កីឡា

កីឡាករ គោរមៈ ច័ន្ទរាជ្យ ទម្លាយរឿងធ្លាប់ធ្លាក់ការធ្វើតេស្តយកវីសាទៅអ៊ឺរ៉ុបរហូតដល់ទៅ ៣ដង

បានផុស

៤ នាទី មុន

នៅ

ថ្ងៃព្រហស្បតិ៍ ១៨ មិថុនា ២០២៦

ដោយ

កីឡាករគុនខ្មែរ គោរមៈ ច័ន្ទរាជ្យ ថាពីមុនហាក់មិនសូវមានសំណាងនោះឡើយក្នុងការធ្វើតេស្តយកទិដ្ឋាការ (Visa) ទៅប៉ែកខាងអ៊ឺរ៉ុបដោយរូបគេធ្លាប់ធ្លាក់ដល់ទៅ ៣ដងកន្លងមកនេះដូចជាទៅប្រទេសអង់គ្លេស ប្រទេសអេស្ប៉ាញ និងប្រទេសបារាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គោរមៈ ច័ន្ទរាជ្យ ពេលឈ្នះខ្សែក្រវាត់

កូនសិស្សលោក ហ៊ុន ច័ន្ទរាជ្យ រូបនេះបន្ថែមទៀតថា មុនបានចេញដំណើរទៅប្រទេសបារាំងម្សិលមិញនេះខ្លួនក៏បានធ្លាក់ការធ្វើតេស្តយកទិដ្ឋាការ (Visa) ទៀតផងដែរដោយនេះជាការធ្លាក់លើកទី៣ សម្រាប់ការចេញទៅប្រកួតនៅឯខាងប៉ែកអ៊ឺរ៉ុប។ ប៉ុន្តែលើកនេះដោយមានការតវ៉ាឡើងវិញពិសេសបញ្ជាក់ពីការចេញប្រកួតគុនខ្មែរនៅឯប្រទេសបារាំងរួមនិងការសម្របសម្រួលផ្សេងៗនោះទើបរូបគេអាចជាប់ និងបានទៅប្រកួតវិញ។

គោរមៈ ច័ន្ទរាជ្យ ពេលចេញដំណើរទៅបារាំង

បញ្ជាក់ដែរថា បញ្ជាក់ដែរថា កីឡាករ គោរមៈ ច័ន្ទរាជ្យ និងលោក ហ៊ុន ច័ន្ទរាជ្យ បានចេញដំណើរទៅប្រទេសបារាំងហើយកាលពីថ្ងៃទី១៧ ខែមិថុនា ឆ្នាំ២០២៦ នេះដើម្បីចូលរួមការប្រកួតក្នុងកម្មវិធី Kun khmer Road To Lyon។ កម្មវិធីប្រកួតនេះនឹងធ្វើឡើងនៅថ្ងៃទី២០ ខែមិថុនា ឆ្នាំ២០២៦ ប្រទេសបារាំង។ នេះជាលើកទី១ ផងដែរសម្រាប់ គោរមៈ ច័ន្ទរាជ្យ ដែលជាន់ទឹកដីប៉ែកអ៊ឺរ៉ុប៕

អត្ថបទដោយ៖ នួន ស៊ីណា