ការលើកទឹកចិត្តនេះ ត្រូវបាន លោកអភិបាលខេត្ត ថ្លែងនៅក្នុងឱកាសចុះសាកសួរសុខទុក្ខ និងសង្កេតអំពីស្ថានភាពរស់នៅ ពីបរិស្ថាន អនាម័យ និងការប្រកបរបរកសិកម្ម ការដាំបន្លែ និងដំណាំផ្សេងៗ របស់ប្រជាកសិករ ក្នុងឃុំផ្ទះរុង ស្រុកតាលោសែនជ័យ ខេត្តពោធិ៍សាត់ នារសៀលថ្ងៃទី១៨ ខែមករា ឆ្នាំ២០២៦។

ជាមួយគ្នានោះដែរ លោក ខូយ រីដា បានកោតសរសើរដល់ប្រជាពលរដ្ឋ ក្រៅពីការងារបង្កបង្កើនផលស្រូវ បានយកពេលវេលាទំនេរងាកមកដាំដុះបន្លែធម្មជាតិ ដើម្បីផ្គត់ផ្គង់ក្នុងគ្រួសារ និងអាចនាំយកទៅលក់នៅលើទីផ្សារក្នុង ភូមិ ឃុំ ស្រុក ថែមទៀត ព្រោះបន្លែរបស់យើងគ្មានជាតិគីមី មិនប៉ះពាល់សុខភាព ជាពិសេសថាអាចកាត់បន្ថយការនាំចូលបន្លែពីប្រទេសជិតខាង។

លោក ខូយ រីដា ក៏បានអំពាវនាវឱ្យប្រជាពលរដ្ឋទាំងអស់ ខិតខំដាំបន្លែបែបធម្មជាតិឱ្យបានច្រើន នៅតាមសហគមន៏ ជាពិសេសបន្លែដែលមិនប្រើជាតិគីមី ព្រោះថាបន្លែធម្មជាតិ ធានាសុវត្ថិភាពដល់អ្នកទិញបន្លែ យកទៅបរិភោគជាប្រចាំ និងមានតម្លៃសមរម្យ៕

The post អភិបាលខេត្តពោធិ៍សាត់ លើកទឹកចិត្តឱ្យពលរដ្ឋដាំបន្លែធម្មជាតិ ដើម្បីកាត់បន្ថយការចំណាយ បង្កើនជីវភាពគ្រួសារ appeared first on Kampuchea Thmey Daily.

ជាក់ស្ដែងលោក ឃន សុជាតិ អភិបាលរង នៃគណៈអភិបាលខណ្ឌជ្រោយចង្វារ និងភរិយា ព្រមទាំងសមាជិកកាយឬទ្ធិនារីខណ្ឌ និង មន្រី្តក្រោមឱវាទបានចូលរួមអនុវត្តចលនា ដាំដុះបន្លែបង្ការផ្សេង នៅវិទ្យាល័យព្រែកលៀបស្ថិតក្នុងសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។

លោកអភិបាលរងខណ្ឌបានបញ្ជាក់ថា បន្លែជាអាហារសំខាន់មួយសម្រាប់បរិភោគប្រចាំថ្ងៃ បន្លែក៏ជាស្បៀងសំខាន់មួយផ្នែកផងដែរសម្រាប់ផ្ដល់ជូនវីរកងទ័ព និង ជនភៀសសឹក ដែលអាចយកទៅបរិភោគបានមួយរយៈពេលផងដែរ។ ដូច្នេះហើយទើប អាជ្ញាធរខណ្ឌជំរុញអោយតាមសាលារៀនដែលមានដីនៅទំនេរ គួររៀបចំដាំដុះបន្លែបង្កោរ នៅតាមសាសារៀនផងដែរ។ ការបំផុសបំផុលសកម្មភាពដំាដុះបន្លែ នៅតាមសាលារៀន វត្តអារាម នេះដើម្បីយកបន្លែទាំងនេះទៅសមរភូមិជួរមុខ និងជនភៀសសឹក ដែលកំពុងរងការឈា្លនពានពីប្រទេសថៃ។

គួរ​បញ្ជាក់​ដែរ​ថា ចលនា “​យើង​រួមគ្នា​ដើម្បី​ជាតិ​” ផ្ដួចផ្ដើម​គំនិត​ដោយ​លោកជំទាវ​បណ្ឌិត ពេជ ចន្ទ​មុន្នី ហ៊ុន ម៉ាណែត អគ្គស្នងការ​សមាគម​កាយឫទ្ធិ​នារី​កម្ពុជា ក្នុង​គោលបំណង​ផុស​សកម្មភាព​ដាំ​បន្លែ​ដែល​អាច​ឆាប់​ប្រមូល​ផល​បាន​នៅ​តាម​សាលារៀន ផ្ទះសំបែង វត្ត​អារាម និង​ដី​សហគមន៍ សំដៅ​កសាង​កសិផល​ជាតិ ដើម្បី​ទ្រទ្រង់​ដល់​វីរ​កងទ័ព វីរ​នគរបាល​ជួរមុខ​ការពារ​ព្រំដែន និង​ជនភៀសសឹក​ដោយសារ​ការ​ឈ្លានពាន​ពី​ប្រទេស​ថៃ៕ អត្ថបទ ៖ ម៉េង

The post អាជ្ញាធរខណ្ឌជ្រោយចង្វារ ចូលរួមអនុវត្តចលនា «យើងរួមគ្នាដើម្បីជាតិ» ក្នុងការដាំដុះបន្លែ នៅវិទ្យាល័យព្រែកលៀប appeared first on Kampuchea Thmey Daily.

លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត លើកឡើងតាមរយៈគណនីហ្វេសប៊ុកផ្លូវការដូច្នេះ ៖«ដេីម្បីបង្កេីនទឹកចិត្ត និងកំលាំងខ្មែរជួយខ្មែរនាងខ្ញុំបានរៀបចំឱ្យសាខារបស់កាយឫទ្ធិនារីកម្ពុជាទាំងអស់បំផុសបំផុលសមាជិកាសកម្មភាពធ្វេីការចាប់ផ្តេីមដាំ បន្លែនៅតាមសាលារៀនរបស់ខ្លួន ឬនៅដីរបស់សហគមន៍ ទុកសំរាប់ផ្គត់ផ្គង់ និងជួយគាំទ្រដល់ជនភៀសសឹករបស់យេីងបានមួយចំនួន។ សូមដាំបន្លែណាដែលឆាប់បានទទួលផល។ ចាប់ផ្តេីមពីតូចតែនាងខ្ញុំចង់អោយសិស្សសាលារបស់យេីងមានការចូលរួមក្នុងគ្រាដ៏លំបាកជាមួយបងប្អូនវីរៈកងទ័ពយេីង។ »។

ការឈ្លានពានបាញ់ប្រហារឈ្លានពានទ្រង់ទ្រាយធំមកលើខេត្តរបស់កម្ពុជាចំនួន៦ តាមបន្ទាត់ព្រំដែនពីសំណាក់យោធាថៃ វាយប្រហារមិនរើសគោលដៅ ទម្លាក់គ្រាប់បែកលើទីតាំងស៊ីវិល ហេដ្ឋរចនាសម្ព័ន្ធស៊ីវិលពីសំណាក់យោធាថៃ  បណ្ដាលឱ្យពលរដ្ឋខ្មែរស្លូតត្រង់យ៉ាងហោច១៣នាក់ ស្លាប់បាត់ជីវិត​ ,រងរបួសជាង៧០នាក់, ពលរដ្ឋជិត៤១ម៉ឺននាក់រត់ភៀសសឹក។ នេះបើតាមក្រសួងមហាផ្ទៃគិតត្រឹមម៉ោង៧ព្រឹក ថ្ងៃទី១៥ ខែធ្នូ ឆ្នាំ២០២៥។

គួរឱ្យដឹងដែរថា សមាគមកាយឬទ្ធិនារីកម្ពុជា បានបង្កើតឡើងវិញក្រោយពីសង្គ្រាម គឺនៅក្នុងឆ្នាំ១៩៩៦ ដែលមានសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយសសមាគមកាយប្ញទ្ធិនារីកម្ពុជា រហូតមកដល់បច្ចុប្បន្ន។

សមាគមកាយឬទ្ធិកម្ពុជា មានកាតព្វកិច្ចរបស់ខ្លួនក្នុងការជួយអភិវឌ្ឍថាមពលកុមារី និងយុវតី ឱ្យក្លាយជាពលរដ្ឋល្អ មានទំនួលខុសត្រូវចំពោះខ្លួនឯង គ្រួសារ សហគមន៍ និងប្រទេសជាតិ។ គិតត្រឹមឆ្នាំ២០២៥នេះ សមាគមកាយឬទ្ធិនារីកម្ពុជា មានចំនួន ៧សាខា ដែលមានសមាជិក សមាជិកាសរុប ជាង៨ពាន់នាក់ ហើយនឹងបន្តពង្រីកឲ្យមានសាខាទូទាំង ២៥ រាជធានី-ខេត្ត។ នេះបើតាមការបញ្ជាក់បន្ថែមរបស់លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត៕

ដោយ៖ ង៉ិល ណារ៉ាត់​

The post លោកជំទាវ ពេជ ចន្ទមុន្នី ឱ្យសាខាកាយឬទ្ធិនារីកម្ពុជាបំផុសការដាំបន្លែទុកផ្គត់ផ្គង់ និងគាំទ្រជនភៀសសឹក appeared first on Kampuchea Thmey Daily.

លោក គ្រី ម៉េងឃាង មានអាយុ៤២ឆ្នាំ ជាកសិករនៅក្នុងសហគមន៍សាមគ្គីមនោរម្យ ក្រុងសែនមនោរម្យ ខេត្តមណ្ឌលគិរីបានប្រាប់«កម្ពុជាថ្មី»ឱ្យដឹងថា បច្ចុប្បន្នគាត់បានប្រកបមុខរបរកសិកម្មដាំបន្លែគ្រប់មុខ ដែលមានបទពិសោធដាំដុះបន្លែ១១ឆ្នាំកន្លងមកហើយ។ លោកដាំដុះដំណាំច្រើនប្រភេទរួមមាន ស្ពៃក្ដោប ស្ពៃបូកគោ ការ៉ុត ដំឡូងបារាំង សណ្ដែកកួរ និងដំឡូងជ្វាជាដើម។ កសិកររូបនេះបានបន្ថែមទៀតថា នៅក្នុងរយៈពេលពីរឆ្នាំចុងក្រោយនេះ គាត់ទើបតែដាក់ដាំដំណាំថ្មីមួយប្រភេទបន្ថែមទៀត គឺដំណាំបន្លែខ្ញីភ្លើង ដែលបានដាំដុះលើផ្ទៃដី ជាង២០០០ម៉ែត្យការ៉េ។

ក្រោយដាំដុះរយៈពេលពីរឆ្នាំមកនេះ លោកអះអាងថា៖«បន្លែមួយប្រភេទនេះមានការគាំទ្រច្រើនពីអតិថិជនច្រើន អ្វីដែលអតិថិជនគាំទ្រខ្លាំងនោះ ព្រោះពូជខ្ញីភ្លើងមួយប្រភេទនេះវាមានរសជាតិហឹរឈ្ងុយឆ្ងាញ់ គ្មានជាតិគីមី មានអត្ថប្រយោជន៍ច្រើនដល់សុខភាព»។

បើតាមលោក​ ម៉េងឃាង ខ្ញីភ្លើងនេះក្រៅពីយកទៅធ្វើម្ហូប គេអាចយកវាទៅធ្វើឱសថផ្សេងៗបានថែមទៀតផង ខណៈបច្ចុប្បនេះស្រួលរកទីផ្សារ ហើយលក់បានតម្លៃខ្ពស់គួរសមដែរ ដោយក្នុងមួយគីឡូក្រាមចន្លោះពី៦០០០ទៅ៧០០០ រៀលឯណោះ។ កសិកររូបនេះបានបញ្ជាក់ថា ចំណែកការដាំដុះវិញ មិនសូវលំបាកក្នុងការមើលថែនោះទេ ពោលប្រភេទដំ​ណាំខ្ចីភ្លើងនេះ វាហាក់ធន់នឹងជំងឺពីសត្វល្អិត ជាពិសេសអាកាសធាតុត្រជាក់ សមស្របបំផុតក្នុងខេត្តមណ្ឌលគិរី។

ក្នុងនាមកសិករមួយរូបដែលមានបទពិសោធច្រើនឆ្នាំ បានទឹកចិត្តឱ្យសិករក្នុងខេត្ត និងនៅតំបន់ផ្សេងទៀត ងាកមកចាប់អារម្មណ៍ដំណាំខ្ញីភ្លើង កុំមើលរំលង ព្រោះប្រើដើមទុនតិច ទទួលបានទិន្នផលខ្ពស់ មានតម្រូវការលើទីផ្សារច្រើន
និងបានតម្លៃខ្ពស់។

បើតាមកសិករដដែល ការដាំដុះខ្ញីភ្លើងនេះប្រើរយៈពេល ៥​ខែប៉ុណ្ណោះ យើងអាចប្រមូលផលលក់នៅលើទីផ្សារបាន។
បើបងប្អូនកសិករមានចំណាប់អារម្មណ៍ចង់ដាំដុះដំណាំនេះអាចទាក់ទងរូបគាត់បាន ហើយគាត់នឹងចែករំលែកបទពិសោធ។ បច្ចុប្បន្នលោកចម្ការរបស់គាត់មានទីតាំងនៅទល់មុខរមណីដ្ឋានចំការ ការហ្វេ ក្រុងសែនមនោរម្យខេត្តមណ្ឌលគិរី ៕

អត្ថបទ៖រៀម សុខហេង

The post ម្ចាស់ចម្ការខ្ញីភ្លើង លើកទឹកចិត្តឱ្យកសិករងាកមកដាំដំណាំនេះ ងាយស្រួលរកទីផ្សារនិងបានតម្លៃខ្ពស់ appeared first on Kampuchea Thmey Daily.

លោកស្រី យន់ សុផល បានដែលនាំបែបនេះ ខណៈពេលដែលលោកស្រីនាំយកអំណោយទៅផ្តល់ជូនប្រជាពលរដ្ឋដែលរងគ្រោះដោយទឹកជំនន់ទឹកភ្លៀង បានធ្វើការផ្សព្វផ្សាយដល់ពលរដ្ឋនាំគ្នាដាំដំណាំទុកដោះស្រាយជីវភាពប្រចាំថ្ងៃចៀសវាងទុកដីឱ្យនៅទំនេរ។

លោកស្រីចៅសង្កាត់បានបន្តថា ដូចជាថ្ងៃនេះលោកស្រីបានកោតសសើរដល់បងប្អូនប្រជាពលរដ្ឋក្នុងភូមិបាននាំគ្នាដាំត្រប់ស្រួយជុំវិញបរិវេណដីមុខ និងក្រោយផ្ទះដើម្បីទុកបេះលក់ហើយផលដំណាំនេះបងប្អូនបានប្រើប្រាស់ជីធម្មជាតិបានផលល្អទៀតផង។

លោកស្រី យន់ សុផល បានបញ្ជាក់ពីតម្លៃផ្លែត្រប់ស្រួយនេះគឺក្នុង១គីឡូក្រាមតម្លៃ១០០០០រៀលហើយឈ្មួញចុះទិញដល់ចំការតែម្តង។ ដូច្នេះបងប្អូនដែលសល់ដីសុំកុំទុកដីឲ្យនៅទំនេគឺត្រូវនាំគ្នាដាំដំណាំជុំវិញផ្ទះមិនខកបំណងឡើយ៕

ដោយ៖ នរា

The post ចៅសង្កាត់វាលស្បូវ ជំរុញដល់ពលរដ្ឋដាំបន្លែឱ្យបានច្រើនកុំទុកដីឱ្យនៅទំនេរ appeared first on Kampuchea Thmey Daily.

កញ្ញា​ជា​ប្រធាន​អង្គការ​នេះ តែងតែ​ជួយ​ផ្ដល់​គំនិត​អប់រំ​បង្ហាញ​ផ្លូវ​នៅ​បទពិសោធន៍​ទាំង​ចំណេះដឹង​ក៏ដូចជា​ការជ្រើសរើស ពូជ​ដំណាំ ផ្សេងៗ​ក្នុង​ការ​ចិញ្ចឹម​សត្វ​ធ្វើ​ទ្រុង ឬ រក​ចំណី​ផ្សេងៗ​ឲ្យ​សត្វ​។ កញ្ញា​លើកឡើង​ថា​ ពេលនេះ​ឃើញថា​បងប្អូន​ជា​ស្ត្រី​ម៉ែៗ​យើង​ឥឡូវ​មាន​ជីវភាព​ធូរធារ​ព្រោះ​គាត់​ពុំបាន​ធ្វើ​ចំណាកស្រុក​នៅ​ទី​ឆ្ងាយ​ពី​ភូមិកំណើត​ក​ឡើយ​។​ ពេលនេះ​ម៉ែៗ​យើង​គាត់​មានការ​យល់ដឹង​ច្រើន​ហើយ​បាន​ចូល​ជា​សមាជិក​ចំនួន១៥នាក់ ​ដោយសារ​ពួកគាត់​មានការ​យល់ដឹង​ច្រើន​នៅពេលនេះ​គាត់​បាន​ចូល​រួម​ក្នុង​សហគមន៍​ក្រុម​នេះ ហើយ​ដាំ​បន្លែ​ក្នុង​ក្រុម​យើង​មាន​ច្រើន​ប្រភេទ ដូចជា ដាំ​ននោង ត្រឡាច ត្រសក់ ខាត់ណា ស្ពៃ​ត្រប់ និង បន្លែង​មួយចំនួនទៀត​។

ក្រោយពី​ផលដំណាំ​ទាំងនោះ​ទទួល​បាន​ហើយ​ យើង​ក៏បាន​នាំយកទៅ​លក់​នៅ​ផ្សារខេត្ត​កំពង់ធំ​។ គួរ​រំលឹក​ឱ្យដឹង​ថា ​ក្នុងនាម​ប្រធាន​គម្រោង​អភិវឌ្ឍន៍​កុមារ​តូច​កញ្ញា ​ងុ​ន​ យ៉េត មាន​អាយុ៣៥​ឆ្នាំ​លើកឡើងថា​គ្មាន​អ្វី​ក្រៅពី​បំផុស​ដល់​ម៉ែៗ​យើង​ឱ្យមាន​ការយល់ដឹង​ក្នុង​របរ​ធ្វើ​កសិកម្ម​ខ្នាត​តូច ដើម្បី​គ្រួសារ​។

ជាពិសេស​គាត់​ក៏​អាច​កាត់បន្ថយ​ភាព​ក្រីក្រ​ផងដែរ​។ ​មួយវិញទៀត​ពាក់ព័ន្ធ​អនាម័យ​និង​អាហារូបត្ថម្ភ​នា​ពេល​នេះ​ម៉ែៗ​យើង​គាត់​មានការ​យល់ដឹង​ច្រើន​។ ​ទាំង​ការ​ទុកដាក់​ចំណីអាហារ​ក្នុងការ​សំអាត សុខភាព​ពួកគាត់ ហើយ​គាត់​បាន​ដឹង​ថា ​ធ្វើ​បែប​នេះ​ គឺ​កាត់បន្ថយ​ជំងឺ​ផ្សេងៗ​បាន​ទៀត​ផង​។

ដោយឡែក​អ្នកនាង រិ​ន​សា​រុំ មាន​អាយុ ២៤ ឆ្នាំ​ក្នុងនាម​ប្រជាជន​ម្នាក់​ដែលមាន​ការ បាន​ចុះ​អប់រំ​ណែនាំ​ពី​(​គម្រោង​កុមារ​តូច​)​មក ឃើញថា​ពេលនេះ​អ្នកនាង​មាន ជីវភាព ធូរធារ​ច្រើន​។​ ក្នុង​ការដាំ​បន្លែ​មាន ត្រកួន ម្ទេស ននោង​ត្រប់ ឆាប់​បាន​ទទួលផល​យ៉ាង​ងាយ​។

ក្នុង​រយៈពេល៤០ថ្ងៃ ហើយ​មួយ​អាទិត្យ​យើង​បាន​នាំ​យក​ទៅ​លក់​នៅ​ទីផ្សារ​។ ​អ្នកនាង​បញ្ជាក់ថា​អំឡុងពេល​យើង​ប្រមូល​ផល​លក់ លើក​ទី១ បាន​ចំនួន២០ម៉ឺន​រៀល ៤០ម៉ឺនរៀល ៦០ម៉ឺន​រៀល រហូត​ទៅ​មួយ​លាន​រៀល​ក៏មានដែរ​។ ​គឺអាច​ដោះស្រាយ​ជីវភាព​គ្រួ​សារបាន​មួយកំរិត​។

លោក​ហ៊ូ​ ក្រើន នាយក​ប្រចាំ​ប្រទេស​អង្គការ​ហែ​លែ​ន ខែល​ល័​រ​អន្តរជាតិ​មានប្រសាសន៍ថា ជួប​ជាមួយ​លោក​ឧបនាយករដ្ឋមន្ត្រី​យឹម ​ឆៃលី ក្រុមប្រឹក្សា​ស្ដារ​អភិវឌ្ឍន៍​វិស័យ​កសិកម្ម និង ជនបទ​ក្នុង​ការងារ​នេះ ទាំង​រដ្ឋាភិបាល​បាន​ប្រឹងប្រែង​ក្នុងការ​លើកកម្ពស់ អាហារ​ប​ត្ថ​ម្ភ និង សន្តិសុខ ស្បៀង​។​ក្នុង​ទិន្នន័យ​មួយ​ដែល​យើង​ឃើញថា​មាននៅ​ក្នុងពេល​ថ្មីៗ​នេះ​ដែល​កុមារ​មានការ​ក្រេះ​ក្រិន​នោះបាន​ធ្លាក់​មក​ត្រឹម២២ភាគរយ​ ដែល​ទាក់ទង​ទៅនឹង​របប​អាហារ​សុខភាព​ពី៦ ទៅ ២៤ខែ ក៏​មាន​ការកើនឡើង​ដែរ ពី៤២%​។​ ប៉ុន្តែ​អត្រា​នេះ​បាន​បង្ហាញ​ថា ​មាន​កូន​ក្មេង​កុមារ​ច្រើន​ទៀត​មិនទាន់​មាន​របប​អាហារ​សុខភាព​គ្រប់គ្រាន់​ ដូច្នេះ​យើង​ចាំបាច់​បំផុស​ប្រជាជន​ឲ្យ​ដាំ​បន្លែ​ដើម្បី​សុខភាព៕

ដោយ ៖ រុងរឿង

The post ប្រធាន​សហគមន៍គម្រោង​អភិវឌ្ឍន៍​កុមារ​តូច មាន​បំណង​បំផុស​ប្រជាជន​ឲ្យ​ដាំ​បន្លែ​ដើម្បី​ទ្រទ្រង់​ជីវភាព​គ្រួសារ appeared first on Kampuchea Thmey Daily.

នៅ​សមាគម​កសិកម្ម​សុវត្ថិ​ភាព​ធម្មជាតិ ​មាន​ដាំ​បន្លែ​គ្រប់មុខ​មិន​ប្រើប្រាស់ជីគីមី។ ​ប្អូនប្រុស ហៃ​សីលា​ បាន​ឲ្យ​ដឹងថា ​ខ្ញុំ​ដក​ស្ពៃ​មាន​ចំនួន​ ១០-៣០ គីឡូ ហើយ​ស្ពៃ​ខ្ញុំ​មិន​ប្រើ​ជីគីមី​ទេ គឺដាំ​ដោយ​ខ្លួនឯង ​គឺ​យើង​ដាំ​ដាក់​ជីធម្មជាតិ ដែល​ធ្វើ​ពី​លាមក​សត្វ ជីកំប៉ុស​គោក ជីកំប៉ុស​ទឹក​។ ​ប្អូនប្រុស​បញ្ជាក់ទៀតថា កាលណា​ស្ពៃ​ដាំ​បាន​ចំនួន ២៨ ថ្ងៃ គឺអាច​ប្រមូល​ផល​បាន​ហើយ​។​ យើង​នឹង​ចាប់ផ្ដើម​ដកស្មៅ​ចេញ ហើយ​អាច​ដាំ​បន្តទៅទៀត​។​

ដោយឡែក​អ្នកស្រី ថៃ​សូ​ដា​ អនុប្រធាន​សមាគម​កសិក​ម្ម​សុវត្ថិភាព​ធម្មជាតិ ភូមិ​ជ្រៃ​ខាងជើង ឃុំ​កៀន​សង្កែ​ ស្រុក​សូទ្រនិគម ខេត្តសៀមរាប​ បាន​រៀបរាប់​ដែលថា នៅទីនេះ​កសិករ​យើង​មាន​ចំនួន ៦៧ គ្រួសារ​ក្នុង​ការចូល​ជា​សមាជិក​នៅ​សមាគម ដាំ​បន្លែ​សុវត្ថិភាព​។​ បន្លែ​របស់​យើង​ ក៏មាន​ការត្រួតពិនិត្យ​ចាប់​តាំងពីការដាំដុះដាក់​ជីកំប៉ុស និងពេល​ដាំ​បាន​ផល ហើយ​យើង​ក៏មានការវេច​ខ្ចប់មាន​អនាម័យ​ និង​ការត្រួតពិនិត្យ​ត្រឹមត្រូវ​។ អ្នកស្រី​បញ្ជាក់ទៀតថា​ ការផ្គត់ផ្គង់​បន្លែ​ទៅដល់​អតិថិជន​នានា គឺមាន​ចាប់តាំងពី​យើង​ចងក្រង​ជា​ក្រុម រហូត​បង្កើតបាន​ជា​សមាគម ៨ ឆ្នាំ​ហើយ ដែល​មានការ​ជ្រោមជ្រែងពី​អង្គការ ​GRET និង​អង្គការសៀដ​។​

អ្នកនាង ធឿន​ សុវណ្ណ រស់នៅក្នុង​សហគមន៍ដាំ​បន្លែបាន​បញ្ជាក់ថា​ នៅក្នុងសហគមន៍របស់​យើង​មាន​ដាំ​បន្លែ​ស្លឹក​ចំនួន ៨៥% និងស្ពៃ សាឡា​ត់ ដែល​ដាំ​លើ​ផ្ទៃដី​ ១​ ហិច​តា និង​មាន​ដាំនៅភូមិ​ដើម​រុន ឃុំ​តា​យ៉ែ​ក ដាំ​ត្រសក់ ដំឡូង​ និង​ក្រឡាច លើ​ផ្ទៃដី​៣ ​ហិច​តា​ទៀត​។ ​អ្នកនាង​បន្ថែមថា​ ពេលដែល​បាន​ផល​ហើយ ​យើង​បាន​នាំយក​បន្លែ​ទាំងនោះ​ទៅ​លក់​នៅ​ភ្នំពេញ ផ្សារ​សហគមន៍​ខ្មែរ នៅ​ខេត្តសៀមរាប និងមាន​ផ្សារ​ចុង​សប្តាហ៍​ផ្សារ​កសិកម្ម​ខ្មែរ​ទៀតផង​។

កញ្ញា ​ចា​ស្ទី​ន ដែលជា​មន្ត្រី​ទីផ្សារ​គម្រោង បាន​ឲ្យ​ដឹងថា​នៅក្នុង ៧ ឃុំ​និង ៩ ភូមិ ក៏បាន​បង្ហាញ​ពី​វិធីសាស្ត្រ​ និង​ស្ថានភាព​វិស័យ​កសិកម្ម​នៃ​ការគ្រប់គ្រង​ធនធានធម្មជាតិអាហារូបត្ថម្ភ។ យើង​ក៏បាន​យកមកអនុវត្ត​ និង​ផ្សព្វផ្សាយ​នៅក្នុង​សហគម ដើម្បី​ចូលរួម​ទាក់ទង​ទៅនឹង​អាហារូបត្ថម្ភ ដើម្បី​ឲ្យ​ប្រជាជន​ទទួលបាន​នូវ​ចំណីអាហារ​គ្រប់គ្រាន់​ នៅក្នុង​គ្រួសារ​របស់គាត់​ក៏ដូចជា​កូន​របស់​ពួកគាត់​ដែរ​។​

ដោយឡែក​លោក ប៉ាត់​សុវណ្ណ​ជា មន្ត្រី​គម្រោង​បច្ចេកទេស​កសិកម្ម​បញ្ជាក់ថា គម្រោង​របស់​យើង​ដែល​ធ្វើ​នេះ ​គឺ​ទាក់ទង​ទៅនឹង​វិស័យ​កសិកម្ម ដែល​អាច​ឈានទៅរក​ការបំពេញបន្ថែមលើ​ការច្នៃប្រឌិតនៃអាហារូបត្ថម្ភ ដែល​មុនដំបូង​យើង​ត្រូវ​ពង្រឹងសមត្ថភាព​ផលិតជីកំប៉ុស​ ដែល​យើង​គិតថា​បាន​ជួយ​ទាំង​បរិស្ថាន​ជួយ​ទាំង​សេដ្ឋកិច្ច​របស់​សង្គម តាមរយៈ​ការកាត់បន្ថយការយក​សំរាម​ទៅ​ចាក់ចោល​នៅ​គំនរ​សំរាម ហើយ​យើង​អាច​ប្រមូល​សំរាម​យកមក​ធ្វើ​ជីកំប៉ុស​បាន​ទៀតផង​។​

លោក​បញ្ជាក់​បន្ថែមថា ​នៅក្នុង​ការធ្វើ​កសិកម្មរ​បស់​ប្រជាពលរដ្ឋ​ក៏មាន​ការដាំដុះ​បាន​រីកចម្រើន​ច្រើន​រួមទាំង​ផ្ដល់​ផលដំណាំ​ដាំ​ដុះ​ ដែល​បានផ្ដល់​នូវ​អាហារូបត្ថម្ភមាន​សុវត្ថិភាព​ដល់​សុខភាព​ប្រជាជន​ថែម​ទៀតផង​៕

អត្ថបទ៖ រុងរឿង​

The post ដំណាំធម្មជាតិ មានសារៈសំខាន់ទាក់ទងទៅនឹងអាហារូបត្ថម្ភ appeared first on Kampuchea Thmey Daily.

លោកស្រី សៅ គឹមស្រ៊ន អាយុ៥២ឆ្នាំ បានឱ្យដឹងនៅថ្ងៃទី១៤ ខែកក្កដា ឆ្នាំ២០២១ថា លោកស្រីបានចាប់មុខរបរដាំដំណាំនេះ២០ឆ្នាំមកហើយ ដោយដំណាំទាំងនេះគឺជាទីពេញនិយមរបស់អ្នកបរិភោគ ភាគច្រើនៅតាម ផ្ទះសំណាក់ សណ្ឋាគារ និងភោជនីយដ្ឋាននានា ក្នុងក្រុងស្ទឹងសែនកាម៉ង់ ដោយសារបន្លែទាំងនេះមិនប្រើប្រាស់ សារធាតុគីមី គឺប្រើប្រាស់ជីធម្មជាតិ ដូចជាជីលាមកសត្វ និងអង្កាមដុត រួមទាំងជីកំប៉ុស។

លោកស្រីបានបន្តទៀតថា មូលហេតុនៃការដាំបន្លែនៅលើធ្នើរ ដោយសារតែមានភាពងាយស្រួលក្នុងការដាំដុះរបស់បន្លែ ការសំអាតយកស្មៅ និងគ្រប់គ្រងជីបានយូរ រួមទាំងការពារសត្វល្អិតបានយ៉ាងល្អប្រសើរទៀតផង ចំពោះការដាំផ្ទាល់ដី សត្វល្អិត ដង្កូវ ស្រមោច ចង្រិត រួមទាំងសត្រូវជាច្រើនទៀត វាមកបំផ្លាញដំណាំ និងត្រូវធ្វើរោងសម្រាប់គ្របពីលើរងដំណាំ ដើម្បីកាត់បន្ថយកំដៅ។

ចំណែកលោក ប៉ូច វ៉ន អាយុ៤៩ឆ្នាំ រស់នៅភូមិប្រមាត់ដី សង្កាត់ជាមួយគ្នាបានឱ្យដឹងដែរថា ជាទូទៅប្រជាពលរដ្ឋនៅទីនេះ ជាច្រើនគ្រួសារនិយមដាំបន្លែលើធ្នើរ ឬលើករងឱ្យខ្ពស់ ដើម្បីការពារសត្វល្អិត មកបំផ្លាញ់ដូចជា ស្ពៃ សាឡាត់ និងបន្លែជាច្រើនទៀត។ បន្លែដាំលើរងខ្ពស់ មានគុណភាពល្អ និងមានអ្នកមកទទួលទិញដល់ផ្ទះតែម្តង ចំណែកចំណូល មិនបានច្រើប៉ុន្មាននោះទេ ដោយសារតែក្នុងពេលដាំម្តងៗ ត្រូវប្រើប្រាស់រយៈពេលយូរមួយខែកន្លះឯណោះទើបអាចកាត់លក់ម្តង។

លោក ប៉ូច រ៉ន បានបញ្ជាក់ថា ក្នុងពេលដែលមានការរឹតបន្តឹង ឱ្យមានការចូលរួមការបង្ការ ការឆ្លងមេរោគកូវីដ-១៩ ការលក់បន្លែបែរជាមានការកើនឡើងទៅវិញ ដោយសារតែអ្នកភូមិភាគច្រើន កាត់បន្ថយការធ្វើដំណើរទៅផ្សារ ហើយនាំគ្នា មកទិញផ្ទាល់នៅកន្លែងដាំតែម្តង ហើយក៏អាចរកចំណូលបានពីការលក់ ដើម្បីដោះស្រាយជីវភាព បានមួយកម្រិតផងដែរ។

អត្ថបទ៖ ប៊ុន រដ្ឋា

The post ប្រជាកសិករ​ អាច​រក​ចំណូល​ពី​ការ​ដាំ​បន្លែ​ធម្មជាតិ​ធ្វើ​ឲ្យ​ជីវភាព​ល្អ​សមរម្យ ក្នុង​សម័យ​កូវីដ-១៩ appeared first on Kampuchea Thmey Daily.