សុខភាព

មកដឹងមូលហេតុសំខាន់ ម៉េចបានមានកូនមិននៅ ឬស្លាប់ក្នុងពោះ?

បានផុស

៣ years មុន

នៅ

ថ្ងៃព្រហស្បតិ៍ ២៧ ឧសភា ២០២១

ដោយ

អំឡុងពពោះ ទារកក៏អាចជួបគ្រោះថ្នាក់ជាច្រើន ឬធ្ងន់ធ្ងររហូតអាយុជីវិត។ កត្តាដែលមានកូនហើយ បាត់បង់វិញនេះ ជាការសោកសង្រេងធំបំផុតសម្រាប់ឪពុកម្ដាយ ដែលសប្បាយអរ ត្រៀមខ្លួនមានកូនហៅប៉ាម៉ាក់ទៅហើយ បែរជាខកខានវិញ។ ជួនកាលគ្នាយើងខ្លះនៅតែឆ្ងល់ ហើយរកចម្លើយជាក់លាក់មិនបាន ថាតើហេតុអ្វីបានជាម្ដង ជាពីរដង កូនមិននៅ។ ទារកស្លាប់ ឬឈប់លូតលាស់នេះ បែងចែកជា ២ផ្នែក គឺ ការរលូតកូនដោយអចេតនា និងការស្លាប់ក្នុងផ្ទៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាទូទៅ ឱកាសដែលបាត់បង់ (ស្លាប់) ទារកអាចកើតឡើង មុនសប្ដាហ៍ទី ២០។ ចំណែកឯទារកស្លាប់ក្រោយសប្ដាហ៍ ទី២០ វិញហៅថា ការស្លាប់កូនក្នុងផ្ទៃ។ ងាកមកមើលមូលហេតុចម្បងៗ ដែលបណ្ដាលឲ្យបង់បាត់ទារកក្នុងផ្ទៃ ទាំងមិនទាន់ឃើញពន្លឺថ្ងៃ (មិនរាប់បញ្ចូលគ្រោះថ្នាក់ដោយយថាហេតុ និងចេតនាក្នុងការទម្លាក់ ឬរំលូតកូន)៖

−បង្កដោយម្ដាយ៖ កត្តាអាយុ (ដែលពពោះ) និងជំងឺ។ ចំពោះស្ត្រីដែលមានអាយុចាប់ពី ៣៥ឆ្នាំ (ស្បូនចាប់ផ្ដើមខ្សោយ ជាងអ្នកអាយុតិចជាងនេះ) ឬមានជំងឺប្រចាំកាយដូចជា ទឹកនោមផ្អែម លើសសម្ពាធឈាម បម្រុងក្រឡាភ្លើង ក្រឡាភ្លើង គ្រាប់ឈាមក្រហមអេម៉ូគ្លូប៊ីន រ៉េស៊ីស ការដាច់រហែកភ្នាសស្បូន ឧបទ្ទវហេតុពេលមានផ្ទៃពោះ មានជំងឺគ្រាប់ឈាមតំណពូជ ជំងឺក្រិនពេញរាងកាយ (Systemic lupus erythematosus) ជំងឺ Antiphospholipid syndrome ជាដើម។

Pink Blood When I Wipe 11 Weeks Belly Pregnant - pregnantbelly

−បង្កដោយទារក៖ ទារកឈប់លូតលាស់ ឬស្លាប់ទៅវិញ ដែលបណ្ដាលមកពីលក្ខខណ្ឌរបស់គេខ្លួនឯង អាចមានច្រើនករណី មានជាអាទិ៍កូនភ្លោះ ទារកមិនអាចលូតលាស់ធំធាត់បានធម្មតាក្នុងស្បូន (កូនក្រៅស្បូន) ទារកមានកាយសម្បទាមិនប្រក្រតី ហ្សែនប្រែប្រួលខុសធម្មតា ការចម្លងរោគ ឬថ្លើមរីក។

−បង្កដោយសុក៖ ការដាច់ទងសុក ការដាច់សុកចេញពីជញ្ជាំងស្បូន ការដាច់ភ្នាសសុកមុនសម្រាល ការដាច់សរសៃឈាមទៅចិញ្ចឹមទារក ការហូរឈាមពីទារកទៅម្ដាយ ឬការបញ្ជូនសារធាតុចិញ្ចឹមពីសុកទៅទារកមិនគ្រប់គ្រាន់។

តោះឥឡូវ ទៅបន្ដតាមដាន និងស្វែងយល់កាន់តែលម្អិត ពីមូលហេតុនៃការបាត់បង់កូន ឬកូនមិននៅ ទាំង ២ផ្នែក (ការរលូតកូនដោយអចេតនា និង ការស្លាប់ក្នុងផ្ទៃ) ដែលបានបញ្ជាក់ខាងដើម។

Rahim Membesar Tapi Tak Hamil, Kenapa? | Orami

១- រលូតដោយអចេតនា៖ អចេតនា មានន័យថា មិនដឹង ឬមិនបានតាំងចិត្ត។ ចំពោះរលូត ដោយអចេតនា ចង់សំដៅលើស្ត្រីជាម្ដាយ មិនដឹងថាកូនធ្លាក់ ឬកូនស្លាប់ (ព្រោះនៅសុខៗអត់នៅ)។ ភាគច្រើននៃការបាត់បង់កូន ក្នុងករណីនេះ ច្រើនតែកើតឡើងនៅចន្លោះត្រីមាសទីមួយ ឬ ទីពីរ អំឡុងពពោះ។

រោគសញ្ញា៖ ទោះជាបាត់បង់កូនក៏ដោយ តែស្រ្ដីជាម្ដាយមិនមានរោគសញ្ញាទូទៅណា ដែលបញ្ជាក់ថាកូនរលូតបាត់ហើយនោះទេ ប៉ុន្តែស្រ្ដីខ្លះអាចធ្លាក់ស (ពណ៌ត្នោត ឬ ក្រហម) ឈឺចាប់សុដន់ ក្អួតចង្អោរ ឬអស់កម្លាំង។ សញ្ញាមួយទៀតដែលធ្វើឲ្យអ្នកម្ដាយមិនចាប់អារម្មណ៍ថា កូនធ្លាក់បាត់ហើយនោះ គឺដោយសារតែសុក នៅតែបញ្ចេញអ័រម៉ូន ដែលជាសញ្ញាប្រាប់ថានៅមានផ្ទៃពោះធម្មតា។ ករណីដឹងច្បាស់ ១០០% ថាកូនក្នុងពោះ ឈប់លូតលាស់ ឬស្លាប់បាត់ហើយនោះ មានតែមើលអេកូ ដើម្បីតាមដាន និងពិនិត្យចង្វាក់បេះដូងទារកប៉ុណ្ណោះ។

Jangan Skip Pantang Lepas Alami Keguguran. Tak Jaga Betul Mungkin Sukar Hamil - Pa&Ma

២- ស្លាប់ក្នុងផ្ទៃ៖ ការស្លាប់កូនក្នុងពោះ ជាការបាត់បង់ទារក បន្ទាប់ពីសប្ដាហ៍ទី២០។ ករណីនេះ អាចចាត់ទុកថា ជាករណីកម្រ ឬកើតឡើង ១/២០០ ករណី អំឡុងពពោះ ឬ ពេលសម្រាល។ បើរឿងកម្រ និងចៃដន្យនេះ (កូនស្លាប់ក្នុងផ្ទៃ) មុនសម្រាល គ្រូពេទ្យនឹងប្រើប្រាស់ថ្នាំដើម្បីឲ្យស្រ្ដីជាម្ដាយឆាប់សម្រាល (កូនស្លាប់ហើយក៏ដោយ ក៏ត្រូវសម្រាលដែរ ព្រោះកូនកាន់តែធំ ឬអាយុលើស ២០សប្ដាហ៍) ឬ វះកាត់តែ ម្ដង ហៅថា C-section។
ជាគន្លឹះក្រៅពីពិនិត្យអេកូ វាស់ចង្វាក់បេះដូង រកការពិត ១០០% មានចំណុចមួយចំនួន ដែលស្រ្ដីជាម្ដាយអាចតាមដាន និង ដាក់ការសង្ស័យ ការបាត់បង់កូន តាមរយៈរោគសញ្ញាមួយចំនួន៖
− សុដន់(ម្ដាយ) រួមតូច
− ចេញទឹកដោះពីសុដន់ ឬ
− ទារកក្នុងផ្ទៃមិនធ្វើចលនាច្រើនថ្ងៃ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ទាំងប្រុស-ស្រីមានវិបត្តិអត់កូន អាចបណ្ដាលមកលើសអ័រម៉ូនម្យ៉ាងនេះ

ចុចអាន៖ ស្ត្រីគ្រប់រូបគួរតែប្រយ័ត្ននូវ ជំងឺទឹកនោមផ្អែមក្នុងអំឡុងពេលមានផ្ទៃពោះ