ព័ត៌មានជាតិ

កូនភ្លោះប្រុសបីនាក់ទី៤០៣របស់សម្ដេចតេជោ ត្រូវបានទទួលអំណោយ

បានផុស

៣ years មុន

នៅ

ថ្ងៃចន្ទ ៤ កញ្ញា ២០២៣

ដោយ

ពោធិ៍សាត់ ៖ អំណោយរបស់សម្ដេចតេជោហ៊ុន សែន និងសម្ដេចគតិព្រឹទ្ធបណ្ឌិតប៊ុនរ៉ានីហ៊ុនសែន កូនភ្លោះបីនាក់ (ប្រុសទាំងបី)តាមរយៈ លោក សេង ទៀង នាយរងខុទ្ទកាល័យសម្តេច មហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោក ខូយ រីដា អភិបាលខេត្តពោធិ៍សាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីប្រគល់ជូននេះ ធ្វើឡើងនៅព្រឹកថ្ងៃទី ៤ ខែកញ្ញា ឆ្នាំ ២០២៣ ស្ថិតក្នុងភូមិ ផ្សារអណ្ដែត ឃុំអូរតាប៉ោង ស្រុកបាកាន ខេត្តពោធិ៍សាត់ ផ្ដល់ជួនគ្រួសារកូនភ្លោះ ប្រុស៣ នាក់ កើតនៅថ្ងៃទី ០៧ ខែសីហា ឆ្នាំ២០២៣ រស់នៅភូមិខាងលើ។

អំណោយរួមមាន អង្ករ ៥០ គីឡូក្រាម ទឹកដោះគោ២កេះ ស្ករស៥កញ្ចប់ ក្រម៉ា ២សារុង២ និងថវិកា៥លានរៀល។ សូមបញ្ជាក់ថា កូនទីមួយឈ្មោះឈានស៊ីងស៊ីង ភេទស្រីអាយុ ៧ ឆ្នាំ។ ចំណែកកូនភ្លោះ ប្រុសទាំង៣ទី១ ឈ្មោះ ឈានសឹរីបុត្រ ទី ២ ឈ្មោះឈានសួស្ដីនិងទី ៣ ឈ្មោះឈានមង្គល ។ឪពុកឈ្មោះឈាន សុជាតិ អាយុ ៣៦ ឆ្នាំ និងម្ដាយ ឈ្មោះ ពៅ លីណា អាយុ ៣៤ឆ្នាំ មានមុខរបរជួសជុលកង់និងម៉ូតូ។ នេះជាកូនភ្លោះទី ៤០៣ហើយ របស់សម្ដេចតេជោនិងសម្ដេចកិត្តិព្រឹទ្ធបណ្ឌិត៕

ដោយ ៖ លាន គ្រន