ព័ត៌មានជាតិ

ប្រធានសហគមន៍គម្រោងអភិវឌ្ឍន៍កុមារតូច មានបំណងបំផុសប្រជាជនឲ្យដាំបន្លែដើម្បីទ្រទ្រង់ជីវភាពគ្រួសារ

បានផុស

៣ years មុន

នៅ

ថ្ងៃពុធ ២១ មិថុនា ២០២៣

ដោយ

គម្រោងអភិវឌ្ឍន៍កុមារតូច ដែលមានកញ្ញាងុន យ៉េត ជាប្រធានសហគមន៍ដែលស្ថិតនៅ ភូមិសម្រិត ឃុំសំបូរ ស្រុកប្រាសាទសំបូរ ខេត្តកំពង់ធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញាជាប្រធានអង្គការនេះ តែងតែជួយផ្ដល់គំនិតអប់រំបង្ហាញផ្លូវនៅបទពិសោធន៍ទាំងចំណេះដឹងក៏ដូចជាការជ្រើសរើស ពូជដំណាំ ផ្សេងៗក្នុងការចិញ្ចឹមសត្វធ្វើទ្រុង ឬ រកចំណីផ្សេងៗឲ្យសត្វ។ កញ្ញាលើកឡើងថា ពេលនេះឃើញថាបងប្អូនជាស្ត្រីម៉ែៗយើងឥឡូវមានជីវភាពធូរធារព្រោះគាត់ពុំបានធ្វើចំណាកស្រុកនៅទីឆ្ងាយពីភូមិកំណើតកឡើយ។ ពេលនេះម៉ែៗយើងគាត់មានការយល់ដឹងច្រើនហើយបានចូលជាសមាជិកចំនួន១៥នាក់ ដោយសារពួកគាត់មានការយល់ដឹងច្រើននៅពេលនេះគាត់បានចូលរួមក្នុងសហគមន៍ក្រុមនេះ ហើយដាំបន្លែក្នុងក្រុមយើងមានច្រើនប្រភេទ ដូចជា ដាំននោង ត្រឡាច ត្រសក់ ខាត់ណា ស្ពៃត្រប់ និង បន្លែងមួយចំនួនទៀត។

ក្រោយពីផលដំណាំទាំងនោះទទួលបានហើយ យើងក៏បាននាំយកទៅលក់នៅផ្សារខេត្តកំពង់ធំ។ គួររំលឹកឱ្យដឹងថា ក្នុងនាមប្រធានគម្រោងអភិវឌ្ឍន៍កុមារតូចកញ្ញា ងុន យ៉េត មានអាយុ៣៥ឆ្នាំលើកឡើងថាគ្មានអ្វីក្រៅពីបំផុសដល់ម៉ែៗយើងឱ្យមានការយល់ដឹងក្នុងរបរធ្វើកសិកម្មខ្នាតតូច ដើម្បីគ្រួសារ។

ជាពិសេសគាត់ក៏អាចកាត់បន្ថយភាពក្រីក្រផងដែរ។ មួយវិញទៀតពាក់ព័ន្ធអនាម័យនិងអាហារូបត្ថម្ភនាពេលនេះម៉ែៗយើងគាត់មានការយល់ដឹងច្រើន។ ទាំងការទុកដាក់ចំណីអាហារក្នុងការសំអាត សុខភាពពួកគាត់ ហើយគាត់បានដឹងថា ធ្វើបែបនេះ គឺកាត់បន្ថយជំងឺផ្សេងៗបានទៀតផង។

ដោយឡែកអ្នកនាង រិនសារុំ មានអាយុ ២៤ ឆ្នាំក្នុងនាមប្រជាជនម្នាក់ដែលមានការ បានចុះអប់រំណែនាំពី(គម្រោងកុមារតូច)មក ឃើញថាពេលនេះអ្នកនាងមាន ជីវភាព ធូរធារច្រើន។ ក្នុងការដាំបន្លែមាន ត្រកួន ម្ទេស ននោងត្រប់ ឆាប់បានទទួលផលយ៉ាងងាយ។

ក្នុងរយៈពេល៤០ថ្ងៃ ហើយមួយអាទិត្យយើងបាននាំយកទៅលក់នៅទីផ្សារ។ អ្នកនាងបញ្ជាក់ថាអំឡុងពេលយើងប្រមូលផលលក់ លើកទី១ បានចំនួន២០ម៉ឺនរៀល ៤០ម៉ឺនរៀល ៦០ម៉ឺនរៀល រហូតទៅមួយលានរៀលក៏មានដែរ។ គឺអាចដោះស្រាយជីវភាពគ្រួសារបានមួយកំរិត។

លោកហ៊ូ ក្រើន នាយកប្រចាំប្រទេសអង្គការហែលែន ខែលល័រអន្តរជាតិមានប្រសាសន៍ថា ជួបជាមួយលោកឧបនាយករដ្ឋមន្ត្រីយឹម ឆៃលី ក្រុមប្រឹក្សាស្ដារអភិវឌ្ឍន៍វិស័យកសិកម្ម និង ជនបទក្នុងការងារនេះ ទាំងរដ្ឋាភិបាលបានប្រឹងប្រែងក្នុងការលើកកម្ពស់ អាហារបត្ថម្ភ និង សន្តិសុខ ស្បៀង។ក្នុងទិន្នន័យមួយដែលយើងឃើញថាមាននៅក្នុងពេលថ្មីៗនេះដែលកុមារមានការក្រេះក្រិននោះបានធ្លាក់មកត្រឹម២២ភាគរយ ដែលទាក់ទងទៅនឹងរបបអាហារសុខភាពពី៦ ទៅ ២៤ខែ ក៏មានការកើនឡើងដែរ ពី៤២%។ ប៉ុន្តែអត្រានេះបានបង្ហាញថា មានកូនក្មេងកុមារច្រើនទៀតមិនទាន់មានរបបអាហារសុខភាពគ្រប់គ្រាន់ ដូច្នេះយើងចាំបាច់បំផុសប្រជាជនឲ្យដាំបន្លែដើម្បីសុខភាព៕

ដោយ ៖ រុងរឿង