កីឡា

អ្នកគាំទ្រថៃ ខកចិត្តក្រោយ Man UTD ប្រកាសថា Ronaldo មិនអាចធ្វើដំណើរមកកាន់ទីក្រុងបាងកក

បានផុស

២ years មុន

នៅ

ថ្ងៃសុក្រ ៨ កក្កដា ២០២២

ដោយ

អ្នកគាំទ្រក្លិប Manchester United ជាពិសេសអ្នកគាំទ្រ Cristiano Ronaldo ក្នុងប្រទេសថៃ បានសម្ដែងក្ដីខកចិត្ត ដ្បិតកីឡាករវ័យ ៣៧ ឆ្នាំ រូបនេះត្រូវបានក្លិបប្រកាសថាមិនអាចរួមដំណើរមកជាមួយក្រុមក្នុងការប្រកួត Pre-Season Tour នៅទីក្រុងបាងកកឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បិសាចក្រហម Manchester United នឹងត្រូវប្រកួតមិត្តភាពជាមួយ ហង្សក្រហម Liverpool នៅថ្ងៃទី ១២ ខែកក្កដា ឆ្នាំ ២០២២ ខាងមុខនេះ នាកីឡដ្ឋាន Rajamangala នៃទីក្រុងបាងកក ប្រទេសថៃ ដែលអ្នកគាំទ្រថៃរាប់ម៉ឺននាក់ ក៏កំពុងទន្ទឹងរង់ចាំចង់ឃើញក្រុមរបស់ខ្លួនប្រកួត ជាពិសេសចង់ឃើញតារាឆ្នើមលំដាប់ពិភពលោក Cristiano Ronaldo ដោយផ្ទាល់ភ្នែក ប៉ុន្តែអ្វីៗហាក់ត្រូវបានខកចិត្តបន្តិច ដោយសារអវត្តមានរបស់ Ronaldo។

ប្រភពបានបង្ហើបថា អវត្តមានរបស់ Cristiano Ronaldo នេះ ក៏ដោយសារក្លិបទុកពេលឱ្យរូបគេដោះស្រាយជាមួយគ្រួសារ ខណៈរឿងនេះត្រូវបានគេចាត់ទុកថា គ្រាន់តែជាលេស ដ្បិតខ្សែប្រយុទ្ធសញ្ជាតិព័រទុយហ្គាល់រូបនេះកំពុងចង់ចាកចេញពីក្លិប ក្រោយត្រលប់មករួមរស់ជាមួយគ្នាបានមួយឆ្នាំ។ ការដែលខកចិត្ត គឺដោយសារមានអ្នកគាំទ្រហ៊ានចំណាយលុយដល់រាប់រយដុល្លារ ដើម្បីបានទស្សនាតារាឆ្នើម Cristiano Ronaldo ពោលគឺអ្វីដែលបានដឹងមកតែថា តម្លៃសំបុត្រចូលទស្សនាការប្រកួតនេះ ទាបបំផុតគឺ ៥,០០០បាត (ដែលវាប្រហែលនឹង ១៤០$)។