ព័ត៌មានអន្ដរជាតិ

Merck បានស្នើសុំ FDA ដើម្បីអនុញ្ញាតប្រើថ្នាំគ្រាប់ព្យាបាលកូវីដបន្ទាន់ហើយ

បានផុស

៥ years មុន

នៅ

ថ្ងៃអង្គារ ១២ តុលា ២០២១

ដោយ

កាលពីថ្ងៃចន្ទម្សិលមិញ ក្រុមហ៊ុនផលិតឱសថ Merck & Co Inc បាននិយាយថា ខ្លួនបានដាក់ពាក្យស្នើសុំការអនុញ្ញាប្រើប្រាស់បន្ទាន់ហើយទៅរដ្ឋបាលចំណីអាហារ និងឱសថ (FDA)សហរដ្ឋអាមេរិកសម្រាប់ថ្នាំគ្រាប់ព្យាបាលអ្នកជំងឺកូវីដ-១៩កម្រិតស្រាលទៅមធ្យម។

ថ្នាំលេបព្យាបាល Molnupiravir ត្រូវបានផលិតជាមួយក្រុមហ៊ុន Ridgeback Biotherapeutics នៅម៉ៃអាមី សហរដ្ឋអាមេរិក។ ប្រសិនបើទទួលបានការអនុញ្ញាតប្រើប្រាស់បន្ទាន់ នោះវានឹងក្លាយជាថ្នាំលេបលើកដំបូងបង្អស់ប្រឆាំងនឹងវីរុសកូវីដ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យពីការធ្វើតេស្តកាលពីសប្តាហ៍មុនបង្ហាញថា ថ្នាំ Molnupiravir អាចកាត់បន្ថយឱកាសនៃការស្លាប់ ឬចូលមន្ទីរពេទ្យសម្រាប់អ្នកដែលមានហានិភ័យខ្ពស់បំផុតដែលបានឆ្លងជំងឺកូវីដ-១៩។

ថ្នាំគ្រាប់ Molnupiravir នេះអាចប្រើនៅផ្ទះដែលត្រូវលេប៤គ្រាប់ពោលគឺពីរដងក្នុងមួយថ្ងៃ ហើយលេបរយៈពេល៥ថ្ងៃសរុប៤០គ្រាប់។

Merck បាននិយាយថា ខ្លួនបានកំពុងស្វែងការអនុញ្ញាតប្រើប្រាស់ថ្នាំគ្រាប់នេះជាបន្ទាន់ដែលនឹងផ្តល់ដល់មនុស្សធំដែលមានហានិភ័យខ្ពស់ដែលការសាកល្បងត្រូវបានធ្វើភាគច្រើនបំផុតលើមនុស្សអាយុ៦០ឆ្នាំ និងក្មេងជាងនេះដែលមានជំងឺធាត់ ជំងឺទឹកនោមផ្អែម ឬជំងឺបេះដូង។

ក្រុមហ៊ុន Merck ត្រូវបានគេរំពឹងថា នឹងផលិតថ្នាំរបស់ខ្លួនឲ្យបានគ្រប់គ្រាន់សម្រាប់មនុស្ស១០លាននាក់នាបំណាច់ថ្នាំនេះ។ រដ្ឋាភិបាលបានប្រញាប់បិទការផ្គត់ផ្គង់ ចាប់តាំងពីលទ្ធផលសាកល្បងល្អខ្លាំងដែលត្រូវបានបញ្ចេញនៅខែនេះ ហើយប្រទេសអូស្ត្រាលី ម៉ាឡេស៊ី សិង្ហបុរី និងកូរ៉េខាងត្បូងជាដើម្បីបានចុះកិច្ចព្រមព្រៀងទិញរួចទៅហើយ។