ជនសង្ស័យ ដែលឃាត់បានទីឈ្មោះសឿង គឹមហុង, ឈ្មោះតាំង គីមសាយ, ឈ្មោះយឹម បុត្ររ៉ាសាក់ , ឈ្មោះង៉ែត រាជ្យ, ឈ្មោះជីវន្ត វិសាល,  ឈ្មោះ ឆេង សុផាន់នី, ឈ្មោះ ទូច ឆេងអ័រ , ឈ្មោះធឿន វុធធី ធើ្វអោយសម្ភារ: ខូចខាតមួយចំនួន ដូចជា បាក់កាបាំងមុខខាងស្តាំ បែកកាតតាប៊ូមុខ បាក់ដៃប្រាំងខាងមុខ។

តាមប្រភពព័ត៌មានបានឲ្យដឹងថា នៅយប់កើតហេតុជនរងគ្រោះមានគ្នា៤នាក់ជិះម៉ូតូ២គ្រឿង ធ្វើដំណើរឆ្លងកាត់ផ្លូវបេតុងវត្តអង្គតាមិញ លុះមកដល់ចំណុចកើតហេតុស្រាប់តែជួបជាមួយក្រុមក្មេងទំនើងទាំងនោះ ហើយក៏ត្រូវក្មេងទំនើងដេញវាយធ្វើឲ្យជនរងគ្រោះរបួស២នាក់ ដោយភ័យពេកក៏រត់ចោលម៉ូតូត្រូវបានពួកគេវាយម៉ូតូបណ្តាលឲ្យខួចខាត ហើយនាំគ្នារត់គេចខ្លួនអស់។

ក្រោយកើតហេតុជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលចោមចៅទី១ ដើម្បីសុំការអន្តរាគមន៍។

ក្រោយទទួលបណ្តឹងជនរងគ្រោះរួចកម្លាំងសមត្ថកិច្ចធ្វើការស្រាវជ្រាវរហូតឃាត់ខ្លួនបានជាបន្តបន្ទាប់សរុបចំនួន៨នាក់។

បច្ចុប្បន្ន ជនសង្ស័យកំពុងកសាងសំណុំរឿងបណ្ជូនទៅផ្នែកព្រហ្មទណ្ឌនៃអធិការដ្ឋាននគរបាលខណ្ឌពោធិ៍សែនជ័យដើម្បីចាត់ការតាមច្បាប់៕ដោយ៖សុខា

The post សមត្ថកិច្ចប៉ុស្តិ៍ចោមចៅទី១ ឃាត់ក្រុមក្មេងទំនើង៨នាក់ជាបន្តបន្ទាប់ក្រោយបង្កហឹង្សាទៅលើយុវជន៤នាក់របួស appeared first on Kampuchea Thmey Daily.

លោក កង វង ចៅសង្កាត់ចោមចៅទី១ បានឲ្យដឹងថា ដើម្បីជាប្រយោជន៍រួម និងងាយស្រួលដល់ប្រជាពលរដ្ឋធ្វើដំណើរ លោកបានចាត់តាំងឲ្យជំនាញចុះពិនិត្យសិក្សាផ្លូវខាងលើរួច កាលពីថ្ងៃទី២៣ ខែមិថុនា ឆ្នាំ២០២៦នេះ លោកបានដាក់គ្រឿងចក្រមកឈូសឆាយ ដើម្បីបើកផ្លូវឲ្យធ្វើដំណើរឆ្លងកាត់ ដោយមានប្រវែងជាង៥០០ម៉ែត្រ។

លោក កង វង បានបន្តថា ក្រោយពីបញ្ចប់ការឈូសឆាយ និងបង្ហាប់ដីឱ្យរាបស្មើហើយ រដ្ឋបាលសង្កាត់នឹងបន្តចាក់ក្រាលថ្មមិចបន្ថែមទៀត ដើម្បីឱ្យផ្លូវនេះកាន់តែមានគុណភាព និងងាយស្រួលធ្វើដំណើរជាងមុន»។

ការយកចិត្តទុកដាក់របស់អាជ្ញាធរមូលដ្ឋានក្នុងការអភិវឌ្ឍហេរដ្ឋាសម្ព័ន្ធនេះ ទទួលបានការត្រេកអរ និងសាទរយ៉ាងខ្លាំងពីសំណាក់ប្រជាពលរដ្ឋនៅក្នុងភូមិត្រពាំងថ្លឹង២ទាំងមូល៕ដោយ៖សុខា

The post រដ្ឋបាលសង្កាត់ចោមចៅទី១ ដាក់គ្រឿងចក្រឈូសឆាយកាយបើកផ្លូវមួយខ្សែនៅភូមិត្រពាំងថ្លឹង២ appeared first on Kampuchea Thmey Daily.

ដោយមានការចង្អុលបង្ហាញពី លោក សក់ ច័ន្ទកញ្ញារិទ្ធ អភិបាល នៃគណៈអភិបាលខណ្ឌពោធិ៍សែនជ័យ កាលពីរសៀលថ្ងៃទី ២២ ខែមិថុនា ឆ្នាំ ២០២៦ លោក លាង ដាវីត នាយករងរដ្ឋបាលខណ្ឌ បានដឹកនាំកម្លាំង ចុះបង្ក្រាបទីតាំងឆ្នោតឡូតូ និង ជល់មាន់អនឡាញ ដែលជាប្រភេទល្បែងស៊ីសងខុសច្បាប់ ចំនួន ៥ កន្លែង ផ្សេងគ្នា ក្នុងមូលដ្ឋានខណ្ឌពោធិ៍សែនជ័យ។

អាជ្ញាធរ បានឲ្យដឹងថា ទីតាំងទាំង ៥ ដែលអាជ្ញាធរចុះបង្ក្រាបរួមមាន ៖ ទី១.នៅភូមិព្រៃព្រីងខាង ២ ចំនួន ១ ទីតាំង សង្កាត់ចោមចៅទី ៣។ ទី២.នៅភូមិត្រពាំងពោធិ៍ ចំនួន ៣ ទីតាំង សង្កាត់ចោមចៅទី ៣។ ទី៣.នៅភូមិត្រពាំងទា ចំនួន ១ ទីតាំង សង្កាត់ត្រពាំងក្រសាំង។

ក្នុងរង្វង់ប្រតិបត្តិការនេះ អាជ្ញាធរ បានដកហូតវត្ថុតាងមួយចំនួនយកមករក្សាទុកនៅសាលាខណ្ឌពោធិ៍សែនជ័យ ចំណែកទីតាំងបើកល្បែងស៊ីសង ត្រូវបានធ្វើកិច្ចសន្យាបញ្ចប់ការបើកល្បែងស៊ីសងតទៅទៀត៕
អត្ថបទ ៖ សុខា

The post បង្ក្រាបទីតាំងឆ្នោតឡូតូ និង ជល់មាន់អនឡាញ ចំនួន ៥ កន្លែង ក្នុងមូលដ្ឋានខណ្ឌពោធិ៍សែនជ័យ appeared first on Kampuchea Thmey Daily.

ដោយមានភ្លៀងធ្លាក់ជាប់គ្នាប៉ុន្មានថ្ងៃមកនេះ ធ្វើឲ្យប្រព័ន្ធក្នុងភូមិសាស្ត្រសង្កាត់ចោមចៅទី៣ នៃខណ្ឌពោធិ៍សែនជ័យមានការស្ទះចរន្តទឹកហូរ ។កាលពីថ្ងៃទី១៩ ខែមិថុនា ឆ្នាំ២០២៦ នៅអាជ្ញាធរសង្កាត់ចោមចៅទី៣ បានសហការជាមួយមន្ត្រីសាលារាជធានីភ្នំពេញ បានចុះបូមស្តារអណ្តូងលូ ក្នុងភូមិត្រពាំងពោធិ៍ ដើម្បីសម្រួលចរន្តទឹកឲ្យបានហូរលឿន។

លោក សៅ សារិន មេភូមិត្រពាំងពោធិ៍បានឲ្យដឹងថា ក្រោយមេឃធ្លាក់ភ្លៀងជាប់ៗគ្នា នៅក្នុងភូមិសាស្ត្រ ភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ ធ្វើឲ្យទឹកហូរទឹកចេញពីប្រព័ន្ធលូ ដក់ជាប់ផ្លូវប៉ះពាល់ដល់ ការធ្វើដំណើរក៏ដូចជា ការរស់នៅរបស់ប្រជាពលរដ្ឋ។ ទើបនៅថ្ងៃទី១៩ ខែមិថុនា ឆ្នាំ២០២៦នេះ លោក ស្នើរសុំរថយន្តបូមលូរបស់មន្ទីរសាធារណៈការ និង ដឹកជញ្ជូន សាលារាជធានីភ្នំពេញមួយគ្រឿង ដើម្បីចុះមកបូមស្តារប្រព័ន្ធលូខាងលើ។

ក្នុងនាមអាជ្ញាធរលោកសូមអរគុណដល់លោក ឃួង ស្រេង អភិបាលរដ្ឋធានីភ្នំពេញ និងលោក សាំងពិសិដ្ឋ ប្រធានមន្ទីរសាធារណៈការ និងដឹកជញ្ជូនរាជធានីភ្នំពេញ ដែលបានផ្តល់រថយន្តមកបូមលូទាន់ពេលវេលា។ ហើយសូមសំណូមពរដល់ប្រជាពលរដ្ឋមេត្តាទុកដាក់សំរាមឲ្យបានត្រឹមត្រូវ៕ ដោយសុខា

The post អាជ្ញាធរសង្កាត់ចោមចៅទី៣ សហការជាមួយមន្ត្រីសាលារាជធានីចុះបូមស្តារប្រព័ន្ធលូជូនពលរដ្ឋ នៅភូមិត្រពាំងពោធិ៍ appeared first on Kampuchea Thmey Daily.

ជនរងគ្រោះ មានឈ្មោះខុន នីម ភេទប្រុស អាយុ៤២ឆ្នាំ រងរបួសបែកជញ្ជើមផុសឆ្អឹង បែកមាត់ និងរយ:សាច់ប្រដាប់ភេទ មានទីលំនៅ នៅភូមិត្រពាំងរាំងចាស់ សង្កាត់ឃ្មួញ ខណ្ឌសែនសុខ រាជធានីភ្នំពេញ។

បើតាមប្រភពព័ត៌មានបានឲ្យដឹងថា មុនពេលកើតហេតុគេ បានឃើញបុរសម្នាក់បើកកង់បីឥណ្ឌា ពាក់ស្លាកលេខ តាកែវ 1T-2866  ធ្វើដំណើរតាមបណ្តោយផ្លូវមហាវិមានឈ្នះ ឈ្នះ ក្នុងទិសដៅពីលិចទៅកើតក្នុងល្បឿនលឿនលុះមកដល់ចំណុចកើតហេតុ ជ្រុលទៅបុកជាមួយរថយន្តមិនចាំម៉ាកមួយគ្រឿង ដែលធ្វើដំណើរនៅខាងមុខចាប់ហ្វ្រាំងមិនជាប់ក៏ជ្រុលបុកពីក្រោយពេញទំហឹង បណ្តាលឲ្យគៀបតៃកុងកង់បីរងរបួសធ្ងន់ ចំណែករថយន្តបន្តដំណើរទៅបាត់។

ក្រោយកើតហេតុជនរងគ្រោះ ត្រូវបានកងប្រតិបត្តិការរុករកនិងសង្រ្គោះគ្រោះមហន្តរាយ៧១១ កងពលតូចលេខ៧០ បានចេញជួយសង្រ្គោះកាត់ដែកយកចេញ និងបញ្ជូនទៅព្យាបាលនៅមន្ទីរពេទ្យព្រះកុសុម:៕ដោយ៖សុខា

The post បើកកង់បីឥណ្ឌាលឿនជ្រុល បុករថយន្តនៅខាងមុខបណ្តាលឲ្យគៀបតៃកុងជាប់រងរបួសធ្ងន់ appeared first on Kampuchea Thmey Daily.

លោក វ៉ា សាវឿន ចៅសង្កាត់ចោមចៅទី ៣ បានឲ្យដឹងថា ដោយមានការណែនាំពីលោក សក់ ច័ន្ធកញ្ញារិទ្ធ អភិបាល នៃគណៈអភិបាលខណ្ឌពោធិ៍សែនជ័យ ឲ្យចុះប្រមូលបោសសម្អាតក្រុមអនាថាទាំងនោះដែលនាំគ្នាដើរស្នាក់អាស្រ័យ(ដេក)តាមចិញ្ចើមផ្លូវ ក្រោមស្ពាន ដីឡូត៍ បង្កឲ្យមានការប៉ះពាល់ដល់សណ្តាប់ធ្នាប់ សោភ័ណភាព ទើប លោក សហការជាមួយមន្ទីរសង្គមកិច្ច អតីតយុទ្ធជន និង យុវនីតិសម្បទារាជធានីភ្នំពេញ បានដឹកនាំក្រុមការងារ ចុះប្រមូលដើម្បីយកទៅសង្គមកិច្ចរាជធានី។

ក្នុងប្រតិបត្តិការខាងលើនេះកម្លាំងបានឃាត់ខ្លួនក្រុមជនអនាថាចំនួន ១០ នាក់ ក្នុងនោះ មានស្រីម្នាក់។ ក្រោយឃាត់ខ្លួន ជនអនាថាទាំងនោះ ត្រូវបានបញ្ជូនទៅមន្ទីរសង្គមកិច្ច អតីតយុទ្ធជន និង យុវនីតិសម្បទារាជធានីភ្នំពេញ៕
អត្ថបទ ៖ សុខា

The post រដ្ឋបាលសង្កាត់ចោមចៅទី ៣ សហការជាមួយមន្ទីរសង្គមកិច្ចរាជធានីភ្នំពេញ ចុះប្រមូលក្រុមជនអនាថារស់នៅតាមផ្លូវបង្កផលប៉ះពាល់សណ្តាប់ធ្នាប់ appeared first on Kampuchea Thmey Daily.

សមត្ថកិច្ចបានឲ្យដឹងថា រថយន្តបង្កប្រភេទកុងតឺន័រ ម៉ាកFUSO ពណ៌បៃតង ពាក់ស្លាកលេខ ព្រះសីហនុ 3A-2992 សណ្តោងរុឺម៉កកុងតឺន័រ ពាក់ស្លាកលេខ ព្រះសីហនុ 4A-0591 ភ្លាមៗអ្នកបើកបរបានចុះពីរថយន្តរត់គេចខ្លួនបាត់ ទុកតែរថយន្តនៅនិងកន្លែងកើតហេតុ។

តាមប្រភពនៅកន្លែងបានឱ្យដឹងថា មុនកើតហេតុរថយន្តបង្កបើកពីលិចទៅកើត សង្ស័យងងុយដេក ដល់ចំណុចកើតហេតុ រេចង្កូតឡើងខឿនទ្រូងផ្លូវ បុករះបង្គោលស្លាកសញ្ញាចរាចរណ៍ ស្លាកប៉ាណូ បង្គោលភ្លើង រួមទាំងការឺឡា រថយន្តកល់ជាប់ទៅមុខលែងរួច ខូចទ្រូងផ្លូវជាង៣០ម៉ែត្រ។

បន្ទាប់ពីកើតហេតុ សមត្ថកិច្ចមូលដ្ឋានចុះទៅសម្រួលចរាចរណ៍ បានទាក់ទងសមត្ថកិច្ចជំនាញចុះពិនិត្យផលប៉ះពាល់ ការខូចខាត ហើយប្រគល់ឱ្យការិយាល័យចរាចរណ៍ជើងគោក នៃស្នងការនរគបាលរាជធានីភ្នំពេញ យកទៅរក្សាទុករងចាំដោះស្រាយផលប៉ះពាល់សម្បត្តិរដ្ឋជាក្រោយ៕ អត្ថបទ ៖សុខា

The post ទាំងព្រឹកព្រឹលឹម ! រថយន្តកុងតឺន័រឡើងខឿនទ្រូងផ្លូវបុករះ បង្គោលភ្លើង ស្លាកសញ្ញាចរាចរណ៍ខូចខាតជាង ៣០ម៉ែត្រ appeared first on Kampuchea Thmey Daily.

លោក កង វង ចៅសង្កាត់ចោមចៅទី ១ បានឲ្យដឹងថា ក្រោយទទួលបានព័ត៌មានពីប្រជាពលរដ្ឋមានក្រុមជនអនាថាបោះតង់សំងំប្រើប្រាស់គ្រឿងញៀននៅទីតាំងខាងលើ លោកក៏បានដឹកនាំកម្លាំងចុះរដ្ឋបាល និង ធ្វើការឃាត់ខ្លួនជនសង្ស័យសរុបចំនួន ១៤ នាក់ ព្រមទាំងដកហូតសម្ភារៈប្រើប្រាស់មួយចំនួនផងដែរ។

បច្ចុប្បន្ន ក្រុមជនអនាថាខាងលើ ត្រូវបានបញ្ជូនទៅមន្ទីរសង្គមកិច្ច៕
អត្ថបទ ៖ សុខា

The post រដ្ឋបាលសង្កាត់ចោមចៅទី ១ ចុះរដ្ឋបាលឃាត់ខ្លួនជនអនាថាប្រើប្រាស់គ្រឿងញៀនចំនួន ១៤ នាក់ appeared first on Kampuchea Thmey Daily.