ជីវិតកម្សាន្ដ

ថុល សុភិទិ ក្តៅស្លឹកត្រចៀកឆ្លើយតបភ្លាមៗ ក្រោយមានអ្នករើសអើងសង្សារឈ្មោះជាមេម៉ាយកូនមួយ

បានផុស

៣ years មុន

នៅ

ថ្ងៃអង្គារ ១៨ កក្កដា ២០២៣

ដោយ

តារាចម្រៀងវ័យក្មេងលោក ថុល សុភិទិ បានបញ្ចេញប្រតិកម្មដោយសម្ដែងការហួសចិត្តខ្លាំងបន្ទាប់ពីមានការរិះគន់រើសអើងមកលើគូស្នេហ៍របស់ខ្លួន គឺ អ្នកនាង ម៉ានីន ដែលមានឈ្មោះជាមេម៉ាយកូនមួយ។ ទង្វើរនេះត្រូវបាន សុភិទិ ចាត់ទុកថាជាការមើលងាយយ៉ាងធ្ងន់ធ្ងរលើស្រ្តីមេម៉ាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្លឹមសារប្រតិកម្មរបស់ ថុល សុភិទិ បានចោទជាសំនួរថា «មេម៉ាយមិនមែនមនុស្ស? គាត់មានកូនមួយ គាត់មិនមែនមនុស្សឬ? ឈ្មោះជាមេម៉ាយខុសត្រង់ណា? គាត់គ្មានសិទ្ធស្រលាញ់អ្នកណាទេមែន? មួយជីវិតខ្ញុំនេះគិតថាសំណាងហើយដែលស្រីមេម៉ាយដ៏ពូកែម្នាក់នេះ ផ្ដល់ឱកាសឱ្យខ្ញុំចូលក្នុងជីវិតគាត់ គាត់ផ្ដល់ក្ដីសុខឱ្យខ្ញុំបានច្រើនណាស់ ឱ្យខ្ញុំស្គាល់គ្រប់យ៉ាង ហើយលើកតម្កើង និងឱ្យតម្លៃខ្ញុំណាស់»។

តារាចម្រៀងលោក ថុល សុភិទិ បញ្ជាក់ទៀតថា «សូមកុំមើលងាយស្រីមេម៉ាយ ហើយសូមឈប់ប៉ះពាល់ដោយប្រើសម្ដីដែលមិនបានគិតរបស់អ្នកមកថាឱ្យគាត់ម្ដងទៀត»។

ចំណែកឯសង្សារលោក ថុល សុភិទិ គឺ អ្នកនាង ឡុង ម៉ានីន ឯណោះវិញ ក៏បានលើកឡើងថា «គ្រប់ពេលដែលជួបបញ្ហាអ្វី ខ្ញុំតែងតែទទួលបានកម្លាំងចិត្ត និងការការពារពីគាត់គ្រប់ពេល»។

ជាមួយគ្នានោះ ស្រីស្អាត ម៉ានីន បានឆ្លើយទៅកាន់សម្ដីរិះគន់របស់បុគ្គលមួយចំនួនដែរថា «សង្សារគេសុទ្ធតែ ក្រមុំ តែសង្សារ ភិទិ មេម៉ាយ ហើយមានកូនមួយទៀត ។ អរគុណសម្រាប់ការរើសអើងខ្ញុំ»។

ជាការកត់សម្គាល់ កន្លងមកគេឧស្សាហ៍ឃើញអ្នកលក់អនឡាញ និងមានឈ្មោះជាអ្នកមេម៉ាយកូន១ រូបស្រស់ ឡុង ម៉ានីន តែងតែបង្ហាញភាពស្និទ្ធស្នាល និងផ្អែមល្ហែមជាមួយតារាចម្រៀង ថុល សុភិទិ តាមរយៈការបង្ហោះរូបភាព និងវីដេអូជាបន្តបន្ទាប់នៅលើបណ្ដាញសង្គមនានា ធ្វើឲ្យអ្នកគាំទ្រចាប់អារម្មណ៍គ្រប់គ្នា។

កន្លងមកថ្វីត្បិតតែទំនាក់ទំនងរបស់អ្នកទាំងពីរកាន់តែមានភាពផ្អែមល្ហែម និងស្រលាញ់គ្នា ប៉ុន្តែអ្វីដែលជាឧបសគ្គស្នេហារបស់ សុភិទិ និងអ្នកមេម៉ាយសាច់ខ្ចីខាងលើនោះ គឺត្រូវបានអ្នកគាំទ្រ រួមទាំងអ្នកប្រើប្រាស់បណ្តាញសង្គមមួយចំនួនតែងរិះគន់ថា ឡុង ម៉ានីន និង សុភិទិ មិនសក្ដិសមនឹងគ្នានោះឡើយ។ ឯខ្លះទៀតក៏បានបង្ហាញការពេញចិត្ត និងជំរុញចង់ឲ្យពួកគេក្លាយជាគូស្នេហ៍ច្បាស់លាស់ចូលរោងការជាមួយគ្នាទៀតផង៕

អត្ថបទ ៖ ចាន់រ៉ា