កីឡា

រកឃើញ ៤ក្រុមឡើងទៅវគ្គពាក់កណ្ដាលផ្ដាច់ព្រ័ត្រស្របពេល វិសាខា ប៉ះ ស្នងការរាជធានីភ្នំពេញ អង្គរក្ស ប៉ះ ស្នងការស្វាយរៀង

បានផុស

៨ នាទី មុន

នៅ

ថ្ងៃចន្ទ ២៩ មិថុនា ២០២៦

ដោយ

ការប្រកួតវិលជុំសន្សំពិន្ទុជុំទី២ បានបិទបញ្ចប់ហើយកាលពីយប់ថ្ងៃអាទិត្យ ទី២៨ ខែមិថុនា ឆ្នាំ២០២៦ នេះដោយរកឃើញក្រុមខ្លាំងចំនួន ៤ គឺសមាគមបាល់ទះវិសាខា ក្រុមបញ្ជាការដ្ឋានអង្គរក្ស ក្រុមស្នងការខេត្តស្វាយរៀង និងស្នងការរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមវិសាខា

សម្រាប់វគ្គវិលជុំសន្សំពិន្ទុជុំទី២ ដែលទើបបញ្ចប់ទៅនេះគឺមាន ២ក្រុមដែលបានធ្លាក់ចេញរួមសមាគមបាល់ទះក្រសួងមហាផ្ទៃ មាន៤ពិន្ទុ និងស្នងការខេត្តកោះកុង មិនមានពិន្ទុសោះ។ បញ្ចប់វគ្គវិលជុំសន្សំពិន្ទុនេះគឺចំណាត់ថ្នាក់ក្រុមទាំង ៤រួមមាន៖

លេខ១ សមាគមវិសាខា មាន ១៤ពិន្ទុ

លេខ២ បញ្ជាការដ្ឋានអង្គរក្ស មាន១២ពិន្ទុ

លេខ៣ ស្នងការខេត្តស្វាយរៀង មាន៩ពិន្ទុ

លេខ៤ ស្នងការរាជធានីភ្នំពេញ មាន៦ពិន្ទុ

ក្រុមបញ្ជាការដ្ឋានអង្គរក្ស

យោងតាមចំណាត់ថ្នាក់នេះនៅវគ្គពាក់កណ្ដាលផ្ដាច់ព្រ័ត្រគឺចំណាក់ថ្នាក់លេខ១ ប៉ះ លេខ៤ «សមាគមវិសាខា ប៉ះ ស្នងការរាជធានីភ្នំពេញ» និងលេខ២ ប៉ះ លេខ៣ (បញ្ជាការដ្ឋានអង្គរក្ស ប៉ះ ស្នងការខេត្តស្វាយរៀង)។ ការប្រកួតវគ្គពាក់កណ្ដាលផ្ដាច់ព្រ័ត្រនេះនឹងធ្វើឡើងនៅថ្ងៃទី១ ខែកក្ដដា ឆ្នាំ២០២៦ ។ រង់ចាំមើលទាំងអស់គ្នាក្រុមមួយណាក្លាយជាម្ចាស់ពានតេជោលីគ រដូវកាលទី៣ ឆ្នាំ២០២៦ នេះ៕