ជនរងគ្រោះឈ្មោះ ឈៀង សុវណ្ណា ភេទប្រុស អាយុ ៤៦ ឆ្នាំ មុខរបររត់ម៉ូតូកង់បី ស្នាក់នៅផ្ទះជួលលេខ ៧ ផ្លូវលេខ ៣០៤ សង្កាត់បឹងកេងកងទី ២ ខណ្ឌបឹងកេងកង រាជធានីភ្នំពេញ។ ចំណែកជនសង្ស័យឈ្មោះ តាន់ ប៊ុនថា ភេទប្រុស អាយុ ៣៤ ឆ្នាំ មុខរបរជាម្ចាស់ហាងមជ្ឈមណ្ឌល ថែសម្ផស្ស អិន ១៦៨ ប៊ីយូធី និង ស្ប៉ា មានទីលំនៅផ្ទះជួលលេខ ៧៥ E០ ផ្លូវលេខ ៣១០ ក្រុមទី ១៧ ភូមិទី ២ សង្កាត់បឹងកេងកងទី ២ ខណ្ឌបឹងកេងកង រាជធានីភ្នំពេញ។

នគរបាល បានឲ្យដឹងថា កាលពីថ្ងៃទី ២៤ ខែមិថុនា ឆ្នាំ ២០២៦ ជនរងគ្រោះ និង ជនសង្ស័យ បានឈ្លោះប្រកែកគ្នា ដោយសារតែរឿងអ្នករត់ម៉ូតូកង់បីបានចតនៅខាងមុខផ្ទះជនសង្ស័យ ដែលធ្វើឲ្យជនសង្ស័យចូលរថយន្តមិនរួច ទើបបង្កជាហិង្សា លោតធាក់ជនរងគ្រោះដាច់ផ្ងាររងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យអង្គឌួង។

នគរបាល បន្តថា ដោយសារស្ថានភាពធ្ងន់ធ្ងរខ្លាំងពេក គ្រូពេទ្យ មិនអាចសង្គ្រោះជនរងគ្រោះបានឡើយ។ រហូតដល់វេលាម៉ោង ១៨ និង ០០ នាទី ថ្ងៃទី ២៧ ខែមិថុនា ឆ្នាំ ២០២៦ ទើបក្រុមគ្រួសារ សុំយកជនរងគ្រោះចេញមកផ្ទះវិញ ហើយបានដាច់ខ្យល់ស្លាប់បាត់បង់ជីវិតតែម្តង។

នគរបាលជំនាញ ក៏បានបញ្ជាក់ថា គ្រូពេទ្យកោសល្យវិច័យ នៃស្នងការដ្ឋាននគរបាលរាជធានីភ្នំពេញ បានត្រួតពិនិត្យសពរួចសន្និដ្ឋានថា ជនរងគ្រោះស្លាប់ដោយសារប៉ះទង្គិចក្បាលធ្ងន់ធ្ងរ៕
អត្ថបទ ៖ រដ្ឋា

The post អ្នករត់ម៉ូតូកង់បី ដែលត្រូវម្ចាស់ហាងថែសម្ផស្ស«អិន ១៦៨ ប៊ីយូធី និង ស្ប៉ា» ធាក់ដាច់ផ្ញារបោកក្បាលរបួសធ្ងន់ ពេលនេះបានស្លាប់បាត់បង់ជីវិតហើយ appeared first on Kampuchea Thmey Daily.

ជាក់ស្តែងកាលពីថ្ងៃទី ០១ ខែមិថុនា ឆ្នាំ ២០២៦ គណៈបញ្ជាការឯកភាពរដ្ឋបាលខណ្ឌបឹងកេងកង ដឹកនាំដោយ លោក សុខ សម្បត្តិ អភិបាល នៃគណៈអភិបាលខណ្ឌបឹងកេងកង និងជាប្រធានគណៈបញ្ជាការឯកភាពខណ្ឌបឹងកេងកង បានចុះត្រួតពិនិត្យតាមទីតាំងអគារខុនដូ អាផាតមិន បុរី ផ្ទះសំណាក់ និង សណ្ឋាគារមួយចំនួន ក្នុងគោលដៅប្រតិបត្តិការបោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS)។

លោក សុខ សម្បត្តិ អភិបាលខណ្ឌបឹងកេងកង បានឲ្យដឹងថា ក្នុងភូមិសាស្ដ្រខណ្ឌបឹងកេងកង មានសរុបចំនួន ០៥ ទីតាំង ជាលទ្ធផលបានរកឃើញជនបរទេសចំនួន ៣៣៧ នាក់ (ស្រី ១៣៥ នាក់) មានឯកសារត្រឹមត្រូវចំនួន ៣៣៧ នាក់។

អភិបាលខណ្ឌបឹងកេងកង ក៏បានបញ្ជាក់ថា ក្រុមការងារត្រួតពិនិត្យ មិនបានរកឃើញមានទីតាំងបទល្មើសឆបោកតាមប្រព័ន្ធបច្ចេកវិទ្យា និង ការប្រើប្រាស់គ្រឿងញៀន នោះឡើយ ៕
អត្ថបទ ៖ រដ្ឋា

The post គណៈបញ្ជាការឯកភាពខណ្ឌបឹងកេងកង បន្តចុះរដ្ឋបាលត្រួតពិនិត្យតាមខុនដូ ចំនួន ០៥ ទីតាំង appeared first on Kampuchea Thmey Daily.

ការបង្ហាញមុខជនសង្ស័យជាសាធារណៈនេះ បន្ទាប់ពីការិយាល័យព្រហ្មទណ្ឌកម្រិតស្រាល សហការជាមួយ នគរបាលខណ្ឌចំនួន ០៥ បានបើកការស្រាវជ្រាវរយៈពេល ០៣ ថ្ងៃ បង្រ្កាបជនសង្ស័យ ២៧ នាក់ ពាក់ព័ន្ធបទល្មើស ០៨ ករណី។

នគរបាលព្រហ្មទណ្ឌ បានឲ្យដឹងថា ដោយអនុវត្តតាមបទបញ្ជា លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាឲ្យអធិការខណ្ឌទាំង ១៤ ត្រូវបង្ការ និង ទប់ស្កាត់ រាល់បទល្មើសដែលកើតឡើងក្នុងមូលដ្ឋាន ដើម្បីរក្សាសុខសុវត្ថិភាពជូនប្រជាពលរដ្ឋ។

នគរបាល បានបន្តថា ចំពោះការយកជនសង្ស័យមកបង្ហាញមុខនេះមានការចូលរួមពីនគរបាលព្រហ្មទណ្ឌកម្រិតស្រាល សហការជាមួយ ខណ្ឌព្រែកព្នៅ , ខណ្ឌ ០៧ មករា , ខណ្ឌពោធិ៍សែនជ័យ , ខណ្ឌចំការមន , ខណ្ឌបឹងកេងកង ដោយរួមមានបទល្មើសឃាតកម្ម ០១ ករណី , ហិង្សា ០៣ ករណី , លួច ០៤ ករណី និង ដកហូតវត្ថុតាង ដុំថ្ម និង កាំបិតកែច្នៃ។

បច្ចុប្បន្ន ជនសង្ស័យទាំង ២៧ នាក់ ត្រូវបានសមត្ថកិច្ចតាមបណ្តាខណ្ឌ នាំយកទៅកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់៕
អត្ថបទ ៖ រដ្ឋា

The post នគរបាលរាជធានី បង្ហាញមុខជនសង្ស័យ ២៧ នាក់ ពាក់ព័ន្ធបទល្មើស ០៨ ករណី appeared first on Kampuchea Thmey Daily.

ប្រភពព័ត៌មាន បានឲ្យដឹងថា ជនសង្ស័យមានឈ្មោះ ហ.ស.ប ភេទប្រុស អាយុ ៣៦ ឆ្នាំ ត្រូវបានឃាត់ខ្លួនក្រោយពីសមត្ថកិច្ចទទួលបានពាក្យបណ្តឹងពីជនរងគ្រោះជាង ២០ ករណី ដែលចោទប្រកាន់ថា ក្រុមហ៊ុនទេសចរណ៍ខាងលើបានទទួលប្រាក់ពីអតិថិជន ដើម្បីរៀបចំដំណើរកម្សាន្តទាំងក្នុង និងក្រៅប្រទេស ប៉ុន្តែមិនបានអនុវត្តតាមកិច្ចសន្យា និងមិនបានរៀបចំដំណើរកម្សាន្តជូនអតិថិជនដូចការសន្យានោះឡើយ។

ដោយឡែកតាមការស៊ើបអង្កេត បានបង្ហាញថា ក្រុមហ៊ុន VR SMILE TOUR AND TRAVEL Co.,Ltd មានទីតាំងស្ថិតនៅសង្កាត់បឹងកេងកង ៣ ខណ្ឌបឹងកេងកង រាជធានីភ្នំពេញ បានប្រើប្រាស់យុទ្ធសាស្ត្រផ្សព្វផ្សាយទាក់ទាញអតិថិជន ដោយផ្តល់ជូនកញ្ចប់ដំណើរកម្សាន្តតម្លៃទាប និងមានការផ្សព្វផ្សាយយ៉ាងទូលំទូលាយតាមបណ្ដាញសង្គម ប៉ុន្តែបន្ទាប់ពីទទួលប្រាក់ហើយ មិនបានបំពេញកាតព្វកិច្ចដូចការសន្យានោះទេ។

បច្ចុប្បន្ន ជនសង្ស័យ ត្រូវបានសមត្ថកិច្ចបញ្ជូនទៅឃុំនៅពន្ធនាគារ តាមដីកាបង្គាប់ឲ្យឃុំរបស់ចៅក្រមស៊ើបសួរ នៃសាលាដំបូងរាជធានីភ្នំពេញ ដើម្បីបន្តនីតិវិធីច្បាប់តាមបែបបទ។

សមត្ថកិច្ច ក៏បានអំពាវនាវដល់ប្រជាពលរដ្ឋដែលធ្លាប់រងគ្រោះពីករណីស្រដៀងគ្នា ឬមានពាក់ព័ន្ធនឹងក្រុមហ៊ុនខាងលើ សូមធ្វើការដាក់ពាក្យបណ្តឹងបន្ថែម ដើម្បីចាត់វិធានការតាមផ្លូវច្បាប់បានពេញលេញ និងការពារសិទ្ធិរបស់ជនរងគ្រោះ៕

អត្ថបទ ៖ សំណាង

The post ចាប់ខ្លួនម្ចាស់ក្រុមហ៊ុនទេសចរណ៍ ១ កន្លែង ពាក់ព័ន្ធការឆបោកប្រាក់អតិថិជនជាច្រើននាក់ appeared first on Kampuchea Thmey Daily.

ករណីលោតសម្លាប់ខ្លួននេះបង្កការភ្ញាក់ផ្អើលកាលពីវេលាម៉ោង ៩ ព្រឹក ថ្ងៃទី ២៥ ខែមីនា ឆ្នាំ ២០២៦ នៅចំណុចអាផាតមិន យីហោ «Bellavita» លើបណ្តោយផ្លូវលេខ ៥៧ កែងផ្លូវ ២៧៨ ក្នុងសង្កាត់បឹងកេងកងទី ១ ខណ្ឌបឹងកេងកង រាជធានីភ្នំពេញ។

តាមការបញ្ជាក់ពីពលរដ្ឋ បានឲ្យដឹងថា កាលពីវេលាម៉ោង ៥ ទៀបភ្លឺ គាត់បានមករៀបចំ ដើម្បីបើកតូបលក់កាហ្វេដូចសព្វមួយដង។ លុះគាត់រៀបចំតូបរួចរាល់ ដល់វេលាម៉ោងប្រហែលជាង ៦ ព្រឹក ក៏បានដើរយកកាហ្វេឲ្យភ្ញៀវដែលកុម្ម៉ង់ ដោយបានឆ្លងកាត់នៅចំណុចកើតហេតុ។ ភ្លាមៗ នោះ ស្រាប់តែប្រទះឃើញជនជាតិបរទេសម្នាក់ ស្លៀកកន្សែង ស្លាប់ក្បែរម៉ាស៊ីនភ្លើងរបស់អគារអាផាតមិនខាងលើ។ ខណៈនោះ ប្រជាពលរដ្ឋ ក៏បានទំនាក់ទំនងទៅកាន់មន្រ្តីមូលដ្ឋាន ដើម្បីចុះមកទីតាំងកើតហេតុអន្តរាគមន៍តែម្តង។

ដោយឡែកបើតាមប្រភពពីនគរបាល បានឲ្យដឹងថា យោងតាមកាមេរ៉ាសុវត្ថិភាព គឺជនជាតិបរទេសខាងលើ បានលោតសម្លាប់ខ្លួន តាំងពីវេលាម៉ោង ៣ ទៀបភ្លឺ មកម្ល៉េះ។

ក្រោយកើតហេតុ សមត្ថកិច្ចមូលដ្ឋាន រួមជាមួយមន្រ្តីជំនាញចក្ខុកោសល្យវិច័យ បានចុះត្រួតពិនិត្យ រួចយកសពទៅតម្កល់នៅវត្តទឹកថ្លា រង់ចាំសាច់ញាតិមកទទួលធ្វើបុណ្យតាមប្រពៃណី៕
អត្ថបទ ៖ រដ្ឋា

The post ជនបរទេសម្នាក់ លោតសម្លាប់ខ្លួនពីលើអគារជួល ១ កន្លែង ក្នុងមូលដ្ឋានបឹងកេងកង appeared first on Kampuchea Thmey Daily.

ប្រតិបត្តិការ​នេះ​ធ្វើឡើង​កាលពី​ថ្ងៃ​ទី ២៧ ខែ​មករា ឆ្នាំ ២០២៦ ដោយ​កម្លាំង​គណៈ​បញ្ជាការ​ឯកភាព​ខណ្ឌ​បឹង​កេងកង ដឹកនាំ​ដោយ​លោក សុខ សម្បត្តិ អភិបាល​ខណ្ឌ និង​កម្លាំង​ជំនាញ បាន​ចុះ​ឆែកឆេរ​ចំណុច​អគារ​លេខ ៦២៣ AGILE SKY RESIDENCE នៅ​ផ្លូវ​មុនី​វង្ស ភូមិ ៧ សង្កាត់​បឹង​កេងកង ៣ ខណ្ឌ​បឹង​កេងកង រាជធានី​ភ្នំពេញ។

ក្នុង​រង្វង់​ប្រតិបត្តិការ​កម្លាំង​ជំនាញ​បាន​ធ្វើការ​ឆែកឆេរ​បន្ទប់​លេខ​ A36-16 និង​បន្ទប់​លេខ​ A36-17 ធ្វើការ​ឃាត់ខ្លួន​ជនសង្ស័យ​ម្នាក់ ពាក់ព័ន្ធ​ក្នុង​ករណី​ឃុំឃាំង និង​បង្ខាំង​មនុស្ស​ដោយ​ខុសច្បាប់​ជំរិត​ទារ​ប្រាក់​ចំនួន ​៥,០០០ ដុល្លារ។ កម្លាំង​អាជ្ញាធរ​បាន​ដកហូត​សម្ភារៈ​រួមមាន ៖ លិខិត​ឆ្លងដែន​ចំនួន ១ ច្បាប់ ​, សៀវភៅ​ការងារ​ជនបរទេស​ចំនួន ១​ សន្លឹក ​, ម្សៅ​ម៉ត់​ស​ចំនួន ២ កញ្ចប់ (​សង្ស័យ​ជា​គ្រឿង​ញៀន​) , ក្រាម​ពណ៌​ស​ថ្លា​ចំនួន​ ៤​ កញ្ចប់​ តូច​ ២ ធំ ​២ (​សង្ស័យ​ជា​គ្រឿងញៀន​) , ជញ្ជីង​ថ្លឹង​គ្រឿង​ញៀន​ចំនួន ២ , ថ្នាំ​គ្រាប់​អក្សរ​ wwy ចំនួន​ ១២​ គ្រាប់ ​, សម្ភារៈ​កែច្នៃ​សម្រាប់​ប្រើប្រាស់​គ្រឿងញៀន​មួយ​ចំនួន និង​ខ្សែ​ច្រវាក់​ដែក​អ៊ីណុក​ពណ៌​ស ​ប្រវែង​ជាង​ ១​ ម៉ែត្រ។

មន្ត្រី​ជំនាញ​ បាន​បញ្ជាក់​ថា ជនសង្ស័យ​ឈ្មោះ REN XIAOPENG អាយុ​ ៤២ ​ឆ្នាំ ជនជាតិ​ចិន ស្នាក់នៅ​បន្ទប់​លេខ A36-16 និង​បន្ទប់​លេខ A36-17 ជាន់​ទី ៣៦។ ចំណែក​ជនរងគ្រោះ​ឈ្មោះ ហ គ ហ ភេទ​ស្រី អាយុ ​២៣ ​ឆ្នាំ ជនជាតិ​ខ្មែរ មុខរបរ​បុគ្គលិក​ហាង ស្នាក់នៅ​សង្កាត់​ភ្នំពេញ​ថ្មី ខណ្ឌ​សែន សុខ រាជធានី​ភ្នំពេញ។

គួរ​រំលឹក​ផង​ដែរ​ថា កាលពី​ថ្ងៃ​ទី ២៣ ខែ​មករា ឆ្នាំ ២០២៦ ជនរងគ្រោះ និង​ជនសង្ស័យ បាន​ចូល​មក​ស្នាក់នៅ​បន្ទប់​លេខ A36-16 និង​បន្ទប់​លេខ A36 -17 ជាន់​ទី ៣៦ អគារ​ខាងលើ។ លុះ​ថ្ងៃ​ទី​ ២៦ ខែ​មករា ឆ្នាំ ​២០២៦ ជនសង្ស័យ​បាន​យក​ទូរស័ព្ទ​របស់​ជនរងគ្រោះ​ឆាត​ទៅ​ទារ​លុយ​បងស្រី​បង្កើត​ជនរងគ្រោះ​ចំនួន ​៥,០០០​ ដុល្លារ។ បន្ទាប់មក​ បងស្រី​របស់​ជនរងគ្រោះ​បាន​មក​រាយការណ៍ និង​ដាក់​ពាក្យ​ប្តឹង​នៅ​សមត្ថកិច្ច​ប៉ុស្ដិ៍​នគរបាល​រដ្ឋបាល​បឹង​កេងកង​ទី ៣។

បច្ចុប្បន្ន ជនសង្ស័យ និង​វត្ថុតាង​ ត្រូវ​បាន​បញ្ជូន​ទៅ​អធិការដ្ឋាន​នគរបាល​ខណ្ឌ​បឹង​កេងកង ដើម្បី​កសាង​សំណុំរឿង​ចាត់ការ​តាម​នីតិវិធី៕

អត្ថបទ ៖ សុភា

The post ឃាត់ខ្លួនជនជាតិចិនម្នាក់ សង្គ្រោះនារីរងគ្រោះខ្មែរម្នាក់ ករណីចាប់ឃុំឃាំង និងបង្ខាំងមនុស្សជំរិតទារប្រាក់ នៅខណ្ឌបឹងកេងកង appeared first on Kampuchea Thmey Daily.

ហេតុការណ៍​នេះ​បង្ក​ការ​ភ្ញាក់ផ្អើល​កាលពី​វេលា​ម៉ោង ១០ និង ៣០ នាទី ព្រឹក​ថ្ងៃ​ទី ២ ខែ​ធ្នូ ឆ្នាំ ២០២៥ ស្ថិត​នៅ​ចំណុច​ផ្ទះ​លេខ P-55 តាម​បណ្ដោយ​ផ្លូវ ផ្លា​ទី​នឹម សង្កាត់​ទំនប់ទឹក ខណ្ឌ​បឹង​កេងកង រាជធានី​ភ្នំពេញ។

តាម​ការ​បញ្ជាក់​ពី​ប្រជាពលរដ្ឋ​បាន​ឲ្យ​ដឹង​ថា មុន​កើតហេតុ​គេ​ឮ​សំឡេង​ផ្ទុះ លុះ​មួយសន្ទុះ​ក្រោយមក ស្រាប់​តែ​មាន​ផ្សែង​ហុយ​ខ្មួលខ្មាញ់​លាយឡំ​អណ្ដាតភ្លើង​តែម្ដង បង្ក​ឲ្យ​ផ្អើល​ឆោឡោ​ពលរដ្ឋ​ក្បែរ​ខាង​យក​បំពង់​អគ្គិភ័យ​មក​បាញ់​ពន្លត់ ប៉ុន្តែ​គ្រប់គ្រង​មិន​បាន ទើប​ប្រញាប់​រាយការណ៍​ជូន​សមត្ថកិច្ច ដើម្បី​មក​ជួយ​បាញ់​ពន្លត់ និង​សង្គ្រោះ​យុវតី​ដែល​នៅ​ជាប់​ខាងលើ។ ភ្លាមៗ សមត្ថកិច្ច​ជំនាញ បាន មក​ដល់​ទីតាំង​សម្រុក​ឡើង​ទៅ​ជួយ​សង្គ្រោះ​យក​យុវតី​ដែល​ជាប់​នៅ​ជាន់​ទី ១ ចុះ​មក​ក្រោម បញ្ជូន​ទៅ​មន្ទីរពេទ្យ​សង្គ្រោះ​ដោយ​សុវត្ថិភាព។

អគ្គិភ័យ​នេះ​បង្ក​ការ​ខូចខាត កាបូបស្ពាយ ខោអាវ រួម​នឹង​សម្ភារៈ​មួយ​ចំនួន​តូច តែ​មិន​រាលដាល​ប៉ះពាល់​ធ្ងន់ធ្ងរ​នោះ​ឡើយ។ ក្នុង​នោះ ប្រើប្រាស់​រថយន្ត​ពន្លត់​អគ្គិភ័យ​របស់​ស្នងការដ្ឋាន​នគរបាល​រាជធានី​ភ្នំពេញ ចំនួន ៤ គ្រឿង និង​រថយន្ត​ជំនួយ​ទីក្រុង​អូ​ឡាំ​ព្យា ២ គ្រឿង បាញ់​ឲ្យ​រលត់​ជា​ស្ថាពរ៕

អត្ថបទ ៖ រដ្ឋា

The post ឆ្លងចរន្តអគ្គិសនីឆេះផ្ទះស្តុកកាបូបស្ពាយ និង ខោអាវ ១ កន្លែង ជាប់គាំងយុវតីម្នាក់ តែសមត្ថកិច្ចសង្គ្រោះទាន់ពេល ក្បែរផ្សារសុវណ្ណា appeared first on Kampuchea Thmey Daily.

ជាក់ស្ដែងកំណាត់ផ្លូវដែលកំពុងកើតមានជង្ហុកឡើងវិញនេះ ស្ថិតនៅតាមបណ្ដាយផ្លូវលេខ ៣២២ កែងផ្លូវត្រសក់ផ្អែម សង្កាត់បឹងកេងកង ១ ខណ្ឌបឹងកេងកង រាជធានីភ្នំពេញ។

បើតាមការសាកសួរជាមួយលោក វណ្ណា ជារត់កង់ដែលតែងតែចាំភ្ញៀវនៅលើកំណាត់ផ្លូវនោះបានអោយដឹងថាលោកសង្កេតឃើញថាជង្ហុកទាំងនេះ ដំបូងឡើងមាន បន្តិចបន្តួចនោះទេ តែដោយសារ មិនជួលជុលទុកអោយជ្ហុកទាំងនោះទៅជាធំទៅៗ ពេលខ្លះឃើញមានម្ចាស់ផ្ទះ បានយកកំទេចថ្មមកចាក់បំពេញជង្ហុក ជៀសវាងមានអ្នកធ្វើដំណើរជិះធ្លាក់ជង្ហុកគ្រោះថ្នាក់ជាយថាហេតុ ។ 

ពាក់ព័ន្ធបញ្ហានេះ លោក ហេង ពិសិដ្ឋ អភិបាលរងខណ្ឌបឹងកេងកង បានប្រាប់កម្ពុជាថ្មី ឲ្យដឹងថា ចំពោះផ្លូវនេះអាជ្ញាធរសង្កាត់ បានលើកជាគម្រោងរួចរាល់ហើយ និង ធើ្វការស្ថាបនាឡើងវិញនៅឆ្នាំក្រោយ ដោយប្រើប្រាស់ថិវិកាអភិវឌ្ឍន៍សង្កាត់។ ចំពៅះផ្លូវនេះនៅសល់តែមួយកំណាត់តែប៉ុណ្ណាះ ចាប់ពីផ្លូវលេខ ៣២២ កែង ៦៣។

លោកអភិបាលរង ក៏បានសូមឲ្យប្រជាពលរដ្ឋដែលធើ្វដំណើរឆ្លងកាត់ផ្លូវខាងលើ មេត្តាអធ្យាស្រ័យដល់ការយឺតយ៉ាវក្នុងការជួសជុលឡើងវិញផង។

គួររំលឹកផងដែរថា កន្លងមកប្រជាពលរដ្ឋរស់នៅក្នុងមូលដ្ឋាន បានរៀបរាប់ពីការលំបាកក្នុងការធើ្វដំណើរ និងសំណូមពរទៅកាន់អាជ្ញាធរពីបញ្ហាផ្លូវនេះផងដែរ ដោយផ្លូវខាងលើនេះចាប់ផ្តើមខូចខាតកាន់តែខ្លាំងទៅៗ ដោយសារមានភ្លៀងធ្លាក់ទឹកហូរច្រោះ បង្កឲ្យកើតមាននូវជង្ហុកសំបុកមាន់កាន់តែច្រើនស្ទើរតែជិះមិនកើតតែម្តង ដែលខូចខាតប្រវែងជិត ១០០ ម៉ែត្រ។៕

អត្ថបទ ៖ ម៉េង

The post កំណាត់ផ្លូវ ៣២២ ចាប់ផ្ដើមកើតមានជង្ហុកឡើងវិញ ពលរដ្ឋស្នើអាជ្ញាធរពន្លឿនការជួសជុល appeared first on Kampuchea Thmey Daily.