តាមប្រជាពលរដ្ឋរស់នៅក្បែរនោះបានលើកឡើងថា ទីតាំងខាងលើនេះបានយកសម្ភារៈគ្រឿងសំណង់មកដាក់នៅលើចំណីផ្លូវ ហើយបើថ្ងៃណាមានឡានបាញ់សុីម៉ងត៍មកបាញ់ទៀត គឺផ្លូវនេះសល់តែមួយចំហៀងសម្រាប់ធើ្វដំណើរតែប៉ុណ្ណោះ។ ហើយបើត្រូវដើរមកផ្សារ ត្រូវដើរលើផ្លូវដែលមានឡានម៉ូតូធើ្វដំណើរ ដោយសារចិញ្ចើមផ្លូវត្រូវបានខាងការដ្ឋានយកគ្រឿងសំណង់យកមកដាក់អស់ហើយ។

លោក រ៉ុង ជាប្រជាពលរដ្ឋបានលើកឡើងថា ទីតាំងនេះ បាននិងកំពុងរំលោភយកចំណីផ្លូវសាធារណៈធើ្វជាផលប្រយោជន៍របស់ខ្លួន ហើយបង្កការរំខានដល់ប្រជាពលរដ្ឋធើ្វដំណើរ បង្កការកកស្ទះរាងរាល់ថ្ងៃតែម្តង។ ពួកគាត់សំណូមដល់អាជ្ញាធរមូលដ្ឋានមេត្តាជួយចុះពិនិត្យមើល និងមានវិធានការចំពោះការដ្ឋានដែលយកចំណីផ្លូវសាធារណៈធើ្វជាប្រយោជន៍ខ្លួនមិនគិតពីផលប៉ះពាល់របស់អ្នកដទៃ។

លោក ហេង ពិសិដ្ឋ អភិបាលរងនៃគណៈអភិបាលខណ្ឌបឹងកេងកង បានបញ្ជាក់ប្រាប់ កម្ពុជាថ្មី នារសៀលថ្ងៃទី១០កញ្ញាថា លោកនឹងចាត់អោយមន្រ្តីជំនាញសង្កាត់ចុះទៅពិនិត្យជាបន្ទាន់ និងអប់រំណែនាំ៕

អត្ថបទ៖ ម៉េង

The post ពលរដ្ឋស្នើឲ្យអាជ្ញាធរចាត់វិធានការលើទី​តាំង​ការដ្ឋានមួយកន្លែងដែលតែងយកសម្ភារៈមកដាក់លើផ្លូវបង្កការកកស្ទះ appeared first on Kampuchea Thmey Daily.

លោក សុខ ណៃ ជាប្រជាពលរដ្ឋរស់នៅជិតនោះបានលើកឡើងថា ទីតាំងការដ្ឋាននេះតាំងពីចាប់ផ្ដើមដំណើរការ​សាងសង់មក គាត់ឃើញថាបានយកសម្ភារៈសំណង់សម្រាប់សាងសង់មកទុកដាក់លើចំណីផ្លូវតាំងពីដើមមកម្ល៉េះហើយក៏មិនឃើញមានអាជ្ញាធរចុះណែនាំនោះដែរ។ លោកបានបន្ថែមទៀតថា នៅពេលថ្ងៃមានប្រជាពលរដ្ឋមកទិញបាយម្ហូបម្ដងៗ តែងមានការកកស្ទះយ៉ាងខ្លាំងដោយសារទីតាំងការដ្ឋានខាងលើ។

អ្នកស្រី សុត្ថារ័ត្ន ជាប្រជាពលរដ្ឋមកទិញម្ហូបនៅផ្សារបឹងកេងកងបានលើកឡើងថា នៅពេលគាត់មកផ្សារម្ដងៗតែងតែមានការកកស្ទះ បើចំថ្ងៃសៅរ៍ ថ្ងៃអាទិត្យវិញ គឺពិបាកធើ្វដំណើរតែម្ដង ដោយសារតែទីតាំងការដ្ឋាននេះយក ដុំឥដ្ឋ ដីខ្សាច់ យកមកចាក់លើចំណីផ្លូវ ធើ្វអោយផ្លូវមានភាពតូចចង្អៀតជាងមុនពិបាកធើ្វដំណើរ។ អ្នកស្រីក៏សូមសំណូមពរដល់អាជ្ញាធរ​ពាក់ព័ន្ធមេត្តាជួយចុះពិនិត្យការដ្ឋានមួយនេះផង ឬក៏ណែនាំឲ្យមានការទុកដាក់ប្រភេទសម្ភារៈសំណង់នេះនៅខាងក្នុងការដ្ឋានជៀសវាងយកមកដាក់នៅលើចំណីផ្លូវធ្វើឲ្យមានស្ថានភាពតូចចង្អៀត។

ពាក់ព័ន្ធបញ្ហាខាងលើ លោក ហេង ពិសិដ្ឋ អភិរងខណបឹងកេងកង បានប្រាប់ កម្ពុជាថ្មី យ៉ាងខ្លីថា លោកនឹងចាត់មន្រ្តីអោយចុះពិនិត្យជាបន្ទាន់៕

អត្ថបទ៖ ម៉េង

The post ការដ្ឋានសាងសង់មួយកន្លែងនៅជិតផ្សារបឹងកេងកង យកចំណីផ្លូវទុកដាក់សម្ភារៈ បង្កការកកស្ទះចរាចរណ៍ appeared first on Kampuchea Thmey Daily.

លោក ស៊ឹម សុផង់ អភិបាលរងខណ្ឌទួលគោក បានលើកឡើងថា នៅកំណាត់ផ្លូវនេះ ជាតំបន់ផ្សារក្រមួនដែលអាជីវករបានលក់ដូរពេលព្រឹក ប៉ុន្តែមួយរយៈក្រោយនេះ អាជីវករមិនមែនលក់តែមួយព្រឹកនោះទេ គឺលក់ពេញមួយថ្ងៃតែម្ដង និងបានដាក់របស់របរតាំងលក់រំលោភលើចំណីផ្លូវបណ្ដាលឲ្យមានការស្ទះចរាចរណ៍ ធ្វើអោយសណ្ដាប់ធ្នាប់សាធារណៈត្រូវបាត់បង់។ លោកអភិបាលរង បន្តថា នៅតំបន់នេះកម្លាំងគណៈបញ្ជាការឯកភាពធ្លាប់ចុះរៀបចំច្រើនលើកមកហើយ តែប្រជាពលរដ្ឋក៏ដូចជាអាជីវករនៅតែបន្តលក់ដូររំលោភលើផ្លូវដដែល។

ក្នុងនាមអាជ្ញាធរ លោកបានបញ្ជាក់យ៉ាងដាច់ខាតថា គណៈបញ្ជាការឯកភាពមិនអនុញ្ញាត អោយអាជីវករបន្តដាក់តាំងលក់ធ្វើឲ្យបាត់បង់សណ្ដាប់ធ្នាប់សាធារណៈ បរិស្ថានអនាម័យ តាមផ្លូវសាធារណៈបន្តបែបនែះទៀតឡើយ។

លោក ចេស្តា ជាពលរដ្ឋរស់នៅតំបន់នោះបានលើកឡើងថា កន្លងមកអាជីវករបានដាក់តាំងលក់ដូរត្រឹមតែមួយព្រឹកៗ ប៉ុណ្ណោះ តែមួយរយៈចុងក្រោយនេះ ដាក់លក់ពេញមួយថ្ងៃ និងដាក់លក់លើផ្លូវតែម្តង ធ្វើអោយពួកគាត់ពិបាករស់នៅណាស់។ ពលរដ្ឋបន្តថា ពួកគាត់រីករាយនូវចំណាត់ការរបស់អាជ្ញាធរ ដែលបានចុះរៀបចំសណ្តាប់ធ្នាប់ ក្នុងការជួយដោះស្រាយបញ្ហាកកស្ទះចរាចរណ៍ ដើម្បីសម្រួលដល់ការរស់នៅរបសើពួកគាត់។

ជាមួយគ្នានោះ លោកអភិបាលរង បានបញ្ជាក់យ៉ាងដាច់ខាតថា គណបញ្ជាការឯកភាពមិនអនុញ្ញាត អោយអាជីវករ មានការតាំងលក់ធ្វើឲ្យបាត់បង់សណ្ដាប់ធ្នាប់ បរិស្ថានអនាម័យ តាមផ្លូវសាធារណៈបន្ត បែបនែះទៀតឡើយ ៕

អត្ថបទ៖ រដ្ឋា

The post ផ្សារក្រមួន យូណាយ អាជីវករធ្លាប់លក់តែមួយព្រឹក ពេលនេះលក់ពេញមួយថ្ងៃ ពលរដ្ឋថា​ ពិបាកធ្វើដំណើរ appeared first on Kampuchea Thmey Daily.

ការណែនាំនេះ បានធ្វើឡើងនៅពេលលោកអភិបាលខណ្ឌ ដឹកនាំកម្លាំងចុះរៀបចំសណ្តាប់ធ្នាប់តាមផ្សារចំនួន៣ គឺផ្សារច្រាំងចម្រេះ ផ្សារលើ ចំណីផ្លូវលេខ១០៥ និងផ្សារសាំហាន់ កាលពីថ្ងៃទី៦ ខែមករា ឆ្នាំ២០២៥ ។

ក្នុងការចុះត្រួតពិនិត្យ និងរៀបចំសណ្ដាប់ធ្នាប់នេះ លោក ជិន ប៊ុនធឿន បានណែនាំឲ្យម្ចាស់លំនៅឋានដែលមានផ្ទះនៅជាប់ដងផ្លូវ ត្រូវបញ្ឈប់យកផលប្រយោជន៍ពីដីចំណីផ្លូវរបស់រដ្ឋ ទៅដាក់ជួលឲ្យអាជីវករលក់ដូរ ហើយត្រូវសហការជាមួយអាជ្ញាធរដើម្បីការរៀបចំសណ្តាប់ធ្នាប់មានលក្ខណៈល្អប្រសើរ។ លោក ជិន ប៊ុនធឿន សង្កត់ធ្ងន់ថា បើមិនអុនវត្តតាមការណែនាំទេនោះ រដ្ឋបាលខណ្ឌនឹងអនុវត្តតាមវិធានការផ្លូវច្បាប់។

បើតាមលោក ជិន ប៊ុនធឿន នៅក្នុងមូលដ្ឋានខណ្ឌឬស្សីមានផ្សាររដ្ឋចំនួន៣ រួមមាន ផ្សារច្រាំងចម្រេះ ផ្សារទួលសង្កែ និងផ្សារគីឡូម៉ែត្រលេខ៦ ដែលលោកបានឲ្យក្រុមការងារចុះពិនិត្យសិក្សាលំអិតដើម្បីកែលម្អឲ្យសមស្របប្រសើរឡើង។ សម្រាប់ផ្សារសាំហាន់ លោកបានណែនាំឲ្យម្ចាស់ផ្សាររៀបចំអភិវឌ្ឍផ្សារ ត្រូវមានលក្ខណៈស្តង់ដារសុវត្ថិភាព និងផាសុខភាព របៀបរៀបរយដល់អាជីវករ និងអតិថិជនដែលចេញចូល និងសូមឲ្យអាជ្ញាធរមូលដ្ឋានសង្កាត់ ត្រូវតាមដានជាប់ជាប្រចាំលើបញ្ហាសន្តិសុខ៕

អត្ថបទ៖ សំណាង

The post អភិបាលខណ្ឌឬស្សីកែវ ណែនាំពលរដ្ឋជាម្ចាស់ផ្ទះឈប់យកដីចំណីផ្លូវរដ្ឋមុខផ្ទះជួលឲ្យអ្នកលក់ដូរ appeared first on Kampuchea Thmey Daily.

លោក ស៉ឹម សុផង់ អភិបាលរង ទទួលបន្ទុកការងារបរិស្ថានអនាម័យសណ្តាប់ធ្នាប់ នៃគណៈអភិបាលខណ្ឌទួលគោក បានបញ្ជាក់ប្រាប់នារសៀលថ្ងៃទី២ ខែធ្នូ ឆ្នាំ២០២៤នេះថា ដោយទទួលបានការណែនាំពីលោក ឃួង ស្រេង អភិបាលរាជធានីភ្នំពេញហើយលោកអភិបាលខណ្ឌទួលគោកបានចាត់ឲ្យរូបលោកចុះរៀបចំសណ្ដាប់ធ្នាប់តាមទីតាំងប្រកបអាជីវកម្មមួយចំនួនជាពិសេសទីតាំងហាងកាហ្វេក្បែរមន្ទីរពេទ្យកុមារជាតិដែលយកផ្លូវសាធារណៈធ្វើជាចំណតបង្កឲ្យមានការកកស្ទះ និងបាត់បង់សណ្ដាប់ធ្នាប់។ ក្នុងនោះដែរមានទីតាំងមួយចំនួនមិនបានចូលរួមសហការជាមួយអាជ្ញាធរប៉ុន្តែទោះជាយ៉ាងណាអាជ្ញាធរនឹងចាត់វិធានការរដ្ឋបាលហើយអាចឈានការចាត់វិធានការក្ដៅដោយស្ទួចយានយន្តយកទៅរក្សារនៅសាលាខណ្ឌផងដែរ។

គួរបញ្ជាក់ផងដែរ កាលពីថ្ងៃទី២៨ ខែវិច្ឆិការ ឆ្នាំ២០២៤ កម្លាំងគណៈបញ្ជាការឯកភាពខណ្ឌទួលគោក បានចុះរៀបចំសណ្តាប់ធ្នាប់ និងធ្វេីកំណត់ហេតុណែនាំដល់ម្ចាស់អាជីវកម្មលក់ការហ្វេ អាហារដ្ឋាន នៅផ្លូវលេខ២៥៧ កែងផ្លូវលេខ១២២ សង្កាត់ទឹកល្អក់ទី១ បានចំនួន៥ទីតាំង ក្នុងនោះមួយទីតាំងមិនសហការចូលរួមជាមួយអាជ្ញាធរនោះឡើយ គឺទីតាំងហាងការហ្វេ យីហោ TUBE COFEE ។

លោក ជា ពិសី អភិបាលខណ្ឌទួលគោកបានឱ្យដឹងថា ដោយមើលឃើញការចតរថយន្ត ម៉ូតូ គ្មានសណ្តាប់ធ្នាប់ នៅតាមផ្លូវ២៥៧ កែងផ្លូវលេខ១២២ ក្រោយមន្ទីរពេទ្យកុមារជាតិ សង្កាត់ទឹកល្អក់១ ទើបលោកបានចាត់ឲ្យលោក សុឹម សុផង់ អភិបាលរងខណ្ឌ ទទួលបន្ទុកការងារបរិស្ថានអនាម័យ សណ្តាប់ធ្នាប់ដឹកនាំកម្លាំងគណៈបញ្ជាការឯកភាពខណ្ឌទួលគោក ចុះរៀបចំសណ្តាប់ធ្នាប់ និងធ្វេីកំណត់ហេតុណែនាំដល់ម្ចាស់អាជីវកម្មលក់ការហ្វេ ចំនួន៥ទីតាំង ឲ្យចូលរួមសហការជាមួយអាជ្ញាធរ ដើម្បីរក្សារបៀបរៀបរយសណ្ដាប់ធ្នាប់តាមដងផ្លូវបានល្អប្រសើរ៕

អត្ថបទ៖ សុភា

The post អាជ្ញាធរខណ្ឌទួលគោក នឹងចាត់វិធានការចំពោះទីតាំងអាជីវកម្មណាដែលធ្វើឲ្យបាត់បង់សណ្ដាប់ ធ្នាប់ និងរំលោភលើចំណីផ្លូវ appeared first on Kampuchea Thmey Daily.

ក្រុមការងារគណៈកម្មការ បានធ្វើការវាស់វែងទៅតាមជំនាញលើដងតាមផ្លូវ និងទីតាំងភូមិសាស្ត្រឃើញថា ទីតាំងការដ្ឋាននេះ មិនមានការរំលោភបំពានណាមួយទៅលើផ្លូវសាធារណៈនោះទេ ពោលគឺម្ចាស់កម្មសិទ្ធិ បានសាងសង់សំណង់ក្នុងប្លង់ដីរបស់គាត់ត្រឹមត្រូវតាមផ្លូវច្បាប់។

មន្ត្រីជំនាញភូមិបាលខណ្ឌ បានលើកឡើងថា បើយើងក្រឡេកមើលមួយភ្លែត ពិតណាស់វាប្រាកដដូចជាការរំពានពិតប្រាកដមែន ប៉ុន្តែដំណើររឿងជាក់ស្តែងវាមិនដូចអ្វីដែលយើងគ្រាន់តែឃើញត្រឹមហ្នឹងភ្នែកនោះឡើយ។ មន្ត្រីជំនាញបន្តថា រឿងនេះដំបូងឡើយ ចំណុចកើតបាតុភាពខាងលើ គឺមិនមានផ្លូវធ្វើដំណើរនោះឡើយ គឺជាដីឡូតិ៍របស់កម្មសិទ្ធិឯកជន ប៉ុន្តែដោយសារម្ចាស់បុរីនៅខាងក្រោយដីឡូតិ៍នោះ ចង់មានច្រកបុរីមួយផ្លូវទៀត ក៏សម្រេចសុំទិញដីឡូតិ៍ ( ចំណុចខាងលើ ) ទទឹង៧ម៉ែត្រ និងបណ្តោយ២២ម៉ែត្រ តាំងពីឆ្នាំ២០០៥មកម្លេះ ដើម្បីបើកច្រកផ្លូវចេញពីបុរី ទៅកាន់ផ្លូវធំ តាំងពីពេលនោះមកដល់បច្ចុប្បន្នមិនមានរឿងរ៉ាវអ្វីនោះឡើយ។ រហូតមកដល់បច្ចុប្បន្ន ពេលដែលម្ចាស់ដីកម្មសិទ្ធិរបស់គេ បានធ្វើការសាងសង់សំណង់លើដីកម្មសិទ្ធិខ្លួនដែលនៅសល់ ក៏កើតមានបាតុភាពរិះគន់ និងនិន្ទាថា មានការរំលោភបំពានតែម្តងទៅ។

ជុំវិញករណីនេះ លោក​ ថេង សុថុល អភិបាលខណ្ឌ៧មករា និងក្នុងនាមអាជ្ញាធរនៃរដ្ឋបាលខណ្ឌ បានអំពាវនាវដល់មជ្ឈដ្ឋានទូទៅ ក៏ដូចជាប្រជាពលរដ្ឋ អ្នកដំណើរ ពិសេសពលរដ្ឋរស់នៅក្បែរតំបន់នោះ សូមមេត្តាស្វែងយល់ឱ្យច្បាស់ពីដំណើររឿងហេតុ ពិសេសគឺការពន្យល់បកស្រាយរបស់ក្រុមអាជ្ញាធរ ក្នុងគោលដៅបញ្ចប់ការងឿងឆ្ងល់ និងការយល់ច្រលំដោយខុសពីការពិត ដែលនាំឱ្យកើតមានព័ត៌មានមិនល្អ បង្កភាពយល់ខុស និងចលាចលនៅក្នុងសង្គមបន្តទៅមុខទៀត៕

អត្ថបទ៖ ម៉េង

The post អាជ្ញាធរខណ្ឌ៧មករា បញ្ជាក់ពីមតិរិះគន់ថា ការដ្ឋានសំណង់មួយកន្លែងសាងសង់រំលោភផ្លូវសាធារណៈ appeared first on Kampuchea Thmey Daily.

រដ្ឋបាលសង្កាត់ចោមចៅទី១ នឹងចេញសេចក្ដីជូនដំណឹងបន្ថែមទៀត ហើយបើនៅតែបន្តសកម្មភាពដាក់របស់របរលក់ដូររំលោភចំណីផ្លូវទៀតនោះ អាជ្ញាធរនឹងប្រើវិធានការក្ដៅដោយចាប់យកសម្ភារយកមករក្សាទុក និងអនុវត្តតាមនីតិវិធី។ នេះបើតាមការឲ្យដឹងពីលោក​ កង​ វង​ ចៅសង្កាត់ចោមចៅទី១​ នៃរដ្ឋបាលខណ្ឌពោធិ៍សែនជ័យ ប្រាប់ កម្ពុជាថ្មី នៅព្រឹកថ្ងៃទី២៣កក្កដានេះ។

លោកចៅសង្កាត់បន្ថែមថា ទីតាំងខាងលេីលោកតែងចាត់កម្លាំងចុះរៀបចំសណ្តាប់ធ្នាប់ជាញឹកញាប់​ មិនត្រឹមតែប៉ុណ្ណោះលោកក៏បានចេញសេចក្តីជូនដំណឹងមិនឱ្យក្រុមអាជីវករទាំងនោះដាក់កញ្ជេី​ ល្អី​ រ៉ឺម៉ក​ លក់ដូរលេីចំណីផ្លូវទៀតដែរ​ ជាពិសេសម្ចាស់ផ្ទះដែលនៅទីតាំងនោះ មិនអនុញ្ញាតឱ្យជួលអោយក្រុមអាជីវករទាំងនោះទេ។ តែក្រុមអាជីវករនៅតែបន្តដាក់លក់ដដែល​។

លោកចៅសង្កាត់សង្កត់ធ្ងន់ថា លោកនឹងចេញសេចក្តីជូនដំណឹងម្ដងទៀត​ ហើយបេីនៅតែមិនស្តាប់ លោកនឹងចាត់កម្លាំងចុះទៅរៀបចំសណ្តាប់ធ្នាប់ និងចាប់យកសម្ភារៈមករក្សាទុកដើម្បីចាត់ការតាមនីតិវិធី។

សូមជម្រាបថា នៅលើចំណីផ្លូវ៣០ម៉ែត្រចំណុចខាងមុខរោងចក្រមួយកន្លែង​ជាប់ហាង​ អតីត​ នីកាហ្វេ​ ភូមិត្រពាំងថ្លឹង៣​ សង្កាត់ចោមចៅទី១​ ត្រូវបានក្រុមអាជីវករដាក់​ កញ្ជេី​ ល្អី​ និងរ៉ឺម៉ក​លក់ដូរលេីចំណែកផ្លូវស្ទេីរតែមួយចំហៀងផ្លូវទៅហេីយដោយមិនខ្លាចគ្រោះថ្នាក់​ ដែលធ្វើឲ្យកកស្ទះចរាចរណ៍ និងប៉ះពាល់សណ្តាប់ធ្នាប់សាធារណៈ៕

អត្ថបទ៖ សុខា

The post អាជ្ញាធរ នឹងប្រើវិធានការក្ដៅលើអាជីវករលក់ដូររំលោភលើដងផ្លូវ ៣០ ម៉ែត្រ appeared first on Kampuchea Thmey Daily.

លោកបានគូសបញ្ចាក់បែបនេះ ក្នុង​ឱកាស​ចូលរួម​ពិធី​បិទ​សន្និបាត​បូក​សរុប​លទ្ធផល​ការងារ​របស់​ក្រសួង​សាធារណៈ​ការ​និង​ដឹកជញ្ជូនកាល​ពី​ពេល​ថ្មីៗ​កន្លង​ទៅនេះ​។

លោក​ ស៊ុន ចាន់ថុល បាន​លើក​ឡើង​ថា «យើង​មាន​គណៈកម្មាធិការ​ជាតិ​សុវត្ថិភាពចរាចរណ៍​ផ្លូវគោក អនុគណៈកម្មាធិការ​ទូទាំង​ខេត្ត​ទាំង​អស់​ជួយត្រួតពិនិត្យ ប៉ុន្តែទាក់ទង​ទៅ​នឹង​បញ្ហា​ផ្លូវ​ថ្នល់ ដូច​បាន​ឃើញ​ហើយអំ​ពី​សកម្មភាព​នៃ​ការ​យក​ចំណី​ផ្លូវ​ថ្នល់​មក​ធ្វើ​ជា​ផ្សារ​សម្រាប់​លក់​ដូរ​ ដែលធ្វើ​ឲ្យ​ផ្លូវ​តាម​ទី​សាធារណៈ​កាន់​តែ​រួម​តូច​ទៅ​ៗ»។

បើតាមលោក ស៊ុន ចាន់ថុល ដើម្បីដោះស្រាយបញ្ហានេះ ជំនាន់លោក​ដឹកនាំជា​រដ្ឋមន្រ្តី​ក្រសួង​សាធារណការ​និង​ដឹកជញ្ជូន​ ធ្លាប់​បាន​ស្នើ​សុំ​ឲ្យ​មាន​ការ​រៀប​ចំជា​គណៈកម្មាធិការ​ជាតិ​មួយ​ ដើម្បី​ពិនិត្យ​ទៅ​លើ​ការ​គ្រប់គ្រង​ផ្លូវ​ថ្នល់ ប៉ុន្តែ​លោក​​នៅ​ធ្វើ​មិន​ទាន់​អាច​ធ្វើ​ឲ្យ​ចេញ​ជា​លទ្ធផល​ ដូច្នេះសង្ឃឹមថា ​រដ្ឋមន្ត្រី​ ប៉េង ពោធិ៍នា និងក្រសួងពាក់ព័ន្ធអាច​ពិនិត្យ​ និង​​ពិចារណា​ឡើង​វិញ។

លោក បាន​សង្កត់​ធ្ងន់​ថា «ប្រសិន​បើ​រដ្ឋមន្ត្រី​ក្រសួងអាណត្តិ​ទី​៧ នេះ អាចសម្រេចចេញជាលទ្ធផលក្នុងការ​បង្កើត​គណៈកម្មាធិការ​ជាតិដោះស្រាយបញ្ហាចំណីផ្លូវមែន​នោះ ​បញ្ហា​នៃការ​យកចំណី​ផ្លូវ​មក​ធ្វើ​ជា​ផ្សារ​​ ច្បាស់ណាស់ថានឹងទទួល​បាន​ជោគជ័យជាក់ជាមិនខាន ព្រោះពេលមានបញ្ហា​ពួក​គាត់នឹងអាច​ជួយ​ត្រួត​ពិនិត្យ និង​ដោះស្រាយ​បានយ៉ាង​មាន​​ប្រសិទ្ធ​ភាព​ជូន​ប្រជាពលរដ្ឋ»។

ជុំ​វិញ​បញ្ហា​នេះលោក ស៊ុន ចាន់ថុល បានលើកឡើង​ថា កន្លង​ទៅ​ពេល​មាន​បញ្ហាមក​បន្ទោស​តែ​ក្រសួង​សាធារណការ និង​ដឹក​ជញ្ជូនតែម្នាក់ ប៉ុន្តែ​តើ​ឲ្យ​ក្រសួង​ដោះ​ស្រាយ​តែ​ម្នាក់​ឯង​ដោយ​របៀប​ណា គឺ​លុះ​ត្រាតែ​​មាន​ការ​ចូលរួម​ពី​អាជ្ញាធរ​ដែន​ដី ក្រសួង​រៀប​ចំ​ដែន​ដី ​និង​ស្ថាប័ន​ពាក់ព័ន្ធទើប​អាច​ដោះ​ស្រាយ​បាន​។

ហេតុ​ដូច​នេះ លោក ស៊ុន ចាន់ថុល សូមស្នើស្ថាប័នពាក់ព័ន្ធ​នានា ​ជួយ​រៀបចំ​ឲ្យ​ចេញ​នូវ​គណៈកម្មាធិការ​​ជាតិ​ដោះ​ស្រាយ​បញ្ហា​ចំណី​ផ្លូវ​ បើ​មិន​ដូច្នោះ​ទេ ក្រសួងសាធារណការ​ និង​ដឹក​ជញ្ជូន​តែ​ម្នាក់ មិន​អាច​ដឹក​នាំ​ដោះ​ស្រាយ​បញ្ហា​បាន​ទេ។

​​លោក​បន្ថែម​ថា ក្នុង​អាណត្តិ​ទី​៦​ ពេល​លោក​ដឹកនាំ​នៅ​ក្រសួង​សាធារណការ​និង​ដឹកជញ្ជូន លោកធ្វើមិន​ទាន់​បាន​ជោគ​ជ័យ ហេតុ​ដូច​នេះលោក​សង្ឃឹម​ថា រដ្ឋមន្ត្រី​និង​មន្ត្រីក្រសួង អាជ្ញាធរពាក់ព័ន្ធនឹង​អាច​ដឹក​នាំ​ឲ្យ​សម្រេច​ការងារ​នេះ​បាន​ជោគជ័យនៅក្នុងអាណត្តិ​ទី​៧ នេះ​៕

The post ​បញ្ហា​រំលោភ​ចំណីផ្លូវ​​កន្លែង​ខ្លះក្លាយជា​ផ្សារ លោក ស៊ុន ចាន់ថុល លើកដំណោះស្រាយ​ត្រូវ​មានការចូលរួមពី​អន្តរស្ថាប័ន appeared first on Kampuchea Thmey Daily.