កីឡាបាល់ទះ Archives - Kampuchea Thmey Daily

ប៉ះស្នងការស្វាយរៀង កាលជុំទី២ ស៊ុយ ខន មើលឃើញការលេងរបស់ដៃគូហាក់មិនសូវត្រូវគ្នា

Sina Noun — Wed, 01 Jul 2026 02:04:51 +0000

ស្មាត់លេចធ្លោរបស់ក្រុមបញ្ជាការដ្ឋានអង្គរក្ស កីឡាករ ស៊ុយ ខន ថាការប៉ះស្វាយរៀង អំឡុងជុំទី២ គឺមើលឃើញក្រុមនេះលេងហាក់មិនសូវត្រូវគ្នានោះឡើយ ខណៈការឈ្នះដាច់ ៣-០ នោះក៏មិនងាយស្រួលប៉ុន្មានដែរចំពោះក្រុមខ្លួន។

កីឡាករ ស៊ុយ ខន

កីឡាករ ស៊ុយ ខន បានធ្លាប់លើកឡើងក្រោយជំនួបជាមួយស្នងការខេត្តស្វាយរៀងថា កាលជុំទី២ នេះមើលឃើញថា ក្រុមដៃគូលេងហាក់មិនសូវត្រូវគ្នានោះឡើយ។ ការលេងរបស់ស្នងការខេត្តស្វាយរៀងមិនស៊ីសង្វាកគ្នា និងប្លែកមិនដូចការប្រកួតមុនៗនោះទេ។ ប៉ុន្តែការឈ្នះដោយលទ្ធផល ៣-០ ក្នុងជំនួបជុំទី២ នោះក៏មិនងាយស្រួលប៉ុន្មានដែរសម្រាប់អង្គរក្សដូចបានឃើញមានពិន្ទុប្រដេញគ្នារហូត។

ស្មាត់លេចធ្លោរូបនេះបន្ថែមទៀតថា ការប៉ះស្វាយរៀងកន្លងទៅគឺមានភាពតានតឹងសម្រាប់អង្គរក្ស និងមិនងាយស្រួលយកឈ្នះនោះឡើយ។

កម្មវិធីប្រកួត

បញ្ជាក់ដែរថា នៅជុំទី២ ក្រុមបាល់ទះបញ្ជាការដ្ឋានអង្គរក្សបានយកឈ្នះលើក្រុមស្នងការខេត្តស្វាយរៀងដោយលទ្ធផល ៣-០ មុនបិទបញ្ចប់វគ្គវិលជុំនោះ។ យ៉ាងណានៅរសៀលថ្ងៃទី១ ខែកក្កដា ឆ្នាំ២០២៦ នេះក្រុមបញ្ជាការដ្ឋានអង្គរក្ស នឹងត្រូវជួបស្នងការខេត្តស្វាយរៀងជាថ្មីទៀតក្នុងវគ្គពាក់កណ្កាលផ្ដាច់ព្រ័ត្រ តេជោលីគ រដូវកាលទី៣ ឆ្នាំ២០២៦។ មួយគូទៀតនោះគឺជាការប៉ះគ្នារវាង វិសាខា ប៉ះ ស្នងការរាជធានីភ្នំពេញ។ ២ក្រុមដែលឈ្នះនឹងឡើងទៅវគ្គផ្ដាច់ព្រ័ត្រនៅថ្ងៃទី៣ ខែកក្កដា ២០២៦ ៕

អត្ថបទដោយ៖ នួន ស៊ីណា

The post ប៉ះស្នងការស្វាយរៀង កាលជុំទី២ ស៊ុយ ខន មើលឃើញការលេងរបស់ដៃគូហាក់មិនសូវត្រូវគ្នា appeared first on Kampuchea Thmey Daily.

ការលេងដោយស្មារតីនឹងធឹងធ្វើឲ្យ ស៊ុយ ខន ក្លាយជាសំណប់ចិត្តរបស់គ្រូឥណ្ឌូណេស៊ី លោក Indra

Sina Noun — Tue, 30 Jun 2026 04:25:51 +0000

ម្ចាស់អាវលេខ៩ របស់បញ្ជាការដ្ឋានអង្គរក្ស កីឡាករ ស៊ុយ ខន រូបគេក៏មិនហ៊ានវាយតម្លៃថាខ្លួនឯងល្អណាស់ណាដែរ ការទុកចិត្តរបស់គ្រូឥណ្ឌូណេស៊ី Indra អាចដោយសារខ្លួនមានស្មារតីនឹងធឹងក្នុងការប្រកួតកន្លងទៅទើបមានឱកាសជាប់ជម្រើសរហូតមក។

កីឡាករ ស៊ុយ ខន

កីឡាករ ស៊ុយ ខន បានឲ្យដឹងថា ការជាប់ជម្រើសរបស់លោក Indra និងបានលេងរហូតមកនេះគឺអាស្រ័យលើគ្រូមើលឃើញខ្លួនឯងផ្ទាល់។ ចំពោះសមត្ថភាពខ្លួនល្អយ៉ាងណានោះរូបគេមិនហ៊ានវាយតម្លៃនោះទេតាមការយល់ឃើញរបស់អ្នកគាំទ្រដែលបានទស្សនាការលេងកន្លងមក។

ស្មាត់ដើមកំណើតពីខេត្តតាកែវរូបនេះបន្ថែមទៀតថា ការទុកចិត្តរបស់លោក Indra មកលើខ្លួននេះអាចដោយសារតែការលេងមិនសូវបែកអារម្មណ៍ លេងដោយស្មារតីនឹងធឹងផង បូកជាមួយបច្ចេកទេសផ្ទាល់ខ្លួនដូចជាចេះកែបាល់ខូចផ្សេងៗ និងផ្សំជាមួយសំណាងផង។ តាមរយៈបទពិសោធលើទីលានជាច្រើនឆ្នាំ និងការជួយក្រុមបានច្រើនទើបតែងតែទទួលបានឱកាសពីគ្រូបង្វឹកជនជាតិឥណ្ឌូណេស៊ីឲ្យចូលលេងច្រើនបែបនេះ។

លោក Indra គ្រូបង្វឹកបញ្ជាការដ្ឋានអង្គរក្ស

បញ្ជាក់ដែរថា ស៊ុយ ខន ជាកីឡាករលេចធ្លោមួយរូបប្រចាំក្រុមបញ្ជាការដ្ឋានអង្គរក្សជាច្រើនឆ្នាំមកនេះក្រោមការដឹកនាំដោយលោក Indra ដែលជាជនជាតិឥណ្ឌូណេស៊ី។ រូបគេតែងតែរកបានពិន្ទុក្នុងការប្រកួត និងជួយក្រុមបានច្រើននាពេលកន្លងមក។ គេតែងតែឃើញលោក Indra ពេញចិត្ត និងដាក់ឲ្យកីឡាករ ស៊ុយ ខន លេងស្ទើររាល់ប្រកួតពិសេសអំឡុងការប្រកួតតេជោលីគ រដូវកាលទី៣ ឆ្នាំ២០២៦ ដែលកំពុងដំណើរការនេះ។ រង់ចាំមើលកីឡាករឆ្នើមរូបនេះអាចបន្តជួយក្រុមឲ្យឡើងទៅវគ្គពាក់កណ្ដាលផ្ដាច់ព្រ័ត្របានទេនៅថ្ងៃស្អែកនេះ៕

កីឡាករ ស៊ុយ ខន

អត្ថបទដោយ៖ នួន ស៊ីណា

The post ការលេងដោយស្មារតីនឹងធឹងធ្វើឲ្យ ស៊ុយ ខន ក្លាយជាសំណប់ចិត្តរបស់គ្រូឥណ្ឌូណេស៊ី លោក Indra appeared first on Kampuchea Thmey Daily.

មុនល្បីឈ្មោះដូចពេលនេះ វឿន វាសនា ចូលអាជីពបាល់ទះដំបូងដោយសារលោក ស សុខា ជាអ្នកជ្រើសរើសផ្ទាល់ភ្នែក

Sina Noun — Mon, 29 Jun 2026 04:05:27 +0000

កីឡាករឆ្នើមរបស់កម្ពុជា វឿន វាសនា មុនមានសមត្ថភាពខ្លាំង និងល្បីឈ្មោះដូចពេលនេះឱកាសចូលអាជីពបាល់ទះដំបូងបានការជ្រើសរើសដោយផ្ទាល់ភ្នែកលោក ស សុខា តែម្ដងអំឡុងឆ្នាំ២០១៨ នៅឯការប្រកួតមួយក្នុងងខេត្តបាត់ដំបង។

លោក ស សុខា ប្រធាសហព័ន្ធកីឡាបាល់ទះ

លោក សាន សុក្រិត បានរំលឹកទៅអតីតកាលថា លោក សុខា ជាអ្នកជ្រើសរើសយកកីឡាករ វឿន វាសនា ឲ្យមកចូលជំរុំហ្វឹកហាត់នៅរាជធានីភ្នំពេញអំឡុងឆ្នាំ២០១៨ ។ ដោយអំឡុងកាលនោះគឺមានការប្រកួតបាល់ទះមិត្តភាពមួយនៅផ្សារភូពុយ ឯខត្តបាត់ដំបង ខណៈដែលលោក ស សុខា បានចូលរួម និងមើលឃើញ វឿន វាសនា មានកាយសម្បទាល្អអំណោយផលខាងកីឡាមួយនេះក៏ឲ្យទំនាក់ទៅក្រុមគ្រួសារតែម្ដង។

កីឡាករ វឿន វាសនា និងមិត្តរួមក្រុមពីមុន

អតីតគ្រូបង្វឹករបស់វិសាខាខាងលើបន្ថែមទៀតថា បន្ទាប់ពីទទួលបញ្ជាពីថ្នាក់លើរួចមកលោកក៏បានទាក់ទៅក្រុមគ្រួសារ និងប្រាប់ពីគោលបំណងនាំយក វឿន វាសនា មកហ្វឹកហាត់ជាមួយយុវជនរបស់ក្លឹបអំឡុងឆ្នាំ២០១៨ នោះរហូតមក។ យ៉ាងណា វឿន វាសនា ជាយុវជនដែលព្យាយាមហ្វឹកហាត់ អំណត់ តស៊ូ និងមានទេពកោល្យជាមួយកីឡាបាល់ទះនេះតាំងតែពីដើមមកម្ល៉េះ។

កីឡាករ វឿន វាសនា

បញ្ជាក់ដែរថា វឿន វាសនា ជាកីឡាករជម្រើសជាតិបាល់ទះកម្ពុជាដ៏ល្បីឈ្មោះមួយរូប។ រូបគេមានសមត្ថភាពកាន់តែខ្លាំងបន្ទាប់ពីលេងឲ្យក្រុមតៃវ៉ាន់ Win Streak រយៈពេល ២រដូវកាល និងកំពុងបន្តកុងត្រានៅឆ្នាំទី៣ រដូវកាលថ្មីនេះបន្តទៀតផងដែរ។ វាសនា មិនត្រឹមតែជាកីឡាករល្បីឈ្មោះនៅកម្ពុជាមានគេស្គាល់ច្រើននោះទេ ពោលនៅឯតៃវ៉ាន់ក៏ល្បី និងមានគេគាំទ្រច្រើនផងដែរ។ កីឡាកររូបគេមានតួនាទីជាស្មាត់ស្ដាំ និងមានសមត្ថភាពខ្លាំងទាំងការម៉ាត់ផ្ដាច់ ធ្វើរនាំង និងការវាយសេវា៕

លោក សាន សុក្រិត

អត្ថបទដោយ៖ នួន ស៊ីណា

The post មុនល្បីឈ្មោះដូចពេលនេះ វឿន វាសនា ចូលអាជីពបាល់ទះដំបូងដោយសារលោក ស សុខា ជាអ្នកជ្រើសរើសផ្ទាល់ភ្នែក appeared first on Kampuchea Thmey Daily.

រកឃើញ ៤ក្រុមឡើងទៅវគ្គពាក់កណ្ដាលផ្ដាច់ព្រ័ត្រស្របពេល វិសាខា ប៉ះ ស្នងការរាជធានីភ្នំពេញ អង្គរក្ស ប៉ះ ស្នងការស្វាយរៀង

Sina Noun — Mon, 29 Jun 2026 02:08:48 +0000

ការប្រកួតវិលជុំសន្សំពិន្ទុជុំទី២ បានបិទបញ្ចប់ហើយកាលពីយប់ថ្ងៃអាទិត្យ ទី២៨ ខែមិថុនា ឆ្នាំ២០២៦ នេះដោយរកឃើញក្រុមខ្លាំងចំនួន ៤ គឺសមាគមបាល់ទះវិសាខា ក្រុមបញ្ជាការដ្ឋានអង្គរក្ស ក្រុមស្នងការខេត្តស្វាយរៀង និងស្នងការរាជធានីភ្នំពេញ។

ក្រុមវិសាខា

សម្រាប់វគ្គវិលជុំសន្សំពិន្ទុជុំទី២ ដែលទើបបញ្ចប់ទៅនេះគឺមាន ២ក្រុមដែលបានធ្លាក់ចេញរួមសមាគមបាល់ទះក្រសួងមហាផ្ទៃ មាន៤ពិន្ទុ និងស្នងការខេត្តកោះកុង មិនមានពិន្ទុសោះ។ បញ្ចប់វគ្គវិលជុំសន្សំពិន្ទុនេះគឺចំណាត់ថ្នាក់ក្រុមទាំង ៤រួមមាន៖

លេខ១ សមាគមវិសាខា មាន ១៤ពិន្ទុ

លេខ២ បញ្ជាការដ្ឋានអង្គរក្ស មាន១២ពិន្ទុ

លេខ៣ ស្នងការខេត្តស្វាយរៀង មាន៩ពិន្ទុ

លេខ៤ ស្នងការរាជធានីភ្នំពេញ មាន៦ពិន្ទុ

ក្រុមបញ្ជាការដ្ឋានអង្គរក្ស

យោងតាមចំណាត់ថ្នាក់នេះនៅវគ្គពាក់កណ្ដាលផ្ដាច់ព្រ័ត្រគឺចំណាក់ថ្នាក់លេខ១ ប៉ះ លេខ៤ «សមាគមវិសាខា ប៉ះ ស្នងការរាជធានីភ្នំពេញ» និងលេខ២ ប៉ះ លេខ៣ (បញ្ជាការដ្ឋានអង្គរក្ស ប៉ះ ស្នងការខេត្តស្វាយរៀង)។ ការប្រកួតវគ្គពាក់កណ្ដាលផ្ដាច់ព្រ័ត្រនេះនឹងធ្វើឡើងនៅថ្ងៃទី១ ខែកក្ដដា ឆ្នាំ២០២៦ ។ រង់ចាំមើលទាំងអស់គ្នាក្រុមមួយណាក្លាយជាម្ចាស់ពានតេជោលីគ រដូវកាលទី៣ ឆ្នាំ២០២៦ នេះ៕

អត្ថបទដោយ៖ នួន ស៊ីណា

The post រកឃើញ ៤ក្រុមឡើងទៅវគ្គពាក់កណ្ដាលផ្ដាច់ព្រ័ត្រស្របពេល វិសាខា ប៉ះ ស្នងការរាជធានីភ្នំពេញ អង្គរក្ស ប៉ះ ស្នងការស្វាយរៀង appeared first on Kampuchea Thmey Daily.

កីឡាករ គួន ម៉ុម និង សួន ចាន់ណារ៉ូ សុទ្ធតែសរសើរពីសមត្ថភាព វឿន វាសនា ក្រោយជួបគ្នាជាថ្មីនេះ

Sina Noun — Fri, 26 Jun 2026 04:19:12 +0000

កីឡាករ គួន ម៉ុម និង សួន ចាន់ណារ៉ូ សុទ្ធតែសរសើរពីសមត្ថភាពល្អរបស់ វឿន វាសនា និងភាពរីកចម្រើនរបស់គេក្រោយជួបគ្នាជាថ្មីនៅតេជោលីគ ជុំទី២ រដូវកាលទី៣ ឆ្នាំ២០២៦ កន្លងទៅនេះ។

កីឡាករ វឿន វាសនា

កីឡាករ គួន ម៉ុម បានលើកឡើងថា វឿន វាសនា គឺលេងល្អមែន និងជួយក្រុមបានច្រើនក្នុងការប្រកួតកន្លងទៅនេះ។ ជើងខ្លាំងមកពីតៃវ៉ាន់រូបនេះគឺតាមចាប់បាំងដៃគូច្បាស់ណាស់ឥលូវនេះ ដូច្នេះកីឡាករល្មមៗមិនងាយវាយចេញនោះឡើយ។

ចំណែកកីឡាករ សួន ចាន់ណារ៉ូ បានលើកឡើងស្រដៀង គួន ម៉ុម ដែរថា វឿន វាសនា មកវិញលើកនេះសមត្ថភាពកើនឡើងកាន់តែខ្លាំងជាងមុនទៅទៀត។ ទម្រង់លេងដូចអ្នកគាំទ្របានឃើញអីចឹងដែរ ពោលលេងល្អប្លែកខុសពីមុនៗទៅទៀតសម្រាប់ស្មាត់របស់ Win Streak រូបនេះ។

កីឡាករ វឿន វាសនា

បញ្ជាក់ដែរថា កីឡាករ វឿន វាសនា បន្ទាប់ពីបញ្ចប់ភារកិច្ចនៅតៃវ៉ាន់រួចមករូបគេក៏បានមកជួយក្លឹបដើមគឺសមាគមវិសាខា នៅក្នុងជុំទី២ ដែលកំពុងដំណើរការប្រកួតវិលជុំសន្សំពិន្ទុនៅពេលនេះ។ រូបគេជួយវិសាខាបាន ៣ប្រកួតមកហើយគឺឈ្នះទាំង ៣ប្រកួតមាន ៨ពិន្ទុក្នុងដៃ និងត្រៀមជួយ ២ប្រកួតចុងក្រោយបញ្ចប់ជុំទី២ នេះតទៅទៀត។ វឿន វាសនា ជាកីឡាករល្បីឈ្មោះទាំងនៅកម្ពុជា និងតៃវ៉ាន់។ រូបគេទើបតែបន្តកុងត្រាជាមួយក្លឹប Win Streak ជាលើកទី៣ ផងដែរ៕

សួន ចាន់ណារ៉ូ

អត្ថបទដោយ៖ នួន ស៊ីណា

The post កីឡាករ គួន ម៉ុម និង សួន ចាន់ណារ៉ូ សុទ្ធតែសរសើរពីសមត្ថភាព វឿន វាសនា ក្រោយជួបគ្នាជាថ្មីនេះ appeared first on Kampuchea Thmey Daily.

ស្នងការរាជធានីភ្នំពេញ មហាផ្ទៃ ឬស្នងការខេត្តកោះកុង មួយណានឹងបានឡើងទៅវគ្គពាក់កណ្ដាលផ្ដាច់ព្រ័ត្រតេជោលីគ…

Sina Noun — Thu, 25 Jun 2026 05:21:37 +0000

ការប្រកួតវិលជុំសន្សំពិន្ទុនៅជុំទី២ ពានតេជោលីគ នៅពេលនេះសល់ត្រឹម ២ប្រកួតតែប៉ុណ្ណោះនឹងបញ្ចប់ការប្រកួតហើយរកឃើញ ៤ក្រុមបានឡើងទៅវគ្គពាក់កណ្ដាលផ្ដាច់ព្រ័ត្របន្តទៀត ខណៈក្រុមបាល់ទះស្នងការរាជធានីភ្នំពេញ ក្រសួងមហាផ្ទៃ ឬស្នងការខេត្តកោះកុង មិនទាន់ដឹងមួយក្រុមណាបានឡើងនោះឡើយ។

ក្រុមបាល់ទះស្នងការរាជធានីភ្នំពេញ

វគ្គសន្សំពិន្ទុជុំទី២ នេះនឹងបញ្ចប់ការប្រកួតនៅចុងសប្ដាហ៍ថ្ងៃទី២៧-២៨ ខែមិថុនា ឆ្នាំ២០២៦ នេះហើយ។ យ៉ាងណាចំណាត់ថ្នាក់ត្រឹម ៣ប្រកួតដំបូងនេះគឺ លេខ១ គឺសមាគមបាល់ទះវិសាខា មាន ៨ពិន្ទុ លេខ២ ស្នងការខេត្តស្វាយរៀង មាន ៧ពិន្ទុ លេខ៣ បញ្ជាការដ្ឋានអង្គរក្ស មាន ៦ពិន្ទុ និងលេខ៤ ស្នងការរាជធានីភ្នំពេញ មាន ៥ពិន្ទុ។

សមាគមបាល់ទះក្រសួងមហាផ្ទៃ

នៅជុំទី២ នេះតម្រូវយកតែ ៤ក្រុមប៉ុណ្ណោះគឺរាប់ចាប់ពីលេខ១ ដល់ ៤ ដើម្បីឡើងទៅវគ្គពាក់កណ្ដាលផ្ដាច់ព្រ័ត្របន្តទៀត។ យ៉ាងណាទាំង ៣ក្រុមនេះគឺ ស្នងការរាជធានីភ្នំពេញ ក្រសួងមហាផ្ទៃ និងស្នងការខេត្តកោះកុង មិនទាន់ច្បាស់ថាមួយណានឹងឡើង ឬធ្លាក់ទាំងស្រុងនោះដែរដោយសារតែពិន្ទុអាចប្រដេញគ្នា និងកែប្រែលទ្ធផលបានក្រោយចាញ់-ឈ្នះ នៅ ២ប្រកួតចុងក្រោយសប្ដាហ៍នេះ។ តាមពិន្ទុនៅពេលនេះក្រុមលេខ៤ ស្នងការរាជធានីភ្នំពេញ មាន ៥ពិន្ទុក្នុងដៃគឺមានសង្ឃឹមច្រើនជាងគេបានឡើងទៅវគ្គពាក់កណ្ដាលផ្ដាច់ព្រ័ត្រ។

នៅ ២ប្រកួតចុងក្រោយនេះបើ ស្នងការរាជធានីភ្នំពេញ រកបានត្រឹម ៣ពិន្ទុទៀតនោះគឺឡើងទៅវគ្គបន្ត ១០០% តែម្ដងដោយមិនចាំបាច់អ៊ុតជាមួយ ២ក្រុមទៀតនោះឡើយ។ ប៉ុន្តែបើស្នងការរាជធានីភ្នំពេញ ២ប្រកួតចុងក្រោយរកបានតែ ២ពិន្ទុនោះទេគឺត្រូវរង់ចាំអ៊ុតក្រុម ក្រសួងមហាផ្ទៃ សិន។ ប្រសិនបើក្រសួងមហាផ្ទៃ ២ប្រកួតចុងក្រោយឈ្នះ (៣-០) ទាំង ២ប្រកួត គឺមាន ៦ពិន្ទុបន្ថែមទៀត ដូច្នេះត្រូវពិនិត្យមើលឡើងវិញ ព្រោះមាន ៧ពិន្ទុដូចគ្នាជាមួយ ស្នងការរាជធានីភ្នំពេញ។

ក្រុមបាល់ទះស្នងការខេត្តកោះកុង

ប្រសិនបើ ២ប្រកួតចុងក្រោយ ស្នងការរាជធានីភ្នំពេញ ចាញ់ (៣-០) ទាំង ២ប្រកួតនោះគឺមាន ៥ពិន្ទុដដែលត្រូវអ៊ុតជាមួយ ២ក្រុមទៀតសិន។ តែបើក្រសួងមហាផ្ទៃ ២ប្រកួតចុងក្រោយឈ្នះ (៣-០) ទាំង ២ប្រកួតនោះគឺសរុបមាន ៧ពិន្ទុ។ យោងតាមពិន្ទុនេះក្រសួងមហាផ្ទៃ ជាអ្នកឡើងទៅវគ្គពាក់កណ្ដាលផ្ដាច់ព្រ័ត្រ។ ប៉ុន្តែបើ ២ប្រកួតនេះមហាផ្ទៃ រកបាន ៥ពិន្ទុបូក ១ពិន្ទុ មានស្រាប់គឺសរុប ៦ពិន្ទុ ក៏បានឡើងទៅដែរ។ បើ ២ប្រកួតរបស់មហាផ្ទៃ រកបាន ៤ពិន្ទុបន្ថែមបូកជាមួយ ១ពិន្ទុមានស្រាប់គឺសរុប ៥ពិន្ទុ ត្រូវរង់ចាំពិនិត្យជាមួយ ស្នងការរាជធានីភ្នំពេញ សិនទើបដឹងថានរណានឹងឡើងទៅបន្ត។

ចំពោះក្រុមស្នងការកោះកុងវិញប្រសិនបើ ២ប្រកួតចុងក្រោយឈ្នះ ៣-០ ទាំង ២ប្រកួតនោះ ខណៈ ស្នងការរាជធានីភ្នំពេញ និង មហាផ្ទៃ ចាញ់ ៣-០ ទាំង ២ប្រកួតនោះគឺស្នងការកោះកុងជាអ្នកឡើងទៅវគ្គពាក់កណ្ដាលផ្ដាច់ព្រ័ត្រ។ តែបើស្នងការកោះកុង ២ប្រកួតរកមិនបាន ៥ពិន្ទុនោះទេមិនអាចអ៊ុតជាមួយក្រុមផ្សេងដើម្បីឡើងនោះឡើយ។

ប្រកួតទី៤ ក្រុមស្នងការរាជធានីភ្នំពេញ ប៉ះ វិសាខា ថ្ងៃទី២៧ មិថុនា ២០២៦

ប្រកួតទី៥ ក្រុមស្នងការរាជធានីភ្នំពេញ ប៉ះ ស្នងការស្វាយរៀង ថ្ងៃទី២៨ មិថុនា ២០២៦
—
ប្រកួតទី៤ ក្រសួងមហាផ្ទៃ ប៉ះ ស្នងការកោះកុង ថ្ងៃទី២៧ មិថុនា ២០២៦

ប្រកួតទី៥ ក្រសួងមហាផ្ទៃ ប៉ះ បញ្ជាការដ្ឋានអង្គរក្ស ថ្ងៃទី២៨ មិថុនា ២០២៦

—
ប្រកួតទី៤ ស្នងការខេត្តកោះកុង ប៉ះ មហាផ្ទៃ ថ្ងៃទី២៧ មិថុនា ២០២៦

ប្រកួតទី៥ ស្នងការខេត្តកោះកុង ប៉ះ វិសាខា ថ្ងៃទី២៨ មិថុនា ២០២៦

តារាងពិន្ទុគិតត្រឹម ៣ប្រកួតដំបូង៖

លេខ១ វិសាខា មាន ៨ពិន្ទុ

លេខ២ ស្នងការខេត្តស្វាយរៀង មាន ៧ពិន្ទុ

លេខ៣ បញ្ជាការដ្ឋានអង្គរក្ស មាន ៦ពិន្ទុ

លេខ៤ ស្នងការរាជធានីភ្នំពេញ មាន ៥ពិន្ទុ

លេខ៥ ក្រសួងមហាផ្ទៃ មាន ១ពិន្ទុ

លេខ៦ ស្នងការកោះកុង មាន ០ពិន្ទុ

The post ស្នងការរាជធានីភ្នំពេញ មហាផ្ទៃ ឬស្នងការខេត្តកោះកុង មួយណានឹងបានឡើងទៅវគ្គពាក់កណ្ដាលផ្ដាច់ព្រ័ត្រតេជោលីគ… appeared first on Kampuchea Thmey Daily.

យ៉ុន ខេមរៈ និយាយចំៗមាន រ៉ុន សុខជា គឺជួយក្រុមបានច្រើនពិសេសនៅជុំទី២ តេជោលីគនេះ

Sina Noun — Thu, 25 Jun 2026 01:51:07 +0000

កីឡាករ យ៉ុន ខេមរៈ និយាយថាវត្តមានកីឡាករ រ៉ុន សុខជា នៅជុំទី២ នេះបានជួយក្រុមបានច្រើនរហូតអាចយកឈ្នះលើក្រុមខ្លាំងៗមួយចំនួនដែរ ប៉ុន្តែបើឲ្យស្នងការរាជធានីភ្នំពេញល្អដូចមុនមិនទាន់អាចទេ។

កីឡាករ យ៉ុន ខេមរៈ

ដៃប៉ះសេវ័យក្មេង យ៉ុន ខេមរៈ បានឲ្យដឹងថា ការបានមកជួយក្រុមស្នងការរាជធានីភ្នំពេញវិញរបស់ រ៉ុន សុខជា ធ្វើឲ្យសន្ទុះលេងរបស់ក្រុមហាក់មានភាពស្វាហាប់ និងខ្លាំងឡើងវិញរយៈពេលប៉ុន្មានប្រកួតនេះរហូតអាចឈ្នះក្រុមខ្លាំងៗមួយចំនួនទៀតផង។

យ៉ុន ខេមរៈ បន្ថែមទៀតថា បើទោះជាមាន រ៉ុន សុខជា នៅជុំទី២ និងជួយក្រុមបានច្រើនមែន ប៉ុន្តែស្នងការរាជធានីភ្នំពេញគឺមិនទាន់ល្អដូចពីមុននោះឡើយ។ ដោយសារតែបច្ចុប្បន្ននេះក្រុមបាត់កីឡាករបរទេសំខាន់មួយរូបដែលធ្វើឲ្យការលេងធ្លាក់ទម្រង់ផងដែរ។

កីឡាករ រ៉ុន សុខជា

បញ្ជាក់ដែរថា ក្រុមបាល់ទះស្នងការរាជធានីភ្នំពេញជាក្រុមឡើងកូដមួយនៅកម្ពុជា និងជាម្ចាស់ពានរង្វាន់សម្ដេចក្រឡាហោម នៅដើមឆ្នាំ២០២៦ នេះ។ បច្ចុប្បន្នក្នុងតេជោលីគ រដូវកាលទី៣ ជុំទី២ នេះក្រុមស្នងការឈរចំណាត់ថ្នាក់លេខ៤ និងមិនទាន់អាចបញ្ជាក់ថានឹងបានឡើងទៅវគ្គពាក់កណ្ដាលផ្ដាច់ព្រ័ត្រ ១០០% នៅឡើយទេ៕

ក្រុមស្នងការរាជធានីភ្នំពេញ

អត្ថបទដោយ៖ នួន ស៊ីណា

The post យ៉ុន ខេមរៈ និយាយចំៗមាន រ៉ុន សុខជា គឺជួយក្រុមបានច្រើនពិសេសនៅជុំទី២ តេជោលីគនេះ appeared first on Kampuchea Thmey Daily.

លឹម ចិត្រា ការម៉ាត់ផ្ដាច់អស់ៗបែបនេះដោយសារមិនខ្លាចដៃគូនោះឡើយពេលជាន់ទីលានប្រកួត

Sina Noun — Wed, 24 Jun 2026 05:13:09 +0000

កីឡាករវ័យក្មេង លឹម ចិត្រា ការម៉ាត់ផ្ដាច់អស់ៗដូចបានឃើញក្នុងការប្រកួតនេះគឺដោយសារការតាំងចិត្តមិនខ្លាចដៃគូទោះប៉ះក្រុមខ្លាំងប៉ុណ្ណាក៏ដោយ ខណៈចង់បញ្ជាក់មួយទៀតដែរថាកុំបារម្ភខ្លាចថាលេងមិនអស់សមត្ថភាពពេលប្ដូរទៅក្រុមថ្មីនោះ។

លឹម ចិត្រា ជាប់កីឡាករល្អប្រចាំការប្រកួត

ស្មាត់ស្ដាំកំពុងល្បីឈ្មោះ លឹម ចិត្រា បានឲ្យដឹងថា ការលេងដោយលះៗកន្លងមកដូចអ្នកគាំទ្រឃើញនេះដោយសារតែខ្លួនបានតាំងចិត្ត និងជឿជាក់លើខ្លួនឯង។ មិនថាការប្រកួតអ្វីនោះទេពោលក្នុងចិត្តគឺមិនខ្លាចកីឡាករដទៃ ឬក្រុមផ្សេងៗនោះឡើយ ព្រោះខ្លួនឯងមានសមត្ថភាពប្រកួតប្រជែងដូចគេឯងដែរ។

លឹម ចិត្រា ពេលលេងឲ្យស្វាយរៀង

កីឡាករវ័យក្មេងរូបនេះបន្ថែមទៀតថា អ្នកគាំទ្រកុំបារម្ភថាខ្លាចរូបគេលេងមិនអស់សមត្ថភាពអំឡុងពេលខ្ចីជើងនៅជុំទី២ នេះឲ្យសោះ។ រូបគេទៅក្រុមណាគឺដឹងតែលេងឲ្យអស់ពីសមត្ថភាពដែលខ្លួនមានដើម្បីជួយក្រុមនោះមិនចេះលាក់នោះឡើយ។

លឹម ចិត្រា ពេលលេងឲ្យស្វាយរៀង

បញ្ជាក់ដែរថា កីឡាករ លឹម ចិត្រា ត្រូវបានផ្លាស់ប្ដូរពីវិសាខាមកកាន់ក្លឹបបាល់ទះស្នងការខេត្តស្វាយរៀងនៅជុំទី២ វគ្គវិលជុំសន្សំពិន្ទុលក្ខខណ្ឌខ្ចីជើង។ រូបគេជាកីឡាករកំពុងឡើងជើងមួយរូបរបស់វិសាខានាពេលកន្លងមក។ បន្ទាប់ពីផ្លាស់មកស្វាយរៀង លឹម ចិត្រា កំពុងធ្វើព្យុះភ្លៀងជាខ្លាំងតាមរយៈការម៉ាត់ផ្ដាច់ធ្ងន់ៗជួយក្រុមឲ្យឈ្នះជាបន្តបន្ទាប់នៅតេជោលីគនេះ ជុំទី២ រដូវកាលទី៣ ឆ្នាំ២០២៦ ៕

អត្ថបទដោយ៖ នួន ស៊ីណា

The post លឹម ចិត្រា ការម៉ាត់ផ្ដាច់អស់ៗបែបនេះដោយសារមិនខ្លាចដៃគូនោះឡើយពេលជាន់ទីលានប្រកួត appeared first on Kampuchea Thmey Daily.

កីឡាបាល់ទះ Archives - Kampuchea Thmey Daily

ប៉ះ​ស្នងការ​ស្វាយរៀង​ កាល​ជុំ​ទី២​ ស៊ុយ​ ខន​ មើល​ឃើញ​ការ​លេង​របស់​ដៃគូ​ហាក់​មិន​សូវ​ត្រូវ​គ្នា​

ការ​លេង​ដោយ​ស្មារតី​នឹងធឹង​ធ្វើ​ឲ្យ​ ស៊ុយ​ ខន​ ក្លាយ​ជា​សំណប់​ចិត្ត​របស់​គ្រូ​ឥណ្ឌូណេស៊ី​ លោក​ Indra​

យ៉ុន​ ខេមរៈ​ និយាយ​ចំៗ​មាន​ រ៉ុន​ សុខជា​ គឺ​ជួយ​ក្រុម​បាន​ច្រើន​ពិសេស​នៅ​ជុំ​ទី២​ តេជោលីគ​នេះ​

លឹម​ ចិត្រា​ ការ​ម៉ាត់​ផ្ដាច់​អស់ៗ​បែប​នេះ​ដោយ​សារ​មិន​ខ្លាច​ដៃគូ​នោះ​ឡើយ​ពេល​ជាន់​ទីលាន​ប្រកួត

ប៉ះស្នងការស្វាយរៀង កាលជុំទី២ ស៊ុយ ខន មើលឃើញការលេងរបស់ដៃគូហាក់មិនសូវត្រូវគ្នា

ការលេងដោយស្មារតីនឹងធឹងធ្វើឲ្យ ស៊ុយ ខន ក្លាយជាសំណប់ចិត្តរបស់គ្រូឥណ្ឌូណេស៊ី លោក Indra

យ៉ុន ខេមរៈ និយាយចំៗមាន រ៉ុន សុខជា គឺជួយក្រុមបានច្រើនពិសេសនៅជុំទី២ តេជោលីគនេះ

លឹម ចិត្រា ការម៉ាត់ផ្ដាច់អស់ៗបែបនេះដោយសារមិនខ្លាចដៃគូនោះឡើយពេលជាន់ទីលានប្រកួត