ជីវិតកម្សាន្ដ

តារារ៉េប ជីដេវីត ត្រៀមចេញចម្រៀងក្នុងផលិតកម្មថ្មី នៅពេលឆាប់ៗខាងមុខនេះ

បានផុស

៥ years មុន

នៅ

ថ្ងៃអង្គារ ៨ ធ្នូ ២០២០

ដោយ

តារារ៉េប លោក ជីដេវីត បានកំពុងនិងត្រៀមចេញបទចម្រៀងរបស់ខ្លួន នៅក្នុងផលិតកម្មថ្មី នេះបើតាមការបង្ហោះសារ នៅក្នុងផេកផ្លូវការរបស់លោកផ្ទាល់ ដែលបានធ្វើឲ្យអ្នកគាំទ្រជាច្រើនអន្ទះសាថា តើជាផលិតកម្មមួយណា ដែលលោកនឹងចូល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គូស្នេហ៍កញ្ញា ទេព បូព្រឹក្ស លោក ជីដេវីត ដែលកំពុងតែសាងភាពផ្អែមល្ហែមជាមួយគ្នានេះ ក្រោយចាកចេញពីទ្រនំចាស់របស់ខ្លួន អ្នកទាំងពីរបានបង្កើតផលិតកម្មផ្ទាល់ខ្លួនឈ្មោះ DITWAY NATION ដែលមានតារាវ័យក្មេងច្រើនអ្នកផងដែរ។ ទោះបីមិនមានការជួយជ្រោមជ្រែងពីអ្នកណា តែ ជីដេវីត នៅតែផលិតបទចម្រៀងថ្មីសម្រាប់បម្រើទៅដល់អ្នកគាំទ្ររបស់លោក។ ផ្ទុយទៅវិញមួយរយៈចុងក្រោយនេះ មានហ្វេននិងអ្នកគាំទ្រជាច្រើនអ្នក បានទន្ទឹមរង់ចាំបទចម្រៀងថ្មីរបស់លោក ស្រាប់តែលោកបានបង្ហោះសារមួយថា “ខ្ញុំមិនមែនមិនចង់ចេញចម្រៀងទេបងប្អូន ខ្ញុំនឹងចេញតែចាំចេញនៅកន្លែងថ្មី” សារមួយបានធ្វើឲ្យអ្នកគាំទ្រជាពិសេសហ្វេនៗរបស់លោក មានការត្រេកអរជាខ្លាំង និងបានចូលរួមអបអរសាទរចំពោះលោក ក្នុងការវិលត្រឡប់មកលើកនេះជាមួយផលិតកម្មថ្មី និងមានហ្វេនមួយចំនួនកំពុងអ៊ុតថា លោកនឹងចូលផលិតកម្មមួយណា។

គួររំលឹកផងដែរថា ក្រោយការចាកចេញពីទ្រនំចាស់ជាមួយដៃគូ លោកបានចេញបទចម្រៀងជាច្រើននៅក្នុងផលិតកម្ម DITWAY NATION ជាមួយគូស្នេហ៍កញ្ញា ទេព បូព្រឹក្ស និងទទួលបានការងារជាច្រើនទៀតជាទូតសុឆន្ទៈផលិតផលផងដែរ៕