តារាសម្ដែងខ្មែរ Archives - Kampuchea Thmey Daily

តារាសម្ដែង វ៉ាន់ វល័ក្ខ ៖ អង្គរវត្តជាដែនដីក្នុងបេះដូងប្រជាជនកម្ពុជា

អ៊ិន ពិសី — Sun, 15 Sep 2024 23:00:00 +0000

តារាសម្ដែងសាច់ខ្ចីនិយមចូលចិត្តស្លៀកពាក់សិចស៊ី កញ្ញា វ៉ាន់ វល័ក្ខ ថ្មីៗ នេះ បានលេចវត្តមានយ៉ាងស្រស់ស្អាតនៅលើទឹកដីដ៏អច្ឆរិយប្រាសាទអង្គរវត្ត នៃខេត្តសៀមរាបរបស់ព្រះរាជាណាចក្រកម្ពុជា ដើម្បីរំលេចខ្លួនក្នុងការចូលរួមផ្សព្វផ្សាយទៅកាន់ពិភពលោក។

គេដឹងដែរថា កញ្ញា វ៉ាន់ វល័ក្ខ បន្ទាប់ពីសាងបានភាពល្បីឈ្មោះនៅលើវិថីសិល្បៈរយៈពេលជាច្រើនឆ្នាំកន្លងមក ស្រាប់តែបាត់វត្តមានពីវិស័យមួយនេះប្រមាណ ២ ឬ ៣ ឆ្នាំ មកហើយ។ ក្រោយរសាត់ខ្លួនឆ្ងាយពីសិល្បៈមួយសន្ទុះ បច្ចុប្បន្នស្រីស្អាត វ៉ាន់ វល័ក្ខ បានចាប់យកអាជីពសម្ដែងឡើងវិញជាមួយឱកាសការងារច្រើនដូចមុន។

ទោះបីជាយ៉ាងណាស្របពេលដែលអាជីពចាស់ចាប់ផ្ដើមមានទីផ្សារសម្តែងឡើងវិញ តារាស្រីកញ្ញា វ៉ាន់ វល័ក្ខ ក៏បានបង្ហាញខ្លួនដោយការចូលរួមថតផ្សព្វផ្សាយនៅតំបន់ទេសចរណ៍ដ៏អស្ចារ្យ នៃទឹកដីខេត្តសៀមរាបដូចសិល្បករ-សិល្បការិនីឯទៀតផងដែរ។ កញ្ញា វ៉ាន់ វល័ក្ខ បានបញ្ចេញវីដេអូខ្លីមួយថតនៅមុខប្រាសាទអង្គរវត្តភ្ជាប់ខ្លឹមសារថា “អង្គវត្តជាដែនដីក្នុងបេះដូងប្រជាជនកម្ពុជា”។

ជាការពិតថ្វីត្បិតពេលនេះមានការមមាញឹកអាជីពសិល្បៈ និងការរកស៊ីផ្ទាល់ខ្លួន តែតារាសម្តែងមានដើមកំណើតពីទឹកដីខេត្តកំពង់ធំកញ្ញា វ៉ាន់ វល័ក្ខ នៅតែឆ្លៀតពេលដើម្បីចូលរួមលើកស្ទួយវិស័យវប្បធម៌ និងទេសចរណ៍របស់ជាតិផងដែរ។ ដោយឡែកសម្រាប់អាជីពសិល្បៈបច្ចុប្បន្នរបស់នាង ត្រូវបានមហាជនយល់ថា វ៉ាន់ វល័ក្ខ នៅតែមិនដាច់អាល័យពីអាជីពរបស់ខ្លួន ទើបនាងវិលរកឆ្នាំងចាស់ជាថ្មី៕

អត្ថបទ ៖ ចាន់រ៉ា

The post តារាសម្ដែង វ៉ាន់ វល័ក្ខ ៖ អង្គរវត្តជាដែនដីក្នុងបេះដូងប្រជាជនកម្ពុជា appeared first on Kampuchea Thmey Daily.

ស៊ីន យូប៉ីន៖ ចលនាគាំទ្រពីរាជរដ្ឋាភិបាល និងទស្សនិកជនជា កូនសោបើកទ្វាអន្តរជាតិនាំភាពយន្តខ្មែរទៅកាន់ពិភពលោក

Din Thary — Thu, 29 Aug 2024 02:32:55 +0000

តារាសម្ដែងរូបស្រស់កញ្ញា ស៊ីន យូប៉ីន ចាត់ទុកចលនានៃការគាំទ្ររបស់ទស្សនិកជន និងក្រោមការយកចិត្តទុកដាក់របស់រាជរដ្ឋាភិបាលគឺជាកូនសោរដ៏សំខាន់សម្រាប់បើកទ្វាអន្តរជាតិនាំភាពយន្តខ្មែរទៅកាន់ពិភពលោក។

កញ្ញា ស៊ីន យូប៉ីន គឺជា តារាស្រីកូនកាត់ដែលមានរូបសម្រស់ស្រស់ស្អាត និងមានសមត្ថភាពនៅក្នុងវិស័យឧស្សាហកម្មភាពយន្តរបស់ខ្មែរដែលអាចសម្តែងទាំងប្រភេទរឿងភាគ,រឿងខ្នាងធំ ,រឿងភាគ ឬអាចថតបទចម្រៀង និងការផ្សាយពាណិជ្ជកម្មជាដើម។ នាងមិនត្រឹមតែជាតារាមានឈ្មោះល្បីទេតែកញ្ញា ស៊ីន យូប៉ីន ក៏មានភាពជោគជ័យខ្លាំងលើការងារជំនួញផ្ទាល់ខ្លួនទាំងក្មេងវ័យទៀតផង។

កញ្ញា ស៊ីន យូប៉ីន ថ្មីៗនេះនាង ក៏ទើបទទួលបានពានរង្វាន់តារាសម្តែងស្រីឆ្នើម2024 ពីខ្សែភាពយន្តរឿង “បណ្ដាសានាងរាត្រី” golden romdul” ផងដែរ។ នេះជារឿងដែលគួរឲ្យស្ងើចសរសើរ និងអបអរចំពោះតារាស្រី យូប៉ី ដែលជាតារាខ្មែរដ៏លេចធ្លោខ្លាំងទាំងនៅឆាកជាតិ និងលើឆាកអន្តរជាតិ។

ក្រោយពេលទទួលបានពាន់រង្វាន់នេះស្រីស្អាត ស៊ីន យូប៉ីន បានបង្ហាញក្ដីរំភើបរីករាយយ៉ាងខ្លាំងដោយនាងលើកឡើងថា នេះគឺជា ពានរង្វាន់តារាសម្តែងស្រីឆ្នើម2024 ពីខ្សែភាពយន្តរឿងបណ្តាសានាងរាត្រី “golden romdul ” ផ្តល់ដោយ 2nd cambodia Asian film festival ដែលកម្ពុជាជាម្ចាស់ផ្ទះ។ នាងខ្ញុំ សូមគោរពអរគុណចំពោះការគាំទ្រទាំងអស់ចំពោះនាងខ្ញុំ និងភាពយន្តខ្មែរ។

តារាសម្តែង ស៊ីន យូប៉ីន បានបញ្ជាក់ទៀតថា “ចលនា នៃការគាំទ្ររបស់ទស្សនិកជន រួមជាមួយបេះដូងស្រលាញ់ និងតស៊ូរបស់ផលិតករ និងតារាសម្តែង ក្រោមការយកចិត្តទុកដាក់ខ្ពស់របស់រាជរដ្ឋាភិបាលគឺជា កូនសោរដ៏សំខាន់សម្រាប់បើកទ្វាអន្តរជាតិនាំភាពយន្តខ្មែរទៅកាន់ពិភពលោក”។

ភាពជោគជ័យរបស់តារាស្រីកូនកាត់កញ្ញា ស៊ីន យូប៉ីន ពេលនេះគឺ កើតចេញពីការតាំងចិត្តខ្ពស់ការតស៊ូរជំនះរាល់ឧបសគ្គដែលទទួលបានការលើកទឹកចិត្ត និងគាំទ្រពីមហាជនទូទៅ។ រឿងដែលស្ងើចសរសើរទៀតនោះនាង ក៏ជា តារាវ័យក្មេងដែលមានហាងឆេងខ្ពស់សម្រាប់ទីផ្សាភាពយន្តបច្ចុប្បន្ន៕

អត្ថបទ៖ ចាន់រ៉ា

The post ស៊ីន យូប៉ីន៖ ចលនាគាំទ្រពីរាជរដ្ឋាភិបាល និងទស្សនិកជនជា កូនសោបើកទ្វាអន្តរជាតិនាំភាពយន្តខ្មែរទៅកាន់ពិភពលោក appeared first on Kampuchea Thmey Daily.

ពេជ្រ ចរណៃ បំផុសចូលរួមផ្សព្វផ្សាយវប្បធម៌ខ្មែរប្រសើរជាងតាមដានរឿងអត់ប្រយោជន៍

KC Virak — Sun, 26 May 2024 07:21:42 +0000

អ្នកស្នេហាវិស័យភាពយន្ត និងគុនក្បុក្កតោខ្មែរពិតជាស្គាល់ច្បាស់ តារាសម្តែងស្រីរូបស្រស់ កញ្ញា ពេជ្រ ចរណៃ ដែលតែងតែបង្ហាញវត្តមានក្នុងតួអង្គវាយទាត់ធាត់ តាមរយ:ខ្សែភាពយន្តខ្មែរ ពិសេសការចូលរួមលើកស្ទួយវិស័យល្បុក្កតោ។

ប្រាកដណាស់ នាថ្មីៗនេះ តារាសម្តែង កញ្ញា ពេជ្រ ចរណៃ តែងបានចេញមុខបំផុសដល់យុវជនឱ្យចូលរួមលើកស្ទួយ និងបង្ហាញសិល្បៈវប្បធម៌របស់ខ្មែរទៅកាន់ពិភពលោក តាមរយ:សកម្មភាពនានាដូចជា ការបង្ហាញក្បាច់គុនល្បុក្កតោ ល្ខោនខោល និងបង្ហោះរូបភាពស្លៀកពាក់សំលៀកបំពាក់បុរាណខ្មែរជាដើម។ ជាថ្មីម្តងទៀត កញ្ញា ពេជ្រ ចរណៃ បានចេញមកអំពាវនាវដក់យុវជនខ្មែរគួរនាំគ្នាចូលរួមលើកស្ទួយ ផ្សព្វផ្សាយវប្បធម៌ខ្មែរ ប្រសើរជាងតាមដានរឿងអត់ប្រយោជន៍។ ម្យ៉ាងទៀតនាងក៏ទទូចដោយចង់ឃើញកូនខ្មែរគ្រប់រូប ពួតដៃគ្នាដើម្បីចូលរួមក្នុងកាហាត់រៀនអភិរក្សដល់វិស័យក្បាច់គុនល្បុក្កតោខ្មែរឱ្យបានច្រើនដូចគេដែលហាត់តៃក្វាន់ដូ។

ពេជ្រ ចរណៃ លើកឡើងថា៖ “សម័យឥឡូវជឿនលឿងណាស់ មានតែទូរសព្ទក្នុងដៃអាចទទួលបានព័ត៌មានជាច្រើន តែបើយើងយកពេលទៅតាមដានរឿងអត់ប្រយោជន៍ នោះយើងនឹងខាតពេលទទួលចំណេះដឹង និងធ្វើរឿងល្អៗដែលមានប្រយោជន៍មិនខាន។ ខ្ញុំមានតែម្រាមដៃ១០ សំពះអរគុណបងប្អូនដែលស្រលាញ់គាំទ្រ និងចូលរួមលើកស្ទួយផ្សព្វផ្សាយពីវប្បធម៌ខ្មែរ”។

គួរបញ្ជាក់ថា តារាសម្តែង និងជាគ្រូបង្ហាត់គុនល្បុក្កតោ កញ្ញា ពេជ្រ ចរណៃ បច្ចុប្បន្នក្រៅតែពីការលេចមុខនៅលើវិស័យភាពយន្តខ្មែរ នាងក៏ជាតារាស្រីមួយរូបដែលចូលរួមយ៉ាងសកម្មក្នុងការលើកស្ទួយវិស័យគុនល្បុក្កតោ និងបំផុសដល់យុវជនឱ្យចូលរួមលើកស្ទួយបង្ហាញសិល្បៈវប្បធម៌របស់ខ្មែរទៅកាន់ពិភពលោក។ សកម្មភាពនេះ ពេជ្រ ចរណៃ កន្លងមកតែងទទួលបានការសរសើរលើកទឹកចិត្ត និងគាំទ្រច្រើនពីមជ្ឈដ្ឋានមហាជនដែលស្នេហាលើវិស័យភាពយន្ត និងក្បាច់គុនបុរាណខ្មែរ ល្បុក្កតោ៕

អត្ថបទ៖ ចាន់រ៉ា

The post ពេជ្រ ចរណៃ បំផុសចូលរួមផ្សព្វផ្សាយវប្បធម៌ខ្មែរប្រសើរជាងតាមដានរឿងអត់ប្រយោជន៍ appeared first on Kampuchea Thmey Daily.

មកដឹងអត្ថន័យឈុត “រាជិនីក្រមាយ័ន្តខ្មែរ” មាន សូនីតា បង្ហាញលើកម្រាលព្រំក្រហម នៅបារាំង

Sorn Phanith — Wed, 22 May 2024 07:17:46 +0000

ដូចប្រិយមិត្តជ្រាបហើយថាតារាសម្តែងកញ្ញា មាន សូនីតា បានធ្វើឲ្យអ្នកគាំទ្រភ្ញាក់ផ្អើលនិងចាប់អារម្មណ៍ជាខ្លាំង ខណ:លេចវត្តមានដើរលើកម្រាលព្រំក្រហម នៅក្នុងកម្មវិធី the 77 canes film festival 2024 ដែលជាកម្មពិធីលំបាក់ពិភពលោក នៅទីក្រុងកាន ប្រទេសបារាំង។

គេកត់សម្គាល់សម្រាប់វត្តមានរបស់តារាខ្មែរកញ្ញា មាន សូនីតា នៅលើកម្រាលព្រំក្រហមទីក្រុងកាននេះ គឺនាងបានរំលេចខ្លួនយ៉ាងស្រស់ស្អាតលេចធ្លោជាមួយឈុតក្រមាខ្មែរអមព័ន្ធដោយអក្សរយ័ន្តរំលេចឌិនដាម តាមរចនាបថបុរាណទំនើបនិងមួកក្រមាកែខៃច្នៃតាមដាននៃមួកស្លឹកត្នោតកសិករខ្មែរ។

ស្របពេលនេះដែរស្រីស្អាត មាន សូនីតា បានបញ្ជាក់ពីអត្ថន័យឈុត “រាជិនីក្រមាយ័ន្តខ្មែរ” ប្រវែង៥ម៉ែត្រដូច្នេះថា “រាជិនីក្រមាយ័ន្តខ្មែរ”គឺ រាជិនី ចង់សំដៅទៅលើស្ត្រីដែលមានឋាន: និងសំឡេងមានឥទ្ធិពល។ រ៉ូបមួយនេះមានបូកបញ្ចូលជាមួយអត្តសញ្ញាណខ្មែរជាច្រើនជាមួយនឹងការច្នៃប្រឌិតបែបសម័យទំនើប(ការឌិនត្បូងជាច្រើន)លាយជាមួយនឹងបុរាណ។

ដោយក្នុងនោះគឺមានដូចជា ក្រមា ដែលដូនតាបានបន្សល់ទុកឲ្យដែលប្រជាជនខ្មែរយើងតែងយកមកប្រើប្រាស់ជាប្រចាំ។យ័ន្តខ្មែរ, ក. ឱមឡោមចន្ទ (ឱម ជាសញ្ញាក្នុងភាសាបាលីសំស្ក្រឹតដែលឡោមព័ទ្ធជុំវិញសំលៀកបំពាក់និងលំអទៅដោយក្បាច់ រាហ៊ូចាប់ចន្ទដែលមានទម្រង់ជាច័ក្កច័ន)។ ខ. កថាឡោមចន្ទ (កថាជាភាសាដែលសំដៅទៅលើភាសាបាលីសំស្ក្រឹ តនៅលើយ័ន្ត រីឯឡោមចន្ទចង់សំដៅទៅលើក្បាច់រាហ៊ូចាប់ចន្ទដែលជាយ័ន្ត)។

សញ្ញា”ឱម”គឺជាការវិវត្តន៍រីកចម្រើនជារាងរហូតគ្មាន ទីបញ្ចប់។ សញ្ញា គេប្រើតាំងពីសម័យមុនអង្គរ ។ “ឱ ម”ជាពាក្យបន្លើសុំពរជ័យសិរីសួរស្តីឬប្រកាសជ័យជម្នះ។ នេះជាការរចនាលាយបញ្ចូលគ្នារវាងនិមិត្តសញ្ញា អូម និងសន្លឹកក្បាច់ភ្ញីទេស បង្កើតបានជាការរចនាថ្មីមួយ។ ការប្រើប្រាស់យ័ន្តនេះជាការរចនាថ្មី ស្របតាមភាសាភាលីសំស្ក្រឹតបញ្ចូលជាមួយក្បាច់រាហ៊ូចាប់ចន្ទ។

ចំណែកឯផ្នត់សម្លុយសារបាប់ឬចរបាប់របស់ស្រ្តីខ្មែរ ការច្នៃថ្មីតែមិនចោលំនាំដើមនិងមានការដាំត្បូង និងសន្លឹកក្បាច់ភ្ញីទេសលំអនៅលើផ្នត់សម្លុយផងដែរ។នាងបញ្ជាក់ទៀតថាមួកស្លឹកត្នោតត្រូវបានគេចាត់ទុកថា ជាផលិតផលអត្តសញ្ញាណជាតិដ៏សំខាន់មួយដែលប្រជាជនខ្មែរយើងប្រើប្រាស់ជាប្រចាំតាំងពីយូណាស់មកហើយ។ បើមួកដែលយើងច្នៃថ្មីគឺធ្វើពីក្រមាដែលមានការឌិនត្បូងពេញទាំងអស់បញ្ចេញពន្លឺភ្លឺចែងចាំង។ រីឯផ្ការំដួល(ផ្ការំដួលជាផ្កាតំណាងជាតិរបស់ខ្មែរ)។

សូមបញ្ជាក់ថាកម្មវិធីកម្រាលព្រំក្រហមthe 77 can es film festival 2024 គឺ ជាកម្មពិធីលំបាក់ពិភពលោកដែលធ្វើឡើងនៅទីក្រុងកានប្រទេសបារាំង ដោយមានការចូលរួមពីសំណាក់បុគ្គលល្បីៗ នៅជុំវិញពិភពលោកខណ:ដែលកម្ពុជាក៏មានសិល្បករនិងបុគ្គលល្បីៗមួយចំនួនចូលរួមផងដែរ៕

អត្ថបទ៖ ចាន់រ៉ា

The post មកដឹងអត្ថន័យឈុត “រាជិនីក្រមាយ័ន្តខ្មែរ” មាន សូនីតា បង្ហាញលើកម្រាលព្រំក្រហម នៅបារាំង appeared first on Kampuchea Thmey Daily.

រាជិនីក្រមា មាន សូនីតា លើកម្រាលព្រំក្រហមរំលេចឈុតក្រមាខ្មែរអមព័ន្ធដោយអក្សរយ័ន្តនិងមួកក្រមាច្នៃពីស្លឹកត្នោត

Sorn Phanith — Wed, 22 May 2024 03:10:00 +0000

ទស្សនិកជននិងអ្នកគាំទ្របានបង្ហាញអារម្មណ៍រំភើបហើយមោទភាពជាខ្លាំងបន្ទាប់ពីឃើញតារាសម្តែងកញ្ញា មាន សូនីតា មានវត្តមានដើរលើកម្រាលព្រំក្រហមក្នុងកម្មវិធី 77 canes film festival 2024 ដែលជាកម្មពិធីលំបាក់ពិភពលោកនៅទីក្រុងកានប្រទេសបារាំង។

អ្វីដែលកត់សម្គាល់សម្រាប់ វត្តមានរបស់តារាខ្មែរ មាន សូនីតា នៅលើកម្រាលព្រំក្រហមទីក្រុងកាននេះ គឺនាងបានរំលេចខ្លួនយ៉ាងស្រស់ស្អាតលេចធ្លោជាមួយឈុតក្រមាខ្មែរអមព័ន្ធដោយអក្សរយ័ន្តរំលេចឌិនដាម តាមរចនាបថបុរាណទំនើបនិងមួកក្រមាកែខៃច្នៃតាមដាននៃមួកស្លឹកត្នោតកសិករខ្មែរ។

ដោយក្តីមោទភាពលើឆាកអន្តរជាតិមួយនេះកញ្ញា មាន សូនីតាបានបញ្ជាក់ឲ្យដឹងថា “រាជនីក្រមាលើកម្រាលព្រំក្រហមទីក្រុងកាន “ក្រមាខ្មែរអមព័ន្ធដោយអក្សរយ័ន្តរំលេចឌិនដាមតាមរចនាបថបុរាណទំនើប។ មួកក្រមា កែខៃច្នៃតាមដាននៃមួកស្លឹកត្នោតដែលបងប្អូនប្រជាកសិករនិងបងប្អូនប្រជាជនខ្មែរនិយមប្រើប្រាស់នាបុរាណកាលរហូតដល់បច្ចុប្បន្ន។

រាជនីក្រមា មាន សូនីតា បានបន្ថែមថា “រចនាបថនិង ការច្នៃម៉ូតទៅលើរ៉ូបនិងមួករបស់នាងខ្ញុំ គឺឈរលើគោលការណ៍ «អភិវឌ្ឍន៍ដើម្បីអភិរក្ស»”។ យ៉ាងណាក៏មានការលើកឡើងពីសំណាក់អ្នកគាំទ្រថា អស្ចារ្យណាស់មិនអួតមិនមោទនភាពជ្រុលទៅដោយកិត្តិយស និងមានតម្លៃបែបនេះទេីបសមជាអ្នកតំណាងឲ្យប្រទេសថ្លៃថ្នូរបំផុត។

សូមបញ្ជាក់ថាកម្មវិធីកម្រាលព្រំក្រហម the 77 canes film festival 2024 គឺជាកម្មពិធីលំបាក់ពិភពលោកដែលធ្វើឡើងនៅទីក្រុងកានប្រទេសបារាំង ដោយមានការចូលរួមពីសំណាក់បុគ្គលល្បីៗនៅជុំវិញពិភពលោក ខណ:ដែលកម្ពុជាក៏មានសិល្បករនិងបុគ្គលល្បីៗមួយចំនួនចូលរួមផងដែរ៕

អត្ថបទ៖ ចាន់រ៉ា

The post រាជិនីក្រមា មាន សូនីតា លើកម្រាលព្រំក្រហមរំលេចឈុតក្រមាខ្មែរអមព័ន្ធដោយអក្សរយ័ន្តនិងមួកក្រមាច្នៃពីស្លឹកត្នោត appeared first on Kampuchea Thmey Daily.

រូបថត ៣ សន្លឹករម្លឹកអតីតកាលតារាភាពយន្តជើងចាស់ អម្ពរ ទេវី នៅតែទទួលការចាប់អារម្មណ៍ខ្លាំង

Din Thary — Mon, 05 Feb 2024 03:05:19 +0000

តារាសម្ដែងជើងចាស់ល្បីឈ្មោះអំឡុងទសវត្សរ៍ឆ្នាំ៨០ និង ៩០ អ្នកនាង អម្ពរ ទេវី ថ្មីៗនេះបានទម្លាយរូបថតអនុស្សាវរីយ៍ចំនួន ៣ សន្លឹក រម្លឹកដល់អ្នកគាំទ្រព្រោះតែខ្លាចគេភ្លេចមុខ ប៉ុន្តែអ្វីដែលចាប់អារម្មណ៍ តាមរយៈរូបថតនេះអ្នកនាង អម្ពរ ទេវី នៅតែរក្សាបានការគាំទ្រ និងនឹករលឹកពីមហាជន។

ថ្វីត្បិតតារាសម្ដែងពូកែទេពកោសល្យសិល្ប:អ្នកនាង អម្ពរ ទេវី បានឃ្លាតឆ្ងាយពីវិថីសិល្ប:យូរឆ្នាំហើយក្តី តែសម្រាប់កេរ្តិ៍ឈ្មោះ និងប្រជាប្រិយភាពរួមទាំងការគាំទ្រ គឺតារាភាពយន្តរូបនេះនៅតែមានឥទ្ធិពលរក្សាបានតំណែងនេះដូចមុន។ ម្យ៉ាងទៀត រាល់ពេលអ្នកនាង អម្ពរ ទេវី លេចវត្តមានមកលេងស្រុកខ្មែរម្តងៗ គឺទទួលបានការស្វាគមន៍យ៉ាងកក់ក្តៅពីបណ្តាអ្នកគាំទ្រ និងផលិតករភាពយន្តខ្មែរ។

ដោយឡែកចាប់អារម្មណ៍កាលពីពេលថ្មីៗនេះ អតីតតារាសម្តែងអ្នកនាង អម្ពរ ទេវី បានបញ្ចេញរូបភាពអតីតកាលរបស់ខ្លួនចំនួន ៣ សន្លឹកទៅកាន់អ្នកគាំទ្រដោយក្នុងនោះអ្នកនាងបានភ្ជាប់សំណេរខ្លីដែលមាន ខ្លឹមសារថា “ខ្ញុំPost រូបថតនេះដើម្បីកុំឲ្យ my amazing fans around the worldភ្លេចខ្ញុំ“។ យ៉ាងណាមិញ មានអ្នកគាំទ្រជាច្រើនបានចូលទៅខមមិនតបវិញថា ពួកគេនៅតែចងចាំ និងមិនភ្លេចឡើយតារានៅក្នុងដួងចិត្ត។

សូមបញ្ជាក់ថាតារាសម្តែងអ្នកនាង អម្ពរ ទេវី បានកើតនៅឆ្នាំ១៩៧០ ហើយនាងបានឈានជើងចូលប្រឡូកក្នុងវិស័យភាពយន្ដនាឆ្នាំ១៩៨៧ ដល់ ឆ្នាំ២០០១ ពោលគឺរយៈពេល ២២ឆ្នាំ ហើយដែលនាងបានចាកចេញពីអាជីពចាស់មួយនេះ។ ប៉ុន្ដែតាំងពីចេញទៅរស់នៅអាមេរិកជាង ១០ឆ្នាំនោះអ្នកនាងអម្ពរ ទេវី ធ្លាប់បានមកថតភាពយន្ដចំនួន ២លើក មកហើយដូចជានៅឆ្នាំ២០១៧ អ្នកនាងបានមកសម្ដែងរឿង”ទឹកចិត្តម្ដាយសម័យថ្មី” របស់ផលិតកម្មផ្កា៥ ដឹកនាំដោយលោកស្រី ពាន់ ភួង បុប្ផា និងរឿង ”ឆន្ទា” របស់LD។

ក្រោយប្រារព្ធខួបកំណើតអាយុ៥០ ផ្លាយនេះអ្នកនាង ទេវី ក៏បានចុះមកខ្មែរជាថ្មីនៅអំឡុងខែតុលាឆ្នាំ២០២៣ ដើម្បីថតរឿង ”អប្សរា មហាអង្គរ” ដែលដឹកនាំដោយលោក ហ្វៃ សំអាង ផងដែរ៕

អត្ថបទ៖ ចាន់រ៉ា

The post រូបថត ៣ សន្លឹករម្លឹកអតីតកាលតារាភាពយន្តជើងចាស់ អម្ពរ ទេវី នៅតែទទួលការចាប់អារម្មណ៍ខ្លាំង appeared first on Kampuchea Thmey Daily.

តារាសម្ដែង ស្រីម៉ុច ថ្វីត្បិតមមាញឹកការងារ តែរូបសម្រស់នៅតែស្រស់ស្អាត

អ៊ិន ពិសី — Tue, 30 Jan 2024 09:45:01 +0000

តារាសម្ដែង និងចម្រៀង កញ្ញា សុខ ស្រីម៉ុច ឬ ទេព ស្រីម៉ុច បច្ចុប្បន្នថ្វីត្បិតមានភាពមមាញឹកការងារច្រើនបន្តិចក្ដី តែបើនិយាយពីរូបសម្រស់កាន់តែស្រស់ស្អាតផូរផង់ជាងមុន ស្របពេលជីវិតរបស់នាងក៏មានលទ្ធភាពឡូយឆាយ បើធៀបនឹងមិត្តភ័ក្ដិរួមអាជីពសិល្បៈ។

ទន្ទឹមគ្នានេះ កន្លងមកក៏មានអ្នកគាំទ្រមួយចំនួនបានដាក់ការចាប់អារម្មណ៍លើភាពស្រស់ស្អាតរបស់កញ្ញា សុខ ស្រីម៉ុច ដូចគ្នា ពិសេសគេក៏មើលឃើញថា នាងកាន់តែចេះរៀបចំខ្លួនបានទាក់ភ្នែកតែម្ដង។ ជាក់ស្ដែង នៅលើបណ្ដាញសង្គមហ្វេសប៊ុករបស់ កញ្ញា សុខ ស្រីម៉ុច ជារឿយៗ នាងតែងបង្ហោះរូបភាពស្រស់ស្អាតជាបន្តបន្ទាប់ ទាំងការងារសិល្បៈ ក៏ដូចជាដំណើរកម្សាន្តជាដើម។

ទោះបីបែបនេះក៏ពិតមែន តែនាងនៅមិនទាន់បង្ហើបឲ្យមហាជនដឹងទេថា តើរាល់ថ្ងៃនាងមានគូស្នេហ៍ឬយ៉ាងណា? ខណៈអ្នកខ្លះយល់ថា តារាស្រីរូបនេះ ទំនងជាមានអ្នកឃុំគ្រងបេះដូងរួចហើយ ទើបជីវិតប្រសើរជាងមុន ហើយសម្រស់ក៏ផ្លាស់ប្ដូរបែបនេះ។ ដោយឡែកសម្រាប់សិល្បៈ ក៏ ស្រីម៉ុច បន្តការរក្សាបានទីផ្សារគាំទ្រ និងមានប្រជាប្រិយភាពដូចដើម។

តារាសម្ដែង កញ្ញា សុខ ស្រីម៉ុច ក៏បានបញ្ជាក់ប្រាប់ឲ្យដឹងថា ចំពោះអាជីពសិល្បៈបច្ចុប្បន្ន បានចាប់ផ្ដើមដំណើរការជាធម្មតាដូចពេលមុនៗ ហើយ គ្រាន់តែពេលខ្លះហាក់រយាលបន្តិច ដោយសារជាប់រវល់ការងារផ្ទាល់ខ្លួនខាងក្រៅដូចជាការរកស៊ីរបរផ្សេងៗ ពិសេសការលក់ផលិតផលតាមអនឡាញផងដែរ។

យ៉ាងណាក៏ដោយ កញ្ញា សុខ ស្រីម៉ុច បានអះអាងថា នាងមិនបានលះបង់សិល្បៈ ហើយចោលការសម្ដែងនោះទេ ប៉ុន្តែមកពីនៅចង់រកស៊ីខាងក្រៅផង និងសម្តែងសិល្បៈផង ដើម្បីរកចំណូលផ្គត់ផ្គង់ជីវភាព។ នាងថា ទោះបីជាពេលខ្លះរវល់ការងារខាងក្រៅក៏នៅតែមិនបោះបង់អាជីពដែលនាងបានខិតខំពង្រឹងសមត្ថភាព និងទេពកោសល្យជាច្រើនឆ្នាំរហូតមកទល់ពេលបច្ចុប្បន្ននោះដែរ។ ពិសេសជាងនេះ នាង ក៏អរគុណដល់ទស្សនិកជនដែលតែងតែគាំទ្រ និងឲ្យតម្លៃលើការសម្តែងរបស់នាងរហូតមក៕

អត្ថបទ ៖ ចាន់រ៉ា

The post តារាសម្ដែង ស្រីម៉ុច ថ្វីត្បិតមមាញឹកការងារ តែរូបសម្រស់នៅតែស្រស់ស្អាត appeared first on Kampuchea Thmey Daily.

ដេននី ក្វាន់ ព្រមានកូនបំណុល ២០នាក់ជំពាក់លុយសរុប ៧២ម៉ឺនដុល្លារ

Din Thary — Thu, 25 Jan 2024 07:26:27 +0000

ម្ដាយបវរកញ្ញាវ័យក្មេង ជូរី ល្អហួស អ្នកនាង ដេននី ក្វាន់ អតីតតារាសម្ដែង បានចេញមុខមកប្រកាសជាសាធារណៈដោយឲ្យបុគ្គលដែលជាកូនបំណុលប្រមាណ ២០នាក់ចេញមកដោះស្រាយរឿងបំណុលជំពាក់សរុបទឹកប្រាក់ ៧២ម៉ឺនដុល្លារអាមេរិក ។

ការប្រកាសរបស់អតីតតារាសម្ដែងសាច់ខ្ចី ដេននី ក្វាន់ នេះ ទំនងដោយសារតែអ្នកនាងអស់ការអត់ទ្រាំ និងកូនបំណុលដែលគ្មានឆន្ទៈក្នុងការដោះស្រាយបំណុលជំពាក់តាមការសន្យា។ក្នុងនោះអ្នកនាង ដេននី ក្វាន់ ក៏បានព្រមានផងដែរនូវការបញ្ចេញអត្តសញ្ញាណអ្នកជំពាក់លុយខ្លួនមិនព្រមសង។

អ្នកនាង ដេននី ក្វាន់ បានបញ្ជាក់នៅលើបណ្តាញសង្គមហ្វេសប៊ុករបស់ខ្លួនថា «២០នាក់ សរុបលុយ ៧២ម៉ឺនដុល្លារ លុយអញរកមកហត់ណាស់ បើមិនគិតសងទេ អញលេងតាមនឹងហើយចេញសែកស្អុយឲ្យអញ»។

នាងបានលើកឡើងដែរថា «MN លុយ ខ្ញុំ ៩ម៉ឺនដុល្លារមិចហើយស្ងាត់ឈឹងហាយសូណាស់ជិះឡានទំនើប អួតលុយរហូតបន្តិចទៀតខ្ញុំអួតរូបនាងឲ្យគេស្គាល់ពេញប្រទេស។

ទោះយ៉ាងណា មកទល់ពេលនេះអតីតតារាសម្ដែង ដេននី ក្វាន់ មិនទាន់បញ្ចេញអត្តសញ្ញាណរបស់បុគ្គលដែលជំពាក់លុយនាងនៅឡើយទេ ថ្វីត្បិតមានការព្រមានបែបនេះក្តី។ គេកត់សម្គាល់ឃើញថា ប៉ុន្មានឆ្នាំចុងក្រោយនេះមានតារាប្រុស-ស្រីល្បីៗមួយចំនួនក៏បានផ្ទុះនូវរឿងរ៉ាវដ៏រសើប និងភ្ញាក់ផ្អើលខ្លាំងនៅក្នុងសង្គមខ្មែរប្រហែលគ្នាជុំវិញការផុងខ្លួនអស់លុយរាប់សិបម៉ឺនដុល្លារដោយហេតុផលផ្សេងៗផងដែរ៕

អត្ថបទ៖ ចាន់រ៉ា

The post ដេននី ក្វាន់ ព្រមានកូនបំណុល ២០នាក់ជំពាក់លុយសរុប ៧២ម៉ឺនដុល្លារ appeared first on Kampuchea Thmey Daily.