តាមការព្រមានរបស់ការិយាល័យបសុសត្វភូមិភាគ៣, ខ័ណ្ឌ Bang Phli និង Bang Sao Thong ត្រូវបានដាក់ជាកន្លែងគ្រោះថ្នាក់ព្រោះជំងឺនេះរហូតដល់ថ្ងៃទី២៦ខែធ្នូ។

សេចក្តីប្រកាសនេះធ្វើឡើង ក្រោយពេលមន្ត្រីឃើញមានវត្តមានសត្វឆ្កែឆ្កួតនៅខ័ណ្ឌទាំងពីរ ដែលអាចបង្កគ្រោះថ្នាក់ ហើយក៏ចេញការព្រមានឲ្យប្រុងប្រយ័ត្ន។

រម្លឹកទៅខែកញ្ញា កាលណោះ ខ័ណ្ឌចំនួន៦ ក្នុងទីក្រុងបាងកក និងសូម្បីតែខេត្ត Samut Prakan ក៏ផ្ទុះជំងឺនេះផងដែរ ដោយមានសត្វជាច្រើនក្បាល ឈឺបណ្តាក់ឥតឈប់។

យោងតាមតួលេខរបស់នាយកដ្ឋានគ្រប់គ្រងជំងឺថៃ បានបង្ហាញថា ឆ្នាំនេះចំនួនមនុស្សស្លាប់ដោយសារជំងឺឆ្កែឆ្កួតបានកើនឡើង៣ដង ក្នុងនោះ៩០% នៃករណីទាំងអស់គឺត្រូវឆ្កែខាំ និង ១០% ត្រូវឆ្មាខាំ។

ខេត្តចំនួន ១០ ដែលមានអត្រាសត្វកើតជំងឺឆ្កែឆ្កួតខ្ពស់បំផុត មានដូចជា៖ Ubon Ratchathani, ​Buriram, Songkhla, Surin, Maha Sarakham, Nakhon Ratchasima, Chachoengsao, ​Chonburi, Nakhon Si Thammarat និង Mukdahan៕

អត្ថបទ៖ សុខ សុវណ្ណ

The post ២ខ័ណ្ឌក្នុងទីក្រុងបាងកក ត្រូវដាក់ជាតំបន់ផ្ទុះជំងឺឆ្កែឆ្កួត appeared first on Kampuchea Thmey Daily.

តាមការផ្សាយរបស់ Khaosod នៅថ្ងៃពុធទី១០ខែកញ្ញាឆ្នាំ២០២៥ អាជ្ញាធរក្រុងកំពុងពិនិត្យនៅខ័ណ្ឌចំនួន៦ក្នុងរាជធានី ដែលសូម្បីតែនៅក្នុងខេត្ត Samut Prakan ក៏មានសេចក្តីរាយការណ៍អំពីការផ្ទុះជំងឺនេះដែរ។

ដោយសារតែស្ថានភាពនេះ អាជ្ញាធរបានប្រញាប់ប្រញាល់ចេញការព្រមានដល់ម្ចាស់សត្វចិញ្ចឹមទាំងឡាយ ត្រូវតាមដានរោគសញ្ញាសត្វរបស់ខ្លួន និងព្រមានមនុស្សម្នាត្រូវប្រយ័ត្នឆ្កែ-ឆ្មាខាំ ឬគួរចៀសវាងសត្វឆ្កែ-ឆ្មាតាមផ្លូវ ព្រោះវាអាចបង្កហានិភ័យនៃគ្រោះថ្នាក់ធ្ងន់ធ្ងរ។

យោងតាមតួលេខរបស់នាយកដ្ឋានគ្រប់គ្រងជំងឺថៃ បានបង្ហាញថា ឆ្នាំនេះចំនួនមនុស្សស្លាប់ដោយសារជំងឺឆ្កែឆ្កួតបានកើនឡើង៣ដង ក្នុងនោះ៩០% នៃករណីទាំងអស់គឺត្រូវឆ្កែខាំ និង ១០% ត្រូវឆ្មាខាំ។

ទន្ទឹមខេត្តចំនួន ១០ ដែលមានអត្រាជំងឺឆ្កែឆ្កួតខ្ពស់បំផុតលើសត្វមានដូចជា៖ Ubon Ratchathani, Buriram, Songkhla, Surin, Maha Sarakham, Nakhon Ratchasima, Chachoengsao, Chonburi, Nakhon Si Thammarat និង Mukdahan៕

អត្ថបទ៖ សុខ សុវណ្ណ

ចុចអាន៖ ជំងឺឆ្កែឆ្កួតមួយប្រភេទកំពុងរីករាលដាលពាសពេញសហរដ្ឋអាមេរិក

The post បាងកក ផ្ទុះជំងឺឆ្កែឆ្កួត, អាជ្ញាធរព្រមានអំពីគ្រោះថ្នាក់ធ្ងន់ធ្ងរ appeared first on Kampuchea Thmey Daily.

ជំងឺនេះត្រូវបានគេហៅថា Atypical Canine Infectious Respiratory Disease (aCIRD) បានឆ្លងដល់សត្វឆ្កែរាប់រយក្បាលនៅក្នុងរដ្ឋ Oregon ។ ក្រោយមកគេបានរកឃើញករណីដំបូងនៅរដ្ឋកាលីហ្វ័រញ៉ា កាលពីថ្ងៃអង្គារដោយមានសត្វឆ្កែយ៉ាងហោចណាស់ចំនួន ១០ក្បាលបានឈឺដោយសារជំងឺនេះ។

បច្ចុប្បន្នសត្វឆ្កែនៅក្នុងរដ្ឋយ៉ាងហោចណាស់ ៧ ផ្សេងទៀតនៅសហរដ្ឋអាមេរិក ត្រូវបានរាយការណ៍ថាបានរងផលប៉ះពាល់ ហើយក្នុងករណីកម្រជំងឺនេះអាចបណ្តាលឱ្យងាប់។ រោគសញ្ញាទូទៅរួមមាន ក្អក ហៀរសំបោរ និងបាត់បង់ចំណង់អាហារ។ សត្វឆ្កែមួយចំនួនដែលទទួលរងនូវជំងឺរយៈពេលយូរនឹងមានរោគសញ្ញាដូចជាជំងឺរលាកសួត។

វេជ្ជបណ្ឌិត Karl Jandrey សាស្ត្រាចារ្យនៅសាលាពេទ្យសត្វនៃសាកលវិទ្យាល័យ California Davis បានប្រាប់ NBC News ថា “ខ្ញុំមិនអាចទាយទុកជាមុនថាវានឹងទៅដល់ទីណាទេ។ នេះជាជំងឺរាតត្បាតមួយផ្សេងទៀត ប្រសិនបើអ្នកមិនប្រុងប្រយ័ត្ន ប៉ុន្តែវានៅក្រោមការគ្រប់គ្រងបាននៅឡើយទេ” ។

សមាគមពេទ្យសត្វអាមេរិក (AVMA) បានព្រមាន កាលពីថ្ងៃអង្គារថា ករណីនៃជំងឺផ្លូវដង្ហើមឆ្កែមួយនេះកំពុងកើនឡើងនៅទូទាំងសហរដ្ឋអាមេរិក។ ក្រុម AVMA បានផ្តល់អនុសាសន៍ឱ្យមានការប្រុងប្រយ័ត្នរួមមាន រក្សាការចាក់វ៉ាក់សាំងឱ្យសត្វចិញ្ចឹម និងត្រូវដាក់ឆ្កែឈឺនៅដាច់ដោយឡែកពីគេយ៉ាងហោចណាស់ ២៨ ថ្ងៃ៕

ប្រែសម្រួល៖ សន្យា

ប្រភព៖ RT

ចុចអាន៖ ដឹងទេ “វ៉ាក់សាំងឆ្កែឆ្កួត” ប្រសិនជាចាក់មិនគ្រប់ចំនួនតាមការកំណត់ទេ គ្មានអង់ទីគ័រការពារឡើយ!

The post ជំងឺឆ្កែឆ្កួតមួយប្រភេទកំពុងរីករាលដាលពាសពេញសហរដ្ឋអាមេរិក appeared first on Kampuchea Thmey Daily.

តើវិធីសាស្ត្របង្ការជំងឺឆ្កែឆ្កួត បន្ទាប់ពីត្រូវបានសត្វឆ្កែ ឬ ឆ្មាខាំមានអ្វីខ្លះ?

របាយការណ៍របស់អង្គការ Animal Rescue Cambodia បានលើកឡើងថា ក្នុងនាមកម្ពុជា ជាប្រទេសកំពុងអភិវឌ្ឍ ស្ថានប័នថែទាំពិភពលោកធ្វើការណែនាំយ៉ាងម៉ឺងម៉ាត់ ជំរុញឱ្យប្រជាជន និងក្មេងអាយុចាប់ពី២ឆ្នាំឡើងទៅ ត្រូវចាក់វ៉ាក់សាំងការពារឆ្កែឆ្កួតឱ្យបានមុនត្រូវឆ្កែ ឬ ឆ្មាខាំ។ ជំងឺឆ្កែឆ្កួតនេះ អាចបណ្តាលឱ្យមនុស្សស្លាប់១០០%។ មិនត្រឹមតែមនុស្សឡើយត្រូវចាក់វ៉ាក់សាំងនេះ សូម្បីតែសត្វឆ្កែ ឬ ឆ្មារបស់អ្នក ត្រូវចាក់វ៉ាក់សាំងឆ្កែឆ្កួតចាប់ពីអាយុ៣ខែឡើង ហើយតាមដានចាក់ថ្នាំជាបន្តបន្ទាប់តាមវេជ្ជបញ្ជា។

របាយការណ៍ដដែលបានបញ្ជាក់ថា សម្រាប់អ្នកដែលត្រូវបានឆ្កែ ឬ ឆ្មាខាំភ្លាមៗ ហើយអ្នកមិនស្គាល់ពីប្រវត្តិឆ្កែនោះពីមុនមក ឬ សង្ស័យថា ជាឆ្កែឆ្កួត ត្រូវនៅឱ្យឆ្ងាយពីសត្វនោះ។ ក្រោយពីត្រូវបានខាំ អ្នកត្រូវធ្វើការពិភាក្សាជាមួយគ្រូពេទ្យ ឬ វេជ្ជបណ្ឌិតជំនាញផ្នែកនេះភ្លាមៗ ទោះបីជាអ្នកធ្លាប់ទទួលបានការចាក់វ៉ាក់សាំងការពារឆ្កែឆ្កួត មុនត្រូវបានឆ្កែឆ្កួតក៏ដោយ។ មួយវិញទៀត ប្រសិនជាសង្ស័យថាជាឆ្កែឆ្កួត លោកអ្នកអាចទំនាក់ទំនងទៅកាន់ IBCM +855 (0)81 80 41 76  ជាបន្ទាន់ ក្រុមការងារនឹងផ្តល់ការណែនាំបន្ថែម។ ក៏ប៉ុន្តែ ក្នុងករណីដែលសង្ស័យថា មិនមែនជាឆ្កែឆ្កួតខាំទេ ពោល គឺឆ្កែធម្មតា ឬ ឆ្កែរបស់ខ្លួនឯងខាំ លោកអ្នកអាចទាក់ទងទៅកាន់ ARC-IBCM តាមរយៈលេខ  +855 (0)81 80 41 76 ដើម្បីទទួលបានការប្រឹក្សាយោបល់ផ្សេងៗ។

ចំពោះរោគសញ្ញានៃជំងឺឆ្កែឆ្កួតមានដូចជា ហៀរទឹកមាត់ច្រើន ក្តៅខ្លួន ខាំរបស់នៅជុំវិញខ្លួន និងបញ្ចេញនូវអាកប្បកិរិយាចម្លែកៗ។ យ៉ាងណាមិញ ប្រសិនជាអ្នកត្រូវបានសត្វឆ្កែ ឬ ឆ្មាខាំ ត្រូវប្រញាប់ទៅចាក់ថ្នាំការពារឆ្កែឆ្កួតជាបន្ទាន់នៅគ្លីនិកជិតផ្ទះ ឬ វិទ្យាស្ថានប៉ាស្ទ័រ។ ចំពោះសេវាកម្មចាក់វ៉ាក់សាំងនៅវិទ្យាស្ថានប៉ាស្ទ័រវិញ លោកអ្នកចំណាយប្រាក់ ១៥ដុល្លារ ក្នុងការចាក់វ៉ាក់សាំងការពារនេះ ហើយវ៉ាក់សាំងនេះត្រូវចាក់ ៣ដង តាមការកំណត់របស់គ្រូពេទ្យ។

សូមជម្រាបថា បន្ទាប់ពីលោកអ្នកត្រូវបានឆ្កែ ឬ ឆ្មាខាំភ្លាមៗ អ្នកត្រូវចេះពីវិធីការពារខ្លួនដូចជា ត្រូវលាងសម្អាតមុខរបួសជាមួយសាប៊ូឱ្យបានស្អាត ហើយលាងរបួសជាមួយនឹងអាកុលឱ្យបានស្អាត និងលាបជាមួយបេតាឌីន។ មួយវិញទៀត មិនត្រូវដេរ ឬ រុំមុខរបួសដែលត្រូវសត្វឡើយ៕

ដោយ៖ អុន ស្រីមាន

The post វិធីសាស្រ្តបង្ការជំងឺឆ្កែឆ្កួត ក្រោយត្រូវឆ្កែ ឬ ឆ្មាខាំ appeared first on Kampuchea Thmey Daily.