ប្រតិបត្តិការបង្ក្រាបនេះកម្លាំងសមត្ថកិច្ចជំនាញបានធើ្វការស្រាវជ្រាវ បទល្មើសចោរកម្មមានស្ថានទម្ងន់ទោសនេះ បានធ្វើឡើងក្នុងរយៈពេល ០២ថ្ងៃជាប់គ្នា (ចាប់ពីថ្ងៃទី០១ ដល់ថ្ងៃទី០២ ខែកក្កដា ឆ្នាំ២០២៦) ក្រោមការដឹកនាំផ្ទាល់ពីលោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង និងមានការចង្អុលបង្ហាញផ្នែកជំនាញពីលោកវរសេនីយ៍ឯក គឹម ឡៃ ស្នងការរងទទួលផែនព្រហ្មទណ្ឌ។ ភ្លាមៗនោះ លោកវរសេនីយ៍ សំ សំអុល អធិការនគរបាលក្រុងបាវិត បានបញ្ជាកម្លាំងជំនាញចុះអន្តរាគមន៍ដល់ទីតាំងកើតហេតុ ដែលជាអគារគ្មានមនុស្សស្នាក់នៅ ស្ថិតក្នុងតំបន់ឧស្សាហកម្ម OP ភូមិបាវិតលើ សង្កាត់បាវិត ក្រុងបាវិត។

នៅចំពោះមុខសមត្ថកិច្ច ជនសង្ស័យទាំង ៧នាក់ បានឆ្លើយសារភាពថា ពួកខ្លួនពិតជាបានសម្រុកចូលទៅក្នុងអគារ ដើម្បីវាយបំផ្លាញយករកដែក និងលួចសម្ភារៈផ្សេងៗយកទៅលក់ ព្រមទាំងមានការផ្សំគំនិតទិញ-លក់ផលចោរកម្មនេះប្រាកដមែន។

នៅក្នុងកិច្ចប្រតិបត្តិការនេះ សមត្ថកិច្ចបានដកហូតវត្ថុតាង និងមធ្យោបាយធ្វើសកម្មភាព រួមមាន៖ រថយន្តកង់បី (ផាសអាប់) ០១គ្រឿង, ម៉ូតូសណ្តោងរ៉ឺម៉ក ០២គ្រឿង, ម៉ូតូ ០៤គ្រឿង, ទូរស័ព្ទដៃ ០៥គ្រឿង, ដែកនិងសម្ភារៈដែលលួចបានមួយចំនួន ព្រមទាំងម្សៅក្រាមពណ៌សថ្លាសង្ស័យជាសារធាតុញៀនចំនួន ០១កញ្ចប់តូច (ជារបស់ជនសង្ស័យឈ្មោះ ស វុទ្ធី)។

បច្ចុប្បន្ន ជនសង្ស័យទាំង ៧នាក់ រួមជាមួយវត្ថុតាង ត្រូវបានសមត្ថកិច្ចជំនាញនៃអធិការដ្ឋាននគរបាលក្រុងបាវិត កសាងសំណុំរឿងបញ្ជូនទៅកាន់សាលាដំបូងខេត្ត ដើម្បីចាត់ការបន្តតាមនីតិវិធីច្បាប់។ ជាមួយគ្នាផងដែល កម្លាំងសមត្ថកិច្ច ក៏បានអំពាវនាវ សូមប្រជាពលរដ្ឋទាំងអស់ កុំចូលទៅបំផ្លាញអាគារ និង វាយកម្ទេចយកដែករឺស៊ុមទ្វារបង្អួចនៅក្នុងអាគារណាមួយអី ព្រោះវាជាបទល្មើសព្រហ្មទណ្ឌនិងការទទួលខុសត្រូវចំពោះមុខច្បាប់៕

The post នគរបាលក្រុងបាវិត ស្រាវជ្រាវបង្ក្រាបក្រុមចោរគាស់អគារលួចសម្ភារៈ និង អ្នកទទួលផលសរុប៧នាក់បញ្ជូនទៅតុលាការ appeared first on Kampuchea Thmey Daily.

ដោយអនុវត្តតាមបទបញ្ជាដ៏ខ្ពង់ខ្ពស់ ពី លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងលោក ប៉េង ពោធិ៍សា អភិបាល នៃគណៈអភិបាលខេត្តស្វាយរៀង ស្តីពីការអនុវត្តយុទ្ធនាការបង្ក្រាបបទល្មើសអនឡាញស្គេមនៅទូទាំងខេត្តស្វាយរៀង ដឹកនាំ​បញ្ជា​ផ្ទាល់​ពី​លោក​ឧត្ដមសេនីយ៍​ទោ​ ពេជ្រ​ វីរៈ​ ស្នងការ​នគរបាល​ខេត្ត​ស្វាយរៀង​ កាលថ្ងៃទី២៣ ខែ​មិថុនា​ ឆ្នាំ​២០២៦​ លោកវរសេនីយ៍ឯក​ ឡាយ​ ចន្នី​ ស្នងការ​រង​នគរបាល​ខេត្ត​ បាន​ដឹកនាំ​កម្លាំង​នគរបាល​ សហការ​ជាមួយ​កម្លាំងគណៈបញ្ជាការឯកភាពរដ្ឋបាលក្រុងបាវិត​ ដឹកនាំ​ដោយ​លោក​  ម៉ែន​ ចាន់​រ៉ា​ អភិបាល​ក្រុង​បាវិត ដោយមានការសម្របសម្រួលពី​លោក​ស្រី​ ស៊ុន​ យឺត ព្រះរាជអាជ្ញារង នៃ​អយ្យការ​អមសាលាដំបូងខេត្ត

បានចុះ​ធ្វើ​រដ្ឋ​បាល​ចំហ​ និងស្រាវជ្រាវ​ បង្រ្កាបទីតាំងសង្ស័យលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams)​ នៅ​ចំណុច​ផ្ទះ​ជួល​ ចំនួន​ ០៥ទីតាំង​​ ស្ថិត​នៅ​នៅ​ភូមិ​បាវិត​លេី​ សង្កាត់​បាវិត​ ក្រុង​បាវិត​ ដោយ​ឃាត់​ខ្លួន​មនុស្ស​ក្នុង​រង្វង់​ប្រតិបត្តិការ​ចំនួន ២៨នាក់ ស្រី ០៣នាក់ (ជនជាតិ​វៀតណាម​ ២៦នាក់​ ស្រី​ ០៣នាក់,ជនជាតិ​ចិន​ ០២នាក់​ ប្រុស)។  ដកហូតសម្ភារពាក់ព័ន្ធនឹងបទល្មើសរួមមាន÷កំព្យូទ័រលើតុ All-In-One ,​កុំព្យូទ័រ​យួរដៃ​, ទូរស័ព្ទដៃ និងសម្ភារប្រើប្រាស់មួយចំនួនទៀត។

បច្ចុប្បន្ន ជនសង្ស័យរួមទាំងវត្ថុតាង ត្រូវបានសមត្ថកិច្ចជំនាញ កំពុងកសាងសំណុំរឿងបញ្ជូនទៅសាលាដំបូងខេត្ត​ ដើម្បីចាត់ការតាមនីតិវិធីច្បាប់ រីឯ​ទីតាំង​ប្រព្រឹត្តិ​បទ​ល្មើស​បានក្រុមការ​ងារបិទ​សុីល​ បិទ​ទីតាំង​បណ្ដោះអាសន្ន​៕

The post អាជ្ញាធរខេត្តស្វាយរៀង​ ចុះ​ធ្វើ​រដ្ឋ​បាល​ចំហរចំនួន​ ០៥ទីតាំង​ ឃាត់ខ្លួនជនបរទេស ២៨នាក់សង្ស័យលួចលាក់ប្រព្រឹត្តបទល្មើស appeared first on Kampuchea Thmey Daily.

កិច្ចប្រជុំនេះ បានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងឯកឧត្តម ឧត្តមសេនីយ៍ឯក កឹង ឃន អគ្គស្នងការរងនគរបាលជាតិ។

ក្នុងពិធីដ៏មានសារៈសំខាន់នេះ ក៏មានការអញ្ជើញចូលរួមពីលោក ម៉ែន អេង អភិបាលរងខេត្ត តំណាងឯកឧត្តមអភិបាលខេត្តស្វាយរៀង លោកអភិបាលក្រុងបាវិត លោក-លោកស្រីអភិបាលរងក្រុង កងកម្លាំងទាំង៣ប្រភេទ លោកចៅសង្កាត់ទាំង៥ ក្នុងក្រុងបាវិត ព្រមទាំងមន្ត្រីរាជការ និងមន្ត្រីពាក់ព័ន្ធជាច្រើនរូបទៀត។

គោលបំណង និងខ្លឹមសារសំខាន់ៗនៃកិច្ចប្រជុំនេះត្រូវបានរៀបចំឡើងក្នុងគោលបំណងពង្រឹងកិច្ចសហការ និងដាក់ចេញនូវវិធានការក្តៅ ក្នុងការគ្រប់គ្រងសន្តិសុខ សណ្តាប់ធ្នាប់ របៀបរៀបរយសង្គម ពិសេសផ្តោតសំខាន់លើទីតាំងស្នាក់នៅប្រមូលផ្តុំរបស់ជនបរទេស និងការបង្ក្រាបរាល់បទល្មើសបច្ចេកវិទ្យា ជាពិសេសគឺការឆបោកតាមប្រព័ន្ធអនឡាញ (Online Scams) ដែលកំពុងតែវិវត្តន៍ប្រែប្រួលយ៉ាងស្មុគស្មាញ។

ក្នុងឱកាសនោះ ថ្នាក់ដឹកនាំបានសង្កត់ធ្ងន់លើចំណុចគន្លឹះមួយចំនួន រួមមាន ១. ការរឹតបន្តឹងការគ្រប់គ្រងជនបរទេស៖ ត្រូវហ្មត់ចត់លើការពិនិត្យស្នាក់នៅ និងបណ្ណការងារ ដើម្បីធានាថាគ្រប់ទីតាំងអាជីវកម្មទាំងអស់ដំណើរការទៅដោយស្របច្បាប់។ ២. ការប្រយុទ្ធប្រឆាំងបទល្មើសបច្ចេកវិទ្យា៖ បង្កើនការស្រាវជ្រាវ បង្ក្រាបឱ្យទាន់ពេលវេលានូវរាល់សកម្មភាពឆបោកតាមប្រព័ន្ធព័ត៌មានវិទ្យា មិនទុកឱ្យក្រុងបាវិតក្លាយជាជម្រកនៃក្រុមឧក្រិដ្ឋជនអនឡាញឡើយ។ ៣. ការពង្រឹងកម្លាំងមូលដ្ឋាន៖ ជម្រុញឱ្យកងកម្លាំងមានសមត្ថកិច្ច និងអាជ្ញាធរដែនដី (ចៅសង្កាត់) ត្រូវក្តាប់ឱ្យជាប់រាល់រចនាសម្ព័ន្ធ និងចរន្តរស់នៅរបស់ប្រជាពលរដ្ឋ និងជនបរទេសក្នុងមូលដ្ឋានរបស់ខ្លួន។

ជាទីបញ្ចប់ ឯកឧត្តមអគ្គស្នងការរងនគរបាលជាតិទាំងពីររូប ក៏បានណែនាំដល់កងកម្លាំងមានសមត្ថកិច្ច និងអាជ្ញាធរពាក់ព័ន្ធទាំងអស់ ត្រូវតែសហការគ្នាជាធ្លុងមួយ ឆ្លើយតបឱ្យបានរហ័ស និងប្រកបដោយទំនួលខុសត្រូវខ្ពស់ ដើម្បីលើកកម្ពស់សន្តិសុខ សុវត្ថិភាព និងទំនុកចិត្តជូនដល់ប្រជាពលរដ្ឋក្រុងបាវិតទាំងមូល៕

ដោយ៖ ភក្ដី

The post អគ្គស្នងការរងនគរបាលជាតិ ប្រជុំផ្សព្វផ្សាយផែនការគ្រប់គ្រងសន្តិសុខ សុវត្ថិភាព និងការបង្ក្រាប Online Scams ក្នុងក្រុងបាវិត appeared first on Kampuchea Thmey Daily.

ហេតុការណ៍នេះកើតឡើងកាលពីវេលាម៉ោង ១១ថ្ងៃត្រង់ ថ្ងៃទី២៩ ខែឧសភា ឆ្នាំ២០២៦ នៅតំបន់សេដ្ឋកិច្ច តាយ សេង បាវិត ស្ថិតតាមបណ្តោយផ្លូវជាតិលេខ១ ក្នុងភូមិតាបឹប សង្កាត់បាវិត ក្រុងបាវិត ខេត្តស្វាយរៀង។

បើតាមការបញ្ចាក់ ក្រុមការងារ កម្ពុជាថ្មី ប្រចាំខេត្តស្វាយរៀង បានប្រាប់ឲ្យដឹងថា គិតត្រឹមម៉ោង ១និង ៣០នាទី ថ្ងៃខែដ៏ដែល កម្លាំងជំនាញផ្នែកពន្លត់បង្ការអគ្គិភ័យនៃស្នងការដ្ឋានខេត្តស្វាយរៀង រួមជាមួយរថយន្តពន្លត់អគិ្គភ័យកងរាជអាវុធហត្ថខេត្តស្វាយរៀង បានចេញមកអន្តរាគមន៍បាញ់ពន្លត់នៅនិងទីតាំងកន្លែងកើតហេតុជាច្រើនគ្រឿង នៅមិនទាន់គ្រប់គ្រងបាននៅឡើយ។

ក្នុងទីតាំងកន្លែងកើត កម្លាំងជំនាញកំពុងប្រើប្រាស់សាប៊ូ ដើម្បីបាញ់ចូលទៅខាងក្នុងរោងចក្រដែលកំពុងឆាបឆេះនោះ ដោយ សារតែនៅមានជាប្រភេទ ជ័រ សាំងក្រអូប និង សម្ភារងាយឆេះជាច្រើនមុខទៀត នៅក្នុងហេតុការណ៍អគ្គិភ័យខាងលើនេះមិនមាននរណាម្នាក់រងរបួស រឺ បាត់បង់អាយុជីវិតនោះទេ។

ចំពោះមូលហេតុនៃការឆាបឆេះទីតាំងរោចក្រផលិតគ្រឿងសម្ភារ បរិក្ខារសម្រាប់ផ្គត់ផ្គង់ទោចចក្រ ខាងលើនេះនៅមិនទាន់ដឹងពីមូលហេតុនៅឡើយទេ ដោយកម្លាំងសមត្ថកិច្ចជំនាញកំពុងគ្រប់គ្រងស្ថានការណ៍នៅកន្លែងកើតហេតុ៕ដោយ ៖ភក្ដី

The post ឆាបឆេះរោងចក្រ ផលិតសម្ភារគ្រឿងបរិក្ខារម៉ូតូនៅតំបន់សេដ្ឋកិច្ចតាយ សេង បាវិត ខូចខាតសម្ភារទាំងស្រុង appeared first on Kampuchea Thmey Daily.

ប្រតិបត្តិការនេះធ្វើឡើងដោយអនុវត្តតាមបទបញ្ជាដ៏ខ្ពង់ខ្ពស់របស់ លោកនាយឧត្តមសេនីយ៍ ស ថេត អគ្គស្នងការនគរបាលជាតិ និង ក្រោមការបញ្ជាដឹកនាំផ្ទាល់ពី លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង ដែលមានការសហការជាមួយគណៈបញ្ជាការឯកភាពរដ្ឋបាលក្រុងបាវិត និង ការសម្របសម្រួលនីតិវិធីពី លោកស្រី ពៅ ទេវី ព្រះរាជអាជ្ញារង នៃអយ្យការអមសាលាដំបូងខេត្តស្វាយរៀង។

ជាលទ្ធផលសមត្ថកិច្ចបានឃាត់ខ្លួនជនសង្ស័យពាក់ព័ន្ធចំនួន ១២៩ នាក់ (ស្រី ០៧ នាក់) ដែលមានជនជាតិចម្រុះរួមមាន ៖ ជនជាតិចិន ១០៣ នាក់ (ស្រី ០៥ នាក់) , ជនជាតិវៀតណាម ១១ នាក់ (ស្រី ០២ នាក់) , ជនជាតិប៉ាគីស្ថាន ១០ នាក់ (ប្រុស) , ជនជាតិបង់ក្លាដេស ០៤ នាក់ (ប្រុស) , ជនជាតិមីយ៉ាន់ម៉ា ០១ នាក់ (ប្រុស)។ ដោយឡែក សម្ភារពាក់ព័ន្ធនឹងបទល្មើស សមត្ថកិច្ចដកហូត រួមមាន ៖ កុំព្យូទ័រលើតុ (All-In-One) , ទូរស័ព្ទដៃ និង ឧបករណ៍បច្ចេកវិទ្យាពាក់ព័ន្ធមួយចំនួនទៀត។

បច្ចុប្បន្ន ជនសង្ស័យទាំងអស់ ត្រូវបានកម្លាំងជំនាញកសាងសំណុំរឿងបញ្ជូនទៅកាន់សាលាដំបូងខេត្តស្វាយរៀង ដើម្បីចាត់ការតាមនីតិវិធីច្បាប់។ ចំពោះទីតាំងកើតហេតុខាងលើ ត្រូវបានក្រុមការងារជំនាញ ធ្វើការបិទស៊ីល (Seal) ជាបណ្ដោះអាសន្ន៕
អត្ថបទ ៖ ភក្ដី

The post បង្ក្រាបទីតាំង Online Scams នៅក្រុងបាវិត ឃាត់ខ្លួនជនសង្ស័យចំនួន ១២៩ នាក់ appeared first on Kampuchea Thmey Daily.

ប្រតិបត្តិការនេះធ្វើឡើងកាលពីរសៀលថ្ងៃទី ២០ ខែមេសា ឆ្នាំ ២០២៦ ថ្មីៗ នេះ ក្រោយពីទទួលបានសេចក្តីរាយការណ៍ និងកិច្ចសហការយ៉ាងសកម្មពីអ្នកគ្រប់គ្រងទីតាំងសណ្ឋាគារ និងកាស៊ីណូ ថាយថិនឃីង (Titan King)។ ភ្លាមៗ នោះ លោក ប៉េង ពោធិ៍សា អភិបាល នៃគណៈអភិបាលខេត្តស្វាយរៀង បានដាក់បទបញ្ជាឲ្យកម្លាំងជំនាញចុះសហការត្រួតពិនិត្យ និងឈានដល់ការបង្ក្រាបជាក់ស្តែងលើទីតាំងសង្ស័យតែម្តង។

ជាលទ្ធផល កម្លាំងសមត្ថកិច្ចបានរកឃើញសកម្មភាពពាក់ព័ន្ធនឹងបទល្មើសនៅក្នុងបន្ទប់ចំនួន ០២ បន្ទប់ និងសម្រេចឃាត់ខ្លួនជនសង្ស័យសរុបចំនួន ២៣ នាក់ (ស្រី ០២ នាក់)។ ជាមួយគ្នានោះ កម្លាំងជំនាញបានដកហូតសម្ភារបច្ចេកទេសបម្រើឲ្យសកម្មភាពឆបោកមួយចំនួនធំ រួមមាន ៖ កុំព្យូទ័រលើតុ (Desktop) និងកុំព្យូទ័រយួរដៃ (Laptop) , ទូរស័ព្ទដៃជាច្រើនគ្រឿង , និងសម្ភារបច្ចេកទេសពាក់ព័ន្ធផ្សេងៗ ទៀត។

ប្រតិបត្តិការដ៏ជោគជ័យនេះ គឺជាសក្ខីភាព នៃការអនុវត្តយ៉ាងខ្ជាប់ខ្ជួននូវអនុក្រឹត្យលេខ ០៣ អនក្រ.បក ចុះថ្ងៃទី ០៥ ខែមករា ឆ្នាំ ២០២៦។ នេះក៏ជាការបង្ហាញពីស្មារតីទទួលខុសត្រូវខ្ពស់របស់វិស័យឯកជន ក្នុងនាមជាម្ចាស់ទីតាំងស្នាក់នៅ ដែលបានសហការយ៉ាងល្អជាមួយអាជ្ញាធរ ដើម្បីបោសសម្អាតរាល់សកម្មភាពល្មើសច្បាប់ និងបង្កើនភាពជឿជាក់លើវិស័យសន្តិសុខក្នុងភូមិសាស្ត្រខេត្តស្វាយរៀង។

បច្ចុប្បន្ន ជនសង្ស័យទាំង ២៣ នាក់ រួមជាមួយវត្ថុតាងទាំងអស់ ត្រូវបានបញ្ជូនទៅកាន់ការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលខេត្តស្វាយរៀង ដើម្បីចាត់ការបន្តតាមនីតិវិធីច្បាប់ជាធរមាន៕
អត្ថបទ ៖ ភក្ដី

The post បង្ក្រាបសម្បុក Online Scam ក្នុងកាស៊ីណូ ថាយថិនឃីង ក្រុងបាវិត ឃាត់ខ្លួនជនសង្ស័យ ២៣ នាក់ appeared first on Kampuchea Thmey Daily.

ទីលានទុកដាក់សំរាមក្រុង​បាវិត​ត្រូវបានសាងសង់ឡើងនៅ​លើផ្ទៃដីទំហំ​ ២០,៧ ហិកតា ដែលចាប់ផ្តើម​ដំណើរការ​​​សាងសង់​កាលពី​ខែកុម្ភៈ ឆ្នាំ២០២៥ និងបញ្ចប់ការសាងសង់នៅខែមីនា ឆ្នាំ២០២៦ ដែល​មានលទ្ធភាព​អាច​ប្រើប្រាស់រយៈពេល ២០ ឆ្នាំ សម្រាប់ផ្តល់សេវាកម្មគ្រប់គ្រងសំណល់រឹងដល់ប្រជាពលរដ្ឋចំនួន ៥ សង្កាត់ រួមមាន៖ សង្កាត់បាវិត សង្កាត់ព្រៃអង្គុញ សង្កាត់ប្រាសាទ សង្កាត់បាទី និងសង្កាត់ច្រកម្ទេស។

ដំណើការ​សាងសង់​ទីលានទុកដាក់សំរាមដ៏ទំនើបនេះ ត្រូវបានរចនាឡើងជា ៥ រណ្តៅ ចែកជា ៤ ដំណាក់កាល ខណៈដែលគម្រោងស្ថិតក្នុងដំណាក់កាលទី១ ត្រូវសាងសង់ចំនួន ២ រណ្តៅ អាចផ្ទុកសំរាមបានចំនួន ៤២៧ ០០០ ម៉ែត្រគូប សម្រាប់ប្រើប្រាស់រយៈពេល ៦ ឆ្នាំកន្លះ ដែលនឹងរួមចំណែកក្នុងការលើកកម្ពស់អនាម័យ និងបរិស្ថាន ដើម្បីធានាប្រយោជន៍សុខភាពសាធារណៈជាអតិបរមាសម្រាប់បងប្អូនប្រជាពលរដ្ឋរស់នៅក្នុងក្រុងបាវិត៕

The post ទីលានទុកដាក់សំរាមក្រុងបាវិតទំហំជាង ២០ ហិកតា ស្ថាបនា​បញ្ចប់​សម្ពោធ​ដាក់​ឲ្យប្រើប្រាស់ជាផ្លូវការ appeared first on Kampuchea Thmey Daily.

នៅក្នុងសកម្មភាព ចុះតាមដានការងារនេះ គណៈប្រតិភូបានធ្វើការពិនិត្យយ៉ាងល្អិតល្អន់ទៅលើហេដ្ឋារចនាសម្ព័ន្ធជារួមនៃទីលានទុកដាក់សំរាម ដែលស្ថិតនៅភូមិច្រកម្ទេស សង្កាត់ច្រកម្ទេស ក្រុងបាវិត។ បន្ទាប់ពីការចុះពិនិត្យផ្ទាល់នៅទីតាំង ក៏មានការរៀបចំកិច្ចប្រជុំពិភាក្សាមួយ ដើម្បីបែងចែកភារកិច្ច និងរៀបចំផែនការការងារឱ្យបានហ្មត់ចត់បំផុត សម្រាប់ត្រៀមទទួលគណៈអធិបតីក្នុងពិធីសម្ពោធនាពេលខាងមុខ។

គម្រោងសាងសង់ទីលានទុកដាក់សំរាមនេះ គឺជាសមិទ្ធផលថ្មីស្រឡាងមួយទៀត ក្នុងវិស័យគ្រប់គ្រងបរិស្ថាន និងអនាម័យសម្រាប់ក្រុងបាវិត ដែលជាទីក្រុងសេដ្ឋកិច្ចដ៏សំខាន់ជាប់ព្រំដែន។ ចំពោះទីលាននេះនឹងដើរតួនាទីយ៉ាងសំខាន់ក្នុង៖

 1. ការកែលម្អសោភ័ណភាពទីក្រុង៖ កាត់បន្ថយការបោះចោលសំរាមពាសវាលពាសកាល និងការគរទុកសំរាមមិនមានសណ្តាប់ធ្នាប់។ 2. កិច្ចការពារបរិស្ថាន៖ ប្រើប្រាស់បច្ចេកទេសទុកដាក់ឱ្យបានត្រឹមត្រូវតាមស្ដង់ដារ បច្ចេកទេស ដើម្បីការពារការជ្រាបចូលទឹកស្អុយទៅក្នុងដី និងប្រភពទឹក។ 3. សុខុមាលភាពប្រជាពលរដ្ឋ៖ កាត់បន្ថយផលប៉ះពាល់ក្លិន និងមេរោគផ្សេងៗ ដែលបង្កគ្រោះថ្នាក់ដល់សុខភាពសាធារណៈ។

តាមរយៈការចុះពិនិត្យនាព្រឹកនេះ លោករដ្ឋលេខាធិការ និងលោកអភិបាលរងខេត្ត បានកោតសរសើរដល់ក្រុមការងារសាងសង់ ដែលបានអនុវត្តគម្រោងស្របតាមបទដ្ឋានបច្ចេកទេស។ ទន្ទឹមនឹងនោះ លោកក៏បានផ្ដាំផ្ញើដល់អាជ្ញាធរក្រុងបាវិត និងអង្គភាពពាក់ព័ន្ធ ត្រូវត្រៀមលក្ខណៈឱ្យបានរួចរាល់ទាំងផ្នែកសន្តិសុខ សណ្តាប់ធ្នាប់ និងការតុបតែងលម្អទីតាំង ដើម្បីឱ្យពិធីសម្ពោធដាក់ឱ្យប្រើប្រាស់ជាផ្លូវការអាចប្រព្រឹត្តទៅបានយ៉ាងរលូន និងសមឱឡារិកបំផុត។

សមិទ្ធផលនេះ គឺជាសក្ខីភាពមួយបង្ហាញពីការយកចិត្តទុកដាក់ខ្ពស់របស់រាជរដ្ឋាភិបាលកម្ពុជា ក៏ដូចជាក្រសួងសាធារណការ និងរដ្ឋបាលខេត្តស្វាយរៀង ក្នុងការលើកកម្ពស់គុណភាពជីវិតរបស់ប្រជាពលរដ្ឋតាមរយៈការអភិវឌ្ឍហេដ្ឋារចនាសម្ព័ន្ធទីក្រុងស្អាត និងមាននិរន្តរភាព៕

ដោយ៖ ភក្ដី

The post ថ្នាក់ដឹកនាំ និងមន្ត្រីពាក់ព័ន្ធ ចុះពិនិត្យទីតាំងត្រៀមរៀបចំពិធីសម្ពោធ ទីលានទុកដាក់សំរាមថ្មី ក្នុងក្រុងបាវិត appeared first on Kampuchea Thmey Daily.