កម្មវិធីទទួលបានការអញ្ជើញចូលរួមក្រោមអធិបតីភាព ឯកឧត្តម ឡៅ ហ៊ីម រដ្ឋលេខាធិការនៃក្រសួងការងារ និងបណ្តុះបណ្តាលវិជ្ជាជីវៈ, លោក ងន សាំង អគ្គនាយកនៃក្រុមហ៊ុន អ អិម អេ ខេមបូឌា, លោក វ៉ាន់ វិចិត្រ នាយកប្រតិបត្តិនៃមជ្ឈមណ្ឌល ACEC និងការចូលរួមពីក្រសួងការងារ និងបណ្តុះបណ្តាល វិជ្ជាជីវៈ គណៈគ្រប់គ្រងក្រុមហ៊ុន លោកគ្រូ អ្នកគ្រូ ពីមជ្ឈមណ្ឌលឧត្តមភាពយានយន្តកម្ពុជា និងបណ្តាសមាជិកសារព័ត៌មាន។

កម្មវិធីនេះត្រូវបានរៀបចំដោយ ក្រុមហ៊ុន អ អិម អេ ខេមបូឌា  និង ទទួលបានការគាំទ្រពី ក្រសួងការងារ និង បណ្តុះបណ្តាលវិជ្ជាជីវៈ និងមជ្ឈមណ្ឌលឧត្តមភាពយានយន្តកម្ពុជា។ សមិទ្ធផលនេះកើតចេញពីការប្តេជ្ញារួមគ្នារវាងវិស័យរដ្ឋ និងវិស័យឯកជន ក្នុងភាពដៃគូយុទ្ធសាស្ត្រដើម្បីកសាងកម្លាំងពលកម្មជំនាញ និងលើកកម្ពស់ធនធានមនុស្ស ដែលផ្តល់ឱកាសអាទិភាពដល់ជនភៀសសឹក និងពលករដែលបានវិលត្រឡប់មកស្រុកវិញ។​

បេក្ខជនដែលទទួលបានអាហារូបករណ៍មិនត្រឹមតែបានរៀនដោយឥតគិតថ្លៃប៉ុណ្ណោះទេ ថែមទាំងទទួលបានការរៀនជាមួយគ្រូជំនាញដែលមានវិញ្ញាបនបត្រទទួលស្គាល់ពីប្រទេសអូស្ត្រាលី និងការចុះអនុវត្តផ្ទាល់លើរថយន្តទំនើបៗ សម្រាប់វគ្គសិក្សារយៈពេល ៣ ខែ នៅមជ្ឈមណ្ឌលឧត្តមភាពយានយន្តកម្ពុជា។

ជំនាញទាំងនោះរួមមាន៖ ជួសជុលតួយានយន្ត តោន បាញ់ថ្នាំពណ៌ និងជួសជុលផ្នែកមេកានិចយានយន្ត។ បន្ទាប់ពីបញ្ចប់វគ្គសិក្សានេះ បេក្ខជននឹងទទួលបាននូវជំនាញបច្ចេកទេសមួយយ៉ាងច្បាស់លាស់ ដែលអាចយកទៅប្រើប្រាស់ក្នុងការបង្កើតអាជីវកម្មផ្ទាល់ខ្លួន និងបង្កើនប្រាក់ចំណូលសម្រាប់គ្រួសារ។

លើសពីនេះទៀត បេក្ខជនក៏អាចទទួលបានឱកាសការងារនៅក្រុមហ៊ុន អ អិម អេ ខេមបូឌា ឬតាមបណ្តាក្រុមហ៊ុន ស្ថាប័នយានយន្តធំៗនៅកម្ពុជា ដែលកំពុងមានតម្រូវការខ្ពស់ចំពោះកម្លាំងពលកម្មមានជំនាញបច្ចេកទេសផងដែរ។

លោកអគ្គនាយក ងន សាំង បានមានប្រសាសន៍ថា៖ «នេះមិនមែនជាលើកទីមួយនោះទេ ដែលក្រុមហ៊ុន អ អិម អេ ខេមបូឌា បានផ្ដល់អាហារូបករណ៍ដល់ប្រជាជនកម្ពុជា។ ជានិច្ចកាល ក្រុមហ៊ុន អ អិម អេ ខេមបូឌា​ តែងតែផ្តល់ត្រលប់ទៅឱ្យសង្គមជាតិវិញតាមរយៈសកម្មភាពទំនួលខុសត្រូវសង្គមសាជីវកម្ម ដូចជា ការសាងសង់ និងជួសជុលសាលារៀន បណ្ណាល័យ បន្ទប់ទឹកស្អាត ការឧបត្ថម្ភរថយន្តដឹកវ៉ាក់សាំង រថយន្តសង្គ្រោះបន្ទាន់ ការដាំដើមឈើ ការបរិច្ចាគឈាម ការផ្តល់ជំនួយសប្បុរសធម៌ និងជំនួយវេជ្ជសាស្ត្រដល់ជនភៀសសឹក។

បន្ថែ​មពីនេះ ក្រុមហ៊ុនក៏បានបង្កើតនូ​វមជ្ឈមណ្ឌលបណ្តុះបណ្តាលបច្ចេកទេសរថយន្តហ្វដចំនួន ១១ កន្លែង នៅទូទាំងប្រទេសកម្ពុជា ដើម្បីចូលរួមចំណែកអភិវឌ្ឍធនធានមនុស្ស និងបណ្តុះបណ្តាលសិស្សនិស្សិតជំនាន់ក្រោយ ឱ្យមានជំនាញ ចំណេះដឹង និងសមត្ថភាពផ្នែកបច្ចេកទេសយានយន្ត​ ដោយមានការអនុវត្តផ្ទាល់ និងស្របតាមស្តង់ដាអន្តរជាតិ។»​

លោកជឿជាក់ថា ការវិនិយោគលើការអប់រំ និងការបណ្តុះបណ្តាលវិជ្ជាជីវៈ គឺជាគន្លឹះសំខាន់ក្នុងការអភិវឌ្ឍមូលធនមនុស្ស សង្គម និងសេដ្ឋកិច្ចជាតិប្រកបដោយចីរភាព។

អាហារូបករណ៍ ១០០% ចំនួន ១០០ កន្លែង បានបើកទទួលពាក្យហើយ និងចាប់ផ្តើមចូលរៀននៅថ្ងៃទី១ ខែមីនា ឆ្នាំ២០២៦។​ សម្រាប់បេក្ខជនដែលមានចំណាប់អារម្មណ៍ក្នុងការដាក់ពាក្យស្នើសុំអាហារូបករណ៍ សូមធ្វើការទំនាក់ទំនង ដើម្បីសាកសួរព័ត៌មានបន្ថែមតាមរយៈលេខ ៖ ០៧៨ ៨៨ ៥៨ ៥៨។

អំពីក្រុមហ៊ុន អ អិម អេ (ខេមបូឌា) ម.ក.

ក្រុមហ៊ុន អ អិម អេ (ខេមបូឌា) ម.ក. មានវត្តមាននៅក្នុងព្រះរាជាណាចក្រកម្ពុជាអស់រយៈពេល ៣៤ ឆ្នាំ មកហើយចាប់តាំងពីឆ្នាំ១៩៩២ ហើយជាក្រុមហ៊ុនឈានមុខគេក្នុងការផ្តល់ជូននូវសេវាកម្មផលិតផលល្បីៗលើពិភពលោក សម្រាប់សហគ្រាសពាណិជ្ជកម្ម និងសហគ្រាសមិនមែនពាណិជ្ជកម្មមានដូចជា៖ វិស័យយានយន្ត កសិកម្ម ហេដ្ឋារចនាសម័្ពន្ធ ដំណោះស្រាយក្នុងឃ្លាំង សេវាកម្មភតិសន្យាហិរញ្ញវត្ថុ សេវាកម្មជួលរថយន្ត និងឧស្សាហកម្មចំណីអាហារ។ល។

ក្រុមហ៊ុន អ អិម អេ ខេមបូឌា គឺជាក្រុមហ៊ុនដែលនាំចូល និងចែកចាយផ្តាច់មុខនូវផលិតផលម៉ាកល្បីៗជាច្រើនដូចជា៖ រថយន្តហ្វដ (Ford) រថយន្ត Jeep និង RAM រថយន្ត Peugeot រថយន្ត ChangAn រថយន្តអគ្គិសនី Deepal សេវាកម្មជួលជុល និងថែទាំរថយន្ត Mercedes-Benz គ្រឿងចក្រធុនធ្ងន់ម៉ាកជេស៊ីប៊ី (JCB)  គ្រឿងយន្តកសិកម្មចនឌារ (John Deere) រថយន្តដឹកទំនិញ FUSO រថយន្តផលិត និងក្រឡុកបេតុង AJAX ម៉ាស៊ីនលើកដាក់ទំនិញម៉ាកTCM ឧបករណ៍សម្អាត​ Hako ឧបករណ៍ SATA និងផលិតផលជាច្រើនទៀតផងដែរ។

អំពីមជ្ឈមណ្ឌលឧត្តមភាពយានយន្តនៅកម្ពុជា (អេស ខេមបូឌា)

មជ្ឈមណ្ឌលឧត្តមភាពយានយន្តនៅកម្ពុជា ឬហៅកាត់ថា អេស ខេមបូឌា គឺជាមជ្ឈមណ្ឌលបណ្តុះបណ្តាលជំនាញបច្ចេកទេសរថយន្តកម្រិតខ្ពស់ និងឈានមុខគេមួយនៅក្នុងប្រទេសកម្ពុជា ដោយប្រើប្រាស់កម្មវិធីសិក្សា និងបច្ចេកទេសបង្រៀនពីវិទ្យាស្ថាន Bendigo Kangan ដែលជាវិទ្យាស្ថានបណ្តុះបណ្តាលវិជ្ជាជីវៈដ៏ល្បីល្បាញបំផុតមួយរបស់អូស្ត្រាលី។ ដូចនេះ រាល់សិក្ខាកាមដែលទទួលបានការបណ្តុះបណ្តាលនៅ អេស ខេមបូឌា នឹងទទួលបានចំណេះដឹងដូចទៅនឹងការសិក្សានៅប្រទេសអូស្ត្រាលីដែរ៕

The post ក្រុមហ៊ុន អ អិម អេ ខេមបូឌា ប្រកាសផ្ដល់អាហា រូបករណ៍ដល់ពលករ និងជនភៀសសឹកចំនួន ១០០ នាក់ appeared first on Kampuchea Thmey Daily.

​លោក ងន សាំង ​អគ្គនាយកក្រុមហ៊ុន អ អិម អេ ខេមបូឌា ​បានលើកឡើងថា ​ទីផ្សាររថយន្ត​នៅ​កម្ពុជា មានកំណើនពីមួយ​ឆ្នាំទៅមួយឆ្នាំ បន្ទាប់ពីវិបត្តិជំងឺកូវីដ១៩។ ហើយថា ​កំណើន​នៃទីផ្សាររថយន្ត ដោយសារប្រជាជនកម្ពុជាសម្បូរដោយមនុស្សវ័យ​ក្មេង ហើយដល់ពេលដែលពួក​គាត់មានតម្រូវការរថយន្ត។​

​ម្យ៉ាងទៀត ​ស្ថានភាពសេដ្ឋកិច្ចកម្ពុជាមានភាពល្អប្រសើរជាងមុន មនុស្សម្នាក់ៗ មានការងារធ្វើ ដែល​នាំឱ្យពួកគាត់មានចំណូលច្រើនជាងមុន ហើយធ្វើឱ្យមានតម្រូវការរថយន្តក៏កើនឡើងដែរ ខណៈអ្នកវិនិយោគ ក៏ច្រើនជាងមុនដែរ ព្រោះអ្នកវិនិយោគក៏ត្រូវការវិនិយោគច្រើនជាងមុនដែរ។​

​នៅ​ឆ្នាំ២០២៤ កម្ពុជាបានចំណាយប្រាក់ជាង១ពាន់លានដុល្លារ ក្នុងការនាំចូលនូវ​យានយន្តគ្រប់​ប្រភេទ​ធៀបនឹងឆ្នាំ២០២៣​ ដែលមានទឹកប្រាក់សរុបជិត ៩០៣ លានដុល្លារ៕

The post ​កម្ពុជា​នាំចូល​រថយន្ត​គ្រួសារ​មាន ទំហំ ៨៦៥ ​លានដុល្លារ កើនជាង ៥០% appeared first on Kampuchea Thmey Daily.

​លោក ងន សាំង អគ្គនាយកក្រុមហ៊ុន អ អិម អេ ខេមបូឌា មានប្រសាសន៍ថា ​ទីផ្សាររថយន្តនៅកម្ពុជា មានកំណើនពីមួយ​ឆ្នាំទៅមួយឆ្នាំ បន្ទាប់ពីវិបបត្តិជំងឺកូវីដ១៩។ កំណើន​នៃទីផ្សាររថយន្ត ដោយសារប្រជាជនកម្ពុជាសម្បូរដោយវ័យ​ក្មេង ហើយដល់ពេលដែលពួក​គាត់មានតម្រូវការរថយន្ត។

​ម្យ៉ាងទៀតស្ថានភាពសេដ្ឋកិច្ចកម្ពុជាមានភាពល្អប្រសើរជាងមុន មនុស្សម្នាក់ៗ មានការងារធ្វើ ដែលនាំឱ្យពួកគាត់មានចំណូលច្រើនជាងមុន ហើយធ្វើឱ្យមានតម្រូវការរថយន្ត ក៏កើនឡើងដែរ ខណៈអ្នកវិនិយោគ ក៏ច្រើនជាងមុនដែរ ព្រោះអ្នកវិនិយោគក៏ត្រូវការវិនិយោគច្រើនជាងមុនដែរ។​

​នៅក្នុងឆ្នាំ២០២៤ កម្ពុជាបានចំណាយប្រាក់ជាង១ពាន់លានដុល្លារ ក្នុងការនាំចូលនូវ​យានយន្តគ្រប់ប្រភេទធៀបនឹងឆ្នាំ២០២៣​ ដែលមានទឹកប្រាក់សរុបជិត៩០៣លានដុល្លារ៕

អត្ថបទ៖ ឡេង ដេត

The post ​កម្ពុជានាំចូល​រថយន្ត​គ្រួសារ​មានទំហំជាង ​៧៧០ ​លានដុល្លារ កើនឡើង​ខ្ពស់​ appeared first on Kampuchea Thmey Daily.

លោក ងន សាំង អគ្គនាយកក្រុមហ៊ុន អ អិម អេ ខេមបូឌា មានប្រសាសន៍នៅថ្ងៃទី ២២ ខែសីហា ឆ្នាំ ២០២៥ ថា ក្រុមហ៊ុន បានសហការជាមួយក្រសួងការងារ និងបណ្ដុះ​បណ្ដាល​វិជ្ជាជីវៈ​ និងសាលា BKI នៅអូស្ត្រាលី នឹង​បង្កើតសាលាបច្ចេកវិទ្យាយាន​យន្តមួយដ៏ទំនើប​ជាង​គេ​នៅកម្ពុជា ឬក៏ប្រហែល​ជា​ទំនើប​ជាងគេនៅក្នុងតំបន់អាស៊ាន។

លោក ងន សាំង បញ្ជាក់ថា ក្រុមហ៊ុន អ អិម អេ ជាអ្នកដាក់ទុន ដោយគ្រោងនឹង​ចាប់​ផ្ដើម​នៅ​ខែ ១១ ឆ្នាំ ២០២៥ ដែលវា​ជាការបណ្ដុះបណ្ដាលធនធាន​មនុស្ស​សម្រាប់ប្រជាជនកម្ពុជា និង​​អាចពង្រឹងអាជីវកម្ម ឬតម្រូវការពលកម្មសម្រាប់អ្នកវិនិយោគនៅកម្ពុជា។

លោក ងន សាំង បានបញ្ជាក់បន្ថែមថា ទីផ្សាររថយន្តមានកំណើនទីផ្សាររថយន្តនៅកម្ពុជា មានកំណើនពីមួយឆ្នាំទៅមួយឆ្នាំ បន្ទាប់ពីវិបបត្តិជំងឺកូវីដ១៩។ កំណើននៃទីផ្សាររថយន្ត ដោយសារប្រជាជនកម្ពុជាសម្បូរដោយវ័យ​ក្មេង ហើយដល់ពេលដែលពួកគាត់មានតម្រូវការរថយន្ត។

ម្យ៉ាងទៀតស្ថានភាពសេដ្ឋកិច្ចកម្ពុជាមានភាពល្អប្រសើរជាងមុន មនុស្សម្នាក់ៗ មានការងារធ្វើ ដែលនាំឱ្យពួកគាត់មានចំណូលច្រើនជាងមុន ហើយធ្វើឱ្យមានតម្រូវការរថយន្ត ក៏កើនឡើងដែរ ខណៈអ្នកវិនិយោគ ក៏ច្រើនជាងមុនដែរ ព្រោះអ្នកវិនិយោគក៏ត្រូវការ​វិនិយោគ​ច្រើន​ជាងមុន​ដែរ​។

យោងតាមក្រសួងពាណិជ្ជកម្ម គិតត្រឹមឆមាសទី ១ ឆ្នាំ ២០២៥ កម្ពុជាបានចំណាយប្រាក់ជាង ៤៨៧ លានដុល្លារ ក្នុងការនាំចូលរថយន្តគ្រួសារ កើនឡើង ៦៦% ធៀបនឹងរយៈ​ពេលដូច​គ្នានៅឆ្នាំ ២០២៤។

កាលពីឆ្នាំ២០២៤កន្លងទៅនេះ កម្ពុជាបានចំណាយប្រាក់ជាង១​ពាន់លានដុល្លារក្នុង​ការនាំចូល​នូវ​យានយន្តគ្រប់ប្រភេទធៀបនឹងឆ្នាំ២០២៣​ដែលមានទឹកប្រាក់សរុបជិត៩០៣លានដុល្លារ៕

អត្ថបទ៖ ឡេង ដេត

The post ក្រុមហ៊ុន RMA គ្រោងបង្កើតសាលាជំនាញបច្ចេកទេសយានយន្ត ​នៅ​ដំណាច់​ឆ្នាំនេះ appeared first on Kampuchea Thmey Daily.

លោក ងន សាំង អគ្គនាយកក្រុមហ៊ុន អ អិម អេ ខេមបូឌា មានប្រសាសន៍ថា ទីផ្សាររថយន្តមានកំណើនទីផ្សាររថយន្តនៅកម្ពុជា មានកំណើនពីមួយឆ្នាំទៅមួយឆ្នាំ បន្ទាប់ពីវិបបត្តិជំងឺកូវីដ១៩។ កំណើននៃទីផ្សាររថយន្ត ដោយសារប្រជាជនកម្ពុជាសម្បូរដោយវ័យ​ក្មេង ហើយដល់ពេលដែលពួកគាត់មានតម្រូវការរថយន្ត។

ម្យ៉ាងទៀតស្ថានភាពសេដ្ឋកិច្ចកម្ពុជាមានភាពល្អប្រសើរជាងមុន មនុស្សម្នាក់ៗ មានការងារធ្វើ ដែលនាំឱ្យពួកគាត់មានចំណូលច្រើនជាងមុន ហើយធ្វើឱ្យមានតម្រូវការរថយន្ត ក៏កើនឡើងដែរ ខណៈអ្នកវិនិយោគ ក៏ច្រើនជាងមុនដែរ ព្រោះអ្នកវិនិយោគក៏ត្រូវការវិនិយោគច្រើនជាងមុនដែរ។

លោកបានបញ្ជាក់ថា៖ «រថយន្តថ្មីកើនជាងរថយន្តជជុះ ទំនោររថយន្តថ្មីនាំចូលមកច្រើនជាង​រថយន្តជជុះ ឆ្នាំ ២០២៥ កំណើនកើន ប្រហែលចំនួនរថយន្តថ្មី កើនដល់ ៦០% ហើយរថយន្តជុះនៅ ៤០%»។

លោកក ងន សាំង បានបន្ថែមថា បច្ចុប្បន្នលក្ខខណ្ឌបង់រំលោះក៏ងាយស្រួល ដែលអំណោយផលដល់អតិថិជន ដែលជាមូលហេតុធ្វើឱ្យទីផ្សារថយន្តល្អប្រសើរដែរ។ កម្ពុជាមានរោងចក្រផលិតរថយន្តនៅក្នុងស្រុក ដែលធ្វើឱ្យតម្លៃរថយន្តមានភាពសមរម្យ ផលិតផលល្អ តម្លៃសមស្រប តម្រូវការក៏កើនឡើងដែរ។

យោងតាមក្រសួងពាណិជ្ជកម្ម គិតត្រឹមឆមាសទី ១ ឆ្នាំ ២០២៥ កម្ពុជាបានចំណាយប្រាក់ជាង ៤៨៧ លានដុល្លារ ក្នុងការនាំចូលរថយន្តគ្រួសារ កើនឡើង ៦៦% ធៀបនឹងរយៈពេលដូចគ្នានៅឆ្នាំ ២០២៤។

កាលពីឆ្នាំ២០២៤កន្លងទៅនេះ កម្ពុជាបានចំណាយប្រាក់ជាង១ពាន់លានដុល្លារក្នុងការនាំចូលនូវ​យានយន្តគ្រប់ប្រភេទធៀបនឹងឆ្នាំ២០២៣​ដែលមានទឹកប្រាក់សរុបជិត៩០៣លានដុល្លារ៕

អត្ថបទ៖ ឡេង ដេត

The post លោក ងន សាំង៖ ចំណែកទីផ្សាររថយន្តថ្មី​នឹងកើន​ដល់ ៦០% នៅឆ្នាំ ២០២៥ appeared first on Kampuchea Thmey Daily.

​យោងតាមរបាយការណ៍របស់ក្រុមហ៊ុនផ្ញើរទៅកាន់ផ្សារមូលបត្រកម្ពុជាកាលពីពេលថ្មីៗនៅក្នុងវិស័យយានយន្ត ទិន្នន័យក្រុមហ៊ុនបង្ហាញថា ទីផ្សារទាំងមូលកំពុងកើនឡើង ៤៨% ក្នុងត្រីមាសទី១ ឆ្នាំ ២០២៥ បើធៀបនឹងត្រីមាសដូចគ្នាក្នុងឆ្នាំ២០២៤។ ការកើនឡើងនេះតំណាងឱ្យរថយន្តចំនួន ១៩ ពាន់គ្រឿងត្រូវ បានបញ្ជាទិញក្នុងត្រីមាសទីមួយ បើធៀបនឹងចំនួន ១៣ ពាន់គ្រឿងកាលពីឆ្នាំមុន។ ទីផ្សារថយន្តថ្មីប្រភេទធម្មតាបាន កើនឡើងលឿនជាងមុន ៥៧% នៅចំនួន ៩​ ៧០០ គ្រឿង។ ខ្ញុំមានមោទនភាពក្នុងការបង្ហាញថា ក្នុងត្រីមាសទី១ ឆ្នាំ ២០២៥ រថយន្តម៉ាក Ford បានរក្សាបានតំណែងរលេខមួយនៅក្នុងទីផ្សាររថយន្តថ្មីប្រភេទធម្មតា។

លោក​ Kevin Whitcraft ប្រធានក្រុមប្រឹក្សាភិបាលនៃ RMAC បានគូសបញ្ជាក់នៅក្នុងរបាយការណ៍នោះថា៖ការព្យាករណ៍ភាគច្រើនរំពឹងថា ផលិតផលក្នុងស្រុកសរុប (ផ.ស.ស) របស់កម្ពុជានឹងកើនឡើងចម្លោះពី ៥,២% ទៅ ៦,៣% ក្នុងឆ្នាំ២០២៥។ ទោះជាយ៉ាងណាក៏ដោយ ការតម្លើងពន្ធគយខ្ពស់របស់សហរដ្ឋអាមេរិកថ្មីៗនោះ លើការនាំចេញរបស់កម្ពុជា បន្តហានិភ័យគួរឱ្យកត់សម្គាល់ ដោយការព្យាករណ៍ខ្លះបានបង្ហាញថា កំណើនអាចទាបជាង ៥% ប្រសិនបើភាពតានតឹងពាណិជ្ជកម្មកើនឡើង។

ក្នុងត្រីមាសទីមួយ ឆ្នាំ២០២៥ RMAC មានចំណូលកើនឡើង ​២៦% បើធៀបនឹងត្រីមាសដូចគ្នាក្នុងឆ្នាំ២០២៤។ ក្រុមហ៊ុនបានកំណត់ត្រាការលក់ខ្ពស់បំផុតនៅក្នុងខែមីនា ឆ្នាំ២០២៥។ តារាងតុល្យការបង្ហាញពីជំហរតុល្យភាពសាច់ប្រាក់រឹងមាំ ដែលតំណាងឱ្យការកើនឡើងសាច់ប្រាក់ចំនួន ៤៨% បើធៀបនឹងត្រីមាសទីមួយ ឆ្នាំ២០២៤។

ក្រុមការងារ AMAC របស់យើងបានបន្តវិធីសាស្ត្រសកម្មរបស់ពួកគេក្នុងការកសាងមូលដ្ឋានអតិតិជនដ៏រឹងមាំ និង ស្មោះត្រង់។ ខ្ញុំមានពេទនភាពយ៉ាងខ្លាំងដែលបានចូលរួមដោយផ្ទាល់ក្នុងព្រឹត្តិការណ៍ “ផលិតនៅកម្ពុជា” ដែលអបអរការផលិតក្នុងស្រុកនូវសង្វាក់ផលិតកម្មន្ត Ford Ranger, Everest និង Territory។ ត្រីមាសនេះក៏មានការដាក់ឱ្យដំណើរការជាផ្លូវការនូវរថយន្តម៉ាក Peugeot (Stellantis Group) ផងដែរ។ សមិទ្ធិផលទាំងនេះបង្ហាញពីការប្តេជ្ញាកិត្តរយៈពេលវែង ដែល RMA Group បានសន្យាចំពោះព្រះរាជាណាចក្រកម្ពុជា។

​

ក្រុមហ៊ុន​ដំឡើង​រថយន្ត​ Ford នៅកម្ពុជា បានបង្កើតរោងចក្រដំឡើងគ្រឿងបង្គុំថ្មីបន្ថែម​មួយ​ទៀត (Sub-Assembly Plant) ដែលអាចផ្ដល់ឱកាសការ​ងារ​បាន​ជា​ច្រើន​កន្លែង ខណៈ ក្រុមហ៊ុន​បានពង្រីកការវិ​និយោ​គនូវទំហំទឹកប្រាក់​​ពី ២១​លានដុល្លារអាមេរិក ទៅ ២៦,៨លាន​ដុល្លារ និង​បាន​ពង្រីកផ្ទៃដីសាងសង់រោងចក្រពី ៥ហិកតា ដល់ ១២ហិកតា។ រោងចក្រដំឡើងគ្រឿងបង្គុំថ្មីនេះ ត្រូវបានដាក់ឱ្យដំណើរការជាផ្លូវការនៅថ្ងៃទី ២២ ខែមេសា ឆ្នាំ ២០២៥ ក្រោមអធិបតីភាព សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។

​ក្រុមហ៊ុន RMA Cambodia (RMAC) ដែលជាក្រុមហ៊ុនចុះបញ្ជីនៅលើផ្សារហ៊ុន​ និងជា ក្រុមហ៊ុនបុត្រសម្ព័ន្ធរបស់ខ្លួន RMA Automotive Cambodia ដែលមានរោងចក្រនៅខេត្តពោធិ៍សាត់ បានតម្លើងរថយន្តម៉ូដែល Ford (Ford Wildtrak និង Everest) ជាង២ពាន់​គ្រឿង​កាល​ពីឆ្នាំមុនដាក់លក់លើទីផ្សារក្នុងស្រុក។

​RMAC ដែលជាក្រុមហ៊ុនចែកចាយរថយន្ត Ford បានបើកដំណើការរោងចក្រដម្លើងរថយន្ត Ford ទី១ជាមួយទុនវិនិយោគប្រមាណ២១លានដុល្លារកាលពីខែមិថុនាឆ្នាំ២០២២។  ​រោងចក្រសាងសង់លើផ្ទៃដីជាង ៥ ហិកតា ស្ថិតនៅស្រុកក្រគរនៃខេត្តពោធិ៍សាត់៕

The post ការលក់រថយន្តថ្មី​នៅកម្ពុជាកើនឡើងខ្ពស់នៅត្រីមាសទី១ appeared first on Kampuchea Thmey Daily.

ការលើកឡើងរបស់លោក ងន សាំង ​ក្នុងពេលដែលលោកបានជួបពិភាក្សាការងារជាមួយលោកស្រី ចម និម្មល រដ្ឋមន្ត្រីក្រសួងពាណិជ្ជកម្ម នៅព្រឹកថ្ងៃទី ២២ ខែតុលា ឆ្នាំ ២០២៤នៅទីស្តីការក្រសួង។

លោក ស្រី ចម និម្មល រដ្ឋមន្ត្រីក្រសួងពាណិជ្ជកម្ម បានជម្រាបអំពីផែនទីបង្ហាញផ្លូវការអភិវឌ្ឍវិស័យយានយន្ត និងអេឡិចត្រូនិកកម្ពុជា ដែលជាចក្ខុវិស័យររបស់រាជរដ្ឋាភិបាល គឺជំរុញកែប្រែ និងធ្វើទំនើបកម្ម រចនាសម្ព័ន្ធឧស្សាហកម្មនៅកម្ពុជា ពីឧស្សាហកម្មអតិពលកម្ម ឈានទៅឧស្សាហកម្មផ្អែកលើជំនាញ និងប្រែក្លាយខ្លួនជា មជ្ឈមណ្ឌលប្រមូលផ្តុំសកម្មភាពផលិត គ្រឿងបង្គុំយានយន្ត សម្រាប់នាំចេញទៅទីផ្សារក្នុងតំបន់ និងសាកលលោក។

លោក ងន សាំង បានថ្លែង អំពីសក្តានុពលនៃវិស័យយានយន្តនៅកម្ពុជាជាពិសេសរថយន្តថ្មី និងស្តង់ដារសុវត្ថិភាពយានយន្តដែលកាន់តែល្អប្រសើរ។

លោកអគ្គនាយក ក៏បានថ្លែងអំណរគុណដល់ក្រសួង ពាណិជ្ជកម្ម ចំពោះការយកចិត្តទុកដាក់ខ្ពស់ដល់វិស័យឯកជន និងតែងតែផ្តល់នូវកិច្ច សហការយ៉ាងជិតស្និតក្នុងកិច្ចសម្រួលពាណិជ្ជកម្ម ក្នុងនោះក្រុមហ៊ុនគ្រោងនឹងរៀបចំពិព័រណ៍យានយន្តនៅគ្រប់បណ្តាខេត្តផងដែរ។

លោកស្រីរដ្ឋមន្ត្រី បានវាយតម្លៃខ្ពស់ចំពោះការរួមចំណែករបស់ ក្រុមហ៊ុន អ អិម អេ (ខេមបូឌា) ម.ក ជាមួយរាជរដ្ឋាភិបាលនៅក្នុងការបង្កើតការងារនៅក្នុងស្រុក និងបណ្តុះបណ្តាលអ្នកជំនាញ បច្ចេកទេស និងការផ្ទេរបច្ចេកវិទ្យា តាមរយៈគម្រោងវិនិយោគរោងចក្រ ដំឡើង រថយន្ត FORD និងគម្រោងផ្សេងៗទៀត។

យោងតាមរបាយការណ៍របស់ក្រុមហ៊ុន អ អិម អេ ការលក់រថយន្តថ្មីនៅប្រទេសកម្ពុជាកើនឡើងប្រមាណ៤០% នៅក្នុងត្រីមាសទី១ឆ្នាំ២០២៤នេះ ធៀបនឹងត្រីមាសទី៤នៃឆ្នាំ២០២៣ ខណៈការលក់សរុបរបស់ក្រុមហ៊ុនមួយនេះក៏បាន​កើនឡើងប្រមាណ៤០%ផងដែរ៕

The post ទីផ្សាររថយន្តថ្មី កំពុងមានតម្រូវការខ្ពស់នៅកម្ពុជានាពេលបច្ចុប្បន្ន appeared first on Kampuchea Thmey Daily.

រថយន្ត Ford Territory ស៊េរី​ឆ្នាំ 2023 បំពាក់​មក​ជាមួយ​នូវ​ម៉ាស៊ីន សាំង​ជំនាន់​ថ្មី ៤ ស៊ីឡាំង ចំណុះ 1.5L EcoBoost ដែល​អាច​ផលិត​កម្លាំង​សេះ​ដល់​ទៅ 163 PS និង​កម្លាំង​រមួល 250 nm ជាមួយ​នឹង​ប្រអប់លេខ ៧ វគ្គ​អូ​តូ។

ការ​រចនា​រូបរាង​ផ្នែក​ខាងក្រៅ​របស់​រថយន្ត Ford Territory ស៊េរី​ឆ្នាំ 2023 នេះ បាន​ផ្តោត​សំខាន់​ទៅលើ​ភាព​ទំនើប ទាន់សម័យ ដោយ​ប៉ា​ណា ផ្នែក​ខាងមុខ​នៃ​រថយន្ត​នេះ រចនា​ម៉ូត​បែប​សំណាញ់​ពណ៌​ខ្មៅ​រលោង ថ្មី ប្លែក បង្ហាញ​ពី​ភាព​អង់អាច អម​ជាមួយនឹង​ចង្កៀង​ខាងមុខ​ដែល​បំពាក់​មកជា​មួយ​នូវ​អំពូល​បំភ្លឺ​ពេល​ថ្ងៃ (Day time running light) និង​មាន​អំពូល​កាត់​អ័ព្ទ និង​ចង្កៀង​ហ្វា​កូដ​អូ​តូ​ជាមួយ​មុខងារ Follow Me Home នៅ​ផ្នែក​ខាងក្រោម ដែល​ជួយ​ឲ្យ​ការ​បើកបរ​កាន់តែ​មាន​សុវត្ថិភាព​មិន​ថា​ពេលយប់ ឬ​ពេល​ថ្ងៃ។ ផ្នែក​ខាងក្រោយ នៃ​រថយន្ត​នេះ​វិញ ត្រូវ​បាន​បំពាក់​មក​ជាមួយ​នូវ​ចង្កៀង​ប្រភេទ​LED មាន​ពន្លឺ​ភ្លឺ​ច្បាស់​ល្អ ដែល​ត្រូវបាន​រចនា​បែប​ផុស 3D រាង​អក្សរ L ជាមួយនឹង​ស៊ីញ៉ូ​ប្រដេញ ធ្វើ​ឲ្យ​ផ្នែក​ខាងក្រោយ នៃ​រថយន្ត​កាន់តែ​មាន​ភាព​ទាក់ទាញ​ថែម​ទៀត​ផង។

មិនតែប៉ុណ្ណោះ រថយន្ត Ford Territory ស៊េរី​ឆ្នាំ 2023 នេះ កាន់តែ​ផ្តល់​ភាព​ងាយស្រួល​ដល់​អ្នក​ដែល​មាន​សមាជិក​គ្រួសារ​ច្រើន ដោយសារតែ​ឃ្លុប​ក្រោយ​របស់​រថយន្ត​នេះ​ធំ ទូលាយ​ជាង​មុន ដែល​ផ្តល់​កន្លែង​ដាក់​សម្ភារៈ​បាន​កាន់តែច្រើន។

ក្រឡេក​មក​មើល ផ្នែក​ខាងក្នុង នៃ​រថយន្ត Ford Territory ស៊េរី​ឆ្នាំ 2023 នេះ​វិញ បាន​ភ្ជាប់​មក​ជាមួយ​នូវ កៅអី​ស្បែក​ថ្មី ពណ៌​ខៀវខ្ចី និង​តាម​ឡូ​ស្បែក​លាយ​ឈើ​ប្រណិត​មួយ​ជុំវិញ​រថយន្ត​ដែល​រំលេច​នូវ​ភាព​ថ្លៃថ្នូរ ទំនើប ទាន់សម័យ ធ្វើ​ឲ្យ​ការ​បើកបរ​កាន់តែ​មាន​ភាព​ស៊ី​វីល័យ​។

មិនតែប៉ុណ្ណោះ រថយន្ត​នេះ​ក៏បាន​ភ្ជាប់​មក​ជាមួយ​នូវ ប្រព័ន្ធ​កៅអី​ត្រជាក់​ផ្នែក​ខាងមុខ សក្ដិសម​ពិសេស​សម្រាប់​ការបើកបរ​ក្នុង​អាកាសធាតុ​ក្តៅ និង​ជួយ​មិនឲ្យ​អ្នក​បើកបរ​មាន​អារម្មណ៍​ថា​នឿយ​ហត់​មិន​ថា​ការ​បើកបរ​ផ្លូវ​ជិត ឬ​ឆ្ងាយ។

មិនតែប៉ុណ្ណោះ អ្នកបើកបរ នឹងមាន​អារម្មណ៍​កាន់តែ​អស្ចារ្យ ជាមួយនឹង​ចង្កូត​អេ​ឡិច​ត្រូ​និ​ក​រាង​អក្សរ D ធូរ​ងាយស្រួល​ប្រើ កុង​ទ័​រ​ឌីជីថល ទំហំ 12.3 អ៊ី​ញ ដែល​អាច​ប្តូរ​បាន​ដល់​ទៅ​ពីរ Style រួមមាន Classic និង Sport ហើយ​អាច​ប្តូរ​ប្រព័ន្ធគ្រប់គ្រង​ការបើក​បរបាន​ដល់​ទៅ ៤ ម៉ូត គឺ ផ្លូវ​ធម្មតា (Normal) សន្សំសំចៃ​ប្រេង (Eco) ស្ព័​រ (Sport) និង ឧបសគ្គ (Mountain)។

រថយន្ត Ford Territory ស៊េរី​ឆ្នាំ 2023 នេះ ក៏បាន​បំពាក់​មក​ជាមួយ​នូវ អេក្រង់​កម្សាន្ត Touch Screen ទំហំ 12 អ៊ី​ញ ដែល​ភ្ជាប់​មក​ជាមួយ​បច្ចេកវិទ្យា​ជំនាន់​ថ្មី អាច​ភ្ជាប់​ជាមួយ Apple CarPlay និង Android Auto ដោយ​មិនចាំបាច់​ប្រើ​ខ្សែ​ផងដែរ​។ រថយន្ត​នេះ​ក៏បាន​បំពាក់​មកជា​មួយ​នូវ ចង្កឹះ​លេខ​អេ​ឡិច​ត្រូ​និក (Rotary E-shifter) និង​ប្រព័ន្ធ​សាក​ថ្ម​ទូរស័ព្ទ​ឥត​ខ្សែ​ដែល​ធ្វើ​ឲ្យ​ផ្នែក​ខាងក្នុង​កាន់តែ​មាន​ភាព ទូលាយ និង​ប្រណិត​ភាព។

បន្ថែម​លើ​នេះ​ទៅទៀត ការបើកបរ​កាន់តែ​មាន​ផាសុកភាព ជាមួយ​នឹង​ប្រព័ន្ធ​ប​ន្សុ​ត​ខ្យល់ PM2.5 និង​ម៉ាស៊ីនត្រជាក់ Doul Zone Auto ដែល​អាច​គ្រប់គ្រង​សីតុណ្ហភាព​ដោយ​ស្វ័យប្រវត្ត​ផ្នែក​ខាងមុខ និង ដំបូល​កញ្ចក់ Panoramic ធំ​អាច​បើក បិទ ស្រូបយក​ពន្លឺព្រះអាទិត្យ ឬ​ខ្យល់អាកាស​ធម្មជាតិ ធ្វើឲ្យ​ការបើកបរ​កាន់តែ​មាន​ភាពស្រស់​ស្រាយ។

រថយន្ត Ford Territory ស៊េរី​ឆ្នាំ 2023 មានការ​ផ្លាស់ប្ដូរ​ទាំង​ស្រុង មិន​ថា​រូបរាង បច្ចេកវិទ្យា ដែល​បាន​បំពាក់​ជាមួយ​នឹង​ប្រព័ន្ធ​សុវត្ថិភាព​ទំនើបៗ ដែល​ជា​ជំនាន់​ចុងក្រោយ សក្ដិសម​ឥត​ខ្ចោះ ជា​កំពូល​រថយន្ត SUV នៅក្នុង​ប្រទេស​កម្ពុជា ដូចជា ៖

•​ ​ប្រព័ន្ធ​ជំនួយ​លើ​ចង្កូត និង​រំលឹក​អ្នកបើកបរ​បើក​ក្នុង​គន្លង​ត្រឹមត្រូវ​

•​ ​ប្រព័ន្ធ​ផ្តល់​សញ្ញា​គ្រោះថ្នាក់​ផ្នែក​ចំហៀង​រថយន្ត​

•​ ​ប្រព័ន្ធ​ជំនួយ​ចូល​ចត​ដោយ​ស្វ័យប្រវត្ត​បែប​អក្សរ (P) និង​បែប​អក្សរ (T) ប្រព័ន្ធ​ជំនួយ​ចាក​ចេញ​ពី​ចំណត និង​ប្រព័ន្ធ​ថយក្រោយ​ស្វ័យប្រវត្ត​តាម​គន្លង​ដើម (Reversing) ជាមួយ​នឹង​សេន​ស័​រ​ចំនួន ១២ គ្រាប់​

•​ ​ប្រព័ន្ធ​ផ្តល់​សញ្ញា​គ្រោះថ្នាក់​ពេល​មាន​ឧបសគ្គ ឬ​អ្នក​ថ្មើរជើង​ឆ្លងកាត់ និង​ប្រព័ន្ធ​ចាប់​ហ្វ្រាំង​បន្ទាន់​ដោយ​ស្វ័យប្រវត្ត

•​ ​ប្រព័ន្ធ​បន្ថយល្បឿន រក្សា​គម្លាត​សុវត្ថិភាព ឈប់​និង​ទៅមុខ​ដោយ​ស្វ័យប្រវត្ត​តាម​រថយន្ត​ខាងមុខ

•​ ​ប្រព័ន្ធ​ផ្តល់​សញ្ញា​គ្រោះថ្នាក់​ពេល​បើកទ្វារ​រថយន្ត​

•​ ​ប្រព័ន្ធ​កាមេរ៉ា​សុវត្ថិភាព 360 ដឺ​ក្រេ​កម្រិត​ខ្ពស់​មួយ​ជុំវិញ​រថយន្ត​

•​ ​ប្រព័ន្ធ​បិទ​/​បើក​ឃ្លុប​ក្រោយ​ដោយ​ស្វ័យប្រវត្ត ដោយ​គ្រាន់តែ​គ្រវាស​ជើង

•​ ​ប្រព័ន្ធ​ទប់​លំនឹង​ពេល​ឡើង​និង​ចុះ​ចំណោត​

•​ ​ប្រព័ន្ធ​ហ្វ្រាំង ABS និង​ប្រព័ន្ធ ESP

•​ ​ប្រព័ន្ធ​ទប់​លំនឹង​រថយន្ត​ពេល​បើកបរ​លើផ្លូវ​កោង​និង​រអិល (Traction Control)

រថយន្ត Ford Territory ស៊េរី​ឆ្នាំ 2023 ផ្តល់ជូន​ជម្រើស​ពណ៌​ដល់​ទៅ ៦ សម្រាប់​អតិថិជន​ធ្វើការ​ជ្រើសរើស​រួមមាន ៖ ពណ៌​ខៀវខ្ចី ពណ៌​ស ពណ៌​ខ្មៅ ពណ៌​សូកូឡា ពណ៌​ទឹកមាស និង​ពណ៌​ក្រហម ជាមួយ​នឹង​តម្លៃ​ដ៏​សមរម្យ ដែល​មាន​លក់​នៅ​លើ​ទីផ្សារ​ប្រទេស​កម្ពុជា​ត្រឹមតែ 48,900 ដុល្លារ​តែប៉ុណ្ណោះ។​

លើសពីនេះទៅទៀត រាល់​ការទិញ​នូវ​រថយន្ត Ford អតិថិជន​នឹង​ទទួល​បាន​នូវ​ការ​ធានា ៣ ឆ្នាំ ឬ ១០ ម៉ឺន​គ​.​ម ពី Ford Cambodia សេវា​ថែទាំ​ឥតគិតថ្លៃ​ពី​ក្រុមហ៊ុន 1 ឆ្នាំ ឬ 20,000 km ព្រមទាំង​មាន​សេវាកម្ម​ជួសជុល​ចល័ត ២៤ ម៉ោង សេវា​បង់​រំលស់​ឆាប់រហ័ស និង​ប្រកបដោយ​ទំនុក​ចិត្ត ២៥ ខេត្ត-​ក្រុង គ្រឿងបន្លាស់ Original ពី​រោងចក្រ សេវាកម្ម​យក​រថយន្ត​ចាស់​ផ្លាស់ប្ដូរ​យក​រថយន្ត​ថ្មី (Ford Trade-In Service) ផង​ដែរ៕

The post កំពូលរថយន្ត SUV ដែលកំពុងផ្ទុះការចាប់អារម្មណ៍ខ្លាំងនៅប្រទេសកម្ពុជា! appeared first on Kampuchea Thmey Daily.