧​នាក់​ក្នុងនោះ​ក៏មាន​កីឡាករ​បរទេស​ចំនួន ១៥ នាក់​និង​មាន​នារី ៧ នាក់​។

លោក​អគ្គលេខាធិការ​បា​ន​បញ្ជាក់​ឲ្យ​ដឹង​ទៀតថា ​ឆ្លងតាម​ការប្រកួត​រយៈពេល ៣ ថ្ងៃ​កន្លងមកនេះ​ជា​លទ្ធផល​នោះ​ឃើញថា ​កីឡាករ​កីឡាការិនី​ជម្រើសជាតិ​កម្ពុជា​លើ​ប្រភេទ​កីឡា​ទ្រី​យ៉ា​ត្លុង​នេះ​ គឺមាន​ការកើនឡើង​នូវ​សមត្ថភាព​ខ្ពស់ជាង​មុន​ ដោយសារ​កីឡាករ​កីឡាការិនី​មុន​ការប្រកួត​ជើងឯក​នេះ​ បាន​បោះជំរំ​ហ្វឹកហាត់​នៅ​ទឹក សមុទ្រ​បាន​រយៈពេល​វែង ដែល​ធ្វើ​ឲ្យ​ពួកគេ​មាន​ភាព​សុំា​ជាមួយនឹង​ទឹកសមុទ្រ ហើយ សុំា​ជាមួយ​អាកាសធាតុ នាំ​ឲ្យ​មាន​កម្លាំង កាយសម្បទា ក៏ដូចជា​សុខភាព​ល្អ​មាំមួន ដែល​ធ្វើ​ឲ្យ​ការប្រកួត​ជើងឯក​ថ្នាក់ជាតិ​ប្រចាំឆ្នាំ ២០២១ នេះ​មានការ​រីកចម្រើន​ជាង​ឆ្នាំ​កន្លងទៅ បើ​ពិនិត្យមើល​ផ្នែក​បច្ចេក ទេស​។ លោក​បញ្ជាក់ទៀតថា ក្នុងការ​ប្រកួត​ជើងឯក​ថ្នាក់ជាតិ​នេះ សហព័ន្ធ​បានដាក់​វិញ្ញាសា​ប្រ​កួត​ឲ្យ​កីឡាករ​កីឡាការិនី​ជម្រើសជាតិ ធ្វើការ​ប្រកួត​ទាំងអស់ ពោលគឺ​កីឡាករ​ម្នាក់​អាច​លេង​បាន​២​វិញ្ញាសា ធ្វើ​យ៉ា​ងនេះ ក្នុង​គោលដៅ​ដើម្បីឱ្យ​ពួកគេ​មាន​សមត្ថភាព​និង​លទ្ធភាព ឈានទៅ​កាន់ការ ប្រកួត​ស៊ី​ហ្គេម​នៅ​វៀតណាម​នា​ខែឧសភា ២០២២​ខាងមុខ​។​ហើយ​លោក​ថា​ស៊ី​ហ្គេម ២០២២ នៅ​វៀតណាម គឺជា​ម៉ែត្រ​វាស់​ស្ទង់​សមត្ថភាព​បច្ចេកទេស​របស់​ជ​ម្រើស​ជាតិ​កម្ពុជា ដើម្បី​កំណត់​បាន​ថា ​រក​មេដាយ​នៅ​ស៊ី​ហ្គេម ២០២៣ ដែល​កម្ពុជា​ធ្វើជា​ម្ចាស់ផ្ទះ។

កីឡាករ​ជម្រើសជាតិ​នាង ពេជ្រ​ពិសិដ្ឋ ដែល​ជាប់​ចំណាត់ថ្នាក់​លេខ ១ បាន​និយាយ​ឲ្យ​ដឹងថា ” ការដែល​គេ​ឈ្នះ​មេដាយមាស​ថ្នាក់​ជាតិ​លើ​ប្រភេទ​កីឡា​ទ្រី​យ៉ា​ត្លុង​នេះ​ គឺ​ដោយសារ តែ​ឆ្នាំនេះ​មានការ​បោះជំរំ​ហ្វឹកហាត់​នៅ​នឹង​ទឹកសមុទ្រ ដែល​ធ្វើ​ឲ្យ​រូបគេ​មាន​ឱកាស​ខិតខំ​ហ្វឹកហាត់​បង្កើន​សមត្ថភាព ហើយ​ជា​លទ្ធផល​ គឺ​ទទួលបាន​ គឺ​ល្អ​ជាង​មុន ដោយ​ក្នុង​១០០ កើន​បាន​ប្រហែល ៧០​។ ពេជ្រ​ពិសិដ្ឋ ឲ្យ​ដឹង​ទៀតថា ” រូបគេ​លេង ២​វិញ្ញាសា ដោយ​វិញ្ញាសា​ឌូ​អា​ត្លុង គេ​បាន​លេខ​២ តែ​ដល់​លេង​វិញ្ញាសា​ទ្រី​យ៉ា​ត្លុង គេ​ទទួលបាន​លេខ​១​មេដាយមាស​”​។

សម្រាប់​លទ្ធផល​ការប្រកួត​ជើងឯក​ថ្នាក់ជាតិ​កីឡា​ទ្រី​យ៉ា​ត្លុង​ឆ្នាំ ២០២១ នេះ​មាន​ដូចខាងក្រោម៖

-​វិញ្ញាសា​អា​គ័​ត្លុង​ហែល​ទឹកនឹង​រត់លេខ ១​ កីឡាករ​សៀង ណូ​រ៉ា ក្រសួងការពារជាតិ​លេខ ២ ផល សុ​ផានិត អនុវិទ្យាល័យ​ត្រពាំង​សាលា​លេខ ៣ ឡេង ពិសិដ្ឋ ។ សម្រាប់​វិញ្ញាសា​ទ្រី​យ៉ា​ត្លុង​នារី (​ហែល ទឹក ជិះ​កង់ និង​រត់​)​លេខ​ ១ កីឡាការិនី​ ចាន់ ​ភក្ត្រា​ ក្រសួងមហាផ្ទៃ​ លេខ ២ កីឡាការិនី ​ថន​ សុ​ម៉ា​វ​ត្តី​ ក្រសួងមហាផ្ទៃ​លេខ ៣ កីឡា ការិនី​ក្រសួងការពារជាតិ​។ វិញ្ញាសា​ទ្រី​យ៉ា​ត្លុង​បុរស ចំណាត់ថ្នាក់​លេខ ១ នាង ពេជ្រ​ពិសិដ្ឋ កីឡាករ​ក្រសួងមហាផ្ទៃ​លេខ ២ Jim Mzone​កី ឡាករ​សញ្ជាតិ​បារាំង លេខ ៣ ថៃ ធុច កីឡាករ​ក្រសួងការពារជាតិ​។ ចំពោះ​លទ្ធផល​នៃ​ការប្រកួត Duath lon បុរស លេខ​១ កាំ​ង ធឿន ក្លឹប​ក្រសួងមហាផ្ទៃ លេខ​ ២ នាង ពេជ្រ​ពិសិដ្ឋ ក្រ​សួង​មហាផ្ទៃ លេខ​ ៣ ថៃ ធុច ក្លឹប​ក្រសួង ការពារជាតិ​។ ចំណែក​លទ្ធផល ​Duathlon នារី ​លេខ​ ១ អ៊ួ​ន ច័ន្ទ​ភ​ត្រា ក្លឹប​ក្រ​សូង​មហាផ្ទៃ​ ​លេខ ​២ ថន សុ​ម៉ា​វ​ត្តី ក្រសួងមហាផ្ទៃ លេខ​ ៣ ហ៊ោ ធីតា ក្លឹប​ក្រសួងការពារជាតិ​៕

អត្ថបទ៖ ​វិ​សិទ្ធ​

The post ការប្រកួតកីឡា ទ្រីយ៉ាត្លុងជើងឯកថ្នាក់ជាតិ នៅកែប បានបញ្ចប់ដោយរលូន និងជោគជ័យ appeared first on Kampuchea Thmey Daily.