ចន សុទីម៉ា Archives - Kampuchea Thmey Daily

ផ្ទុះការសរសើរ ចន សុទីម៉ា ក្លាហានហ៊ានឈរលើកទង់ជាតិខ្មែរនៅព្រំដែនតំបន់ថ្មដា មិនខ្លាចទាហានថៃ

Chan Sotheavy — Fri, 08 May 2026 04:21:58 +0000

ដោយការឈឺចាប់ចំពោះទង្វើឈ្លានពានរបស់ក្រុមយោធាថៃមកលើបូរណភាពទឹកដីរបស់ប្រទេសកម្ពុជាតារាសម្តែងកញ្ញា ចន សុទីម៉ា ម្ចាស់មកុដបរវកញ្ញា Miss Universe Cambodia 2023 ថ្មីៗនេះ បានលើកទងជាតិខ្មែរក្បែរទូរកុងតឺន័រនៅតំបន់ថ្មដា មិនខ្លាចទាហានថៃ។

ភាពក្លាហានរបស់បវរកញ្ញាកម្ពុជាកញ្ញា ចន សុទីម៉ា បានធ្វើឱ្យមហាជនអ្នកគាំទ្រមានមោទនភាព និងកោតសរសើរចំពោះឆន្ទ:ដែលនាងបង្ហាញនូវការឈឺចាប់ ព្រមទាំងទឹកចិត្តក្នុងនាមជាកូនខ្មែរស្នេហាទឹកដី ដោយមិនក្លាចចោរឈ្លានពានវង្វេងប្រវត្តិសាស្ត្រប្លន់យកទឹកដីកម្ពុជា។

ជាការពិតណាស់ តាមរយ:ការបង្ហាញនូវការឈឺចាប់ ចំពោះការឈ្លានពានទឹកដីបវរកញ្ញា ចន សុទីម៉ា កំឡុងពេលចុះទៅតំបន់ព្រំដែន កញ្ញាបានលើកទង់ជាតិខ្មែរឈរនៅក្បែរទូរកុងតឺន័រដោយសរសេរភ្ជាប់ពាក្យថា “Don’t thai to me”។ នេះសរបញ្ជាក់ឱ្យឃើញថាខ្មែរគឺមានស្មារតីធ្លុងតែមួយ កម្លាំងសាមគ្គីខ្មែរតែមួយ គឺការពារដែនអធិបតេយ្យនឹងដើម្បីជាកម្លាំងចិត្តដ៏មហិមារជូនវីរកងទ័ព។

ដំណើរឆ្ពោះទៅតំបន់ព្រំដែនរបស់កញ្ញា ចន សុទីម៉ា នេះក៏មានការចូលរួមជាមួយបវរញ្ញាខ្មែរមួយចំនួនទៀតផងដែរ ដើម្បីសួរសុខទុក្ខវីរកងទ័ព និងជនភៀសសឹកនៅតាមព្រំដែន។ ក្រៅពីការសួរសុខទុក្ខនាងក៏បានបង្ហាញការឈឺចាប់ខ្លាំងនិងដឹងគុណចំពោះវីរ:កងទ័ពដ៏អង់អាចក្លាហានពីសំណាក់វីរកងទ័ពនៅទីនោះ ដែលបានលះបង់សាច់ស្រស់ឈាមស្រស់ការពារទឹកដីប្រជាជន និងប្រទេសជាតិ៕ ដោយ៖ ចាន់រ៉ា

The post ផ្ទុះការសរសើរ ចន សុទីម៉ា ក្លាហានហ៊ានឈរលើកទង់ជាតិខ្មែរនៅព្រំដែនតំបន់ថ្មដា មិនខ្លាចទាហានថៃ appeared first on Kampuchea Thmey Daily.

ចន សុទីម៉ា ម្ចាស់មកុដ MUC2023 ក្រើនរម្លឹកយុវជន ជៀសឆ្ងាយពីគ្រឿងញៀន ដើម្បីខ្លួន និងសង្គមជាតិ

Chan Sotheavy — Fri, 27 Sep 2024 03:11:40 +0000

ស្របពេលដែលឱកាសនៃពិធីបុណ្យភ្ជុំបិណ្ឌកំពុងចូលមកដល់នេះដែរ កញ្ញា ចន សុទីម៉ា ម្ចាស់មកុដបរវកញ្ញា Miss Universe Cambodia 2023 បានចេញសារដាស់តឿននិងអំពាវនាវឲ្យយុវជនយុវតី ត្រូវជៀសឱ្យឆ្ងាយពីគ្រឿងញៀន។ កញ្ញា កឿនរម្លឹកដែរថា ក្នុងនាមជាទំពាំងស្នងឫស្សី ត្រូវបន្តការខិតខំសិក្សា ដើម្បីក្រេបយកចំណេះដឹងសម្រាប់ខ្លួនឯង ក្រុមគ្រួសារ ព្រមទាំងសង្គមជាតិ ជៀសវាងខូចអនាគត និងបំផ្លាញខ្លួនឯង ដោយសារតែផុងខ្លួននិងគ្រឿងញៀន។

កញ្ញា ចន សុទីម៉ា បានលើកឡើងជាសារដូច្នេះថា “នៅក្នុងឱកាសបុណ្យភ្ជុំនេះនាងខ្ញុំ សុទីម៉ា សូមជូនពរដល់បងប្អូនពុកម៉ែទាំងអស់គ្នា ជួបប្រទះតែសុខសុវត្ថិភាពនិងមានសុខភាពល្អគ្រប់ក្រុមគ្រួសារ ពិសេសគឺសូមយុវជនយុវតីទាំងអស់គ្នាជៀសឱ្យឆ្ងាយពីគ្រឿងញៀន និងត្រូវខិតខំរៀនសូត្រដើម្បីអនាគត”។

ដោយឡែក សមាគមសិល្បករខ្មែរ ក៏បានផលិតវីដេអូអប់រំខ្លីមួយពាក់ព័ន្ធនឹងបញ្ហាគ្រឿងញៀនដោយមានការចូលរួមផ្ញើសារដ៏មានអត្ថន័យនិងខ្លឹមសារពីលោ កជំទាវប្រធានសមាគមនិងសិល្បករសិល្បការិនីជា ច្រើនរូបផងដែរ។ នេះក្នុងគោលបំណង ដើម្បីជាការរួមចំណែកក្រើនរំឭកដល់បងប្អូនទាំងអស់ ជាពិសេសយុវជនដែលជាទំពាំងស្នងឫស្សីនៅក្នុងឱកាសបុណ្យភ្ជុំបិណ្ឌនេះ៕ អត្ថបទ៖ ចាន់រ៉ា

The post ចន សុទីម៉ា ម្ចាស់មកុដ MUC2023 ក្រើនរម្លឹកយុវជន ជៀសឆ្ងាយពីគ្រឿងញៀន ដើម្បីខ្លួន និងសង្គមជាតិ appeared first on Kampuchea Thmey Daily.

ចន សុទីម៉ា សុំទោសអ្នកគាំទ្រ និងសន្យាផ្តល់បទពិសោធន៍ល្អៗសម្រាប់អ្នកជំនាន់ក្រោយ

Din Thary — Wed, 22 Nov 2023 04:09:17 +0000

បន្ទាប់ពីបញ្ចប់ការប្រកួតលើឆាកអន្តរជាតិ ទីបំផុតបវរកញ្ញាតំណាងកម្ពុជាកញ្ញា ចន សុទីម៉ា បានធ្វើដំណើរមកដល់ប្រទេសកម្ពុជាវិញហើយ កាលពីរសៀលថ្ងៃទី២១ ខែវិច្ឆិកា ឆ្នាំ២០២៣។ ការវិលត្រឡប់របស់កញ្ញា ចន សុទីម៉ា គេឃើញមានអ្នកគាំទ្រជាច្រើនបានទៅទទួលនៅឯប្រលានយន្តហោះភ្នំពេញ។

យ៉ាងណាមិញ សម្រាប់សាមីខ្លួនកញ្ញា ចន សុទីម៉ា ក្រៅតែពីការអរគុណដល់អ្នកគាំទ្រនាងក៏បានសុំទោសផងដែរចំពោះអ្នកគាំទ្រដែលខ្លួនមិនអាចឆក់យកបានតំណែងណាមួយជូនជាតិបាន។

កញ្ញា សុទីម៉ា បានលើកឡើងថា «នាងខ្ញុំបានបំពេញតួនាទី និងភារកិច្ចក្នុងការតំណាងជាតិកម្ពុជានៅ លើឆាកបវរកញ្ញាចក្រវាលលើកទី៧២ ចប់រួចរាល់ជាស្ថាពរហើយ។

កញ្ញា ចន សុទីម៉ា បានបន្តថា”នាងខ្ញុំបានឃើញរាល់ការលើកទឹកចិត្ត និងគោលបំណងជាប្រជាជាតិរួមគ្នាតែមួយ នាងខ្ញុំពិតជារំភើប និងនឹកស្មានមិនដល់ថាបងប្អូនប្រជាជនយើង គឺមានការរួបរួមគ្នាខ្លាំងដល់ថ្នាក់នេះ សោះ នេះជាចងចាំដែលមិនអាចបំភ្លេចបានសម្រាប់នាងខ្ញុំ នាងខ្ញុំសុំទោសដែលមិនអាចយកតំណែងណាមួយជូនបងប្អូនទាំងអស់គ្នាបាន សុំទោសដែលធ្វើឲ្យបងប្អូនខកចិត្ត សុំទោសចេញពីបេះដូងពិតៗ“។

បវរកញ្ញា ចន សុទីម៉ា បានបញ្ជាក់បន្ថែមថា ជាចុងក្រោយនាងនៅតែឈរដោយក្តីរឹងមាំ និងមានសង្ឃឹម ថាអ្នកតំណាងរបស់កម្ពុជានៅឆ្នាំក្រោយៗ និងអាចយកតំណែងជាមួយក្នុងកម្មវិធីបវរកញ្ញាចក្រវាលឲ្យបាន ហើយនាងរីករាយ និងផ្តល់បទពិសោធន៍ដ៏ល្អៗសម្រាប់ពួកគាត់ដើម្បីទង់ជាតិកម្ពុជា ។ លើសពីនេះ នាងពិតជាមានមោទនភាពណាស់ក្នុងនាមជាជនជាតិខ្មែរ តំណាងកម្ពុជានិងស្រែកពាក្យថា CAMBODIA ដោយមានកិត្តិយស។

ប្រាកដណាស់មហាជន និងអ្នកគាំទ្របានបង្ហាញការចូលរួមសោកស្តាយគ្រប់គ្នា ខណៈដែលបវរកញ្ញាកម្ពុជា កញ្ញា ចន សុទីម៉ា ពុំអាចចូលទៅដល់ក្នុងTopកំពូលណាមួយនៃការប្រកួតលើឆាកអន្តរជាតិ Miss Universe 2023 នៅប្រទេសEl Salvador។

ទោះបីជាយ៉ាងនេះក៏ពិតមែនសម្រាប់កញ្ញា ចន សុទីម៉ា នៅតែរក្សាបានការគាំទ្រ និងលើកទឹកចិត្តខ្លាំងពីសំណាក់ប្រជាជនកម្ពុជាដែលនាងបាននាំយក ឈុតតំណាងជាតិទៅបង្ហាញនៅលើឆាកអន្តរជាតិដើម្បីឲ្យពិភពលោកបានស្គាល់កាន់តែច្បាស់នូវអរិយធម៌ វប្បធម៌ដែលដូនតាយើងបានបន្សល់ទុក៕

អត្ថបទ៖ ចាន់រ៉ា

The post ចន សុទីម៉ា សុំទោសអ្នកគាំទ្រ និងសន្យាផ្តល់បទពិសោធន៍ល្អៗសម្រាប់អ្នកជំនាន់ក្រោយ appeared first on Kampuchea Thmey Daily.

អស្ចារ្យណាស់! ចន សុទីម៉ា លេចធ្លោខ្លាំងក្នុងឈុតតំណាងជាតិ «ព្រះមេគង្គា»

Din Thary — Fri, 17 Nov 2023 07:36:42 +0000

ឈានចូលដល់វគ្គប្រកួតឈុតតំណាងជាតិក្នុងកម្មវិធីប្រកួតសម្រស់ Miss Universe 2023 បវរកញ្ញាតំណាង ចន សុទីម៉ា បានរំលេចខ្លួនក្នុងឈុត «ព្រះមេគង្គា» យ៉ាងអស្ចារ្យ និងកាន់តែលេចធ្លោខ្លាំងសម្រាប់ការប្រកួតលើឆាកអន្តរជាតិនៃប្រទេស El Salvador។

អត្ថន័យនៃឈុតតំណាងជាតិដែលស្រីស្អាត សុទីម៉ា បង្ហាញនេះមានឈ្មោះថា «ព្រះមេគង្គា»។ឈុតនេះ គឺរចនាឡើងដើម្បីឧទ្ទិសដល់ទន្លេ មេគង្គដែលហូរមកពីទីបេ កាត់ប្រទេសចិន មីយ៉ាន់ម៉ា ថៃ ឡាវ កម្ពុជា និងវៀតណាម។ ដោយដកស្រង់គំនិតពីទេវកថាចម្លាក់បុរាណ និងបរិស្ថាន ឈុតនេះរំលេចនូវគ្រឿងអលង្ការនានាដែលច្នៃចេញពីរចនាបទសិល្បៈសម័យអង្គរ។

កញ្ញា ចន សុទីម៉ា បញ្ជាក់ថាឈុត «ព្រះមេគង្គា» បង្ហាញ និងលើកតម្កើងធនធានដ៏សម្បូណ៌បែបនៃទឹកដី វប្បធម៌កម្ពុជា ដោយធ្វើការប្រើប្រាស់ត្បូងធម្មជាតិ និងសំពត់ចរបាប់ សូត្រត្បាញដោយដៃខ្មែរ។ ឈុតតំណាងជាតិ «ព្រះមេគង្គា» ដ៏ស្រស់ថ្លា និងវិសេសនេះជានិម្មិត រូបនៃលំហូរនៃសុខសិរីសួស្ដី ជ័យតំណាងលំហូរនៃសន្តិភាព មិត្តភាព និងការរីកចម្រើននៃយុគសម័យថ្មី។

បវរកញ្ញា ចន សុទីម៉ា បានលើកឡើងថា នាងពិតជារីករាយ និងមានកិត្តិយសណាស់ ក្នុងការតំណាងប្រទេសកម្ពុជានៅលើឆាកបវរកញ្ញាចក្រវាល២០២៤ ហើយនាងសង្ឃឹមថាប្រជាជនកម្ពុជាទាំងអស់នឹងពេញចិត្តចំពោះការបង្ហាញសមត្ថភាពរបស់នាងផងដែរ។

ចន សុទីម៉ា បន្ថែមទៀតថា «សូមអរគុណចំពោះប្រជាជនកម្ពុជាទាំងអស់ចំពោះការលើកទឹកចិត្ត និងផ្តល់ក្តីស្រលាញ់មកកាន់រូបនាងខ្ញុំ នាងខ្ញុំពិតជារំភើបណាស់ ជាពិសេសនាង ខ្ញុំពិតជាមានសំណាងដែលកើតមកជាខ្មែរ និងមិនភ័យខ្លាចទេក្នុងការបង្ហាញខ្លួនឯងក្នុងភាពជា “ខ្មែរ “ »។

គួរបញ្ជាក់ដែរថា បវរកញ្ញាតំណាងកម្ពុជាកញ្ញា ចនសុ ទីម៉ា កំពុងបង្ហាញវត្តមានក្នុងកម្មវិធីប្រកួតMiss Universe 2023 លើឆាកអន្តរជាតិនាប្រទេស El Salvadorនោះគឺគេសង្កេតឃើញទស្សនិកជនអ្នកគាំទ្រជាច្រើនបានសម្ដែងការលើកទឹកចិត្តគ្រប់ហើយស្នើដល់កូនខ្មែររួមដៃគ្នាបោះឆ្នោតឲ្យ សុទីម៉ា៕

អត្ថបទ៖ ចាន់រ៉ា

The post អស្ចារ្យណាស់! ចន សុទីម៉ា លេចធ្លោខ្លាំងក្នុងឈុតតំណាងជាតិ «ព្រះមេគង្គា» appeared first on Kampuchea Thmey Daily.

ពេជ្រ សោភា បំផុសការគាំទ្រម្នាក់ ១ ដុល្លារ ចូលរួម Vote ឲ្យ Miss Universe Cambodia

Din Thary — Fri, 17 Nov 2023 04:42:17 +0000

ខណៈដែលបវរកញ្ញាតំណាងកម្ពុជាកញ្ញា ចន សុទីម៉ា កំពុងបង្ហាញវត្តមានក្នុងកម្មវិធីប្រកួត Miss Universe 2023 លើឆាកអន្តរជាតិនាប្រទេស El Salvador នោះគេសង្កេតឃើញទស្សនិកជន អ្នកគាំទ្រជាច្រើនបានសម្ដែងការលើកទឹកចិត្តគ្រប់ហើយស្នើដល់កូនខ្មែររួមដៃគ្នាបោះឆ្នោតឲ្យ សុទីម៉ា។

ជាមួយគ្នានេះដែរ សម្រាប់កំពូលតារាចម្រៀងអ្នកនាង ពេជ្រ សោភា ក៏បានអំពាវនាវឲ្យចូលរួមគាំទ្រMiss Universe Cambodia ដែលកំពុងឈរជើងប្រកួតនៅឯប្រទេស El Salvador ផងដែរ។ ម្យ៉ាងទៀត ពេជ្រ សោភា បានស្នើអ្នកគាំទ្រស្រាក់ដៃគ្នាម្នាក់១ដុល្លា រចូលរួមVoteឲ្យMiss Universe Cambodia20 23 ចន សុទីម៉ា ទៀតផង។

បើតាមខ្លឹមសាររបស់អ្នកនាង ពេជ្រ សោភា បានលើកឡើងនឹងអំពាវនាវថា «សង្ឃឹមថាតោះបងប្អូនយើងនិយាយគ្នានឹងលើកទឹកចិត្តដល់ ទីម៉ា គាត់ស្អាតបានទាំងព្រមខ្ញុំចូលចិត្តណាស់ Miss Universe 2023 ចូលរួមម្នាក់ ១ដុល្លារដើម្បី Vote ឲ្យ Miss Universe Cambodia (John Sotima)»។

ដោយឡែកកាលពីថ្មីៗ ពេជ្រ សោភា ក៏បានលើកឡើងដូច្នេះថា “ខ្ញុំចាប់អារម្មណ៍លើគាត់ថា គាត់សាក សម នឹងទៅប្រឡងណាស់ ស៊ូៗ..អូនពួកយើងនៅគាំទ្រអូនពីស្រុកខ្មែរទៅណា”។

ជាមួយគ្នានេះដែរ ឃើញមានការលើកទឹកច្រើនផងដែរ ពីសំណាក់អ្នកនិយមតាមដានវិស័យបវរកញ្ញា និងសិល្បករ-សិល្បការិនី ខ្មែរក្នុង នាមអ្នកគាំទ្រ។

សូមជម្រាបដែរថា បវរកញ្ញាតំណាងកម្ពុជាកញ្ញា ចន សុទីម៉ា ម្ចាស់មកុដបរវកញ្ញា Miss Universe Cambodia 2023 បានចេញដំណើរពីប្រទេសកម្ពុជាដើម្បីចូលរួមកម្មវិធីប្រកួតសម្រស់ Miss Universe លើកទី72 នៅឯប្រទេស El Salvador ដូចការគ្រោងទុកកាលពីថ្ងៃទី០២ ខែវិច្ឆិកា កន្លងទៅ។

ការចេញដំណើររបស់ស្រីស្អាតកម្ពុជាកញ្ញា ចន សុទីម៉ា កាលពីល្ងាចថ្ងៃទី០២ ខែវិច្ឆិកា ឆ្នាំ២០២៣ គេឃើញមានការលើកទឹកចិត្ត និងការជូនដំណើរពីសំណាក់អ្នកគាំទ្រព្រមទាំងមិត្តភក្តិក្រុមគ្រួសារផងដែរ។ ក្នុងដំណើរចេញទៅប្រកួតនេះ នាងគឺបានត្រៀមខ្លួនរួចរាល់សម្រាប់ព្រឹត្ដិការណ៍លក្ខណៈអន្ដរជាតិនោះ៕

អត្ថបទ៖ ចាន់រ៉ា

The post ពេជ្រ សោភា បំផុសការគាំទ្រម្នាក់ ១ ដុល្លារ ចូលរួម Vote ឲ្យ Miss Universe Cambodia appeared first on Kampuchea Thmey Daily.

ចន សុទីម៉ា បញ្ចេញផ្លូវការឈុត “រំដួលអង្គរ“ រំលេចប្រាសាទអង្គរវត្តពន្លឺពណ៌មាសចែងចាំង

Din Thary — Thu, 16 Nov 2023 09:44:41 +0000

បវរកញ្ញាតំណាងកម្ពុជាកញ្ញា ចន សុទីម៉ា បានបង្ហាញមោទនភាពខ្លាំងក្នុងការគ្រងឈុតដ៏អស្ចារ្យដែលមានឈ្មោះថា “រំដួលអង្គរ“ រំលេចនូវប្រាសាទអង្គរវត្តរួមជាមួយពន្លឺពណ៌ មាសចែងចាំងនៃការ ប្រកួតសម្រស់ Miss Universe លើកទី72 នៅលើឆាកអន្តរជាតិឯប្រទេសEl Salvador។

ចំពោះឈុតដ៏ស្រស់ស្អាតនេះ បានរំលេចក្បាច់រចនាយ៉ាងមានអត្ថន័យត្រូវបានបវរកញ្ញា ចន សុទីម៉ា បង្ហាញជាផ្លូវការអំពី Evening Gown។ តាមរយៈនេះ គឺមានការគាំទ្រ និងលើកទឹកចិត្តបន្ថែមទៀតពីសំណាក់មហាជនពិសេសអ្នកនិយមតាមដានវិស័យបវរកញ្ញានៅកម្ពុជាតែម្តង។

ចន សុទីម៉ា បានបញ្ចេញអារម្មណ៍ផ្ទាល់ខ្លួនថា “នាងខ្ញុំ សូមបង្ហាញជាផ្លូវការអំពី Evening Gown “រំដួលអង្គរ “ inspire អំពីផ្ការំដួលនិងប្រាសាទអង្គរវត្តរួមជាមួយពន្លឺពណ៌ មាសចែងចាំងដែលបញ្ជាក់អំពីភាពរុងរឿងនៃអាណាចក្រមហា អង្គរ“។

គេកត់សម្គាល់ឃើញថាបវរកញ្ញា ចន សុទីម៉ា មកដល់ពេលនេះគឺកាន់តែទទួលបានការគាំទ្រខ្លាំងពីបណ្ដាប្រជាពលរដ្ឋខ្មែរដោយគេរំពឹងដែរថា សុទីម៉ា អាចចូលដល់ TOP កំពូលណាមួយនៃកម្មវិធី។

ការចេញដំណើររបស់ស្រីស្អាតកម្ពុជាកញ្ញា ចន សុទីម៉ា កាលពីល្ងាចថ្ងៃទី០២ ខែវិច្ឆិកា ឆ្នាំ២០២៣ គេឃើញមានការលើកទឹកចិត្ត និងការជូនដំណើរពីសំណាក់អ្នកគាំទ្រព្រមទាំងមិត្តភក្តិ ក្រុមគ្រួសារផងដែរ។ ក្នុងដំណើរចេញទៅប្រកួតនេះ នាងគឺបានត្រៀមខ្លួនរួចរាល់សម្រាប់ព្រឹត្ដិការណ៍លក្ខណៈអន្តរជាតិនោះ៕

អត្ថបទ៖ ចាន់រ៉ា

The post ចន សុទីម៉ា បញ្ចេញផ្លូវការឈុត “រំដួលអង្គរ“ រំលេចប្រាសាទអង្គរវត្តពន្លឺពណ៌មាសចែងចាំង appeared first on Kampuchea Thmey Daily.

ឱក សុគន្ធកញ្ញា លើកទឹកចិត្ត ចន សុទីម៉ា កុំភ្លេចក្តីស្រមៃ និងការតាំងចិត្ត

Din Thary — Thu, 16 Nov 2023 07:58:33 +0000

ស្របពេលបវរកញ្ញាតំណាងកម្ពុជាកញ្ញា ចន សុទីម៉ា ម្ចាស់មកុដបរវកញ្ញា Miss Universe Cambodia 2023 កំពុងបង្ហាញវត្តមានក្នុងកម្មវិធីប្រកួតសម្រស់ Miss Universe លើកទី72 នៅលើឆាកអន្តរជាតិឯប្រទេស El Salvador គឺគេឃើញមានអ្នកគាំទ្រជាច្រើនសម្តែងការលើកទឹកចិត្តនាងគ្រប់គ្នា។

ចំណែកឯកំពូលតារាចម្រៀងស្រីលំដាប់ប្រទេសអ្នកនាង ឱក សុគន្ធកញ្ញា ឯណោះវិញក៏មិនខុសគ្នានឹងអ្នកគាំទ្រដែរ ដោយតារាស្រីចាស់វស្សារូបនេះបានបង្ហាញការគាំទ្រហើយលើកទឹកចិត្តដោយភាពជឿជាក់លើសមត្ថភាព ទេពកោសល្យ របស់បវរកញ្ញាតំណាងកម្ពុជា ចន សុទីម៉ា ផងដែរ។

កំពូលតារាចម្រៀង ឱក សុគន្ធកញ្ញា ក៏បានលើកឡើងដូច្នេះថា “JOHN SOTIMA You’re The Best បងមានតែពាក្យមួយម៉ាត់ទេគឺ WOW PERFECT មិនមានអ្វីច្រើនទេ ប្អូនមានរូបរាង មុខមាត់ បូករួមទាំងអត្តចរិតនេះ គឺជាភាពទាក់ទាញយ៉ាងពិសេស សូមឲ្យប្អូនកាន់តែទទួលបានការគាំទ្រកុំភិតភ័យណាធ្វើទៅតាមបែបធម្មជាតិ ដូចដែលប្អូនបានឆ្លងកាត់មកនេះចុះ កុំដាក់សម្ពាធខ្លួនឯងខ្លាំងតែមិនភ្លេចក្តីស្រមៃ និងការតាំងចិត្ត” ។

តារាចម្រៀង ឱក សុគន្ធកញ្ញា បានបញ្ជាក់បន្ថែមថា ស្អែក (១៦ វិច្ឆិកា) ជាថ្ងៃពិសេសសម្រាប់ Miss Universe Cambodia យើងនៅក្នុងវគ្គ Preliminary Competition ។

ជាមួយគ្នានេះដែរឃើញមានការលើកទឹកច្រើនផងដែរពីសំណាក់អ្នកនិយមតាមដានវិស័យបវរកញ្ញា និងសិល្បករ-សិល្ប ការិនីខ្មែរដោយរំពឹងថា ចន សុទីម៉ា អាចចូលដល់ TOP កំពូលណាមួយនៃកម្មវិធី។

សូមជម្រាបដែរថា បវរកញ្ញាតំណាងកម្ពុជាកញ្ញា ចន សុទីម៉ា ម្ចាស់មកុដបវរកញ្ញា Miss Universe Cambodia 2023 បានចេញដំណើរពីប្រទេសកម្ពុជាដើម្បីចូលរួមកម្មវិធីប្រកួតសម្រស់ Miss Universe លើកទី72 នៅឯប្រទេស El Salvador ដូចការគ្រោងទុកកាលពីថ្ងៃទី០២ ខែវិច្ឆិកា កន្លងទៅ។

ការចេញដំណើររបស់ស្រីស្អាតកម្ពុជាកញ្ញា ចន សុទីម៉ា កាលពីល្ងាចថ្ងៃទី០២ ខែវិច្ឆិកា ឆ្នាំ២០២៣ គេឃើញមានការលើកទឹកចិត្ត និងការជូនដំណើរពីសំណាក់អ្នកគាំទ្រព្រមទាំងមិត្ត ភក្តិ ក្រុមគ្រួសារផងដែរ។ ក្នុងដំណើរចេញទៅប្រកួតនេះ នាងគឺបានត្រៀមខ្លួនរួចរាល់សម្រាប់ព្រឹត្តិការណ៍លក្ខណៈអន្តរជាតិនោះ៕

អត្ថបទ៖ ចាន់រ៉ា

The post ឱក សុគន្ធកញ្ញា លើកទឹកចិត្ត ចន សុទីម៉ា កុំភ្លេចក្តីស្រមៃ និងការតាំងចិត្ត appeared first on Kampuchea Thmey Daily.

ពេជ្រ សោភា លើកទឹកចិត្ត ចន សុទីម៉ា ប្រកួតសម្រស់ Miss Universe លើកទី ៧២ នៅ El Salvador

អ៊ិន ពិសី — Sat, 11 Nov 2023 06:40:00 +0000

ស្របពេលដែលបវរកញ្ញាតំណាងកម្ពុជា កញ្ញា ចន សុទីម៉ា ម្ចាស់មកុដបវរកញ្ញា Miss Universe Cambodia 2023 កំពុងបង្ហាញវត្តមានក្នុងកម្មវិធីប្រកួតសម្រស់ Miss Universe លើកទី ៧២ នៅលើឆាកអន្តរជាតិ ឯប្រទេស El Salvador គេឃើញមានអ្នកគាំទ្រជាច្រើនសម្ដែងការលើកទឹកចិត្តគ្រប់គ្នា ក្នុងនោះ ក៏មានកំពូលតារាចម្រៀងលំដាប់ប្រទេស អ្នកនាង ពេជ្រ សោភា ផងដែរ។

ងាកមកចាប់អារម្មណ៍កំពូលតារាចម្រៀងលំដាប់ប្រទេសអ្នកនាង ពេជ្រ សោភា ឯណោះវិញ ក៏មិនខុសគ្នានឹងអ្នកគាំទ្រដែរ ដោយតារាស្រីចាស់វស្សារូបនេះ បានបង្ហាញការគាំទ្រ លើកទឹកចិត្តដោយភាពជឿជាក់លើសមត្ថភាពទេពកោសល្យរបស់បវរកញ្ញាតំណាងកម្ពុជា ចន សុទីម៉ា។

កំពូលតារាចម្រៀង ពេជ្រ សោភា បានលើកឡើងដូច្នេះថា «ខ្ញុំចាប់អារម្មណ៍លើគាត់ថាគាត់សក្ដិសមនឹងទៅប្រឡងណាស់ ស៊ូៗ..អូន ពួកយើងនៅគាំទ្រអូនពីស្រុកខ្មែរទៅណា»។ ជាមួយគ្នានេះដែរ ឃើញមានការលើកទឹកច្រើនផងដែរពីសំណាក់អ្នកនិយមតាមដានវិស័យបវរកញ្ញា និងសិល្បករ-សិល្បការិនីខ្មែរ ក្នុងនាមអ្នកគាំទ្រ។

សូមជម្រាបថា បវរកញ្ញាតំណាងកម្ពុជាកញ្ញា ចន សុទីម៉ា ម្ចាស់មកុដបវរកញ្ញា Miss Universe Cambodia 2023 បានចេញដំណើរពីប្រទេសកម្ពុជា ដើម្បីចូលរួមកម្មវិធីប្រកួតសម្រស់ Miss Universe លើកទី ៧២ នៅឯប្រទេស El Salvador ដូចការគ្រោងទុក កាលពីថ្ងៃទី ០២ ខែវិច្ឆិកា កន្លងទៅ។

ការចេញដំណើររបស់ស្រីស្អាតកម្ពុជាកញ្ញា ចន សុទីម៉ា កាលពីល្ងាចថ្ងៃទី ០២ ខែវិច្ឆិកា ឆ្នាំ ២០២៣ គេឃើញមានការលើកទឹកចិត្ត និងជូនដំណើរពីសំណាក់អ្នកគាំទ្រ ព្រមទាំងមិត្តភ័ក្ដិ ក្រុមគ្រួសារផងដែរ។ ក្នុងដំណើរចេញទៅប្រកួតនេះ កញ្ញា ចន សុទីម៉ា បានត្រៀមខ្លួនរួចរាល់សម្រាប់ព្រឹត្តិការណ៍លក្ខណៈអន្តរជាតិនោះ៕

អត្ថបទ ៖ ចាន់រ៉ា

The post ពេជ្រ សោភា លើកទឹកចិត្ត ចន សុទីម៉ា ប្រកួតសម្រស់ Miss Universe លើកទី ៧២ នៅ El Salvador appeared first on Kampuchea Thmey Daily.