ក្រុមហ៊ុនវ៉ាក់សាំង BioNTech ថា ពិភពលោកកុំភ័យខ្លាចរស់នៅជាមួយ កូវីដ វានឹងអាចគ្រប់គ្រងបាន
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ក្រុមហ៊ុនវ៉ាក់សាំង BioNTech ថា ពិភពលោកកុំភ័យខ្លាចរស់នៅជាមួយ កូវីដ វានឹងអាចគ្រប់គ្រងបាន

បានផុស

នៅ

សហស្ថាបនិកនៃក្រុមហ៊ុនឱសថអាល្លឺម៉ង់ BioNTech បាននិយាយកាលពីថ្ងៃព្រហស្បតិ៍ថា ពិភពលោកមិនគួររស់នៅដោយភ័យខ្លាចជំងឺកូវីដ ១៩ ព្រោះវានឹងបន្តកើតមានរយៈពេលជាច្រើនឆ្នាំទៀត ប៉ុន្តែវាអាចគ្រប់គ្រងបាន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Ozlem Tureci បាននិយាយនៅលើស្ថានីយទូរទស្សន៍ CNBC ថា “ជំងឺកូវីដ ១៩ នឹងអាចគ្រប់គ្រងបាន ។ យើងនឹងត្រលប់ទៅរកភាពប្រក្រតីថ្មីវិញ បើទោះវីរុសនេះនឹងអមដំណើរយើងជាច្រើនឆ្នាំទៀតក៏ដោយ” ។

ដោយឡែកពាក់ព័ន្ធនឹងការអត្ថាធិប្បាយចំពោះការព្រួយបារម្ភអំពីវីរុសបំប្លែងខ្លួនថ្មី លោកស្រី Tureci បាននិយាយថា “ក្រុមហ៊ុន BioNTech បានវាយតម្លៃជាបន្តបន្ទាប់រួចហើយនូវវីរុសបំប្លែងខ្លួន ដែលនឹងមកដល់ ហើយវានឹងមានច្រើនទៀត ប៉ុន្តែសូមកុំភ័យខ្លាច” ។

លោកស្រី Ozlem Tureci

លោកស្រីបានអត្ថាធិប្បាយថា “ចំពោះវីរុសបំប្លែងខ្លួនទាំងអស់ដែលកំពុងចរាចរនាពេលបច្ចុប្បន្ននេះ វាមិនធ្ងន់ធ្ងរនោះទេ និងអាចការពារបាន ហើយយើងប្រហែលជាត្រូវចាក់វ៉ាក់សាំងដូសជំរុញ” ។

លោកស្រីបានកត់សម្គាល់ថា “ទោះយ៉ាងណា យើងត្រូវតែបន្តតាមដាន ព្រោះអាចមានវីរុសបំប្លែងខ្លួនដែលនឹងមកដល់នាពេលខាងមុខនេះ ប៉ុន្តែមិនមែនជាករណីថ្មីនោះទេ ។ យើងត្រូវការទិន្នន័យបន្ថែមដើម្បីជួយពួកគេរកវិធីចេញពីការផ្ទុះឡើងនៃវីរុស ប៉ុន្តែការចាក់វ៉ាក់សាំងដូសជំរុញជាបន្តបន្ទាប់អាចត្រូវបានធ្វើឡើងរៀងរាល់ ១២ ឬ ១៨ ខែម្តង” ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ មេក្រុមហ៊ុនវ៉ាក់សាំងមួយទៀតអះអាងថា កូវីដនឹងចប់នៅឆ្នាំក្រោយ តែត្រូវចាក់ដូសជំរុញ រាល់ឆ្នាំ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services