ក្រោមការបញ្ជាផ្ទាល់ពី លោក ប៉ែន កុសល្យ អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តត្បូងឃ្មុំ ដោយមានការសម្របសម្រួលនីតិវិធីពី លោក កែវ ភក្តី ព្រះរាជអាជ្ញារង នៃអយ្យការអមសាលាដំបូងខេត្ត កម្លាំងសមត្ថកិច្ចចម្រុះបានបើកប្រតិបត្តិការចុះរឹតបន្តឹងច្បាប់ និងត្រួតពិនិត្យទីតាំងបន្ទប់ជួលមួយកន្លែង ស្ថិតនៅភូមិត្រពាំងផ្លុងទី១ ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ កាលពីថ្ងៃទី០៧ ខែកក្កដា ឆ្នាំ២០២៦។

​ប្រតិបត្តិការនេះ ធ្វើឡើងដោយមានការសហការរវាង កម្លាំងជំនាញនៃស្នងការដ្ឋាននគរបាលខេត្តត្បូងឃ្មុំ, កម្លាំងនាយកដ្ឋាននគរបាលព្រហ្មទណ្ឌ (ប្រចាំការខេត្តត្បូងឃ្មុំ), កម្លាំងកងរាជអាវុធហត្ថខេត្ត និងអាជ្ញាធរមូលដ្ឋានគ្រប់លំដាប់ថ្នាក់។ ជាលទ្ធផល នៅក្នុងទីតាំងអគារស្នាក់នៅបន្ទប់ជួល ១ខ្នង ដែលមាន ១៣បន្ទប់នោះ សមត្ថកិច្ចបានរកឃើញ ជនជាតិបរទេសស្នាក់នៅសរុបចំនួន ២១នាក់ (ក្នុងនោះមានស្ត្រី ០៨នាក់) រួមទាំងដកហូតសម្ភារៈពាក់ព័ន្ធមួយចំនួន។

​បច្ចុប្បន្ន ជនបរទេសទាំង ២១នាក់ ត្រូវបានកម្លាំងជំនាញបញ្ជូនទៅកាន់ស្នងការដ្ឋាននគរបាលខេត្តត្បូងឃ្មុំ ដើម្បីធ្វើការសាកសួរ។

​ចំពោះទិសដៅបន្ត គណៈបញ្ជាការឯកភាពរដ្ឋបាលខេត្តត្បូងឃ្មុំ បាននិងកំពុងបន្តយុទ្ធនាការដុតដៃដុតជើង ចុះស្រាវជ្រាវ ត្រួតពិនិត្យ និងស្វែងរកទីតាំងសង្ស័យផ្សេងៗទៀត ដែលមានការលួចលាក់ប្រព្រឹត្តបទល្មើស ឬការរស់នៅប្រមូលផ្តុំខុសច្បាប់ នៅទូទាំងក្រុង-ស្រុកទាំង ០៧ ក្នុងភូមិសាស្ត្រខេត្ត។

ទន្ទឹមនឹងនេះ អាជ្ញាធរក៏កំពុងបន្តជំរុញការផ្សព្វផ្សាយ និងអនុវត្តយ៉ាងម៉ឺងម៉ាត់នូវ អនុក្រឹត្យលេខ ០៣ របស់រាជរដ្ឋាភិបាលកម្ពុជាផងដែរ៕

The post គណៈបញ្ជាការឯកភាពខេត្តត្បូងឃ្មុំ ចុះពិនិត្យទីតាំងបន្ទប់ជួលមួយកន្លែង រកឃើញជនបរទេសស្នាក់នៅចំនួន ២១នាក់ appeared first on Kampuchea Thmey Daily.

​បើតាមក្រសួង​​ការ​ងារបានឱ្យដឹងថា វេទិកាការងា​រនេះ នឹង​​ត្រូ​វរៀប​ចំ​នៅថ្ងៃទី២៦ ខែមិថុនា នៅក្នុង​បរិវេណវត្តអ​ម្ពវនារាម ហៅ​វត្តស្វា​​យមីង និងនៅថ្ងៃទី២៧ មិ​ថុនា នៅក្នុង​បរិវេណ​វត្តសិរី​មង្គល ហៅវត្ត​ចុង​ជាច ខេត្ដ​ត្បូងឃ្មុំ។​ ប្រជាពលរដ្ឋ​ដែលចូលរួ​មនឹង​មាន​ឱកាស​ស្វែង​យល់ដោយ​ផ្ទាល់អំ​ពីឱ​កាស​ការងារ​រាប់​ម៉ឺន​កន្លែងពីក្រុមហ៊ុន និងរោងចក្រធំៗជា​ច្រើន ក៏​ដូចជា​​អាចដាក់ពាក្យ​សម្ភាស​ការ​ងារភ្លាម​ៗនៅទីតាំងក​ម្មវិ​ធីផងដែរ។

ក្រៅពីឱកាសកា​រងារ អ្នកចូល​រួមក៏នឹងទទួ​លបានព័​ត៌មានលម្អិតអំពីអត្ថប្រ​យោជន៍នៃរ​បបសន្តិ​សុខសង្គម ដែលផ្ដល់ដោយ ​ប.ស.ស. និងព័ត៌មាន​អំពី​វគ្គ​សិក្សាជំ​នាញដោយ​ឥតគិតថ្លៃ ក្រោ​មកម្មវិធីរប​​ស់រាជរដ្ឋា​ភិបាល ដែលអាចជួយ​ឱ្យយុវជន និងប្រជា​ពលរដ្ឋបង្កើន​ជំនាញ​វិជ្ជាជីវៈ និងបង្កើន​ឱកាស​ទទួល​​បានការងារល្អនៅក្នុងប្រទេស។ បន្ថែម​ពី​លើនេះ អ្នកចូលរួមនឹងទ​ទួលបាននូវអាហារ ភេសជ្ជៈ ការដឹកជញ្ជូ​នទៅចូ​ល​រួម​វេទិកា​ដោយ​ឥត​គិត​ថ្លៃថែមទៀត​ផង​។

លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ នៅតែបន្តអំពា​វនា​វសា​ជាថ្មីម្តងទៀ​តទៅដល់​អតីតពល​ករ​ដែ​លមកពីប្រ​ទេសថៃ និងប្រជាពលរដ្ឋនៅ​មូលដ្ឋាន​ជាពិសេសខេត្ត​ជាប់ព្រំដែនដែល​មានបំណងស្វែងរកការងារធ្វើ សូម​ទាក់ទងមក​លេខ ១២៩៧ ដើម្បី​ទ​​ទួលបាន​ឱកា​សការងារក្នុងស្រុកដែលមានប្រាក់ឈ្នួល​ប្រហាក់ប្រហែលគ្នា អត្ថប្រយោជន៍សង្គមច្រើន​ជាង សុវត្ថិភាព និងចូលរួមក្នុង​ការ​អភិវឌ្ឍ​សេដ្ឋកិច្ច​ជាតិរ​បស់ខ្លួន៕

The post ក្រសួងការងារ នឹងនាំយកឱកាសកា​រងារជូ​ន​ដល់អតីតពលករ និងពលរដ្ឋក្នុងខេត្តត្បូងឃ្មុំនៅចុងសប្ដាហ៍នេះ appeared first on Kampuchea Thmey Daily.

ប្រតិបត្តិការនេះ ធ្វើឡើងក្រោមបទបញ្ជាដ៏ម៉ឺងម៉ាត់របស់ លោក ប៉ែន កុសល្យ អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្ត ដោយមានការសម្របសម្រួលផ្ទាល់ពីតំណាងអយ្យការអមសាលាដំបូងខេត្ត។កម្លាំងចម្រុះដែលបានចូលរួមធ្វើប្រតិបត្តិការ រួមមាន ស្នងការដ្ឋាននគរបាលខេត្ត, កងរាជអាវុធហត្ថខេត្ត, នាយកដ្ឋាននគរបាលព្រហ្មទណ្ឌ និងអាជ្ញាធរមូលដ្ឋាន។

ជាលទ្ធផល នៅក្នុងការចុះត្រួតពិនិត្យទីតាំងបន្ទប់ជួលចំនួន ០៣កន្លែង ស្ថិតក្នុងភូមិត្រពាំងផ្លុងទី២ ឃុំត្រពាំងផ្លុង ស្រុកពញាក្រែក (រួមមានបន្ទប់សរុប ៨៨បន្ទប់, ទូកុងទឺន័រ ០៩ទូ, អាហារដ្ឋាន ០១ និងផ្ទះបាយ ០២) អាជ្ញាធរបានរកឃើញជនបរទេសស្នាក់នៅចំនួន ២៣នាក់ (ក្នុងនោះមានស្រី ០៣នាក់)។

បច្ចុប្បន្ន ជនបរទេសទាំង ២៣នាក់ ត្រូវបានបញ្ជូនទៅកាន់អធិការដ្ឋាននគរបាលស្រុកពញាក្រែក ភ្លាមៗដើម្បីធ្វើការសាកសួរ និងអនុវត្តនីតិវិធី។ ជាមួយគ្នានោះ ក្រុមការងារបានធ្វើការអប់រំ ណែនាំ និងធ្វើកិច្ចសន្យាស្របតាមអនុក្រឹត្យលេខ០៣ របស់រាជរដ្ឋាភិបាល និងច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យា (Online Scams)។

កម្លាំងគណៈបញ្ជាការឯកភាពរដ្ឋបាលខេត្ត កំពុងបន្តសកម្មភាពស្រាវជ្រាវ និងត្រួតពិនិត្យយ៉ាងក្តៅគគុកលើទីតាំងសង្ស័យនានា គ្របដណ្តប់ទូទាំង ៧ ក្រុង-ស្រុក ក្នុងខេត្តត្បូងឃ្មុំ ដើម្បីបោសសំអាតបទល្មើសបច្ចេកវិទ្យា (Online Scams), បទល្មើសគ្រឿងញៀន, ក្មេងទំនើង និងល្បែងស៊ីសង ឱ្យអស់ពីទឹកដីខេត្តត្បូងឃ្មុំ មិនឱ្យកើតមានឡើងជាដាច់ខាត៕

អត្ថបទ ​និងរូបភាព​៖​ឡេក​ ចាន់ពេជ្រ

The post ជនបរទេស ២៣នាក់ ត្រូវបានឃាត់ខ្លួន ក្នុងការចុះបង្ក្រាបបទល្មើសបច្ចេកវិទ្យា និងការស្នាក់នៅខុសច្បាប់ នាខេត្តត្បូងឃ្មុំ appeared first on Kampuchea Thmey Daily.

កម្មវិធីនេះនឹងត្រូវរៀបចំឡើងដោយក្រុមគ្រូពេទ្យជំនាញឯកទេសភ្នែក ទៅតាមកាលបរិច្ឆេទ និងទីតាំងមន្ទីរពេទ្យនានា ដូចខាងក្រោម៖

សូមបញ្ជាក់ជូនថា រាល់ការពិនិត្យ ព្យាបាល និងការវះកាត់ គឺមិនមានការទារកម្រៃ ឬបង់ប្រាក់អ្វីទាំងអស់ (ឥតគិតថ្លៃ ១០០%)។ ដូច្នេះប្រជាពលរដ្ឋដែលមានបញ្ហាភ្នែកទាំងអស់ អាចអញ្ជើញទៅទទួលសេវាពិនិត្យ និងព្យាបាលនៅមន្ទីរពេទ្យដែលនៅជិតផ្ទះរបស់លោកអ្នកបំផុត ទៅតាមថ្ងៃខែដែលបានកំណត់ខាងលើ កុំបីខកខានឡើយ៕

The post មន្ទីរសុខាភិបាលខេត្តត្បូងឃ្មុំ រៀបចំកម្មវិធីពិនិត្យ ព្យាបាល និងវះកាត់ជំងឺភ្នែកគ្រប់ប្រភេទ ជូនពលរដ្ឋឥតគិតថ្លៃ ចំនួន ៥ទីតាំង appeared first on Kampuchea Thmey Daily.

​សម្ដេចមហាបវរធិបតី ​ហ៊ុន ​ម៉ាណែត ​នាយករដ្ឋមន្ត្រីកម្ពុជា មានប្រសាសន៍ ​នៅក្នុងពិធីសម្ពោធ​រោង​ចក្រ គីមស៍ រ៉ាប់ប៊ើរ​ថា ​ការសម្រេចវិនិយោគ ​សាងសង់រោងចក្រ​ផលិតកែច្នៃជ័រកៅស៊ូនេះ ​បានឆ្លុះបញ្ចាំង​អំពីសារ​សំខាន់ នៃកត្តាសុខសន្តិភាព​​ដែលជាមូលដ្ឋានគ្រឹះ​ នៃការអភិវឌ្ឍន៍​សង្គម ​សេដ្ឋកិច្ចជាតិ​ឱ្យរីកចម្រើនឆាប់រហ័ស​ ព្រមទាំងបង្ហាញពីទំនុកចិត្ត ​និងភាព​ជឿជាក់របស់​វិនិយោគិន​ទាំងខ្មែរ ​និង​បរទេសមកលើបរិយាកាសធុរកិច្ចអំណោយផលរបស់កម្ពុជា​។

ក្រុមហ៊ុន ​គីមស៍ រ៉ាប់ប៊ើរ ​បានបោះទុនវិនិយោគ​ ៣០ ​លានដុល្លារ ​សាងសង់​រោងចក្រផលិតកែច្នៃជ័រកៅស៊ូ ​នៅ​លើ​ផ្ទៃដីជិត ១៥ ហិកតា ​និង​មាសមត្ថភាពផលិត​ជ័រកៅស៊ូ ១០ ម៉ឺនតោ ក្នុងមួយឆ្នាំ ព្រមទាំងផ្ដល់ការងារផ្ទាល់ប្រមាណ ៣០០ កន្លែង និងការងារ​ប្រយោល​ប្រមាណជាង ៥ ម៉ឺននាក់។

​សម្ដេច ​ហ៊ុន ម៉ាណែត បានបញ្ជាក់ថា ​នៅក្នុងឆ្នាំ ២០២៥ ចំណូលសរុបបានពីការលក់​ផលិតផលជ័រ​កៅស៊ូ​ចំនួន ​៨៣៣ លានដុល្លារ ​កើនឡើងប្រមាណ ​២៤% ធៀបនឹងឆ្នាំ ​២០២៤ មួយផ្នែកដោយសារតម្លៃ​កៅស៊ូកើនឡើង ​និងផ្ទៃដីកើន។​

​សម្រាប់​ចំណូលពីការនាំចេញប្រមាណ ​៦០៤ ​លានដុល្លារ ​ថយចុះ​ ៩,១% ​ប៉ុន្តែចំណូលពីការលក់​ជ័រ​កៅស៊ូ​ក្នុង​ស្រុក ប្រមាណ ​២២៣ ​លានដុល្លារ ​កើនឡើង ១៣១% ​ពោលគឺលក់ក្នុងស្រុកដើម្បីបំពេញតម្រូវការ ​ច្រើន​ជាង​នាំចេញ។

សម្ដេច ​ហ៊ុន ម៉ាណែត ​បន្ថែមថា ការអភិវឌ្ឍន៍វិស័យកសិកម្ម ដំបូងឡើយ​គឺការផលិត ​និងនាំចេញនូវត្ថុធាតុដើម ​បន្ទាប់មកគឺការនាំចេញ​ផលិតផលពាក់កណ្ដាលសម្រេច​ និងផលិតផលសម្រេច ដែលជំរុញឱ្យមាន​កសិឧស្សាហកម្ម ​ដែលនេះគឺជាគោលដៅសំខាន់ណាស់​ ដើម្បីរក្សាតម្លៃបន្ថែមនៅក្នុងប្រទេស។

សម្ដេច ​ហ៊ុន ម៉ាណែត បញ្ជាក់ថា៖ «​បើយើងផលិត​នាំចេញតែវត្ថុធាតុដើមទៅក្រៅ​ ទៅដល់​ប្រទេស​ផ្សេងគេយកទៅ​ វៃក្នុង កែច្នៃមួយចំនួន ច្រកបៅវៃផ្លាក ​ស្រុកគេ តម្លៃវាទៅដល់នោះ ​អញ្ចឹងផល ​និងតម្លៃទៅដល់កសិករក៏វាតិច ​តែបើយើង​រក្សានៅក្នុងស្រុករបស់យើង​ តាមរយៈការកែច្នៃ​ជាវត្ថុពាក់កណ្ដាលសម្រេច ឬផលិតផលសម្រេច គឺជាគោលដៅធំសម្រាប់យើង ​ហើយបើយើងអាចជំរុញការកែច្នៃ​ឱ្យបាននៅនឹងកន្លែង ​មិនត្រឹមតែ​ កសិកម្មទេ ​គឺកសិឧស្សាហកម្ម ​បានន័យថា ​មិនមែនតែកសិករ ឬមួយម្ចាស់ចម្ការ ម្ចាស់ស្រែនោះទេ ​ប៉ុន្តែអ្នកដែលធ្វើការ​នៅក្នុងរោងចក្រ​កែច្នៃ បង្កើតការងារដឹកជញ្ជូនផ្សេងៗ​ គឺជាខ្សែច្រវាក់ផលិតកម្ម​ដែលយើងចង់បាន​»។

លោក ​ម៉ែន ​សុភក្តិ ​ប្រធាន​សមាគម​អភិវឌ្ឍន៍​កៅស៊ូ​ ​ប្រាប់កម្ពុជាថ្មីថា​ ថ្វីត្បិតស្ថានភាពសេដ្ឋកិច្ច ​នយោបាយ ​នៅលើពិភពលោកជួបបញ្ហា ​ប៉ុន្តែការនាំចេញនៅក្នុងវិស័យកៅស៊ូកម្ពុជា ​បន្តមាន​ស្ថិរ​ភាព​ល្អ ​ខណៈតម្លៃក៏​បានខ្ពស់​គួរសម ​ឆ្លុះបញ្ចាំង​ពីការ​រក្សា​បាន​នូវស្ថិរ​ភាព​ទីផ្សារតម្លៃ​ជ័រកៅស៊ូ។

យោងតាមក្រសួងកសិកម្ម រុក្ខាប្រមាញ់ និងនេសាទ គិតមកដល់ពេលនេះ កម្ពុជាមានផ្ទៃដីដាំដុះកៅស៊ូជិត ៤៥ ម៉ឺន ហិកតា ផ្ដល់ទិន្នផលប្រមាណ ៤២ ម៉ឺនតោន​ ក្នុងមួយឆ្នាំ ដែលពីមុន​ជ័រកៅ​ស៊ូមាន​ការនាំចេញ​ទាំងស្រុង ​ខណៈបច្ចុប្បន្ន កម្ពុជាមាន​លទ្ធ​ភាព​កែច្នៃ ​និង​លក់ក្នុង​ស្រុក៕

អត្ថបទ៖ ឡេង ដេត

The post ​រោងចក្រ​កែច្នៃ​ជ័រកៅស៊ូ​តម្លៃ ​៣០ ​លានដុល្លារ ​បើក​ដំណើរការ​នៅ​ខេត្តត្បូងឃ្មុំ​ appeared first on Kampuchea Thmey Daily.

ប្រតិបត្តិការឃាត់ខ្លួនក្រុមជនបរទេសនេះ ធ្វើឡើងក្នុងរង្វង់ប្រតិបត្តិការចុះរដ្ឋបាលចំហររបស់គណៈបញ្ជាការឯកភាពរដ្ឋបាលខេត្តត្បូងឃ្មុំ ដែលមានកម្លាំងនគរបាលខេត្ត កងរាជអារុធហត្ថខេត្ត សហការជាមួយកម្លាំងនាយកដ្ឋានព្រហ្មទណ្ឌ នៃអគ្គស្នងការដ្ឋាននគរបាលជាតិ នៅតាមផ្ទះល្វែង ផ្ទះវីឡា និងតាមអគារ ស្ថិតក្នុងភូមិត្រពាំងផ្លុងទី១ ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ។

ក្នុងរង្វង់ប្រតិបត្តិការ កម្លាំងគណៈបញ្ជាការឯកភាពខេត្តបានចុះត្រួតពិនិត្យលើទីតាំងចំនួន៣ ក្នុងនោះមានទីតាំងមួយ ដែលពាក់ព័ន្ធលបលួចប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams ) និង២ទីតាំងទៀត មានជនបរទេសរស់នៅប្រមូលផ្ដុំដោយខុសច្បាប់។

តាមរបាយការណ៍របស់ស្នងការដ្ឋាននគរបាលខេត្តត្បូងឃ្មុំ ជនបរទេសដែលត្រូវឃាត់ខ្លួនមានសរុប ២១២នាក់ ស្រី៣៩នាក់ ក្នុងនោះមានជនជាតិចិន ១៩២នាក់ (ស្រី ២៤នាក់) ជនជាតិមីយ៉ាន់ម៉ា ស្រី០៣នាក់ ជនជាតិវៀតណាម ១០នាក់ (ស្រី ០៧នាក់) និងជនជាតិខ្មែរ ០៧នាក់ (ស្រី ០៥នាក់) រួមទាំងសម្ភារៈពាក់ព័ន្ធមួយចំនួនផងដែរ៕

The post ខេត្តត្បូងឃ្មុំ ឃាត់ខ្លួនជនបរទេសជាង២០០នាក់ ពាក់ព័ន្ធករណី Online Scams និងប្រមូលផ្ដុំខុសច្បាប់ appeared first on Kampuchea Thmey Daily.

ដោយអនុវត្តតាមបទបញ្ជាលោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ លោកឧត្តមសេនីយ៍ត្រី ចក់ សុខកៅ ស្នងការរងនគរបាលខេត្តទទួលផែនព្រហ្មទណ្ឌ បានដឹកនាំកម្លាំងចុះស្រាវជ្រាវ ពិនិត្យក្នុងចម្ការកៅស៊ូក្រុមហ៊ុនមេមត់ និង ក្រោមកិច្ចសហការជាមួយកម្លាំងជំនាញនាយកដ្ឋានព្រហ្មទណ្ឌ ឈានដល់ចាប់បានជនសង្ស័យចំនួន៦នាក់ ជាជនជាតិចិន ពាក់ព័ន្ធករណីអំពើឃាតកម្ម យកមកសួរនាំបន្តនៅស្នងការដ្ឋាននគរបាលខេត្ត។

បើតាមលោកឧត្តមសេនីយ៍ត្រី ចក់ សុខកៅ ស្នងការរងបានឲ្យដឹងថា កាលពីថ្ងៃទី១ខែមករា ឆ្នាំ២០២៦ មានក្រុមកម្មករចៀរជ័រកៅស៊ូមួយក្រុម បានប្រទះឃើញមួយគ្រឿងបើកមកឈប់ក្នុងចម្ការកៅស៊ូបានបន្តិចរថយន្តនោះក៏ប្រញាប់ប្រញាល់បើកចេញទៅខាងក្រៅវិញ។ដោយមានការសង្ស័យកម្មកររូបនោះបានជិះម៉ូតូទៅមើលក៏ស្រាប់តែប្រទះឃើញសាកសពបុរសម្នាក់មិនស្គាល់អត្តសញ្ញាណហើយបានរាយការណ៍ជូនសមត្ថកិច្ចមូលដ្ឋានជាបន្ទាន់ផងដែរ។

ចំពោះករណីប្រទះឃើញសាកសពមនុស្សស្លាប់ នៅក្នុងចម្ការកៅស៊ូក្រុមហ៊ុនមេមត់ កាលពីថ្ងៃទី១ខែមករា ឆ្នាំ២០២៦ វេលាម៉ោង២និង១០នាទី កម្លាំងជំនាញនៃស្នងការដ្ឋាននគរបាលខេត្តត្បូងឃ្មុំ ទទួលបានព័ត៌មានពីលោកនាយប៉ុស្តិ៍នគរបាលរដ្ឋបាលត្រមូង រាយការណ៍មកថា ប្រជាពលរដ្ឋបានប្រទះឃើញសាកសព ភេទប្រុស ស្លាប់នៅក្នុងចម្ការកៅស៊ូក្រុមហ៊ុនមេមត់ ស្ថិតនៅចំណុច ក្រុមហ៊ុនចម្ការកៅស៊ូមេមត់ ស្ថិតនៅភូមិដូងទី២ ឃុំត្រមូង ស្រុកមេមត់ ខេត្តត្បូងឃ្មុំ។ កម្លាំងនគរបាលខេត្តត្បូងឃ្មុំ សហការជាមួយនាយកដ្ឋាននគរបាលព្រហ្មទណ្ឌ នៃអធិការដ្ឋាននគរបាលស្រុកមេមត់ និងពេទ្យកោសល្យវិច្ច័យនៃមន្ទីរពេទ្យបង្អែកស្រុកមេមត់ ដឹកនាំសម្របសម្រួលនីតិវិធី ដោយលោក រ៉ា បូរ៉ាន់ឌី ព្រះរាជអាជ្ញារងនៃអយ្យកាអមសាលាដំបូងខេត្តត្បូងឃ្មុំ បានចុះទៅដល់កន្លែងកើតហេតុ ធ្វើការស្រាវជ្រាវនិងពិនិត្យសាកសពបុរសម្នាក់ស្លាប់។

លុះវេលាម៉ោង០៨និង២០នាទី ថ្ងៃខែឆ្នាំដ៏ដែរ កម្លាំងជំនាញទទួលព័ត៌មានពីប៉ុស្តិ៍នគរបាលរដ្ឋបាលដារ ប្រទះឃើញរថយន្ត០១គ្រឿងម៉ាក ឡង់គ្រីស័រ ពណ៌ស (គ្មានស្លាកលេខ) យកទៅប្លុងចោល នៅចំណុចក្នុងព្រៃស្ថិតនៅភូមិសាឡង់១ ឃុំដារ ស្រុកមេមត់ ខេត្តត្បូងឃ្មុំ។ ភ្លាមៗកម្លាំងជំនាញបានចុះត្រួតពិនិត្យរថយន្តខាងលើ ពិតជាមានការពាក់ព័ន្ធករណីខាងលើ រថយន្តនេះកម្លាំងយើងយក មករក្សាទុកនៅអធិការដ្ឋាននគរបាលស្រុកមេមត់ដើម្បីធ្វើការស្រាវជ្រាវ។

ជនរងគ្រោះឈ្មោះ Xiao yang (ឈ្មោះហៅក្រៅ)ភេទប្រុស អាយុ៣០ឆ្នាំ ជនជាតិចិន សាកសពជនរងគ្រោះជំនាញការិយាល័យបច្ចេកទេសដឹកបញ្ជូនទៅនាយកដ្ឋានបច្ចេកទេស អគ្គស្នងកាដ្ឋាននគរបាលជាតិ ដើម្បីបន្តនីតិវិធី។

ដោយឡែកជនសង្ស័យទាំង៦នាក់ ត្រូវបានសមត្ថកិច្ចជំនាញធ្វើការស្រាវជ្រាវជាបន្តបន្ទាប់រហូតឈានដល់ឃាត់ខ្លួនបញ្ជូនមកស្នងការដ្ឋាននគរបាលខេត្តត្បូងឃ្មុំដើម្បីបន្តនីតិវិធីតាមច្បាប់៕

The post សមត្ថកិច្ចខេត្តត្បូងឃ្មុំស្រាវជ្រាវករណីឃាតកម្ម សម្លាប់រួចយកសពប្លុងចោលក្នុងចម្ការកៅស៊ូ appeared first on Kampuchea Thmey Daily.

កាលពី​វេលា​ម៉ោង ៤ និង ១៧ នាទី ថ្ងៃ​ទី ៧ ខែ​កញ្ញា ឆ្នាំ ២០២៥ មាន​ករណី​បង្ខាំង​មនុស្ស​ខុសច្បាប់ និង​ជំរិត​ទារ​ប្រាក់ ដោយ​ក្រុម​ជនសង្ស័យ​ចំនួន ១ ក្រុម បាន​ធ្វើ​សកម្មភាព​ចាប់​ជនរងគ្រោះ ២ នាក់ រួមមាន ៖ ១.ឈ្មោះ TRAN HONG TRANG ភេទ​ស្រី អាយុ ៣៣ ឆ្នាំ ជនជាតិ​វៀតណាម និង ២.ឈ្មោះ NGAN THI KE ភេទ​ស្រី អាយុ ៤៣ ឆ្នាំ ជនជាតិ​វៀតណាម ដាក់​ចូល​ក្នុង​វ៉ាលិស រួច​លើក​ចូល​ក្នុង​រថយន្ត ចេញពី​ទីតាំង ជី យៀន រី​ស៊​ត ស្ថិត​ក្នុង​ភូមិ​ព្រះ​ផ្តៅ ឃុំ​ត្រពាំង​ផ្លុ​ង ស្រុក​ពញាក្រែក ខេត្ត​ត្បូងឃ្មុំ។

ដោយ​អនុវត្ត​តាម​បទបញ្ជា​របស់​លោក​ឧត្ដមសេនីយ៍​ឯក ង៉េង ជួ ប្រធាន​នាយកដ្ឋាន​នគរបាល​ព្រហ្មទណ្ឌ លោក​ឧត្ដមសេនីយ៍​ត្រី ហ៊ុន មុន្នី​រ័ត្ន , លោក​វរសេនីយ៍ឯក ហែម បូណា និង លោក​វរសេនីយ៍​ឯក ឆាន់ គីមលី អនុ​ប្រធាន​នាយកដ្ឋាន បាន​ដឹកនាំ​សហការ​ជាមួយ​ស្នងការដ្ឋាន​ខេត្ត​ត្បូងឃ្មុំ និង​ខេត្ត​ស្វាយរៀង ធ្វើការ​ស្រាវជ្រាវ​តាម​នីតិវិធី និង​ជំនាញ។

លុះដល់​វេលា​ម៉ោង ១ និង ២០ នាទី ថ្ងៃ​ទី ៨ ខែ​កញ្ញា ឆ្នាំ ២០២៥ កម្លាំង​ជំនាញ បាន​បន្ត​ដឹកនាំ​សហការ​ដោយ​ជួយ​សង្គ្រោះ​ជនរងគ្រោះ​ចំនួន ២ នាក់ ខាងលើ នៅ​ចំណុច​ភូមិ​អន្លង់​ជ្រៃ ឃុំ​អន្លង់​ជ្រៃ ស្រុក​ពញាក្រែក ខេត្ត​ត្បូងឃ្មុំ ដែល​ត្រូវ​បាន​ក្រុម​ជនសង្ស័យ​កំពុង​ធ្វើការ​បង្ខាំង។

រហូត​វេលា​ម៉ោង ១៤ និង ១០ នាទី ថ្ងៃ​ទី ១២ ខែ​កញ្ញា ឆ្នាំ ២០២៥ ម្សិលមិញ កម្លាំង​ជំនាញ បាន​បន្ត​ដឹកនាំ​សហការ​ដោយ​ឃាត់ខ្លួន​បាន​ជនសង្ស័យ​ចំនួន ២ នាក់ រួមមាន ៖ ១.ឈ្មោះ XIE CHENGPING ភេទ​ប្រុស អាយុ ៥០ ឆ្នាំ ជនជាតិ​ចិន , ២.ឈ្មោះ LUO DEYUAN ភេទ​ប្រុស អាយុ ៥១ ឆ្នាំ ជនជាតិ​ចិន ឃាត់ខ្លួន​ត្រង់​ចំណុច​សង្កាត់​ភ្នំពេញ​ថ្មី ខណ្ឌ​សែន​សុខ រាជធានី​ភ្នំពេញ។

បច្ចុប្បន្ន ជនសង្ស័យ ត្រូវ​បាន​បញ្ជូន​ខ្លួន​ទៅកាន់​នាយកដ្ឋាន​នគរបាល​ព្រហ្មទណ្ឌ ដើម្បី​ធ្វើការ​សាកសួរ​តាម​នីតិវិធី នៃ​ច្បាប់៕

អត្ថបទ ៖ ម៉េង

The post សមត្ថកិច្ចស្រាវជ្រាវករណីបង្ខាំងមនុស្សខុសច្បាប់ និងជំរិតទារប្រាក់ ឃាត់ខ្លួនឧក្រិដ្ឋជនចិន ២ នាក់ appeared first on Kampuchea Thmey Daily.