កាលពីយប់ថ្ងៃទី ៨ កញ្ញា ឆ្នាំ ២០២៤ នៅទីក្រុង New York ក្រុមហ៊ុនលក់សំលៀកបំពាក់ដ៏ល្បីរបស់ប្រទេសអាមេរិក Tommy Hilfiger បានរៀបចំកម្មវិធី Tommy Hilfiger New York Fashion Week SS25 មួយដ៏ធំ ហើយក្នុងនោះក៏មានវត្តមានពីតារាល្បីៗទូទាំងពិភពលោកមកចូលរួមដូចជា កំពូលតារា K-pop Jisoo សមាជិកក្រុម Blackpink, Felix និង Lee know សមាជិកក្រុម Stray Kids ព្រមទាំងវត្តមានតារាបរទេសជាច្រើនរូបទៀត។

វត្តមានរបស់តារារ៉េបដ៏ល្បី G-Devith និង ទេព បូព្រឹក្សនៅក្នុងកម្មវិធី Tommy Hilfiger នេះ គឺជាលើកទី ២ហើយដែលអ្នកទាំងពីរត្រូវបានអញ្ចើញចូលរួមផ្ទាល់ពី Tommy Hilfiger សម្រាប់កម្មវិធី Fashion Week នៅទីក្រុងញូវយ៉ក សហរដ្ឋអាមេរិក។

Tommy Hilfiger គឺជាប្រ៊េនលក់សំលៀកបំពាក់ដ៏ល្បីរបស់ប្រទេសអាមេរិក។ យីហោយក្សមួយនេះមានលក់នៅប្រទេសជាច្រើនទូទាំងពិភពលោកដូចជា ប្រទេសកូរ៉េខាងត្បូង ថៃ កម្ពុជា ជប៉ុន វៀតណាម អូស្រ្តាលី និង ហុងកុងជាដើម។

The post អស្ចារ្យណាស់! G-Devith និង ទេព បូព្រឹក្ស ចេញមុខក្នុង New York Fashion Week របស់ Tommy Hilfiger កម្មវិធីតែមួយជាមួយ Jisoo Blackpink appeared first on Kampuchea Thmey Daily.

លោក ជីដេវីត និងអ្នកនាង ទេព បូព្រឹក្ស ត្រូវបានប្រេន D&G អញ្ជើញអ្នកទាំងពីរ ជាភ្ញៀវកត្តិយសឲ្យចូលរួមក្នុងកម្មវិធី Milan Fashion Week Spring/ Summer 2024 ដែលជាកម្មវិធីFashionធំបំផុតមួយប្រចាំឆ្នាំ និងមានវត្តមានតារាអន្តរជាតិល្បីៗជាច្រើនក្នុងរដូវកាលនេះ ដូចជា Cara Delevinge, Emma Watson, Scarlet Jonhansson និង Jade Smith ជាដើម។

លើសពីនោះលោក ជីដេវីត និងអ្នកនាង ទេព បូព្រឹក្ស បានជួបសំណេះសំណាលជាមួយ Head of Retail Sale APAC (APAC = Asia Pacific) និង President/ CEO of D&G ។ លោកក៏បានអរគុណដល់អ្នកទាំងពីរក្នុងការចូលរួម Fashion Week Spring/ Summer 2024 លើកនេះ ហើយលោកក៏នឹងអញ្ចើញលោក ជីដេវីត និងអ្នកនាង ទេព បូព្រឹក្ស មកលើកក្រោយទៀត។

គួរបញ្ចាក់ផងដែរថា ជីដេវីត និង អ្នកនាង ទេព បូព្រឹក្ស គឺជាតារាចម្រៀងរ៉េបខ្មែរដំបូងគេ ដែលត្រូវបានអញ្ជើញឲ្យចូលរួម កម្មវិធី Fashion Week Spring/ Summer 2024នេះ។

The post ស្ងាត់ៗតារាចម្រៀងរ៉េប ជីដេវីត និងអ្នកនាង ទេព បូព្រឹក្ស លេចវត្តមានក្នុងកម្មវិធី Fashion Week Spring/ Summer 2024 នៅឯប្រទេសអ៉ីតាលី appeared first on Kampuchea Thmey Daily.

លោក ឃី ឆាយ​ឡេង បាន​បង្ហោះ​រូបភាព​ដែល​ក្នុង​ដៃ​មាន​កាន់​លិខិត​សុំទោស​លោក​ជី ដេវីត ដូច្នេះ​ថា​ខ្ញុំ​បាទ ឃី ឆាយ​ឡេង ជា​ម្ចាស់​គណនី​ហ្វេ​ស​បុក ( Facebook) ឈ្មោះ Chhayleng KHY សូម​ធ្វើ​ការទទួល​នូវ​កំហុស​គ្រប់យ៉ាង​ដែល​ខ្ញុំបាទ បាន​ប្រព្រឹត្ត​ទៅលើ​លោក ងួន ចាន់​ដេវីត​(Dit Way)​និង​ធ្វើការ​សុំទោស​ជា​សាធារណៈ តាម​រយៈ​លិខិត​លាយលក្ខណ៍អក្សរ​នេះ​ដល់​លោក ងួន ចាន់​ដេវីត​(Dit Way)​និង​អ្នក​គាំទ្រ​របស់​លោក ព្រមទាំង​សិល្បករសិល្បការិនី​នៅ​ក្នុង​វិស័យ​សិល្បៈ​ទាំងមូល​។

​លោក​ឃី ឆាយ​ឡេង​ បាន​បញ្ជាក់​ថា ​”​ខ្ញុំបាទ​សូម​ធ្វើការ​អះអាង​និង​សន្យា​ថា ខ្ញុំបាទ​នឹង​ឈប់​ប្រព្រឹត្ត​អំពើ​អសីលធម៌​ដែល​ប្រាសចាក​សេចក្តីថ្លៃថ្នូរ​ទាំងឡាយ​ដែល​ជះឥទ្ធិពល​អាក្រក់​ដល់​សង្គមជាតិ ទោះ​ក្នុង​កាលៈទេសៈ​ណា​ក៏ដោយ​ ប្រសិនបើ​ក្នុង​ករណី​មាន​ទង្វើ​បែបនេះ​កើតឡើង​បន្តទៀត ខ្ញុំបាទ​នឹង ទទួលខុស​ត្រូវចំពោះ​មុខ​ច្បាប់​ជា​ធរមាន​ហើយ​លិខិត​នេះ​ត្រូវ​បានធ្វើ​ឡើង​ដោយ​ឆន្ទៈ​និង​ស្មារតី​ទទួលកំហុស​របស់ខ្ញុំ​បាទ​ផ្ទាល់ ​ដោយ​គ្មាន​ការ​បង្ខិតបង្ខំ​និង​គំរាមកំហែង​ពី​អ្នកណា​ឡើយ​។

​ជាមួយគ្នានេះ​លោក ឃី ឆាយ​ឡេង ក៏បាន​អរគុណ​ដល់​លោក ជី ដេវីត និង​អ្នកនាង ទេព​បូ​ព្រឹក្ស ព្រមទាំង​ក្រុមការងារ​របស់គាត់​ដែល​បាន​អនុគ្រោះ​ដល់​រូប​លោក​ផងដែរ​។ សូម​រំលឹក​ថា ​លោក ងួន ចាន់​ដេវីត ហៅ ជី ដេវីត កាលពី​ថ្មីៗ​កន្លងទៅ​ ត្រូវ​បាន​បុរស​ខាងលើ​គប់​ទឹកកក​ពេល​កំពុង​ច្រៀង​លើ​ឆាក​នៅ​ក្នុង​ផាប់​មួ​យកន្លែ​ង​នា​ខេត្ត​ព្រះសីហនុ​ កាលពី​យប់​ថ្ងៃទី​២៩​ឈាន​ចូល​ថ្ងៃទី​៣០​ ខែកក្កដា ​ឆ្នាំ២០២៣​កន្លងទៅ​៕

ដោយ ៖ ចាន់​រ៉ា

The post បុរស​គប់​ទឹកកក​លើ​លោក ជី ដេវីត ធ្វើ​លិខិត​លាយ​លក្ខណ៍​អក្សរ​សុំទោស​ជាថ្មី appeared first on Kampuchea Thmey Daily.

អ្នកនាង ឱក សុគន្ធកញ្ញា ត្រូវបានគេស្គាល់ថាជាតារាចាស់វស្សាដែលពេញទៅដោយសមត្ថភាព និងទេពកោសល្យ លើសពីនេះទៅទៀតអ្នកនាង ឱក សុគន្ធកញ្ញា បានបញ្ចប់ការសិក្សាពីសកលវិទ្យាល័យភូមិន្ទវិចិត្រសិល្បៈ។ បើនិយាយពីវិស័យសិល្បៈចម្រៀងវិញ អ្នកនាង ឱក សុគន្ធកញ្ញា បានចាប់ផ្ដើមអាជីពជាអ្នកចម្រៀងតាំងពីឆ្នាំ ១៩៩៩ មកម្ល៉េះ ដោយធ្លាប់ឆ្លងកាត់ផលិតកម្មចំនួន ៤ គឺ រស្មីស្ទឹងសង្កែ U2 Rock Sunday និងចុងក្រោយ ហង្សមាស។ ក្រោយចូលផលិតកម្មហង្សមាស អ្នកនាង ឱក សុគន្ធកញ្ញា ត្រូវបានគេកត់សម្គាល់ថាសន្ទុះនៃការគាំទ្រ និងប្រជាប្រិយភាពកាន់តែខ្លាំងឡើងរហូត ត្រូវបានជ្រើសរើសជាគ្រូបង្វឹកក្នុងកម្មវិធីលំដាប់ពិភពលោកជាច្រើន ព្រមទាំងមានហ្វេនៗដាក់រហ័សនាមថា ជារាជនីពាណិជ្ជកម្ម។

លោក ងួន ចាន់ដេវីត G-Devith ត្រូវបានគេស្គាល់ថាជាតារាចម្រៀងរ៉េបមានល្បឿនលឿនជាងគេ ដែលភាគច្រើនគេស្គាល់លោកតាមរយៈបទ “Live Fast Die Young” នៅអំឡុងឆ្នាំ ២០១៤។ ដោយសារតែសមត្ថភាព និងការខិតខំប្រឹងប្រែង បូករួមជាមួយទេពកោសល្យនៃការផលិតសាច់ភ្លេង និពន្ធ និងការច្រៀង នៅក្នុងឆ្នាំ២០១៤-២០១៥ លោកក៏បានហក់ចូលផលិតកម្មហង្សមាស ដែលធ្វើឲ្យលោកកាន់តែផ្ទុះប្រជាប្រិយភាពកាន់តែខ្លាំងឡើង។ ទន្ទឹមនិងភាពល្បីល្បាយនោះ នៅឆ្នាំ ២០១៩ លោកក៏បានចាកចេញពីផលិតកម្មហង្សមាសមកធ្វើជាតារាចម្រៀងឯករាជ្យ ហើយក៏បានបង្កើតផលិតកម្មមួយដោយខ្លួនឯង ដែលមានឈ្មោះថា Dit-Way Dation។ លើសពីនោះលោក ងួន ចាន់ដេវីត ក៏ជាអ្នកនៅពីក្រោយភាពជោគជ័យរបស់អ្នកនាង ទេព បូព្រឹក្ស គឺបទ “Top of The Lady” ដែលលោកជាអ្នកផ្ដល់គំនិត (Concept) និងការច្នៃប្រឌិត (Creative) ផ្សេងៗ ហើយលោកក៏បានបង្កើតការប្រគំតន្ដ្រីផ្ទាល់ខ្លួនជាលើកដំបូងកាលពីពេលថ្មីៗនេះផងដែរ។

លោក ម៉ាន វណ្ណដា ហៅ Vannda ដែលជាតារារ៉េបជំនាន់ក្រោយ ប៉ុន្តែទទួលបានការគាំទ្រគ្រប់ស្រទាប់វណ្ណៈមិនថាក្នុងប្រទេស ឬក្រៅប្រទេសជាពិសេសទៀតនោះ គឺប្រទេសថៃ។ វណ្ណដា បានចាប់ផ្ដើលចូលវិស័យសិល្បៈនៅឆ្នាំ ២០១៦ ជាមួយនឹងបទ “ជាអ្នកណា” ដែលធ្វើឲ្យផ្ទុះការចាប់អារម្មណ៍ពីសមត្ថភាពច្រៀង និងការរ៉េប។ បន្ទប់មកតារ៉េបវ័យ ២៥ ឆ្នាំរូបនេះ បានធ្វើឲ្យផ្ទុះកក្រើកស្រទាប់យុវវ័យជាថ្មីម្ដងទៀត គឺបទ J+O ហើយនិងមានបទជាច្រើនទៀតដែលទទួលបានការគាំទ្រពីសំណាក់ហ្វេនៗក្រោយចូលផលិតកម្មបារមី ជាពិសេសនោះវណ្ណដា បាននាំប្រទេសកម្ពុជាឲ្យបរទេសកាន់តែស្គាល់ច្បាស់ តាមរយៈបទ “Time To Rise” ដែលមានអ្នកចូលទស្សនារហូតដល់ ១០០លានដង។ អ្វីដែលកាន់តែរំភើបទៀតនោះ វណ្ណដា ក៏បានពាំនាំចាប៉ីដងវែងព្រមជាមួយព្រឹត្តិចារ្យ គង់ ណៃ រំលេចនៅក្នុងបទចម្រៀង។ បើទោះជានៅក្មេងខ្ចីបន្ដិចនៅក្នុងវិស័យសិល្បៈតែវណ្ណដា បានធ្វើឲ្យប្រទេសថៃគោរព និងកោតសរសើរពីសមត្ថភាពរបស់ខ្លួនតាមរយៈទេពកោសល្យជាច្រើន៕

អត្ថបទ៖ ផានិត

The post ហេតុផលធ្វើឲ្យតារា ៣ដួងនេះ ឡើងច្រៀងក្នុងព្រឹត្តិការណ៍ជាតិ រហូតផ្ទុះពេញបណ្ដាញសង្គម appeared first on Kampuchea Thmey Daily.

​លោក G-Devith បាន​រៀបរាប់​ភ្ជាប់​ជាមួយ​ខ្លឹមសារទាំង​ការឈឺចាប់​ថា ​ពេល​អ្នកមាន អ្នកមាន​មុខមាត់ អ្នកជំនួញ អួត​អាង​ឡូយ​ណាស់ ពេល​អ្នក​សិល្បៈ​អួត​ថា​ តិច​ឈឺ​ប្រកាស​សុំ​ជំនួយ ?​ហើយ​ថី​អ្នកមាន​អត់​ចេះ​ក្រ?​ អ្នក​សិល្បៈ​អត់​ចេះ​មាន​?​។ ហើយ​រស់​រហូត​អត់​ចេះ​ងាប់​មែន?​ស្តាប់​ពាក្យ​ហ្នឹង​នៅតែ​ឈឺចាប់ ខំ​ធ្វើ​ចិត្ត​ដែរ​តែ​ធ្វើ​អត់​បាន​។​

​ការលើកឡើង​របស់​តារា​ចម្រៀង​លោក G-Devith ខាងលើ​នេះ​ដែរ​ គឺ​មាន​មហាជន​ខ្លះ​ក៏​បង្ហាញ​ការ​គាំទ្រ​និង​ខ្លះ​ទៀត​ហាក់​មិន​ពេញចិត្ត​ដោយហេតុថា​ដោយសារតែ​កន្លងមក ​គឺ​មាន​សិល្បៈមួយ​ចំនួន​បាន​ដើរ​តាម​គន្លង​នេះ​រួច​ទៅ​ហើយ​ទើប​លេច​មាន​ពាក្យ​រិះគន់​បែន​នេះ​ធ្វើ​ឲ្យ​ប៉ះពាល់​ដល់​តារា​ដ៏ទៃទៀត ។​

​ដោក​ឡែក​ក៏​មាន​មតិ​អ្នកគាំទ្រ​មួយ​ចំនួន​ទៀត​ បាន​សម្តែង​ការ​លើទឹក​ចិត្ត​ឲ្យ​អ្នក​សិល្បៈ​ផ្សេងៗ​ទៀត​ត្រូវតែ​ខិតខំ​ ដើម្បី​ជា​គំ​រូប​ល្អ​ សម្រាក់​មហាជនហើយ​បញ្ចៀស​រាល់​ពាក្យ​សម្តី​មើលងាយ​ឬ​រិះគន់​ពី​សំណាក់​មហាជន ​ផង​ដែរ​៕

អត្ថបទ៖ ចាន់​រ៉ា

សូមចុចអាន៖ ​សឿ សុធា​រ៉ា ​ត្អូញត្អែរ​ថា​គ្មាន​ស្នេហា​ស្មោះ​និង​ភា​ពកក់ក្តៅ​​

​

The post G-Devith ឈឺចិត្ត​ខ្លាំង​ក្រោយ​គេ​រិះគន់​អ្នក​សិល្បៈ​ថា​ ពេល​មាន​អំនួត​អួតអាង​ដល់​ក្រ​ឬ​ធ្លាក់ខ្លួន​ឈឺ​លើកដៃ​សំពះ​សុំ​ជំនួយ​ appeared first on Kampuchea Thmey Daily.

គូ​ស្នេហ៍​កញ្ញា ទេព បូព្រឹក្ស លោក ជី​ដេវីត ដែល​កំពុង​តែ​សាង​ភាព​ផ្អែមល្ហែម​ជា​មួយ​គ្នា​នេះ ក្រោយ​ចាក​ចេញ​ពី​ទ្រនំ​ចាស់របស់​ខ្លួន អ្នក​ទាំង​ពីរ​បាន​បង្កើត​ផលិត​កម្ម​​ផ្ទាល់​ខ្លួន​ឈ្មោះ DITWAY NATION ដែល​មាន​តារា​វ័យ​ក្មេង​ច្រើន​អ្នក​ផង​ដែរ។ ទោះ​បី​មិន​មាន​ការ​ជួយជ្រោមជ្រែង​ពី​អ្នក​ណា តែ​ ជីដេវីត នៅ​តែ​ផលិត​បទ​ចម្រៀង​ថ្មី​សម្រាប់​បម្រើ​ទៅ​ដល់​អ្នក​គាំទ្ររបស់​លោក។ ផ្ទុយ​ទៅ​វិញ​មួយ​រយៈ​ចុង​ក្រោយ​នេះ មាន​ហ្វេន​និង​អ្នកគាំទ្រ​ជា​ច្រើន​អ្នក បាន​ទន្ទឹម​រង់​ចាំ​​បទ​ចម្រៀង​ថ្មី​របស់​លោក ស្រាប់​តែ​លោក​បាន​បង្ហោះ​សារ​មួយថា “​ខ្ញុំមិនមែនមិនចង់​ចេញ​ចម្រៀង​ទេ​បង​ប្អូន ខ្ញុំនឹង​ចេញ​តែ​ចាំ​ចេញ​នៅ​កន្លែង​ថ្មី” សារ​មួយបាន​ធ្វើ​ឲ្យ​អ្នក​គាំទ្រ​ជាពិសេស​ហ្វេនៗ​របស់​លោក មាន​ការ​ត្រេកអរ​ជា​ខ្លាំង និង​បាន​ចូល​រួម​អបអរសាទរ​ចំពោះ​លោក ក្នុង​ការ​វិល​ត្រឡប់​មក​លើក​នេះ​ជា​មួយ​ផលិតកម្ម​ថ្មី និង​មាន​ហ្វេន​មួយ​ចំនួន​កំពុង​អ៊ុត​ថា លោក​នឹង​ចូល​ផលិត​កម្ម​មួយ​ណា។

​គួររំលឹក​ផង​ដែរ​ថា ក្រោយការ​ចាក​ចេញពី​ទ្រនំ​ចាស់​ជា​មួយដៃ​គូ ​លោក​បាន​ចេញ​បទ​ចម្រៀង​ជា​ច្រើន​នៅ​ក្នុង​ផលិត​កម្ម DITWAY NATION ជា​មួយ​គូ​ស្នេហ៍​កញ្ញា​ ទេព បូព្រឹក្ស និង​ទទួល​បាន​ការងារ​ជា​ច្រើន​ទៀត​ជា​ទូត​សុឆន្ទៈ​ផលិត​ផល​ផង​ដែរ៕

អត្ថបទ​៖ ជលសាល

សូមចុចអាន៖​ សឿ សុធា​រ៉ា កាន់តែ​ធ្វើ​ឲ្យ​មហាជន​សង្ស័យ​លើ​បញ្ហា​បែកបាក់​ស្វាមី

The post តារារ៉េប ជីដេវីត ត្រៀម​ចេញ​ចម្រៀង​ក្នុង​ផលិតកម្ម​ថ្មី នៅពេល​ឆាប់​ៗ​ខាង​មុខនេះ appeared first on Kampuchea Thmey Daily.