សុខភាព
វិធីសាស្រ្តបង្ការជំងឺឆ្កែឆ្កួត ក្រោយត្រូវឆ្កែ ឬ ឆ្មាខាំ
ករណីឆ្កែ ឬ ឆ្មាខាំ គឺជារឿងមួយគួរឱ្យភ័យខ្លាច និងព្រួយបារម្ភចំពោះសុខភាពរបស់មនុស្ស។ មិនថាសត្វចិញ្ចឹមរបស់អ្នក ឬ សត្វអ្នកដទៃខាំឡើយ អ្នកគួរដឹងពីវិធីសាស្រ្តលាងសម្អាតមេរោគឱ្យបានត្រឹមត្រូវ ដើម្បីការពារនូវមេរោគឆ្លងពីសត្វមកមនុស្ស មុននឹងទៅមន្ទីរពេទ្យ។
តើវិធីសាស្ត្របង្ការជំងឺឆ្កែឆ្កួត បន្ទាប់ពីត្រូវបានសត្វឆ្កែ ឬ ឆ្មាខាំមានអ្វីខ្លះ?
របាយការណ៍របស់អង្គការ Animal Rescue Cambodia បានលើកឡើងថា ក្នុងនាមកម្ពុជា ជាប្រទេសកំពុងអភិវឌ្ឍ ស្ថានប័នថែទាំពិភពលោកធ្វើការណែនាំយ៉ាងម៉ឺងម៉ាត់ ជំរុញឱ្យប្រជាជន និងក្មេងអាយុចាប់ពី២ឆ្នាំឡើងទៅ ត្រូវចាក់វ៉ាក់សាំងការពារឆ្កែឆ្កួតឱ្យបានមុនត្រូវឆ្កែ ឬ ឆ្មាខាំ។ ជំងឺឆ្កែឆ្កួតនេះ អាចបណ្តាលឱ្យមនុស្សស្លាប់១០០%។ មិនត្រឹមតែមនុស្សឡើយត្រូវចាក់វ៉ាក់សាំងនេះ សូម្បីតែសត្វឆ្កែ ឬ ឆ្មារបស់អ្នក ត្រូវចាក់វ៉ាក់សាំងឆ្កែឆ្កួតចាប់ពីអាយុ៣ខែឡើង ហើយតាមដានចាក់ថ្នាំជាបន្តបន្ទាប់តាមវេជ្ជបញ្ជា។
របាយការណ៍ដដែលបានបញ្ជាក់ថា សម្រាប់អ្នកដែលត្រូវបានឆ្កែ ឬ ឆ្មាខាំភ្លាមៗ ហើយអ្នកមិនស្គាល់ពីប្រវត្តិឆ្កែនោះពីមុនមក ឬ សង្ស័យថា ជាឆ្កែឆ្កួត ត្រូវនៅឱ្យឆ្ងាយពីសត្វនោះ។ ក្រោយពីត្រូវបានខាំ អ្នកត្រូវធ្វើការពិភាក្សាជាមួយគ្រូពេទ្យ ឬ វេជ្ជបណ្ឌិតជំនាញផ្នែកនេះភ្លាមៗ ទោះបីជាអ្នកធ្លាប់ទទួលបានការចាក់វ៉ាក់សាំងការពារឆ្កែឆ្កួត មុនត្រូវបានឆ្កែឆ្កួតក៏ដោយ។ មួយវិញទៀត ប្រសិនជាសង្ស័យថាជាឆ្កែឆ្កួត លោកអ្នកអាចទំនាក់ទំនងទៅកាន់ IBCM +855 (0)81 80 41 76 ជាបន្ទាន់ ក្រុមការងារនឹងផ្តល់ការណែនាំបន្ថែម។ ក៏ប៉ុន្តែ ក្នុងករណីដែលសង្ស័យថា មិនមែនជាឆ្កែឆ្កួតខាំទេ ពោល គឺឆ្កែធម្មតា ឬ ឆ្កែរបស់ខ្លួនឯងខាំ លោកអ្នកអាចទាក់ទងទៅកាន់ ARC-IBCM តាមរយៈលេខ +855 (0)81 80 41 76 ដើម្បីទទួលបានការប្រឹក្សាយោបល់ផ្សេងៗ។
ចំពោះរោគសញ្ញានៃជំងឺឆ្កែឆ្កួតមានដូចជា ហៀរទឹកមាត់ច្រើន ក្តៅខ្លួន ខាំរបស់នៅជុំវិញខ្លួន និងបញ្ចេញនូវអាកប្បកិរិយាចម្លែកៗ។ យ៉ាងណាមិញ ប្រសិនជាអ្នកត្រូវបានសត្វឆ្កែ ឬ ឆ្មាខាំ ត្រូវប្រញាប់ទៅចាក់ថ្នាំការពារឆ្កែឆ្កួតជាបន្ទាន់នៅគ្លីនិកជិតផ្ទះ ឬ វិទ្យាស្ថានប៉ាស្ទ័រ។ ចំពោះសេវាកម្មចាក់វ៉ាក់សាំងនៅវិទ្យាស្ថានប៉ាស្ទ័រវិញ លោកអ្នកចំណាយប្រាក់ ១៥ដុល្លារ ក្នុងការចាក់វ៉ាក់សាំងការពារនេះ ហើយវ៉ាក់សាំងនេះត្រូវចាក់ ៣ដង តាមការកំណត់របស់គ្រូពេទ្យ។
សូមជម្រាបថា បន្ទាប់ពីលោកអ្នកត្រូវបានឆ្កែ ឬ ឆ្មាខាំភ្លាមៗ អ្នកត្រូវចេះពីវិធីការពារខ្លួនដូចជា ត្រូវលាងសម្អាតមុខរបួសជាមួយសាប៊ូឱ្យបានស្អាត ហើយលាងរបួសជាមួយនឹងអាកុលឱ្យបានស្អាត និងលាបជាមួយបេតាឌីន។ មួយវិញទៀត មិនត្រូវដេរ ឬ រុំមុខរបួសដែលត្រូវសត្វឡើយ៕
ដោយ៖ អុន ស្រីមាន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ