ក្រោមការដឹកនាំចង្អុលបង្ហាញដ៏ខ្ពង់ខ្ពស់ពីលោក នាយ​ឧត្តម​សេនីយ៍​ សៅ​​​ សុខា​ អគ្គ​មេបញ្ជាការ​រង​​​នៃកងយោធពល​ខេមរ​ភូមិន្ទ​​​ មេបញ្ជាការ​​​​​​​​​​កង​រាជ​អាវុធហត្ថ​លើផ្ទៃប្រទេស និងប្រសាសន៍ណែនាំរបស់ លោក ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងក្រោមការដឹកនាំបញ្ជាយ៉ាងម៉ឺងម៉ាត់ លោកឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ នៅវេលាម៉ោង០០និង០៥នាទី ថ្ងៃទី២១ ខែមិថុនា ឆ្នាំ២០២៦ កម្លាំង​ជំនាញនៃមន្ទីរ​ស្រាវជ្រាវ​ និង​បង្រ្កាប​បទល្មើស​ កងរាជអាវុធហត្ថខេត្តព្រះសីហនុ ដឹកនាំដោយលោកវរសេនីយ៍ទោ សួ ស៊ន ប្រធានមន្ទីរ

ដោយមានការសម្របសម្រួលនីតិវិធីពីលោក វុធ សាវី ព្រះរាជអាជ្ញារង នៃអយ្យការអមសាលាដំបូងខេត្តព្រះសីហនុ បានចុះបង្រ្កាបទីតាំង​ផ្ទះល្វែង​មួយកន្លែង​ (៣ល្វែង) មានទីតាំងស្ថិតក្នុងភូមិ៣ សង្កាត់លេខ១ ក្រុងព្រះសីហនុ ខេត្ដព្រះសីហនុ និងធ្វើការឃាត់ខ្លួនជនសង្ស័យចំនួន០៩នាក់ ភេទប្រុស (ក្នុងនោះជនជាតិចិន ០៨នាក់, ជនជាតិ​មីយ៉ាន់ម៉ា​ ០១នាក់) ពាក់ព័ន្ធនឹងករណី ឆបោកតាមប្រព័ន្ធបច្ចេកវិទ្យា (ONLINE SCAMS) ប្រព្រឹត្តនៅទីតាំងផ្ទះល្វែងស្ថិតក្នុងភូមិ៣ សង្កាត់លេខ១ ក្រុង-ខេត្តព្រះសីហនុ កាលពីថ្ងៃទី២១ ខែមិថុនា ឆ្នាំ២០២៦។

ក្នុងប្រតិបត្តិការបង្រ្កាបនេះ សមត្ថកិច្ចជំនាញកងរាជអាវុធហត្ថ ឃាត់ខ្លួនបានជនសង្ស័យជាជនជាតិបរទេសជាបច្រើននាក់ និងដកហូតវត្ថុតាងរួមមាន៖ កុំព្យូទ័រ (ALL IN ONE) ចំនួន០៨ឈុត, ទូរសព្ទដៃ (ប្រើប្រាស់ផ្ទាល់ខ្លួន) ចំនួន១២គ្រឿង, លិខិតឆ្លងដែន ចំនួន០២ច្បាប់, អត្តសញ្ញាណសញ្ជាតិចិន ចំនួន០៤សន្លឹក, បណ្ណចេញចូលហុងកុង-ម៉ាកាវ ចំនួន០៣សន្លឹក, សៀវភៅការងារជនបរទេស ចំនួន០៤សន្លឹក,  បណ្ណសន្តិសុខសង្គមចិន ចំនួន០១សន្លឹក, កាតការងារភីលីពីន ចំនួន០១សន្លឹក, បណ្ណបើកបរ ភីលីពីន ចំនួន០១សន្លឹក និង កាតធនាគារ ចំនួន០២សន្លឹក។

បច្ចុប្បន្នជនសង្ស័យរួមនិងវត្ថុតាង ត្រូវបានបញ្ជូនមកការិយាល័យជំនាញ នៅបញ្ជាការដ្ឋានកងរាជអាវុធហត្ថខេត្តព្រះសីហនុ ដើម្បីចាត់ចែងអនុវត្តតាមនីតិវិធីច្បាប់៕

The post អាវុធហត្ថខេត្តព្រះសីហនុ ឆ្មប់បង្ក្រាបទីតាំងឆបោកអនឡាញ ឃាត់ខ្លួនជនបរទេស ១០នាក់ appeared first on Kampuchea Thmey Daily.

ការលើកឡើងនេះ ក្នុងឱកាស លោកទេសរដ្ឋមន្ត្រី ស្វាយ ស៊ីថា និងជាប្រធានគណៈកម្មាធិការជាតិសម្របសម្រួលកិច្ចការព័ត៌មាន និង សាធារណមតិ (គ.ស.ព.ស) បានធ្វើជាអធិបតីបើក និង ដឹកនាំវគ្គបណ្ដុះបណ្ដាលស្ដីពី «ការពង្រឹងការងារសាធារណមតិ និង ការប្រឆាំងព័ត៌មានក្លែងក្លាយក្នុងយុគសម័យបញ្ញាសិប្បនិម្មិត» នៅខេត្តព្រះសីហនុ ដោយមានវត្តមានចូលរួមពី លោក​ ម៉ាង ស៊ីណេត អភិបាល​ នៃគណៈអភិបាលខេត្តព្រះសីហនុ ប្រធានមន្ទីរជុំវិញខេត្ត អាជ្ញាធរពាក់ព័ន្ធ មន្ត្រីព័ត៌មានពីថ្នាក់ខេត្តដល់ថ្នាក់ឃុំ-សង្កាត់ នៅខេត្តព្រះសីហនុ រួមនឹងក្រុមការងារព័ត៌មាន និង សាធារណមតិមកពីខេត្តកោះកុង ជាពិសេសក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ និង កោះកុង ដែលមានសរុបចំនួនជាង ៥០០ នាក់ នាព្រឹកថ្ងៃទី ២០ ខែមិថុនា ឆ្នាំ ២០២៦ នេះ។

វគ្គបណ្តុះបណ្តាលនេះ ត្រូវបានធ្វើឡើងក្នុងគោលបំណងពង្រឹងការអនុវត្តការងារព័ត៌មាន និង សាធារណមតិ ក៏ដូចជាបង្កើនជំនាញប្រយុទ្ធប្រឆាំងនឹងព័ត៌មានក្លែងក្លាយ ដែលត្រូវបានបង្កើតឡើងដោយបច្ចេកវិទ្យា AI តាមរយៈការចែករំលែកបទពិសោធជាក់ស្តែង ដែលបានជួបប្រទះ នៅពេលកន្លងមក សំដៅធ្វើយ៉ាងណាឲ្យមន្ត្រីព័ត៌មានពីថ្នាក់ខេត្តដល់ថ្នាក់ឃុំ-សង្កាត់ នៅក្នុងខេត្តព្រះសីហនុ និង ខេត្តកោះកុង មានសមត្ថភាពគ្រប់គ្រាន់ក្នុងការឆ្លើយតប ដើម្បីបកស្រាយបំភ្លឺបានទាន់ពេលវេលា និង មានប្រសិទ្ធភាព។

វាគ្មិនចំនួន ២​ រូប ដែលមានបទពិសោធន និង ការអនុវត្តជាក់ស្តែងលើការងារព័ត៌មាន និង សាធារ​ណ​មតិ បានធ្វើបទបង្ហាញក្នុងវគ្គបណ្តុះបណ្តាលនេះ រួមមាន លោក ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី ជាប្រធានអង្គភាពអ្នកនាំពាក្យរាជរដ្ឋាភិបាល និងជាអនុប្រធានអចិន្ត្រៃយ៍នៃ គ.ស.ព.ស និង កញ្ញា ម៉ាក រ័ត្នមុនី មន្ត្រីជាន់ខ្ពស់ទទួលបន្ទុកការងារបញ្ញាសិប្បនិម្មិតរបស់លេខាធិការដ្ឋាន គ.ស.ព.ស។

ឆ្លៀតក្នុងឱកាសនោះដែរ លោក ស្វាយ ស៊ីថា បានថ្លែងអំណរគុណយ៉ាងជ្រាលជ្រៅចំពោះ លោក សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និង សំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ ដែលបានផ្តល់ការឧបត្ថម្ភគាំទ្រដល់ការរៀបចំវគ្គបណ្តុះបណ្តាលនេះ និងបានថ្លែងអំណរគុណ លោក ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងជាប្រធានគណៈកម្មាធិការគណបក្សប្រជាជនកម្ពុជា ខេត្តព្រះសីហនុ ដែលបានសហការ និង សម្របសម្រួលយ៉ាងជិតស្និទ្ធនៅក្នុងការរៀបចំការជួបជុំគ្នានេះ។

លោក ស្វាយ ស៊ីថា បានបង្ហាញនូវក្តីសង្ឃឹមយ៉ាងមុតមាំថា «ធាតុចូលសំខាន់ៗ ដែលទទួលបានពីវគ្គបណ្តុះបណ្តាលនៅថ្ងៃនេះ នឹងរួមចំណែកយ៉ាងសំខាន់ក្នុងការពង្រឹងស្មារតី ការយកចិត្តទុកដាក់ និង ការទទួលខុសត្រូវកាន់តែខ្ពស់របស់សិក្ខាកាមទាំងអស់ ក្នុងការអនុវត្តការងារព័ត៌មាន និង សាធារណមតិ ដើម្បីចូលរួមចំណែកក្នុងការថែរក្សា ការពារសន្តិភាព ស្ថិរភាព និង សណ្តាប់ធ្នាប់ សង្គមជាតិ ជាពិសេសនៅពេលតំបន់ និង ពិភពលោក កំពុងស្ថិតក្នុងស្ថានភាពមិនច្បាស់លាស់»៕

The post ការវិវត្តយ៉ាងឆាប់រហ័ស នៃព័ត៌មានក្លែងក្លាយបង្កើតឡើងដោយបញ្ញាសិប្បនិម្មិត ទាមទារឲ្យមន្ត្រីព័ត៌មានពង្រឹងសមត្ថភាពក្នុងការឆ្លើយតប appeared first on Kampuchea Thmey Daily.

ក្នុងនោះផងដែល កម្លាំងសមត្ថកិច្ចបានឃាត់មនុស្សសរុប ៤០នាក់ ក្នុងនោះមានជនជាតិចិន ៣៦នាក់ និងជនជាតិខ្មែរ ៤នាក់។

ប្រតិបត្តិការនេះបានបង្ហាញពីការប្តេជ្ញាចិត្តយ៉ាងមុតមាំរបស់អាជ្ញាធរ ក្នុងការសម្អាតបទល្មើសបច្ចេកវិទ្យា ដែលកំពុងបង្កផលប៉ះពាល់ដល់សន្តិសុខ សណ្តាប់ធ្នាប់សង្គម និងកេរ្តិ៍ឈ្មោះរបស់កម្ពុជា។ លទ្ធផលនៃការស៊ើបអង្កេតបន្ត ដើម្បីឱ្យជនដែលពាក់ព័ន្ធទាំងអស់ត្រូវទទួលខុសត្រូវចំពោះមុខច្បាប់ដោយគ្មានការលើកលែង។

លទ្ធផលនៃកិច្ចប្រតិបត្តិការនេះ គឺថារាជរដ្ឋាភិបាលកម្ពុជា ក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត ដែលក្នុងនោះក៏មានក្រសួងមហាផ្ទៃ ជាសេនាធិការស្នូល គ្មានថ្ងៃបន្ធូរដៃឱ្យក្រុមឧក្រិដ្ឋជន មានឱកាសប្រព្រឹត្តបទល្មើសឆបោកតាមប្រព័ន្ធអនឡាញ (Online Scams) ជាដាច់ខាត លោកបានសង្កត់ធ្ងន់ក្នុងន័យដើមទៀតថា «ខ្ញុំសូមបញ្ជាក់ម្ដងហើយម្ដងទៀត ពិសេសប្រសាសន៍សម្ដេចតេជោ ហ៊ុន សែន ថា កម្ពុជាមិនមែនជាទីជម្រកសុវត្ថិភាពរបស់ជនល្មើសទេ តែជាឋាននរករបស់ជនល្មើស»។

បច្ចុប្បន្ន ជនសង្ស័យទាំង ៤០នាក់ និងវត្ថុតាងទាំងអស់ ត្រូវបានបញ្ជូនទៅស្នងការដ្ឋាននគរបាលខេត្តព្រះសីហនុ ដើម្បីបន្តនីតិវិធី និងកសាងសំណុំរឿងបញ្ជូនទៅតុលាការ ស្របតាមច្បាប់ជាធរមាន៕

The post អាជ្ញាធរខេត្តព្រះសីហនុ ឃាត់ខ្លួនមនុស្ស៤០នាក់ក្នុងប្រតិបត្តិការបង្ក្រាបទីតាំង Online Scams នៅខេត្តព្រះសីហនុ appeared first on Kampuchea Thmey Daily.

ប្រតិបត្តិការនេះធ្វើឡើងក្រោមការដឹកនាំ​ដោយ​លោក នួន ប៊ុ​ន​ថុ​ល អភិបាលក្រុង និង​មានការ​ស​ម្រ​ល​សម្រួល​នីតិវិធី​ពី​លោក កង ធី​រ៉េ​ម ព្រះរាជអាជ្ញា​រង នៃ​អយ្យការ​អម​សាលាដំបូង​ខេត្ត​ព្រះ​សីហ​នុ នៅចំណុចផ្ទះ​វីឡា​ជួល​មួយ​កន្លែង ម្តុំ​ស្ពាន​ត្រជាក់ចិត្ត ស្ថិត​ក្នុងភូមិ​គគីរ សង្កាត់​បិត​ត្រាំ​ង ក្រុង​កំពង់សោម ខេត្ត​ព្រះ​សីហ​នុ។

តាមការបញ្ជាក់ពីលោក នួន ប៊ុ​ន​ថុ​ល អភិបាលក្រុងកំពង់សោម ក្នុងប្រតិបត្តិការនេះ កម្លាំងចម្រុះបាន​រក​ឃើញ​ជនបរទេស​សរុប ២៦​នាក់ ស្រី ៣​នាក់ រួម​មានជនជាតិ​ចិន ៣​នាក់ និង​ជនជាតិ​វៀតណាម ២៣​នាក់ មិន​មាន​លិខិតឆ្លងដែន​ជាប់​ខ្លួន។ ក្រោយ​ការ​ត្រួតពិនិត្យ​ឧបករណ៍​អេ​ឡិច​ត្រូ​និ​ចបាន​រក​ឃើញ​ថា មាន​ពាក់ព័ន្ធ​នឹង​ករណី​ឆបោក​តាម​ប្រព័ន្ធ​បច្ចេកវិទ្យា (Online Scams) ។

ក្នុងប្រតិបត្តិការដដែល កម្លាំងជំនាញបានដកហូតវត្ថុតាង កុំព្យូទ័រ​យួរដៃ ១១​គ្រឿង​, ទូរស័ព្ទ ២០​គ្រឿង​, រថយន្ត ២​គ្រឿង និង​ម៉ូតូ ១​គ្រឿង។ ជនបរទេស​ទាំង ២៦​នាក់ ត្រូវ​បាន​នាំ​មក​ស្នងការដ្ឋាន​នគរបាល​ខេត្ត​ព្រះ​សីហ​នុ ដើម្បី​សាកសួរ និង​បន្ត​នីតិវិធីតាមផ្លូវច្បាប់​។ ចំណែក​ទីតាំង​ខាងលើ ដោយ​មាន​តំណាង​ម្ចាស់​ទីតាំង​ឈ្មោះ ឌឹ​ម គាំ ភេទ​ស្រី ជនជាតិ​ខ្មែរ អាយុ៣៦​ឆ្នាំ ត្រូវ​បាន​បិទ​សៀ​ល​ជា​បណ្តោះអាសន្ន៕

The post រដ្ឋបាលក្រុងកំពង់សោម ប្រតិបត្តិការបង្ក្រាបទីតាំងប្រព្រឹត្តបទល្មើស Online Scams ក្នុងផ្ទះវីឡាមួយកន្លែងឃាត់ខ្លួនជនបរទេស២៦នាក់ appeared first on Kampuchea Thmey Daily.

ជាក់ស្ដែងថ្ងៃទី២៦ ខែឧសភា ឆ្នាំ២០២៦ ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ លោក នាយឧត្តមសេនីយ៍ ស ថេត អគ្គស្នងការនគរបាលជាតិ និង​ លោក​ ម៉ាង​ ស៊ីណេត​ អភិបាល​ នៃ​គណៈអភិបាលខេត្តព្រះសីហនុ​ និងការចង្អុលណែនាំជាប្រចាំរបស់​ លោកឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ លោក​វរសេនីយ៍ទោ​ នី​ ចាន់ណារ៉ា​ នាយការិយាល័យ​នគរបាល​ចរាចរណ៍​ផ្លូវ​គោក​ ដឹកនាំ​កម្លាំងនគរបាល​ចរាចរណ៍​ផ្លូវ​គោក​​ សហការ​ជាមួយ​កម្លាំង​ការិយាល័យ​នគរបាល​ប្រឆាំង​គ្រឿងញៀន​ ចុះ​រឹតបន្តឹងអនុវត្តច្បាប់ស្តីពីចរាចរណ៍ផ្លូវគោក​ ត្រួតពិនិត្យ​ជាតិ​ស្រវឹង​ និង​ធ្វើ​តេស្ដ​​រក​សារធាតុ​គ្រឿងញៀន​ អ្នកបើកបរ​រថយន្ត​ធុនធំ​ លើផ្លូវជាតិលេខ​៤​ ចន្លោះគីឡីម៉ែត្រ​ ២២០-២២១​ ស្ថិតនៅ​សង្កាត់លេខ​១​ ក្រុង-ខេត្តព្រះសីហនុ។

ជាមួយគ្នាផងដែល កម្លាំងសមត្ថកិច្ច បានធ្វើអប់រំពន្យល់ឲ្យអ្នកបើកបរគ្រប់រូបចូលរួមគោរពច្បាប់ចរាចរណ៍ ជៀសវាងដាច់ខាតការប្រើប្រាស់សារធាតុញៀន បើកបរក្នុងស្ថានភាពស្រវឹង ជាហេតុនាំអោយមានគ្រោះចរាចរណ៍ កើតឡើងដោយជាយកថាហេតុ ក្នុងការត្រួតពិនិត្យវាស់កម្រិតជាតិស្រវឹង និងមិនអនុញ្ញាតិអោយអ្នកបើកបរ ដែលមានជាតិស្រវឹងលើសកម្រិតបន្តបើកបររថយន្ត ដោយត្រូវផ្លាស់ប្តូរអ្នកបើកបរ ដែលរួមដំណើរមកជាមួយគ្នា៕

The post នគរបាលខេត្តព្រះសីហនុ រឹតបន្តឹងច្បាប់ចរាចរណ៍ លើអ្នកបើកបរក្រោមឥទ្ធិពលគ្រឿងស្រវឹង តេស្តសារធាតុញៀន អ្នកបើករថយន្ត​ធុនធំ appeared first on Kampuchea Thmey Daily.

ការបង្ក្រាបនេះធ្វើឡើងក្រោមបទបញ្ជាផ្ទាល់ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ដោយកម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងនគរបាលខេត្តព្រះសីហនុ ដែលជាម្ចាស់ករណី បង្ក្រាបក្រុមជនសង្ស័យក្នុងទឹកដីភូមិសាស្ត្ររាជធានីភ្នំពេញ។

ជនសង្ស័យទាំង ០៦ នាក់ រួមមាន ៖ ០១.ឈ្មោះ WANG HU ភេទប្រុស អាយុ ៣៥ ឆ្នាំ , ០២.ឈ្មោះ LYU XIAN KUI ភេទប្រុស អាយុ ៤៧ ឆ្នាំ , ០៣.ឈ្មោះ PU XING WANG ភេទប្រុស អាយុ ៣៦ ឆ្នាំ , ០៤.ឈ្មោះ YINGLEł ភេទប្រុស អាយុ ៣៩ ឆ្នាំ , ០៥.ឈ្មោះ CHEN YIFING EI ភេទប្រុស អាយុ ២៤ ឆ្នាំ , ០៦.ឈ្មោះ WANG LING ភេទប្រុស អាយុ ៤៣ ឆ្នាំ។

ក្នុងការបង្ក្រាប កម្លាំងសមត្ថកិច្ច ដកហូតបានរថយន្តម៉ាក TOYOTA ALPHARD ០១ គ្រឿង ពណ៌ស ស៊េរីឆ្នាំ ២០១៥ ពាក់ផ្លាកលេខ កម្ពុជា H.DAV289 , អាវុធខ្លី ម៉ាក NP៤២ ០១ ដើម បង់ចំនួន ០១ និង គ្រាប់ចំនួន ១០ គ្រាប់ , ទូរសព្ទ័ដៃចំនួន ០៦ គ្រឿង និង វត្ថុតាងពាក់ព័ន្ធមួយចំនួនទៀត។

បច្ចុប្បន្ន ជនសង្ស័យ និង វត្ថុតាង ត្រូវបានបញ្ជូនទៅកាន់ស្នងការដ្ឋាននគរបាលខេត្តព្រះសីហនុ ដើម្បីចាត់វិធានការទៅតាមផ្លូវច្បាប់៕
អត្ថបទ ៖ សុភា

The post នគរបាលរាជធានី ស្រាវជ្រាវបង្ក្រាបជនជាតិចិន ០៦ នាក់ លួចផ្លាកលេខរថយន្ត និង កាន់កាប់អាវុធខុសច្បាប់ ប្រព្រឹត្តិនៅខេត្តព្រះសីហនុ appeared first on Kampuchea Thmey Daily.

ការចុះប្រតិបត្តិការឃាត់ខ្លួនក្រុមជនជាតិចិននេះ ធ្វើឡើងនៅម៉ោងប្រមាណ ២១និង០០នាទីយប់ ថ្ងៃទី២១ ខែឧសភា ឆ្នាំ២០២៦ បន្ទាប់ពីមានប្រជាពលរដ្ឋរាយការណ៍ថា មានជនជាតិចិនមួយក្រុមកាន់អាវុធភ្ជង់ជនជាតិចិនដូចគ្នា។

ក្នុងប្រតិបត្តិការ កម្លាំងជំនាញបានឃាត់ខ្លួនជនសង្ស័យចំនួន៥នាក់ ដកហូតអាវុធខ្លី ២ដើម និងរថយន្ត ២គ្រឿង និងបានរំដោះជនរងគ្រោះជាជនជាតិចិនម្នាក់ និងបានបញ្ជូនមកស្នងការដ្ឋាននគរបាលខេត្តដើម្បីសួរនាំ និងអនុវត្តនិតិវិធីច្បាប់បន្ត។ ទោះបីយ៉ាងណា ក្នុងហេតុការន៍នេះ កម្លាំងសមត្ថកិច្ចនៅមិនទាន់បញ្ជាក់ថា ជាករណីអ្វីនោះទេ៕

The post ផ្ទុះអាវុធមួយប្រាវ ឃាត់ខ្លួនជនជាតិចិន៥នាក់ និងដកហូតអាវុធខ្លី ២ដើម appeared first on Kampuchea Thmey Daily.

ដោយអនុវត្តតាមបទបញ្ជផ្ទាល់ពី លោកនាយឧត្ដមសេនីយ៍ ស ថេង អគ្គស្នងការនគរបាលជាតិ និង ដឹកនាំបញ្ជាផ្ទាល់ពីលោកឧត្ដមសេនីយឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ បានបើកការស្រាវស្រាវភ្លាមៗ កំលាំងជំនាញព្រហ្មទណ្ឌ របស់ស្នងការដ្ឋាននគរបាលខេត្តព្រះសីហនុ សហការជាមួយ អធិការដ្ឋាននគរបាក្រុងព្រះសីហនុ និង ប៉ុស្តិ៍នគរបាលរដ្ឋបាលសង្កាត់លេខ ១ និង២ បានធ្វើការតាមរហូតដល់វេលាម៉ោងប្រហែល ០៣និង២០នាទីរំលងអាធ្រាត ឈានចូលថ្ងៃទី ១៥ ខែឧសភា ឆ្នាំ២០២៦

ទើបសមត្ថកិច្ចឃាត់ខ្លួនជនសង្ស័យបាននៅចំណុច ក្រោមផ្លូវល្បឿនលឿន ក្រុមទី១៧ ភូមិ១ សង្កាត់លេខ១ ក្រុងខេត្តព្រះសីហនុ យកទៅស្នងការដ្ឋាននគរបាលខេត្តព្រះសីហនុ ដើម្បីធ្វើការសាកសួរ។ ជនសង្ស័យឈ្មោះ សុខ រស្មី ភេទស្រី អាយុ ២៤ឆ្នាំ ជនជាតិខ្មែរ មុខរបរ បុគ្គលិកខារ៉ាអូខេ ស្នាក់នៅបន្ទប់ជួល ភូមិ៤ សង្កាត់លេខ៤ ក្រុង-ខេត្តព្រះសីហនុ។

 បើតាមយោងតាមការសួរបំភ្លឺមិត្តភក្តិរបស់ស្រ្តីរងគ្រោះ និងប្អូនប្រុសជនសង្ស័យ បានឲ្យដឹងថា កន្លងមក ជនសង្ស័យ និងជនរងគ្រោះ ជាមនុស្សស្រីស្រលាញ់ភេទ ដូចគ្នា ហើយស្រលាញ់គ្នាប្រហែល០២ឆ្នាំ មកហើយ។ ដោយមុនពេលកើតហេតុ ជនសង្ស័យបានយកយកកាំបិតចុងស្រួច ដងឈើ ដាក់ក្នុងថង់យកម៉ាស់រុំ ទៅជួបជនរងគ្រោះ ឈ្លោះប្រកែកគ្នាបានពីរ ទៅ បីម៉ាត់ ស្រាប់តែជនសង្ស័យបានដកកាំបិតពីក្នុងថង់ ទៅអារក ជនរងគ្រោះ  បណ្តាលអោយស្លាប់នៅកន្លែងកើតហេតុ ក្រោយពេលកើតហេតុភ្លាមនោះ ជនសង្ស័យបានជិះម៉ូតូគេចខ្លួនពីកន្លែងកើតហេតុបាត់។

ក្រោយពេលកើតហេតុសមត្ថកិច្ចជំនាញ បានចុះទៅដល់កន្លែងកើតហេតុធើ្វការពិនិត្យនិងសន្និដ្ឋានថាការស្លាប់របស់ជនរងគ្រោះបណ្ដាលមកពី៖​ ឃាតកម្មគិតទុកជាមុន(​អាក​សម្លាប់) មានស្នាមរបួសដាច់រយះសាច់​បំពង់ក​ ចំនួន​ ០១កន្លែង៕ ដោយ ៖ អុឹងម៉េង

The post សង្ស័យភ្លើងប្រច័ណ្ឌ ស្រីស្រលាញ់ស្រីយកកាំបិតចុងស្រួចអារកជនរងគ្រោះបណ្ដាលឲ្យស្លាប់ រួចរត់គេចខ្លួនបានជាង៧ម៉ាង appeared first on Kampuchea Thmey Daily.