លោក នីសំអាន មុនីឧត្តម ប្រធានក្រុមបាល់ទាត់ដំរីព្រៃ បានឱ្យដឹងថា បន្ទាប់ពីកិច្ចការមនុស្សធម៌ជាមួយសាលាបឋមសិក្សាអូរក្បុលរួច កម្មវិធីនឹងចាប់ផ្ដើមនៅម៉ោង៣រសៀល ដោយក៏នឹងមានការប្រកួតបាល់ទាត់មិត្ត រវាងក្រុមបាល់ទាត់ដំរីព្រៃ និងក្រុមបាល់ទាត់យុវជនសម្ភុបុរៈ ដឹកនាំដោយ លោក គង់ មេត្តា អភិបាលនៃគណៈអភិបាលស្រុកសំបូរផ្ទាល់ ក្រោមមូលបទ៖ «កីឡា-ទេសចរណ៍-ចែករំលែក ស្ថិតនៅក្នុងវិទ្យាល័យហ៊ុន សែនសម្ភុបុរ:» នៅថ្ងៃស្អែកនេះតែម្ដង។

លោក នីសំអាន មុនីឧត្តម បានបង្ហើបឱ្យដឹងទៀតដែរថា គោលបំណងនៃការបង្កើតកម្មវិធីប្រកួតបាល់ទាត់សប្បុរសធម៌នេះឡើងមក គឺមានបុព្វហេតុចម្បងចំនួន៣ ក្នុងនោះរួមមាន៖

 ទី១. មនុស្សធម៌ (ធ្វើសប្បុរសធម៌ និងកិច្ចការសង្គម) ទី២.ទេសចរណ៍ (ធ្វើដំណើរកម្សាន្ត ផ្សព្វផ្សាយតំបន់ទេសចរណ៍ក្នុងស្រុក) និងទី៣. កីឡា (រាល់សកម្មភាពកិច្ចការមនុស្សធម៌ និងទេសចរណ៍កម្សាន្ត គឺស្ដែងឡើងតាមរយ:សកម្មភាពកីឡា ដើម្បីបណ្ដុះស្មារតី ជម្រុញឱ្យសិស្សានុសិស្សទាំងអស់ ពិសេសយុវជនចូលរួមលេងកីឡា ជៀសឆ្ងាយពីគ្រឿងញៀន និងអបាយមុខផ្សេងៗទៀត)។

គួរជម្រាបថា ក្រុមបាល់ទាត់ដំរីព្រៃ បានបង្កើតឡើងគិតមកទល់ពេលនេះមានរយៈពេល២ឆ្នាំមកហើយ ក្រៅពីសកម្មភាពកីឡា ក្រុមបាល់ទាត់ដំរីព្រៃ ក៏គោលបំណងជាច្រើនដែលទាក់ទងនឹងកម្មវិធីសប្បុរសធម៌ ពិសេសការជួយដល់សិស្សានុសិស្សដែលរស់នៅតំបន់ដាច់ស្រយោល ដែលកំពុងខ្វះខាតសម្ភារសិក្សា ក្នុងដំណើរការសិក្សារៀនសូត្រ ផងដែរ៕

The post យុវជនស្រឡាញ់កីឡាមួយក្រុម រួមគ្នារៃអង្គាសថវិកា​ ទិញសម្ភារសិក្សាជូនសាលាបឋមសិក្សាអូរក្បុល appeared first on Kampuchea Thmey Daily.

បើតាមការកត់សម្គាល់កន្លងមកគេឧស្សាហ៍ឃើញអ្នកលក់អនឡាញ និងមានឈ្មោះជាអ្នកមេម៉ាយកូនមួយរូបស្រស់ ឡុង ម៉ានីន តែងបង្ហាញភាពស្និទ្ធស្នាល និងផ្អែមល្ហែមជាមួយតារាចម្រៀង ថុល សុភិទិ តាមរយៈការបង្ហោះរូបភាព និងវីដេអូ ជាបន្តបន្ទាប់ នៅលើបណ្ដាញសង្គមនានា ធ្វើឱ្យអ្នកគាំទ្រចាប់អារម្មណ៍គ្រប់គ្នា។

ដោយឡែក​ ស្រាប់តែថ្មីៗនេះ ទស្សនិកជនកាន់ភ្ញាក់ផ្អើលខ្លាំងថែមទៀត បន្ទាប់ពី អ្នកនាង ឡុង ម៉ានីន បានបញ្ជាក់ថា គូស្នេហ៍របស់ខ្លួនគឺ លោក ថុល សុភិទិ បានបំពេញបំណងតាមរយៈការលះបង់ឆ្អឹងត្រចៀកឱ្យនាងធ្វើច្រមុះថ្មី។ អ្នកនាង ឡុង ម៉ានីន បានបង្ហោះរូបភាពភ្ជាប់សំណេរថា «កុំថាឡើយបេះដូង សូម្បីត្រចៀក ក៏បងប្រគល់ជូនអូនដែរ អរគុណ My babe សម្រាប់ច្រមុះថ្មី»។

អ្នកនាង ឡុង ម៉ានីន បានបញ្ជាក់បន្ថែម ទៅកាន់អ្នកគាំទ្រថា «ដើម្បីអូន បងហ៊ានលះបង់គ្រប់យ៉ាង….ទើបបានមួយថ្ងៃមុខនៅហើម សុំពាក្យជូនពរម្នាក់មួយផងបងប្អូនឆាប់បានទៅខ្មែរវិញ»។ ជាមួយគ្នានេះដែរ ក៏មានអ្នកគាំទ្រមួយចំនួន បានជូនពរឱ្យនាងឆាប់ជាសះស្បើយ ខណៈខ្លះទៀតលួចសរសើរតារាចម្រៀង លោក ថុល សុភិទិ ដែលស្រឡាញ់គូស្នេហ៍របស់ខ្លួនខ្លាំង ទើបហ៊ានលះបង់ដល់ថ្នាក់នេះ។

កន្លងមក ថ្វីត្បិតតែទំនាក់ទំនងរបស់អ្នកទាំងពីរកាន់តែមានភាពផ្អែមល្ហែម និង ស្រឡាញ់គ្នាប្រៀបដូចស្ករតាំងម៉ែក្តី ប៉ុន្តែអ្វីដែលជាឧបសគ្គស្នេហារបស់ សុភិទិ និងអ្នកមេម៉ាយសាច់ខ្ចីខាងលើនោះ គឺត្រូវបានអ្នកគាំទ្រ រួមទាំងប្រើប្រាស់បណ្តាញសង្គមមួយចំនួន តែងរិះគន់ថា ឡុង ម៉ានីន និង សុភិទិ មិនសក្ដិសមនឹងគ្នានោះឡើយ។ ចំណែកខ្លះទៀតក៏បង្ហាញការពេញចិត្ត និងជំរុញចង់ឱ្យពួកគេក្លាយជាគូស្នេហ៍ច្បាស់លាស់ចូលរោងការជាមួយគ្នាទៀតផងដែរ៕

អត្ថបទ ​៖ ចាន់រ៉ា

The post ថុល សុភិទិ សុខចិត្តលះបង់ឆ្អឹងត្រចៀក ឱ្យទៅគូស្នេហ៍ធ្វើខ្ទង់ច្រមុះថ្មី appeared first on Kampuchea Thmey Daily.

លោក ថុល សុភិទិ បញ្ជាក់​ថា​ កម្មវិធី​សប្បុរសធម៌​នេះ​គឺ​មាន​ការចូលរួម​រវាង​លោក និង Top4 ដើម្បី​ចុះ ជួយ​កុមារា កុមារី​ នៅ​ក្នុង​សហគមន៍​ភ្នំឱរ៉ាល​ដែល​កំពុង​ខ្វះខាត​សម្ភារៈ​សិក្សា​ហើយ​ក្នុង​នោះ​ ពួកគេ​ក៏​បាន​ត្រៀម​អាវ​រងា សម្រាប់​រដូវរងា​ខាង​មុខ​​នេះ ជូន​ពួកក្មេង​ផង​ដែរ​ព្រម​ទាំង​ការ​ធ្វើម្ហូប​​អាហារ​​ជូន​ពួកគាត់​​ថែម​ទៀត ។

សុភិទិ បាន​និយាយ​ថា “ខ្ញុំបាទ ភិទិ នឹង Top4 បាន​រៀប​ចំ​កម្មវិធី​មួយ​ដែល​នៅ​ក្នុង​ជំហ៊ាន​ដំបូង​ពួក​យើង​មាន​គម្រោង​ជួយ​កុមារ​ក្នុង​​សហគមន៍​ប្រមាណ​ជាង ៤០០ ទៅ ៥០០នាក់។ បើ​ពុក ម៉ែ​បង​ប្អូន​មាន​បំណងចូល រួមជាមួយពួក ខ្ញុំ​បានតាមរយៈ​ការផ្តល់​សម្ភារៈ សិក្សាការ​ផ្តល់​អាវរងា​សំរាប់កុមារមានអាយុពី៦ឆ្នាំទៅដល់ ១២ឆ្នាំ ឬ​តាមរយៈ​ថវិការ​​ក៏បាន។

តារា​ចម្រៀង​លោក ថុល សុភិទិ បាន​បញ្ជាក់​បន្ថែម​ថា លោក​សង្ឃឹម​ថា​បង​ប្អូន​នឹង រួម​ចំណែក​ក្តីស្រលាញ់​​មួយ​នេះ​ឲ្យបាន​ទាំង​អស់​គ្នា​។ចំណែក​កម្មវិធី​របស់​យើង​​នឹងធ្វើ​ឡើងនៅថ្ងៃទី១០ ខែតុលា ឆ្នាំ២០២៣ ខាងមុខ នេះ ៕

អត្ថបទ៖ ចាន់រ៉ា

The post ថុល សុភិទិ ប្រកាសកម្មវិធីសប្បុរសធម៌ជួយកុមារ ៥០០ នាក់ ក្នុងសហគមន៍ភ្នំឱរ៉ាល់ appeared first on Kampuchea Thmey Daily.

ចំពោះ​រឿងហេតុ​នេះ​ដូចដែល​ភាគី​មួយ​ចំនួន​បាន​បញ្ជាក់​ហើយ​ថា នេះ​គ្រាន់តែ​សកម្មភាព​សម្ដែង​ដែល​ខាង​អ្នកដឹកនាំ​គេ​តម្រូវ​ឲ្យ​ធ្វើ​បែបនេះ​តែប៉ុណ្ណោះ។ យ៉ាងណាមិញ​ងាក​ទៅ​មើល​តារា​សម្ដែង អ៊ីង អ៊ីង ដែល​ជា​សាមីខ្លួន​ឯណោះ​វិញ បាន​ចេញ​មក​បកស្រាយ​ពន្យល់ ក្រោយ​ផ្ទុះ​វីដេអូ​សម្ដែង​ឱប​ថើប​ជាមួយ សុភិទិ បង្ក​ការ​យល់​ច្រឡំ។

កញ្ញា អ៊ីង អ៊ីង លើក​ឡើង​ជា​ចំណុច​ដូចនេះ​ថា «អ្នក​យល់ គេ​នឹង​យល់ អ្នក​មិន​យល់ នៅតែ​មិន​យល់ ទោះ​និយាយ​ដល់​ស្លាប់​ក៏​គ្មាន​បាន​អ្វី​មកវិញ​ដែរ។ គ្រប់​យ៉ាង​គឺ​ដើម្បី​ការងារ វា​គ្រាន់តែ​ជា​ការ​សម្ដែង​។ បើ​ថតកុន​មិន​មាន scene ស្នេហា scene sweet ថើប​អ្វី​ទេ មិន​បាត់​ថតកុន​តែម្ដង​ទៅ»។

ស្រី​ស្អាត អ៊ីង អ៊ីង បញ្ជាក់​ថា «សំខាន់​នៅតែ​ជា​មនុស្ស​ស្មោះសរ ការ​ស្រលាញ់​គឺ​ការ​ជឿជាក់ បើ​គេ​ចង់​ថើប​គ្នា​ពិត​មែន ឬ ក្បត់​នោះ គេ​មិន​បង្ហាញ​នូវ Video public នោះ​ទេ។ អ្នកណា​យល់​ពី​គ្នា គេ​នឹង​នៅតែ​ស្រលាញ់​រាប់អាន​គ្នា បើ​អ្នក​មិន​យល់ មាន​តែ​បាត់​បែក»។

អ៊ីង អ៊ីង និយាយ​បន្ត​ថា «ខ្ញុំ​ខំ​ធ្វើការ​ថត​ទាំង​គ្មាន​ពេល​គេង​គ្រប់គ្រាន់ ១ ថ្ងៃ គេង​បានតែ ៤ ម៉ោង ព្រោះ​ចង់​បាន​ការងារ​គុណភាព និង​ល្អ សួរ​ថា​ហត់​ទេ គឺ​ហត់​ខ្លាំង​ណាស់ សឹងតែ​គ្មាន​ពេល​គេង ការងារ​មួយៗ​មិន​ស្រួល​ទេ​ណា សូម​គិត​ក្នុង​ផ្លូវ​វិជ្ជមាន គ្រប់យ៉ាង​ជា​សិល្បៈ ជា​ការងារ ជា​ការ​សម្ដែង​ណា។ សូម​អរគុណ​គ្រប់គ្នា អរគុណ​ដល់​អ្នក​ដែល​យល់»៕

អត្ថបទ ៖ ចាន់រ៉ា

The post អ៊ីង អ៊ីង បកស្រាយ ក្រោយផ្ទុះវីដេអូឱបថើបជាមួយ សុភិទិ appeared first on Kampuchea Thmey Daily.

តាមរយៈ​សំណេរ​ដែល​រៀបរាប់​ភ្ជាប់​រូបភាព​ផ្អែមល្ហែម លោក ថុល សុភិទិ បាន​បញ្ជាក់​ឲ្យ​ដឹង​ទាំង​ព្រឹក​ថ្ងៃ​ទី ៣០ ខែ​សីហា នេះ​ថា «បង​ដឹង​ថា អូន​ឈឺ​ហើយ ដោយសារ​បង​សន្យា តែ​ធ្វើ​មិនបាន បង​ធ្វើ​ដោយសារ​តួនាទី លើក​ក្រោយ​បង​សុខចិត្ត​ពិបាក​ខ្លួនឯង បង​មិន​ឲ្យ​អូន​ខូចចិត្ត​លើក​ទី ២ ឡើយ កុំ​គិត​ច្រើន​ណា​មនុស្ស​ល្អ​របស់​បង ក្ដី​ស្រលាញ់​របស់​មនុស្ស​ម្នាក់ៗ មិនមែន​ផ្អែមល្ហែម​រហូត​ទេ វា​តែងតែ​មាន​អាក្រក់ ល្អ ស ខ្មៅ គឺ​ត្រូវតែ​មាន»។

តារា​ចម្រៀង សុភិទិ បាន​និយាយ​ស្នើ​ចិត្ត​អ្នកគាំទ្រ​ដែរ​ថា «កុំ​ធុញ​ពួក​ខ្ញុំ​អ្វី ខ្ញុំ​ដឹង​ថា​មិនមែន​តែ​ពួក​ខ្ញុំ​ទេ​ដែល​ជួប​បញ្ហា​បែបនេះ គ្រាន់តែ​បញ្ហា​វា​កើត​ឡើង​ផ្សេងៗ គ្នា មនុស្ស​ណា​មិន​ចេះ​ខុស មនុស្ស​ណា​ដែល​គ្រប់​ដប់ គ្មាន​ទេ ប៉ុន្តែ​អ្វី​ដែល​សំខាន់​គឺ​ទទួលស្គាល់​កំហុស​ខ្លួនឯង ខ្ញុំ​ដឹង​ខ្ញុំ​អ្នក​ខុស ខ្ញុំ​មិន​គោរព តាម​ការ​សន្យា​របស់​គាត់»។

ថុល សុភិទិ បាន​និយាយ​បន្ថែម​ថា «ទោះ​ជា​យ៉ាងណា មិន​ថោក​អ្វី​ហ្នឹង​លួង​មនុស្ស​ខ្លួនឯង​ស្រលាញ់​ទេ​..​វា​គឺជា​ការ​ផ្ដល់​តម្លៃ​ទៅ​ឲ្យ​គាត់​វិញ​ទេ​…»។ លោក ថុល សុភិទិ បញ្ជាក់​ឲ្យ​ដឹង​តាម​សារ​ដោយ​ខ្លី​ថា លោក​ផុស​ទាំង​ព្រឹក​នេះ​ក្រែងលោ​គូស្នេហ៍​ឃើញ​សំណេរ​លោក​ហើយ​គាត់​ត្រជាក់ចិត្ត​ខ្លះ។

សូម​ជម្រាប​ថា កាលពី​ថ្ងៃ​ម្សិលមិញ​មាន​ការ​បង្ហោះ​ចែករំលែក​វីដេអូ​របស់​តារា​ចម្រៀង​លោក ថុល សុភិទិ ក្នុង​សកម្មភាព​សម្ដែង​ឱប​ថើប​កៀកកើយ​ជាមួយ​នារី​ផ្សេង​យ៉ាង​ផ្អែមល្ហែម ធ្វើ​ឲ្យ​គូស្នេហ៍​អ្នកនាង ឡុង ម៉ានីន កើត​ចិត្ត​ប្រច័ណ្ឌ រហូត​ចេញ​សារ​ជា​បន្តបន្ទាប់ ដោយ​ចង់​ផ្ដាច់​ស្នេហ៍​ជាមួយ​លោក សុភិទិ៕

អត្ថបទ ៖ ចាន់រ៉ា

The post ថុល សុភិទិ សន្យាគ្មានលើកទី ២ ក្រោយធ្វើឲ្យគូស្នេហ៍អន់ចិត្តរឿងឱបថើបស្រីផ្សេង appeared first on Kampuchea Thmey Daily.

ខ្លឹម​សារ​ប្រតិកម្ម​របស់ ថុល សុភិទិ បាន​ចោទ​ជា​សំនួរ​ថា «មេម៉ាយ​មិន​មែន​មនុស្ស? គាត់​មាន​កូន​មួយ​ គាត់មិនមែន​មនុស្ស​ឬ? ឈ្មោះ​ជា​មេម៉ាយ​ខុស​ត្រង់​ណា? គាត់​គ្មាន​សិទ្ធ​ស្រលាញ់​អ្នក​ណា​ទេ​មែន? មួយ​ជីវិត​ខ្ញុំ​នេះ​គិត​ថា​សំណាង​ហើយ​ដែលស្រី​មេម៉ាយ​ដ៏​ពូកែ​ម្នាក់​នេះ ផ្ដល់​ឱកាស​ឱ្យ​ខ្ញុំ​ចូល​ក្នុង​ជីវិត​គាត់ គាត់​ផ្ដល់ក្ដី​សុខ​ឱ្យ​ខ្ញុំ​បាន​ច្រើន​ណាស់ ឱ្យ​ខ្ញុំ​ស្គាល់​គ្រប់​យ៉ាង ​ហើយ​លើក​តម្កើង និង​ឱ្យ​តម្លៃ​ខ្ញុំ​ណាស់»។

តារា​ចម្រៀង​លោក​ ថុល សុភិទិ បញ្ជាក់​ទៀត​ថា​ «សូម​កុំមើល​ងាយ​ស្រី​មេម៉ាយ ហើយ​សូម​ឈប់​ប៉ះ​ពាល់ដោយ​​ប្រើ​សម្ដី​ដែល​មិន​បាន​​គិត​របស់​អ្នក​មក​ថា​ឱ្យ​គាត់​ម្ដង​ទៀត»។

ចំណែក​ឯ​សង្សារ​លោក ថុល សុភិទិ គឺ​ អ្នក​នាង ឡុង ម៉ានីន ឯណោះ​វិញ​ ក៏​បាន​លើក​ឡើង​ថា «គ្រប់​ពេល​ដែល​ជួប​បញ្ហា​អ្វី ខ្ញុំ​តែងតែ​ទទួល​បាន​កម្លាំង​ចិត្ត និង​ការ​ការពារ​ពី​គាត់​គ្រប់​ពេល»​។

ជា​មួយ​គ្នា​នោះ​ ស្រី​ស្អាត ម៉ានីន បាន​ឆ្លើយ​ទៅ​កាន់​សម្ដី​រិះគន់​របស់​បុគ្គល​មួយ​ចំនួន​ដែរ​ថា​ «សង្សារ​គេ​សុទ្ធ​តែ ក្រមុំ តែ​សង្សារ ភិទិ​ មេម៉ាយ​ ហើយ​មាន​កូន​មួយ​ទៀត ។ អរគុណ​សម្រាប់​ការ​រើសអើង​ខ្ញុំ»។

ជា​ការ​កត់សម្គាល់ កន្លង​មក​គេ​ឧស្សាហ៍​ឃើញ​អ្នក​លក់​អនឡាញ និង​មាន​ឈ្មោះ​ជា​អ្នក​មេម៉ាយ​កូន​១​ រូប​ស្រស់ ឡុ​ង ម៉ា​នីន តែងតែ​បង្ហាញ​ភាព​ស្និទ្ធស្នាល​ និង​ផ្អែមល្ហែម​ជា​មួយ​តារា​ចម្រៀង ថុល សុភិទិ​​ តាម​រយៈ​ការ​បង្ហោះ​រូបភាព និង​វីដេអូ​ជា​បន្តបន្ទាប់​​នៅលើបណ្ដាញ​សង្គមនានា ​ធ្វើឲ្យអ្នកគាំទ្រចាប់អារម្មណ៍គ្រប់គ្នា។

កន្លង​មក​ថ្វីត្បិត​តែ​ទំនាក់ទំនង​របស់​អ្នក​ទាំង​ពីរ​កាន់តែ​មាន​ភាព​ផ្អែមល្ហែម​ និង​ស្រលាញ់​គ្នា​ ប៉ុន្តែ​អ្វី​ដែល​ជា​​ឧបសគ្គ​ស្នេហា​របស់ សុភិទិ និង​អ្នក​មេម៉ាយ​​សាច់ខ្ចី​​ខាង​លើ​​នោះ គឺត្រូវ​បានអ្នកគាំទ្រ​ រួម​​ទាំង​អ្នក​ប្រើប្រាស់បណ្តាញ​សង្គម​មួយ​ចំនួន​តែងរិះគន់ថា ​ឡុ​ង ម៉ា​នី​ន និង សុភិទិ មិន​សក្ដិសម​នឹង​គ្នា​នោះ​ឡើយ។ ឯ​ខ្លះទៀត​ក៏​បាន​​បង្ហាញ​ការ​ពេញ​ចិត្ត​ និង​ជំរុញ​ចង់​ឲ្យ​ពួកគេ​ក្លាយ​ជាគូស្នេហ៍​ច្បាស់​លាស់ចូលរោងការជាមួយគ្នាទៀតផង៕

អត្ថបទ ៖ ចាន់រ៉ា

The post ថុល សុភិទិ ក្តៅស្លឹកត្រចៀកឆ្លើយតបភ្លាមៗ ក្រោយមានអ្នករើសអើងសង្សារឈ្មោះជាមេម៉ាយកូនមួយ appeared first on Kampuchea Thmey Daily.

គេ​នៅ​ចាំ​បាន​ថា កន្លង​មក​អ្នកលក់​អន​ឡាញ និង​មាន​ឈ្មោះ​ជា​អ្នក​មេម៉ាយ​កូន ១ រូប​ស្រស់ ឡុង ម៉ានីន តែង​បង្ហាញ​ភាព​ស្និទ្ធស្នាល​ផ្អែមល្ហែម​ជាមួយ​តារា​ចម្រៀង ថុល សុភិទិ តាមរយៈ​ការ​បង្ហោះ​រូបភាព និង​វីដេអូ​ជា​បន្តបន្ទាប់​នៅ​លើ​បណ្ដាញ​សង្គម​នានា ធ្វើ​ឲ្យ​អ្នកគាំទ្រ​ចាប់​អារម្មណ៍​គ្រប់គ្នា។

ថ្វីត្បិតតែ​ទំនាក់ទំនង​របស់​អ្នក​ទាំងពីរ​ហាក់​មាន​ភាព​ផ្អែមល្ហែម និង​ស្រលាញ់​គ្នា​ប្រៀប​ដូច​ស្ករតាំងម៉ែ​ក្ដី ប៉ុន្តែ​អ្វី​ដែល​ជា​ឧបសគ្គ​ស្នេហា​របស់ សុភិទិ និង​អ្នក​មេម៉ាយ​សាច់​ខ្ចី​ខាងលើ​នោះ ត្រូវ​បាន​អ្នក​គាំទ្រ រួម​ទាំង​អ្នក​ប្រើប្រាស់​បណ្ដាញ​សង្គម​មួយ​ចំនួន ផ្ទុះ​ការ​រិះគន់​ដោយ​មិន​សំចៃ​មាត់។ ក្នុង​នោះ មាន​មតិ​ខ្លះ​ថា ឡុង ម៉ានីន និង​តារា​ចម្រៀង ថុល សុភិទិ មិន​សក្ដិសម​នឹង​គ្នា​នោះ​ឡើយ។ ឯ​ខ្លះ​ទៀត​ក៏​បង្ហាញ​ការ​ពេញចិត្ត និង​ចង់​ឲ្យ​ពួក​គេ​ក្លាយ​ជា​គូស្នេហ៍​ច្បាស់លាស់​ជាមួយគ្នា​ទៀត​ផង។ ក្រោយ​មក មិន​យូរ​ប៉ុន្មាន អ្នក​មេម៉ាយ​កូន ១ ឡុង ម៉ានីន ក៏បាន​ប្រកាស​ចែក​ផ្លូវ​គ្នា​ជាមួយ ថុល សុភិទិ ផង​ដែរ។

យ៉ាងណាមិញ ក្រោយ​រង​ព្យុះ​ភ្លៀង​ក្នុង​រឿង​ស្នេហា ទីបំផុត ថុល សុភិទិ និង​ស្រី​ស្អាត ឡុង ម៉ានីន បាន​ជម្នះ​វិល​មក​ស្រលាញ់​គ្នា​ម្ដង​ទៀត ថែមទាំង​ផ្អែមល្ហែម​លើស​ដើម និង​បើកចំហ​គ្រប់​ពេល ដោយ​មិន​លាក់បាំង​ដូច​តារា​មួយ​ចំនួន​តូច​ឡើយ។

ស្នេហា​ក៏​សម​ប្រកប ងាក​មក​អាជីព​សិល្បៈ​វិញ បើ​និយាយ​ពី​ទីផ្សារ​ចម្រៀង និង​សន្ទុះ នៃ​ការ​គាំទ្រ​លើ​តារា​ចម្រៀង​ជំនាន់​ថ្មី​ដែល​ទើប​ដុះ​ពន្លក​ពី​ការ​ប្រឡង ថុល សុភិទិ ក៏​កាន់តែ​វិវឌ្ឍ​ខ្លួន​ខ្លាំង ខណៈ​ប្រជាប្រិយភាព និង​ការ​គាំទ្រ ហាក់​មាន​ភាព​ទាក់ទាញ។

តួយ៉ាង​ថ្មីៗ​នេះ ម្ចាស់​បទ«មួយ​ឆាវ» ថុល សុភិទិ បាន​បង្ហាញ​អារម្មណ៍​រំភើប សប្បាយចិត្ត អរគុណ​ទៅ​ដល់​លោកគ្រូ​ភ្លេង និង មហាជន ដែល​ធ្វើ​ឲ្យ​បទចម្រៀង​របស់​លោក​មួយ​រយៈ​ចុង​ក្រោយ​នេះ​មាន​អ្នក​ចូល​ទស្សនា​រហូត​រាប់​លាន​ដង។

តារា​ចម្រៀង​វ័យក្មេង ថុល សុភិទិ បាន​លើក​ឡើង​ដោយ​ក្ដី​រំភើប​ថា «ខ្ញុំ​ពិត​ជា​សប្បាយ​ចិត្ត និង​អរគុណ​ទៅ​ដល់​ពុក​ម៉ែ​បងប្អូន ខ្លាំង​មែន មួយ​រយៈ​ចុង​ក្រោយ​នេះ ទាំង​បទ​ចាស់ បទ​ថ្មី ទទួល​បាន​ការ​គាំទ្រ​ពី ពុក​ម៉ែ​បងប្អូន លើស​ពី​ការ​រំពឹង​ទុក»។

បទចម្រៀង​ផ្ទុះ​ខ្លាំង​ចុងក្រោយ​របស់​តារា​ចម្រៀង ថុល សុភិទិ រួមមាន ៖

១.មួយ​ឆាវ (13M)

២.ពេលនេះ ឆ្នាំមុន (6.1M)

៣.ស្រលាញ់​រក​តែ​ប្រុស​បោក (3.9M)

៤.ស្មោះ​ទ្រង់ទ្រាយ​ធំ (3.8M)

៥.ឆ្លង​ឆ្នាំ​យប់​នេះ ខ្ញុំ​ខូចចិត្ត​បំផុត (3.8M)

៦.One night (621k)

៧.ឆ្នាំនេះ ខ្ញុំ​មាន​សង្សារ​ដូច​គេ​ហើយ (570k)។

ចំណែក​បទ​ចុង​ក្រោយ (អ្នក​ក្រោយ) ទទួល​បាន 1M view រយៈពេល ៤ ថ្ងៃ។

តារា​ចម្រៀង​ប្រុស​របស់​ផលិតកម្ម​ហង្ស​មាស ដែល​កើត​ចេញ​ពី​ការ​ប្រលង​កម្មវិធី​លំដាប់​ថ្នាក់​ពិភពលោក Cambodian Idol រដូវ​កាល​ទី ៤ ថុល សុភិទិ ក៏បាន​បង្ហើប​ថា នឹង​មាន​បទចម្រៀង​ថ្មី ជូន​ជា​កាដូរ​សម្រាប់​អ្នកគាំទ្រ ក្នុង​ពេល​ឆាប់ៗ​នេះ​ផង​ដែរ៕

អត្ថបទ ៖ ពិសី

The post ថុល សុភិទិ ស្នេហា និងអាជីពសិល្បៈ ហាក់មានយីអ៊ុនឡើងខ្ពស់ appeared first on Kampuchea Thmey Daily.

បន្ទាប់ពី​អ្នកនាង ឡុង ម៉ា​នី​ន បាន​លេប​ថ្នាំ​ចង់​សម្លាប់​ខ្លួន ភ្លាមៗ​នោះ តារា​ចម្រៀង​ប្រុស​ទើប​ល្បី​ឈ្មោះ គឺ លោក ថុល សុ​ភិ​ទិ ក៏បាន​លើក​ដៃ​បន់ស្រន់​ព្រះ​សុំ​ឲ្យ​ជួយ​ថែរក្សា​គូស្នេហ៍​សំណព្វចិត្ត​របស់​លោក​ផង​ដែរ អំឡុង​ពេល​នាង​កំពុង​សម្រាក​ព្យាបាល​នៅ​ក្នុង​មន្ទីរពេទ្យ។ ប៉ុន្តែ​ក្រោយ​ទទួល​បាន​ការ​ព្យាបាល ពេល​នេះ អ្នកនាង ឡុង ម៉ា​នី​ន បាន​ចេញពី​មន្ទីរពេទ្យ​ត្រឡប់​ទៅ​ផ្ទះ​វិញ​ហើយ។

អ្នក​មេម៉ាយ​រូប​ស្រស់​កូន ១ ឡុង ម៉ា​នី​ន បាន​បញ្ជាក់​ប្រាប់​ពី​មូលហេតុ​ដែល​នាំ​ឲ្យ​នាង​លេប​ថ្នាំ​ប៉ុនប៉ង​សម្លាប់​ខ្លួនឯង​ថា មូលហេតុ​ដែល​ខ្ញុំ​លេប​ថ្នាំ ព្រោះ​ហត់​ពេក ហើយ​គិត​ខុស​មួយ​គ្រា​ហ្នឹង អត់​បាន​សម្ដែង​ទេ ដូច​មតិ​មួយ​ចំនួន​លើក​ឡើង​ទេ បើ​មិន​ជឿ​ហ៊ាន​ស្បថ។

សង្សារ​តារា​ប្រុស​លោក ថុល សុ​ភិ​ទិ បាន​ថ្លែង​ប្រាប់​ទៀត​ថា “​ខ្ញុំ​ហត់ ព្រោះ​ហត់​នឹង​រឿង​គ្រួសារ​ដែល​ពួកគាត់​មិន​យល់ចិត្ត​ខ្ញុំ ដល់​គាត់​ឃើញ​យើង​រឹងមាំ​ពេក បែរជា​មិន​ទទួល​បាន​លើកទឹកចិត្ត ហើយ​ថែម​ទាំង​បង្កើត​តែ​បញ្ហា​ឲ្យ​យើង​ទៀត​”។

អ្នកនាង ឡុង ម៉ា​នី​ន បន្ត​ថា នាង​ពិតជា​ហត់​ចិត្ត​ខ្លាំង​ជាមួយ​បញ្ហា​ចាក់ស្រេះ​នៅ​ក្នុង​គ្រួសារ ទើប​បាន​ជា​ចង់​បញ្ចប់​ជីវិត​ដោយ​ការ​លេប​ថ្នាំ​ជាច្រើន​គ្រាប់។

នាង​បន្ថែម​ថា ខ្លួន​បាន​ធ្វើ​អស់ហើយ​ដើម្បី​ជួយ​ជ្រោមជ្រែង​ជីវភាព​គ្រួសារ​ឲ្យ​មាន​ភាព​ធូរធារ​ដូច​គេ​ដូច​ឯង ទាំង​ការ​សង់​ផ្ទះ​នៅ​ខេត្ត និង​នៅ​ភ្នំពេញ ដោយ​ក្នុង​នោះ​ទាំង​រថយន្ត​ទៀត​ផង ប៉ុន្តែ​អ្វី​ដែល​ទទួល​បាន​មកវិញ គឺ​ខ្វះ​ការ​ផ្ដល់​ភាព​កក់ក្ដៅ និង​លើក​ទឹកចិត្ត​ចំពោះ​រូប​នាង​តែម្ដង៕

អត្ថបទ ៖ ចាន់រ៉ា

The post សង្សារ ថុល សុភិទិ បញ្ជាក់មូលហេតុចង់បញ្ចប់ជីវិតដោយការលេបថ្នាំ appeared first on Kampuchea Thmey Daily.