ដើម្បីជាការឆ្លើយតប និងការដឹងគុណចំពោះពលីកម្មនិងការលះបង់ដ៏ធំធេងរបស់យុទ្ធជន និងនិវត្តជន (អតីតយុទ្ធជន) រាជរដ្ឋាភិបាលកម្ពុជាបានដាក់ចេញនូវគោលនយោបាយជាច្រើន។ ការតបស្នងនេះរួមមានការផ្តល់ប្រាក់សោធននិវត្តន៍ របបឧបត្ថម្ភផ្សេងៗ ការថែទាំសុខភាព និងការលើកទឹកចិត្តតាមរយៈការរំឭកវីរភាពក្នុងទិវាជាតិនានា ។

ក្នុងនោះផងដែរ លោកអភិបាល បានកោតសរសើរចំពោះថ្នាក់ដឹកនាំគ្រប់លំដាប់ថ្នាក់ នៃគណៈកម្មាធិការសមាគមអតីតយុទ្ធជន និងនិវត្តជនកម្ពុជា ដែលបានខិតខំបំពេញភារកិច្ច ស្របតាមលក្ខន្តិកៈរបស់ អ.ន.ក និងបានខិតខំដោះស្រាយនិងបម្រើអតីតយុទ្ធជន និងនិវត្តជនកម្ពុជា បានយ៉ាងល្អប្រសើរដែលជាទីកក់ក្តៅរបស់អតីតយុទ្ធជន និងនិវត្តជន។

លោក ថេង សុថុល  បានផ្សព្វផ្សាយអំពីចំណុចសំខាន់ៗមួយចំនួន អំពីលក្ខន្តិកៈរបស់សមាគមអតីតយុទ្ធជន និង និវត្តជនកម្ពុជា ដែលមហាសន្និបាតវិសាមញ្ញរបស់សមាគមអតីតយុទ្ធជន និងនិវត្តជនកម្ពុជា ក្រោមអធិបតីភាពរបស់សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានសមាគមអតីតយុទ្ធជន និងនិវត្តជនកម្ពុជាដែលបានអនុម័តជាឯកច្ឆន្ទក្នុងអង្គមហាសន្និបាតវិសាមញ្ញ កាលពីថ្ងៃទី២៩ ខែកញ្ញា ឆ្នាំ២០២៥ដើម្បីរួមបញ្ចូលអតីតមន្ត្រីរាជការស៊ីវិលក្នុងសមាគមអតីតយុទ្ធជនកម្ពុជានិងបានណែនាំអំពីតួនាទីភារកិច្ចរបស់ក្រុមលេខាធិកាដ្ឋាន និងតួនាទីភារកិច្ចរបស់សាខាឃុំ សង្កាត់នីមួយៗ ក្នុងការបម្រើអតីតយុទ្ធជននិងអតីតមន្ត្រីរាជការស៊ីវិល ដែលជានិវត្តជនស្របតាមលក្ខន្តិកៈដែលបានចែង។

ជាចុងបញ្ចប់លោកថេង សុថុល អភិបាលខណ្ឌ៧មករា  បាននាំយកការផ្តាំផ្ញើសាកសួរសុខទុក្ខពីសម្តេចអគ្គមហាសេនាបតីតេជោ ហ៊ុន សែន ជូនអតីតយុទ្ធជន និងនិវត្តជនទាំងអស់ សូមរក្សាសុខភាពឱ្យបានល្អ ដើម្បីបន្តទទួលបានការយកចិត្តទុកដាក់ និងអត្ថប្រយោជន៍បន្ថែមទៀតពីរាជរដ្ឋាភិបាល៕ អត្ថបទ៖ អុឹងម៉េង

The post អតីតយុទ្ធជន និង និវត្តន៍ជន ទោះជាចូលនិវត្តន៍ក៏នៅតែមានការយកចិត្តទុកដាក់ពីថ្នាក់ដឹកនាំគ្រប់លំដាប់ថ្នាក់ appeared first on Kampuchea Thmey Daily.

កញ្ញា ឃួន ដាលីន តំណាងម្ចាស់អគារលំនៅឋាន L បុរីកីឡា

មិនមែនជារឿងថ្មីនោះទេ តែជាការចូលរួមទទួលខុសត្រូវជាមួយរាជរដ្ឋាភិបាលកម្ពុជា ក្នុងការប្រឆាំង និងបោសសម្អាតដាច់ខាតលើឧក្រិដ្ឋកម្មឆបោកតាមប្រព័ន្ធបច្ចេកវិទ្យា Online Scams ដែលម្ចាស់ទីតាំងអាគារ ផ្ទះសំណាក់ ខុនដូរ អាផាតមីនតូចធំទាំងអស់ បាននឹងកំពុងយកចិត្តទុកដាក់ ក្នុងការតាមដានត្រួតពិនិត្យការចេញចូលស្នាក់នៅលើអតិថិជន និងភ្ញៀវរបស់ខ្លួន ដើម្បីកំណត់ឲ្យបានច្បាស់ពីការចូលមកស្នាក់នៅដោយត្រឹមត្រូវ និងស្របច្បាប់ ជៀសវៀងការស្នាក់នៅដើម្បីប្រព្រឹត្តិបទល្មើសផ្សេងៗ ពិសេសឧក្រិដ្ឋកម្មឆបោកអនឡាញ។

បច្ចុប្បន្ននេះ កម្លាំងគណៈបញ្ជាការឯកភាពទូទាំងប្រទេស និយាយជារួម និយាយដោយឡែកគណៈបញ្ជាការឯកភាពរាជធានីភ្នំពេញ បាននឹងកំពុងបន្តបង្កើនការយកចិត្តទុកដាក់ខ្ពស់ក្នុងការបោសសម្អាតឧក្រិដ្ឋកម្មឆបោកអនឡាញនេះ ស្របតាមបទបញ្ជាម៉ឺងម៉ាត់របស់សម្តេចធិបតី ប្រមុខថ្នាក់ដឹកនាំប្រទេស ខណៈកម្ពុជាក៏បានអនុវត្តទោសទណ្ឌចំពោះជនបរទេសពាក់ព័ន្ធមួយចំនួន និងមួយចំនួនធំ ក៏ត្រូវបានបណ្តេញចេញពីកម្ពុជាជាបន្តបន្ទាប់ ទៅកាន់ប្រទេសដើមរបស់ពួកគេវិញ ដើម្បីអនុវត្តតាមច្បាប់។

ក្នុងនោះដែរ កម្លាំងគណៈបញ្ជាការឯកភាពខណ្ឌ៧មករា ក្រោមបទបញ្ជាផ្ទាល់ពី លោក ឃួង ស្រេង អភិបាលរាជធានីភ្នំពេញ និងដឹកនាំអនុវត្តផ្ទាល់ដោយលោកថេង សុថុល អភិបាលខណ្ឌ តែងតែចុះអនុវត្តរឿយៗលើ អនុក្រឹត្យលេខ០៣ របស់ប្រមុខរាជរដ្ឋាភិបាល ដើម្បីទប់ស្កាត់ និងបង្ក្រាបដាច់ខាតលើបទល្មើសឆបោកតាមប្រព័ន្ធបច្ចេកវិទ្យា ក្នុងមូលដ្ឋានរបស់ខ្លួន៕ អត្ថបទ ៖ សុភា

The post ម្ចាស់ទីតាំងផ្តល់ការស្នាក់នៅ ឲ្យជនបរទេសបន្តចូលរួមអនុវត្តអនុក្រឹត្យលេខ០៣ ដើម្បីប្រឆាំងបទល្មើសOnline Scam appeared first on Kampuchea Thmey Daily.

ប្រតិបត្តិការនេះ ធ្វើឡើងក្រោមការណែនាំពី លោក ឃួង ស្រេង ប្រធានគណៈបញ្ជាការឯកភាពរាជធានីភ្នំពេញ និងលោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ និងដឹកនាំបញ្ជាផ្ទាល់ដោយ លោក ថេង សុថុល អភិបាលខណ្ឌ៧មករា ដឹកនាំកម្លាំងគណៈបញ្ជាការឯកភាពខណ្ឌ និងក្រោមការសម្របសម្រួលនីតិវិធីច្បាប់ លោកស្រី ភី ស៊ីថង  ព្រះរាជអាជ្ញារងតំណាងអយ្យការផងដែរ។

ជាលទ្ធផល នៃប្រតិបត្តិការបង្ក្រាបកម្លាំងសមត្ថកិច្ច ត្រួតពិនិត្យជាក់ស្តែង ទីតាំងខាងលើនេះ ឃាត់ខ្លួនជនបរទេសសរុបចំនួន ០៦នាក់ (ស្រីម្នាក់) និង ដកហូតសម្ភារៈមួយចំនួនរួមមាន៖ ទូរស័ព្ទដៃបម្រើការងារចំនួន ៤គ្រឿង, កំព្យូទ័រ all in one ១គ្រឿង,monitor ៩គ្រឿង និងធុង CPU 4។

កម្លាំងជំនាញបានបញ្ជាក់ថា ជនសង្ស័យខាងលើប្រើប្រាស់ប្រទេសកម្ពុជា ដើម្បីប្រព្រឹត្តបទល្មើស ឆបោក online Scam ក្រោមរូបភាពបង្កើត Website  លក់ឥវ៉ាន់ក្លែងក្លាយ តាមរយៈការបើកហាងទីផ្សារ ក្លែងក្លាយ មានគោលដៅទៅតៃវ៉ាន់ នឹង ប្រទេសចិន។

បច្ចុប្បន្ន ក្រុមជនសង្ស័យទាំងអស់ និងវត្ថុតាងពាក់ព័ន្ធ ត្រូវបញ្ជូនទៅកាន់អធិការដ្ឋាននគរបាលខណ្ឌ៧មករា ដើម្បីបន្តនីតិវិធីច្បាប់៕ អត្ថបទ៖ សុភា

The post អាជ្ញាធរខណ្ឌ៧មករា ចុះរដ្ឋបាលត្រួតពិនិត្យទីតាំងស្នាក់នៅជនបរទេស ឃាត់ខ្លួនមនុស្ស០៦នាក់ ពាក់ព័ន្ធនឹងបទល្មើសOnline Scam appeared first on Kampuchea Thmey Daily.

ជាក់ស្ដែងនៅរសៀលថ្ងៃទី២៥ ខែឧសភា ឆ្នាំ២០២៦នេះ ក្រោយឃើញក្នុងបណ្ដាញសង្គម នូវរូបវីឌីអូ បង្ហោះម៉ូតូ តាមបណ្ដោយផ្លូវ កម្ពុជាក្រោម មូលដ្ឋានសង្កាត់មិត្តភាព ខណ្ឌ៧មករា លោកវរសេនីយឯក ជុន ប៊ុនណាន អធិការនគរបាលខណ្ឌ៧មករា បានបញ្ជាដល់នគរបាលផែនជំនាញ ឲ្យស្រាវជ្រាវបន្ទាន់ កំណត់អត្ថសញ្ញាណ បានឈានដល់ការឃាត់ខ្លួន មកមកអធិការដ្ឋាននគរបាលខណ្ឌភ្លាមៗតែម្ដង។

លោកវរសេនីយ៍ឯក ជុន ប៊ុនណាន អធិការនគរបាលខណ្ឌ៧មករាបានបញ្ជាក់ប្រាប់ ឲ្យដឹងថា យុវជនរូបនេះ កាលពីអំឡុងឆ្នាំ២០២៤ បានធ្វើបង្ហោះម៉ូតូ កម្លាំងនៃអធិការឃាត់និងដកហូតម៉ូតូទុករយះពេល៣ ខែម្ដងរួចហើយ ។ ប៉ុន្តែមិនរាងចាល នៅពេលថ្មីនេះ យុវជនបានធ្វើការបង្ហោះម្ដងទៀតជាលើកទី២ ដូច្នេះកម្លាំងនគរបាលនៃអធិការដ្ឋាននគរបាលខណ្ឌ ធ្វើការឃាត់ ធ្វើកិច្ចសន្យាអប់រំ និងអាណាព្យាបាលមកធានា និងដកហូតម៉ូតូទុករយះពេល៦ខែ។ លោកអធិការបានបញ្ជាក់បន្ថែម ក្នុងករណីបង្ហោះម៉ូតូតាមផ្លូវសាធារណៈ ជាលើកទី៣ នោះនិងត្រូវដកហូតម៉ូតូរក្សាទុកតែម្ដង មិនអនុញ្ញាឲ្យវិញនោះទេ។

គួរបញ្ជាក់ផងដែរ កន្លងមករហូតដល់បច្ចុប្បន្ន លោកឧត្តមសេនីយ៍ឯក ជួន ណារិន្ទ អគ្គស្នងការរងនិងជាស្នងការដ្ឋាននគរបាលរាជធានីភ្នំពេញ តែងក្រើនរំលឹកដល់ អធិការដ្ឋានទាំង១៤ខណ្ឌ រួមទាំងការិយាល័យជំនាញពាក់ព័ន្ធ ត្រូវបង្កើនការបង្ការ ទប់ស្កាត់ និងបង្ក្រាប រាល់បទល្មើស ក្នុងភូមិសាស្ត្ររាជធានីភ្នំពេញ បានល្អដើម្បី សន្តិសុខសុវត្ថិភាព ជូនបងប្អូនប្រជាពលរដ្ឋ៕ អត្ថបទ៖ សុភា

The post មិនរាងចាល ! សមត្ថកិច្ចខណ្ឌ៧មករា ដកហូតម៉ូតូក្មេងទំនើងម្នាក់ទុកកន្លះឆ្នាំ ក្រោយបង្ហោះតាមផ្លូវសាធារណៈ appeared first on Kampuchea Thmey Daily.

ជនសង្ស័យឃាត់ខ្លួនចំនួន០២នាក់ ៖ ឈ្មោះ គង់ វង់ឃាង ភេទប្រុស អាយុ៣៥ឆ្នាំ ជនជាតិខ្មែរ និង ឈ្មោះ ហឹម សុខហេង ភេទប្រុស អាយុ៣១ឆ្នាំ ជនជាតិខ្មែរ ។

តាមការបញ្ជាក់ពីនគរបាលបានអោយដឹងថា បន្ទាប់ពីទទួលពាក្យបណ្តឹងពីជនរងគ្រោះកម្លាំងជំនាញបាន បើកការស្រាវជ្រាវស្វែងរកជនសង្ស័យ តាមរយៈកាំមេរ៉ាសុវត្ថិភាព ប្រើប្រាស់ពេល ២៤ម៉ោង រហូតឈានដល់ការឃាត់ខ្លួនជនសង្ស័យចំនួន០២នាក់ ចំណុចមុខឡាក់គីស្តារ ផ្លូវ​៣៣៦ សង្កាត់ផ្សារដើមគរ ខណ្ឌទួលគោក និងជនសង្ស័យម្នាក់ទៀត ខាងមុខផ្ទះលេខ២១អាផ្លូវ៤៥ប៊ីធី សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ។

ក្នុងនោះវត្ថុតាងចាប់យករួមមាន ទូរស័ព្ទដៃចំនួន០២គ្រឿងម៉ាកTECNO SPARK ពណ៌ស និងម៉ាកTECNO SPARK ពណ៌ស (ជារបស់ជនសង្ស័យ) , ម៉ូតូ០១គ្រឿង ម៉ាកTODAY ពណ៌ផ្កាឈូក ពាក់ស្លាកលេខ ភ្នំពេញ 1IN-8368 (ជារបស់ជនរងគ្រោះ) ។

បច្ចុប្បន្នជនសង្ស័យទាំង០២នាក់ ខាងលេីនគរបាលបានកសាងសំណុំរឿងចាត់ការតាមនីតិវិធីច្បាប់៕ អត្ថបទ ៖ រដ្ឋា

The post នគរបាលខណ្ឌ៧មករា ស្រាវជ្រាវរយៈពេល ២៤ម៉ោង តាមចាប់ចោរ០២នាក់ ដែលលួចម៉ូតូបុគ្គលិកអនាម័យ appeared first on Kampuchea Thmey Daily.

ជាក់ស្ដែងនៅព្រឹកថ្ងៃទី ២២ ខែឧសភា ឆ្នាំ២០២៦នេះ រដ្ឋបាលខណ្ឌ៧មករា ក្រោមការដឹកនាំដោយ លោក ថេង សុថុល អភិបាលខណ្ឌ៧មករា បានចាត់ឲ្យលោក ឌី រ័ត្នខេមរុណ អភិបាលរងខណ្ឌ ដឹកនាំគណៈកម្មការចម្រុះ រួម មន្រ្តីជំនាញភូមិបាល លោកចៅសង្កាត់ នគរបាល មន្រី្តជំនាញពាក់ព័ន្ធ ចុះត្រួតពិនិត្យទីតាំងសាងសង់របងជាក់ស្ដែង ដោយពិនិត្យឃើញថា ការងារសង់លើព្រំដីត្រឹមត្រូវ។

សូមបញ្ជាក់ថានៅរសៀល ថ្ងៃទី២២នេះផងដែរ លោក វរសេនីយ៍ឯក ជុន ប៊ុនណាន អធិការនគរបាលខណ្ឌ៧មករា បានអញ្ជើញភាគីទាំងសងខាងយោង តាមពាក្យបណ្ដឹងរបស់ជនរងគ្រោះ មកអធិការដ្ឋាននគរបាល ធ្វើការសម្របសម្រួលគ្នា។

ក្រោយភាគីទាំងសងខាង មកដល់អធិការដ្ឋាននគរបាលខណ្ឌ៧មករា ស្រ្តីរូបនោះ រួមទាំងអង្គរក្ស បានទទួលស្គាល់កំហុសរបស់ខ្លួន ដោយធ្វើការសុំទោស ភាគីខាងរងគ្រោះទ្រព្យសម្បត្តិ ចំពោះមុខសមត្ថកិច្ច ធ្វើកិច្ចសន្យា មិនឲ្យមានលើកក្រោយទៀតឡើយ និងយល់ព្រមសងសំណងនូវការខូចខាត ដល់ភាគីម្ខាងទៀត ដើម្បីបញ្ជប់រឿង។

គួរំលឹកផងដែរ កាលពីថ្ងៃទី២១ ខែឧសភា ឆ្នាំ២០២៦ ម្សិលញ ស្រ្តីម្នាក់ ដែលមានឈ្មោះ អេង ណារី រួមទាំងបក្សពួកដែលជាអង្គរក្ស បានធ្វើសកម្មភាព វាយបំផ្លាញរបងដែកបាំងសង្ហ័សី ដែលជាទ្រព្យសម្បត្តិរបស់អ្នកដទៃសង់លើដីកម្មសិទ្ធិស្របច្បាប់ត្រឹមត្រូវ ត្រូវបានភាគីខាងរងគ្រោះថតពីសកម្មភាព និងបានបង្ហោះក្នុងបណ្ដាញសង្គមជាសាធារណៈ ពីទង្វើ បំផ្លិចបំផ្លាញទ្រព្យសម្បិត្តឯកជនអ្នកដទៃ៕ អត្ថបទ ៖ រដ្ឋា

The post ស្រ្តីម្នាក់រួមជាមួយអង្គរក្ស ធ្វើសកម្មភាពវាយបំផ្លាញទ្រព្យអ្នកដទៃ បានទទួលកំហុសនិងសងសំណងដល់ភាគីរង រាល់ការខូចខាត appeared first on Kampuchea Thmey Daily.

ការលើកឡើងនេះ បានធ្វើឡើងនៅព្រឹកថ្ងៃទី៧ ខែឧសភា ឆ្នាំ២០២៦ ក្នុងពិធីសំណេះសំណាលរវាងរដ្ឋបាលខណ្ឌ៧មករា និងអាជីវករជុំវិញផ្សារអូរឫស្សី ក្រោមអធិបតីភាព លោក ណុប ផា អភិបាលរងខណ្ឌ៧មករា តំណាងលោក ថេង សុថុល អភិបាលនៃគណៈអភិបាលខណ្ឌ៧មករា។

លោក ណុប ផា អភិបាលរងខណ្ឌ៧មករា

ក្នុងជំនួបសំណេះសំណាលនេះ រដ្ឋបាលខណ្ឌបានទទួលយកសំណូមពរ និងបញ្ហាប្រឈមនានាពីអាជីវករ ដើម្បីពិនិត្យ និងស្វែងរកដំណោះស្រាយសមស្រប ធានាសណ្ដាប់ធ្នាប់ សោភ័ណភាព និងការប្រកបអាជីវកម្មឱ្យកាន់តែប្រសើរ។

ពាក់ព័ន្ធជាមួយគ្នានេះអាជីវករបានលើកឡើងពីបញ្ហាសំខាន់ៗមួយចំនួន ដូចជា៖ ស្នើឱ្យក្រុមគ្រប់គ្រងចំណតភាស៊ីរថយន្ត ជួយទុកចន្លោះមុខផ្ទះ និងមុខតូបលក់ដូរ សម្រាប់រទេះរុញដឹកទំនិញចេញចូល ដើម្បីបង្កភាពងាយស្រួលក្នុងការដឹកជញ្ជូន និងកាត់បន្ថយការកកស្ទះ ឬ ការប៉ះទង្គិចជាមួយរថយន្តដែលចូលមកផ្ញើនៅចំណត។

បញ្ហាទី២៖ ស្នើឱ្យមានការរៀបចំសណ្ដាប់ធ្នាប់ក្នុងការដាក់តាំងលក់ទំនិញឱ្យមានស្តង់ដារដូចគ្នា ដោយសុំឱ្យអាជីវករទាំងអស់ដាក់តាំងលក់ត្រឹមសំយ៉ាបមុខផ្ទះរៀងៗខ្លួន ដើម្បីរក្សារបៀបរៀបរយ សោភ័ណភាព និង ទុកផ្លូវសម្រាប់អ្នកថ្មើរជើង។ សំណើនេះ ត្រូវបានអាជីវករភាគច្រើនសម្តែងការគាំទ្រ និងឯកភាពដូចគ្នា និង បញ្ហាទី៣៖ អាជីវករបានស្នើឱ្យមានការបន្ថែមធុងសំរាមនៅតាមមុខផ្ទះ ឬ មុខតូបនីមួយៗ ដោយសារបច្ចុប្បន្នចំនួនធុងសំរាមនៅមានកម្រិត ខណៈសំរាមត្រូវបានយកមកបោះចោលប្រមូលផ្តុំក្នុងធុងតែមួយចំនួន បណ្ដាលឱ្យមានភាពរញ៉េរញ៉ៃ បង្កក្លិនមិនល្អ និងប៉ះពាល់ដល់បរិស្ថានជុំវិញផ្សារ។

ជាការឆ្លើយតប លោក ណុប ផា អភិបាលរងខណ្ឌ៧មករា បានបញ្ជាក់ប្រាប់អាជីវករថា បញ្ហាចំណតភាស៊ីរថយន្ត គឺស្ថិតក្រោមការគ្រប់គ្រងរបស់ចំណតភាស៊ីរដ្ឋបាលរាជធានីភ្នំពេញ ហើយលោកនឹងអញ្ជើញភាគីពាក់ព័ន្ធ និងម្ចាស់ចំណតមកពិភាក្សា ដើម្បីស្វែងរកដំណោះស្រាយសមស្របជូនអាជីវករ។

ចំពោះបញ្ហាការដាក់តាំងទំនិញ អាជីវករទាំងអស់បានឯកភាពគ្នា រៀបចំការលក់ដូរឱ្យមានរបៀបរៀបរយ ដោយដាក់តាំងទំនិញត្រឹមសំយ៉ាបមុខផ្ទះរៀងៗខ្លួន។

ដោយឡែក ពាក់ព័ន្ធបញ្ហាសំរាម និងការខ្វះធុងសំរាម លោក ណុប ផា បានបញ្ជាក់ថា រដ្ឋបាលខណ្ឌនឹងចាត់ឱ្យក្រុមការងារចុះពិភាក្សាជាមួយក្រុមហ៊ុនប្រមូល និងដឹកជញ្ជូនសំរាម Mizuda ដើម្បីពិនិត្យលទ្ធភាពបន្ថែមធុងសំរាម និងរៀបចំការប្រមូលសំរាមឱ្យមានប្រសិទ្ធភាពជាងមុន។

អាជីវករសង្ឃឹមថា ក្រោយការសំណេះសំណាល និងការយកចិត្តទុកដាក់ពីរដ្ឋបាលខណ្ឌ បញ្ហាប្រឈមនានាជុំវិញផ្សារអូរឫស្សី នឹង ត្រូវបានដោះស្រាយជាបន្តបន្ទាប់ ដើម្បីធានាបរិយាកាសល្អ សណ្ដាប់ធ្នាប់ និងភាពងាយស្រួលក្នុងការប្រកបអាជីវកម្មប្រចាំថ្ងៃ៕ អត្ថបទ សំណាង

The post អាជីវករជុំវិញផ្សារអូរឫស្សី ស្នើឱ្យចំណតភាស៊ីទុកចន្លោះសម្រាប់ដឹកជញ្ជូនទំនិញ ចៀសវាងប៉ះពាល់ការប្រកបអាជីវកម្ម appeared first on Kampuchea Thmey Daily.

ក្នុងឱកាសនោះ លោក ណុប ផា អភិបាលរងខណ្ឌ៧មករា បានមានមតិយ៉ាងច្បាស់ថា លោកសូមកោតសរសើរដល់អាជ្ញាធរភូមិ-សង្កាត់ និងកងកម្លាំងទាំងពីរប្រភេទ ដែលបានសហការយ៉ាងសកម្មក្នុងការចូលរួមបង្ក្រាបករណី Online Scam កន្លងមក ដែលទទួលបានលទ្ធផលគួរឱ្យកត់សម្គាល់។

លោក ណុប ផា អភិបាលរងខណ្ឌ៧មករា

ជាមួយគ្នានេះផងដែរ លោក ថេង សុថុល អភិបាលខណ្ឌ៧មករា បានលើកឡើងថា ក្នុងរយៈពេលប៉ុន្មានថ្ងៃចុងក្រោយនេះ មានការបង្ក្រាបបទល្មើស Online Scam យ៉ាងតឹងរឹងនៅតាមបណ្តាខេត្តជាប់ព្រំដែន ដែលអាចធ្វើឱ្យក្រុមជនល្មើសមួយចំនួនរត់គេចខ្លួនចូលមកលាក់ខ្លួននៅក្នុងតំបន់រាជធានី ដើម្បីបន្តសកម្មភាពខុសច្បាប់។

លោក ថេង សុថុល អភិបាលខណ្ឌ៧មករា

លោកបានសង្កត់ធ្ងន់បន្ថែមថា អាជ្ញាធរភូមិ និងសង្កាត់ ត្រូវបង្កើនការប្រុងប្រយ័ត្ន និងការសហការជាមួយកងកម្លាំងពាក់ព័ន្ធ ដោយត្រូវរាយការណ៍ឱ្យទាន់ពេលវេលា នៅពេលរកឃើញសកម្មភាពសង្ស័យណាមួយ ដើម្បីរួមចំណែកក្នុងការបោសសម្អាតបទល្មើស Online Scam ឱ្យបានជោគជ័យ។

តបទៅនឹងការណែនាំនេះ លោក លោកស្រី មេភូមិ និងចៅសង្កាត់ទាំង៨ ក្នុងខណ្ឌ៧មករា បានប្តេជ្ញាចិត្តយ៉ាងម៉ឺងម៉ាត់ក្នុងការចូលរួមសហការយ៉ាងសកម្ម ជាមួយអាជ្ញាធរ និងកងកម្លាំងមានសមត្ថកិច្ច ដើម្បីបង្ក្រាបបទល្មើស Online Scam នៅក្នុងមូលដ្ឋានរបស់ខ្លួន ឱ្យមានប្រសិទ្ធភាពខ្ពស់ និងធានាសុវត្ថិភាពសង្គមជូនប្រជាពលរដ្ឋ៕ អត្ថបទ៖សំណាង

The post រដ្ឋបាលខណ្ឌ៧មករា បន្តណែនាំចៅសង្កាត់ទាំង៨ និង ៦៦ ភូមិ ពង្រឹងការងារបង្ក្រាប Online Scam ក្នុងមូលដ្ឋាន appeared first on Kampuchea Thmey Daily.