ការប្រគល់ផ្ទះនេះ គឺជាសកម្មភាពមួយដែលបង្ហាញពីការយកចិត្តទុកដាក់យ៉ាងខ្ពស់របស់អាជ្ញាធរមូលដ្ឋាន ក្នុងការលើកកម្ពស់ជីវភាពរស់នៅរបស់ប្រជាពលរដ្ឋដែលកំពុងប្រឈមមុខនឹងភាពលំបាក និងជួយស្តារឡើងវិញនូវសុវត្ថិភាពសង្គម សម្រាប់គ្រួសារដែលរងផលប៉ះពាល់ពីបញ្ហាសង្គមផ្សេងៗ។

លោក អ៊ំ ចំរើន បានលើកឡើងថា ផ្ទះដែលត្រូវបានប្រគល់ជូននេះ ត្រូវបានសាងសង់ឡើងដោយមានការគាំទ្រពីអង្គការដៃគូ គឺអង្គការសម្ព័ន្ធចាប់ដៃ ដែលបានចូលរួមយ៉ាងសកម្មក្នុងការផ្តល់ជំនួយសង្គម និងការពារសិទ្ធិមនុស្ស ជាពិសេសការជួយដល់ជនរងគ្រោះដោយសារការឆបោក។ មិនត្រឹមតែផ្ទះប៉ុណ្ណោះទេ ក្រុមការងារក៏បាននាំយកសម្ភារៈប្រើប្រាស់ចាំបាច់មួយចំនួន ដូចជា អង្ករ មី និងសម្ភារៈប្រើប្រាស់ប្រចាំថ្ងៃ ដើម្បីជួយសម្រួលដល់ជីវភាពគ្រួសារនោះផងដែរ។

លោកអភិ​បាលស្រុកបានលើកឡើងបន្ថែមថា ការជួយឧបត្ថម្ភនេះ មិនត្រឹមតែជាការផ្តល់ជំនួយផ្នែកសម្ភារៈប៉ុណ្ណោះទេ ប៉ុន្តែជាការផ្តល់កម្លាំងចិត្ត និងក្តីសង្ឃឹមថ្មីដល់គ្រួសារដែលកំពុងជួបការលំបាកឲ្យអាចឈរជើងឡើងវិញ និងបន្តជីវិតដោយមានកិត្តិយស និងសុវត្ថិភាពក្នុងសង្គម។

សកម្មភាពនេះក៏បញ្ជាក់ឲ្យឃើញពីការសហការល្អរវាងអាជ្ញាធរមូលដ្ឋាន និងអង្គការដៃគូ ក្នុងការចូលរួមដោះស្រាយបញ្ហាសង្គម និងកាត់បន្ថយភាពក្រីក្រ នៅតាមតំបន់ជនបទ។ ជាពិសេស គឺជាការចូលរួមក្នុងការការពារ និងគាំទ្រជនរងគ្រោះ ដើម្បីឲ្យពួកគេមានឱកាសរស់នៅល្អប្រសើរឡើង និងរួមចំណែកក្នុងការអភិវឌ្ឍសង្គមជាតិឲ្យកាន់តែរឹងមាំ៕

អត្ថបទ៖ វីរៈ

The post អភិបាល​ស្រុក​ទ្រាំង​ប្រគល់ផ្ទះមួយខ្នងជូនគ្រួសារ​រងគ្រោះដោយសារការចាញ់បោកមេខ្យល់ទៅប្រទេសថៃ appeared first on Kampuchea Thmey Daily.

រដ្ឋមន្ត្រី​ក្រសួងសង្គម​កិច្ច​លោក ជា សុមេធី បាន​ឱ្យ​ដឹង​ក្នុង​វេទិការ​ផ្សព្វផ្សាយ​ស្ដីពីប្រព័ន្ធ​គាំពារ​សង្គម​នៅ​កម្ពុជា​ដែលធ្វើ​ឡើង​នៅអាគារ​រដ្ឋបាលថ្មីរដ្ឋសភា កាលពី​ថ្ងៃទី​១៩ ខែ​ឧសភា ឆ្នាំ២០២៥ ថាបច្ចុប្បន្នមាន​គ្រួសារ​ដែល​មាន​បណ្ឌសមធម៌ដែល​ទទួល​បាន​ប្រាក់ឧបត្ថម្ភចំនួន ៧១៥ ៣៤៧គ្រួសារ ក្រៅពី​នោះក៏មាន​ផ្ដល់​ប្រាក់​ឧបត្ថម្ភ​បន្ថែមដល់សមាជិកគ្រួសារ​ដែល​មាន​ភាព​ងាយ​រងគ្រោះដូច​ជា ស្រ្ដីមាន​ផ្ទៃពោះ កុមារអាយុក្រោម២ឆ្នាំ ជនមានពិការ​ភាព មនុស្ស​ចាស់​អាយុ៦០ឆ្នាំឡើង អាហារូបករណ៍​សិស្សក្រីក្រ និង​អ្នក​ផ្ទុក​មេរោគអេដស៍ផងដែរដែល​គិត​ជា​ទឹក​ប្រាក់​ដែល​បាន​បើក​ផ្ដល់​ត្រឹម​ថ្ងៃទី​២៦ ខែ​មេសា ឆ្នាំ២០២៥ មាន​ចំនួន ៤៣២ប៊ីលាន ៩០៩លាន ៤៤២ពាន់រៀល ដែល​ស្មើ​នឹង​ប្រមាណ​ ១០៨,២២លានដុល្លារអាមេរិក។

លោកឱ្យដឹង​ថា៖ «កម្មវិធី​ជាតិ​ជំនួយ​សង្គម​ក្នុង​កញ្ចប់​គ្រួសារ​ដែលជា​កម្មវិធី​មាន​លក្ខណៈឆ្លើយតបគ្រប់ជ្រុងជ្រោយ​ស្របទៅ​នឹងតម្រូវការ​របស់​គ្រួសារ​ក្រីក្រ និង​សមាជិក​ងាយ​រងគ្រោះចាប់តាំង​ពី​ពេល​ចាប់​កំណើត​ក្នុង​ផ្ទៃ​រហូត​ដល់​មរណភាព និង​ជួយពង្រឹង​ស្ថានភាព​គ្រួសារ កសាង​សង្គម​ ដែលមាន​ភាព​ធន់​ ព្រមទាំង​រួម​ចំណែក​ដល់​ការ​អភិវឌ្ឍនសេដ្ឋកិច្ច​ប្រកបដោយ​បរិយាបន្ន បន្ទាប់ពី​កម្មវិធី​ឧបត្ថម្ភសាច់ប្រាក់​ជួន​គ្រួសារ​ក្រីក្រ និងងាយ​រងគ្រោះក្នុ​ងអំឡុង​ពេល​ប្រយុទ្ធនឹង​ជំងឺ​កូវីដ-១៩ ត្រូវបាន​បិទ​បញ្ចប់​ជាស្ថាពរ»។

កម្មវិធីជាតិ​ជំនួយ​សង្គមក្នុង​កញ្ចប់គ្រួសារបានចាប់​ដំណើរ​ការ​កាលពី​ខែ​មេសា ឆ្នាំ២០២៤ ក្នុង​គោល​បំណង​ពង្រឹង​ស្ថានភាព​គ្រួសារ និង​កសាង​សង្គម​ឱ្យ​មាន​ភាព​ធន់​ ដើម្បី​រួម​ចំណែក​ដល់​ការ​អភិវឌ្ឍសេដ្ឋកិច្ចលើកកម្ពស់​ការ​ចូលរួម​ដោយ​គ្មានការ​រើសអើង៕

អត្ថបទដោយ ហ៊ុន សិរីវឌ្ឍន៍

The post រដ្ឋចំណាយលុយជាង១០០លានដុល្លារហើយក្នុង​កម្មវិធីជាតិជំនួយសង្គម appeared first on Kampuchea Thmey Daily.

លោក វ៉ា ថន បាន​ថ្លែង​ថា គ្រឿង​ឧបភោគ បរិភោគ ដែល​យក​មក​ផ្តល់​ជូន​នា​ពេល​នេះ គឺជា​ការ​គិតគូរ​យក​ចិត្ត​ទុក​ដាក់​ពី​រាជរដ្ឋាភិបាល និង​បាន​ពាំនាំ​ការ​ផ្ដាំផ្ញើ​សួរសុខទុក្ខ​ពី​សំណាក់ សម្ដេច​ធិបតី ហ៊ុន ម៉ាណែត នាយករដ្ឋមន្ត្រី ដែល​គ្រប់ពេលវេលា សម្ដេច តែងតែ​គិតគូរ​ពី​សុខទុក្ខ​របស់​ប្រជាពលរដ្ឋ​ដែល​ងាយ​រងគ្រោះ ចាស់ជរា​គ្មាន​ទីពឹង ជន​មាន​ពិការភាព កុមារ​កំព្រា អ្នក​រស់នៅ​ជាមួយ​មេរោគ​អេដស៍​ជាដើម។ ទោះបីជា​អំណោយ​ទាំងនេះ មាន​តិចតួច​ក្តី ប៉ុន្តែ​ក៏​អាច​ជួយ​សម្រាល​ការ​លំបាក​បាន​មួយ​កម្រិត​ក្នុង​រដូវ​បុណ្យ​ភ្ជុំ​ប្រពៃណី​ខ្មែរ​នេះ។ លោក​ក៏បាន​អំពាវនាវ​ដល់​ប្រជាពលរដ្ឋ​ទាំងអស់ ត្រូវ​ចេះ​ថែរក្សា​សុខភាព ត្រូវ​រក្សា​អនាម័យ​ដោយ​ការ​រស់នៅ​ស្អាត ហូប​ស្អាត ផឹក​ស្អាត ដើម្បី​ឲ្យ​សុខភាព​ល្អ និង​បាន​មើល​ឃើញ​នូវ​ការ​អភិវឌ្ឍ​ប្រទេសជាតិ​គ្រប់​ទីកន្លែង​របស់​រាជរដ្ឋាភិបាល​កម្ពុជា។

ប្រជាពលរដ្ឋ​ចាស់ជរា និង​គ្រួសារ​ក្រីក្រ បាន​ថ្លែងអំណរគុណ​រាជរដ្ឋាភិបាល ជាពិសេស សម្តេច​ធិបតី ហ៊ុន ម៉ាណែត នាយករដ្ឋមន្ត្រី ដែល​បាន​យកចិត្តទុកដាក់​ពី​សុខទុក្ខ​ប្រជាពលរដ្ឋ​ទាំងអស់ និង​បាន​ជួយ​ដល់​ពួកគាត់​ក្នុង​គ្រា​លំបាក​គ្រប់ពេលវេលា៕

អត្ថបទ ៖ ប្រុញ វិធិន

The post គ្រួសារក្រីក្រ និងចាស់ជរាគ្មានទីពឹង ៤២ គ្រួសារ ទទួលអំណោយ​ពីសាខាកាកបាទក្រហមកម្ពុជាខេត្តក្រចេះ appeared first on Kampuchea Thmey Daily.

លោក Goh Tung Hong ប្រធានសមាគមសង្រ្គោះជីវិត នៃប្រទេសសិង្ហបុរី បានបញ្ជាក់អំពី គោលបំណងរបស់ក្រុមប្រតិភូសមាគមសង្រ្គោះជីវិត គឺជាសមាគមមួយដែលមិនបម្រើនឲ្យយោបាយណាមួយឡើយ គឺបម្រើតែចលនាមនុស្សធម៌នៅលើកពិភពលោកនេះ។ លោកបានបន្តទៀតថានេះជាអំណោយដ៏តិចតូចក្នុងការចូលរួមដោះស្រាយ និងជួយសម្រាលនូវការខ្វះខាតរបស់ពលរដ្ឋ ចំពោះមុខបានមួយរយៈផងដែរ ។ សមាគមរបស់លោកនឹងបន្តជួយដល់ប្រជាពលរដ្ឋកម្ពុជា ជួបការខ្វះខាតនៅតំបន់មូលដ្ឋានផ្សេងៗទៀតផងដែរ ។

រីឯ លោក សុខ ថុល អភិបាលរងខេត្តសៀមរាប  និងបណ្ឌិត សៀង ណាំ ក៏បានធ្វើការថ្លែងអំណរគុណដល់សមាគមសង្រ្គោះជីវិត នៃប្រទេសសិង្ហបូរី ដែលមានចិត្តសប្បុរសធម៌ ចំពោះប្រជាជនកម្ពុជា ក្នុងការ ចូលរួមដោះស្រាយទុក្ខលំបាក ជាមួយរាជរដ្ឋាភិបាលកម្ពុជា ។ ម៉្យាងទៀតក្នុងកាយវិការសប្បុរសធម៌នេះ នឹងធ្វើឲ្យក្លាយជាកាលានុវត្តភាព ក្នុងការរឹតចំណងសាមគ្គីភាព និង ការពង្រឹង កិច្ចទំនាក់ទំនង សហប្រតិបត្តិការល្អ រវាងប្រទេសជាតិ និង ប្រជាជនទាំងពីរ កាន់តែមានភាពរឹងមាំទ្វេរឡើង ។  បណ្ឌិត សៀង ណាំ បញ្ជាក់ថា ក្នុងនីតិកាលទី៧នេះរាជរដ្ឋាភិបាលកម្ពុជា ដឹកនាំដោយសម្តេចធិបតី ហ៊ុន ម៉ាណែត នាយករដ្ឋមន្ត្រី  បានកំពុងជំរុញនូវការអភិវឌ្ឍលើគ្រប់វិស័យ ទាំងនៅទីប្រជុំជន និង ជនបទ ក្នុងគោលដៅកាត់បន្ថយភាពក្រីក្ររបស់ប្រជាជន ក្នុងការជម្រុញកំណើនការងារ តាមរយៈការបង្កនូវលក្ខណៈងាយស្រួល លើបរិស្ថានវិនិយោគនៅតាមបណ្តាមូលដ្ឋានទូទាំងប្រទេស  ។  ម៉្យាងទៀតក៏បានពង្រឹងនូវកិច្ចសហប្រតិបត្តិការអន្តរជាតិ ជាមួយបណ្តាប្រទេសនានា ស្របតាមគោលនយោបាយបើកចំហរជើងមេឃរបស់រាជរដ្ឋាភិបាល ។ ក្នុងនោះដែរ បណ្ឌិត សៀង ណាំ  ក៏បានធ្វើការវាយតម្លៃខ្ពស់ ចំពោះស្មារតីសប្បុរសធម៌ របស់សប្បុរសជន របស់សមាគមសង្រ្គោះ ជីវិត នៃប្រទេសសិង្ហបុរី ក្នុងការជួយសម្រួលដល់ការលំបាករបស់គ្រួសារខ្វះខាត នៅសង្កាត់ទាំង១២ក្នុងក្រុងសៀមរាប ដែលធ្វើឲ្យវប្បធម៌នៃការទំនាក់ទំនងរវាងប្រជាជនទាំងពីរ កម្ពុជា សិង្ហបុរី កាន់តែធ្វើឲ្យចំណងមិត្តភាព សាមគ្គីភាព កិច្ចសហប្រតិបត្តិការប្រទេសទាំងពីរស្ថិតស្ថេរជានិច្ច ទៅអនាគត ។

បណ្ឌិត សៀង ណាំ ក៏បានជំរុញដល់ប្រជាពលរដ្ឋ ឱ្យជំរុញកូនចៅរបស់ខ្លួន បានចូលទៅសិក្សារៀនសូត្រ ពីថ្នាក់បឋម រហូតដល់ថ្នាក់ ឧត្តមសិក្សា ក្នុងការកសាង បណ្តុះបណ្តាលនូវធនធានមនុស្សនៅកម្ពុជា មានការអភិវឌ្ឍរីកចម្រើន ដូចនឹងប្រទេសសិង្ហបុរីដែរ។  បណ្ឌិតបញ្ចាក់ថា ក្នុងទស្សវត្សឆ្នាំ៧០ ប្រទេសសិង្ហបុរី មានស្ថានភាពដូចប្រទេសកម្ពុជាយើង តែដោយកម្ពុជាជួបនូវសង្រ្គាម ធ្វើឲ្យបាត់បង់ធនធានមនុស្ស ក្នុងរបបប្រល័យពូជសាសន៍ ប៉ុល ពត ។  បណ្ឌិត ក៏បានសំណូមពរដល់សមាគមសង្រ្គោះជីវិតប្រទេសសិង្ហបុរី បន្តសកម្មភាពរបស់ខ្លួននៅកម្ពុជា ក្នុងការចូលរួមអភិវឌ្ឍន៍ជាមួយរាជរដ្ឋាភិបាលកម្ពុជា ដូចជាការសាងសង់អគារសិក្សា មណ្ឌលសុខភាព ផ្លូវថ្នល់ អណ្តូងទឹកស្អាត និង បង្គន់អនាម័យ បរិស្ថានផងដែរ៕

ដោយ៖ គឿនវេត

The post គ្រួសារក្រីក្រ ជនមានពិការភាព ចាស់ជរា ៣០០គ្រួសារ ទទួលអំណោយពីសមាគមសង្រ្គោះជីវិត ប្រទេសសិង្ហបុរី appeared first on Kampuchea Thmey Daily.

ការណែនាំនេះ ធ្វើឡើងនៅក្នុងពិធីប្រកាសឲ្យអនុវត្តកម្មវិធី «គោលការណ៍ណែនាំ ស្ដីពី ក្របខណ្ឌកម្មវិធីជាតិជំនួយសង្គមក្នុងកញ្ចប់គ្រួសារ និងគោលការណ៍ណែនាំ ស្ដីពីក្របខណ្ឌកិច្ចគាំពារសង្គមឆ្លើយតបនឹងគ្រោះអាសន្ន» នាព្រឹកថ្ងៃទី ៥ ខែធ្នូ ឆ្នាំ ២០២៣នេះ។

សម្ដេចធិបតី ហ៊ុន ម៉ាណែត មានប្រសាសន៍ថា យន្តការពង្រឹងអត្តសញ្ញាណកម្មគ្រួសារក្រីក្រ គឺជាឆ្អឹងខ្នង នៃការអន្តរាគមន៍គាំពារសង្គមនានា របស់រាជរដ្ឋាភិបាល។

សម្ដេចនាយករដ្ឋមន្ត្រី បានបន្ថែមថា «ត្រូវធានាថា យន្ដការនេះ មានបរិយាប័ន្ន គ្រប់ដណ្ដប់លើគ្រប់ក្រុមគោលដៅពិតប្រាកដ ដែលត្រូវទទួលបានការឧបត្ថម្ភពីរាជរដ្ឋាភិបាល»។

បន្ថែមពីលើនេះទៀត សម្ដេចធិបតី ហ៊ុន ម៉ាណែត ក៏បានណែនាំដល់ក្រសួងផែនការ ត្រូវបន្តធ្វើបច្ចុ​ប្បន្នភាពទិន្នន័យគ្រួសារក្រីក្រផងដែរ៕

The post សម្ដេចធិបតី ហ៊ុន ម៉ាណែត ណែនាំឲ្យពង្រឹងយន្តការអត្តសញ្ញាណកម្មគ្រួសារក្រីក្រ appeared first on Kampuchea Thmey Daily.

យោង​តាម​សេចក្ដីជូនដំណឹង​របស់​ក្រសួង​សង្គមកិច្ច អតីត​យុទ្ធជន និង​យុវ​នីតិសម្បទា ចុះ​ថ្ងៃ​ទី ២៤ កក្កដា បាន​ឲ្យ​ដឹង​ថា ចាប់ពី​ថ្ងៃ​ទី ២៥ ខែ​មិថុនា ឆ្នាំ ២០២០ មក​ដល់​ថ្ងៃ​ទី ២៤ ខែ​កក្កដា ឆ្នាំ ២០២៣ នេះ រដ្ឋាភិបាល បាន​បើក​ផ្ដល់​ប្រាក់​ឧបត្ថម្ភ​ដល់​គ្រួសារ​ក្រីក្រ និង​ងាយ​រងគ្រោះ អំឡុងពេល​ប្រយុទ្ធ​នឹង​ជំងឺ​កូវីដ-១៩ ចំនួន ១៣ ជុំ ស្មើនឹង ៣៧ លើក ចំណាយ​ថវិកា​ប្រមាណ ១១១៩,៤០ លាន​ដុល្លារ ដោយ​មាន​ប្រជាពលរដ្ឋ​ចំនួន ៧០៤៦៥៤ គ្រួសារ ដែល​មាន​សមាជិក​ចំនួន ២៧៨៣១៩៩ នាក់។

ជាមួយ​គ្នា​នេះ​ដែរ ក្រសួង បាន​ប្រកាស​ឲ្យ​គ្រួសារ​ក្រីក្រ និង​ងាយ​រងគ្រោះ​ក្នុង​អំឡុងពេល​ប្រយុទ្ធ​នឹង​ជំងឺ​កូវីដ-១៩ ប្រមាណ​ជាង ៧០ ម៉ឺន​នាក់ ទៅ​បើក​ប្រាក់​ឧបត្ថម្ភ​ជុំ​ទី ១៤ លើក​ទី ១ ដែល​ចាប់ពី​ថ្ងៃ​ទី ២៤ ខែ​កក្កដា រហូត​ដល់​ថ្ងៃ​ទី ២៥ ខែ​សីហា ឆ្នាំ ២០២៣ ខាងមុខនេះ ដើម្បី​ជួយ​សម្រួល​ក្នុង​ការ​ដោះស្រាយ​ជីវភាព​ប្រចាំថ្ងៃ​ឲ្យ​កាន់តែ​ប្រសើរ។

ក្រសួង​សង្គមកិច្ច បាន​ណែនាំ​ថា ពេល​ទៅ​បើកប្រាក់​ឧបត្ថម្ភ​នៅ​តាម​បញ្ជរ​វីង តម្រូវ​ឲ្យ​អ្នក​ទទួល​ផល​ត្រូវ​ភ្ជាប់​ទៅជា​មួយ​នូវ​ឯកសារ​ពាក់ព័ន្ធ​ដូចគ្នា​នឹង​ការ​បើក​ប្រាក់​ឧបត្ថម្ភ​លើក​មុនៗ ផង​ដែរ ពិសេស​បណ្ណ​សមធម៌ ដែល​នៅ​មាន​សុពលភាព និង​ត្រូវ​ចងចាំ​លេខ​កូដ​សម្ងាត់។ ករណី​ភ្លេច​លេខ​សម្ងាត់ សូម​ទំនាក់ទំនង​អ្នក​ទទួល​បន្ទុក​កម្មវិធី​តាម ឃុំ សង្កាត់ ឬ មន្ទីរ​សង្គមកិច្ច អតីត​យុទ្ធជន និង​យុវ​នីតិសម្បទា រាជធានី ខេត្ត។

ករណី​ប្រជាពលរដ្ឋ ឬ សាធារណជន ពិនិត្យ​ឃើញ​ភាព​មិន​ប្រក្រតី​ណាមួយ​ក្នុង​ការ​អនុវត្ត​កម្មវិធី ឬ ដក​សាច់ប្រាក់​មិន​បាន​នៅ​តាម​បញ្ជរ​វីង​ណាមួយ​នោះ សូម សាធារណជន និង​អ្នក​ទទួល​ផល​ទាំងអស់ ធ្វើការ​ទំនាក់ទំនង​ជាមួយ​អ្នក​កាន់​កម្មវិធី​តាម ឃុំ សង្កាត់ ឬ នៅ​មន្ទីរ​សង្គមកិច្ច អតីត​យុទ្ធជន និង​យុវ​នីតិសម្បទា ឬ មន្ទីរ​ផែនការ រាជធានី ខេត្ត​នីមួយៗ៕

អត្ថបទ ៖ សំអឿន

The post ៤ ឆ្នាំនេះ រដ្ឋ ចំណាយជាង ១ ពាន់លានដុល្លារ ឧបត្ថម្ភជូនគ្រួសារក្រីក្រ និងងាយរងគ្រោះ អំឡុងប្រយុទ្ធជំងឺកូវីដ-១៩ appeared first on Kampuchea Thmey Daily.

នៅក្នុងសេចក្តីប្រកាសព័ត៌មានរបស់ក្រសួងសង្គមកិច្ចអតីតយុទ្ធជន និងយុវនីតិសម្បទាចុះថ្ងៃទី២៤ឧសភាបានឱ្យដឹងថា ការលើកឡើងបែបនេះ មានគោលបំណងចង់ឱ្យបងប្អូនប្រជាជន ជាពិសេសគ្រួសារអ្នកទទួលផល​ពីកម្មវិធីបើក​សាច់ប្រាក់ឧបត្ថម្ភជូនគ្រួសារក្រីក្រ និងងាយរងគ្រោះ ក្នុងអំឡុងពេលប្រយុទ្ធនឹងជំកូវីដ-១៩ មានការភ័យខ្លាច និងខឹងសម្បារជាមួយនឹងក្រុមប្រឹក្សាឃុំសង្កាត់ ដែលកំពុងដឹកនាំបច្ចុប្បន្ន ឬរាជរដ្ឋាភិបាលកម្ពុជា។

ជាមួយគ្នានេះដែរ ក្រសួងសូមឱ្យប្រជាជនទាំងអស់ កុំចាញ់បោកជនខិលខូចមួយចំនួនដែលបានដើរឃោសនា​បោកប្រាស់ថា ក្នុងករណីប្រជាជនចង់បានបណ្ណក្រីក្រ ដើម្បីទទួលបានប្រាក់ឧបត្ថម្ភពីសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធនឹងជំងឺកូវីដ១៩នោះ តម្រូវឲ្យគ្រួសារក្រីក្រត្រូវបង់ប្រាក់ដែលទង្វើខាងលើនោះ មិនត្រឹមត្រូវនោះឡើយ ព្រោះការផ្ដល់បណ្ណក្រីក្រត្រូវបានធ្វើឡើងតាមនីតិវិធីនៃការកំណត់អត្តសញ្ញាណ​កម្មគ្រួសារ​ក្រីក្ររបស់ក្រសួងផែនការ ដោយមិនមានការរើសអើងនិន្នាការនយោបាយ និងយកកម្រៃណាមួយនោះឡើយ គឺប្រកបដោយអភិក្រមជាមន្ត្រីបម្រើរាស្ត្រ។

ទន្ទឹមនឹងនេះ ក្រសួងសូមឱ្យអ្នកទទួលផលទាំងអស់ ប្រើប្រាស់ថវិកាដែលទទួលបានពីកម្មវិធីឲ្យបានត្រឹមត្រូវ​ដោយជៀសវាងការប្រើប្រាស់​ក្នុងគោលបំណងបម្រើឲ្យអបាយមុខផ្សេងៗ ដែលនាំឲ្យប៉ះពាល់ដល់​ការអនុវត្តគោលនយោបាយរបស់រាជរដ្ឋាភិបាលក្នុងការផ្ដល់ការអន្តរាគមន៍ជំនួយសង្គមជាសាច់ប្រាក់។

ក្នុងករណីពិនិត្យរកឃើញមានអ្នកទទួលផលដែលប្រើប្រាស់ខុសគោលដៅបែបនេះ ស្នើឲ្យអាជ្ញាធរមូលដ្ឋាន​ធ្វើការអប់រំដល់អ្នកទទួលផលទាំងនោះ ជាលាយលក្ខណ៍អក្សរបើក្នុងករណីអ្នកទទួលផលទាំងនោះ នៅមិនរាងចាល​នោះទេមេឃុំចៅសង្កាត់ត្រូវធ្វើការប្រជុំពិភាក្សាជាមួយក្រុមប្រឹក្សាក្នុងការធ្វើបច្ចុប្បន្នភាពបណ្ណក្រីក្រនោះឡើងវិញ។

លើសពីនេះទៀត ក្រសួងបានស្នើសុំគ្រួសារក្រីក្រ និងងាយរងគ្រោះទាំងអស់ត្រូវបន្តគោរពនូវវិធាន​ការរបស់រាជ​រដ្ឋាភិបាល​ក្នុងការបង្ការ និងទប់ស្កាត់ការរីករាលដាលដោយអនុវត្តនូវវិធានការ៣កុំ៣ការពារនៅគ្រប់ទីកន្លែង បើទោះបីជាស្ថានភាពឆ្លងជំងឺកូវីដ១៩ មានសភាពល្អប្រសើរយ៉ាងណាក៏ដោយ និងចូលរួមចាក់វ៉ាក់សាំង​ឲ្យបានគ្រប់គ្នាៗតាមការកំណត់របស់រដ្ឋាភិបាលដើម្បីធានាបាននូវការកាត់ផ្ដាច់ខ្សែចង្វាក់នៃការឆ្លងជំងឺកូវីដ១៩ និងរស់នៅក្នុងគន្លងនៃបរិបទថ្មី។

គួរបញ្ជាក់ថា ចាប់តាំងពីថ្ងៃទី ២៥ខែ មិថុនាឆ្នាំ ២០២០ រហូតមកដល់ថ្ងៃទី២៤ខែឧសភាឆ្នាំ២០២៣នេះ រដ្ឋាភិបាល​បានបើកសាច់ប្រាក់ឧបត្ថម្ភជូនគ្រួសារក្រីក្រ និងងាយរងគ្រោះ ក្នុងអំឡុងពេលប្រយុទ្ធនឹងជំកូវីដ១៩ បានចំនួន១៣ជុំ មាន៣៥លើក ដែលមានទឹកប្រាក់ចំនួន៤២២៧០៤៧៤៣១០០០រៀល(បួនពាន់ពីររយម្ភៃប្រាំពីរប៊ីលាន​សែសិបប្រាំពី​លានបួនរយសាមសិបមួយពាន់គត់) ឬស្មើនឹងប្រមាណ១០៥៦,៧៦លានដុល្លារអាមេរិកដោយមានប្រជាពលរដ្ឋចំនួន ៧០៤៥៣៥គ្រួសារ ដែលមានសមាជិកចំនួន ២៧៨២២១១នាក់៕

អទ្ថបទ៖ សំអឿន

The post រាជរដ្ឋាភិបាល នឹងមិនដកបណ្ណក្រីក្រពីពលរដ្ឋវិញ​ដោយសារនិន្នាការនយោបាយទេ appeared first on Kampuchea Thmey Daily.

យោង​តាម​សេចក្ដីជូនដំណឹង​របស់​ក្រសួង​សង្គមកិច្ច​អតីត​យុទ្ធជន និង​យុវ​នីតិសម្បទា បាន​ឲ្យ​ដឹង​ថា ចាប់​តាំងពី​ថ្ងៃ​ទី ២៥ ខែ​មិថុនា ឆ្នាំ ២០២០ រហូត​មក​ដល់​ថ្ងៃ​ទី ២៤ ខែ​មេសា ឆ្នាំ ២០២៣ នេះ​រដ្ឋាភិបាល បាន​បើក​សាច់ប្រាក់​ឧបត្ថម្ភ​ជូន​គ្រួសារ​ក្រីក្រ និង​ងាយ​រងគ្រោះ ក្នុង​អំឡុង​ពេល​ប្រយុទ្ធ​នឹង​ជំងឺ​កូវីដ-១៩ បាន​ចំនួន ៣៤ លើក ដែល​មាន​ទឹកប្រាក់​ចំនួន ៤០១២១៣០០៦៧០០០ រៀល (បួន​ពាន់​មួយ​រយ​ពីរ​ប៊ី​លាន​មួយ​រយ​សាមសិប​លាន​ហុកសិប​ប្រាំពីរ​ពាន់​រៀល​គត់) ឬ​ស្មើនឹង​ប្រមាណ ១០២៥,៥៣ លាន​ដុល្លារ​អាមេរិក ដោយ​មាន​ប្រជាពលរដ្ឋ​ចំនួន ៧០៤៩៨០ គ្រួសារ ដែល​មាន​សមាជិក​ចំនួន ២៧៨៣០២៤ នាក់។

ក្នុង​នោះ​ប្រជាពលរដ្ឋ​ក្រីក្រ​កម្រិត ១ មាន​ចំនួន ២៦៧៣៦៥ គ្រួសារ ក្រីក្រ​កម្រិត ២ មាន​ចំនួន ៤៣៧៦១៥ គ្រួសារ កុមារ​អាយុ​ចាប់ពី ០ ដល់ ៥ ឆ្នាំ មាន​ចំនួន ១០៩៩៨០ នាក់ មនុស្ស​ចាស់​អាយុ ៦០ ឆ្នាំ មាន​ចំនួន ៣៨៦៥៧០ នាក់ ជន​មាន​ពិការភាព​ចំនួន ៦០៦៣៦ នាក់ និង​គ្រួសារ​មាន​អ្នកជំងឺ​អេដស៍​ចំនួន ២០៣៦ នាក់។

ជាមួយ​គ្នា​នេះ​ដែរ ក្រសួង​សង្គមកិច្ច បាន​ជូនដំណឹង​ពី​ការ​បើក​សាច់ប្រាក់​ឧបត្ថម្ភ​ជូន​គ្រួសារ​ក្រីក្រ និង​ងាយ​រងគ្រោះ ក្នុង​អំឡុងពេល​ប្រយុទ្ធ​នឹង​កូវីដ ជុំ​ទី ១៣ លើក​ទី ១ ចាប់ពី​ថ្ងៃ​ទី ២៥ ខែ​មេសា ដល់​ថ្ងៃ​ទី ២៤ ខែ​ឧសភា ឆ្នាំ ២០២៣។

ក្រសួង​សង្គមកិច្ច បាន​ណែនាំ​ដល់​គ្រួសារ​ក្រីក្រ និង​ងាយ​រងគ្រោះ​ក្នុងអំឡុងពេល​ប្រយុទ្ធ​នឹង​កូវីដ​-១៩ ពេល​ទៅ​បើកប្រាក់​ឧបត្ថម្ភ​នៅ​តាម​បញ្ជរ​វីង តម្រូវ​ឲ្យ​អ្នក​ទទួល​ផល​ត្រូវ​ភ្ជាប់​ទៅ​ជាមួយ​នូវ​ឯកសារ​ពាក់ព័ន្ធ​ដូចគ្នា​នឹង​ការ​បើកប្រាក់​ឧបត្ថម្ភ​លើក​មុនៗ​ផង​ដែរ ពិសេស​បណ្ណ​សមធម៌ ដែល​នៅ​មាន​សុពលភាព និង​ត្រូវ​ចងចាំ​លេខ​កូដ​សម្ងាត់។ ករណី​ភ្លេច​លេខ​សម្ងាត់ សូម​ទំនាក់ទំនង​អ្នក​ទទួល​បន្ទុក​កម្មវិធី​នៅ​តាម​ឃុំ សង្កាត់ ឬ មន្ទីរ​សង្គមកិច្ច​អតីត​យុទ្ធជន និង​យុវ​នីតិសម្បទា រាជធានី-ខេត្ត។

ក្នុង​ករណី​ប្រជាពលរដ្ឋ ឬ សាធារណជន ពិនិត្យ​ឃើញ​ភាព​មិន​ប្រក្រតី​ណាមួយ​ក្នុង​ការ​អនុវត្ត​កម្មវិធី ឬ ដក​សាច់ប្រាក់​មិន​បាន​នៅ​តាម​បញ្ជរ​វីង​ណាមួយ​នោះ សូម សាធារណជន និង​អ្នក​ទទួលផល​ទាំងអស់ ធ្វើការ​ទំនាក់ទំនង​ជាមួយ​អ្នក​កាន់​កម្មវិធី​នៅ​តាម​ឃុំ សង្កាត់ ឬ នៅ​មន្ទីរ​សង្គមកិច្ច​អតីត​យុទ្ធជន និង​យុវ​នីតិសម្បទា ឬ មន្ទីរ​ផែនការ រាជធានី ខេត្ត នីមួយៗ៕

អត្ថបទ ៖ សំអឿន

The post រាជរដ្ឋាភិបាល ចំណាយជាង ១ ពាន់លានដុល្លារ ឧបត្ថម្ភជូនគ្រួសារក្រីក្រ និងងាយរងគ្រោះ អំឡុងប្រយុទ្ធជំងឺកូវីដ-១៩ appeared first on Kampuchea Thmey Daily.