ចាប់តាំងពីប្រកាសរកឃើញជំងឹអុតស្វាលើកដំបូងមកទល់នឹងពេលនេះ មនុស្សជាង ៣ពាន់នាក់ នៅចក្រភពអង់គ្លេសបានឆ្លងជំងឺអុតស្វា ខណៈមន្ត្រីសុខាភិបាលព្រមានថា ករណីនេះនឹងកើនឡើងជាច្រើនទៀតនាពេលខាងមុខ។

ជាធម្មតា បន្ទាប់ពីឆ្លងអុតស្វា អ្នកជំងឺនឹងប្រសើរឡើងដោយខ្លួនឯង ដោយពុំមានឱសថជាក់លាក់សម្រាប់ព្យាបាលឡើយ ប៉ុន្តែការជាសះស្បើយអាចចំណាយពេលច្រើនសប្តាហ៍ ហើយអាចមានផលវិបាកធ្ងន់ធ្ងរ។

ដូច្នេះហើយទើបបានជាអ្នកជំនាញសុខភាពនានាព្យាយាមស្វែងរកឱសថដើម្បីជួយសម្រួលដល់ការព្យាបាល។​ ជាក់ស្ដែង កាលពីពេលថ្មីៗនេះ សាស្ត្រាចារ្យ Sir Peter Horby ដែលជាអ្នកស្រាវជ្រាវសាកល្បងជាន់ខ្ពស់ នៅឯសាកលវិទ្យាល័យ Oxford បង្ហើបឱ្យដឹងថា ក្រុមរបស់លោកកំពុងធ្វើតេស្តសាកល្បងឱសថ ដើម្បីជួយឱ្យការព្យាបាលជំងឺអុតស្វាមានភាពប្រសើរឡើងឆាប់រហ័ស និងជាដាច់ស្រឡះផងដែរ។

អ្នកជំងឺប្រហែល ៥០០នាក់នឹងចូលរួមក្នុងការសាកល្បងនេះ ​ដោយពួកគេត្រូវបែងចែកជាពីរក្រុម។ អ្នកស្រាវជ្រាវសង្ឃឹមថានឹងមានលទ្ធផលល្អចំពោះការសាកល្បង ក្នុងរយៈពេលប៉ុន្មានខែដែលបានកំណត់៕

ប្រែសម្រួល៖ សន្យា

ប្រភព៖ BBC

ចុចអាន៖ WHO ស្នើសាធារណជន ជួយរកឈ្មោះថ្មី ដាក់ឲ្យជំងឺអុតស្វា

The post ថ្នាំគ្រាប់ប្រឆាំងមេរោគជំងឺអុតស្វា ដាក់ឱ្យធ្វើតេស្តសាកល្បងហើយ appeared first on Kampuchea Thmey Daily.

ទាក់​ទង​នឹង​បញ្ហា​នេះ លោក​ស្រី​វេជ្ជបណ្ឌិត កុសល កណិការ ឯកទេស​ជំងឺ​កុមារ សញ្ញា​ប័ត្រ​ពី​ប្រទេស​បារាំង​បាន​ពន្យល់​​ថា រវាង​ប្រភេទ​ថ្នាំ​ទាំង​២​នេះ មិន​មាន​មួយ​ណា​ល្អ​ជាង​មួយ​ណា​ទេ ព្រោះ​ពាក្យ​ថា​ថ្នាំ​គឺ​សុទ្ធ​តែ​ជា​អាវុធ​មុខ ២ ទាំង​អស់។ អ្វី​ដែល​សំខាន់​នោះ គឺ​ពេល​ក្មេង​ឈឺ យើង​ប្រើ​ថ្នាំ​ឲ្យ​ត្រូវ​តាម​កម្រិត​ថ្នាំ​ និង​តាម​វេជ្ជបញ្ជា នោះ​នឹង​មិន​មាន​​បញ្ហា​អ្វីកើត​ឡើង​ទេ។

លោក​ស្រី​បន្ត​ថា បញ្ហា​មិន​ស្ថិត​នៅ​លើ​ថ្នាំ​គ្រាប់​ទេ តែ​ស្ថិត​លើ​កម្រិត​ប្រើ​លើស​តម្រូវ​ការ​រាងកាយ​ក្មេង ហើយ​ប្រភេទ​ថ្នាំ​គ្រាប់​ពិបាក​បែង​ចែក​កម្រិត​ប្រើ​សម្រាប់​ក្មេង​តូច​ណាស់​ដោយសារ​​មាន​បរិមាណ​ថ្នាំ​ខ្ពស់ ខុស​ពី​សេរ៉ូម​ដែល​មាន​កម្រិត​ថ្នាំ​ទាប ងាយ​ស្រួល​បែង​ចែក​ទៅ​តាម​គីឡូ​របស់​ក្មេង។

ឧទាហរណ៍​ថា ប៉ារ៉ាសេតាម៉ុល ១គ្រាប់ ៥០០មិល្លីក្រាម តែ​ក្មេង​ទម្ងន់ ៨គីឡូ​ត្រូវ​ប្រើ​ថ្នាំ​តែ ១២០មិល្លីក្រាម​ប៉ុណ្ណោះ។ ដូច​នេះ ក្មេង​នោះ​អាច​ប្រើ​ថ្នាំ​ប៉ារ៉ា​គ្រាប់ ៥០០មីលីក្រាម​បាន​ដោយ​យក​ទៅ​ចែក​ជា ៤​ភាគ​ហើយ​យក ១ភាគ​មក​លេប។ ចំពោះ​ថ្នាំ​ប៉ារ៉ា​គេ​ប្រើ​រាល់ ៥-៦​ម៉ោង​ម្ដង (មិន​ឲ្យ​លើស​៥ដង/ថ្ងៃ)។

និយាយ​ទៅ ថ្នាំ​ប្រភេទ​ណា​ក៏​ដោយ សុទ្ធ​តែ​អាច​ព្យាបាល​ជំងឺ​យើង ហើយ​ក៏​អាច​បង្ក​គ្រោះ​ថ្នាក់​ដល់​យើង​ដែរ ប្រសិន​បើ​​ប្រើ​ប្រាស់​ដោយ​គ្មាន​វេជ្ជបញ្ជា ឬ​ខុស​ការ​ណែនាំ​របស់​អ្នក​ជំនាញ៕

អត្ថបទផ្ដល់ដោយ៖ Hello Krupet

ចុចអាន៖ចំណុច ៤ យ៉ាង ម៉ាក់ប៉ាគួរពិនិត្យមើលឡើងវិញ បើកូនងាកឈឺៗ

ចុចអាន៖កូនហើមពោះ ពិបាកក្នុងខ្លួន យំរករឿងមិនឈប់ ត្រូវជួយបែបណា?

The post ពេលកូនឈឺ ថ្នាំគ្រាប់ និងថ្នាំប្រភេទទឹកសេរ៉ូម មួយណាល្អជាង? appeared first on Kampuchea Thmey Daily.

ក្រុមហ៊ុនបាននិយាយនៅក្នុងសេចក្តីថ្លែងការណ៍មួយថា ការសាកល្បងព្យាបាលថ្នាំកូវីដប្រភេទ AZD7442 បានបង្ហាញពីប្រសិទ្ធភាពដ៏ខ្លាំងក្លានៃកម្រិតថ្នាំ Intramuscular (IM) ក្នុងរយៈពេល ៦ ខែ” ។

ក្រុមហ៊ុនបានបន្ថែមថា កម្រិតថ្នាំ IM ចំនួន ៣០០ មីលីក្រាមបានកាត់បន្ថយហានិភ័យនៃការវិវត្តទៅជារោគសញ្ញាកូវីដ បើប្រៀបធៀបទៅនឹងថ្នាំ placebo ដល់ទៅ ៨៣ ភាគរយ ។

ទន្ទឹមនោះ ការសាកល្បងមួយផ្សេងទៀតអំពីប្រសិទ្ធភាពរបស់ថ្នាំនេះ ក្នុងការព្យាបាលអ្នកដែលមានរោគសញ្ញាកូវីដ “ស្រាលទៅមធ្យម” រួចហើយបានបង្ហាញថា កម្រិតថ្នាំ IM ចំនួន ៦០០ មីលីក្រាមបានកាត់បន្ថយហានិភ័យនៃការវិវត្តទៅជាជំងឺធ្ងន់ធ្ងរ ឬស្លាប់បាន ៨៨ ភាគរយ ។

ស្របពេលជាមួយគ្នានេះ លោក Hugh Montgomery សាស្ត្រាចារ្យផ្នែកបន្ទប់សង្គ្រោះបន្ទាន់ (ICU) នៅសាកលវិទ្យាល័យ University College London បាននិយាយថា “លទ្ធផលគួរឲ្យអស្ចារ្យទាំងនេះផ្តល់ឲ្យខ្ញុំនូវទំនុកចិត្តថា ការរួមបញ្ចូលគ្នានៃថ្នាំអង់ទីគ័រនេះ អាចផ្តល់ឲ្យអ្នកជំងឺដែលងាយរងគ្រោះនូវការការពារយូរអង្វែង ជាពិសេសអាចធ្វើឲ្យជីវិតប្រចាំថ្ងៃរបស់ពួកគេត្រលប់ទៅដូចដើមវិញ” ។

គួរបញ្ជាក់ថា បច្ចុប្បន្នក្រុមហ៊ុន AstraZeneca ក៏កំពុងបញ្ជូនពាក្យសុំទៅនិយតករសហរដ្ឋអាមេរិករួចហើយផងដែរសម្រាប់ការអនុម័តថ្នាំព្យាបាលកូវីដមួយនេះ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ ពិតជាអស្ចារ្យ រកឃើញអ្នកទី ២ ជាសះស្បើយពី ជំងឺអេដស៍ ដោយខ្លួនឯង

The post ថ្នាំគ្រាប់របស់ក្រុមហ៊ុន AstraZeneca ក៏មានប្រសិទ្ធភាពការពារការស្លាប់ពី កូវីដ ជិត ៩០ ភាគរយដែរ (មានវីដេអូ) appeared first on Kampuchea Thmey Daily.

លោក Bourla បាននិយាយថា ក្រុមហ៊ុន Pfizer ក៏នឹងកំណត់តម្លៃថ្នាំគ្រាប់របស់ខ្លួនសម្រាប់ការព្យាបាល ដែលតម្លៃរបស់វាអាចនឹងប្រហាក់ប្រហែលថ្នាំ Molnupiravir របស់ក្រុមហ៊ុនដៃគូប្រជែង Merck & Co Inc ។

វាកើតឡើង បន្ទាប់ពីថ្នាំគ្រាប់កូវីដរបស់ក្រុមហ៊ុន Pfizer បង្ហាញថា នឹងកាត់បន្ថយហានិភ័យនៃការសម្រាកព្យាបាលនៅមន្ទីរពេទ្យ ឬការស្លាប់ដល់ទៅ ៨៩ ភាគរយ ចំពោះអ្នកជំងឺដែលមានហានិភ័យខ្ពស់នៃការវិវត្តទៅជាជំងឺធ្ងន់ធ្ងរ ៕

ប្រែសម្រួលដោយ ៖ ជីវ័ន្ត

ប្រភព ៖ Tuoi Tre

ចុចអាន ៖ ដំណឹងល្អមួយទៀតសម្រាប់ពិភពលោក ថ្នាំកូវីដរបស់ក្រុមហ៊ុន Pfizer កាត់បន្ថយការចូលមន្ទីរពេទ្យ និងស្លាប់ជិត ៩០ ភាគរយ

The post ប្រកាសប្រសិទ្ធភាពមិនបានប៉ុន្មានផង ប្រទេសចំនួន ៩០ ចរចារទិញថ្នាំកូវីដ របស់ក្រុមហ៊ុន Pfizer ភ្លាម appeared first on Kampuchea Thmey Daily.

ថ្នាំ​លេបព្យាបាល​​ Molnupiravir ត្រូវ​បានផលិត​ជា​មួយក្រុម​ហ៊ុន​ Ridgeback Biotherapeutics នៅ​ម៉ៃអាមី សហរដ្ឋ​អាមេរិក​។ ប្រសិន​បើ​​ទទួល​បាន​ការ​អនុញ្ញាតប្រើ​ប្រាស់​បន្ទាន់​ នោះ​វា​នឹង​ក្លាយ​ជា​ថ្នាំ​លេប​លើក​ដំបូង​​បង្អស់​ប្រឆាំង​នឹង​វីរុស​កូវីដ។

ទិន្នន័យ​ពី​ការ​ធ្វើ​តេស្ត​កាល​ពី​សប្តាហ៍​មុន​បង្ហាញ​ថា ថ្នាំ Molnupiravir អាច​កាត់​បន្ថយ​ឱកាស​នៃការ​​ស្លាប់ ឬ​ចូល​​​មន្ទីរ​ពេទ្យ​សម្រាប់​អ្នក​ដែល​មាន​ហានិភ័យ​ខ្ពស់​បំផុត​ដែល​បាន​ឆ្លង​ជំងឺ​កូវីដ-១៩។

ថ្នាំគ្រាប់​​ Molnupiravir នេះ​​​អាច​ប្រើ​​នៅ​ផ្ទះ​ដែល​ត្រូវ​លេប​៤​គ្រាប់​​​ពោល​គឺ​ពីរដង​ក្នុង​មួយ​ថ្ងៃ ហើយ​លេប​រយៈ​ពេល​៥​ថ្ងៃ​សរុប​៤០​គ្រាប់។

Merck បាន​និយាយ​ថា ខ្លួន​បាន​កំពុង​ស្វែង​ការ​អនុញ្ញាត​ប្រើ​ប្រាស់​ថ្នាំ​គ្រាប់​នេះ​ជា​បន្ទាន់​ដែល​នឹង​ផ្តល់​ដល់​មនុស្ស​ធំ​ដែល​មាន​ហានិភ័យ​ខ្ពស់​ដែល​ការ​សាក​ល្បង​ត្រូវ​បាន​ធ្វើ​ភាគ​ច្រើន​បំផុត​លើ​មនុស្ស​អាយុ​៦០​ឆ្នាំ និង​ក្មេង​ជាង​នេះ​​ដែល​មាន​ជំងឺ​ធាត់​ ជំងឺទឹកនោមផ្អែម ឬ​ជំងឺ​បេះដូង។

ក្រុម​ហ៊ុន Merck ត្រូវ​បាន​គេ​រំពឹង​ថា នឹង​ផលិត​ថ្នាំ​របស់​ខ្លួន​ឲ្យ​បាន​​គ្រប់​គ្រាន់​សម្រាប់​មនុស្ស​១០​លាន​នាក់​នា​បំណាច់​ថ្នាំ​នេះ។ រដ្ឋាភិបាល​បាន​ប្រញាប់​បិទ​ការ​ផ្គត់ផ្គង់ ចាប់​តាំង​ពីលទ្ធផល​សាក​ល្បងល្អ​ខ្លាំង​​ដែល​ត្រូវ​បាន​បញ្ចេញ​នៅ​ខែ​នេះ ហើយ​ប្រទេស​អូស្ត្រាលី ម៉ាឡេស៊ី សិង្ហបុរី និង​កូរ៉េ​ខាង​ត្បូង​ជា​ដើម្បី​បាន​ចុះ​កិច្ច​ព្រម​ព្រៀង​ទិញ​រួច​ទៅ​ហើយ។

វា​មិន​ច្បាស់​ទេ​ថាតើ ថ្នាំ​គ្រាប់​នេះ​ត្រូវ​បាន​ប្រើ​​សម្រាប់​មនុស្ស​ដែល​បាន​ចាក់​វ៉ាក់សាំង​រួច​ហើយ​ឬ​យ៉ាង​ណា​ទេ៕

ប្រែ​សម្រួល៖ វីរបុត្រ
ប្រភព៖ reuters

The post Merck​ បាន​ស្នើ​សុំ​ FDA​ ដើម្បី​អនុញ្ញាត​ប្រើ​ថ្នាំ​គ្រាប់ព្យាបាល​កូវីដ​បន្ទាន់​ហើយ appeared first on Kampuchea Thmey Daily.

រដ្ឋមន្រ្តីក្រសួងសុខាភិបាលម៉ាឡេស៊ីលោក Khairy Jamaluddin បាននិយាយថា រដ្ឋាភិបាលបានចុះហត្ថលេខាលើលិខិតស្តីពីការទិញថ្នាំលេបតាមមាត់ Molnupiravir នៅថ្ងៃព្រហស្បតិ៍នេះ ។

លោក Khairy បាននិយាយនៅក្នុងសេចក្តីថ្លែងការណ៍មួយថា “ការសម្រេចចិត្តនេះត្រូវបានធ្វើឡើង ដើម្បីបន្ថែមការព្យាបាលប្រកបដោយភាពច្នៃប្រឌិតថ្មី ជាអាវុធថ្មីដើម្បីប្រយុទ្ធប្រឆាំងនឹងជំងឺកូវីដ ១៩ ក្រៅពីការចាក់វ៉ាក់សាំង និងវិធានការសុខភាពសាធារណៈដទៃទៀត” ។

ទិន្នន័យពីការសាកល្បងព្យាបាលបានបង្ហាញថា ថ្នាំលេបតាមមាត់ Molnupiravir បានបង្ហាញពីប្រសិទ្ធភាពកាត់បន្ថយហានិភ័យនៃការចូលសម្រាកព្យាបាលនៅមន្ទីរពេទ្យ និងការស្លាប់ដោយសារជំងឺកូវីដ ១៩ បាន ៥០ ភាគរយ នៅក្នុងការសាកល្បងព្យាបាលដំណាក់កាលចុងក្រោយ ។

ទិន្នន័យនេះបានបង្កឲ្យមានតម្រូវការថ្នាំនេះយ៉ាងច្រើននៅអាស៊ី ដោយកូរ៉េខាងត្បូង សិង្ហបុរី និងអូស្ត្រាលីបានប្រកាសពីកិច្ចព្រមព្រៀងស្រដៀងគ្នានដើម្បីទិញថ្នាំគ្រាប់នៅសប្តាហ៍នេះ ខណៈតៃវ៉ាន់ និងថៃក៏កំពុងពិភាក្សាជាមួយក្រុមហ៊ុន Merck ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ជប៉ុន អាចជាប្រទេសអាស៊ីដំបូងគេ ប្រើថ្នាំគ្រាប់កម្ចាត់កូវីដនៅចុងឆ្នាំនេះ

The post ម៉ាឡេស៊ី ទិញថ្នាំព្យាបាលកូវីដ Molnupiravir រាប់ម៉ឺនគ្រាប់ appeared first on Kampuchea Thmey Daily.

លោក Kyle Tattle ប្រធានក្រុមហ៊ុន MSD ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន Merck និងនាយកតំណាងក្រុមហ៊ុន MSD លោក Shirasawa Hiromichi បាននិយាយប្រាប់ទូរទស្សន៍ NHK ថា ក្រុមហ៊ុន MSD កំពុងពិភាក្សាជាមួយនិយតករជប៉ុនដើម្បីអនុម័តប្រើប្រាស់ថ្នាំ Molnupiravir ។

លោក Tattle បាននិយាយថា បើសិនថ្នាំលេបតាមមាត់ត្រូវបានអនុម័តមែននោះ ក្រុមហ៊ុននឹងចុះហត្ថលេខាជាមួយរដ្ឋាភិបាលដើម្បីផ្គត់ផ្គង់ចំនួនទឹកប្រាក់ដែលត្រូវការ ។

ចំណែកលោក Shirasawa និយាយថា ក្រុមហ៊ុន MSD មានគម្រោងរៀបចំប្រព័ន្ធចែកចាយថ្នាំគ្រាប់កូវីដ មុនរលកឆ្លងទី ៦ ដែលរំពឹងទុក ។ ក្រុមហ៊ុនសង្ឃឹមថា ថ្នាំនេះអាចចេញវេជ្ជបញ្ជាព្យាបាលក្នុងប្រទេស ដូចជំងឺផ្តាសាយតាមរដូវ ។

ប្រជាជនបានរង់ចាំការវិវត្តនៃថ្នាំលេបតាមមាត់ដែលអាចយកមកប្រើនៅផ្ទះបាន ក្រោយក្រុមហ៊ុន Merck និយាយថា ខ្លួនបានត្រៀមខ្លួនរួចជាស្រេចដើម្បីផ្គត់ផ្គង់ថ្នាំគ្រប់គ្រាន់ដល់មនុស្ស ១០ លាននាក់នៅជុំវិញពិភពលោកនៅចុងឆ្នាំនេះ ហើយនៅឆ្នាំក្រោយ ក្រុមហ៊ុននេះរំពឹងថា នឹងពង្រីកផលិតកម្មដើម្បីផ្គត់ផ្គង់ឲ្យបានគ្រប់គ្រាន់សម្រាប់ប្រជាជន ២០ លាននាក់ ។

ទន្ទឹមនោះក្រុមហ៊ុន Merck បានប្រកាសកាលពីថ្ងៃសុក្រសប្តាហ៍មុនថា ថ្នាំ Molnupiravir បានបង្ហាញពីប្រសិទ្ធភាពកាត់បន្ថយហានិភ័យនៃការចូលសម្រាកព្យាបាលនៅមន្ទីរពេទ្យ និងការស្លាប់ដោយសារជំងឺកូវីដ ១៩ បាន ៥០ ភាគរយ នៅក្នុងការសាកល្បងព្យាបាលដំណាក់កាលចុងក្រោយ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ថ្នាំកូវីដលេបមួយថ្ងៃមួយគ្រាប់របស់ ជប៉ុន ចាប់ផ្ដើមផលិត និងផ្គត់ផ្គង់លើទីផ្សារនៅចុងឆ្នាំនេះ

The post ជប៉ុន អាចជាប្រទេសអាស៊ីដំបូងគេ ប្រើថ្នាំគ្រាប់កម្ចាត់កូវីដនៅចុងឆ្នាំនេះ appeared first on Kampuchea Thmey Daily.

យោងតាមក្រុមអ្នកជំនាញបានប្រាប់ CNN ថា ការព្យាបាលដោយប្រើថ្នាំគ្រាប់ ប្រឆាំងវីរុសគឺមានសក្តានុពលក្នុងការព្យាបាលរោគសញ្ញាកូវីដ និងកាត់បន្ថយការរីករាលដាលក្នុងពេលតែមួយ។

ថ្នាំគ្រាប់នេះ គឺស្រដៀងនឹងថ្នាំ Tamiflu ដែលជារឿយៗ ត្រូវបានប្រើប្រាស់ដើម្បីព្យាបាលភាពធ្ងន់ធ្ងរនៃរោគសញ្ញា ជំងឺផ្តាសាយ។

លោកស្រីវេជ្ជបណ្ឌិត Elizabeth Duke សហការីនៅមជ្ឈមណ្ឌលស្រាវជ្រាវ Fred Hutch ដែលត្រួតពិនិត្យការធ្វើតេស្តថ្នាំគ្រាប់កូវីដ-១៩ បាននិយាយថា វាពិបាកណាស់ក្នុងការប្រមូលមនុស្ស ឲ្យមកសាកល្បងព្រោះ អ្នកចូលរួមត្រូវតែមិនចាក់វ៉ាក់សាំង។

ទោះបីជាយ៉ាងណាក៏ដោយ លោកស្រី Duke បានប្រាប់ CNN ថា លោកស្រីមើលឃើញពីសក្តានុពលនៃសមត្ថភាពថ្នាំគ្រាប់ ដើម្បីធ្វើឲ្យជីវិតធម្មតាឡើងវិញ។

លោកស្រី Duke ដែលកំពុងត្រួតពិនិត្យការសាកល្បង បាននិយាយថា “សូមគិតអំពីរឿងនោះ។ អ្នកអាចផ្តល់វាដល់អ្នករាល់គ្នានៅក្នុងគ្រួសារ ឬអ្នករាល់គ្នានៅក្នុងសាលារៀន។ បន្ទាប់មក យើងនិយាយអំពីការវិលត្រឡប់ទៅរកជីវិតធម្មតាវិញ” ។

ក្រុមហ៊ុនជាច្រើនបានព្យាយាមផលិតថ្នាំកូវីដទាំងនេះ។ ជាឧទាហរណ៍ ក្រុមហ៊ុន Pfizer បានចាប់ផ្តើមផលិតថ្នាំមួយក្នុងចំណោមថ្នាំទាំងនោះ។

ដូចគ្នានេះដែរ ក្រុមហ៊ុន Oravax បានប្រកាសកាលពីដើមឆ្នាំនេះថា ខ្លួនកំពុងព្យាយាមផលិតថ្នាំបង្ការជំងឺកូវីដ-១៩។ ជាការពិត ការសិក្សានៅតែបន្តសម្រាប់ថ្នាំគ្រាប់បែបនេះ៕

ប្រែសម្រួល៖ Vann Vann

ប្រភព៖ Deseret

ចុចអាន៖ ក្រុមហ៊ុនវ៉ាក់សាំង BioNTech ថា ពិភពលោកកុំភ័យខ្លាចរស់នៅជាមួយ កូវីដ វានឹងអាចគ្រប់គ្រងបាន

The post ពេលនេះ អ្នកជំនាញ ដាក់ក្តីសង្ឃឹមខ្លាំងបំផុត លើថ្នាំគ្រាប់ ព្យាបាលកូវីដ appeared first on Kampuchea Thmey Daily.