បណ្ឌិត​ផ្នែក​វេជ្ជសាស្ត្រ​ លោកស្រី អ៊ឹង កន្ថាផាវី ព្រមានដូច្នេះ ៖«ពេលណាមានកម្ដៅកើនឡើង១ដឺក្រេ លើសពីមធ្យម កើនមួយដឺក្រ Celsius លើសពីមធ្យម វាប៉ះពាល់ទៅលើ ការសម្រាលកូន មានផ្ទៃពោះ អាចរលូតកូនថែមទៀត »។

តាមលោកស្រីរដ្ឋមន្ត្រីក្រសួងកិច្ចការនារី​ បញ្ហាកម្ដៅកើនឡើងខ្លាំង អាចធ្វើឱ្យប៉ះពាល់ដល់ការបន្តពូជ ជះផលប៉ះពាល់ធ្ងន់ធ្ងរដល់គោលនយោបាយប្រជាជន។

លោកស្រី អ៊ឹង កន្ថាផាវី អះអាងថា បញ្ហាកម្ដៅក្ដៅខ្លាំងអាចប៉ះពាល់ទារក អាចបណ្ដាលឱ្យមានពិការភាព សុខភាព ការលូតលាស់មិនល្អ ដែលជាបញ្ហាចោទមួយទាមទារឱ្យមានការដោះស្រាយរួមគ្នា ដើម្បីសង្គមកម្ពុជា។ បន្ថែមពីនេះ លោកស្រី អះអាងថា បញ្ហាកម្ដៅគឺជះឥទ្ធិពលខ្លាំងចំពោះស្រ្តី។

គួរឱ្យដឹងដែរថា មន្ត្រីជាន់ខ្ពស់ក្រសួងសុខាភិបាលកម្ពុជា លោកវេជ្ជបណ្ឌិត លី សូវ៉ាន់ ក៏បានលើកឡើងថា នៅរដូវក្តៅទាមទារឱ្យប្រជាពលរដ្ឋត្រូវមានការប្រុងប្រយ័ត្ន និងការពារសុខភាពឱ្យបានល្អ ដើម្បីចៀសវាងនូវការកើតជំងឺមួយចំនួនដូចជា ជំងឺបេះដូង ជំងឺសួត រាករូស ការដួលសន្លប់ដោយសារខ្វះជាតិទឹក ការបរិភោគចំណីអាហារមិនស្អាត និងមិនមានអនាម័យ និងជំងឺឆ្លងផ្សេងៗទៀត។

ជាមួយគ្នា លោកវេជ្ជបណ្ឌិតបានណែនាំឱ្យប្រជាពលរដ្ឋពិសារទឹកឱ្យបានច្រើនយ៉ាងហោចណាស់២លីត្រក្នុងមួយថ្ងៃ ចៀសវាងការ បរិភោគភេសជ្ជៈផ្អែមខ្លាំង កុំនៅក្រោមកំដៅថ្ងៃយូរពេក ត្រូវស្លៀកសម្លៀកបំពាក់ស្ដើង និងស្លៀកពាក់ខោអាវវែងៗការពារកំដៅថ្ងៃដើម្បីការពារសុខភាពនៅពេលអាកាសធាតុក្តៅខ្លាំង៕

ដោយ៖ ង៉ិល ណារ៉ាត់

The post រដ្ឋមន្ត្រីកិច្ច​ការនារី៖ អាកាសធាតុក្ដៅខ្លាំង អាចប៉ះពាល់ដល់កូនក្នុងផ្ទៃ ឬអាចឈានដល់រលូតកូន appeared first on Kampuchea Thmey Daily.

លទ្ធផលនៃការសិក្សាមកពីមជ្ឈមណ្ឌលត្រួតពិនិត្យ និងបង្ការជំងឺឆ្លង (CDC) ដែលបានតាមដានសុវត្ថិភាពវ៉ាក់សាំងចំពោះស្រ្តីមានផ្ទៃពោះ បង្ហាញថា ស្ត្រីដែលប្រឈមនឹងការរលូតកូនមិនមែនមកពីការចាក់វ៉ាក់សាំងការពារជំងឺកូវីដ-១៩នោះទេ តែអាចមកពីពួកនាងមិនបានចាក់វ៉ាក់សាំងទៅវិញ។

ដោយឡែកការស្រាវជ្រាវជាច្រើនផ្សេងទៀត បានរកឃើញថា ម្តាយដែលមិនចាក់វ៉ាក់សាំងងាយប្រឈមមុខនឹងករណីជំងឺធ្ងន់ធ្ងរបណ្ដាលមកពីវីរុសកូវីដ-១៩ ឬមានភាគរយស្លាប់ខ្ពស់ជាងមនុស្សទូទៅ។

អ្នកស្រាវជ្រាវមកពីសាកលវិទ្យាល័យ កាលីហ្វញ៉ា បានតាមដានទៅលើស្ត្រីមានផ្ទៃពោះចំនួន ២៤៥៦នាក់ដែលទទួលវ៉ាក់សាំង Pfizer-BioNTech និងវ៉ាក់សាំង Moderna អំឡុងមានគភ៌ ២០សប្តាហ៍។ ពួកគេរកឃើញថា ហានិភ័យនៃការរលូតកូននៅក្នុងការសិក្សានេះគឺកើតឡើងដោយឯកឯង ហើយមានតែស្ត្រីចាក់វ៉ាក់សាំងរួចរាល់ពី ១១-១៦ ភាគរយប៉ុណ្ណោះ ដែលប្រឈមអត្រារលូតកូន។ ក្នុងនោះស្រ្តីវ័យចំណាស់ចាប់ពី ៤០ឆ្នាំឡើងទៅ ទើបប្រឈមខ្លាំង។

ចំណែក CDC បញ្ជាក់ការរកឃើញរបស់ខ្លួនថា វ៉ាក់សាំងបច្ចេកវិទ្យា mRNA មានសុវត្ថិភាពចំពោះស្ត្រីពពោះទាំងអស់។ ផ្អែកតាមការរកឃើញនេះ CDC ក៏បានជំរុញឱ្យស្ត្រីមានផ្ទៃពោះទៅទទួលវ៉ាក់សាំងបង្ការកូវីដ-១៩ ឱ្យបានឆាប់តាមដែលអាច ព្រោះវាមានសារៈសំខាន់ណាស់សម្រាប់អ្នកមានផ្ទៃពោះដើម្បីការពារខ្លួនពីការឆ្លងវីរុសកូវីដ-១៩ និងកាត់បន្ថយផលប៉ះពាល់ធ្ងន់ធ្ងរ ក៏ដូចជាបង្ការផលវិបាកចំពោះទារកពីកំណើត៕

ប្រែសម្រួល៖ សន្យា

ប្រភព៖ Daily Mail

ចុចអាន៖ ហេតុផល ៥យ៉ាង ស្ត្រីមានផ្ទៃពោះត្រូវចាក់វ៉ាក់សាំងការពារកូវីដ-១៩កុំខាន

ចុចអាន៖ ស្ត្រីមានផ្ទៃពោះដែលឆ្លងកូវីដមិនមានហានិភ័យខ្ពស់រលូតកូនឡើយ

The post វ៉ាក់សាំងកូវីដ-១៩មិនបង្កហានិភ័យរលូតកូនចំពោះស្ត្រីមានគភ៌ឡើយ appeared first on Kampuchea Thmey Daily.

​ហើយ​យើង​ត្រូវ​ញែក​ដាច់ពីគ្នា​រវាង​៖

– ការ​រលូត​កើតឡើង​នៅ​ត្រីមាស​ទី​១: ជា​ញឹកញាប់​កើត​ដោយ​ចៃដន្យ​មូលហេតុ​មកពី​កូន​ខ្លួនឯង​(d’origine ovulaire)

– ការ​រលូត​កើតឡើង​នៅ​ត្រីមាស​ទី​២: មូលហេតុ​ពី​ស្បូន (d’origine Utérine) កើតឡើង​ច្រំ​ដែល (Volontiers Récidivants)

– ការ​រលូត​កើតឡើង​នៅពេលដែល​ស៊ុត​លែង​លូតលាស់​: ទាក់ទង​ទៅនឹង​ភាពមិនប្រក្រតី​នៃ​ក្រូម៉ូសូម (anomalie chromosomique) ឬ ឆ្លង​រោគ (Cause infectieuse)​។​

​ក​) រោគសញ្ញា​គ្លីនិក​៖

​រោគសញ្ញា​មាន​ពីរ​ដំណាក់កាល​បន្តបន្ទាប់​

១) គំរាម​រលូត មាន​សញ្ញា​ដូចជា ៖

– ធ្លាក់ឈាម តិច ឫ​ច្រើន ប្រសិនជា​ពណ៌​ខ្មៅ ជា​ករណី​ស៊ុត​លែង​លូតលាស់ (Oeufclair)

– ឈឺពោះ តិច ឫ​ខ្លាំង ដែល​បណ្តាលមកពី​ស្បូន​កន្ត្រាក់​

២) កំពុង​រលូត (Avortement en cours) មាន​សញ្ញា​ដូចជា ៖

– ធ្លាក់ឈាម​ខ្លាំង​, ច្រើន​

– ឈឺពោះ ញឹក​, ខ្លាំង​

– មាត់ស្បូន​បើក​ខ្ជាក់​កូន​មក​ក្រៅ​ទ្វារមាស​

​ខ​) ផលវិបាក​៖

​គភ៌​រលូត​នៅ​ដំណាក់កាល​ដំបូង (Précose) កម្រ​ឲ្យ​ផលវិបាក​ណាស់ ក្នុងករណី​ហូរ​មិន​អស់​តម្រូវ​ឲ្យ​ធ្វើការ​បូម​សំអាត (Aspiration)​។​

​គ​) មូលហេតុ ៖

១) បណ្តាលមកពី​ស៊ុត (Les causes ovulaires)

– កត្តា​កូនភ្លោះ

– ការជំរុញ​បង្ក​កំណើត

– កូន​ពង

– ភាពមិនប្រក្រតី​នៃ​ក្រូម៉ូសូម (50% -60%)

២) មូលហេតុ​ពី​ស្បូន​

– ស្បូន​ខុស​ប្រក្រតី​

– ស្បូន​ព្រែក

– ស្បូន​តូច

– ស្បូន​ដុះ​សាច់ (Myome, Synéchies, Polype fibreux)

– មាត់ស្បូន​ចំហ

៣) កត្តា​ឆ្លង​រោគ (Les causes infectieuses)

– រោគ​ផ្តាសាយ​

– រលាក​បំពង់ក​

– គ្រុនពោះវៀន​

– រោគ​សង្គម (MST)

– រោគ​ឆ្លង​បង្កដោយ Listériose, Colibacilles, Streptocoques, Mycoplasme, Chlamydia, Toxoplasmose​។​

៤) កត្តា​អរ​ម៉ូ​ន (Les causes hormonales)

– ជំងឺ​ពក​-​ក

– លើស អង់​ដ្រូ​សែន

– កង្វះ​លុយ​តេ​អាល់

៥) កត្តា​ទូទៅ (Les causes généfales)

– ជំងឺ​ទឹកនោមផ្អែម​ធ្ងន់ធ្ងរ​

– មាន​ផ្ទៃពោះ​ញឹកញាប់​

– បាក់​កម្លាំង (Surmenage)

– ធ្វើដំណើរ​ផ្លូវ​ឆ្ងាយ​ពេក

– កត្តា​ផ្លូវចិត្ត (Psy chique)

– កត្តា​ភាពស៊ាំ (Immunologique)

​ឃ​) បង្ការ និង​ព្យាបាល​៖

១) ករណី​គំរាម​រលូត ត្រូវ​

– សម្រាក​ពី​ការងារ​

– បំបាត់​ឈឺ​ស្បូន (Antispasmodique)

– ព្យាបាល​ដោយ​អរ​ម៉ូ​ន​

២) ករណី​កំពុង​រលូត​: បើ​គភ៌​មាន​អាយុ​លើសពី ១០​សប្តាហ៍​ត្រូវ​ធ្វើការ​បូម​សម្អាត (Aspiration)​។​

​ដើម្បី​បង្ការ ករណី​រលូត​កូន​ញឹកញាប់ ស្ត្រី​គ្រប់រូប ត្រូវ​មកជួប​ពិគ្រោះ​ជាមួយ​គ្រូពេទ្យ​ឯកទេស​សម្ភព និង​រោគ​ស្ត្រី​នៃ​មន្ទីរពេទ្យ​កាល់ម៉ែត មុន និង​អំឡុងពេល​ចាប់ផ្តើម​មាន​គភ៌​នៅ​ត្រីមាស​ដំបូង​៕​

អត្ថបទ៖ រស្មី

សូមចុចអាន៖ ​ហេតុអ្វី​បានជា​ទារក​ទើប​កើត​ពី​ផ្ទៃ​ម្តាយ​ស្រាប់តែ​ជំងឺ​ទឹកនោមផ្អែម​

The post ហេតុអ្វី​បានជា​មា​ន​គភ៌​ហើយ​បែ​ជា​រលូត​ទៅវិញ​ appeared first on Kampuchea Thmey Daily.

១. បញ្ហា​ក្រូម៉ូសូម

មូលហេតុ​ចម្បង​នៃ​ការ​រលូត​កូន​គឺ​បញ្ហា​ក្រូម៉ូសូម។ ក្រូម៉ូសូម​គឺជា​បណ្ដុំ​ DNA ​បំលែង​ព័ត៌មានសេណេទិក​ដែល​ត្រូវ​ការ​អំឡុង​ពេល​លូតលាស់​នៃ​គភ៌។ ដោយ​ក្រូម៉ូសូម​ពាក់កណ្ដាល​នៃ​ការ​លូតលាស់​គភ៌​បាន​ពីឪពុក នេះ​អាច​ទៅ​រួច​ដែល​ឪពុក​បាន​ផ្តល់​នូវ​ក្រូម៉ូសូម​មិន​ប្រក្រតី។ ការ​រលូត​កូន​៣​ក្នុង​ចំណោម​៤ ករណី កើត​ឡើង​អំឡុង​ពេល​ពពោះ​ត្រី​មាស​ទី១​។ ជា​ទូទៅ ប្រសិន​ជា​ស្ត្រី​រលូត​កូន​ក្នុង​​ត្រី​មាស​ទី១ នេះ​អាចមក​ពី​បញ្ហា​ក្រូម៉ូសូម​របស់​កូន។ បញ្ហា​ក្រូម៉ូសូម​អាច​ធ្វើ​ឲ្យ​គភ៌​ទទួល​បាន​ចំនួន​ក្រូម៉ូសូម​មិន​ត្រឹមត្រូវ​ (អាច​តិច ឬ​ច្រើន​ជាង​ធម្មតា)​​ដែល​នេះ​អាចបង្កជា​ការ​រលូត។ យ៉ាងណាមិញ មិន​មែន​គ្រប់​គភ៌​ដែល​មាន​ក្រូម៉ូសូម​មិន​ត្រឹមត្រូវ​សុទ្ធ​តែ​រលូត​ទេ។ ឧទាហរណ៍​ ទារក​ដែល​មាន បញ្ហា​ក្រូម៉ូសូមកើន​ចំនួន​បី​នៅ​គូ​ក្រូម៉ូសូម​ទី ២១ (trisomy 21) ធ្វើ​ឲ្យ​ទារក​កើត​មកមាន​ជំងឺ​ខ្សោយ​បញ្ញា​ពី​កំណើត (Down’s Syndrome) ទៅវិញ​។

២. ការ​ខូចខាត DNA មេ​ជីវិត​ឈ្មោល

ចំណុច​សំខាន់​នៃ​គុណភាព​មេជីវិត​ឈ្មោល​គឺ DNA ដែល​អាច​ទទួល​រង​ការ​ខូចខាត​បាន។ នៅ​ពេល​មាន​ការ​ខូចខាត​កើត​ឡើង គេ​ហៅ​ថា​ការ​ខូចខាត DNA មេ​ជីវិត​ឈ្មោល (Sperm DNA Fragmentation)។ ការ​ខូច​ខាត DNA មេ​ជីវិត​ឈ្មោល​អាច​បង្ក​ឡើង​ដោយ​មូលហេតុ​មួយ​ចំនួន​ដូចជា​ការ​ងាប់​កោសិកា ជាតិ​ពុល​ក្នុង​បរិយាកាស ជំងឺ និង​គ្រុនក្ដៅ។ មេជីវិត​ឈ្មោល​មិន​អាច​ជួស​ជុល​កោសិកា​ដែល​ខូចខាត​ដូច​កោសិកា​ផ្សេង​ទៀត​ក្នុង​រាងកាយ​ទេ​ដែល​នេះ​អាច​បណ្ដាល​ឲ្យ​បុរស​មិន​អាច​បង្ក​កំណើត​បាន។ ការ​ខូចខាត​នេះ​ដែរ​ក៏​ប៉ះពាល់​ដល់​រចនាសម្ព័ន្ធ DNA ក្នុង​មេជីវិត​ឈ្មោល ហើយ​នៅ​ពេល​មេ​ជីវិត​ឈ្មោល​នោះ​ទៅ​បង្ក​កំណើត​ជាមួយ​នឹង​ស៊ុត​របស់​ស្ត្រី​អាច​មាន​ការ​រលូត​កើត​ឡើង។

ការសិក្សា​មួយ​បាន​ធ្វើ​ការ​ប្រៀប​ធៀប​ប្តីប្រពន្ធ​​ដែល​មាន​ប្រវត្តិ​រលូត​កូន​ច្រើន​ដង​ទៅ​នឹង​ប្តីប្រពន្ធ​ដែល​មាន​ខាង​ប្រុស​​មិន​អាច​បង្ក​កំណើត​បាន ហើយ​គេ​រក​ឃើញ​ថា​មេ​ជីវិត​ឈ្មោល​ដែល​ពាក់ព័ន្ធ​នឹង​ការ​រលូត​កូន​គឺ​មាន​សញ្ញា​នៃ​ការ​ខូចខាត​ជិត​ស្មើ​នឹង​មេ​ជីវិត​ឈ្មោល​របស់​បុរស​មិន​អាច​បង្ក​កំណើត​បានដែរ​។

៣. បរិបទ​នៃ​ការ​រស់នៅ

នៅ​ពេល​ស្ត្រី​ពពោះ បរិបទ​នៃ​ការ​រស់នៅ​គឺ​សំខាន់​ណាស់​ដើម្បី​ជួយ​ឲ្យ​គភ៌​មាន​សុខភាព​ល្អ។ ប៉ុន្តែ​បរិបទ​នៃ​ការ​រស់នៅ​របស់​បុរស​ក៏​មាន​រួម​ចំណែក​ដែរ​ដូច​ទៅ​នឹង​សុខភាព​ស្ត្រី និង​បុរស​មុន​ពេល​មាន​ផ្ទៃពោះ។ នេះ​មក​ពី​គុណភាព​របស់​មេជីវិត​ឈ្មោល។ ការ​ជក់​បារី ប្រើប្រាស់​ថ្នាំ ផឹក​គ្រឿងស្រវឹង អាហារូបត្ថម្ភ ទម្ងន់ខ្លួន និង​ការ​ហាត់ប្រាណ​ សុទ្ធ​តែ​ផ្តល់​ផល​ប៉ះពាល់​ដល់​សុខភាព​មេ​ជីវិត​ឈ្មោល។ ការ​រស់នៅ​មិន​ល្អ​សម្រាប់​សុខភាព​អាច​ជា​កត្តា​មួយ​នៃ​ការ​រលូត​កូន​ដែរ​ ដែល​នេះ​មក​ពី​ការ​ធ្វើ​ចលនា និង​ភាព​រឹងមាំ​មេ​ជីវិត​ឈ្មោល ចំនួន​មេ​ជីវិត​ឈ្មោល​តិច និង​រូបរាង​ទំហំ​មេ​ជីវិត​ឈ្មោល​មិន​ប្រក្រតី។ ការ​ខូចខាត​ទៅលើ​មេជីវិត​ឈ្មោល​អាច​បង្ក​ឲ្យ​មាន​បញ្ហា​បង្ក​កំណើត​បាន និង​នៅ​ពេល​បង្ក​កំណើត​អាច​បណ្ដាល​ឲ្យ​មាន​ការ​រលូត​កូន។

គ្រូពេទ្យ​តែង​ណែនាំ​ឲ្យ​តេស្ដ​លើ​គុណភាព​មេ​ជីវិត​ឈ្មោល​នៅ​ពេល​រក​មិន​ឃើញ​មូលហេតុ​បង្ក​ការ​រលូត​កូន​ច្បាស់លាស់​។ ការ​តេស្ដ​ទៅលើ​គុណភាព​មេ​ជីវិត​ឈ្មោល​គឺ​មើល​ទៅ​លើ​រូបរាង ការ​ធ្វើ​ចលនា និង​ចំនួន​មេ​ជីវិត​ឈ្មោល៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ការ​គ្មាន​កូន និង​រលូត​កូន​ញឹកញាប់ អាច​បណ្តាលមកពី​ជំងឺ​ស្អិត​ស្បូន​

ចុចអាន៖ មក​ដឹង​មូលហេតុសំខាន់ ម៉េច​បាន​មាន​កូន​មិន​នៅ ឬ​ស្លាប់​ក្នុង​ពោះ?

The post រលូត​កូន​មិនមែន​សុទ្ធតែមកពីបញ្ហា​សុខភាពស្រ្តីទេ តែអាចមកពីបញ្ហាមេជីវិតឈ្មោលដែរ​ appeared first on Kampuchea Thmey Daily.

ជាទូទៅ ​ឱកាស​ដែល​បាត់បង់ (ស្លាប់) ទារក​អាច​កើត​ឡើង មុន​សប្ដាហ៍​ទី​ ២០។ ចំណែក​ឯ​ទារក​ស្លាប់​ក្រោយ​សប្ដាហ៍ ទី២០ វិញ​ហៅ​ថា ការ​ស្លាប់​កូន​ក្នុង​ផ្ទៃ។ ងាក​មក​មើល​មូលហេតុ​ចម្បងៗ ដែល​បណ្ដាល​ឲ្យ​បង់បាត់​​ទារក​ក្នុង​ផ្ទៃ ទាំង​មិន​ទាន់​ឃើញ​ពន្លឺ​ថ្ងៃ (មិន​រាប់​បញ្ចូល​គ្រោះ​ថ្នាក់​ដោយ​យថាហេតុ និង​ចេតនា​ក្នុង​ការ​ទម្លាក់ ឬ​រំលូត​កូន)៖

−បង្កដោយម្ដាយ៖ កត្តា​អាយុ (ដែល​ពពោះ) និង​ជំងឺ។ ចំពោះ​ស្ត្រី​ដែល​មាន​អាយុ​ចាប់​ពី ៣៥ឆ្នាំ (ស្បូន​ចាប់​ផ្ដើម​ខ្សោយ ជាង​អ្នក​អាយុ​តិច​ជាង​នេះ) ឬ​មាន​ជំងឺ​ប្រចាំ​កាយ​ដូចជា ​ទឹកនោម​ផ្អែម ​លើស​សម្ពាធ​ឈាម បម្រុង​ក្រឡាភ្លើង ក្រឡាភ្លើង គ្រាប់​ឈាម​ក្រហម​អេម៉ូគ្លូប៊ីន រ៉េស៊ីស ការ​ដាច់​រហែក​ភ្នាស​ស្បូន ឧបទ្ទវ​ហេតុ​ពេល​មាន​ផ្ទៃពោះ​ មាន​ជំងឺ​គ្រាប់​ឈាម​តំណពូជ​ ជំងឺក្រិនពេញរាងកាយ (Systemic ​lupus​ erythematosus) ​ជំងឺ​ Antiphospholipid​ syndrome ជាដើម។

−បង្កដោយទារក៖ ទារក​ឈប់​លូតលាស់ ឬ​ស្លាប់​ទៅ​វិញ ដែល​បណ្ដាល​មក​ពី​លក្ខខណ្ឌ​របស់​គេ​ខ្លួន​ឯង អាច​មាន​ច្រើន​ករណី មាន​ជាអាទិ៍​កូនភ្លោះ ទារក​មិន​អាច​លូតលាស់​ធំធាត់​បាន​ធម្មតា​ក្នុង​ស្បូន (កូន​ក្រៅ​ស្បូន) ទារក​មាន​កាយសម្បទា​មិន​ប្រក្រតី ហ្សែន​ប្រែប្រួល​ខុស​ធម្មតា ការ​ចម្លង​រោគ ឬ​ថ្លើម​រីក។

−បង្កដោយសុក៖ ការ​ដាច់​ទងសុក ការ​ដាច់​សុក​ចេញ​ពី​ជញ្ជាំង​ស្បូន ការ​ដាច់​ភ្នាស​សុក​មុន​សម្រាល ​ ការ​ដាច់​សរសៃ​ឈាម​ទៅ​ចិញ្ចឹម​ទារក ​ការ​ហូរ​ឈាម​ពី​ទារក​ទៅ​ម្ដាយ ឬ​ការ​បញ្ជូន​សារធាតុ​ចិញ្ចឹម​ពី​សុក​ទៅ​ទារក​មិន​គ្រប់​គ្រាន់។

តោះ​ឥឡូវ ទៅ​បន្ដ​តាមដាន និង​ស្វែងយល់​កាន់​តែ​លម្អិត ពី​មូលហេតុ​នៃ​ការ​បាត់បង់​កូន ឬ​កូន​មិន​នៅ ទាំង​ ២ផ្នែក (ការ​រលូត​កូន​ដោយ​អចេតនា និង ការ​ស្លាប់​ក្នុង​ផ្ទៃ) ដែល​បាន​បញ្ជាក់​ខាង​ដើម។

១- រលូតដោយអចេតនា៖ អចេតនា មានន័យ​ថា មិន​ដឹង ឬ​មិន​បាន​តាំង​ចិត្ត។ ចំពោះ​រលូត ដោយ​អចេតនា ចង់​សំដៅ​លើ​ស្ត្រី​ជា​ម្ដាយ មិន​ដឹង​ថា​កូន​ធ្លាក់ ឬ​កូន​ស្លាប់ (ព្រោះ​នៅ​សុខៗ​អត់​នៅ)។ ភាគ​ច្រើន​នៃ​ការ​បាត់បង់​កូន ក្នុង​ករណី​នេះ ច្រើន​តែ​កើត​ឡើង​នៅ​ចន្លោះ​ត្រីមាស​ទី​មួយ ឬ ទី​ពីរ​ អំឡុង​ពពោះ។

រោគសញ្ញា៖ ទោះ​ជា​បាត់​បង់​កូន​ក៏ដោយ តែ​ស្រ្ដី​ជា​ម្ដាយ​មិន​មាន​រោគសញ្ញា​ទូទៅ​ណា ដែល​បញ្ជាក់​ថា​កូន​រលូត​បាត់​ហើយ​នោះ​ទេ ប៉ុន្តែ​ស្រ្ដី​ខ្លះ​អាច​ធ្លាក់​ស (ពណ៌ត្នោត ឬ ក្រហម) ឈឺចាប់​សុដន់ ក្អួត​ចង្អោរ ឬអស់​កម្លាំង។ សញ្ញា​មួយ​ទៀត​ដែល​ធ្វើ​ឲ្យ​អ្នក​ម្ដាយ​មិន​ចាប់​អារម្មណ៍​ថា កូន​ធ្លាក់​បាត់​ហើយ​នោះ គឺ​ដោយសារ​តែ​សុក នៅ​តែ​បញ្ចេញ​អ័រម៉ូន ដែល​ជា​សញ្ញា​ប្រាប់​ថា​នៅ​មាន​ផ្ទៃពោះ​ធម្មតា។ ករណី​ដឹង​ច្បាស់ ១០០% ថា​កូន​ក្នុង​ពោះ ឈប់​លូតលាស់ ឬ​ស្លាប់​បាត់​ហើយ​នោះ មាន​តែ​មើល​អេកូ ដើម្បី​តាមដាន និង​ពិនិត្យ​ចង្វាក់​បេះដូង​ទារក​ប៉ុណ្ណោះ។

២- ស្លាប់ក្នុងផ្ទៃ៖ ការ​ស្លាប់​កូន​ក្នុង​ពោះ ជា​ការ​បាត់បង់​ទារក បន្ទាប់​ពី​សប្ដាហ៍​ទី២០។ ករណី​នេះ អាច​ចាត់​ទុក​ថា ជា​ករណី​កម្រ ឬ​​កើត​ឡើង​ ១/២០០ ករណី អំឡុង​ពពោះ ឬ​ ពេល​សម្រាល។ បើ​រឿង​កម្រ និង​ចៃដន្យ​នេះ (កូន​ស្លាប់​ក្នុង​ផ្ទៃ) មុន​សម្រាល ​គ្រូពេទ្យ​នឹង​ប្រើប្រាស់​ថ្នាំ​ដើម្បី​ឲ្យ​ស្រ្ដី​ជា​ម្ដាយ​ឆាប់​សម្រាល (កូន​ស្លាប់​ហើយ​ក៏​ដោយ ក៏​ត្រូវ​សម្រាល​ដែរ ព្រោះ​កូន​កាន់​តែ​ធំ ឬ​អាយុ​លើស ២០សប្ដាហ៍) ឬ វះ​កាត់​តែ ម្ដង ហៅថា C-section។
ជា​គន្លឹះ​ក្រៅ​ពី​ពិនិត្យ​អេកូ វាស់​ចង្វាក់​បេះដូង រក​ការ​ពិត ១០០% មាន​ចំណុច​មួយ​ចំនួន ដែល​ស្រ្ដី​ជា​ម្ដាយ​អាច​តាមដាន និង ដាក់​ការ​សង្ស័យ ការ​បាត់​បង់​កូន តាមរយៈ​រោគ​សញ្ញា​មួយ​ចំនួន៖
− សុដន់(ម្ដាយ) រួមតូច
− ចេញ​ទឹកដោះ​ពី​សុដន់ ឬ​
− ទារក​ក្នុង​ផ្ទៃ​មិន​ធ្វើ​ចលនា​ច្រើន​ថ្ងៃ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ទាំងប្រុស-ស្រីមានវិបត្តិអត់កូន អាចបណ្ដាលមកលើសអ័រម៉ូនម្យ៉ាងនេះ

ចុចអាន៖ ស្ត្រី​គ្រប់រូប​គួរតែ​ប្រយ័ត្ន​នូវ ជំងឺ​ទឹកនោមផ្អែម​ក្នុងអំឡុងពេល​មាន​ផ្ទៃពោះ

The post មក​ដឹង​មូលហេតុសំខាន់ ម៉េច​បាន​មាន​កូន​មិន​នៅ ឬ​ស្លាប់​ក្នុង​ពោះ? appeared first on Kampuchea Thmey Daily.

ការស្រាវជ្រាវបានរាប់បញ្ចូលស្ត្រីមានផ្ទៃពោះចំនួន ៤,០០៤ នាក់នៅក្នុងចក្រភពអង់គ្លេស និងសហរដ្ឋអាមេរិក ហើយបានរកឃើញថា ជំងឺកូវីដ ១៩ មិនបានបង្កើនហានិភ័យនៃការមានផ្ទៃពោះខុសប្រក្រតីនោះទេ ។

ដំបូន្មានសម្រាប់ម្តាយដែលត្រូវធ្វើក្នុងពេលមានជំងឺរាតត្បាតត្រូវបានប្រុងប្រយ័ត្នចំពោះការឆ្លង ហើយសេវាសុខភាពជាតិអង់គ្លេស (NHS) បានដាក់ស្ត្រីមានផ្ទៃពោះនៅក្នុងក្រុមដែលងាយរងគ្រោះខាងព្យាបាល ។ ប៉ុន្តែមានការខ្វះភ័ស្តុតាងដែលមានគុណភាពដើម្បីបញ្ជាក់ថាតើពួកគេស្ថិតនៅក្នុងគ្រោះថ្នាក់បន្ថែមដោយជំងឺកូវីដ ១៩ ឬក៏យ៉ាងណា ។

ការសិក្សាបន្ថែមថា កុមារហាក់ដូចជាមិនសូវជាឆ្លងវីរុសនេះនោះទេ លុះត្រាតែពួកគេមានបញ្ហាសុខភាពធ្ងន់ធ្ងររួចទៅហើយ ។

ចំណែកការសិក្សាដោយមហាវិទ្យាល័យ Imperial College London បង្ហាញពីភាពដូចគ្នាចំពោះទារកមិនទាន់កើត និងទារកទើបនឹងកើត ។ មិនមានទារកស្លាប់ដោយជំងឺកូវីដ ១៩ ក្នុងការសិក្សានោះទេ ហើយមានតែប្រមាណ ១០ ភាគរយប៉ុណ្ណោះដែលត្រូវបានធ្វើតេស្តវិជ្ជមានបន្ទាប់ពីកើត ។

ទោះបីជាស្ត្រីងាយនឹងស្លាប់ប្រសិនបើពួកគេឆ្លងជំងឺកូវីដ ១៩ ជាងអ្នកដែលមិនឆ្លងក៏ដោយក៏ហានិភ័យនេះគឺដូចគ្នាចំពោះស្ត្រីដែលមិនមានផ្ទៃពោះដោយបង្ហាញថា កូនរបស់ពួកគេមិនមែនជាកត្តានេះនោះទេ ។

អ្នកស្រាវជ្រាវបានរកឃើញថា ការសម្រាលកូនមិនគ្រប់ខែទំនងជាកើតមានចំពោះស្ត្រីដែលធ្វើតេស្តវិជ្ជមានជំងឺកូវីដ ១៩ ៕

ប្រែសម្រួលដោយ ៖ ជីវ័ន្ត

ប្រភព ៖ Daily Mail

ចុចអាន ៖ អត្រាឆ្លងជំងឺកូវីដ ១៩ ចំពោះស្ត្រីមានផ្ទៃពោះខ្ពស់ជាងមនុស្សធម្មតា

ចុចអាន ៖ ក្រុមហ៊ុន Pfizer-BioNTech ចាប់ផ្តើមធ្វើតេស្តវ៉ាក់សាំងកូវីដលើកដំបូងលើស្ត្រីមានផ្ទៃពោះ

The post ស្ត្រីមានផ្ទៃពោះដែលឆ្លងកូវីដមិនមានហានិភ័យខ្ពស់រលូតកូនឡើយ appeared first on Kampuchea Thmey Daily.