ប្រតិបត្តិការនេះធ្វើឡើងកាលពីវេលាម៉ោង ០០:១៥ នាទី រំលងអធ្រាត្រ ឈានចូលថ្ងៃទី ៣០ ខែមិថុនា ឆ្នាំ ២០២៦ ស្ថិតនៅចន្លោះគីឡូម៉ែត្រលេខ ២៣ ក្នុងស្រុកមុខកំពូល ខេត្តកណ្តាល។

ដោយមានការចង្អុលបង្ហាញដឹកនាំពី លោក គួច ចំរើន អភិបាលនៃគណៈអភិបាលខេត្តកណ្តាល និងដឹកនាំបញ្ជាផ្ទាល់ពីលោកឧត្តមសេនីយ៍ទោ ឈឿន សុចិត្ត ស្នងការ នៃស្នងការដ្ឋាននគរបាលខេត្តកណ្តាល និងដោយមានការសម្របសម្រួលនីតិវិធីដោយលោក លាង អ៊ូ ព្រះរាជអាជ្ញារងនៃអយ្យការអមសាលាដំបូងខេត្តកណ្តាល។ កាលពីថ្ងៃទី ៣០-០៦-២០២៦ វេលាម៉ោង ០០និង១៥នាទី កំលាំងការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តកណ្តាល

ដឹកនាំដោយលោកឧត្តមសេនីយ៍ត្រី លី សុជាតិ ស្នងការរងផែនការងារប្រឆាំងបទល្មើសសេដ្ឋកិច្ច សហការជាមួយការិយាល័យនិយ័តកម្មសុខាភិបាលនៃមន្ទីរសុខាភិបាលខេត្តកណ្តាល ដឹកនាំដោយលោក កូ តាត ប្រធានការិយាល័យនិយ័តកម្ម បានធ្វើការឃាត់រថយន្តមួយគ្រឿងម៉ាក សាំយ៉ុង ពណ៌ ស ពាក់ស្លាកលេខ ភ្នំពេញ 2AA-8359 នៅលើផ្លូវជាតិលេខ6A ចន្លោះគីឡូម៉ែត្រ២៣ ស្រុកមុខកំពូល ខេត្តកណ្តាល ដែលមានអ្នកបើកបរ ឈ្មោះ ភាព ស្រី ភេទប្រុស អាយុ៣៧ឆ្នាំ មានទីលំនៅ ភូមិក្បាលស្នួល ឃុំស្នួល ស្រុកស្នួល ខេត្តក្រចេះ។

ក្រោយការពិនិត្យពីការិយាល័យជំនាញនិយ័តកម្មសុខាភិបាលរួចមកឃើញថា ÷ ថ្នាំពេទ្យសរុបចំនួន45កេសធំ ដែលមានចំនួន120ប្រភេទ ត្រូវនឹង23400ប្រអប់ ពុំមានច្បាប់និងចុះបញ្ជីការត្រឹមត្រូវឡើយ ក្រោយមកថ្នាំពេទ្យខាងលើ ត្រូវបានយកមករក្សាទុកនៅការិយាល័យនិយ័តកម្មសុខាភិបាលខេត្ត ដើម្បីបន្តនីតិវិធីតាមផ្លូវច្បាប់៕

The post នគរបាលខេត្តកណ្តាល សហការជាមួយមន្ទីរសុខាភិបាល ឃាត់រថយន្តដឹកថ្នាំពេទ្យគ្មានច្បាប់អនុញ្ញាត រកឃើញជាង២ម៉ឺនប្រអប់ appeared first on Kampuchea Thmey Daily.

ហេតុការណ៍នេះកើតឡើងនៅវេលាម៉ោងប្រមាណ ១០:១៥ នាទី ថ្ងៃទី ២៤ ខែមិថុនា ឆ្នាំ ២០២៦ ស្ថិតតាមបណ្តោយផ្លូវជាតិលេខ៤ នៅជិតមន្ទីរពេទ្យបង្អែកស្រុកអង្គស្នួល នៅចំណុចភូមិត្រពាំងក្រសាំង ឃុំបែកចាន ស្រុកអង្គស្នួល​ ខេត្ត​កណ្ដាល។

យោងតាមប្រភពព័ត៌មានពីបុគ្គលខាងក្នុងបានអោយដឹងថា មុនពេលកើតហេតុពួកគាត់ មានធំក្លិនឈ្ងៀមរត់រកមើល ស្រាប់តែឃើញមានផ្សែង ហុយខ្មៅខ្មួលខ្មាញ់ លាយឡំ អណ្តាតភ្លើង យ៉ាងសន្ធោសន្ធៅចេញពីកន្លែងស្តុកប្រេង ភ្លាមៗនោះពួកាត់បាននាំគ្នាយកទុយោទឹក ដើម្បីជួយបាញ់ពន្លត់ភ្លើង តែទប់ទល់មិនបានទើបប្រញាប់ រាយការណ៍ ជូនសមត្ថកិច្ចអោយជួយចុះមកអន្តរាគមន៍ ដើម្បីកុំឱ្យមានការឆេះរាលដាលកាន់តែខ្លាំងដល់ផ្ទះដទៃទៀត។

បន្ទាប់ពីទទួលបានដំណឹងថា មានករណីអគ្គិភ័យឆាបឆេះភ្លាមៗ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានឲ្យ លោកវរ:សេនីយ៍​ឯក​ មាន​ សំណាង​ អធិការនគរបាលស្រុកអង្គស្នួល ដោយលោក វ/ត្រី ជុំ ណារិន  សហការជាកងកម្លាំងទាំងបី បាបចេញរថយន្តបង្ការពន្លត់អគ្គីភ័យ និង សង្គ្រោះ ចេញទៅជួយអន្តរាគមន៍ពន្លត់អគ្គិភ័យផងដែល។ ក្នុងប្រតិបត្តិការនេះ កម្លាំងសមត្ថកិច្ច ប្រើប្រាស់​រថយន្តពន្លត់អគ្គភ័យ​ចំនួន​០៣គ្រឿង​ អធិការដ្ឋាន០១គ្រឿង និងអង្គភាព៩១១​ ចំនួន០២គ្រឿង​  បាញ់ទឹកពន្លត់អស់ចំនួន០២គ្រឿង និងប្រើប្រាស់បំពង់ពន្លត់អគ្គីភ័យអស់ចំនួន១៥បំពង់។

ក្រោយពេលគ្រប់គ្រងអគ្គិភ័យនេះអោយ​រលត់ទៅវិញទាំងស្រុង សមត្ថកិច្ចជំនាញបានចុះធើ្វការពិនិត្យកន្លែងកើតហេតុ​សន្និដ្ឋានថា អគ្គិភ័យខាងលើនេះបណ្ដាលមកពីឆ្លងចរន្តអគ្គិសនី៕ អត្ថបទ ៖ អុឹងម៉េង

The post ឆ្លងចរន្តអគ្គិសនី ឆេះស៊ីទែនស្តុកប្រេងម៉ាស៊ូតនៅក្នុងកន្លែងកែឆ្នៃអេតចាយឆេះអស់ប្រេង១០០០លីត្រ សំណាងគ្មានអ្នករបួស appeared first on Kampuchea Thmey Daily.

លោក ជឺ សុងហៃ អភិបាលស្រុកស្អាង បានប្រាប់ក្រុមការងារ «កម្ពុជាថ្មី» ថា ករណីនេះកើតឡើងដោយសារទំនាស់រវាងអ្នកជិតខាង និងបានឈានដល់ការប្តឹងផ្តល់គ្នាទៅវិញទៅមក ប៉ុន្តែបញ្ហានេះត្រូវបានដោះស្រាយបញ្ចប់នៅរដ្ឋបាលឃុំរួចរាល់ហើយ។

លោក ជឺ សុងហៃ អភិបាលស្រុកស្អាង

លោកអភិបាលស្រុកបានបញ្ជាក់ថា សំណង់ដែលស្ថិតនៅខាងក្រៅផ្ទះ គឺជារបងថ្មសម្រាប់ទប់ច្រាំងទន្លេ មិនមែនជាសំណង់លំនៅឋាន ឬសំណង់សម្រាប់ពង្រីកដីចូលក្នុងទន្លេឡើយ។ សំណង់នេះធ្វើឡើងក្នុងគោលបំណងការពារការបាក់ស្រុតច្រាំង ដែលអាចបង្កការខូចខាតដល់ផ្ទះសម្បែង និងទ្រព្យសម្បត្តិរបស់ម្ចាស់ទីតាំង។

ផ្ទះពលរដ្ឋបាក់ចូលទន្លេកាលពីថ្ងៃ២៤ខែមេសាឆ្នាំ២០២៣ស្ថិតនៅក្បាលជ្រោយ ឃុំព្រែកគយ ស្រុងស្អាង ខេត្ដកណ្ដាល

លោកបន្តថា កាលពីឆ្នាំ២០២៣ ទីតាំងនេះធ្លាប់មានបញ្ហាបាក់ស្រុតច្រាំងទន្លេ ទើបម្ចាស់ផ្ទះសម្រេចសាងសង់របងទប់ច្រាំង ដើម្បីពង្រឹងសុវត្ថិភាព និងទប់ស្កាត់ការខូចខាតបន្ថែម។

ជាមួយគ្នានេះ អាជ្ញាធរមូលដ្ឋានបានបញ្ជាក់ជាថ្មីថា ម្ចាស់ទីតាំងមិនមានបំណងសាងសង់សំណង់រំលោភចំណីទន្លេ ឬយកដីសាធារណៈធ្វើជាកម្មសិទ្ធិនោះទេ ដោយសំណង់នេះមានគោលបំណងសំខាន់តែមួយ គឺការពារច្រាំងទន្លេ និងផ្ទះសម្បែងរបស់ខ្លួន៕

រូបតំណាងបាក់ស្រុតដី

The post អាជ្ញាធរស្រុកស្អាង បញ្ជាក់សំណង់ជាប់ច្រាំងទន្លេ មិនមែនរំលោភចំណីទន្លេទេ គ្រាន់តែទប់ការបាក់ស្រុតប៉ុណ្ណោះ appeared first on Kampuchea Thmey Daily.

ក្នុងនោះ លោក គួច ចំរើន បានកោតសរសើរមន្រ្តីជំនាញ នៃ ការិយាល័យភូមិបាលស្រុកកោះធំ និងមន្ទីររៀបចំដែនដី នគររូបនីយកម្ម សំណង់ និងសុរិយោដីខេត្ត ដែលបានខិតខំ វាស់វែងចុះបញ្ជីដី រហូតបានសម្រេចការចែកប័ណ្ណកម្មសិទ្ធិបង្ហើយ ជូនប្រជាពលរដ្ឋ នាពេលនេះ។ ជាមួយគ្នានេះ ដើម្បីធ្វើឱ្យសេវាដីធ្លី កាន់តែគៀកជិតប្រជាពលរដ្ឋ កុំឱ្យខាតពេលវេលារបស់ប្រជាពលរដ្ឋក្នុងការមកទទួលប័ណ្ណកម្មសិទ្ធិ លោកអភិបាលខេត្ត បានណែនាំដល់ការិយាល័យច្រកចេញចូលតែមួយស្រុក ការិយាល័យប្រជាពលរដ្ឋស្រុក និងការិយាល័យភូមិបាលស្រុក ត្រូវបន្តខិតខំចាត់ចែងការងារនេះប្រកបដោយការទទួលខុសត្រូវ និងច្នៃប្រឌិត មានសណ្ដាប់ធ្នាប់ និងរបៀបរៀបរយល្អ ដើម្បីប្រគល់ប័ណ្ណកម្មសិទ្ធិទាំងអស់ជូនប្រជាពលរដ្ឋឱ្យបានគ្រប់ៗគ្នា។

បន្ថែមពីលើនេះ លោក គួច ចំរើន អភិបាលខេត្តកណ្តាល ក៏បានណែនាំដល់អាជ្ញាធរមូលដ្ឋាន និងមន្រ្តីជំនាញ ត្រូវបំពេញភារកិច្ចជាអ្នកបំរើសេវាជូនប្រជាពលរដ្ឋដ៏ល្អ ត្រូវតែស្មើភាពគ្នាក្នុងការទទួលបានប័ណ្ណ ដាច់ខាតកុំប៉ះពាល់ផលប្រយោជន៍ កុំដាក់លក្ខខណ្ឌដល់ប្រជាពលរដ្ឋក្នុងការទទួលប័ណ្ណកម្មសិទ្ធ ជាពិសេសមន្ទីរ រៀបចំដែនដី នគររូបនីយកម្ម សំណង់ និងសុរិយោដីខេត្ត ត្រូវធ្វើការបូកសរុបប័ណ្ណដែលនៅសេសសល់ក្នុងមន្ទីរ រួមជាមួយប័ណ្ណកម្មសិទ្ធិដែលនៅសេសសល់ចំនួន៣ ក្រុង-ស្រុកទៀត ដែលមិនទាន់ចុះហត្ថលេខា ត្រូវខិតខំធ្វើយ៉ាងណាចុះហត្ថលេខាបានរួចរាល់ទាន់ពេលវេលា សម្រាប់ចែកជូនដល់ប្រជាពលរដ្ឋ នាពេលខាងមុខនេះ ដើម្បីបិទបញ្ចប់ការចែកបណ្ណកម្មសិទ្ធិដីធ្លីលក្ខណៈជាប្រព័ន្ធក្នុងខេត្តកណ្ដាល៕

The post អាជ្ញាធរខេត្តកណ្ដាល ចែកវិញ្ញាបនបត្រសម្គាល់ម្ចាស់អចលនវត្ថុ ជូនប្រជាពលរដ្ឋចំនួន៦ឃុំ ក្នុងស្រុកកោះធំ   appeared first on Kampuchea Thmey Daily.

លោកអភិបាលរងខេត្ត បានមានប្រសាសន៍ថា៖ អាជ្ញាធរមិនមានបំណងរារាំង ឬប៉ះពាល់ដល់ការប្រកបរបរទទួលទានរបស់ប្រជាពលរដ្ឋនោះឡើយ ប៉ុន្តែរាល់ការប្រកបអាជីវកម្មទាំងឡាយ ត្រូវតែគោរពច្បាប់ និងមិនត្រូវរំលោភបំពានលើទ្រព្យសម្បត្តិសាធារណៈ ឬបង្កការលំបាកដល់អ្នកដទៃឡើយ។

ជាមួយគ្នានោះដែរ ប្រជាពលរដ្ឋ និងអ្នកធ្វើដំណើរទូទៅ បានសម្តែងនូវការគាំទ្រយ៉ាងពេញទំហឹងចំពោះចំណាត់ការដ៏ម៉ឺងម៉ាត់ និងទន់ភ្លន់របស់អាជ្ញាធរខេត្ត ព្រមទាំងបានសំណូមពរឱ្យអាជ្ញាធរបន្តអនុវត្តវិធានការនេះឱ្យបានជាប់ជាប្រចាំ ដើម្បីជៀសវាងការកើតមានឡើងវិញនូវភាពអនាធិបតេយ្យនៅលើចិញ្ចើមផ្លូវសាធារណៈ។

រដ្ឋបាលខេត្តក៏បានអំពាវនាវដល់ប្រជាពលរដ្ឋ អាជីវករទាំងអស់ ចូលរួមសហការជាមួយអាជ្ញាធរ ដោយស្ម័គ្រចិត្តចូលរួមគោរពច្បាប់ចរាចរណ៍ មិនរំលោភយកចិញ្ចើមផ្លូវធ្វើជាកម្មសិទ្ធិផ្ទាល់ខ្លួន និងរួមគ្នាថែរក្សាអនាម័យបរិស្ថាន ដើម្បីធ្វើឱ្យទីក្រុងរបស់យើងក្លាយជាទីក្រុងគំរូ មានសោភ័ណភាពស្រស់បំព្រង គួរជាទីមោទនៈ៕

The post អភិបាលរងខេត្តកណ្តាល ដឹកនាំអាជ្ញាធរក្រុងតាខ្មៅបន្តចុះរៀបចំសណ្តាប់ធ្នាប់តាមសងខាង លើកកម្ពស់សោភ័ណភាព appeared first on Kampuchea Thmey Daily.

តាមរយៈទំព័រហ្វេសបុកផេកផ្លូវការនៅព្រឹកព្រលឹមថ្ងៃអង្គារ ទី២៦ ឧសភានេះ លោក គួច ចំរើន បានសរសេររៀបរាប់ថា «ខេត្ត​កណ្ដាល​ ខ្មែរ​ស្នេហា​ជាតិ​ណា​ ផ្ដល់​ព័ត៌មាន​ជា​សម្ងាត់​ដល់យេីងខ្ញុំ​ អំពើ​ទីតាំង​ និង​ការ​ប្រព្រឹត្តិ​ Scam Online ក្នុង​ខេត្ត​កណ្ដាល​ ឈានទៅបង្ក្រាបបាន​ ខ្ញុំបាទ​ ជូន​រង្វាន់​ ២​លានរៀល​ និង​រក្សា​ការ​សម្ងាត់​ជូន​»។

សម្ដេចតេជោ ហ៊ុន សែន ប្រមុខរដ្ឋស្ដីទីនៃព្រះរាជណាចក្រកម្ពុជា ក្នុងពិធីអញ្ជើញជួបសំណេះសំណាលជាមួយថ្នាក់ដឹកនាំក្រសួង ស្ថាប័ន និងក្រុមប្រឹក្សារាជធានី ខណ្ឌ សង្កាត់ មន្ទីរអង្គភាពនានា ជុំវិញរដ្ឋបាលរាជធានីភ្នំពេញ កាលពីព្រឹកថ្ងៃអាទិត្យ ទី២៤ ខែឧសភា សម្ដេចបានព្រមានដល់អ្នកជាប់ពាក់ព័ន្ធក្នុងបទល្មើសឆបោកតាមប្រព័ន្ធបច្ចេកវិទ្យា (Scam Online) ឬមិនអនុវត្តច្បាប់តាមបទបញ្ជារបស់រាជរដ្ឋាភិបាលកម្ពុជា មិនត្រូវលើកលែងឡើយ។

សម្ដេចប្រមុខរដ្ឋស្តីទី មានប្រសាសន៍ថា៖ «គ្មានការយោគយល់ណាមួយដែលអាចធ្វើទៅរួច នៅពេលដែលអ្នកឯងមិនព្រមធ្វើ ឬក៏ចូលពាក់ព័ន្ធ(បទល្មើសឆបោកតាមប្រព័ន្ធបច្ចេកវិទ្យា) កុំថាខ្ញុំជាកូនមេដឹកនាំដែលបានតស៊ូច្រើនឆ្នាំ កុំនិយាយថាខ្ញុំបានបូជាជីវិតសម្រាប់គណបក្សអស់រយៈពេលច្រើនឆ្នាំ កុំនិយាយថាខ្ញុំបានបម្រើជាតិអស់រយៈពេលប៉ុន្មានឆ្នាំ អត់ទេ ឯងយកស្រោមរបស់មន្រ្តីរដ្ឋ យកទៅប្រព្រឹត្តបទល្មើស ឬយកស្រោមមន្រ្តីរដ្ឋ ទៅកាន់នៅទីកន្លែងមួយដែលអ្នកឯងមិនព្រមចេញបញ្ជា ឬចេញធ្វើសកម្មភាព»។

តាមរបាយការណ៍របស់អគ្គស្នងការដ្ឋាននគរបាលជាតិ គិតចាប់ពីថ្ងៃទី១ ដល់ថ្ងៃទី២២ ខែឧសភា ឆ្នាំ២០២៦ ពោលគឺក្នុងរយៈពេល៣សប្ដាហ៍ ក្នុងខែឧសភា សមត្ថកិច្ចកម្ពុជា បានបង្រ្កាបបទល្មើសឆបោកតាមប្រព័ន្ធបច្ចេកវិទ្យាចំនួន៥០ទីតាំង ដោយឃាត់ខ្លួនបានអ្នកពាក់ព័ន្ធប្រមាណ៣ ៣២០នាក់ ស្មើនឹង៣២សញ្ជាតិ។

តាមរយៈសេចក្ដីប្រកាសព័ត៌មានកាលពីថ្ងៃទី២៤ ខែឧសភា អគ្គស្នងការដ្ឋាននគរបាលជាតិ បានឱ្យដឹងថា ក្នុងចំណោមអ្នកទាំងនោះមានមនុស្សចំនួន៩៦នាក់ ស្មើនឹង៦សញ្ជាតិ ត្រូវបានកសាងសំណុំរឿងបញ្ជូនទៅតុលាការ និង១ ០៣០នាក់ ស្មើនឹង១៦សញ្ជាតិ ត្រូវបានបណ្តេញចេញពីប្រទេសកម្ពុជា និងក្នុងនោះសាមីជន បានស្នើសុំត្រឡប់ទៅប្រទេសកំណើតវិញចំនួន៤៥នាក់ ស្មើនឹង៨សញ្ជាតិ ខណៈកំពុងបន្តនីតិវិធីនៅតាមស្នងការដ្ឋាននគរបាលរាជធានីខេត្តចំនួន១ ៥៩០នាក់ ស្មើនឹង១៦សញ្ជាតិ។ រីឯមនុស្ស៥៥៩នាក់ផ្សេងទៀត ធ្វើការអប់រំបុគ្គល ដោយសារមិនជាប់ពាក់ព័ន្ធ។

ក្នុងប្រតិបត្តិការដ៏ក្តៅគគុកនេះ បានធ្វើឱ្យក្រុមជនឆបោកតាមប្រព័ន្ធបច្ចេកវិទ្យាមួយចំនួនរត់គេចទៅសម្ងំលាក់ខ្លួននៅទីកន្លែងនានាក្នុងប្រទេស និងមួយចំនួនទៀតបានចាកចេញពីប្រទេសកម្ពុជា ហើយព្យាយាមបន្តប្រតិបត្តិការឆបោកនៅតាមប្រទេសក្នុងតំបន់មួយចំនួនទៀត៕

អត្ថបទ៖ សុខុម

The post អភិបាលខេត្តកណ្ដាល ប្រកាសផ្ដល់ប្រាក់រង្វាន់ ២លានរៀលដល់ជនណាដែលផ្ដល់ព័ត៌មានពីទីតាំង​ប្រព្រឹត្តិ​បទល្មើស Online Scam appeared first on Kampuchea Thmey Daily.

លោកអភិបាលខេត្តកណ្ដាល បន្តថា៖ ក្រុមគ្រួសារវីរៈកងទ័ព បានលះបង់សាច់ញាតិ ពិសេសប្ដី ដែលនេះគឺជាការលះបង់មួយដ៏ធំធេង ហើយការលំបាករបស់កងទ័ពជួរមុខរបស់យើង គឺមានតែក្រុមគ្រួសារផ្ទាល់ទេ ដែលដឹងច្បាស់អំពីសុខទុក្ខរបស់ពួកគាត់ សម្រាប់ប្រជាពលរដ្ឋដែលមិនមានសាច់ញាតិជាកងទ័ពជួរជួរមុខ បានត្រឹមដឹងសុខទុក្ខតាមរយៈការបង្ហាញដោយសារព័ត៌មាន ឬវីដេអូសកម្មភាពផ្សេងៗ ដូចនេះមានតែក្រុមគ្រួសារវីរៈកងទ័ពជួរមុខនោះទេ ដែលមានការឈឺចាប់ខ្លាំងជាងបងប្អូនរបស់យើងផ្សេងទៀត ព្រោះថាការរំលោភបំពានទឹកដីពីសំណាក់យោធាថៃ និងការធ្វើឱ្យវីរៈកងទ័ពរបស់យើងទទួលរងគ្រោះថ្នាក់ផ្សេងៗ ដែលធ្វើឱ្យយើងជាក្រុមគ្រួសារវីរៈកងទ័ពជួបមុខ មានការឈឺចាប់បំផុត។

ដូច្នេះហើយទើបរាជរដ្ឋាភិបាលតែងតែណែនាំដល់អាជ្ញាធរគ្រប់លំដាប់ថ្នាក់ ត្រូវយកចិត្តទុកដាក់ចំពោះសុខទុក្ខរបស់គ្រួសារកងទ័ពជួរមុខនៅក្នុងមូលដ្ឋានរបស់ខ្លួន ដើម្បីឱ្យវីរៈកងទ័ពរបស់យើងដែលកំពុងឈរជើងការពារបូរណភាពទឹកដី នៅតាមខ្សែបន្ទាត់ព្រំដែនមានអារម្មណ៍ស្ងប់ ព្រោះថាក្រុមគ្រួសាររបស់គាត់ត្រូវបានយកចិត្តទុកដាក់ មើលការខុសត្រូវ និងមិនបោះបង់ពួកគាត់ចោលឡើយ នោះធ្វើអោយស្មារតីក្នុងការការពារបូរណភាពទឹកដីរបស់យើង កាន់តែអង់អាចក្លាហាន មោះមុត ក្នុងការការពារបូរណភាពទឹកដី។

ជាមួយគ្នានេះដែរឯកឧត្តម គួច ចំរើន អភិបាលខេត្តកណ្ដាល បាននាំនូវការផ្ដាំផ្ញើ សាកសួរសុខទុក្ខ ពីសំណាក់សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្ដេចគតិព្រឹទ្ធបណ្ឌិត ព្រមទាំងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ដោយក្ដីនឹករលឹកបំផុត។

ក្នុងឱកាសនោះដែរ លោកអភិបាលខេត្តកណ្ដាល ក៏បានជម្រាបជូនដល់ក្រុមគ្រួសារវីរៈកងទ័ពជួរមុខ នៅពេលជួបបញ្ហាប្រឈម សំណូមពរ សូមរាយការណ៍ជូនអាជ្ញាធរដែលនៅជិតបំផុត ដើម្បីពួកគាត់ជួយសម្របសម្រួល និងដោះស្រាយបានទាន់ពេលវេលា ហើយក៏សូមឱ្យមានទំនាក់ទំនងល្អជាមួយអាជ្ញាធរដែលនៅជិតខ្លួន ដើម្បីមានភាពងាយស្រួលក្នុងការផ្ដល់ព័ត៌មាន ឬតម្រូវការចាំបាច់ណាមួយដែលបងប្អូនត្រូវការ ដើម្បីឱ្យពួកគាត់បានជួយផ្ដល់សេវាឱ្យបានលឿន រហ័ស និងប្រកបដោយការទទួលខុសត្រូវខ្ពស់៕ដោយ៖ អុឹងម៉េង

The post អភិបាលខេត្តកណ្ដាល ជួបសំណេះសំណាលជាមួយក្រុមគ្រួសារវីរៈកងទ័ពជួរមុខ នៅសាលាស្រុកកៀនស្វាយ appeared first on Kampuchea Thmey Daily.

កិច្ចប្រជុំនេះ ធ្វើឡើងក្នុងគោលបំណង ពន្យល់បកស្រាយ និងបំភ្លឺជូនជូនប្រជាពលរដ្ឋរស់នៅក្នុងបុរីសិរីមង្គល អំពីស្ថានភាពនៃការផ្គត់ផ្គង់ទឹកស្អាត និងបញ្ហាពាក់ព័ន្ធនឹងតម្លៃទឹកស្អាត ជាពិសេសនោះគឺ ដើម្បីផ្តល់ឱកាសដល់ប្រជាពលរដ្ឋបានលើកឡើងអំពីបញ្ហាប្រឈម និងសំណូមពរនានាផងដែរ។

មានប្រសាសន៍ទៅកាន់ ប្រជាពលរដ្ឋ លោក ឯក សុនចាន់ បានបញ្ជាក់ថា បន្ទាប់ពីកិច្ចប្រជុំនេះ ពលរដ្ឋនឹងមានការយល់ដឹងកាន់តែច្បាស់ ពាក់ព័ន្ធនិងតម្លៃទឹក។ ដោយឡែកសម្រាប់តម្លៃទឹកស្អាត ដែលពលរដ្ឋមិនទាន់បានបង់ អាចធ្វើការបង់ជាដំណាក់កាល (បង់រំលោះ)បាន ខណៈដែលការផ្គត់ផ្គង់ទឹកនៅតែដំណើរការធម្មតា។ មួយវិញទៀតចំពោះប្រជាពលរដ្ឋដែលមានជីវភាពខ្វះខាត និងមានប័ណ្ណសមធម៌សង្គម សូមអញ្ជើញមកដាក់ពាក្យនៅរដ្ឋាករទឹក ដើម្បីឱ្យក្រុមការងារធ្វើការពិនិត្យ និងដោះស្រាយជូនតាមរយៈកម្មវិធីមូលនិធិសង្គមរបស់រដ្ឋាករទឹកស្វយ័តក្រុងភ្នំពេញ៕

The post រដ្ឋបាលខេត្តកណ្ដាល និងរដ្ឋាករទឹកស្វយ័តក្រុងភ្នំពេញ ផ្សព្វផ្សាយអំពីការផ្គត់ផ្គង់ទឹកស្អាត ជូនពលរដ្ឋនៅបុរីសិរីមង្គល ក្នុងក្រុងតាខ្មៅ appeared first on Kampuchea Thmey Daily.