គោរមៈ ច័ន្ទរាជ្យ Archives - Kampuchea Thmey Daily

គោរមៈ ច័ន្ទរាជ្យ លើកឡើងពីការទទួលបានក្របខ័ណ្ឌមានអត្ថន័យយ៉ាងណាចំពោះក្រុមគ្រួសារ

Sina Noun — Thu, 12 Feb 2026 07:56:11 +0000

អ្នកលេងគុនខ្មែរ គោរមៈ ច័ន្ទរាជ្យ ការដែលទើបទទួលបានក្របខ័ណ្ឌជាមន្ត្រីកីឡាក្រសួងមហាផ្ទៃនេះជារឿងនឹកស្មានមិនដល់ និងបានធ្វើឲ្យក្រុមគ្រួសារឪពុកម្ដាយបងប្អូនសប្បាយរីករាយខ្លាំងបំផុត ព្រោះមិនងាយស្រួលក្នុងការទទួលបាននោះទេ។

គោរមៈ ក្នុងឯកសណ្ឋាន

កីឡាករ គោរៈ ច័ន្ទរាជ្យ បានឲ្យដឹងថា ការទទួលបានក្របខ័ណ្ឌជាមន្ត្រីកីឡាក្រសួងមហាផ្ទៃនេះគឺបានធ្វើឲ្យក្រុមគ្រួសារភ្ញាក់ផ្អើលខ្លាំង និងមានភាពសប្បាយរីករាយចំពោះសមិទ្ធផលនៃការខំប្រឹងរបស់ខ្លួនតាំងតែតូចៗរហូតមកដល់ពេលនេះ។ ដោយសារតែការជាប់ក្របខ័ណ្ឌរដ្ឋនេះមិនងាយស្រួលនោះឡើយបានធ្វើឲ្យលោកឪពុកអ្នកម្ដាយរបស់ខ្លួនសប្បាយចិត្តខ្លាំងបំផុត។

គោរមៈ និងលោក ហ៊ុន ច័ន្ទរាជ្យ

កូនសិស្សលោក ហ៊ុន ច័ន្ទរាជ្យ រូបនេះលើកឡើងទៀតថា ខាងមន្ត្រីនគរបាលនេះជាក្ដីស្រមៃដែលខ្លួនចង់បានជាយូរមកហើយនៅពេលនេះបានសម្រេចដូចបំណងគឺសប្បាយចិត្ត និងបន្តខំប្រឹងប្រែងលើអាជីពប្រដាល់ស្វែងរកស្នាដៃជូនអង្គភាពឲ្យបានកាន់តែច្រើនបន្ថែមទៀត។

គោរមៈ និងលោកឪពុកអ្នកម្ដាយ

បញ្ជាក់ដែរថា គោរមៈ ច័ន្ទរាជ្យ ជាកីឡាករខ្មែរមួយរូបដែលកំពុងសាងកេរ្តិ៍ឈ្មោះល្បីទាំងក្នុងការប្រកួតគុនខ្មែរ និងគុនចម្រុះ។ រូបគេជាកីឡាករជម្រើសជាតិគុនចម្រុះ និងធ្លាប់ឈ្នះមេដាយ ឈ្នះខ្សែក្រវាត់ ជូនជាតិមាតុភូមិជាច្រើនកន្លងមក។ តាមរយៈសមិទ្ធផលលើឆាកអន្តរជាតិ និងក្នុងស្រុកពិសេសស្នាដៃដែលរកបានជូនក្រសួងមហាផ្ទៃជាច្រើនកន្លងមកបានធ្វើឲ្យរូបគេជាប់ឈ្មោះជាមន្ត្រីកីឡារបស់ក្រសួងកាលពីដើមឆ្នាំ២០២៦ នេះតែម្ដង៕

សមិទ្ធផលខ្សែក្រវាត់ដែល គោរមៈ ឈ្នះនៅវៀតណាម

អត្ថបទដោយ៖ នួន ស៊ីណា

The post គោរមៈ ច័ន្ទរាជ្យ លើកឡើងពីការទទួលបានក្របខ័ណ្ឌមានអត្ថន័យយ៉ាងណាចំពោះក្រុមគ្រួសារ appeared first on Kampuchea Thmey Daily.

អបអរសារទរ ក្រុមគុនចម្រុះនាំភាពរីករាយជូនកម្ពុជាបន្ទាប់ពីឈ្នះខ្សែក្រវាត់២គ្រឿងនៅវៀតណាម

Sina Noun — Sun, 28 Dec 2025 05:02:49 +0000

អបអរសារទរចំពោះក្រុមកីឡាករគុនចម្រុះកម្ពុជា រួមមានកីឡាករ រិន សារ័ត្ន គោរមៈ ច័ន្ទរាជ្យ ដែលយកឈ្នះដៃគូប្រកួតដណ្ដើមបានខ្សែក្រវាត់ចំនួន ២គ្រឿងជូនកម្ពុជា និងការបង្ហាញទង់ជាតិខ្មែរ ភាពរីករាយជូនប្រជាពលរដ្ឋខ្មែរ អ្នកគាំទ្រកាលពីយប់មិញនេះ។

ទិដ្ឋភាពការប្រកួតយប់មិញ

ជ័យជម្នះខ្សែក្រវាត់ ២គ្រឿងកាលពីយប់ថ្ងៃទី២៧ ខែធ្នូ ឆ្នាំ២០២៥ យប់មិញនេះបានធ្វើឲ្យអ្នកគាំទ្រកម្ពុជាពិសេសក្នុងមជ្ឈដ្ឋានប្រដាល់មានភាពសប្បាយរីករាយ និងបានលើកមកនិយាយ ស៊ែចែករំលែកច្រើនក្នុងជំនួបដ៏ធំនៅឯប្រទេសវៀតណាមនេះ។

ដោយតែសារអាក់ខានឃើញការប្រកួតនានាយូរផង រួមផ្សំជាមួយព្រឹត្តិការណ៍ឈ្លានពានពីសត្រូវសៀមអំឡុងពេលនេះម្នាក់ៗសុទ្ធតែមានទុក្ខកង្វល់ និងតាមដានព័ត៌មានអំពីស្ថានការណ៍ព្រំដែលប៉ុណ្ណោះក្នុងរយៈពេលជាង ២០ថ្ងៃកន្លងទៅ។

ទិដ្ឋភាពការប្រកួតយប់មិញ

ស្ថានការណ៍ព្រំដែនមានបទឈប់បាញ់រយៈពេល ៧២ម៉ោងបង្ករឲ្យមានភាពធូរស្រាលផង ស្របពេលក្រុមកីឡាករកម្ពុជាឈ្នះខ្សែក្រវាត់ដល់ទៅ ២គ្រឿងនៅលើឆាកអន្តរជាតិឯប្រទេសវៀតណាមទៅទៀតប្រជាជនកម្ពុជាពិសេសអ្នកតាមដានវិស័យប្រដាល់មានភាពរីករាយជាខ្លាំងចំពោះសមិទ្ធិផលដ៏ល្អមួយនេះ និងការបង្ហាញទង់ជាតិខ្មែរប្រាប់ពិភពលោកថា «កម្ពុជាត្រូវការសន្តិភាព កម្ពុជាមិនត្រូវការសង្គ្រាមទេ»។

ទិដ្ឋភាពការប្រកួតយប់មិញ

បញ្ជាក់ដែរថា ក្រុមគុនចម្រុះ (MMA) កម្ពុជាដែលដឹកនាំដោយលោក ហ៊ុន ច័ន្ទរាជ្យ និងក្រុមការងារ Cambodian Top Team កាលពីយប់ថ្ងៃទី២៧ ខែធ្នូ ឆ្នាំ២០២៥ នេះមានកីឡាករកម្ពុជា ២រូបប្រកួតឈ្នះខ្សែក្រវាត់ God Of Martial Art (GMA) គឺកីឡាករ រិន សារ័ត្ន ឈ្នះពិន្ទុ ចំណែក គោរមៈ ច័ន្ទរាជ្យ ផ្ដួលវៀតណាមដែលជាម្ចាស់ផ្ទះឲ្យសន្លប់នៅទឹកទី១។ ចំពោះកីឡាករកម្ពុជាមួយរូបទៀតគឺ អធិជ័យ ច័ន្ទរាជ្យ ចាញ់ពិន្ទុវៀតណាមក្នុងជំនួបមិត្តភាព៕

ទិដ្ឋភាពការប្រកួតយប់មិញ

អត្ថបទដោយ៖ នួន ស៊ីណា

The post អបអរសារទរ ក្រុមគុនចម្រុះនាំភាពរីករាយជូនកម្ពុជាបន្ទាប់ពីឈ្នះខ្សែក្រវាត់២គ្រឿងនៅវៀតណាម appeared first on Kampuchea Thmey Daily.

ក្រុមគុនចម្រុះកម្ពុជា ស្រេកឃ្លានចំពោះការប្រកួត និងចង់យកជ័យជម្នះជូនមាតុភូមិ

Sina Noun — Wed, 24 Dec 2025 02:12:00 +0000

ក្រុមគុនចម្រុះកម្ពុជា រួមមានកីឡាករ គោរមៈ ច័ន្ទរាជ្យ រិន សារ័ត្ន និង អធិជ័យ ច័ន្ទរាជ្យ ថាស្រេកឃ្លាចំពោះការប្រកួតមួយនេះ និងចង់យកជ័យជម្នះជូមមាតុភូមិ ជូនវីរកងទ័ពកម្ពុជាអំឡុងសង្គ្រាមឈ្លានពាននេះ។

កីឡាករ រិន សារ័ត្ន

ថ្លែងដោយទំនុកចិត្តកីឡាករ គោរមៈ ច័ន្ទរាជ្យ និងសិស្សច្បង ប្រាប់ថាបានហ្វឹកហាត់ត្រៀមខ្លួនរួចរាល់ហើយសម្រាប់ការប្រកួតនៅឯប្រទេសវៀតណាម នៅថ្ងៃទី២៧ ខែធ្នូ ឆ្នាំ២០២៥ ខាងមុខនេះ។ ក្បាច់ស្នៀត កម្លាំង ការចាប់ឃ្លេ និងការធ្វើទម្ងន់គឺរលូនល្អមិនមានជាបញ្ហាអ្វីនោះឡើយ។

កីឡាករ គោរមៈ ច័ន្ទរាជ្យ

ក្រុមគុនចម្រុះរបស់កម្ពុជាខាងលើ អំឡុងពេលប្រទេសជាតិមានសង្គ្រាមឈ្លានពាននេះបានធ្វើឲ្យប្រជាពលរដ្ឋគ្រប់រូបរួមទាំងខ្លួនផងដែរមានការព្រួយបារម្ភ និងពិបាកចិត្តចំពោះសុខសុវត្តិភាពកងទ័ពជាដើម។ យ៉ាណាពួកគេនឹងហេតុការណ៍ឈ្លានពានរបស់សៀមមួយនេះដើម្បីជាកម្លាំងចិត្តខំប្រឹងប្រកួតឲ្យអស់ពីសមត្ថភាពដណ្ដើមជ័យជម្នះជូមជាតិមាតុភូមិ ជូនប្រជាពលរដ្ឋ និងវីរកងទ័ពដែលកំពុងច្បាំងនៅសរមភូមិ។

កីឡាករ អធិជ័យ ច័ន្ទរាជ្យ

បញ្ជាក់ដែរថា ក្រុមគុនចម្រុះកម្ពុជា (MMA) រួមមានកីឡាករ គោរមៈ ច័ន្ទរាជ្យ រិន សារ័ត្ន និង អធិជ័យ ច័ន្ទរាជ្យ នឹងត្រូវចេញដំណើរទៅប្រទេសវៀតណាមនៅថ្ងៃទី២៥ ខែធ្នូ ឆ្នាំ២០២៥ នេះដើម្បីចូលរួមការប្រកួតលើសង្វៀន GMA ថ្ងៃទី២៧ ខែធ្នូ ខាងមុខ។ ក្រុមទាំងកម្ពុជាទាំង ៣រូបត្រូវប៉ះម្ចាស់ផ្ទះវៀតណាមទាំងអស់ ដោយឡែក គោរមៈ ច័ន្ទរាជ្យ និង រិន សារ័ត្ន ត្រូវប្រកួតដណ្ដើមខ្សែក្រវាត់៕

ក្រុមកម្ពុជាដែលនឹងត្រូវទៅប្រកួតនៅវៀតណាម

អត្ថបទដោយ៖ នួន ស៊ីណា

The post ក្រុមគុនចម្រុះកម្ពុជា ស្រេកឃ្លានចំពោះការប្រកួត និងចង់យកជ័យជម្នះជូនមាតុភូមិ appeared first on Kampuchea Thmey Daily.

ក្រុម MMA កម្ពុជា ប្ដេជ្ញាចិត្តដណ្ដើមយកជ័យជម្នះការប្រកួតនៅវៀតណាមឲ្យបានជូនប្រជាជនកម្ពុជា

Sina Noun — Mon, 22 Dec 2025 06:47:10 +0000

ក្រុមគុនខ្មែរ និង MMA របស់កម្ពុជារួមមាន គោរមៈ ច័ន្ទរាជ្យ រិន សារ័ត្ន និង អធិជ័យ ច័ន្ទរាជ្យ បានប្ដេជ្ញាចិត្តដណ្ដើមយកជ័យជម្នះឲ្យបានក្នុងការប្រកួតនៅឯសង្វៀន GMA ប្រទេសវៀតណាមដើម្បីជូនដល់ប្រជាជនកម្ពុជា វីរកងទ័ពដែលកំពុងជួបទុក្ខលំបាកនៅព្រំដែន។

ក្រុមកម្ពុជា

តំណាងកីឡាករផ្សេងៗ គោរមៈ ច័ន្ទរាជ្យ បានលើកឡើងថា នេះជាបេសកម្មសំខាន់មួយសម្រាប់ខ្លួនដែលត្រូវចេញទៅប្រកួតនៅឯប្រទេសវៀតណាមថ្ងៃទី២៧ ខែធ្នូ ឆ្នាំ២០២៥ ប៉ុន្មានថ្ងៃខាងមុខនេះ។ រូបគេពិតជាពិបាកចិត្ត និងបារម្ភចំពោះការឈ្លានពានរបស់សៀមមកលើកម្ពុជា និងសុខសុវត្តិភាពរបស់វីរកងទ័ពអំឡុងពេលនេះ។

គោរមៈ ច័ន្ទរាជ្យ និងដៃគូ

កូនសិស្សលោក ហ៊ុន ច័ន្ទរាជ្យ ខាងលើបន្តថា រូបគេរួមទាំងសិស្សច្បងប្ដេជ្ញាចិត្តនឹងខំប្រឹងប្រកួតឲ្យអស់ពីសមត្ថភាពដណ្ដើមយកជ័យជម្នះជូនប្រជាជនកម្ពុជា និងវីរកងទ័ពដែលកំពុងជួបការលំបាកដោយត្រូវច្បាំងការពារទឹកដីជាមួយសត្រូវនៅពេលនេះ។

បញ្ជាក់ដែរថា ថ្ងៃទី២៧ ខែធ្នូ ឆ្នាំ២០២៥ ខាងមុខនេះកីឡាករកម្ពុជា ៣រូបនឹងត្រូវប្រកួតនៅលើសង្វៀន GMA ឯប្រទេសវៀតណាម។ គោរមៈ ច័ន្ទរាជ្យ ប៉ះ Bui Troung Sinh ចំណែក រិន សារ័ត្ន ប៉ះ Nguyen Vu Phuong Hoai អ្នកទាំងពីរត្រូវដណ្ដើមខ្សែក្រវាត់។ ចំណែក អធិជ័យ ច័ន្ទរាជ្យ ប្រកួតមិត្តភាពជាមួយកីឡាករ Le Quang Linh៕

កម្មវិធីប្រកួតនៅវៀតណាម

អត្ថបទដោយ៖ នួន ស៊ីណា

The post ក្រុម MMA កម្ពុជា ប្ដេជ្ញាចិត្តដណ្ដើមយកជ័យជម្នះការប្រកួតនៅវៀតណាមឲ្យបានជូនប្រជាជនកម្ពុជា appeared first on Kampuchea Thmey Daily.

គោរមៈ ច័ន្ទរាជ្យ និង រិន សារ័ត្ន កំពុងបុកហាត់ខ្លាំងត្រៀមប៉ះម្ចាស់ផ្ទះវៀតណាម

Sina Noun — Wed, 10 Dec 2025 02:11:39 +0000

កីឡាករជើងខ្លាំងរបស់កម្ពុជា គោរមៈ ច័ន្ទរាជ្យ និង រិន សារ័ត្ន កំពុងបុកហ្វឹកហាត់ខ្លាំងដើម្បីពង្រឹងសមត្ថភាពត្រៀមជួបម្ចាស់ផ្ទះវៀតណាមលើសង្វៀន GMA ថ្ងៃទី២៧ ខែធ្នូ ឆ្នាំ២០២៥ ខាងមុខនេះ។

គូប្រកួតរបស់ គោរមៈ ច័ន្ទរាជ្យ

អ្នកលេងគុនខ្មែរ គោរមៈ ច័ន្ទរាជ្យ បានឲ្យដឹងថា រូបគេរួមទាំងសិស្សច្បងគឺកំពុងបុកហ្វឹកហាត់ខ្លាំងធ្វេដង ព្រោះត្រូវប៉ះជើងខ្លាំងវៀតណាមហើយនៅលើទឹកដីរបស់គេទៀត។ ចំណុចសំខាន់នៃការហ្វឹកហាត់នេះគឺហាត់ផ្ដោតលើកម្លាំងតែម្ដង ដោយសារតែនៅចាញ់ប្រៀបផ្នែកកម្លាំងនេះ។

កូនសិស្សលោក ហ៊ុន ច័ន្ទរាជ្យ រូបនេះបន្ថែមទៀតថា ចំពោះស្នៀតប្រយុទ្ធវិញគឺប្រហាក់ប្រហែលគ្នានោះទេ ប៉ុន្តែកម្លាំង និងការចាប់កីឡាករវៀតណាមល្អជាង។ ហេតុនេះហើយដែលរូបគេត្រូវពង្រឹងសមត្ថភាព និងប្រឹងហាត់ធ្វេដងដើម្បីទប់ទល់ក្នុងការប្រកួតនេះបាន។

គូប្រកួតរបស់ រិន សារ័ត្ន

កីឡាករទាំង៣ដែលត្រូវប្រកួតនៅវៀតណាម

អត្ថបទដោយ៖ នួន ស៊ីណា

The post គោរមៈ ច័ន្ទរាជ្យ និង រិន សារ័ត្ន កំពុងបុកហាត់ខ្លាំងត្រៀមប៉ះម្ចាស់ផ្ទះវៀតណាម appeared first on Kampuchea Thmey Daily.

អ្នកប្រដាល់វ័យក្មេងរបស់កម្ពុជា គោរមៈ ច័ន្ទរាជ្យ មានឱកាសជាថ្មីប្រកួតដណ្ដើមខ្សែក្រវាត់នៅវៀតណាម

Sina Noun — Wed, 12 Nov 2025 08:26:16 +0000

តារាឆ្នើមទាំងគុនខ្មែរ និងគុនចម្រុះ គោរមៈ ច័ន្ទរាជ្យ មានឱកាសជាថ្មីទៀតហើយក្នុងប្រកួតដណ្ដើមខ្សែក្រវាត់ក្នុងកម្មវិធី GMA របស់ប្រទេសវៀតណាម នៅថ្ងៃទី២៧ ខែធ្នូ ឆ្នាំ២០២៥ ដោយប៉ះកីឡាករម្ចាស់ផ្ទះ។

កម្មវិធីប្រកួតថ្ងៃទី២៧ ធ្នូ ២០២៥

នេះបើតាមការបង្ហោះផ្សព្វផ្សាយនៅលើហ្វេសបុកផេកផ្លូវការរបស់សង្វៀន GMA (God Of Martial Arts) ដែលជាកម្មវិធីប្រដាល់គុនចម្រុះធំមួយរបស់ប្រទេសវៀតណាមបានបញ្ជាក់ពីការប្រកួតដណ្ដើមខ្សែក្រវាត់របស់ គោរមៈ ច័ន្ទរាជ្យ ដែលនឹងត្រូវប៉ះកីឡាករម្ចាស់ផ្ទះ។

តារាឆ្នើមរបស់កម្ពុជាខាងលើនឹងត្រូវប៉ះកីឡាករវៀតណាមឈ្មោះ SCHOOL BOOI លើប្រភេទទម្ងន់ ៥៧គីឡូក្រាមនៅថ្ងៃទី២៧ ខែធ្នូ ឆ្នាំ២០២៥។ នេះជាការប្រកួតដណ្ដើមខ្សែក្រវាត់ដ៏ធំចុងក្រោយប្រចាំឆ្នាំ២០២៥ នេះ។

គោរមៈ ច័ន្ទរាជ្យ

លោក ហ៊ុន ច័ន្ទរាជ្យ ធ្លាប់លើកឡើងថាការប្រកួតនៅខែធ្នូចុងឆ្នាំនេះគឺជាព្រឹត្តិការណ៍ប្រកួតដ៏ធំមួយព្រោះសុទ្ធតែជាជើងខ្លាំង និងជាកីឡាករដែលភាគច្រើនឈ្នះខ្សែក្រវាត់ GMA រួចមកហើយ។ រង់ចាំមើលថាកីឡាករកម្ពុជា គោរមៈ ច័ន្ទរាជ្យ នៅតែបន្តធ្វើបានល្អ ឬអាចដណ្ដើមខ្សែក្រវាត់ GMA មួយខ្សែទៀតជូនប្រជានជនកម្ពុជាបានទៀតទេ។

គោរមៈ ច័ន្ទរាជ្យ កាលឈ្នះខ្សែក្រវាត់ GMA

បញ្ជាក់ដែរថា កីឡាករ គោរមៈ ច័ន្ទរាជ្យ កាលពីថ្ងៃទី២ ខែសីហា ឆ្នាំ២០២៥ រូបគេយកឈ្នះលើកីឡាករម៉ាឡេស៊ី ឈ្មោះ Tan bo Meng ក្នុងទឹកទី២ ទទួលបានខ្សែក្រវាត់១គ្រឿង។ អ្នកលេងគុនខ្មែររូបនេះមានភាពល្បីល្បាញមានអ្នកស្គាល់ និងគាំទ្រច្រើននៅលើសង្វៀន GMA ឯប្រទេសវៀតណាម។ ក្រៅតែពី គោរមៈ ច័ន្ទរាជ្យ មានកីឡាករ រិន សារ័ត្ន ប្រកួតដណ្ដើមខ្សែក្រវាត់ម្នាក់ទៀតដែរចំណែកកីឡាករ អធិជ័យ ច័ន្ទរាជ្យ ក៏ធ្វើការប្រកួតមិត្តភាពជាបរទេសក្នុងកម្មវិធីជាមួយគ្នានោះដែរ៕

អធិជ័យ ច័ន្ទរាជ្យ (ខាងឆ្វេងគេបង្អស់)

អត្ថបទដោយ៖ នួន ស៊ីណា

The post អ្នកប្រដាល់វ័យក្មេងរបស់កម្ពុជា គោរមៈ ច័ន្ទរាជ្យ មានឱកាសជាថ្មីប្រកួតដណ្ដើមខ្សែក្រវាត់នៅវៀតណាម appeared first on Kampuchea Thmey Daily.

ឆ្លងដែនទៅ អង់គ្លេស លើកដំបូង គោរមៈ ច័ន្ទរាជ្យ ត្រូវជួបដៃគូម្ចាស់ខ្សែក្រវាត់ WBC ៣ ខ្សែ

Kosal Sem — Mon, 15 Sep 2025 01:49:00 +0000

អ្នកប្រដាល់គុនខ្មែរវ័យក្មេងដ៏មានទេពកោសល្យ កីឡាករ គោរមៈ ច័ន្ទរាជ្យ ទទួលបានឱកាសឡើងទៅប្រកួតនៅប្រទេស អង់គ្លេស ជាលើកដំបូង ក្នុងកម្មវិធី MTGP Sheffield នាថ្ងៃទី៨ ខែវិច្ឆិកា ឆ្នាំ ២០២៥ ។

កីឡាករ គោរមៈ ច័ន្ទរាជ្យ

ជារឿងដ៏ពិសេស សម្រាប់ គោរមៈ ច័ន្ទរាជ្យ ដែលទើបប្រឡងបាក់ឌុប សម្រាប់ការចេញទៅប្រកួតនៅតំបន់ អឺរ៉ុប លើកដំបូង ដើម្បីដណ្តើមខ្សែក្រវាត់អន្តរជាតិ MTGP ។ ជំនួបដណ្តើមខ្សែក្រវាត់នេះ កូនសិស្សរបស់លោកគ្រូ ហ៊ុន ច័ន្ទរាជ្យ នឹងត្រូវជួបកីឡាករជើងចាស់របស់ អង់គ្លេស ឈ្មោះ George Carter។

ខិត្តប័ណ្ណប្រកួត

ការប្រកួតនេះ ទំនងនឹងក្លាយជាការប្រកួតដ៏តានតឹងមួយសម្រាប់ គោរមៈ ច័ន្ទរាជ្យ ដោយសារកីឡាករ George Carter នេះមានតែមត្រង់ម្ចាស់ផ្ទះ ហើយម្យ៉ាងគេក៏ជាអ្នកប្រដាល់ជើងចាស់មួយរូបរបស់ អង់គ្លេស ផងដែរ។ យោងតាមប្រភពពី Derby Telegraph អ្នកប្រដាល់វ័យ ៣២ ឆ្នាំអង់គ្លេស រូបនេះ បានចូលហ្វឹកហាត់ប្រដាល់សេរីដំបូងតាំងពីឆ្នាំ ២០១២ ដែលពេលនោះ គេមានវ័យ ១៩ ឆ្នាំ។

George Carter ជាម្ចាស់ខ្សែក្រវាត់ស្ថាប័ន WBC ៣ ខ្សែ ក្នុងនោះរួមមានខ្សែក្រវាត់ WBC ទ្វីបអឺរ៉ុប, WBC Nai Khanom Tom និង WBC ថ្នាក់ជាតិ។ ដោយឡែកស្ថិតិប្រកួត គឺកីឡាករ អង់គ្លេស រូបនេះ ធ្លាប់បានប្រកួតជាច្រើនប្រកួត ទាំងការប្រកួតលក្ខណៈអាជីព និងពាក់កណ្តាលអាជីព។

កីឡាករ George Carter

ពាក់ព័ន្ធនឹងការប្រកួតមុនឆ្នាំ ២០១៩ គឺមិនមានកំណត់ត្រាលម្អិតអំពីប្រវត្តិប្រកួតរបស់ George Carter ឡើយ ប៉ុន្តែរាប់ចាប់ពីឆ្នាំ ២០១៩ កីឡាករ អង់គ្លេស រូបនេះធ្លាប់បានប្រកួតអាជីពចំនួន ៦ ដង ក្នុងនោះឈ្នះ ៤ ដង និងចាញ់ ២ ដង។ ចំពោះការឈ្នះទាំង ៤ ដងនោះ គឺរូបគេបានផ្តួលឱ្យដៃគូសន្លប់ ២ ដង និងឈ្នះដោយពិន្ទុ ២ ដង។

ទៅបីជាយ៉ាងណា គោរមៈ ច័ន្ទរាជ្យ ក៏ជាកីឡាករជើងខ្លាំងជំនាន់ក្រោយរបស់ កម្ពុជា មួយរូបផងដែរ។ រូបគេជាម្ចាស់ខ្សែក្រវាត់ ៦ ខ្សែ ខណៈចុងក្រោយនេះ រូបគេទើបដណ្តើមបានខ្សែក្រវាត់ ISKA Southeast Asian Champion មួយខ្សែ និងខ្សែក្រវាត់គុនចម្រុះ GMA ពីវៀតណាមមួយខ្សែ។

កីឡាករ គោរមៈ ច័ន្ទរាជ្យ

គួរឱ្យដឹងថា គោរមៈ ច័ន្ទរាជ្យ នឹងត្រូវធ្វើដំណើទៅប្រកួតនៅក្នុងកម្មវិធី MTGP Sheffield នៅប្រទេស អង់គ្លេស នាថ្ងៃទី ៨ ខែ វិច្ឆិកា ឆ្នាំ ២០២៥ ជាមួយមិត្តរួមសញ្ជាតិម្នាក់ទៀត គឺកីឡាករ សោម ពិសិដ្ឋ៕

ខិត្តប័ណ្ណប្រកួត

អត្ថបទ៖ សេម កុសល

The post ឆ្លងដែនទៅ អង់គ្លេស លើកដំបូង គោរមៈ ច័ន្ទរាជ្យ ត្រូវជួបដៃគូម្ចាស់ខ្សែក្រវាត់ WBC ៣ ខ្សែ appeared first on Kampuchea Thmey Daily.

កីឡាករ កីឡាការិនីកម្ពុជា ចំនួន ៣៧នាក់នឹងត្រូវប្រឡងបាក់ឌុប ២០២៥ ស្អែកនេះ

Sina Noun — Wed, 27 Aug 2025 03:54:00 +0000

ក្រុមកីឡាករ កីឡាការិនីជម្រើសជាតិកម្ពុជា ចំនួន ៣៧នាក់នឹងត្រូវចូលរួមប្រឡងបាក់ឌុបរយៈពេល ២ថ្ងៃចាប់ពីថ្ងៃស្អែកនេះហើយ។

លោក យានគី ស៊ីវត្ថា

បើតាមលោក យានគី ស៊ីវត្ថា ប្រធានមជ្ឈមណ្ឌលជាតិហ្វឹកហ្វឺនកីឡា បានឲ្យដឹងថា សម្រាប់ក្រុមជម្រើសជាតិកម្ពុជាដែលនឹងត្រូវចូលរួមប្រឡងបាក់ឌុបនៅឆ្នាំនេះមានចំនួនសរុប ៣៧នាក់នៃ ២០ប្រភេទកីឡាផ្សេងគ្នា។ ក្នុងចំណោមអ្នកទាំង ៣៧នាក់នោះគឺមានបុរស ២៥នាក់ និងនារី ១២នាក់។

កីឡាករ គោរមៈ ច័ន្ទរាជ្យ

ចំណែកជើងខ្លាំងគុនខ្មែរ គោរមៈ ច័ន្ទរាជ្យ បានប្រាប់ឲ្យដឹងថារូបគេក៏នឹងត្រូវប្រឡងបាក់ឌុបស្អែកនេះដែរ។ បើតាមឈ្មោះអក្សររូបគេនឹងត្រូវប្រឡងនៅអនុវិទ្យាល័យចតុមុខ ប៉ុន្តែមិនទាន់បានទៅមើលលេខបន្ទប់ និងលេខតុនៅឡើយទេ។

ចំណែកកីឡាករបាល់ទាត់ជម្រើសជាតិកម្ពុជា បុង សាំយូអែល ដែលកំពុងមានឈ្មោះក្នុងក្រុមជម្រើសជាតិកម្ពុជា អាយុ២៣ឆ្នាំក៏មានឈ្មោះប្រឡងដែរ ប៉ុន្តែរូបគេមិនបានដកខ្លួនចេញពីជម្រើសជាតិដែលត្រូវប្រកួតពានអាស៊ី AFC U23 Asian Cup នៅថ្ងៃទី៣ ខែកញ្ញា ទេ ខណៈអ្នកចាំទី រ៉ុន ចុងមីង បានសម្រេចដកខ្លួនដើម្បីយកពេលត្រៀមប្រឡង។

កីឡាករ បុង សាំយូអែល

បញ្ជាក់ដែរថា សម័យប្រឡងបាក់ឌុប ឆ្នាំ២០២៥ នេះនឹងធ្វើឡើងវិញចាប់ពីថ្ងៃទី២៨ ដល់ ២៩ ខែសីហា បន្ទាប់ពីបានពន្យារពេលដោយសារបញ្ហាព្រំដែនកាលពីពេលថ្មីៗនេះ។ ស្អែកនេះឈានដល់ថ្ងៃប្រឡងថ្ងៃទី១ ហើយសម្រាប់បេក្ខភាពទាំងអស់មិនថានៅរាជធានីភ្នំពេញ ឬតាមបណ្ដាខេត្តនោះឡើយ។ ការប្រឡងបាក់ឌុប ២០២៥ មានបេក្ខជនសរុបជាង ១៤ម៉ឺននាក់៕

កីឡាករ រ៉ុន ចុងមីង

អត្ថបទដោយ៖ នួន ស៊ីណា

The post កីឡាករ កីឡាការិនីកម្ពុជា ចំនួន ៣៧នាក់នឹងត្រូវប្រឡងបាក់ឌុប ២០២៥ ស្អែកនេះ appeared first on Kampuchea Thmey Daily.

គោរមៈ ច័ន្ទរាជ្យ Archives - Kampuchea Thmey Daily

គោរមៈ​ ច័ន្ទរាជ្យ​ លើក​ឡើង​ពី​ការ​ទទួល​បាន​ក្របខ័ណ្ឌ​មាន​អត្ថន័យ​យ៉ាង​ណា​ចំពោះ​ក្រុម​គ្រួសារ​

អបអរសារទរ ក្រុម​គុន​ចម្រុះ​នាំ​ភាព​រីករាយ​ជូន​កម្ពុជា​បន្ទាប់​ពី​ឈ្នះខ្សែក្រវាត់​២គ្រឿង​នៅ​វៀតណាម​

ក្រុម​គុន​ចម្រុះ​កម្ពុជា​ ស្រេក​ឃ្លាន​ចំពោះ​ការ​ប្រកួត​ និង​ចង់​យក​ជ័យជម្នះ​ជូន​មាតុភូមិ​

គោរមៈ ច័ន្ទរាជ្យ និង​ រិន​ សារ័ត្ន កំពុង​បុក​ហាត់​ខ្លាំង​ត្រៀម​ប៉ះ​ម្ចាស់​ផ្ទះ​វៀតណាម

ឆ្លងដែនទៅ អង់គ្លេស លើកដំបូង គោរមៈ ច័ន្ទរាជ្យ ត្រូវជួបដៃគូម្ចាស់ខ្សែក្រវាត់ WBC ៣ ខ្សែ

កីឡាករ កីឡាការិនី​​កម្ពុជា​ ចំនួន​ ៣៧​នាក់​នឹង​ត្រូវ​ប្រឡងបាក់ឌុប ២០២៥​ ស្អែក​នេះ​

គោរមៈ ច័ន្ទរាជ្យ លើកឡើងពីការទទួលបានក្របខ័ណ្ឌមានអត្ថន័យយ៉ាងណាចំពោះក្រុមគ្រួសារ

អបអរសារទរ ក្រុមគុនចម្រុះនាំភាពរីករាយជូនកម្ពុជាបន្ទាប់ពីឈ្នះខ្សែក្រវាត់២គ្រឿងនៅវៀតណាម

ក្រុមគុនចម្រុះកម្ពុជា ស្រេកឃ្លានចំពោះការប្រកួត និងចង់យកជ័យជម្នះជូនមាតុភូមិ

គោរមៈ ច័ន្ទរាជ្យ និង រិន សារ័ត្ន កំពុងបុកហាត់ខ្លាំងត្រៀមប៉ះម្ចាស់ផ្ទះវៀតណាម

កីឡាករ កីឡាការិនីកម្ពុជា ចំនួន ៣៧នាក់នឹងត្រូវប្រឡងបាក់ឌុប ២០២៥ ស្អែកនេះ