តាមសេចក្តីជូនដំណឹងរបស់មជ្ឈមណ្ឌលវះកាត់កុមារ ការផ្តល់សេវា ពិនិត្យ ព្យាបាល និងវះកាត់នេះ គឺសម្រាប់អ្នកជំងឺ ពិការដៃ មិនអាចកម្រើកបាន ដោយសារគ្រោះថ្នាក់ (ព្យាបាលដោយតសសៃប្រសាទឡើងវិញ) និងកុមារដែលមានបញ្ហាដៃពីកំណើត ដូចជា ដៃខូចទ្រង់ទ្រាយ ម្រាមដៃជាប់គ្នា ម្រាមដៃលើស ឬខូចខាត។ ការផ្តល់ជូននេះ ធ្វើឡើងចាប់ពីថ្ងៃទី១៨ ដល់ ២១ ខែឧសភា ឆ្នាំ២០២៦ ខាងមុខនេះ។

លោកអ្នកអាចទៅពិគ្រោះយោបល់ដោយផ្ទាល់ ដើម្បីទទួលព័ត៌មានលម្អិត និងការវាយតម្លៃពីគ្រូពេទ្យជំនាញ។ ចំពោះទីតាំង គឺនៅមជ្ឈមណ្ឌលជាតិស្តារលទ្ធភាពពលកម្មជនពិការគៀនឃ្លាំង ផ្លូវ ៦អា ខណ្ឌជ្រោយចង្វារ រាជធានីភ្នំពេញ ទូរសព្ទ៖ ០២៣ ៤៣ ០២ ០២ / ០៩៦ ៦៦៤ ១០១២៕

The post មជ្ឈមណ្ឌលវះកាត់កុមារ សហការជាមួយពេទ្យជំនាញមកពីហុងកុង ផ្តល់ការពិនិត្យ ព្យាបាលអ្នកជំងឺពិការដៃ ឥតគិតថ្លៃ appeared first on Kampuchea Thmey Daily.

ជារួមនៅក្នុងរយៈពេលពេញ១ខែវិច្ឆិកា  មន្ទីរពេទ្យគន្ធបុប្ផាទាំងនៅភ្នំពេញ និងនៅសៀមរាប បានពិនិត្យព្យាបាលលើកុមារដែលឈឺចំនួន ៩៨ ៦៥១នាក់ នៅក្នុងផ្នែកពិគ្រោះជំងឺក្រៅ។ ក្នុងចំណោមនេះ  កុមារមានជំងឺធ្ងន់ៗ ២៣ ០៥៣នាក់ ត្រូវបានដាក់ឲ្យសម្រាកព្យាបាលនៅក្នុងមន្ទីរពេទ្យ។ ក្នុងនោះ មន្ទីរពេទ្យគន្ធបុប្ផា ក៏បានព្យាបាលលើកុមារមានជំងឺគ្រុនឈាម ចំនួន ៣ ០៩៣នាក់។

ក្រៅពីព្យាបាលកុមារ នៅផ្នែកសម្ភពនៃមន្ទីរពេទ្យជ័យវរ្ម័នទី៧ (គន្ធបុប្ផាទី៣) ក៏បានពិនិត្យផ្ទៃពោះ និងព្យាបាលជូនស្ត្រីមានផ្ទៃពោះចំនួន ៩ ២៣៧នាក់ ដែលមកពិនិត្យតាមដានផ្ទៃពោះ និងទទួលសេវាព្យាបាល។  នៅក្នុងផ្នែកពិគ្រោះជំងឺក្រៅនៃមន្ទីរសម្ភព ក្រុមគ្រូពេទ្យជំនាញបានជួយសម្រាលកូនបានលើស្ត្រីចំនួន ១ ៩៨៧នាក់។

មូលនិធិគន្ធបុប្ផាកម្ពុជា អះអាងថារាល់ការព្យាបាលទាំងអស់ គឺឥតគិតថ្លៃ និងដោយគ្មានការរើសអើង សម្រាប់អ្នកមកទទួលសេវាគ្រប់ៗគ្នា។

គួរឱ្យដឹងថា  តាំងពីមន្ទីរពេទ្យគន្ធបុប្ផា ចាប់ផ្តើមដំណើរការឡើងវិញនៅឆ្នាំ១៩៩២, មន្ទីរពេទ្យនេះបានទទួលការពិនិត្យ និងព្យាបាលនៅផ្នែកពិគ្រោះជំងឺក្រៅ កុមារ និងស្រ្តីមានផ្ទៃពោះចំនួនប្រមាណ ២៣ លានករណី, បានទទួលកុមារមកសម្រាកព្យាបាលធ្ងន់ធ្ងរប្រមាណ ២,៨ លាននាក់ និងសម្រាលកូនជូនស្រ្តីមានផ្ទៃពោះចំនួនប្រមាណ ៤១ម៉ឺននាក់។

កាលពីឆ្នាំ២០២៤ កន្លងទៅ មន្ទីរពេទ្យគន្ធបុប្ផាភ្នំពេញ និងនៅសៀមរាប បានពិនិត្យ និងព្យាបាលលើកុមារ ទារក និងស្ត្រីមានផ្ទៃពោះ ឆ្លងទន្លេ ដោយឥតគិតថ្លៃសរុប ១ ២៥៣ ៧៧៤ករណី ខណៈក្នុង១ឆ្នាំៗ មន្ទីរពេទ្យគន្ធបុប្ផា ត្រូវចំណាយថវិកាជាង៤០លានដុល្លារសហរដ្ឋអាមេរិក ដើម្បីសង្គ្រោះអាយុជីវិតកុមារកម្ពុជា។

លោកជំទាវបណ្ឌិតពេជ ចន្ទមុន្នី ហ៊ុនម៉ាណែត ប្រធានកិត្តិយស នៃមូលនិធិគន្ធបុប្ផា ធ្លាប់បាន  ថ្លែងថា មន្ទីរពេទ្យគន្ធបុប្ផាបានព្យាបាល ដណ្ដើមជីវិតកុមារកម្ពុជាជាច្រើនពីមាត់មច្ចុរាជ ក្រោយមកកុមារដែលធ្លាប់ទទួលបានការព្យាបាលទាំងនោះ ក្លាយជាគ្រូពេទ្យហើយបានជួយព្យាបាលអ្នកជំងឺដទៃទៀត និងខ្លះទៀតបានក្លាយជាធនធានមនុស្សដ៏មានតម្លៃសម្រាប់សង្គមកម្ពុជា។

ជានិច្ចកាល លោកជំទាវស្ត្រីទី១ តែងតែអំពាវានាវឱ្យសប្បុរសជនបរិច្ចាគថវិកាចូលក្នុងមូលនិធិគន្ធបុប្ផាកម្ពុជា សម្រាប់ទ្រទ្រង់ដំណើរការរបស់មន្ទីរពេទ្យ ឱ្យបានបំពេញបេសកកម្មដ៏ថ្លៃថ្លាសង្គ្រោះជីវិតកុមារកម្ពុជា។ លោកជំទាវបណ្ឌិត បានចាត់ទុកការបរិច្ចាគរបស់សប្បុរសជននានាជូនមន្ទីរពេទ្យ ដើម្បីទុកព្យាបាលជំងឺកុមារ ថាគឺជាការធ្វើទានមួយដ៏ត្រឹមត្រូវ ពីព្រោះបានជួយស្រោចស្រង់អាយុជីវិតកុមារផង និងជួយឱ្យកុមារទាំងនោះទទួលបានឱកាស និងអនាគតល្អ ក៏ដូចបានជួយសង្គមជាតិ៕

The post ពេញ១ខែវិច្ឆិកា ឆ្នាំ២០២៥ មន្ទីរពេទ្យគន្ធបុប្ផាជួយវះកាត់កុមារមានជំងឺជិត៣ពាន់នាក់ ដោយឥតគិតថ្លៃ និងមិនរើសអើង appeared first on Kampuchea Thmey Daily.

ជារួមនៅក្នុងរយៈពេលពេញ១ខែកក្កដា មន្ទីរពេទ្យគន្ធបុប្ផាទាំងនៅភ្នំពេញ និងនៅសៀមរាប បានពិនិត្យព្យាបាលលើកុមារដែលឈឺចំនួន ៩២ ១៤៨នាក់ នៅក្នុងផ្នែកពិគ្រោះជំងឺក្រៅ។ ក្នុងចំណោមនេះ កុមារមានជំងឺធ្ងន់ៗ ២២ ៩១៧នាក់ ត្រូវបានដាក់ឲ្យសម្រាកព្យាបាលនៅក្នុងមន្ទីរពេទ្យ។ ក្នុងនោះ មន្ទីរពេទ្យគន្ធបុប្ផា ក៏បានព្យាបាលលើកុមារមានជំងឺគ្រុនឈាម ចំនួន ៣ ៩១៨នាក់។

ក្រៅពីព្យាបាលកុមារ នៅផ្នែកសម្ភពនៃមន្ទីរពេទ្យជ័យវរ្ម័នទី៧ (គន្ធបុប្ផាទី៣) ក៏បានពិនិត្យផ្ទៃពោះ និងព្យាបាលជូនស្ត្រីមានផ្ទៃពោះចំនួន៨ ៩៣៣នាក់ ដែលមកពិនិត្យតាមដានផ្ទៃពោះ និងទទួលសេវាព្យាបាល។ នៅក្នុងផ្នែកពិគ្រោះជំងឺក្រៅនៃមន្ទីរសម្ភព ក្រុមគ្រូពេទ្យជំនាញបានជួយសម្រាលកូនបានលើស្ត្រីចំនួន ១ ៦០២នាក់។

មូលនិធិគន្ធបុប្ផាកម្ពុជា អះអាងថារាល់ការព្យាបាលទាំងអស់ គឺឥតគិតថ្លៃ និងដោយគ្មានការរើសអើង សម្រាប់អ្នកមកទទួលសេវាគ្រប់ៗគ្នា។

គួរឱ្យដឹងថា តាំងពីមន្ទីរពេទ្យគន្ធបុប្ផា ចាប់ផ្តើមដំណើរការឡើងវិញនៅឆ្នាំ១៩៩២, មន្ទីរពេទ្យនេះបានទទួលការពិនិត្យ និងព្យាបាលនៅផ្នែកពិគ្រោះជំងឺក្រៅ កុមារ និងស្រ្តីមានផ្ទៃពោះចំនួនប្រមាណ ២៣ លានករណី, បានទទួលកុមារមកសម្រាកព្យាបាលធ្ងន់ធ្ងរប្រមាណ ២,៨ លាននាក់ និងសម្រាលកូនជូនស្រ្តីមានផ្ទៃពោះចំនួនប្រមាណ ៤១ម៉ឺននាក់។

កាលពីឆ្នាំ២០២៤ កន្លងទៅ មន្ទីរពេទ្យគន្ធបុប្ផាភ្នំពេញ និងនៅសៀមរាប បានពិនិត្យ និងព្យាបាលលើកុមារ ទារក និងស្ត្រីមានផ្ទៃពោះ ឆ្លងទន្លេ ដោយឥតគិតថ្លៃសរុប ១ ២៥៣ ៧៧៤ករណី ខណៈក្នុង១ឆ្នាំៗ មន្ទីរពេទ្យគន្ធបុប្ផា ត្រូវចំណាយថវិកាជាង៤០លានដុល្លារសហរដ្ឋអាមេរិក ដើម្បីសង្គ្រោះអាយុជីវិតកុមារកម្ពុជា។

លោកជំទាវបណ្ឌិតពេជ ចន្ទមុន្នី ប្រធានកិត្តិយស នៃមូលនិធិគន្ធបុប្ផា ធ្លាប់បាន ថ្លែងថា មន្ទីរពេទ្យគន្ធបុប្ផាបានព្យាបាល ដណ្ដើមជីវិតកុមារកម្ពុជាជាច្រើនពីមាត់មច្ចុរាជ ក្រោយមកកុមារដែលធ្លាប់ទទួលបានការព្យាបាលទាំងនោះ ក្លាយជាគ្រូពេទ្យហើយបានជួយព្យាបាលអ្នកជំងឺដទៃទៀត និងខ្លះទៀតបានក្លាយជាធនធានមនុស្សដ៏មានតម្លៃសម្រាប់សង្គមកម្ពុជា។

ជានិច្ចកាល លោកជំទាវស្ត្រីទី១ តែងតែអំពាវានាវឱ្យសប្បុរសជនបរិច្ចាគថវិកាចូលក្នុងមូលនិធិគន្ធបុប្ផាកម្ពុជា សម្រាប់ទ្រទ្រង់ដំណើរការរបស់មន្ទីរពេទ្យ ឱ្យបានបំពេញបេសកកម្មដ៏ថ្លៃថ្លាសង្គ្រោះជីវិតកុមារកម្ពុជា។ លោកជំទាវបណ្ឌិត បានចាត់ទុកការបរិច្ចាគរបស់សប្បុរសជននានាជូនមន្ទីរពេទ្យ ដើម្បីទុកព្យាបាលជំងឺកុមារ ថាគឺជាការធ្វើទានមួយដ៏ត្រឹមត្រូវ ពីព្រោះបានជួយស្រោចស្រង់អាយុជីវិតកុមារផង និងជួយឱ្យកុមារទាំងនោះទទួលបានឱកាស និងអនាគតល្អ ក៏ដូចបានជួយសង្គមជាតិ៕

The post ពេញ១ខែកក្កដា ឆ្នាំ២០២៥ មន្ទីរពេទ្យគន្ធបុប្ផាជួយវះកាត់កុមារមានជំងឺចំនួន៣០០១នាក់ ដោយឥតគិតថ្លៃ appeared first on Kampuchea Thmey Daily.

ការវះកាត់នេះ ធ្វើឡើងនៅមជ្ឈមណ្ឌលស្នាមញញឹម នៃមន្ទីរពេទ្យមិត្តភាពខ្មែរ-សូវៀត ជាន់ទី៣ អគារវះកាត់ និងកែលម្អ។ ដូច្នេះសម្រាប់អ្នកជំងឺដែលមានបញ្ហាមាត់ឆែប ក្រអូមឆែប រលាក ពិការភាពមុខមាត់ផ្សេងៗ អាចទៅទទួលសេវាវះកាត់ដោយឥតគិតថ្លៃ។

សម្រាប់ព័ត៌មានបន្ថែម សូមទំនាក់ទំនងតាមរយៈលេខ ០២៣ ២១១ ៤០៥/ ០៩៦ ៨៤៦ ៦៩៩១ ឬលេខតេឡេក្រាម ០១២ ៦៥៥ ៧៨៦ ឬនៅមជ្ឈមណ្ឌលស្នាមញញឹម នៃមន្ទីរពេទ្យមិត្តភាពខ្មែរ-សូវៀត មហាវិថីកងយោធពលខេមរៈភូមិន្ទ (ផ្លូវលេខ ២៧១) ជាន់ទី៣ អគារវះកាត់នឹងកែលម្អ៕

The post មន្ទីរពេទ្យមិត្តភាពខ្មែរ-សូវៀត នឹងវះកាត់ជូនអ្នកជំងឺដែលពិការភាពមុខមាត់ ដោយឥតគិតថ្លៃ នៅខែក្រោយនេះ appeared first on Kampuchea Thmey Daily.

បើតាមមូលនិធិគន្ធបុប្ផាកម្ពុជា កុមារប្រមាណ ០,៥ ទៅ ១ភាគរយ បានប្រឈមនឹងជំងឺបេះដូងពីកំណើត ពោលគឺក្នុងចំណោមកុមារ ១០០នាក់ មានកុមារម្នាក់ដែលអាចកើតជំងឺបេះដូងពីកំណើត។ គេចាត់ទុកថា ជំងឺបេះដូងពីកំណើត ជាជំងឺដ៏កាចសាហាវ និងធ្ងន់ធ្ងរមួយ ដែលបានឆក់យកជីវិតកុមារជាច្រើន។ ជាមួយគ្នានេះ ការព្យាបាលជំងឺបេះដូង គឺមានលក្ខណៈស្មុគស្មាញ និងត្រូវការចំណាយថវិកាច្រើន។

ដើម្បីឆ្លើយតបទៅនឹងតម្រូវការ និងចំនួនកុមារដែលមានបញ្ហាបេះដូង វេជ្ជបណ្ឌិត បេអាត រិឆ្នឺរ ស្ថាបនិកមូលនិធិគន្ធបុប្ផាស្វីល បានបង្កើតកន្លែងវះកាត់បេះដូងនៅឆ្នាំ២០១១ នៅមន្ទីរពេទ្យជ័យវរ្ម័នទី៧ ឬមន្ទីរពេទ្យគន្ធបុប្ផាទី៣ ក្នុងខេត្តសៀមរាប និងនៅមន្ទីរពេទ្យគន្ធបុប្ផាភ្នំពេញ ក្នុងឆ្នាំ២០១៩ ដើម្បីជួយសង្រ្គោះកុមារដែលមានបញ្ហាបេះដូងពីកំណើត៕

The post ១៣ឆ្នាំមកនេះ ក្រុមគ្រូពេទ្យនៃមន្ទីរពេទ្យគន្ធបុប្ផាកម្ពុជា បានវះកាត់បេះដូងកុមារធ្ងន់ស្រាលជាង ៦ពាន់ករណី appeared first on Kampuchea Thmey Daily.

លោកណែនាំបែបនេះ នៅថ្ងៃទី១ ខែវិច្ឆិកា ឆ្នាំ២០២៤ ក្នុងឱកាសដឹកនាំកិច្ចប្រជុំក្រុមការងារបច្ចេកទេសសុខភាពបឋមមន្ទីរពេទ្យបង្អែកកម្រិត៣។ ក្រៅពីការណែនាំខាងលើ លោកក៏បានណែនាំពីចំណុចសំខាន់ៗដល់ថ្នាក់ដឹកនាំដែលចុះគាំទ្រពង្រឹងមន្ទីរពេទ្យបង្អែកកម្រិត៣ សម្រាប់ជុំទី៣ដូចជា ពិនិត្យទៅលើការរៀបចំកែលម្អទីធ្លា សោភណភាពអនាម័យ និងហេដ្ឋារចនាសម្ព័ន្ធរបស់មន្ទីរពេទ្យ និងឯកសណ្ឋានរបស់បុគ្គលិកឱ្យបានសមរម្យ និងមានភាពល្អប្រសើរជាងពេលកន្លងមក។ បន្ថែមពីនេះ ក៏ត្រូវពិនិត្យទៅលើដំណើរការនៃការផ្ដល់សេវារបស់មន្ទីរពេទ្យ និងជួយណែនាំរៀបចំលំហូរអ្នកជំងឺមកទទួលសេវាជាពិសេសផ្នែកពិគ្រោះជំងឺក្រៅ ផ្នែកចុះឈ្មោះ និងកន្លែងបញ្ជរបង់ប្រាក់។

លោកវេជ្ជបណ្ឌិត ណែនាំឱ្យថ្នាក់ដឹកនាំត្រូវពិនិត្យមើលឯកសារព្យាបាលអ្នកជំងឺ ឯកសាររដ្ឋបាល ឯកសារគតិយុត្តផ្សេងៗរបស់មន្ទីរពេទ្យ។ ជាមួយគ្នានេះ ក៏ពិនិត្យណែនាំការប្រើប្រាស់ថវិកាក្នុងការអភិវឌ្ឍន៍មន្ទីរពេទ្យប្រកបដោយតម្លាភាព និងមានប្រសិទ្ធភាពផងដែរ។

សូមជម្រាបថា កិច្ចប្រជុំខាងលើ មានគោលបំណងរៀបចំឡើងដើម្បី ១.ពិនិត្យរបាយការណ៍លទ្ធផលការងាររបស់ថ្នាក់ដឹកនាំដែលបានចុះអភិបាលគាំទ្រពង្រឹងមន្ទីរពេទ្យបង្អែកកម្រិត៣ក្នុងជុំទី២ កន្លងមក។ ទី២ រៀបចំផែនការសកម្មភាពសម្រាប់ជុំទី៣ ដែលនឹងត្រូវចុះអភិបាលគាំទ្រ ចាប់ពីខែធ្នូ ឆ្នាំ២០២៤ ដល់ខែមីនា ឆ្នាំ២០២៥ និងទី៣ ពិភាក្សាពីការអនុវត្ត និងគម្រូនៃការចុះទៅពិនិត្យ៕

The post មន្ត្រីសុខាភិបាល ណែនាំឱ្យមន្ទីរពេទ្យបង្អែកកម្រិត៣ពង្រឹងផ្នែកសង្គ្រោះបន្ទាន់ សង្គ្រោះកម្រិតធ្ងន់ ផ្នែកវះកាត់ ឱ្យកាន់តែមានគុណភាព appeared first on Kampuchea Thmey Daily.

នៅ​ក្នុង​សេចក្ដី​ប្រកាស ខាង​មន្ទីរ​ពេទ្យ​បានលើក​ឡើង​ថា ពួ​ក​គេ​ពិត​ជា​មាន​ការ​សោកស្ដាយ​ខ្លាំង​ចំពោះ​​ការ​ស្លាប់​​របស់​លោក Slayman។​ ​យ៉ាង​​ណា​មិញ មន្ទីរពេទ្យ បាន​បញ្ជាក់​បន្ថែម​ថា មរណភាព​របស់​លោក​​មិន​មាន​​ការ​​ចង្អុល​បង្ហាញ​ថា​ វា​ជាប់​ពាក់ព័ន្ធ​នឹង​ការ​វះកាត់​ប្ដូរ​តម្រង​នោម​​កាល​ពី​ថ្មីៗ​កន្លង​ទៅ​នោះ​ទេ។

គួរ​​រំឭក​ថា លោក Slayman វ័យ​៦២​ឆ្នាំ បាន​ស្ថិត​នៅ​ក្នុង​ស្ថានភាព​ខូច​តម្រងនោម​ដំណាក់កាល​ចុង​ក្រោយ ដែល​ទាមទារ​ឲ្យ​មាន​ការ​ផ្លាស់ប្ដូរ​តម្រងនោម​ដើម្បី​បន្ត​ជីវិត។ លោក​ធ្លាប់​ប្ដូរ​តម្រងនោម​ម្ដង​កាល​ពី​ឆ្នាំ​២០១៨ តែ​វា​ត្រូវ​បាន​ខូច​​ម្ដង​ទៀត​នៅ​ក្នុង​ឆ្នាំ​២០២៣ ព្រម​ទាំង​​​បាន​វិវឌ្ឍ​ទៅ​ជា​​ជំងឺ​កក​សរសៃ​ឈាម​បេះដូង​ថែម​ទៀត​ផង។ ហេតុ​ដូច្នោះ​ហើយ​ទើប​វេជ្ជបណ្ឌិត​​របស់​លោក Slayman បាន​ស្នើ​ឲ្យ​​​លោក​ផ្លាស់ប្ដូរ​តម្រងនោម​ជ្រូក​​វិញ​ម្ដង ដោយសារ​​​​​កង្វះខាត​​នៃ​ការ​បរិច្ចាគ​​តម្រងនោម​​មនុស្ស។

លោក Slayman ធ្លាប់​បាន​និយាយ​​កាល​ពី​ខែ​មីនា​កន្លង​ទៅ​ថា “ខ្ញុំ​យល់​ឃើញ​ថា វា​​មិន​ត្រឹម​តែ​ជា​វិធី​ជួយ​សង្គ្រោះ​ខ្ញុំ​​នោះ​ទេ តែ​វា​ជា​វិធី​ផ្ដល់​​នូវ​ក្ដី​សង្ឃឹម​សម្រាប់​មនុស្ស​រាប់​ម៉ឺន​នាក់​ទៀត ដែល​​មាន​តម្រូវការ​វះកាត់​ដើម្បី​រស់”។

ការ​វះកាត់​របស់​លោក មាន​រយៈពេល​៤​ម៉ោង និង​​ទទួល​បាន​ជោគជ័យ ដែល​​ពេល​​នោះ​ត្រូវ​គេ​ចាត់ទុក​ជា​ជោគជ័យ​ថ្មី​មួយ​នៃ​ផ្នែក​វេជ្ជសាស្ត្រ។ អស់​រយៈពេល​ជា​ច្រើន​ទសវត្ស​មក​ហើយ មាន​ការ​ស្រាវជ្រាវ​​ចង់​​ឲ្យ​មាន​ការ​វះកាត់​ប្ដូរ​សរីរាង្គ​​សត្វ​ដាក់​​ក្នុង​​ខ្លួន​មនុស្ស ដែល​គេ​ហៅ​ថា “Xenotransplantation” តែ​​ត្រូវ​ប្រឈម​នឹង​បញ្ហា​ត្រង់​ថា ប្រព័ន្ធ​ស៊ាំ​មនុស្ស​មិន​​​សម្រប​ខ្លួន​ជាមួយ​​សរីរាង្គ​​ពី​សត្វ​​​នោះ​ឡើយ ដែល​នេះ​ជា​ហេតុផល​បង្ក​ជា​បញ្ហា​ស្មុគស្មាញ​ខ្លាំង​សម្រាប់​​ការ​វះកាត់។

ទោះ​ជា​យ៉ាង​នេះ​ក្ដី ការ​ស្រាវជ្រាវ​ថ្មី​ ដែល​ប្រហែល​ជា​អាច​ផ្ដល់​ក្ដី​សង្ឃឹម​សម្រាប់​មនុស្ស​ជាតិ គឺ​​ការ​​បន្ស៊ាំ​ហ្សែន​​​សរីរាង្គ​សត្វ ដើម្បី​ធ្វើ​​ឲ្យ​​វា​​អាច​សម្រប​ខ្លួន​ប្រើប្រាស់​ជាមួយ​សរីរាង្គ​មនុស្ស​បាន។ ដូច​ក្នុង​ករណី​លោក Slayman ក្រុមហ៊ុន​ជីវបច្ចេកវិទ្យា eGenesis បាន​​​បន្ស៊ាំ​តម្រងនោម​ជ្រូក​​ មុន​​នឹង​ធ្វើ​ការ​វះកាត់ ដោយ​​បាន​ដក​ហ្សែន​ចំនួន​៣ ពី​តម្រងនោម​ជ្រូក ហើយ​បន្ថែម​ហ្សែន​​ប្រភេទ​ថ្មី​ចំនួន​៧ ដើម្បី​ធានា​បាន​នូវ​ភាព​សម្រប​គ្នា​បាន​ល្អ​ជាមួយ​សរីរាង្គ​មនុស្ស។

សូម​​បញ្ជាក់​ថា នៅ​អាមេរិក​ មាន​មនុស្ស​ច្រើន​ជាង ៨០​ម៉ឺន​នាក់ បាន​កើត​ជំងឺ​ខូច​តម្រងនោម​ដំណាក់កាល​ចុង​ក្រោយ។ ប៉ុន្តែ​ការ​បរិច្ចាគ​តម្រងនោម​នៅ​មាន​​ចំនួន​តិច​ខ្លាំង​ណាស់ សម្រាប់​ធ្វើ​ការ​វះកាត់ ខណៈ​ដែល​នៅ​ក្នុង​បញ្ជី​រង់ចាំ​ការ​បរិច្ចាគ​​នៅ​មន្ទីរពេទ្យ​រដ្ឋ​អាមេរិក មាន​ជិត​៩​ម៉ឺន​នាក់​ឯណោះ៕

ដោយ៖ ឈាង

The post បុរស ដែល​ប្ដូរ​តម្រង​នោម​ជ្រូក​នៅ​អាមេរិក ទទួល​មរណភាព​ក្រោយ​វះកាត់​បាន​២​ខែ appeared first on Kampuchea Thmey Daily.

ការស្នើនេះ បន្ទាប់ពីរាជរដ្ឋាភិបាល កាលពីពេលថ្មីៗនេះ  បានសម្រេចបញ្ចប់មុខតំណែងលោក ខេង យ័ន ពីអភិបាលក្រុងកែប ដោយសារប្រព្រឹត្តអំពើដែលនាំឲ្យប៉ះពាល់ដល់ផលប្រយោជន៍រដ្ឋ និងផលប្រយោជន៍របស់ប្រជាពលរដ្ឋជាច្រើន។

លោកបណ្ឌិត ឈត ប៊ុនថង អ្នកតាមដានបញ្ហាសង្គម នៃរាជបណ្ឌិត្យសភាកម្ពុជា មានប្រសាសន៍ប្រាប់កម្ពុជាថ្មីថា ការសម្រេចបញ្ចប់មុខតំណែងលោក ខេង យ័ន ពីអភិបាលក្រុងកែប ជាការអនុវត្តដ៏ត្រឹមត្រូវ​តាមអភិក្រមទី ៥ គឺ “ការវះកាត់” របស់រាជរដ្ឋាភិបាល ដែលបានដាក់ចេញតាំងពីអាណត្តិមុន និងបន្តដល់អាណត្តិទី ៧នេះ។ លោកចាត់ទុកថា នេះសារក្រើនរំលឹកមួយដល់អាជ្ញាធរផ្សេងទៀត ដែលធ្លាប់ប្រព្រឹត្តអំពើខុសឆ្គង ត្រូវប្រញាប់កែប្រែខ្លួន ហើយប្រសិនបើមិនការកែប្រែទេ អាចនឹងមានជោគវាសនាដូចអភិបាលក្រុងកែប ដែរ។

លោកបណ្ឌិត ឈត ប៊ុនថង លើកឡើងថា «ប្រសិនបើមានការរំលោភអំណាច មានការធ្វើឲ្យខូចនូវផលប្រយោជន៍ជាតិ ផលប្រយោជន៍រួម រួមទាំងធ្វើឲ្យប្រជាពលរដ្ឋអស់សេចក្ដីទុកចិត្ត ធ្វើឲ្យប្រជាពលរដ្ឋខាតបង់ផលប្រយោជន៍ ធ្វើឲ្យប្រជាពលរដ្ឋបាត់បង់ជំនឿទុកចិត្ត ខ្ញុំគិតថា ការអនុវត្តនូវអភិក្រមទី ៥ ដែលយើងហៅថា “ការវះកាត់” ហ្នឹង គឺជារឿងចាំបាច់ដែលត្រូវធ្វើ»។

យ៉ាងណាក៏ដោយ អ្នកតាមដានបញ្ហាសង្គមរូបនេះ លើកឡើងដែរថា ការប្រើអភិក្រមទី ៥ “ការវះកាត់” នេះ គឺត្រូវធ្វើឡើងដោយប្រុងប្រយ័ត្ន ម៉ត់ចត់ និងស៊ើបអង្កេតឲ្យបានគ្រប់ជ្រុងជ្រោយ។ ប្រសិនបើស៊ើបអង្កេតឃើញថា អាជ្ញាធរជាបុគ្គលណាមួយដែលណាមួយ ដែលប្រព្រឹត្តកំហុសឆ្គងធ្ងន់ធ្ងរហើយ គឺត្រូវតែមានការ “ការវះកាត់”។

បន្ថែមលើនេះ លោកបណ្ឌិត ឈត ប៊ុនថង បានស្នើឲ្យរាជរដ្ឋាភិបាលបន្តអនុវត្តដោយម៉ឺងម៉ត់នូវអភិក្រមទី ៥ គឺ “ការវះកាត់” ចំពោះមន្ត្រីរូបណាដែលប្រព្រឹត្តកំហុសឆ្គងធ្ងន់ធ្ងរ ដើម្បីធ្វើឲ្យយ៉ាងណាឲ្យប្រជាពលរដ្ឋមានជំនឿទុកចិត្ត។

លោកថា «តាមការយល់ឃើញរបស់ខ្ញុំទេ ការអនុវត្តអភិក្រមទី ៥ គឺការវះកាត់ហ្នឹង សូមបន្តធ្វើដូចភ្លៀងរលឹម មានន័យថា បន្តធ្វើតទៅទៀតចំពោះបុគ្គលទាំងឡាយណាដែលជាអាជ្ញាធរ ហើយបានប្រព្រឹត្តខុស គួរតែបន្តធ្វើដើម្បីធ្វើយ៉ាងណាឲ្យប្រជាពលរដ្ឋហ្នឹង មានជំនឿទុកចិត្ត ធ្វើឲ្យប្រជាពលរដ្ឋសប្បាយចិត្ត ប្រជាពលរដ្ឋរស់នៅដោយសុខដុម រកស៊ីដោយសុខស្រួល ហើយអាជ្ញាធរដែនដីនីមួយៗហ្នឹងក៏កិត្តិយស ការគោរព សេចក្ដីទុកចិត្តពីប្រជាពលរដ្ឋ»។

សូមជម្រាបថា កាលពីថ្ងៃទី ១២ ខែមករា ឆ្នាំ ២០២៤កន្លងទៅនេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានសម្រេចបញ្ចប់មុខតំណែងលោក ខេង យ័ន ពីអភិបាលក្រុងកែប។

សម្ដេចធិបតី ហ៊ុន ម៉ាណែត បានបញ្ជាក់ថា សម្ដេច មានការចាំបាច់ត្រូវអនុវត្តអភិក្រមទី ៥ គឺ “ការវះកាត់” តាមរយៈការចុះហត្ថលេខា ដើម្បីបញ្ចប់មុខតំណែងរបស់អភិបាលក្រុងកែប ដែលបានប្រើប្រាស់អំណាចនៃតួនាទីរបស់ខ្លួន ប្រព្រឹត្តអំពើដែលនាំឲ្យប៉ះពាល់ដល់ផលប្រយោជន៍រដ្ឋ និងផលប្រយោជន៍របស់ប្រជាពលរដ្ឋជាច្រើន។ ការសម្រេចចិត្តនេះ គឺផ្អែកទៅលើមូលដ្ឋានច្បាស់លាស់ នៃការស៊ើបអង្កេតរបស់អង្គភាពប្រឆាំងអំពើពុករលួយ។

សម្ដេចធិបតី ហ៊ុន ម៉ាណែត បានសរសេរបន្ថែមថា «ខ្ញុំសង្ឃឹមថា មន្ត្រីទាំងអស់របស់រាជរដ្ឋាភិបាលទាំងថ្នាក់ជាតិ និងក្រោមជាតិ នឹងប្រកាន់ខ្ជាប់នូវអភិក្រមទី ១ រហូតដល់ទី ៤ ឲ្យបានជាប់ជាប្រចាំ ជាពិសេសក្នុងការបម្រើប្រជាពលរដ្ឋឲ្យបានល្អ និងដើម្បីជៀសវាងការឈានទៅដល់ការអនុវត្តអភិក្រមទី៥»។

ប្រមុខរាជរដ្ឋាភិបាល បានគូសបញ្ជាក់ថា រាជរដ្ឋាភិបាល នឹងបន្តប្រកាន់ជំហរយ៉ាងម៉ឺងម៉ាត់ក្នុងការវះកាត់ (អភិក្រមទី ៥) ចំពោះមន្ត្រីដែលប្រព្រឹត្តអំពើខុសឆ្គង នាំឲ្យប៉ះពាល់ធ្ងន់ធ្ងរដល់ផលប្រយោជន៍ជាតិ និងប្រជាជន៕

The post អ្នកតាមដានបញ្ហាសង្គម ស្នើឲ្យបន្តអនុវត្តអភិក្រមទី ៥ គឺ “ការវះកាត់” ចំពោះមន្ត្រីណាប្រព្រឹត្តអំពើប៉ះពាល់ប្រយោជន៍រដ្ឋ និងប្រជាជន appeared first on Kampuchea Thmey Daily.