អស្ចារ្យណាស់! G-Devith និង ទេព បូព្រឹក្ស ចេញមុខក្នុង New York Fashion Week របស់ Tommy Hilfiger កម្មវិធីតែមួយជាមួយ Jisoo Blackpink

ពិតជាអស្ចារ្យណាស់! តារារ៉េប G-Devith និង ទេព បូព្រឹក្ស ចេញមុខក្នុងកម្មវិធី New York Fashion Week របស់ Tommy Hilfiger ដែលជាកម្មវិធីតែមួយ ជាមួយកំពូលតារា K-pop Jisoo សមាជិកក្រុម Blackpink នៅលើស្រឡាង Staten Island Ferry នៅទីក្រុងញូវយ៉ក សហរដ្ឋអាមេរិក។

កាលពីយប់ថ្ងៃទី ៨ កញ្ញា ឆ្នាំ ២០២៤ នៅទីក្រុង New York ក្រុមហ៊ុនលក់សំលៀកបំពាក់ដ៏ល្បីរបស់ប្រទេសអាមេរិក Tommy Hilfiger បានរៀបចំកម្មវិធី Tommy Hilfiger New York Fashion Week SS25 មួយដ៏ធំ ហើយក្នុងនោះក៏មានវត្តមានពីតារាល្បីៗទូទាំងពិភពលោកមកចូលរួមដូចជា កំពូលតារា K-pop Jisoo សមាជិកក្រុម Blackpink, Felix និង Lee know សមាជិកក្រុម Stray Kids ព្រមទាំងវត្តមានតារាបរទេសជាច្រើនរូបទៀត។

វត្តមានរបស់តារារ៉េបដ៏ល្បី G-Devith និង ទេព បូព្រឹក្សនៅក្នុងកម្មវិធី Tommy Hilfiger នេះ គឺជាលើកទី ២ហើយដែលអ្នកទាំងពីរត្រូវបានអញ្ចើញចូលរួមផ្ទាល់ពី Tommy Hilfiger សម្រាប់កម្មវិធី Fashion Week នៅទីក្រុងញូវយ៉ក សហរដ្ឋអាមេរិក។

Tommy Hilfiger គឺជាប្រ៊េនលក់សំលៀកបំពាក់ដ៏ល្បីរបស់ប្រទេសអាមេរិក។ យីហោយក្សមួយនេះមានលក់នៅប្រទេសជាច្រើនទូទាំងពិភពលោកដូចជា ប្រទេសកូរ៉េខាងត្បូង ថៃ កម្ពុជា ជប៉ុន វៀតណាម អូស្រ្តាលី និង ហុងកុងជាដើម។