ជីវិតកម្សាន្ដ

សឿ សុធារ៉ា កាន់តែធ្វើឲ្យមហាជនសង្ស័យលើបញ្ហាបែកបាក់ស្វាមី

បានផុស

៥ years មុន

នៅ

ថ្ងៃចន្ទ ៧ ធ្នូ ២០២០

ដោយ

អតីតតារាសម្តែងមានទឹកមុខស្រទន់ ពូកែខាងសម្រក់ទឹកភ្នែក អ្នកនាង សឿ សុធារ៉ា អំឡុងមួយរយៈនេះ បានធ្វើឲ្យអ្នកគាំទ្រនិងមហាជន មានការសង្ស័យកើតចេញជាមន្ទិលគ្រប់គ្នា ខណៈដែលជារឿយៗតារាស្រីរូបនេះ បានបញ្ចេញសារហាក់មានអារម្មណ៍មិនសប្បាយចិត្តប្រៀបដូចកំពុងជួបវិបត្តិបែកបាក់ស្នេហាជាមួយស្វាមីលោក សាពូន មីដាដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចម្ងល់នេះ បាននិងកំពុងធ្វើឲ្យអ្នកគាំទ្រមួយចំនួនធំ មានការភ្ញាក់ផ្អើលនិងរង់ចាំមើលការចេញមុខមកបកស្រាយពីសំណាក់តារាសម្តែងស្រីអ្នកនាង សឿ សុធារ៉ា និងស្វាមីលោក សាពូន មីដាដា ថាតើវាជាការពិតឬយ៉ាង? ខណៈដែលកន្លងអ្នកគូស្នេហ៍របស់អ្នកទាំងពីរតែងតែបង្ហាញពីភាពផ្អែមល្ហែមនិងស្និទ្ធស្នាលគ្នាខ្លាំង ប្រៀបបានដូចជាសត្វស្រមោចហើយស្ករអញ្ចឹងដែរ។

យោងតាមខ្លឹមសាររបស់អ្នកនាង សឿ សុធារ៉ា ដែលបានសរសេររៀបរាប់នៅលើបណ្តាញសង្គមហ្វេសប៊ុកដែលមានឈ្មោះថា Sapoun Darapemean បានលើកឡើងថា ថ្វីបើខ្ញុំបរាជ័យរឿងស្នេហាជាលើកទី១ទៅហើយ តែ ជេនី គាត់បរាជ័យស្នេហាចំនួន៧ដងទើបបានជួបស្នេហ៍ស្មោះពិតមានន័យផ្អែមកក់ក្តៅបែបនេះ។ ឱ តើខ្ញុំនៅមានសង្ឃឹមទេ?។

គេហទំព័រកម្ពុជាថ្មីនៅព្រឹកថ្ងៃទី០៧ ខែធ្នូ ឆ្នាំ២០២០នេះ មិនទាន់អាចស្វែងរកការបកស្រាយពីតារាសម្តែងអ្នកនាង សឿ សុធារ៉ានិងលោក សាពូន មីដាដា បាននៅលើយទេចំពោះមន្ទិលខាងលើនេះ។ ដោយឡែកបើក្រឡេកទៅមើលនៅលើហ្វេសប៊ុករបស់អ្នកនាង សឿ សុធារី មុននេះក៏បានបញ្ចេញប្រយោគខ្លីទៀតថា ផ្ញើជួនប្រុសល្អគេបំផ្លាញខ្ញុំ នេះគឺជាជីវិតសព្វថ្ងៃសូមថែរក្សាសុខភាពរបស់បងប្អូនទាំងអស់គ្នាផង៕

អត្ថបទ៖ ចាន់រ៉ា

សូមចុចអាន៖ តារាស្រី៣រូប បង្ហាញជំនឿចិត្ត ខណៈទ្រនំរបស់ពួកគេត្រៀមបំបែកទីផ្សារជាមួយតារាថៃ