កូនភ្លោះជាប់គ្នាចាស់ជាងគេ អាយុ ៦២ ឆ្នាំ បានទទួលមរណភាពកាលពីថ្ងៃទី ៧ ខែមេសា នៅឯមន្ទីរពេទ្យ ក្នុងរដ្ឋ Pennsylvania ចំណែកឯការស្លាប់របស់ពួកគេ នៅមិនទាន់ដឹងមូលហេតុនៅឡើយ។ Lori និង George រស់រានមានជីវិតបាន គឺដោយសារឪពុក និងបងប្អូនរបស់ពួកគេ។

កូនភ្លោះទាំងពីរកើតនៅឆ្នាំ ១៩៦១ ជាមួយនឹងលលាដ៍ក្បាលរបស់ពួកគេមួយផ្នែកនៅថ្ងាស ដែលមានន័យថាពួកគេមិនអាចមើលមុខគ្នាបានទេ។ កំណត់ត្រាពិភពលោក Guinness បានរាយការណ៍ថា Lori និង George Schappell បានចែករំលែកសរសៃឈាមសំខាន់ៗ និង ៣០ ភាគរយនៃខួរក្បាលរបស់ពួកគេ។

បើទោះបីជាមានពិការភាព កូនភ្លោះទាំងពីរក៏ជោគជ័យលើការងាររបស់គេរៀងៗខ្លួន គឺ លោក George ជាអ្នកចម្រៀងប្រចាំប្រទេស និងបានសម្តែងនៅក្រៅប្រទេសដូចជា អាល្លឺម៉ង់ និងជប៉ុន។ ចំណែក Lori គឺជាកីឡាករវាយកូនបាល់ ១០ pin ហើយក៏បានឈ្នះពានរង្វាន់ដូចគ្នា។ Lori នាងក៏បានធ្វើការនៅហាងបោកគក់អស់រយៈពេលជាច្រើនឆ្នាំ មុនពេលឈប់ពីការងារក្នុងឆ្នាំ ១៩៩៦៕

ប្រែសម្រួល៖ សន ផានិត

The post កូនភ្លោះជាប់គ្នាចាស់ជាងគេលើពិភពលោក Lori និង George Schappell បានស្លាប់នៅអាយុ ៦២ ឆ្នាំ appeared first on Kampuchea Thmey Daily.

ពួកគេបានសម្រាកនៅមន្ទីរពេទ្យសម្ភពនិងកុមារ Vinh Phuc ដែលមុនពេលស្លាប់ គេសង្កេតឃើញទារកទាំងពីរប្ដូរពណ៌ស្បែកទៅជាស្វាយសិន ។ ការពិតទៅ ទារកភ្លោះទាំង ២ មានជំងឺកម្រស្រាប់ ដែលបង្កបញ្ហាមេតាបូលីសអាស៊ីតខ្លាញ់ និងពិបាកក្នុងការរំលាយអាហារ ។

ទោះវេជ្ជបណ្ឌិតនៅមន្ទីរពេទ្យកុមារជាតិ វៀតណាម បានឃើញការស្លាប់ប្រហែល ១០ ករណី បន្ទាប់ពីការចាក់វ៉ាក់សាំងការពារជំងឺរលាកថ្លើមប្រភេទ B ក្នុងរយៈពេលប៉ុន្មានឆ្នាំចុងក្រោយនេះក៏ដោយ ប៉ុន្តែមូលហេតុនៃការស្លាប់ទាំងនោះ មិនមែនជាការគម្រាមកំហែងទេ ។

សម្រាប់ទារកដែលនៅមានជីវិត គេបានបញ្ជូនគាត់ទៅកាន់មន្ទីរពេទ្យ​កុមារ​ជាតិ​ វៀតណាម ក្បែរ​ទីក្រុង​ហាណូយវិញ ដោយសារអាការៈធ្ងន់ធ្ងរគួរឲ្យបារម្ភខ្លាំងទៅៗ ៕

ប្រែសម្រួល៖ វារី

ប្រភព៖ tuoitrenews

ចុចអាន៖ ស្ត្រី​ពីរ​នាក់​សម្រាល​កូនភ្លោះម្ដង​ ៣​ នៅ​ប្រទេស​វៀតណាម​

ចុចអាន៖ កូនភ្លោះ​ប្រុស​បី​នាក់​ទី​៤០៣​របស់​សម្ដេច​តេ​ជោ​ ត្រូវ​បាន​ទទួល​អំណោយ

The post ទារកម្នាក់ស្លាប់ និងម្នាក់ទៀតមានស្ថានភាពធ្ងន់ធ្ងរ បន្ទាប់ពីចាក់វ៉ាក់សាំង ជំងឺរលាកថ្លើមប្រភេទ B នៅ វៀតណាម appeared first on Kampuchea Thmey Daily.

ពិធី​ប្រគល់​ជូន​នេះ​ ធ្វើឡើង​នៅ​ព្រឹក​ថ្ងៃទី ៤ ខែកញ្ញា ឆ្នាំ ២០២៣ ស្ថិត​ក្នុង​ភូមិ ផ្សារ​អណ្ដែត ឃុំ​អូរ​តា​ប៉ោង ស្រុក​បាកាន ខេត្ត​ពោធិ៍សាត់ ផ្ដល់​ជួន​គ្រួសារ​កូនភ្លោះ ប្រុស៣ នាក់ កើត​នៅ​ថ្ងៃទី ០៧ ខែសីហា ឆ្នាំ​២០២៣ រស់នៅ​ភូមិ​ខាងលើ។

អំណោយ​រួមមាន អង្ករ ៥០ គីឡូក្រាម ទឹកដោះគោ​២​កេះ ស្ករស​៥​កញ្ចប់ ក្រ​ម៉ា ២​សារុង​២ និង​ថវិកា​៥​លាន​រៀល។ សូម​បញ្ជាក់​ថា កូន​ទីមួយ​ឈ្មោះ​ឈាន​ស៊ី​ង​ស៊ី​ង ភេទ​ស្រី​អាយុ ៧ ឆ្នាំ​។ ចំណែក​កូនភ្លោះ ប្រុស​ទាំង​៣​ទី​១ ឈ្មោះ ឈាន​សឹ​រី​បុត្រ ទី ២ ឈ្មោះ​ឈាន​សួស្ដី​និង​ទី ៣ ឈ្មោះ​ឈាន​មង្គល ។​ឪពុក​ឈ្មោះ​ឈាន សុជាតិ អាយុ ៣៦ ឆ្នាំ និង​ម្ដាយ ឈ្មោះ ពៅ លី​ណា អាយុ ៣៤​ឆ្នាំ មាន​មុខរបរ​ជួសជុល​កង់​និង​ម៉ូតូ​។ នេះ​ជា​កូនភ្លោះ​ទី ៤០៣​ហើយ របស់​សម្ដេច​តេ​ជោ​និង​សម្ដេច​កិត្តិ​ព្រឹទ្ធ​បណ្ឌិត​៕

ដោយ ៖ លាន គ្រ​ន

The post កូនភ្លោះ​ប្រុស​បី​នាក់​ទី​៤០៣​របស់​សម្ដេច​តេ​ជោ​ ត្រូវ​បាន​ទទួល​អំណោយ appeared first on Kampuchea Thmey Daily.

កាលពីថ្ងៃទី២ ខែសីហា គ្រូពេទ្យនៅមន្ទីរពេទ្យសម្ភពនិងកុមារ Nghe An បានសម្រេចចិត្តវះកាត់សម្រាលកូនឲ្យពួកគេទាំងទារកមានអាយុប្រហែល ៣២ សប្ដាហ៍ប៉ុណ្ណោះ ខណៈទារកទំនងកើតមិនគ្រប់ខែ ។

គួរបញ្ជាក់ថា អ្នកស្រី Nguyen Thi Bao Yen មកពីខេត្ត Nghe An ត្រូវវះកាត់សម្រាលនៅពេលព្រឹក ហើយទារកមានទម្ងន់ ២.១ គីឡូក្រាម និង ២.២ គីឡូក្រាមពីរនាក់ ។ ចំណែកឯអ្នកស្រី Phan Thi Tham មកពីខេត្ត Ha Tinh វិញ ត្រូវវះកាត់សម្រាលនៅពេលរសៀល ហើយទារកមានទម្ងន់ ១.៥ គីឡូក្រាម ១.៧ គីឡូក្រាម និង ២ គីឡូក្រាម ។

ហេតុការណ៍នេះធ្វើឲ្យវេជ្ជបណ្ឌិតនៅមន្ទីរពេទ្យសម្ភពនិងកុមារ Nghe An ចាត់ទុកជាករណីពិសេស ព្រោះការមានកូនភ្លោះម្ដងបីជារឿងកម្រណាស់ វាកើតឡើងត្រឹមតែ ១ ក្នុង ៨ ០០០ ករណីប៉ុណ្ណោះ ៕

ប្រែសម្រួល៖ វារី

ប្រភព៖ tuoitrenews

ចុចអាន៖ អត្រាស្ត្រីពពោះកូនភ្លោះលើលោក កើនឡើងគួរឲ្យកត់សម្គាល់ បន្ទាប់ពីកូវីដ ១៩ អស់ឥទ្ធិពល

The post ស្ត្រី​ពីរ​នាក់​សម្រាល​កូនភ្លោះម្ដង​ ៣​ នៅ​ប្រទេស​វៀតណាម​ appeared first on Kampuchea Thmey Daily.

ជារៀងរាល់ឆ្នាំ ពោលថ្ងៃទី១១ ខែកក្កដា គេតែងប្រារព្ធទិវា “ប្រជាជនពិភពលោក” ជាមួយនឹងការអនុម័តសំណើដែលបានដាក់ដោយ “កម្មវិធីអភិវឌ្ឍន៍អង្គការសហប្រជាជាតិ (UNDP)” ទៅកាន់មហាសន្និបាតអង្គការសហប្រជាជាតិក្នុងឆ្នាំ ១៩៨៩ ។

ក្នុងទិវានោះក៏មានការខិតខំប្រឹងប្រែងដើម្បីលើកកម្ពស់ការយល់ដឹងលើបញ្ហាផ្សេងៗដែលទាក់ទងនឹងចំនួនប្រជាជនផងដែរ ព្រោះពេលដែលជំងឺកូវីដ ១៩ ផ្ទុះឡើង ការបង្កកំណើតនៅវីរ៉ូអ៊ីត (IVF) ឬការព្យាបាលស្រដៀងនេះ បានជួបប្រទះផលរំខាន ហើយមិនតែប៉ុណ្ណោះ ជំងឺកូវីដ ១៩ ថែមទាំងប៉ះទង្គិចជាមួយសេដ្ឋកិច្ច និងជីវិតរស់នៅក្នុងសង្គមទៀតផង ៕

ប្រែសម្រួល៖ វារី

ប្រភព៖ Anadolu

ចុចអាន៖ យល់ដឹងពីបញ្ហាកូនភ្លោះប៉ារ៉ាស៊ីត ដែលធ្វើឲ្យទារកលើសអវយវៈ

ចុចអាន៖ មិនដែរដឹងសោះ តារាល្បីលំដាប់ពិភពលោក ៧ រូបនេះ មានបងប្អូនភ្លោះ

The post អត្រាស្ត្រីពពោះកូនភ្លោះលើលោក កើនឡើងគួរឲ្យកត់សម្គាល់ បន្ទាប់ពីកូវីដ ១៩ អស់ឥទ្ធិពល appeared first on Kampuchea Thmey Daily.

១. Hunter និង Scarlett Johansson

ទោះបីជាពួកគេទាំងពីរនាក់ជាបងប្អូនភ្លោះពិតមែន ប៉ុន្តែអ្វីដែលខុសស្រឡះពីគ្នានោះគឺ Scarlett ទាបជាង Hunter ដល់ទៅ១២អ៉ីញ។ ពីមុនមក Hunter ធ្លាប់ថតរឿងខ្លះដែរ ក្រោយមកគាត់ងាកទៅធ្វើការនៅក្នុងនយោបាយដូចជាយុទ្ធនាការរបស់ប្រធានាធិបតីអូបាម៉ាឆ្នាំ២០០៨ និងរៀបចំសហគមន៍នៅ Manhattan វិញ។

២. Kiefer និង Rachel Sutherland

បងប្អូន​ភ្លោះ​មួយ​គូ​នេះ​បាន​សម្រេច​ចិត្ត​ចូល​ប្រឡូក​ក្នុង​វិស័យ​សិល្បៈ​ជាមួយ​គ្នា ខណៈ​ Kiefer ជា​តារា​សម្ដែង Rachel ធ្វើ​ការ​ជា​អ្នកគ្រប់គ្រងក្រោយផលិតកម្ម។

៣. Tia និង Tamera Mowry

មុខដូចគ្នាពេលដល់ថ្នាក់បានសម្ដែងរឿង “Sister, Sister” ជារឿងល្បីជំនាន់កៅសិប។ មកទល់ពេលនេះ Tia កំពុងមានសុខភាពមិនល្អនិងរស់នៅជាមួយជំងឺ endometriosis ជាពិសេសពិបាកមានទម្ងន់ទៀតផង។

៤. Aaron និង Shawn Ashmore

Aaron មានកម្ពស់ខ្ពស់ជាង Shawn បន្តិច ហើយយោងទៅតាម Aaron Shawn បានឲ្យដឹងថាគាត់តែងតែដើរតួជាបុរសល្អ ខណៈ Aaron ត្រូវដើរតួជាបុរសធ្វើបាបគេ។ អ្នកទាំងពីរមានស្នាមសាក់ “GMA” នៅលើកដៃតំណាងឱ្យ “បុរសល្អ Ashmore” ជីតារបស់ពួកគេក៏មានស្នាមសាក់ស្រដៀងគ្នាដែរ។

៥. Mary-Kate និង Ashley Olsen

ការពិតពួកគាត់មានបងប្អូនស្រី ៣នាក់ ម្នាក់ទៀតជាប្អូនស្រីដែលមានគម្លាតអាយុប្រហែល៣ឆ្នាំពីគ្នា។ និយាយពីទ្រព្យសម្បត្តិអ្នកទាំងពីរវិញមានប្រហែល ៥០០លានដុល្លារហើយ។

៦. Rami និង Sami Malek

Rami ​កើត​មុន​ Sami បួន​នាទី នៅថ្ងៃទី១២ ខែឧសភា ឆ្នាំ១៩៨១ នៅទីក្រុងឡូសអេនជែលឡែស ប៉ុន្តែពួកគេមកពីគ្រួសារជនអន្តោប្រវេសន៍ទេ។ ឪពុកម្តាយរបស់ពួកគេបានធ្វើអន្តោប្រវេសន៍ទៅអាមេរិកក្នុងឆ្នាំ១៩៧៨ បីឆ្នាំមុនពេលសម្រាល។ បច្ចប្បន្ន Rami គឺជាតារាល្បីក្នុងទូរទស្សន៍ចំណែកឯ Sami វិញគឺជាគ្រូបង្រៀនក្នុងទីក្រុងឡូស អេនជែលឡែស។

៧. Vin Diesel និង Paul Vincent

គ្នាយើងភាគច្រើនស្គាល់គាត់ពីក្នុងរឿង “Fast & Furious” រីឯ Paul Vincent គាត់មិនមែនជាតារាសម្ដែងដូច Vin ទេ ប៉ុន្តែគាត់ធ្វើការសិល្បៈដូចគ្នាគឺជា អ្នកកែសម្រួលភាពយន្ត៕

ប្រែសម្រួលដោយ៖ វារី

ចុចអាន៖ តារាអន្តរជាតិ ១០ រូប ល្បីខាងអសីលធម៌ប្រចាំតារាងឆ្នាំ ២០២២

ចុចអាន៖ កន្លងទៅ ២០ឆ្នាំ នេះជាស្ថានភាពបច្ចុប្បន្នរបស់កូនភ្លោះរាងកាយជាប់គ្នា

The post មិនដែរដឹងសោះ តារាល្បីលំដាប់ពិភពលោក ៧ រូបនេះ មានបងប្អូនភ្លោះ appeared first on Kampuchea Thmey Daily.

នេះជារឿងរ៉ាវរបស់កូនភ្លោះស្រីម៉ិកស៊ិកដ៏ល្បីល្បាញគឺ Lupita Andrade និង Carmen Andrade ។ កាលពីឆ្នាំ ២០០២ ពួកនាងបានចាប់កំណើតដោយមានរាងកាយជាប់គ្នា ដែលកាលនោះវេជ្ជបណ្ឌិតបានធ្វើរោគវិនិច្ឆ័យករណីរបស់កូនភ្លោះទាំងនេះថា ពួកនាងមិនអាចរស់បាន ៣ថ្ងៃឡើយ។ នៅ​ពេល​នោះ បងប្អូនស្រីទាំងពីរ​ត្រូវរស់ដោយសារថ្នាំសុទ្ធសាធ។

រាងកាយរបស់ពួកនាងត្រូវបានបញ្ចូលគ្នាតាំងពីទ្រូងទៅឆ្អឹងអាងត្រគាក ហើយការបំបែកពួកនាងជាពីរគឺមិនអាចទៅរួចនោះទេ ព្រោះការចែករំលែកសរីរាង្គ និងផ្នែកសំខាន់ៗជាច្រើននៃរាងកាយ ត្រូវតែមានម្នាក់ស្លាប់។ ដូច្នេះគ្រូពេទ្យ និងឪពុកម្ដាយសម្រេចទទួលយកជីវិតរួមគ្នា ដោយ Carmen នឹងគ្រប់គ្រងជើងខាងស្តាំនៃរាងកាយ ហើយជើងឆ្វេងនឹងគ្រប់គ្រងដោយ Lupita ប៉ុន្តែពួកនាងមានដៃពីររៀងខ្លួន។

ជាមួយនឹងការធ្វើរោគវិនិច្ឆ័យពីវេជ្ជបណ្ឌិត កាលពី២០ឆ្នាំមុន ឱកាសរស់របស់បងប្អូនភ្លោះនេះមិនមានសោះឡើយ ប៉ុន្តែអព្ភូតហេតុបានលេចឡើង ព្រោះថាឆ្នាំ២០២២នេះ Lupita និង Carmen បានធំធាត់ជាមួយគ្នារហូតដល់អាយុ ២០ឆ្នាំហើយ។

នៅពេលជួបជាមួយអ្នកសារព័ត៌មាន ពួកនាងបានផ្ដល់បទសម្ភាសន៍ថា ពួកនាងស្កប់ស្កល់លើខ្លួនប្រាណពួកនាង ហើយគ្មានអារម្មណ៍ថា វាជារឿងអកុសល ឬខ្លួនឯងជាមនុស្សពិការឡើយ គ្រាន់តែពួកនាងការរស់នៅខុសពីមនុស្សធម្មតាបន្តិចប៉ុណ្ណោះ។ បច្ចុប្បន្ន បងប្អូនស្រីទាំងពីរបានសម្របខ្លួនទាំងស្រុងទៅនឹងរាងកាយពួកនាង និងជីវភាពប្រចាំថ្ងៃ ហើយពួកនាងមានអារម្មណ៍ស្និទ្ធស្នាលនឹងគ្នាល្អណាស់។

ទោះបីមានរាងកាយជាប់គ្នាបែបនេះ ប៉ុន្តែបុគ្គលិកលក្ខណៈរបស់ពួកនាងគឺខុសគ្នាទាំងស្រុង។ Carmen ជាមនុស្សកំប្លែង រហ័សរហួន និងពូកែក្នុងការសិក្សា ចំណែក Lupita ជាមនុស្សអៀនខ្មាសច្រើន ស្ងប់ស្ងាត់ និងមានការលំបាកក្នុងការសិក្សាបន្តិច។ Carmen ចូលចិត្តលើការតុបតែងមុខ និងម៉ូដសម្លៀកបំពាក់ ខណៈ Lupita មិនដែលខ្វល់ពីរូបសម្រស់នោះទេ។

ជាមួយគ្នាដែរ Carmen កំពុងមានទំនាក់ទំនងស្នេហាជាមួយមិត្តប្រុសដែលមានឈ្មោះថា Daniel រយៈពេលមួយឆ្នាំកន្លះហើយ ឯ Lupita វិញមិនចាប់អារម្មណ៍នឹងទំនាក់ប្រុសស្រីសោះតែម្ដង។ យ៉ាងណាក្ដី ចំពោះមិត្តប្រុសរបស់ Carmen ហាក់មិនទាន់សម្របបាននឹងរាងកាយបងប្អូនស្រីទាំងពីរបាននៅឡើយ ប៉ុន្តែគូស្នេហ៍ទាំងពីរមានភាពចុះសម្រុងគ្នាណាស់៕

ប្រែសម្រួល៖ សន្យា

ចុចអាន៖ ទាយាទស្ថាបនិក Red Bull ក្លាយជាមហាសេដ្ឋីមានបំផុតនៅអឺរ៉ុប ក្រោយទទួលមរតកជិត ១៦ពាន់់លានដុល្លារ

The post កន្លងទៅ ២០ឆ្នាំ នេះជាស្ថានភាពបច្ចុប្បន្នរបស់កូនភ្លោះរាងកាយជាប់គ្នា appeared first on Kampuchea Thmey Daily.

Bernardo និង Arthur Lima ជាកូនភ្លោះមកពីប្រទេសប្រេស៊ីល ដែលពួកគេកើតមកមានក្បាលជាប់គ្នា ហើយពួកគេធ្លាប់ទទួលការវះកាត់ជាច្រើនដងមកហើយ នៅទីក្រុង Rio de Janeiro មុនពេលធ្វើដំណើរទៅកាន់ទីក្រុងឡុងដ៍ ដើម្បីធ្វើការវះកាត់រាងកាយចេញពីគ្នា កាលពីពេលថ្មីៗនេះ។

គ្រូពេទ្យវះកាត់សរសៃប្រសាទជនជាតិអង់គ្លេសនៅមន្ទីរពេទ្យ Great Ormond Street បានបំបែកកូនភ្លោះទាំងពីរដែលមានខួរក្បាលប្រសព្វគ្នាដោយជោគជ័យ ដោយមានវេជ្ជបណ្ឌិតកុមារ Noor ul Owase Jeelani ជាវេជ្ជបណ្ឌិតបង្គោលក្នុងដំណើរការវះកាត់នេះ។

តាមរយៈជំនួយពីសមាជិក ១០០នាក់នៃបុគ្គលិកពេទ្យនីតិវិធីវេជ្ជសាស្រ្ត ទីបំផុតការវះកាត់មិនធ្លាប់មានពីមុន ត្រូវបានបញ្ចប់ជាស្ថាពរ ខណៈថ្លៃចំណាយទាំងអស់បានមកពីជំនួយអង្គការសប្បុរសធម៌ Gemini Untwined។ បច្ចុប្បន្នកូនភ្លោះទាំងពីរ កំពុងសម្រាកបន្តនៅមន្ទីរពេទ្យនៅឡើយ ប៉ុន្តែសុខភាពរបស់ពួកគេមិនមានបញ្ហាអ្វីនោះទេ៕

ប្រែសម្រួល៖ សន្យា

ប្រភព៖ Daily Star

ចុចអាន៖ ទឹកជំនន់ សម្លាប់មនុស្ស ២៨នាក់ នៅរដ្ឋ Kentucky របស់ អាមេរិក

The post កូនភ្លោះក្បាលជាប់គ្នា ត្រូវគ្រូពេទ្យវះកាត់បំបែកដោយជោគជ័យ appeared first on Kampuchea Thmey Daily.