ថ្មទូរសព្ទ Archives - Kampuchea Thmey Daily

មូលហេតុទូរស័ព្ទឆាប់ក្ដៅ និងវិធីបង្ការទុកមុន ចៀសវាងគ្រោះថ្នាក់ដល់ជីវិត

សាង ស្រីល័ក្ខ — Mon, 30 May 2022 01:59:18 +0000

ធ្លាប់តែឃើញគេបង្ហោះរូប និងវីដេអូផ្ទុះទូរស័ព្ទតាមបណ្ដាញសង្គម ដែលបង្កគ្រោះថ្នាក់ដល់អ្នកនៅជិត ឬកំពុងកាន់ប្រើជាពិសេសគឺកើតឡើងពេលកំពុងសាកថ្ម។

ទន្ទឹមនោះដែរដើម្បីចៀសវាងបញ្ហានេះ កម្ពុជាថ្មីនឹងប្រាប់ពីមូលហេតុដែលធ្វើឲ្យទូរស័ព្ទឆាប់ក្ដៅ និងវិធីការពារជូនប្រិយមិត្តអ្នកអាននៅខាងក្រោមនេះ។

មូលហេតុដែលធ្វើឲ្យទូរស័ព្ទឆាប់ផ្ទុះ

-ទូរស័ព្ទក្ដៅខ្លាំង

-បញ្ចូលថ្មយូរពេក

-បញ្ចូលថ្មពេលកំពុងក្ដៅ

-ថ្មមិនល្អ

-ប្រើឆ្នាំងសាកឆ្លាស់ផ្ដេសផ្ដាស

-ប្រើទូរស័ព្ទអស់ថ្មច្រើនដង។

វិធីបង្ការកុំឲ្យផ្ទុះ

-ទូរស័ព្ទតែងផ្ដល់សញ្ញារំលឹកពេលដែលវាក្ដៅពេក

-កុំធ្វើឲ្យធ្លាក់ច្រើនដងពេក

-មិនទុកទូរស័ព្ទហាលថ្ងៃ

-មិនសាកទូរស័ព្ទយូរពេក

-កុំចេះតែប្រើឆ្នាំងសាកដែលមិនមែនជារបស់ខ្លួនឯង។

ការពិតទៅមិនមែនឲ្យតែទូរស័ព្ទថ្លៃ វាមិនផ្ទុះនោះទេ នេះក៏អាស្រ័យទៅលើអ្នកប្រើប្រាស់និងការថែទាំទៅវិញទេ ណាមួយអ្នកមិនក៏មិនគួរប្រើទូរស័ព្ទអន់ពេកដែរ ព្រោះថាទូរស័ព្ទតម្លៃទាប គុណភាពក៏ទាបតាមតម្លៃដែរ។ ជាការរំលឹក សូមកុំសាកទូរស័ព្ទនៅលើពូក ឬកន្លែងដែលអ្នកសម្រាន្តឲ្យសោះ វាអាចបណ្ដាលឲ្យមានគ្រោះថ្នាក់ដល់ជីវិតដោយការឆក់ និងផ្ទុះជាដើម៕

អត្ថបទ៖ វារី

ចុចអាន៖អាណាព្យាបាលយល់ដូចម្ដេច ចំពោះការប្រើប្រាស់ទូរសព្ទរបស់កូនបច្ចុប្បន្ន?

ចុចអាន៖ស្គាល់ក្រដាសអនាម័យ ៥ ប្រភេទនេះឲ្យច្បាស់ ងាយស្រួលប្រើឲ្យចំគោលដៅ

The post មូលហេតុទូរស័ព្ទឆាប់ក្ដៅ និងវិធីបង្ការទុកមុន ចៀសវាងគ្រោះថ្នាក់ដល់ជីវិត appeared first on Kampuchea Thmey Daily.

៦ វិធី ជួយសន្សំថាមពលថ្មទូរសព្ទប្រតិបត្តិការ Android បានផលពិតៗ

Sonya — Wed, 02 Feb 2022 10:49:29 +0000

ស្មាតហ្វូននាពេលបច្ចុប្បន្ន បានបន្ថែមនូវមុខងារស្វ័យប្រវត្តិជាច្រើនដែលបង្កភាពងាយស្រួលដល់អ្នកប្រើប្រាស់ កាន់តែមានភាពទំនើបឡើងៗ។ ទន្ទឹមគ្នាផងដែរ ដោយសារមុខងារងាយៗដូចជា អេក្រង់ធំ កាមេរ៉ាល្អ រូបភាពភ្លឺច្បាស់ជាដើម បែរជាបណ្ដាលឱ្យថ្មទូរសព្ទស៊ីថាមពលភ្លើងខ្លាំង នាំឱ្យទូរសព្ទឆាប់អស់ថ្មទៅវិញ។

ទោះយ៉ាងណា អត្ថបទនេះនឹងបង្ហាញវិធីមួយចំនួន ដើម្បីដោះស្រាយបញ្ហាទាក់ទិនដែលថ្មីទូរសព្ទឆាប់អស់ ជាពិសេសអ្នកប្រើទូរសព្ទទំនើប ប្រតិបត្តិការ Android នឹងជួយឱ្យទូរសព្ទរបស់អ្នកប្រើបានយូរជាងរាល់ថ្ងៃ។

១. ប្រើ Background ពណ៌ខ្មៅ

ជ្រើសរើសប្រើផ្ទាំងរូបភាពពណ៌ខ្មៅទាំងស្រុង អាចជួយឱ្យថ្មកាន់បានយូរ ឬអាចជ្រើសរើសផ្ទៃខាងក្រោយងងឹតៗក៏បាន។ ដោយសារតែការប្រើប្រាស់ខ្មៅ ឬពណ៌ងងឹត ធ្វើឱ្យទូរសព្ទស៊ីថាមពលតិចជាងរូបភាពចម្រុះពណ៌ ឬអេក្រង់ដែលភ្លឺខ្លាំង។

២. បិទ Google Hotwords

គួរបិទ Google Hotwords ទើបអាចសន្សំថាមពលថ្មបានមួយផ្នែក។ សូមចូលទៅកាន់ការកំណត់ Google ហើយជ្រើសរើសសំឡេង បន្ទាប់មកជ្រើសរើស OK Google detection ដែលការកំណត់បែបនេះជាជម្រើសដ៏ល្អសម្រាប់សន្សំថ្ម។

៣. Update ទូរសព្ទជាប្រចាំ

ត្រូវធ្វើបច្ចុប្បន្នភាព (Update) កម្មវិធីជានិច្ច ពីព្រោះកម្មវិធីត្រូវបានអភិវឌ្ឍ ឬកែលម្អមិនឈប់ឈរឡើយ។ ជាទូទៅ ការ Update គេកែកុនមុខងារឱ្យប្រសើរជាងមុន រួមទាំងផ្នែកអង្គចងចាំ (Memory) ផងដែរ។ ការធ្វើបច្ចុប្បន្នភាពជាទៀងទាត់ អាចធានាថាកម្មវិធីទូរសព្ទ ក៏ដូចជាថ្មរបស់វា បានធ្វើកំណែលម្អល្អបំផុតហើយ។

៤. កុំកំណត់កម្មវិធីប្រើដោយស្វ័យប្រវត្តិ

ចង់ឱ្យថ្មកាន់ភ្លើងបានយូរ កុំកំណត់កម្មវិធីស្វ័យប្រវត្តិណាមួយឱ្យសោះ ជាពិសេសការប្រើប្រាស់ពន្លឺស្វ័យប្រវត្តិ ព្រោះវាមិនចាំបាច់នោះទេ។ ត្បិតតែពេលខ្លះមានភាពងាយស្រួល ប៉ុន្តែយើងនឹងខាតថាមពលថ្មធំ។ ដូច្នេះបើចង់តំឡើង ឬបន្ថយពន្លឺ គួរធ្វើនៅពេលណាដែលយើងចង់ប្រើប្រាស់។

៥. បិទមុខងារសំឡេងរោទិ៍

លុះត្រាតែ វាជាត្រូវការចាំបាច់ណាស់ សឹមបើកមុខងារសំឡេងរោទិ៍។ ជំនួសមកវិញ ដោយគ្រាន់តែប្រើរំញ័របានហើយ សូម្បីគ្រាប់ចុចវាយអក្សរ ក៏ពុំគួរមានសំឡេងដែរ។ ធ្វើបែបនេះមិនត្រឹមតែជួយសំចៃថ្មនោះទេ វាក៏ជាសុជីវធម៌មួយផងដែរ ប្រសិនបើយើងមានការជួបជុំគ្នា ឬប្រជុំជាដើម។

៦. បិទ Wi-Fi ឬអ៊ីនធឺរណិតរបស់ទូរសព្ទ

មុនគេង ត្រូវបិទ Wi-Fi និងទិន្នន័យអ៊ីនធឺរណិតទូរសព្ទឱ្យអស់សិន ព្រោះពេលគេងមិនចាំបាច់អី ត្រូវបើកទុកចោលនោះទេ។ ក្រៅពីនោះ ការតភ្ជាប់ GPS ប៊្លូធូស របាយការណ៍អាកាសធាតុ ជាដើម ក៏ត្រូវបិទដែរពេលចូលគេង ដើម្បីសន្សំសំចៃថ្ម ឱ្យនៅបានយូរ៕

ប្រែសម្រួល៖ សន្យា

ចុចអាន៖ ជាងបង្ហើបប្រាប់ជួបញឹកណាស់ ប្រើឆ្នាំងសាកដោតតាមឡាន រត់មករកជាងជួសជុលរាល់ថ្ងៃ

ចុចអាន៖ ឃើញតម្លៃធូរៗ! កុំចេះតែសាកប្រើដុំឆ្នាំងសាកផ្តេសផ្តាស ប្រយ័ត្នខាតទាំងលុយ ចោលទាំងទូរសព្ទ

The post ៦ វិធី ជួយសន្សំថាមពលថ្មទូរសព្ទប្រតិបត្តិការ Android បានផលពិតៗ appeared first on Kampuchea Thmey Daily.

ចេះតិកនិចងាយៗទាំងនេះ ធានាថា ថ្មទូរស័ព្ទមិនងាយខូច ឬប៉ោងផ្ទុះនោះទេ

សាង ស្រីល័ក្ខ — Mon, 13 Dec 2021 02:54:02 +0000

អ្នកប្រើស្មាតហ្វូនក្នុងសម័យនេះ តែងត្រូវការថ្មកាន់បានយូរ និងមិនងាយខូច។ ទោះជាយ៉ាងណា ថ្មមានអាយុកាលកំណត់ ហើយនឹងខូចទៅតាមពេលវេលា។

មានកត្តាជាច្រើន ដែលអាចប៉ះពាល់ដល់អាយុជីវិតរបស់ថ្មទូរស័ព្ទ រួមទាំងទម្លាប់នៃការសាកថ្ម ផងដែរ។ ដើម្បីជួយឲ្យថ្មស្មាតហ្វូនប្រើប្រាស់បានយូរ សូមអនុវត្តនូវគន្លឹះខាងក្រោម៖

១ កុំដំណើរការស្មាតហ្វូន រហូតដល់ថ្មអស់ពីទូរស័ព្ទ

កុំទម្លាប់ប្រើទូរស័ព្ទអស់ថ្មគ្មានសល់មួយកាំ ឬឲ្យទូរស័ព្ទបញ្ចេញថាមពលរហូតដល់ចំណុចក្រហម។ ជាការល្អបំផុតមិនត្រូវឲ្យទូសព្ទរសល់ថ្មទាបជាង ២០ភាគរយ មុនពេលបញ្ចូលថ្ម។ មិនចឹងថ្មមិនងាយកាន់បានយូរ ឬអាចថាឆាប់ខូច ប្រើមិនបានយូរ។

២ ចៀសវាងសាកចោល ដោយទុកទូរសព្ធឲ្យថ្មក្ដៅ ឬក្នុងកម្រិតត្រជាក់ពេក

កម្ដៅ ខ្លាំងនឹងបណ្តាលឲ្យថ្មផ្ទុះ ឬប៉ោង ជាពិសេសអាចកាត់បន្ថយសមត្ថភាពរបស់វា។ ដូច្នេះកុំទុកទូរស័ព្ទដោយសាកពេញ ១០០ភាគរយយូរពេក។ ការសាកថ្មក្រោមសីតុណ្ហភាពត្រជាក់ ក៏មិនមែនជាគំនិតល្អដែរ ព្រោះភាពត្រជាក់អាចបណ្ដាលឲ្យមានការដាក់លោហធាតុ Lithium ប៉ះពាល់ដល់អាយុកាលថ្មដូចគ្នា។

៣ សាកពេញមួយយប់ដោយប្រុងប្រយ័ត្ន

មានការជជែកគ្នាជាច្រើន អំពីបញ្ហានេះ ដោយសារតែការភ័យខ្លាចនៃការផ្ទុកលើសចំណុះ។ ទោះជាយ៉ាងណាក៏ដោយ ស្មាតហ្វូននាពេលបច្ចុប្បន្ននេះ គឺមានភាពឆ្លាតវៃគ្រប់គ្រាន់ ដោយមិនអនុញ្ញាតឲ្យពេញហួសកម្រិតថ្ម ឬផ្ទុះឡើយ។ អ្នកអាចសាកថ្មទូរស័ព្ទរបស់អ្នកពេញមួយយប់ ប៉ុន្តែត្រូវប្រាកដថា កត្តាផ្សេងទៀតនឹងមិនធ្វើឲ្យវាឡើងកម្ដៅ ខ្លាំងនោះទេ។ ឧទាហរណ៍ កុំដាក់ទូរស័ព្ទនៅក្រោមខ្នើយ។

៤ ចៀសវាងការសាកថ្មលឿន

ការសាកថ្មលឿន អាចមានប្រយោជន៍ ប្រសិនបើអ្នកត្រូវការទូរស័ព្ទភ្លាមៗ ប៉ុន្តែកុំធ្វើវាញឹកញាប់។ ដូច្នេះត្រូវយកឆ្នាំងសាក ពេលចេញក្រៅ ឬប្រើ Power bank ដើម្បីទប់ទល់ ជាជាងប្រើឧបករណ៍រហ័ស តែងាយខូច។

៥ ប្រើឆ្នាំងសាកដែលភ្ជាប់មកជាមួយទូរស័ព្ទ ឬរបស់មានការធានា

កុំប្រើឆ្នាំងសាកថោកៗ ព្រោះវាអាចធ្វើឲ្យខូចទូរស័ព្ទ រហូតដល់ឆេះ ឬផ្ទុះក៏មាន។ ខណៈពេលដែលថ្មត្រូវបានគេរំពឹងថានឹងកាន់តែយ៉ាប់យ៉ឺនតាមពេលវេលា ទម្លាប់នៃការសាកថ្មដ៏ល្អ អាចជួយឲ្យអាយុកាលរបស់ថ្មមានអតិបរមា៕

ប្រែសម្រួល៖ សាង ស្រីល័ក្ខ

ចុចអាន៖តិចនិកតូចៗ ៥ យ៉ាងជួយឱ្យសាកថ្មទូរសព្ទបានរហ័សនិងសុវត្ថិភាព

The post ចេះតិកនិចងាយៗទាំងនេះ ធានាថា ថ្មទូរស័ព្ទមិនងាយខូច ឬប៉ោងផ្ទុះនោះទេ appeared first on Kampuchea Thmey Daily.

បញ្ឈប់ទម្លាប់មិនល្អ ៣ យ៉ាងនេះ ថ្មទូរសព្ទនឹងប្រើបានយូរ

Sonya — Fri, 16 Jul 2021 08:48:28 +0000

ការប្រើប្រាស់ថ្មទូរសព្ទឲ្យជាប់បានយូរ ត្រូវតែមានការប្រុងប្រយ័ត្ន និងស្វែងយល់គន្លឹះមួយចំនួន។ ថ្មឆាប់ខូច គ្មាននរណាសប្បាយចិត្តនោះទេ ក្រៅពីខ្ជះខ្ជាយលុយទិញថ្មីញឹកញាប់ហើយ ម៉ាស៊ីនរបស់វាក៏ងាយខូចដូចគ្នា។

ដូច្នេះត្រូវបញ្ឈប់ទម្លាប់ ៣ នេះជាបន្ទាន់!

១. ឈប់បើកម៉ាស៊ីន២៤ម៉ោង

ម៉ាស៊ីនទូរសព្ទមិនចេះតែបើកប្រើ ២៤ ម៉ោងលើ ២៤ ម៉ោងនោះទេ។ វាក៏ត្រូវការសម្រាកដូចតែរាងកាយមនុស្សអ៊ីចឹង។ ហេតុនេះ ដើម្បីឲ្យថាមពលថ្មនៅតែខ្លាំងមិនងាយខូច ព្រមទាំងជួយឱ្យម៉ាស៊ីនដំណើរការល្អ គួរឧស្សាហ៍បិទជាប្រចាំ យ៉ាងហោចក៏មួយម៉ោងក្នុងមួយថ្ងៃដែរ។

២. ឈប់ប្រើខ្សែដាច់

ខ្សែសាកថ្មខូចឬដាច់ គួរឈប់ប្រើ ហើយក៏ឈប់ព្យាយាមជួសជុលទៀតទៅ។ បន្តប្រើខ្សែបែបនេះ ថាមពលថ្មនឹងឡើងចុះមិនទៀង ជាពិសេសអាចបណ្ដាលឱ្យអគ្គិភ័យឆាបឆេះឧបករណ៍ ឬឆក់បាន។

៣. ឈប់ប្រើឆ្នាំងសាកថោកៗ

ឆ្នាំងសាកថោកៗ មិនត្រឹមតែគ្មានគុណភាពធ្វើឱ្យថ្មឆាប់ខូចប៉ុណ្ណោះទេ សូម្បីម៉ាស៊ីនក៏រងផលប៉ះពាល់ផងដែរ។ គួរហ៊ានចំណាយប្រាក់ទិញរបស់ល្អមកប្រើ ដើម្បីការពារទាំងថ្មនិងម៉ាស៊ីនទូរសព្ទ ហើយអាចប្រើបានយូរទៀត ពោលគឺមួយដឹងមួយ៕

ប្រែសម្រួល៖ សន្យា

ប្រភព៖ Bright Side

ចុចអាន៖ តិចនិកតូចៗ ៥ យ៉ាងជួយឱ្យសាកថ្មទូរសព្ទបានរហ័សនិងសុវត្ថិភាព

ចុចអាន៖ តោះ! ស្វែងយល់អំពីបច្ចេកវិទ្យាសាកថ្មលឿននៅក្នុងទូរសព្ទ iPhone 12

The post បញ្ឈប់ទម្លាប់មិនល្អ ៣ យ៉ាងនេះ ថ្មទូរសព្ទនឹងប្រើបានយូរ appeared first on Kampuchea Thmey Daily.

ថ្មទូរសព្ទ Archives - Kampuchea Thmey Daily

មូលហេតុទូរស័ព្ទឆាប់ក្ដៅ និងវិធីបង្ការទុកមុន ចៀសវាងគ្រោះថ្នាក់ដល់ជីវិត

៦ វិធី ជួយសន្សំថាមពលថ្មទូរសព្ទប្រតិបត្តិការ Android បានផលពិតៗ

ចេះតិកនិចងាយៗទាំងនេះ ធានាថា ថ្មទូរស័ព្ទមិនងាយខូច ឬប៉ោងផ្ទុះនោះទេ

បញ្ឈប់ទម្លាប់​មិនល្អ ៣ យ៉ាងនេះ ​ថ្មទូរសព្ទនឹងប្រើបានយូរ

បញ្ឈប់ទម្លាប់មិនល្អ ៣ យ៉ាងនេះ ថ្មទូរសព្ទនឹងប្រើបានយូរ