ជាក់ស្តែង កាលពីថ្ងៃទី ០១ ខែកក្កដា ឆ្នាំ ២០២៦ ក្រោមការចង្អុលបង្ហាញពី លោក កៀង ល័ក្ស អភិបាលខណ្ឌចំការមន ក្រុមការងារចម្រុះ បានចុះត្រួតពិនិត្យរដ្ឋបាល និង បង្ក្រាបទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា ចំនួន ០៣ គោលដៅ ក្នុងមូលដ្ឋាន។

ចំពោះរង្វង់ប្រតិបត្តិការនេះ អាជ្ញាធរជំនាញ បានចុះត្រួតពិនិត្យ ០៣ ទីតាំង (ខុនដូ អាផាតមិន)។ រកឃើញជនបរទេសចំនួន ៥០ នាក់ (១៧ សញ្ជាតិ) មានលិខិតឆ្លងដែន និង ទិដ្ឋាការត្រឹមត្រូវ។ ក្នុងនោះដែរ ឃាត់ខ្លួនជនជាតិកូរ៉េចំនួន ០២ នាក់ (មានដីកាបញ្ជាឲ្យចាប់ខ្លួន/និវេទក្រហម) និង ជនជាតិខ្មែរ ០២ នាក់ ដើម្បីសាកសួរ និង ដកហូតសម្ភារៈបច្ចេកវិទ្យាជាច្រើនគ្រឿង ព្រមទាំងសម្រេចបិទបន្ទប់សង្ស័យជាបណ្ដោះអាសន្ន។

បច្ចុប្បន្ន ជនបរទេស និង ខ្មែរ ចំនួន ០៤ នាក់ ត្រូវបានអាជ្ញាធរឃាត់ខ្លួនយកទៅសួរនាំ ដើម្បីបន្តនីតិវិធី៕
អត្ថបទ ៖ រដ្ឋា

The post បង្ក្រាបទីតាំងសង្ស័យប្រព្រឹត្តបទល្មើស Online Scams ឃាត់ខ្លួនជនជាតិកូរ៉េ និង ខ្មែរ ០៤ នាក់ នៅខណ្ឌចំការមន appeared first on Kampuchea Thmey Daily.

ជាលទ្ធផលចំណុចអគារខាងលើ មាន ចំនួន ៦០ បន្ទប់ រកឃើញមនុស្សស្នាក់នៅ ២៧ នាក់ (ស្រី ១០ នាក់) មានលិខិតឆ្លងដែន និងទិដ្ឋាការត្រឹមត្រូវ (ពុំមានជនបរទេសស្នាក់នៅខុសច្បាប់ឡើយ)។ ការបង្ក្រាប នៅបន្ទប់លេខ ១២១៨ (គ្រប់គ្រងដោយក្រុមហ៊ុន ChaoChi Group) សមត្ថកិច្ចបានរកឃើញសម្ភារសង្ស័យរួមមាន Laptop ០៤គ្រឿង និងទូរស័ព្ទ ១០គ្រឿង ។

ផ្អែកលើការធ្វើវិភាគកោសល្យវិច័យ ពីការិយាល័យប្រឆាំងបទល្មើសបច្ចេកវិទ្យា ទីតាំងនេះត្រូវបានសន្និដ្ឋានថាជាករណី សង្ស័យប្តូររូបបិយប័ណ្ណឌីជីថល (Crypto) ខុសច្បាប់ ចំណែកបន្ទប់ខាងលើត្រូវបាន ឃ្លុំជាបណ្តោះអាសន្ន។

បច្ចុប្បន្នសម្ភារវត្ថុតាងទាំងអស់ត្រូវបានប្រគល់ជូន ស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធីជំនាញ៕ អត្ថបទ ៖ រដ្ឋា

The post រដ្ឋបាលខណ្ឌចំការមន បង្ក្រាបទីតាំងសង្ស័យប្តូរប្រាក់ឌីជីថល (Crypto) ខុសច្បាប់ នៅកោះពេជ្រ appeared first on Kampuchea Thmey Daily.

លោកស្រី ដោ សម្ផស្ស នាយករងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញ បានឱ្យដឹងនាព្រឹកថ្ងៃទី ២៣ មិថុនា នេះថា ក្រោមការដឹកនាំ និង បញ្ជាផ្ទាល់របស់ លោក ឃួង ស្រេង អភិបាល នៃគណៈអភិបាលរាជធានីភ្នំពេញ និងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញ នៅថ្ងៃទី ២២ ខែមិថុនា ឆ្នាំ ២០២៦ ម្សិលមិញនេះ បានដឹកនាំគណៈបញ្ជាការឯកភាពរដ្ឋបាលខណ្ឌទាំង ១៤ ចុះត្រួតពិនិត្យ និង ផ្សព្វផ្សាយអនុក្រឹត្យលេខ ០៣ នៅតាមទីតាំងអគារខុនដូរ អាផាតមិន បុរី ផ្ទះសំណាក់ និង សណ្ឋាគារមួយចំនួន ក្នុងគោលដៅប្រតិបត្តិការបោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ក្នុងភូមិសាស្ដ្ររាជធានីភ្នំពេញ បានចំនួន ៦៤ ទីតាំង រកឃើញជនបរទេសស្នាក់នៅសរុបចំនួន ៣០៦ នាក់ (ស្រី ៩០ នាក់) មានលិខិតឆ្លងដែនត្រឹមត្រូវ។

លោកស្រី ដោ សម្ផស្ស បានបញ្ជាក់ថា ក្នុងចំណោម ៦៤ ទីតាំងនេះ ក្រុមការងារ បានរកឃើញបទល្មើសឆបោកតាមប្រព័ន្ធបច្ចេកវិទ្យា ២ ករណី រួមមាន ៖ ១.នៅខុនដូរភ្នំពេញកាឡាក់ស៊ីហ្គាដេន អគារ B បន្ទប់លេខ ១៦០៤ ភូមិបន្លាស្អិត សង្កាត់ឃ្មួញ ខណ្ឌសែនសុខ ឃាត់ខ្លួនជនសង្ស័យជនជាតិចិនចំនួន ២ នាក់ (ប្រុស) ព្រមទាំងដកហូតសម្ភាររួមមាន ៖ ទូរស័ព្ទ ១ គ្រឿង និង Tablet ៤ គ្រឿង។ តាមការធ្វើកោសល្យវិច័យរបស់ការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលរាជធានីភ្នំពេញ បានត្រួតពិនិត្យឃើញថាជាប់ពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ក្រោមរូបភាពឆបោកក្លែងកិច្ចសន្យា ឬ ឆបោកប្រាក់កម្ចី។ ២.នៅអគារខុនដូរដដែល ក្នុងបន្ទប់លេខ ២៤០២ គ្មានមនុស្សសា្នក់នៅ និង ដកហូតសម្ភារ រួមមាន ៖ ទូរស័ព្ទ ១៣ គ្រឿង និង កុំព្យូទ័រយួរដៃ ១ គ្រឿង។ តាមការធ្វើកោសល្យវិច័យរបស់ការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលរាជធានីភ្នំពេញ បានត្រួតពិនិត្យឃើញថាជាប់ពាក់ព័ន្ធនឹងបទល្មើសរក្សាទុកឧបករណ៍បម្រើឱ្យបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS)។

លោកស្រី ដោ សម្ផស្ស បានបន្តថា ពាក់ព័ន្ធនឹងការងារចុះពិនិត្យនេះដែរ ក្រុមការងារខណ្ឌចំការមន បានចុះត្រួតពិនិត្យទីតាំង LH Residence ស្ថិតនៅអគារលេខ ១៣ ផ្លូវលេខ ៩ ភូមិ ៥ សង្កាត់ទន្លេបាសាក់ ក្នុងអគារ A បន្ទប់លេខ ៦០៥ ជាន់ទី ៦ និង អគារ B បន្ទប់លេខ ៨០១ ជាន់ទី ៨ បានរកឃើញបទល្មើសចំនួន ១ ករណី ដោយបានដកហូតសម្ភារៈកុំព្យូទ័រ All in one ចំនួន ៥ គ្រឿង។ តាមការធ្វើកោសល្យវិច័យរបស់ការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលរាជធានីភ្នំពេញ បានត្រួតពិនិត្យឃើញថាជាប់ពាក់ព័ន្ធនឹងបទល្មើសរក្សាទុកទិន្នន័យវេបសាយសម្រាប់ចែកចាយរូបភាព និង វីដេអូអាសអាភាសតាមប្រព័ន្ធបច្ចេកវិទ្យា។ បច្ចុប្បន្ន ជនសង្ស័យ និង សម្ភារទាំងអស់ ត្រូវបានបញ្ជូនទៅស្នងការដ្ឋាននគរបាលរាជធានីភ្នំពេញ ដើម្បីបន្ដនីតិវិធី។

លោកស្រី ដោ សម្ផស្ស ក៏បានរំលឹកផងដែរថា ក្នុងកិច្ចប្រជុំគណៈបញ្ជាការឯកភាពរដ្ឋបាលរាជធានីភ្នំពេញ កាលពីព្រឹកថ្ងៃទី ២២ ខែមិថុនា ម្សិលមិញនេះ លោក ឃួង ស្រេង ក៏បានលើកទឹកចិត្តឱ្យមានការចូលរួមពីគ្រប់ភាគីពាក់ព័ន្ធ ទាំងអាជ្ញាធរ កងកម្លាំងមានសមត្ថកិច្ច ម្ចាស់ទីតាំង និង ប្រជាពលរដ្ឋទូទៅ សហការធ្វើយ៉ាងណាឱ្យការបង្រ្កាបបទល្មើសឆបោកតាមប្រព័ន្ធបច្ចេកវិទ្យា (Online Scams) កាន់តែមានប្រសិទ្ធិភាព៕
អត្ថបទ ៖ ស្រីរ័ត្ន

The post ថ្ងៃទី ២២ មិថុនា ចុះត្រួតពិនិត្យ ៦៤ ទីតាំង នៅភ្នំពេញ រកឃើញ ONLINE SCAMS ២ ករណី ឃាត់ខ្លួនជនសង្ស័យ ២ នាក់ appeared first on Kampuchea Thmey Daily.

តាមប្រភពព័ត៌មានបានអោយដឹងថា មុនកើតហេតុ គេបានឃើញបុរសម្នាក់ បើករថយន្តមួយគ្រឿង ម៉ាក Ford Territory ពណ៍ខៀវ ពាក់ស្លាកលេខ ភ្នំពេញ 2BX-9692 បើកបរតាមបណ្តោយផ្លូវព្រះនរោត្តម សង្ស័យងងឹតមុខ ខណៈមកដល់ចំណុចកើតហេតុ ក៏ស្រាប់តែជ្រុលទៅបុករះកង់បីឥណ្ឌា ០១គ្រឿង កំពុងបើកបញ្រ្ចាស់គ្នា ពេញទំហឹង បណ្តាលអោយមនុស្ស០២នាក់ រងរបួសធ្ងន់ស្រាល បញ្ជូនទៅមន្ទីរពេទ្យ។ ចំណែករថយន្តបង្ក ទៅបុករបងបុរី បង្កអោយអ្នកបើករថយន្តសន្លប់មួយសន្ទុះធំ ។ ភ្លាមៗប្រជាពលរដ្ឋ និងសមត្ថកិច្ច បានទៅអង្រួនរថយន្តជាង ១០នាទី ទើបម្ចាស់រថយន្តដឹងខ្លួន រួចសមត្ថកិច្ចបានឃាត់បុរសជាម្ចាស់រថយន្ត ទៅប៉ុស្តិ៍ធ្វើការសាកសួរ។

ក្រោយកើតហេតុ សមត្ថកិច្ចមូលដ្ឋានបានទាក់ទងទៅមន្ត្រីជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីមកវាស់វែងយករថយន្ត និងកង់បី ទៅរក្សាទុករងចាំដោះស្រាយពេលក្រោយ៕ អត្ថបទ ៖ រដ្ឋា

The post មន្រ្តីនគរបាលម្នាក់ សង្ស័យងងឹតមុខបើករថយន្តទៅបុកកង់បី បណ្តាលឲ្យរងរបួស០២នាក់ នៅខាងមុខក្រសួងមហាផ្ទៃ appeared first on Kampuchea Thmey Daily.

ជាក់ស្តែង ទីតាំងសួនច្បារនាគបាញ់ទឹកខាងលើនេះ ស្ថិតនៅតាមបណ្តោយមហាវិថីព្រះសីហនុ ដែលជាចំណុចព្រំប្រទល់ជាប់ខណ្ឌចំនួន២ គឺសង្កាត់ទន្លេបាសាក់ ខណ្ឌចំការមន និងសង្កាត់ចតុមុខ ខណ្ឌដូនពេញ រាជធានីភ្នំពេញ។ នៅរៀងរាល់ពេលរសៀល គេសង្កេតឃើញមានរថយន្តជាច្រើនគ្រឿង បានមកចតរាយប៉ាយពេញជុំវិញសួនច្បារតែម្ដង។

បើតាមការលើកឡើងរបស់ប្រជាពលរដ្ឋម្នាក់ និងអ្នកធ្វើដំណើរឆ្លងកាត់ទីនោះ សុំមិនបញ្ជូនឈ្មោះបានលើកឡើងប្រហែលគ្នាថា សម្រាប់ពលរដ្ឋដែលមកហាត់ប្រាណ គឺជារឿងល្អដែលពួកគាត់ស្រឡាញ់ និងគិតគូរពីសុខភាព ក៏ប៉ុន្តែ ពួកគាត់ក៏គួរតែគិតគូរពីផលប្រយោជន៍ និងផលប៉ះពាល់ដល់អ្នកធ្វើដំណើរដទៃទៀតផងដែរ ព្រោះការយករថយន្ត មក ចតនៅលើផ្លូវសាធារណៈបែបនេះ បានធ្វើឲ្យផ្លូវរួមតូច និងបង្កជាការកកស្ទះស្ទើរតែរាល់ថ្ងៃ។

ប្រភពដដែលបានបន្តថា សម្រាប់បុគ្គលិកក្រុមហ៊ុន ក៏ដូចជាអ្នករកស៊ី តែងតែចង់ធ្វើដំណើរទៅផ្ទះឲ្យបានលឿនដើម្បីជួបជុំក្រុមគ្រួសារ និងពិសារបាយល្ងាចជុំគ្នា ក្រោយសម្រាកពីការងារ។ ក៏ប៉ុន្តែ នៅពេលធ្វើដំណើរមកដល់ចំណុចសួនច្បារនាគបាញ់ទឹកនេះ ម្នាក់ៗតែងតែហួសចិត្ត និងធុញទ្រាន់នឹងការកកស្ទះ ដែលរំខានដល់ការធ្វើដំណើរយ៉ាងខ្លាំង។

ជុំវិញបញ្ហានេះ ប្រជាពលរដ្ឋបានគោរពសំណូមពរយ៉ាងទទូចទៅដល់អាជ្ញាធរពាក់ព័ន្ធ មេត្តាជួយចុះពិនិត្យ និងមានវិធានការរៀបចំសណ្តាប់ធ្នាប់នៅត្រង់ចំណុចជុំវិញសួននាគបាញ់ទឹកនេះផង។ អាជ្ញាធរគួរតែមានការណែនាំ ឬរៀបចំចំណតឲ្យបានត្រឹមត្រូវ ដើម្បីជៀសវាងការយករថយន្តមកចតលើផ្លូវសាធារណៈដែលធ្វើឲ្យបាត់បង់សោភ័ណភាព និងប៉ះពាល់ដល់ការធ្វើដំណើរ។

លោកស្រី ដោ សម្ផស្ស នាយករងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញ

ពាក់ព័ន្ធបញ្ហានេះ បើតាមលោកស្រី ដោ សម្ផស្ស នាយករងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញ បានអោយដឹងថា អរគុណសម្រាប់ការផ្ដល់ព័ត៌មាននេះ លោកស្រីបានបញ្ជូនព័ត៌មាននេះទៅកាន់អាជ្ញាធរខណ្ឌពាក់ព័ន្ធចំនួន២ ខណ្ឌចំការមន និងខណ្ឌដូនពេញ ដើម្បីចុះទៅពិនិត្យរៀបចំអោយបានល្អប្រសើរ និង សម្រួលដល់ការធើ្វដំណើរពលរដ្ឋ៕អត្ថបទ៖ម៉េង

The post ជុំវិញសួនច្បារនាគបាញ់ទឹក ក្លាយជាកន្លែងចតរថយន្តយ៉ាងអនាធិបតេយ្យបង្កការកកស្ទះចរាចរណ៍នៅពេលល្ងាច appeared first on Kampuchea Thmey Daily.

ការចុះត្រួតពិនិត្យរដ្ឋបាលនេះបានធ្វើឡើងកាលពីព្រឹកថ្ងៃទី ៥ ខែមិថុនា ឆ្នាំ ២០២៦ ម្សិលមិញ អនុវត្តតាមបទបញ្ជា លោក ឃួង ស្រេង អភិបាលរាជធានីភ្នំពេញ និងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញ ដោយ លោក ឃ្លាំង ហួត អភិបាលរងរាជធានីភ្នំពេញ និង លោក ពេញ ភារម្យ អភិបាលរងរាជធានីភ្នំពេញ បានដឹកនាំកម្លាំងសមត្ថកិច្ចចម្រុះ ក្រោមការសម្របសម្រួលផ្លូវច្បាប់ពី លោកស្រី ភី ស៊ីថង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ កម្លាំងនគរបាលរាជធានីភ្នំពេញ កម្លាំងអាវុធហត្ថរាជធានីភ្នំពេញ លោក កៀង ល័ក្ស អភិបាលខណ្ឌចំការមន បានចុះត្រួតពិនិត្យរដ្ឋបាលទីតាំង អគារ The Bridge ស្ថិតនៅផ្លូវលេខ ៧៨ ភូមិ ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

ជាក់ស្តែងឃើញថា ទីតាំងខាងលើជាប្រភេទអគារសហកម្មសិទ្ធ ចែកចេញជាពីរអគារ Residence និង អគារ Soho។ ក្នុងនោះ ក្រុមការងារសមត្ថកិច្ចចម្រុះ ត្រួតពិនិត្យផ្នែកអគារ Soho ដែលមានកម្ពស់ ៤០ ជាន់ ស្មើនឹង ៩២៥ បន្ទប់ (ជាន់ទី ១ ដល់ជាន់ទី ៤ ផ្សារទំនើប ជាន់ទី ៥ ដល់ជាន់ទី ១០ ចំណតយានយន្ត ជាន់ទី ១១ និង ទី ១២ ជាន់ប្រព័ន្ធទឹក និង ភ្លើង ជាន់ទី ១៣ អាងហែលទឹក ជាន់ទី ១៤ ដល់ ជាន់ទី ៣៧ បន្ទប់ស្នាក់នៅ ជាន់ទី ៣៨ ដល់ជាន់ទី ៤០ ការិយាល័យរបស់អគារ)។ ជាលទ្ធផល ក្រុមការងារសមត្ថកិច្ចចម្រុះ ត្រួតពិនិត្យរកឃើញមានមនុស្សស្នាក់នៅសរុបចំនួន ១៩៧ នាក់ ស្រី ៦៧ នាក់ មាន ១៧ សញ្ជាតិ មានលិខិតឆ្លងដែន និង ទិដ្ឋាការចុងក្រោយត្រឹមត្រូវ។

អាជ្ញាធរ បញ្ជាក់ថា មានជនបរទេសស្នាក់នៅខុសច្បាប់ និង ជនបរទេសរក្សាទុកគ្រឿងញៀនខុសច្បាប់ចំនួន ៤ នាក់ រួមមាន ៖ ជនបរទេសដែលពុំមានលិខិតឆ្លងដែនចំនួន ៣ នាក់ (ចិនម្នាក់ , កូរ៉េខាងត្បូងម្នាក់ និង ជប៉ុនម្នាក់) បានបញ្ជូនទៅស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធី។ ជនបរទេសរក្សាទុកគ្រឿងញៀនខុសច្បាប់ម្នាក់ (ជនជាតិអង់គ្លេស) និង ដកហូតកញ្ឆាក្រៀម ចំនួន ១៣១ ដុំ ស្មើ ៦៥ គីឡូក្រាម (ជាន់ទី ២៣ បន្ទប់លេខ ២៣៥៩) បានបញ្ជូនទៅស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធី៕
អត្ថបទ ៖ រដ្ឋា

The post ចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម appeared first on Kampuchea Thmey Daily.

ជាលទ្ធផល អាជ្ញាធរត្រួតពិនិត្យតាមបន្ទប់ស្នាក់នៅគ្រប់ជាន់ រកឃើញមានជនបរទេសស្នាក់នៅសរុបចំនួន ៤៨៩នាក់ ស្រី៣០៩ នាក់ មាន ១៨សញ្ជាតិ។ ក្នុងនោះរកឃើញបទល្មើសចំនួន ០៣បន្ទប់ ឃាត់ខ្លួនមនុស្សចំនួន ០៨នាក់ ស្រី ០១នាក់ មានលិខិតឆ្លងដែន ០៥នាក់ និងមិនមានលិខិតឆ្លងដែន ០៣នាក់ ។ ដោយដកហូតសម្ភារៈរួមមាន កុំព្យូទ័រយួរដៃចំនួន ០២គ្រឿង, ស៊ីភីយូចំនួន ០៨គ្រឿង , ម៉ូនីទ័រចំនួន ១៥គ្រឿង, កុំព្យូទ័រ All in One  ចំនួន ០៩គ្រឿង , ទូរស័ព្ទចំនួន ៤៤គ្រឿង ។

អាជ្ញាធរបានបញ្ជាក់ថា ដោយការិយាល័យប្រឆាំងបទល្មើសបច្ចេកវិទ្យា នៃស្នងការនគរបាលរាជធានីភ្នំពេញ ធ្វើការត្រួតពិនិត្យយ៉ាងជាក់ច្បាស់ថា សម្ភារៈខាងលើបានរកឃើញ ពិតជាជាប់ពាក់ព័ន្ធ ករណីល្បែងភ្នាល់តាមប្រព័ន្ធអនឡាញខុសច្បាប់ ។

ក្រោយបញ្ចប់ អាជ្ញាធរខណ្ឌចំការមន បានប្រគល់ជនបរទេសទាំងនោះ បញ្ជូនទៅកាន់ស្នងការដ្ឋាននគរបាលរាជធានីភ្នំពេញ ៕ អត្ថបទ ៖ រដ្ឋា

The post ឃាត់ខ្លួនជនបរទេស ០៨នាក់ ពាក់ព័ន្ធករណីល្បែងភ្នាល់តាមប្រព័ន្ធអនឡាញ និងមិនមានលិខិតឆ្លងដែននៅអគារ The Peak appeared first on Kampuchea Thmey Daily.

ការចុះរដ្ឋបាលនេះបានធ្វើឡើងកាលពីថ្ងៃទី ៣ ខែមិថុនា ឆ្នាំ ២០២៦​ នៅក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។

លោក កៀង លក្ស័ អភិបាលខណ្ឌចំការមន បានឲ្យដឹងថា លោកដឹកនាំ​គណៈបញ្ជាការឯកភាពរដ្ឋបាលខណ្ឌចំការមន ដោយបានការសម្របសម្រួលផ្លូវច្បាប់ពីលោកស្រី ភី ស៊ីថង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ចុះត្រួតពិនិត្យរដ្ឋបាលលើទីតាំងចំនួន ៣ ដោយមាននៅតាមផ្លូវសុធារស ភូមិ ១ , ផ្លូវសុធារស ភូមិ ៥ , ផ្លូវរដ្ឋសភា ភូមិ ១៤ ក្នុងមូលដ្ឋានសង្កាត់ទន្លេបាសាក់ ខណ្ឌចំការមន។

បន្ទាប់ពីត្រួតពិនិត្យចប់សព្វគ្រប់ ជាលទ្ធផល ទីតាំងទាំង ៣ ខាងលើ មានអ្នកស្នាក់នៅសរុបចំនួន ៨៨ នាក់ (ស្រី ៤៣ នាក់) ដោយក្នុងនោះ ស្របច្បាប់ ៨៦ នាក់ និង ខុសច្បាប់ ២ នាក់ ប៉ុន្តែពុំមានរកឃើញសម្ភារៈពាក់ព័ន្ធសង្ស័យបម្រើការឲ្យបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ឫ សម្ភារបម្រើឲ្យការលេងល្បែងស៊ីសង នោះទេ។ ក្នុងនោះ អាជ្ញាធរ ក៏បានផាកពិន័យជាទឹកប្រាក់លើម្ចាស់ទីតាំងទៅតាមច្បាប់ចែងផងដែរ៕
អត្ថបទ ៖ រដ្ឋា

The post ផាកពិន័យម្ចាស់ទីតាំង ១ កន្លែង ក្រោយត្រួតពិនិត្យជនបរទេស ៨៨ នាក់ រកឃើញស្នាក់នៅខុសច្បាប់ ២ នាក់ នៅសង្កាត់ទន្លេបាសាក់ appeared first on Kampuchea Thmey Daily.